Category: سائنس و ٹیکنالوجی

کراچی : اب انٹرنیٹ چلے گا بغیر وائی فائی کے پاس ورڈ کے ، جدید ٹیکنالوجی نے تہلکہ مچا دیا ، انٹر نیٹ کے استعمال کے حوالے سے پہلے ہی ماہرین اور طالبعلم ٹیکنالوجی کی اس دوڑ میں ماہرین لوگوں کو سہولتیں فراہم کرنے کے لیے حیران کن چیزیں ایجاد کررہے ہیں۔

ذرائع کے مطابق حال میں ایک ایسا طر یقہ ایجاد کیا گیا ہے ،جس کے ذریعے آپ اپناپاس ورڈ بتائے بغیر اپنے وائی فائی کا کنکشن دوسروں سے شیئر کرسکتے ہیں۔ اب کیو آر کوڈ کے ذریعے وائی فائی تک رسائی دی جاسکتی ہے۔ وائی فائی پاس ورڈ کو کیو آر کوڈ میں تبدیل کرنے کے لیے ویب سائٹس موجود ہیں جو گوگل پر سرچ کی جاسکتی ہیں۔

ٹیکنالوجی کے ماہرین کے مطابق اس کا طریقہ یہ کہ سب سے پہلے ’’qrstuff.com‘‘ ویب سائٹ پر جائیں اور وائی فائی نیٹ ورک یا وائی فائی لاگ ان کا انتخاب کریں، وائی نیٹ ورک کا نام لکھیں ،پاس ورڈ کا اندراج کریں ،پھر WPA کا انتخاب کریں، بعدازاں کیو آر کوڈ تشکیل دیا جا سکے گا جسے بآسانی ڈائون لوڈ کیا جاسکتا ہے ۔اس طرح آپ کا وائی فائی پاس ورڈ کا کیو آر کوڈ تیار ہے ۔

بیجنگ : ہواوے چھا گیا . ہواوے کی نئی پیشکش سے امریکہ بھی پریشان ، اب جی 5 نہیں بلکہ چلے گا جی 6 . دوسری طرف چینی کمپنی ہواوے کے لیے 5 جی ٹیکنالوجی مشکلات کا باعث بنی کیونکہ امریکا نے اس کی وجہ سے اسے بلیک لسٹ کردیا۔امریکی میڈیا نے یہ رپورٹ کیا ہےکہ امریکی حکومت کو خدشہ ہے کہ ہواوے فائیو جی اور دیگر کمیونیکشن انفراسٹرکچر میں سیکیورٹی خامی پر مبنی بیک ڈور تیار کرسکتی ہے اور یہی وجہ ہے کہ وہ اس کے خلاف اقدامات کررہی ہے۔

یاد رہے کہ ویسے 5جی ٹیکنالوجی ابھی گنتی کے چند ممالک میں ہی چند لاکھ افراد کو دستیاب ہے مگر ہواوے نے اگلی نسل کے موبائل انٹرنیٹ پر بھی کام شروع کردیا ہے۔دی لاجک کی رپورٹ کے مطابق کینیڈا کے شہر اوٹاوا میں ہواوے نے اپنے آر اینڈ ڈی سینٹر میں 6 جی ٹیکنالوجی پر تحقیق شروع کردی ہے۔فی الحال تو یہ آغاز ہے کیونکہ ہواوے کی اپنی جاری کردہ ایک رپورٹ میں بتایا گیا تھا کہ 6 جی ٹیکنالوجی 2030 سے قبل کمرشل بنیادوں پر دستیاب نہیں ہوسکے گی۔

رپورٹ میں بتایا گیا کہ کمپنی 13 یونیورسٹیوں اور تحقیقی اداروں کے ساتھ مل کر 6 جی نیٹ ورک اور ممکنہ اپلیکشنز پر کام کررہی ہے۔واضح رہے کہ چند ماہ پہلے سام سنگ کے حوالے سے رپورٹس سامنے آئی تھی کہ اس نے 6جی ٹیکنالوجی پر کام شروع کیا ہے۔امریکی میڈیا نے یہ بھی بتایا ہےکہ ہواوے اب اپنا تیار کردہ آپریٹنگ سسٹم ہارمونی او ایس متعارف کرایا تھا جو فی الحال اسمارٹ ڈیوائسز جیسے ٹیلیویژن، کار انفوٹینمنٹ سسٹم اور دیگر پر استعمال کیا جائے گا

واشنگٹن : یہ کائنات کتنی وسیح ہے؟سائنسدانوں اپنی تحقیق جاری رکھتے ہوئے اعلان کیا ہے کہ مدار میں‌زمین کی طرح کی ایک اور زمین دریافت کرلی ہے.

ناسا سائنسدانوں نے اس سیارے کی دریافت کا اعلان کرتے ہوئے جو تفصیلات دی ہیں ان کے مطابق ناسا نے زمین جیسا”سپرارتھ” سیارہ دریافت کرلیاگیا۔ناسانےیہ سیارہ زمین سےصرف 31 نوری سال کے فاصلے پرزندگی کے لیے سازگار ماحول والا زمین جیسا سیارہ دریافت کر لیا ہے۔

ناسا کے مطابق اس سیارے پر پانی کی موجودگی کے قوی امکانات پائے جاتے ہیں اور زندگی کے بھی روشن امکانات موجود ہیں۔سائنسدانوں نے کہا ہے کہ ابھی مزید معلومات بھی جمع کررہے ہیں جو بہت جلد شیئر کردیں گے