سان فرانسسکو: دنیا کی مشہور و معروف سمارٹ ٹیکنالوجی بنانے والی کمپنی ایپل نے نئے آنے والے 16 انچ میک پرو سزر میکنزم کے کی بورڈ متعارف کروانے کا اعلان کردیا،
اس طرز پہ بننے والے کی بورڈز کا یہ فائدہ ہو گا کہ اگر کی بورڈ میں سے کوئی کی خراب ہو جائے تو اسے دوبارہ صحیح کیا جا سکے گا ، اور اس سے ایپل صارف کو کی بورڈ کی خرابی پر نیا کی بورڈ خریدنے کی ضرورت نہیں ہو گی،
Category: سائنس و ٹیکنالوجی
-
ایپل کا میک کمپیوٹر میں نئی ٹیکنالوجی متعارف کروانے کا فیصلہ
-
6 سالہ لڑکی نے 80 لاکھ ڈالر کا گھر کیسے خرید لیا ؟
سیول: جنوبی کوریا کی سٹار یوٹیوبر لڑکی بورم نے 8 ملین ڈالر کا گھر خرید لیا، بورم اس وقت دو یوٹیوب چینلز کی مالک ہے ان میں سے ایک پر وہ کھلونوں کو دکھاتی ہے اور دوسرے پر اپنے چھوٹے چھوٹے کام عام عوام سے شیئر کرتی ہے، اور اس کے دونوں چینلز کے کل 30 ملین سبسکرائبرز ہیں جس کی بدولت بورم 8 ملین ڈالر کی رقم کمانے اور صرف 6 سال کی عمر میں 8 ملین ڈالر کا گھر خریدنے کے قابل ہوئی ہے، بورم نے ایک پانچ منزلہ پراپرٹی خریدی جو کہ سیول کے ڈاؤن ٹاؤن میں واقع ہے
تفصیلات کے مطابق جنوبی کوریا کی رئیل اسٹیٹ کمپنی نے تفصیلات جاری کی ہیں کہ بورم کی پرائیویٹ کمپنی جو کہ اس کے والدین نے بنائی ہے پر 8 ملین ڈالر کی ٹرانزیکشن کی گئی اور اس کے نتیجے میں 5 منزلہ پراپرٹی خریدی گئی ہے -
فیصل آباد، پھلوں اور سبزیوں کی جدید ٹیکنالوجی کے ذریعے پیکنگ کا منصوبہ تیار
فیصل آباد (نمائندہ باغی ٹی وی) حکومت پنجاب نے صوبہ بھر میں پھلوں، سبزیوں کی جدید ٹیکنالوجی سے تیاری اورعالمی معیار کے مطابق ان کی پیکنگ کیلئے خصوصی منصوبہ تیار کرلیا ہے جس کیلئے ابتدائی طورپر 4کروڑ 50لاکھ روپے کی رقم بھی جاری کر دی گئی ہے نیز اس منصوبے کو پنجاب فروٹ اینڈ ویجیٹیبل ڈویلپمنٹ کا نام دیا گیاہے۔ پراجیکٹ کے ذرائع نے بتایاکہ اس منصوبہ پر ابتدائی مرحلے میں ساڑھے 4کروڑ روپے کی رقم خرچ کی جائیگی جس کا مقصد کاشتکاروں کو جدید ٹیکنالوجی کے حصول اور استعمال کی ترغیب دینے سمیت انہیں پیشہ وارانہ مہارت اور انفراسٹرکچر فراہم کرناہے۔ انہوں نے بتایاکہ اس منصوبہ کے انتہائی مثبت نتائج حاصل ہونے کا بھی امکان ہے۔
-
پاور سیکٹر سے بڑی خوشخبری …
اسلام آباد: سینٹ کی قائمہ کمیٹی برائے انرجی کو پاور ڈویژن کے سیکرٹری عرفان علی نے بریفنگ دیتے ہوئے کہا ہے کہ پاکستان کی بجلی کی ٹرانسمیشن اور تقسیم اگلے سال تک 26000 میگا واٹ تک پہنچ جائے گی جو کہ ملکی تاریخ میں رکارڈ سطح کی پاور سپلائی ہوگی،
تفصیلات کیمطابق پاور ڈویژن کے سیکرٹری نے کہا کہ اس سال بجلی کی طلب 23000 میگا واٹ تھی اور ترسیل و تقسیم 21000 میگا واٹ تک رہے گی اس کے مقابلے میں پچھلے سال بجلی کی ٹرانسمیشن کی صلاحیت 19000 میگا واٹ تھی جو کہ طلب سے 4000 میگا واٹ کم تھی
سینٹ کی قائمہ کمیٹی برائے انرجی کے اجلاس کی صدارت سینیٹر فدا محمد نے کی اور انہوں سیکٹری پاور ڈویژن سے ملک میں بجلی کی کل پیداوار، طلب و رسد اور تقسیم و ترسیل پر بریفنگ مانگی جس پر سیکرٹری پاور ڈویژن عرفان نے بریفنگ دی
اجلاس میں غیر اعلانیہ لوڈشیڈنگ اور اوور بلنگ جیسے موضوعات کو بھی زیر بحث لایا گیا -
گوگل اور فیس بک incognito mode پر بھی آپ کی جاسوسی کرتے ہیں.اسپیشل رپورٹ
انٹر نیٹ پر آپ کیا دیکھ رہے ہیں گوگل اور فیس بک incognito mode پر بھی آپ کی جاسوسی کررہے ہوتےہیں.
باغی ٹی وی رپورٹ : یونیورسٹی آف پین سلوانیا کی تازہ ترین سٹدی سے یہ بات سامنے آئی ہے کہ گل اور فیس بک آپ کے برؤزر سے آپ کا تمام ڈیٹا آسانی سے جان سکتا ہے. یہ جاسوسی ٹیک جینٹس کرتےہیں جو آپ پر ہر وقت نظر رکھے ہوئے ہوتے ہیں.یہ جاسوسی تب بھی ہوتی ہے
جب آپ incognito mode پر بھی براؤزر استعمال کر ہےہوتے ہیں. خصوصا جب فحش سائٹس وزٹ کی جاتی ہیں تب گوگل فیس بک اور oracle( پوشیدہ ) بھی آپ کی ٹریفک پر گہری نظر رکھے ہوئے ہوتے ہیں. اس سلسلے میں اگر یہ یہ خوف ہے کہ کہیں کوئی ٹروجن یا وائرس آپ کے سسٹم کو متاثر کر سکتے ہیں تو ایک فکر مندی یہ بھی ہو کہ "کیمرے کی آنکھ دیکھ رہی ہے” کے مصداق ٹیک جینٹس اور اوریکل فیس بک بھی آپ کی پرائویسی میں حائل ہو سکتےہیں.
-
Huawei کے بعد OPPO موبائل کمپنی نے بھی پاکستان میں پلانٹ لگانے کا اظہار کر دیا
چین کی اسمارٹ فونز بنانے والی بڑی کمپنی اوپو موبائلز نے پاکستان میں پلانٹ لگانے کے حوالے سے گہری دلچسپی کا اظہار کر دیا ہے۔
اس ضمن میں کمپنی کے سی ای او جارج لونگ نے خیبر پختونخوا حکومت کے وزیر خزانہ تیمور سلیم جھگڑا سے ملاقات کی اور انہیں کے پی کے میں اوپو موبائلز کا پلانٹ لگانے کے حوالے سے اپنے ارادے سے آگاہ کیا۔
او پو موبائلز کے سی ای او کا کہنا تھا کہ موبائل فونز کی پاکستان میں پیداوار سے نہ صرف صارفین کو اچھی نوعیت کے اسمارٹ فون دستیاب ہوں گے جبکہ چار ہزار لوگوں کو روزگار بھی حاصل ہو گا۔
یو اے ای کا کراچی میں ایشیاء کا سب سے بڑا ویزہ سینٹر کھولنے کا اعلان
اس موقع پر صوبائی وزیر خزانہ تیمور جھگڑا نے ملک میں اوپو کی جانب سے سرمایہ کاری کرنے کی سوچ کو سراہا اور انہیں حکومت کی جانب سے مکمل تعاون کی یقین دہانی کرائی۔خیال رہے کہ اس سے قبل ہواوے نے بھی پاکستان میں تقریباً 100 ملین ڈالرز کی سرمایہ کاری کرنے کا اعلان کیا ہے۔
اس حوالے سے وفاقی وزیر برائے منصوبہ بندی وترقی مخدوم خسرو بختیار نے بتایا ہے کہ ہواوے ( Huawei ) پاکستان کے آئی ٹی سیکٹر کی ترقی میں تعاون کر سکتی ہےاور یہ کمپنی اسلام اباد میں 55 ملین ڈالرز کی لاگت سے علاقائی ہیڈ کوارٹر قائم کرے گی۔
-
چین میںمچھر فیکٹری قائم ،چینی سائنسدان نے جینیاتی تجربے کے ذریعے خطرناک مچھر کی نسل ہی ختم کردی
بیجنگ:چین نے مچھروں کے خلاف آپشریشن شروع کردیا .اطلاعات کے مطابق چین میں دنیا کے خطرناک اور حملہ آور مچھروں کی نسل میں سے ایک کو انتہائی کامیابی سے ختم کردیا گیا۔یہ تجربہ صوبے گوانگ ڈونگ کے دوجزائر پر کیا گیا ہے جس کی زیادہ تفصیلات نہیں دی گئیں۔ اس کاوش میں ایشیائی ٹائیگر مچھر کی 94 فیصد ماداؤں کو ختم کیا گیا ہے اور انسانوں کے کاٹنے کی شرح میں 97 فیصد کمی واقع ہوئی ہے۔
مچھروں کی خطرناک اقسام کو ختم کرنے کے لیے کچھ عرصہ پہلے برطانیہ میں امپیریل کالج لندن کے سائنس دانوں نے بھی ایسے ہی کچھ تجربات کیے تھے۔ بہت بڑی تعداد میں مادہ مچھروں کو بے ضرر بنا کر چھوڑ دیا گیا تھا اور اس جینیاتی تبدیلی کو نرمچھروں نے آگے بڑھایا اور یوں ایسے مچھر پیدا ہوئے جو مرض پھیلانے کے کسی قابل نہ رہے۔
چینی میڈیا کے مطابق چینی تحقیق میں شامل پروفیسر شائی زائی یونگ نے جنوبی چین میں ایک مچھر فیکٹری قائم کی ہے۔ اس سے قبل وہ نر مچھروں میں ایسی تبدیلیاں پیدا کرنے کا کامیاب مظاہرہ کرچکے ہیں جو مادہ سے ملاپ کرتے ہیں اور اس سے بے ضرر مچھر جنم لیتے ہیں۔
چینی میڈیا نے پروفیسر شائی زائی یونگ کے حوالے سے دعویٰ کیا ہے کہ اس طرح وہ برے مچھروں سے لڑنے والے اچھے مچھر پیدا کرنے میں کامیابیاں حاصل کرچکے تھے تاہم اب نئی تحقیق کے مطابق انہوں نے مادہ اور نر مچھروں میں نسل خیزی کو اتنا سست کیا ہے کہ ان کی تعداد کم ہوکر تیزی سے ختم ہوجاتی ہے۔
چینی پروفیسرہے کہ اس نے مادہ مچھروں کو اشعاع (ریڈی ایشن) کے ذریعے بانجھ بنایا گیا اور نر مچھروں میں وولباخیا بیکٹیریا متعارف کرایا گیا پھر ان کی بڑی تعداد کو نسل خیزی کے موسم میں دو جزائر میں چھوڑ دیا گیا۔
چینی سائنسی ماہرین نے بھی اس کامیابی کی تصدیق کرتے ہوئے کہا ہےکہ یہ تجربہ اتنا کامیاب رہا کہ دونوں جزیروں پر مادہ مچھروں کی تعداد نہ ہونے کے برابر رہ گئی۔ بین الاقوامی ماہرین نے اس تجربے پر خوشی اور اطمینان کا اظہارکیا ہے۔ اس کی وجہ یہ ہے کہ ایشیائی ٹائیگر مچھروں کو ختم کرنا بہت مشکل ہوتا ہے اور وہ بہت تیزی سے اپنی تعداد بڑھاتے ہیں
-
3 سال میں 30 ممالک کا سائیکل پر دورہ کرنے والا ہالینڈ کا وائبی واکر کارنامہ
ہالینڈ: بجلی سے والی کار بھی اب مارکیٹ میں آگئی ہے، ہالینڈ کے وائبی واکر نے تین سال میں الیکٹرک کار پر30ممالک کا سفرکیا۔الیکٹرک کار پردنیا کا سب سے لمبا چکر مکمل ہوگیا،
وائبی واکر نے اس دوران 62ہزار800میل کا سفر طے کیا، وائبی واکر نے 2016 میں ہالینڈ سے سفرکا آغاز کیا اور19جولائی 2019 کو نیوزی لینڈ میں اس کا اختتام کیا ہے۔واضح رہےہالینڈ کے وائبی واکر کا الیکٹرک کارپر یہ سب سے لمبا سفر ایک عالمی ریکارڈ بھی ہے۔
-
ٹیکنالوجی کی دنیا میںایک اور انقلاب، چھوئے بغیر محض دماغ سے کمپیوٹر کنٹرول کرنا جلد ممکن ہوگا
نیو یارک:انسان ترقی کی تمام حدیں پا رکرکے انسانی دماغ کو کنڑول کرنے کا سوچنے لگا .بہت جلد انسان ہاتھ سے چھوئے بغیر دماغ سے کمپیوٹر کو استعمال کرسکیں گے اور جانوروں پر یہ تجربات کامیاب ثابت ہوئے ہیں۔یہ بات ٹیسلا اور اسپیس ایکس جیسی کمپنیوں کے بانی ایلون مسک نے بتائی۔
کمپنی نیورلنک انسان دماغ اور کمپیوٹر کو براہ راست منسل کرنے کی کوشش کررہی ہے اور اس ٹیکنالوجی کی انسانوں پر آزمائش 2020 میں شروع کردی جائے گی۔انہوں نے کہا کہ کمپنی کے سائنسدانوں کی جانب سے جلد مزید تحقیقی نتائج کو جاری کیا جائے گا۔
بانی ایلون مسک کا کہنا ہے کہ اس کمپنی کے قیام کا مقصد دماغی اور ریڑھ کی ہڈی کی انجری یا پیدائشی نقائض کے شکار افراد کی مدد کی جاسکے اور اس ٹیکنالوجی سے چلنے پھرنے یا فہم سے محروم افراد کا علاج ممکن ہوسکے۔
بانی ایلون مسک نے مزید کہا کہ طویل المعیاد بنیادوں پر اس ٹیکنالوجی کا مقصد ڈیجیٹل سپرانٹیلی جنس لیئر کو تشکیل دینا ہے، یعنی انسانوں کو مصنوعی ذہانت سے منسلک کردیا جائے، حیران کن طور پر ایلون مسک آرٹی فیشل انٹیلی جنس کو ماضی میں انسانیت کے لیے خطرہ قرار دے چکے ہیں۔
ایلون مسک کے مطابق ‘ہم یقیناً مکمل دماغی مشین انٹرفیس بنانے کی کوشش کریں گے اور اس ٹیکنالوجی کی بدولت لوگ محض سوچ کر ایک منٹ میں 40 الفاظ ٹائپ کرسکیں گے’۔
اس کمپنی نے رواں سال کے شروع میں سلائی مشین جیسی ٹیکنالوجی کو استعمال کرکے جانوروں کے دماغوں میں ڈرل سے چھوٹے سوراخ کیے اور الیکٹروڈ کو داخل کیا۔
ایلون مسک کا کہنا تھا ‘ہمیں توقع ہے کہ رواں سال کے آخر تک ایک انسانی مریض پر اس کا تجربہ ممکن ہوسکے گا’۔
-
چینی کمپنی شیاؤمی نے تہلکہ مچا دیا ، زبردست فون :Mi A3 متعارف کروا دیا ،کیا خوبیاں ہوں گی اس میں ، اسے پڑھنا نہ بھولیے
بیجنگ :شیاومی نے انڈرائیڈ فون کی دنیا میں بہت زیادہ خوبیاں رکھنے والا فون متعارف کروا کر ہلچل مچا دی،پاکستانیوں کو 45 ہزار روپے میںملے گا .چینی کمپنی شیاﺅمی نے اپنی اینڈرائیڈ ون اسمارٹ فون سیریز کا نیا فون می اے 3 متعارف کرا دیا ہے۔یہ فون 2 ورژن میں دستیاب ہوگا، ایک ورژن میں 6 جی بی ریم، 64 جی بی اسٹوریج جبکہ دوسرے میں 6 جی بی ریم اور 128 جی بی اسٹوریج دی گئی ہے، اسٹوریج بڑھانے کیلئے مائیکرو ایس ڈی کارڈ سپورٹ بھی فون میں موجود ہے۔
اس موئل میں 6.1 انچ کے او ایل ای ڈی اسکرین والے فون میں واٹر ڈراپ نوچ دیا گیا ہے، جبکہ 720p ریزولوشن دی گئی ہے۔ حالانکہ گزشتہ سال می اے 2 میں 1080p ریزولوشن دیا گیا تھا۔فون میں اسنیپ ڈریگن 665 پراسیسر دیا گیا ہے جبکہ 4030 ایم اے ایچ بیٹری 18 واٹ فاسٹ چارجنگ سپورٹ کے ساتھ دی گئی ہے، گزشتہ سال کے فون میں 3000 ایم اے ایچ بیٹری دی گئی تھی۔
کمپنی کا کہنا ہے کہ ان کے اس نئے فون میں ہیڈفون جیک کی واپسی ہوئی ہے جبکہ فنگرپرنٹ ریڈر کو اسکرین کے اندر منتقل کردیا گیا ہے۔ فون میں ایک نمایاں اپ گریڈ کیمرا سسٹم میں ہوئی ہے۔اس کے بیک پر 3 کیمروں کا سیٹ اپ ہے جن میں 48 میگا پکسل کا مرکزی کیمرا ، 8 میگا پکسل کا الٹرا وائیڈ اینگل کیمرا جبکہ 2 میگا پکسل ڈیپتھ سنسر کیمرا دیا گیا ہے۔
تصویریں اور ویڈیوبنانے والوں کے لیے اس موبائل میں بہت سے فیچرز لیں. بیک کیمروں سے 2160p ویڈیو کو 30 فریم فی سیکنڈ پر ریکارڈ کیا جاسکتا ہے جبکہ فرنٹ پر 32 میگا پکسل سیلفی کیمرا موجود ہے۔یہ فون آئندہ ہفتے سب سے پہلے اسپین میں فروخت کیلئے پیش کیا جائے گا جس کے بعد یہ دیگر ممالک میں متعارف کرایا جائے گا۔
کمپنی مارکیٹنگ مینجر کا کہنا ہے کہ اس کا 6 جی بی ریم اور 64 جی بی اسٹوریج والا فون 44 ہزار پاکستانی روپے میں جبکہ 6 جی بی ریم اور 128 جی بی اسٹوریج والا ورژن 279 یورو میں فروخت کیا جائے گا۔