پاکستان شوبز انڈسٹری کے اداکار اور گلوکار فرحان سعید نے پاکستان کے لیے ناقابل فراموش خدمات سرانجام دینے والی عظیم شخصیات کو خراج تحسین پیش کرنے کا سلسلہ شروع کیا ہے جس میں پہلے انہوں نے شوبزاور کھیل کی شخصیات اور معروف مذہبی سکالر اور عالم دین مولانا طارق جمیل ،لیجنڈری اور ورسٹائل اداکارہ و گلوکارہ بشری انصاری کو خراج تحسین پیش کیا تھا تاہم اب اداکار فرحان سعید نے قومی کرکٹ ٹیم کے سابق کپتان وسیم اکرم کو خراج تحسین پیش کرتے ہوئے رول ماڈل قرار دے دیا ہے۔
باغی ٹی وی : فرحان سعید نے قومی کرکٹ ٹیم کے سابق کپتان اور سوئنگ کے سلطان وسیم اکرم کی کُچھ تصاویر سوشل میڈیا ویب سائٹ انسٹا گرام پر شئیر کیں-
https://www.instagram.com/p/CDJqxQDFIrW/?igshid=19hl3np2sspph
تصاویر پوسٹ کرتے ہوئے فرحان سعید نے لکھا کہ اپنے وقت کا سب سے بڑا باؤلر اور غیر متنازعع ‘سلطان آف سوئنگ’؛ بلاشبہ وسیم اکرم اس کھیل کو کھیلنے والے بہترین آل راؤنڈروں میں شامل ہیں۔
گلوکار نے لکھا کہ میں وسیم اکرم کا ہمیشہ سے ہی پُرستار رہا ہوں پھر چاہے وہ گراؤنڈ میں ہوں یا گراؤنڈ سے باہر ہوں مجھے جب بھی وسیم بھائی سے ملاقات کا موقع ملا تو ہر بار اُن کی اعلی شخصیت اور خوش اخلاق رویے نے مجھے مغلوب کیا، اس کھیل کے لئے ان کی قطع لگن اور ملک پاکستان سے ان کی بے مثال محبت قطعی الہام ہے۔
گلوکار و اداکار نے لکھا کہ میں اس وقت سے پوری طرح حیرت زدہ ہوں کہ جب انہوں نے خواہشمند نوجوان کرکٹرز کو مدد فراہم کرنے میں سرمایہ کاری کی تھی اور اُن کا یہ کام میری نظر میں بہت انمول ہے۔
فرحان سعید نے وسیم اکرم کو رول ماڈل قرار دیتے ہوئے لکھا کہ بطور کرکٹر، کمنٹیٹر، کوچ اور اُن کے متعدد باصلاحیت کام کو دیکھا جائے تو وسیم اکرم ہم سب کے لیے ایک مثالی رول ماڈل ہیں-
گلوکار نے وسیم اکرم کی پاکستان کے لیے خدمات کا شکریہ ادا کرتے ہوئے لکھا کہ شکریہ وسیم بھائی آپ ہمیشہ ہمیں اسی طرح متاثر کرتے رہیں بلاشبہ آپ دنیا میں پاکستان کے بہترین سفیر ہیں۔
انہوں نے آخر میں LivingLegends #PakistaniHeroes# بھی لکھا-
واضح رہے کہ اس سے قبل فرحان سعید نے ملک کے لیے ناقابل فراموش خدمات سرانجام دینے والی عظیم شخصیات کو خراج تحسین پیش کیا تھا جن میں اداکار قوی خان، صوفی گلوکارہ عابدہ پروین ، اداکارہ بُشریٰ انصاری اور معروف کامیڈین عمر شریف ،سکواش پلئیر جہانگیر خان اور قومی کرکٹر جاوید میاںداد اور معروف مذہبی سکالر و عالم دین مولانا طارق جمیل شامل تھے۔
پاکستان شوبز انڈسٹری کے معروف اداکار آغاعلی کا کہنا ہے کہ یاسر حیسن کو بات میں خود کو اوپر رکھ کر صحیح ثابت کرنے کے بجائے عوام کی رائے کا احترام کرنا چاہئے۔
باغی ٹی وی : اداکار یاسر حسین کا شمار ان فنکاروں میں ہوتا ہے جو مسلمانوں کی اسلامی فتوحات پر مبنی ترک سیریز’ارطغرل غازی‘ کو پاکستان کے سرکاری ٹی وی چینل پرنشر کرنے کے شروع سے ہی مخالف ہیں اوراس ڈرامے کو پی ٹی وی پر نشر کرنے کیخلاف آواز اٹھاتے ہوئے کہا تھا کہ غیر ملکی ڈرامے کو پاکستان کے سرکاری ٹی وی پر نشر کرنے سے مقامی فنکاروں کو نقصان ہوگا۔
حال ہی میں جب ایک اسمارٹ فون کمپنی کیو موبائل نے سوشل میڈیا پوسٹ پر اعلان کیا کہ ترک اداکارہ ان کی نئی ڈیوائس ویو میکس پرو کے لیے برانڈ ایمبیسڈر بن گئی ہیں کمپنی کا کہنا تھا کہ وہ پہلا پاکستانی برانڈ ہے جس نے ارطغرل ڈرامے سے شہرت پانے والی اداکارہ کو اپنے نئے فون کی مہم کا حصہ بنایا ہے تو یاسر حسین نے ایک بار پھر اپنی آواز اٹھاتے ہوئے مقامی اداکاراؤں کی جگہ ایک غیر ملکی اداکارہ کو برانڈ ایمبسیڈر بنانے پر احتجاج کیا تھا-
یاسر حسین نے سماجی رابطے کی ویب سائٹ انسٹاگرام اسٹوری پر اسرا بلجیک کی تصویر شیئر کرتے ہوئے لوگوں سے سوال پوچھا تھا کہ آپ کو نہیں لگتا کہ پاکستانی برانڈ کی برانڈ ایمبسیڈر پاکستانی ہونی چاہئے؟ نہ بھارتی اور نہ ترک اداکارہ؟
انہوں نے ایک اور اسٹوری میں پاکستان کی تقریباً تمام صف اول کی اداکاراؤں اور ماڈلز کے نام لکھ کر کہا کیا ماہرہ خان، صباقمر، سونیاحسین، منال خان، ایمن خان، امر خان، زارا نور عباس، ہانیہ عامر ، ثنا جاوید، یمنی زیدی، ارمینہ خان، سارہ اور حرامانی کوئی اس قابل نہیں کہ پاکستانی برانڈ کی برانڈ ایمبسیڈر بن سکے؟ پاکستانی ہو تو پاکستانی کو سپورٹ کرو-پاکستان زندہ باد-
یاسرحسین کی اس پوسٹ کے بعد جہاں اسرا بلجیک کے مداحوں نے اداکار کو آڑے ہاتھوں لیا وہیں چند پاکستانی فنکاروں نے بھی اداکار پر تنقید کی ان فنکاروں میں اداکار آغا علی بھی شامل تھے-
آغا علی نے انسٹاگرام سٹوری میں کہا تھا کہ اللہ نے جو آپ کے نصیب میں لکھا ہے اس سے نہ زیادہ ملے گا نہ ہی کم تو لہذا دوسرے ممالک کے فنکاروں کو پاکستان میں خوش آمدید کہیں اور اپنے لوگوں کو غیر محفوظ محسوس نہ کروائیں آنے دو جو آتا ہے خوش رہو اور محنت کرو۔
اب پھرحال ہی میں آغا علی ایک آن لائن شو ’وائس اوور مین‘ میں شریک ہوئےجہاں میزبان نے ان سے کہا کہ اگر آپ یاسر حسین کو کوئی مشورہ دینا چاہیں گے تو کیا دیں گے حالانکہ انہوں نے آپ کی بات سننی تو ہے نہیں؟ جس پر آغا علی نے کہا کہ ہاں یہ سچ ہے کہ مشورہ دینا تو نہیں چاہیئے لیکن میں پھر بھی انہیں مشورہ دینا چاہوں گا کہ جب بھی آپ کسی بھی معاملے پر اپنی رائے کا اظہار کرتے ہیں تو اس میں کوئی غلط بات نہیں آپ کو ہمیشہ اپنی رائے کا اظہار کرنا چاہئے۔
https://www.instagram.com/p/CDKNwBMh6ob/?igshid=tnjfs6lavlv3
لیکن جب آپ کو یہ پتہ چل جاتا ہے 100 فیصد عوام آپ کی بات سے اتفاق نہیں کرتی تو پھر اس بحث میں پڑنے کا کوئی فائدہ نہیں آپ کو آگے بڑھ جانا چاہئے اور اپنی بات کو اوپر رکھتے ہوئے یہ ثابت کرنے کی کوشش کرنے کی بحث میں نہیں پڑنا چاہیئے کہ میں ہی صحیح ہوں باقی سب غلاط ہیں اس کا کوئی فائدہ نہیں۔
لاہور: عالمی اور ملکی شوبز میں اقربا پروری: کیا یہ واقعی حقیقت ہے : طائرانہ جائزہ ، ماہرانہ تجزیہ ، بالی ووڈ اورہالی ووڈ کی دنیا کے ان ستاروں کے متعلق یہ طائرانہ تجزیے نے ایک بارپھرایک نیا ایشوپیدا کردیا ہے، جیسا کہ ان دنوں سوشل میڈیا پر ایک انگریزی اصطلاح ’نیپوٹزم‘ نے ہنگامہ برپا کر رکھا ہے۔ اردو زبان میں اس سے مراد ‘اقربا پروری’ ہے۔ گزشتہ دنوں ایک جواں سال بھارتی اداکار سشانت سنگھ راجپوت کی موت کے بعد ردِعمل کے طور پر یہ اصطلاح سوشل میڈیا پر بہت برتی گئی اور مباحث کا ایک نہ ختم ہونے والا سلسلہ دراز ہوتا چلا گیا۔
اکثریت کا خیال ہے کہ اس اداکار نے خودکشی نہیں کی بلکہ اسے مارا گیا ہے کیونکہ وہ بولی وڈ میں اقربا پروری کی قوتوں کے خلاف متحرک تھا۔
یہ اصطلاح ‘نیپوٹزم’ یا ‘اقربا پروری’ کیا ہے؟ آئیے اس کے پس منظر اور استعمال کو تاریخی حوالوں سے عالمی اور ملکی شوبز کی صنعت کے تناظر میں سمجھنے کی کوشش کرتے ہیں اور یہ بھی دیکھتے ہیں کہ پاکستانی شوبز میں اس اصطلاح کے اثرات کتنے گہرے ہیں؟
انگریزی زبان میں ‘نیپوٹزم’ کی تشریح کیمرج یونیورسٹی کی لغت کے مطابق کچھ یوں ہے کہ ‘کوئی ایسی حرکت یا سرگرمی، جس میں اپنی طاقت کا ناجائز استعمال یا خاندانی اثر و رسوخ استعمال کرتے ہوئے کوئی فائدہ حاصل کیا جائے’۔ اردو زبان میں اقربا پروری سے مراد ’اپنوں کو نوازنا ہے‘ یا ’ایسے افراد کو فائدہ پہنچانا جن سے آپ کا کسی بھی طرح سے کوئی تعلق ہو‘۔
تحریر جاری ہے
فائدہ پہنچانا کوئی منفی سرگرمی نہیں لیکن ہاں ایسے فرد کو فائدہ پہنچانا جو اس فائدے یا کام کا اہل نہ ہو، یہ ضرور منفی عمل ہوگا یا پھر حق دار کو وہ حق دینے کے بجائے کسی کو نواز دیا جائے۔ اقربا پروری کا یہ رجحان پوری دنیا میں ہر شعبے میں اپنی اپنی مقامی شکل میں قائم ہے اور ظاہر ہوتا رہتا ہے۔
انسانی تاریخ میں جب علم و دانش کا سفر شروع ہوا تو اقربا پروری کے رجحانات نے بھی ساتھ ساتھ پرورش پائی۔ زمانہ قدیم سے موجودہ دور تک سب علما نے اس سرگرمی پر اپنا احتجاج ریکارڈ کروایا، وہ چاہے ارسطو اور افلاطون تھے یا پھر آج کے حقیقی دانشور، سب اپنے اپنے حصے کی آواز بلند کرتے ہیں۔
نیپوٹزم کی اصطلاح اطالوی زبان سے مستعار لی گئی۔ نیپوز سے مراد نواسہ ہے یا وہ رشتہ جس سے خون کا تعلق ہے۔ 17ویں صدی کے یورپ میں کچھ عیسائی علما نے مذہبی تناظر میں عزیز و اقارب کو نوازا تو یہاں سے یہ اصطلاح متعارف ہوئی۔
اس کے بعد ایک ایک کرکے اقربا پروری کا رجحان دیگر شعبہ ہائے زندگی میں بھی پنپ گیا، اور اب ہم دیکھتے ہیں کہ کوئی بھی اس سے مبرا نہیں ہے۔ اکثریت اس رجحان کے فروغ میں مبتلا ہے، بالخصوص جہاں بھی جاگیردارانہ سوچ اور محدود فکر کا وجود ہوگا وہاں اقربا پروری بھی ہوگی، اب وہ کوئی بھی زندگی کا شعبہ ہو، ہم یہاں مثال کے طور پر شوبز کے تناظر میں اس اصطلاح کے پھیلاؤ کو سمجھنے کی کوشش کریں گے۔
ہولی وڈ میں انفرادی طور پر ہی نہیں بلکہ اجتماعی حیثیت میں بھی ہمیں ایسی کئی مثالیں ملتی ہیں جن سے اقربا پروری کو سمجھا جا سکتا ہے۔ امریکی فلمی صنعت میں کئی خاندان ایسے ہیں جن کی اپنی مخصوص شناخت ہے اور وہ دہائیوں سے شوبز کے کام سے وابستہ ہیں اور اپنا اثر و رسوخ بھی استعمال کرتے ہیں، انہی میں سے ہی ایک ‘کوپولا خاندان’ ہے۔
کوپولا خاندان
اس خاندان سے تعلق رکھنے والے زیادہ تر افراد کا آبائی تعلق اٹلی سے ہے جو کئی دہائیوں سے اب امریکا میں ہجرت کرکے آباد ہوگئے ہیں۔ ان میں سے اکثریت شوبز انڈسٹری سے تعلق رکھتی ہے، جن میں چند ایک جنہیں بہت شہرت ملی، ان میں صوفیہ کوپولا، نیکلس کیج، جیسن شیوارتزمن، فرانسز فورڈ کوپولا شامل ہیں۔ انہوں نے ہولی وڈ میں اداکاری اور فلم سازی میں نام کمایا ہے۔
یہ الگ بات ہے کہ ان میں نیکلس کیج جیسا شاندار اداکار بھی شامل ہے مگر ابتدا میں سب کو کام خاندانی اثر و رسوخ کی بنیاد پر ملتا ہے اور پھر جس نے اپنے ہنر کو ثابت کردیا وہ آگے بڑھ گیا۔ بولی وڈ میں کپور خاندان اس کی ایک کھلی اور واضح مثال ہے۔
اسی طرح ہولی وڈ میں چند ایک اور بڑے نام جنہوں آگے جاکر ضرور اپنے فن کا لوہا منوایا مگر ابتدا اسی اثر و رسوخ کی بنیاد پر کی، ان میں کرسٹین اسٹیورٹ، ڈینیل ریڈ کلف، کائرہ نائٹلی اور دیگر شامل ہیں۔
کرسٹین اسٹیورٹ کے والد فلم ساز تھے، آج ڈینیل ریڈ کلف ایک مشہور فلمی ستارہ ہے لیکن جب انہوں نے اپنے کام کا آغاز کیا تو ان کی والدہ بی بی سی کی پروڈکشن ٹیم کا حصہ تھیں، جہاں سے ان کو آگے آنے کا موقع ملا۔ کائرہ نائٹلی ایک شاندار اداکارہ ہیں، مگر ان کی والدہ اسکرین پلے رائٹر نہ ہوتیں اور والد برطانوی اداکار نہ ہوتے تو ان کو اپنا کیریئر شروع کرنے میں کافی مشکلات کا سامنا کرنا پڑتا۔ اسی طرح مائیکل جیکسن کے بہن بھائی ہوں یا ‘اسمتھ خاندان’ اور ‘کم کرداشین’ کا گھرانہ، سب کے پیچھے ایک ہی کہانی ہے۔
اسمتھ خاندان
کم کرداشین
جیکسن خاندان
بولی وڈ میں کپور خاندان کے علاوہ انفرادی حیثیت میں کچھ ایسے بڑے بڑے نام بھی ہیں جنہوں نے اقربا پروری کو عملی طور پر منظم کیا۔ ان میں معروف ہدایت کار کرن جوہر، سنجے لیلا بھنسالی اور اداکار سلمان خان سمیت دیگر شامل ہیں۔
نوجوان بھارتی اداکار سشانت سنگھ کی موت کے بعد اقربا پروری کی زوردار بحث نے جنم لیا ہے جو تاحال جاری ہے۔
کپور خاندان کی نمایاں شخصیت اور معروف اداکارہ کرینہ کپور کے مطابق ‘اگر اقربا پروری میں دم ہوتا تو پھر تمام فلمی ستاروں کی اولادیں مشہور فلمی ستارے بن جایا کرتیں، لیکن ایسا نہیں ہے’۔ لیکن دوسری طرف معروف اداکارہ کنگنا رناوٹ نے کھل کر ایسے لوگوں کے نام لیے ہیں، جنہوں نے بولی وڈ میں اقربا پروری کی۔
کپور خاندان
منوج باجپائی جیسے باصلاحیت بھارتی اداکار کے خیال میں وہ خود بھی کئی مرتبہ ناکام ہوئے اور خودکشی کا بھی سوچا لیکن خوش قسمتی سے اپنی کوشش جاری رکھی اور پھر کامیاب اداکار بن کر ہی دم لیا۔
عرفان خان اور نوازالدین صدیقی کی مثالیں بھی آپ کے سامنے ہیں جنہوں نے صرف اور صرف اپنی اداکاری سے خود کو منوایا۔ نصیرالدین شاہ اور اوم پوری کو بھی ہم فراموش نہیں کرسکتے کہ جنہوں نے خالص طور پر اپنے فن کے ذریعے بولی وڈ میں معتبر مقام حاصل کیا۔
بہرحال بولی وڈ میں اس رجحان کو قطعی طور پر ختم نہیں کیا جاسکتا البتہ ایک حد تک اس پر قابو پانے کی ضرورت ہے جس پر شاید اب کچھ عمل درآمد ہوجائے کیونکہ فلم بینوں میں اس پہلو سے کافی شعور بیدار ہوا ہے، وہ شاید اس طرح کے رجحانات پر اب نظر رکھیں گے۔
نصیرالدین شاہ اور اوم پوری نے خالص طور پر اپنے فن کے ذریعے بولی وڈ میں معتبر مقام حاصل کیا
پاکستانی فلمی صنعت میں اقربا پروری کچھ زیادہ پنپ نہیں سکی، مثال کے طور پر 2 مقبول ترین اداکار سلطان راہی اور وحید مراد کے بیٹوں کو پاکستانی فلمی صنعت میں ناکامی کا منہ دیکھنا پڑا۔ انہی کے مقابلے میں شان شاہد جیسا اداکار، جس کا پس منظر بھی فلمی تھا کیونکہ وہ بھی ایک اداکارہ اور فلم ساز کے بیٹے تھے مگر انہوں نے اپنی جگہ بنانے کے لیے کام کیا اور محنت سے اپنے ہنر کا لوہا منوایا۔
کچھ دنوں پہلے پاکستانی اداکارہ عفت عمر نے بیان دیا کہ پاکستانی فنکار بولی وڈ کی اقربا پروری پر بات کر رہے ہیں تو کیا پاکستانی شوبز میں اقربا پروری نہیں؟ اس سوال کے جواب میں جانے سے پہلے اگر ہم غور سے دیکھیں تو عفت عمر خود شوبز کی ایک ایسی لابی کا حصہ ہیں جس میں شامل ہوئے بغیر ماڈلنگ، اداکاری، موسیقی اور دیگر شعبوں میں کام مل ہی نہیں سکتا، اس لابی کے تانے بانے لاہور کی ایک معروف حویلی سے جا ملتے ہیں۔
وحید مراد کے بیٹے عادل مراد
سلطان راہی کے بیٹے حیدر سلطان
پاکستانی فلمی صنعت میں اب بھی ایسے کئی فلم ساز ہیں جو اپنے پسندیدہ اور منظورِ نظر فنکاروں کو لے کر ہی فلمیں بناتے ہیں، حتیٰ کہ ایک معروف فلم ساز نے تو اس بات کا اعتراف بھی کرلیا کہ وہ اپنی پسندیدہ فنکارہ کے لیے ویڈیوز بنائیں گے اور فلمیں بھی۔ یہ ہماری فلمی صنعت میں اقربا پروری کی بدترین مثال ہے۔ پاکستان میں شوبز کے ایوارڈ بھی اس رجحان کی ایک کریہہ شکل ہیں۔
اسی طرح ایک نجی چینل جو اپنے ڈراموں کے لیے بہت مشہور ہے اس کے اداکاروں کے ساتھ کیے گئے معاہدوں میں یہ شق شامل ہے کہ اگر کوئی اداکار ان کے چینل کے ساتھ کام کر رہا ہے تو پھر کسی اور کے ساتھ کام نہیں کرے گا۔ یہ اجتماعی سطح پر اقربا پروری کی بھیانک شکل ہے۔
گزشتہ دنوں جب پاکستان کے معروف اور سینئر اداکار فردوس جمال نے اسی نجی چینل کی ایک اداکارہ کے خلاف کچھ کہا تو اس چینل نے ان کا بائیکاٹ کردیا۔ اسی طرح مختلف سینئر اداکاروں کے بچے بطور اداکار ڈراموں اور فلموں میں کام کررہے ہیں، اکثریت کو تو اداکاری کی الف بے بھی نہیں آتی مگر ان کو کام ملتا رہتا ہے۔ ڈرامے کی صنعت میں اقربا پروری قدم جمانے میں کامیاب رہی ہے۔
پاکستانی فلموں میں تو اقربا پروری نہیں چل پائی مگر پاکستانی ڈراموں کے ساتھ ساتھ موسیقی کے شعبے میں اس رجحان کو کھل کر نمو پانے کا موقع ملا۔
ایک مشروب ساز کمپنی کے موسیقی اسٹوڈیو کے نام پر کھلے عام اقربا پروری کے مظاہرے پاکستانی شوبز کی ڈھکی چھپی منافقت کے چہرے سے پردہ ہٹاتے ہیں لیکن پاکستانی شاید ابھی اپنے ہاں کی اقربا پروری میں دلچسپی نہیں لینا چاہتے، اور ابھی سب کی توجہ پڑوسیوں کی اقربا پروری پر ہے۔ مگر پاکستانی شوبز اس رجحان کے ہاتھوں اپنی قدریں کھو رہا ہے جس پر غور کرنے اور کھل کر بولنے کی ضرورت ہے لیکن یہاں اس ثقافتی منافقت پر سے ابھی پردہ اٹھنے میں کافی وقت ہے۔
بالی ووڈ اورہالی ووڈ کے ان ستاروں کے متعلق یہ حقیقت پرمبنی تحریرخرم سہیل کی ہے جوڈان اخبارسمیت اہم فورمز پرلکھتے رہتے ہیں ، اس تجزیہ میں انہوں نے شوبزکی دنیا کے موجودہ خلا کے اسباب کا جائزہ پیش کیا ہے
پاکستان ٹیلی ویژن (پی ٹی وی ) نے عید الاضحیٰ کے موقع پر اسلامی فتوحات پر مبنی تُرک سیریز ارطغرل غازی کے مداحوں کے لئے ایک بڑی خوشخبری کا اعلان کیا ہے-
باغی ٹی وی : گزشتہ سال دسمبر 2019 میں پی ٹی وی نے وزیر اعظم عمران خان کی ہدایات کے بعد مسلمانوں کی فتوحات کی کہانی پر مبنی شہرہ آفاق ترکش ڈرامے دیریلیش ارطغرل کی اردو ڈبنگ کا آغاز کیا تھا۔
دنیا کے متعدد ممالک میں نشر ہونے کے بعد اب یہ پاکستان ٹیلی ویژن پریکم رمضان سے پاکستانی وزیراعظم عمران خان کی ہدایت پر نشر کیا جارہا ہے۔ساوتھ ایشین وائر کے مطابق بتایا گیا تھا کہ پی ٹی وی نے معروف ڈرامے دیریلیش ارطغرل کے اردو ترجمے کے بعد ایک اعلی مہارتی ٹیم کے ساتھ اس کی ڈبنگ شروع کی اور اسے پی ٹی وی پر نشر کرنا شروع کر دیا جس کے نشر ہوتے ہی اس ترک ڈرامے نے کئی ریکارڈ بنا ڈالے۔
ان سیریز میں تیرھویں صدی کے مسلمانوں کے اقدار کودکھایا گیا ہے اور اسلامی اقدار کو اس انداز میں پیش کیا گیا ہے کہ ہر مسلمان اس سیریز اور اس کے کرداروں کا دیوانہ ہےاس ڈرامے کو جو مقبولیت پاکستان میں حاصل ہوئی ہے وہ آج تک کسی بھی تُرک ڈرامے کو نہیں ملی اس ڈرامے اور کرداروں نے پاکستانیوں کو اپنے سحر میں جکڑ رکھا ہے-
مذکورہ ڈرامے کے کرداروں کے ساتھ محبت کو دیکھتے ہوئے پی ٹی وی نے عید کے موقع پر لاک ڈاؤن کے دوران مداحوں کی عید کی خوشیاں دوبالا کرنے کے لئے ایک بڑا اعلان کیا ہے کہ عید کے دوسرے دن ان لوگوں سے ملا قات کروائی جائے گی جنہوں نے ارطغرل غازی کی اردو میں ڈبنگ کرنے کا کام سرانجام دیا-اور اپنی آواز کے ذریعے پاکستان میں گھر گھر اسلام کے تاریخی محافظوں کا پیغام پہنچایا-
سماجی رابطے کی ویب سائٹ ٹویٹر پر پی ٹی وی نے اپنے ٹویٹر ہینڈلر سے ایک ٹویٹ کیا جس میں لکھا کہ ارطغرل غازی اردو ڈبنگ کی آوازوں کے ساتھ ایک ملاقات، اتوار 02 اگست شام 7.00 بجے صرف پی ٹی وی ہوم پر-
واضح رہے کہ اس ڈرامے کی کہانی 13ویں صدی میں ’سلطنت عثمانیہ‘ کے قیا م سے قبل کی ہے۔ ڈرامے کی مرکزی کہا نی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے ڈرامے کی مرکزی کہا نی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے ڈرامے میں دکھایا گیا ہے کہ کس طرح 13ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔
پاکستان شوبز انڈسٹری کے معروف کامیڈین اداکار یاسرحسین کا شہرہ آفاق تُرک سیریز دیریلیس ارطغرل میں حلیمہ سلطان کا کردار ادا کرنے والی تُرک اداکارہ اسرا بلجیک کی ٹویٹ پر ردعمل دیتے ہوئے کہنا ہے کہ آپ نے پہلے ہمارا کام لیا اور اب لڑکے-
باغی ٹی وی : حال ہی میں اسرا بلجیک کا ایک ٹویٹ سامنے آیا تھا جس میں لکھا تھا کہ انہیں پاکستان میں اپنا نمبر ون مل گیا ہے۔
اداکارہ کے اس ٹویٹ نے پاکستانیوں کو شش و پنج میں مبتلا کر دیا تھا اور سوشل میڈیا پر اس ٹویٹ کے چرچے ہوتے رہے اور لوگ اداکارہ کی اس ٹویٹ پر اپنی طرف سے مختلف اندازے لگانے کے ساتھ ساتھ تبصرے بھی کرتے رہے کہ انہیں پاکستان میں کون مل گیا یے جسے وہ اپنا نمبر ون قرار دے رہی ہیں –
اداکارہ کی اس ٹویٹ پر پاکستانی معروف مزاحیہ اداکار احمد علی بٹ نے بھی انسٹاگران سٹوری میں مزاحیہ تبصرہ کرتے ہوئے لکھا تھا کہ میں تو ایسی کسی بات کیلئے تیار ہی نہیں تھا آخرکار اسراء نے مجھے ڈھونڈ ہی لیا ساتھ ہی انہوں نے اسراء کا ٹوئٹ بھی اپنی اسٹوری میں شیئر کیا-
دوسری جانب یاسر حسین نے بھی ترک اداکارہ کے اس ٹویٹ پر اپنا رد عمل دیتے ہوئے اپنا بیان جاری کیا ہے-
یاسر حسین نے انسٹاگرام اپنی اسٹوری پر اسرا بلجیک کا ٹویٹ شیئر کرتے ہوئے طنزیہ انداز میں لکھا گیا ہے کہ پہلے ہمارا کام لیا اور اب ہمارے لڑکے؟-
واضح رہے کہ اداکار یاسر حسین کا شمار ان فنکاروں میں ہوتا ہے جو مسلمانوں کی اسلامی فتوحات پر مبنی ترک سیریز’ارطغرل غازی‘ کو پاکستان کے سرکاری ٹی وی چینل پرنشر کرنے کے شروع سے ہی مخالف ہیں اوراس ڈرامے کو پی ٹی وی پر نشر کرنے کیخلاف آواز اٹھاتے ہوئے کہا تھا کہ غیر ملکی ڈرامے کو پاکستان کے سرکاری ٹی وی پر نشر کرنے سے مقامی فنکاروں کو نقصان ہوگا۔
بعد ازاں جب ایک اسمارٹ فون کمپنی کیو موبائل نے سوشل میڈیا پوسٹ پر اعلان کیا کہ ترک اداکارہ ان کی نئی ڈیوائس ویو میکس پرو کے لیے برانڈ ایمبیسڈر بن گئی ہیں کمپنی کا کہنا تھا کہ وہ پہلا پاکستانی برانڈ ہے جس نے ارطغرل ڈرامے سے شہرت پانے والی اداکارہ کو اپنے نئے فون کی مہم کا حصہ بنایا ہے تو یاسر حسین نے ایک بار پھر اپنی آواز اٹھاتے ہوئے مقامی اداکاراؤں کی جگہ ایک غیر ملکی اداکارہ کو برانڈ ایمبسیڈر بنانے پر احتجاج کیا تھا-
یاسر حسین نے سماجی رابطے کی ویب سائٹ انسٹاگرام اسٹوری پر اسرا بلجیک کی تصویر شیئر کرتے ہوئے لوگوں سے سوال پوچھا تھا کہ آپ کو نہیں لگتا کہ پاکستانی برانڈ کی برانڈ ایمبسیڈر پاکستانی ہونی چاہئے؟ نہ بھارتی اور نہ ترک اداکارہ؟
انہوں نے ایک اور اسٹوری میں پاکستان کی تقریباً تمام صف اول کی اداکاراؤں اور ماڈلز کے نام لکھ کر کہا کیا ماہرہ خان، صباقمر، سونیاحسین، منال خان، ایمن خان، امر خان، زارا نور عباس، ہانیہ عامر ، ثنا جاوید، یمنی زیدی، ارمینہ خان، سارہ اور حرامانی کوئی اس قابل نہیں کہ پاکستانی برانڈ کی برانڈ ایمبسیڈر بن سکے؟ پاکستانی ہو تو پاکستانی کو سپورٹ کرو-پاکستان زندہ باد-
یاسرحسین کی اس پوسٹ کے بعد جہاں اسرا بلجیک کے مداحوں نے اداکار کو آڑے ہاتھوں لیا وہیں چند پاکستانی فنکاروں نے بھی اداکار پر تنقید کی کہا کہ اللہ نے جو آپ کے نصیب میں لکھا ہے اس سے نہ زیادہ ملے گا نہ ہی کم تو لہذا دوسرے ممالک کے فنکاروں کو پاکستان میں خوش آمدید کہیں اور اپنے لوگوں کو غیر محفوظ محسوس نہ کروائیں آنے دو جو آتا ہے خوش رہو اور محنت کرو۔
بریسٹ کینسرجیسے موذی مرض کو شکست دینے والی پاکستان شوبز انڈسٹری کی معروف اداکارہ و سماجی کارکن نادیہ جمیل کا کہنا ہے کہ اٰن کے بُرے دنوں میں اُن کے ہرایک چاہنے والے نے انہیں بے مثال امید اور طاقت دی ہے
باغی ٹی وی :سماجی رابطے کی ویب سائٹ ٹوئٹر پر نادیہ جمیل نے ایک سفید رنگ کے چائے کے کپ کی تصویر شیئر کی جس پر کالے رنگ سے انگریزی زبان میں لکھا ہوا ہے نادیہ کینسر سے لڑنے والی ننجا اور اُس کے ساتھ ہی چائے کے کپ پر معروف کارٹون کردار ننجا کی تصویر بھی بنی ہوئی ہے۔
All of you… Your love, comments, words of support,overwhelm me. I read them & I smile through tears.
I am so grateful for all of you.
I do not have the energy to answer each one of you individually but each of you has given me unparalleled hope and empowered me.
نادیہ جمیل نے ٹوئٹر پر تصویر شیئر کرتے ہوئے اپنے تمام چاہنے والوں کی نیک تمناؤں اور دُعائیہ پیغامات کے لیے شکریہ ادا کیا –
نادیہ جمیل نے لکھا کہ آپ سب کی میرے لیے بے انتہا محبت، تبصرے اور حمایتی الفاظ ہمیشہ مجھے خوش کردیتے ہیں۔
اداکارہ نے لکھا کہ میں اپنے چاہنے والوں کے تمام پیغامات پڑھتی ہوں اور پھر آنکھوں میں خوشی کے آنسو لیے مُسکرا دیتی ہوں۔
انہوں نے کہا کہ میں آپ میں سے ہر ایک کو انفرادی طور پر جواب دینے کی طاقت نہیں رکھتی ہوں لیکن آپ میں سے ہر ایک نے مجھے بے مثال امید دی ہے اور مجھے بااختیار بنایا ہے۔
تُرک اداکارہ اسراء بلجیک کی ٹویٹ سوشل میڈیا پر وائرل ہو رہی ہے جس نے مداحوں کو شش و پنج میں مبتلا کر دیا ہے-
باغی ٹی وی : حال ہی میں مسلمانوں کی اسلامی فتوحات پر مبنی شہرہ آفاق تُرک سیریز ’ارطغرل غازی‘ میں حلیمہ سلطان کا کردار ادا کرنے والی تُرک اداکارہ اسراء بلجیک نے پاکستانیوں کیلئے ایک انوکھا پیغام شیئر کر کے مداحوں کو شش و پنج میں مبتلا کر دیا ادکارہ کا پیغام سوشل میڈیا پر موضوع بحث بنا ہو اہے-
https://twitter.com/esbilgic/status/1287753765878206464
اسراء بلجیک نے سماجی رابطے کی ویب سائٹ ٹویٹر پر اپنے مختصر پیغام میں لکھا تھا کہ انہیں پاکستان میں اپنا نمبر ون مل گیا ہے۔
اداکارہ کی جانب سے کوئی وضاحت نہیں دی گئی تھی وہ کسے اپنا نمبر ون قرار دے رہی ہیں تاہم سوشل میڈیا صارفین اداکارہ کی اس ٹویٹ پر مختلف تبصرے کرہرہے ہیں اور اپنی ہی طرف سے طرح طرح کے اندازے لگا رہے ہیں-
ایسے میں اداکار احمد علی بٹ نے بھی ان تبصروں میں حصہ لیتے ہوئے مزاحیہ پیغام شیئر کردیا جسے صارفین خوب پسند کررہے ہیں
احمد علی بٹ انسٹاگرام اکاؤنٹ اسکرین شاٹ
احمد علی بٹ نے اپنے انسٹاگرام اکاؤنٹ پر اسٹوری شیئر کرتے ہوئے لکھا کہ میں تو ایسی کسی بات کیلئے تیار ہی نہیں تھا آخرکار اسراء نے مجھے ڈھونڈ ہی لیا ساتھ ہی انہوں نے اسراء کا ٹوئٹ بھی اپنی اسٹوری میں شیئر کیا-
https://twitter.com/eadkski/status/1287803848665583623?s=20
M very much sure its gonna be @jazzpk because its the only number 1 here
واشنگٹن : وبا کا خوف ختم، ہولی وڈ فلم ’ٹینیٹ‘ کو 70 ممالک میں ریلیز کرنے کا اعلان،اطلاعات کےمطابق وارنرز بردارز کی جانب سے آئندہ ماہ اگست میں فلم کو ریلیز کرنے کے اعلان ہے۔
ذرائع کے مطابق کرونا کی وجہ سے اب بھی امریکا اور یورپی ممالک سمیت دنیا کے تمام خطوں میں سینما ہالز بند ہیں اور تاحال کسی ملک نے واضح طور پر سینماؤں کو کھولنے کا اعلان بھی نہیں کیا۔
تاہم اس باوجود ہولی وڈ پروڈکشن ہاؤس وارنر بردارز اور فلم ساز کرسٹوفر نولان نے اپنی نئی فلم ’ٹینیٹ‘ کو 26 اگست سے دنیا بھر میں ریلیز کرنے کا اعلان کردیا۔
خبر رساں ادارے رائٹرز کے مطابق وارنر برادرز اور اے ٹی اینڈ ٹی اسٹوڈیو نے 27 جولائی کو اعلان کیا کہ فلم کو آئندہ ماہ 26 اگست سے ریلیز کیا جائے گا۔
پروڈکشن ہاؤس کی جانب سے فلم کو ریلیز کرنے کے اعلان کا امریکا اور یورپ سمیت دیگر خطوں کے سینما مالکان نے خیر مقدم کیا ہے، تاہم حکومتی عہدیداروں نے فلم کی ریلیز کے اعلان پر تاحال کوئی رد عمل نہیں دیا۔
’ٹینیٹ‘ کا پہلا ٹریلر دسمبر 2019 میں سامنے آیا تھا، جس سے سائنس فکشن فلم کی کہانی کو سمجھنا مشکل تھا۔ اب تک کسی کو معلوم نہیں کہ ’ٹینیٹ‘ کی کہانی کس مسئلے کے گرد گھومتی ہے، تاہم اندازہ ہوتا ہے کہ فلم میں ممکنہ طور تیسری ایٹمی جنگ چھیڑنے اور اسے روکنے کے مسئلے کو دکھایا جائے گا۔
فلم کو پہلے ہی جولائی 2020 میں ریلیز کرنے کا اعلان کیا گیا تھا مگر کورونا وائرس کی وجہ سے مذکورہ فلم سمیت کئی بڑی فلموں کی نمائش کو بھی ملتوی یا منسوخ کردیا گیا تھا۔
امریکا اور یورپی ممالک سمیت دنیا کے دیگر خطوں میں مارچ 2020 سے کورونا کے باعث سینما ہالز بند ہیں اور کئی بڑی فلموں کی نمائش کو روک دیا گیا ہے۔
خیال کیا جا رہا ہےکہ دنیا بھر میں سینما ہالز کی بندش کے باعث صرف ہولی وڈ انڈسٹری کو ہی 10 ارب ڈالر کا نقصان ہوگا، تاہم اب ایسا لگ رہا ہے کہ جلد سینما ہالز کو کھول دیا جائے گا۔
اگرچہ کئی ممالک میں کورونا کے کیسز میں کمی دیکھی جا رہی ہے، تاہم اس باوجود دنیا بھر سے نئے کیسز سامنے آ رہے ہیں۔
شوبز ویب سائٹ ورائٹی کے مطابق ٹینٹ کو سب سے پہلے 26 اگست کو یورپی ممالک بیلجیم، کروشیا، بلغاریہ، ڈینمارک، اسٹونیا، فن لینڈ، فرانس، ہالینڈ، ہنگری، آئس لینڈ، اٹلی، لتھوانیا، سوئیڈن، سوئٹزرلینڈ، سربیا اور برطانیہ میں ریلیز کیا جائے گا۔
دلچسپ بات یہ کہ اسٹوڈیو نے مذکورہ فلم کو 26 اگست کو مصر، انڈونیشیا، ترکی اور جنوبی کوریا میں بھی ریلیز کرنے کا اعلان کیا ہے۔
ٹینٹ کو اگلے ہی دن 27 اگست کو مزید ممالک میں ریلیز کیا جائے گا اور اسی دن فلم کو سعودی عرب، متحدہ عرب امارات، ملائیشیا اور مشرق وسطیٰ کے دیگر ممالک میں ریلیز کیا جائے گا۔
پروڈکشن ہاؤسز نے فلم کو ستمبر کے پہلے ہفتے میں امریکا میں ریلیز کرنے کا اعلان کیا ہے جب کہ پروڈکشن ہاوسز فلم کو بھارت، چین، برازیل اور میکسیکو جیسے ممالک میں بھی ستمبر کے وسط تک ریلیز کرنے کا ارادہ رکھتے ہیں، تاہم انہوں نے وہاں فلم کو ریلیز کرنے کی تاریخ کا اعلان نہیں کیا۔
جبکہ دوسری طرف ذرائع کا کہنا ہےکہ پروڈکشن ہاؤسز نے فلم کو پاکستان میں ریلیز کرنے کے حوالے سے بھی کوئی اعلان نہیں کیا۔
خیال کیا جا رہا ہے کہ فلم کو ریلیز کرنے سے قبل پروڈکشن ہاؤسز مقامی حکومتوں سے مذاکرات کے بعد مخصوص سینما ہالز کھلواکر وہاں فلم کو ریلیز کریں گے۔
عارف لوہا ر کے بیٹوں نے پہلی مرتبہ پرفارمنس دے کر سب کو حیران کر دیا-
باغی ٹی وی : عارف لوہار کے بیٹوں محمد عامر لوہار ،محمد ارشد عامر لوہار ،محمد آفرین علی لوہار نے وجدان کلچر کلب میں اپنی اعلی پرفارمنس سے سب کو حیران کردیا-
عارف لاہور کے تینوں بیٹوں نے کالے کلر کے سفید کڑھائی والے خوبصورت کُرتے اور دھوتی پہن رکھی ہے اور ،ست بسماللہ جی آیاں نوں، گاناگانے کے ساتھ ساتھ بھنگڑا بھی ڈال رہے ہیں جبکہ سب سے چھوٹے بیٹے عالم لوہار نے والد عارف لوہار کی طرح چمٹا بجا کر ناچتے ہوئے پرفامنس دی-
وجدان کلچرل نائٹ جس میں عارف لوہار کے تینوں بیٹوں نے پہلی بار پرفارم کیا اور کمال کر دیا۔سب سے چھوٹے بیٹے کا نام عالم لوہار ہے اور اس کی شکل بھی اپنے دادا سے ملتی ہے ۔عارف لوہار کے بیٹےاپنی ثقافت اور قدروں سے گہری جڑت رکھتے ہیں۔وڈیو دیکھیں https://t.co/lmfysmYBiYpic.twitter.com/xZKobGlZUt
سماجی رابطے کی ویب سائٹ ٹویٹرپر ڈاکٹر صغری صدف نے لکھا کہ وجدان کلچرل نائٹ جس میں عارف لوہار کے تینوں بیٹوں نے پہلی بار پرفارم کیا اور کمال کر دیا۔سب سے چھوٹے بیٹے کا نام عالم لوہار ہے اور اس کی شکل بھی اپنے دادا سے ملتی ہے ۔عارف لوہار کے بیٹےاپنی ثقافت اور قدروں سے گہری جڑت رکھتے ہیں-
پاکستان شوبز نڈسٹری کی معروف اداکارہ و میزبان وینا ملک کا کہنا ہے کہ تمام ایپس جو پاکستان سے اربوں کما رہی ہیں ان کو بھارت کی طرح پاکستان میں بھی ٹیکس دینا چاہئیے-
باغی ٹی وی : اداکارہ و میزبان اورپی ٹی آئی کارکن وینا ملک نے سماجی رابطے کی ویب سائٹ ٹوئٹر پر اپنے ٹویٹ میں تمام سوشل میڈیا ایپس کو بھارت کی طرح پاکستان میں بھی ٹیکس دینے کا مطالبہ کر دیا-
https://twitter.com/iamAurangzaiib/status/1288014158584262657?s=20
وینا ملک نے اپنے ٹویٹ میں لکھا کہ میرا نام وینا ملک ہے اور میں سمجھتی ہوں کہ تمام ایپس جو پاکستان سے اربوں کما رہی ہیں انکو بھارت کی طرح پاکستان میں بھی ٹیکس دینا چاہئیے-
اداکارہ و میزبان نے صارفین کو مخاطب کرتے ہوئے لکھا کہ اگر آپ بھی میری اس بات سے متفق ہیں تو اپنے نام کے ساتھ اس بات کو ٹویٹ کریں-
وینا ملک کی اس ٹویٹ پر صارفین کی جانب سے اپنی اپنی رائے کا اظہار کیا جا رہا ہے-
