Baaghi TV

Category: شوبز

  • پاگلوں سے دوستی کرنا پسند ہے مصیبت میں کوئی سمجھدار ساتھ نہیں دیتا نعمان اعجاز

    پاگلوں سے دوستی کرنا پسند ہے مصیبت میں کوئی سمجھدار ساتھ نہیں دیتا نعمان اعجاز

    پاکستان شوبز انڈسٹری کے سینئر اداکار نعمان اعجاز کا کہنا ہے کہ پاگلوں سے دوستی کرنا پسند ہے کیونکہ مصیبت میں کوئی سمجھدار ساتھ نہیں دیتا ۔

    باغی ٹی وی :سماجی رابطے کی ویب سائٹ انسٹاگرام پر اپنی ایک خوبصورت تصویر شیئر کرتے ہوئے اداکار نے مزاحیہ انداز میں موجودہ دور کے لوگوں کے رویوں کو تنقید کا نشانہ بنایا-
    https://www.instagram.com/p/CDremUQJCDY/?igshid=1qqql83be9slg
    اداکار نے لکھا کہ مجھے پاگلوں سے دوستی کرنا پسند ہے کیونکہ مصیبت میں کوئی سمجھدار ساتھ نہیں دیتا۔

    نعمان اعجازنے مزاحیہ انداز اپناتے ہوئے لکھا کہ میں خود بھی پاگل ہوں۔

    اداکار کے اس مزاحیہ کیپشن سے جہاں مداح محظوظ ہورہے ہیں وہیں ساتھی اداکار بھی اپنا ردعمل دے رہے ہیں۔


    نعمان اعجاز انسٹاگرام اسکرین شاٹس
    ڈر سی جاتی ہے صلہ میں نعمان اعجاز کے ساتھ اداکاری کے جوہر دکھانے والی اداکارہ یمنیٰ زیدی نے نعمان اعجاز کے کیپشن کی تعریف کرتے ہوئے لکھا کہ آپ کا کیپشن بہترین ہے- جبکہ اداکارہ میرا جی نے لکھا کہ وہ نعمان اعجاز کے کیپشن سے اتفاق کرتی ہیں جبکہ ملیحہ رحمان نے بھی تعریفی انداز میں اپنا ردعمل دیتے ہوئے لکھا کہ کیا کیپشن ہے-

    نعمان اعجاز انسٹاگرام اسکرین شا

    زندگی ایک بار ملتی ہیں اسے بھر پور طریقے سے جینا چاہیئے مایا علی

    یوٹیوب پر قرآنی سورتوں اور آیتوں کو مونیٹائز نہیں ہونا چاہیئے بلال مقصود

  • 2 دن تک زیر علاج رہنے کے بعد سنجے دت ہسپتال سے ڈسچارج

    2 دن تک زیر علاج رہنے کے بعد سنجے دت ہسپتال سے ڈسچارج

    با لی وڈ اداکار سنجے دت کو ہفتہ کی شام سانس لینے کی شکایت پر ہسپتال میں داخل کرادیا گیا تھا

    باغی ٹی وی :ہندوستان ٹائمز کی رپورٹ کے مطابق سنجے دت کو ممبئی کے لیلاوتی ہسپتال میں اس وقت داخل کرایا گیا تھا جب انہوں نے سانس لینے میں مشکلات کی شکایت کی۔ہسپتال میں ان کا کورونا وائرس کا ریپڈ اینٹی جن ٹیسٹ کیا گیا جو نیگیٹو رہا۔تاہم بعد زیادہ تفصیلی پی سی آر یا سواب میں نمونے لے کر ٹیسٹ کے لیے بھیجے گئے تھے-

    61 سالہ اداکار کو ہسپتال میں خون میں آکسیجن کی سطح میں کمی بیشی اور سینے میں تکلیف پر داخل کیا گیا تھا وہ نان کووڈ آئی سی یو وارڈ میں زیرعلاج رہے-


    سنجے دت نے بھی ٹوئٹر پر ایک پیغام میں اپنے مداحوں کو بتایا تھا کہ میں بالکل ٹھیک ہوں اور اس وقت ڈاکٹروں نے احتیاطاً مجھے معائنے کے لیے ہسپتال میں رکھا ہے جبکہ میرا کووڈ 19 ٹیسٹ نیگیٹو رہا۔ میں ایک یا 2 دن میں گھر جا سکوں گا، آپ کی نیک خواہشات کا شکریہ’۔

    سنجے دت کی بہن پریا دت نے اس حوالے سے بتایا تھا کہ انہیں شام ساڑھے 4 یا 5 بجے ہسپتال میں معمول کے معائنے کے لیے داخل کیا گیا کیونکہ انہیں سانس لینے میں مشکل پیش آرہی تھی، وہاں ایک کووڈ 19 ٹیسٹ ہوا جو نیگیٹو رہا۔

    انہوں نے مزید بتایا کہ سنجے دت کو ممکنہ طور پر پیر کو ہسپتال سے ڈسچارج کیا جاسکے گا ہم انہیں ہسپتال میں رکھیں گے تاکہ ان کے تمام ٹیسٹ ہوسکیں، ان کا مکمل معائنہ ہوگا اور میرے خیال میں وہ پیر کو گھر لوٹ آئیں گے۔

    ہسپتال سے جاری بیان کے مطابق سنجے دت کو سانس لینے میں مشکلات کی شکایت پر داخل کیا گیا ان کا کووڈ 19 ٹیسٹ نیگیٹو رہا مگر کچھ وقت تک لیے ان کا جائزہ لیا جائے گا، تاہم ان کی حالت ٹھیک ہے۔

    تاہم اب ہسپتال میں 2 دن تک زیر علاج رہنے کے بعد اداکار کو 10 اگست کو ڈسچارج کردیا گیا۔

    بھارتی اخبار انڈیا ٹوڈے کی رپورٹ کے مطابق 61 سالہ اداکار کو 10 اگست کی دوپہر کو ہی ڈسچارج کردیا گیا اور وہ خوشگوار موڈ میں ہسپتال سے باہر نکلے اور ہسپتال سے باہر نکلتے وقت فوٹوگرافرز اور صحافیوں کو سلام بھی کیا۔

    سنجے دت نے ہسپتال سے نکلتے وقت چہرے پر فیس ماسک پہن رکھا تھا اور وہ تنہا ہی ہسپتال سے باہر آئے اور گھر چلے گئے۔

    خیال رہے کہ سنجے دت نے حال ہی میں 61 ویں سالگرہ منائی تھی اور مستقبل قریب میں وہ سڑک 2، بھوج اور تربوز نامی فلموں میں نظر آئیں گے سڑک 2 ہدایتکار مہیش بھٹ کی نوے کی دہائی کی فلم سڑک کا سیکوئل ہے اور وہ 21 سال بعد کوئی فلم ڈائریکٹ کررہے ہیں-

    مہیش بھٹ کی ہدایت کاری میں بننے والی یہ فلم 28 اگست کو ڈزنی + ہاٹ اسٹار پر چلے گی۔ اس میں پوجا بھٹ ، عالیہ بھٹ اور آدتیہ رائے کپور بھی اہم کرداروں میں ہیں۔

    میکرز نے حال ہی میں فلم کے نئے پوسٹر جاری کیے ہیں۔
    https://www.instagram.com/p/CDiUQTxnluX/?utm_source=ig_embed

    بولی وڈ اداکارسنجے دت سانس لینے میں مشکلات کی شکایت پر ہسپتال میں داخل

  • ماڈل و اداکارہ آمنہ شیخ نے دوسری شادی کی تصدیق کرتے ہوئے اپنے شوہر کا تعارف کرادیا

    ماڈل و اداکارہ آمنہ شیخ نے دوسری شادی کی تصدیق کرتے ہوئے اپنے شوہر کا تعارف کرادیا

    پاکستان شوبز انڈسٹری کی معروف اداکارہ و ماڈل آمنہ شیخ نے اپنی شادی کی تصدیق کر دی ہے-

    باغی ٹی وی : 8 اگست کو اداکارہ و ماڈل آمنہ شیخ نے انسٹاگرام پرایک تصویر شیئر کی جس میں ان کے ہاتھ میں شادی کی انگوٹھی نظر آرہی ہے تصویر میں ایک خاتون مرد اور ایک بچے کا ہاتھ نظر آرہا تھا اور ہاتھ کے اوپر شادی کی انگوٹھی بھی نظر آرہی تھیں ۔آمنہ شیخ کی جانب سے شیئر کی گئی اس تصویر پر کوئی کیپشن نہیں دیا گیا اور نہ ہی کوئی ایموجی استعمال کیا گیا تھا-
    https://www.instagram.com/p/CDnjumah_1R/?utm_source=ig_embed
    آمنہ شیخ کی اس تصویر پر مدا ح شش و پنج میں پڑ گئے تھےاور سوشل میڈیا پر ایک نئی بحث چھڑ گئی تھی مداحوں نے خود ہی اندازے لگا کرکہ انہوں نے ملک کی معروف کاروباری شخصیت سے شادی کرلی ہے اُن کے مداحوں کی جانب سے ڈھیر ساری نیک تمناؤں اور دعاؤں کے ساتھ انہیں شادی کی مبارکباد دی گئی ۔

    آمنہ شیخ کو اس تصویر پرجہاں مداحوں نے مبارکباد دی وہیں شوبز شخصیات کی جانب سے بھی نیک تمناؤں کا اظہار کیا گیا-جن میں موٹیویشنل اسپیکر منیبہ مزاری اور سنیتا مارشل ،سکینہ سمو،ڈاکٹر شائستہ لودھی،نادیہ حسین،صبا قمر زمان، شرمین عبید چنائے،ہما عدنان ،عروسہ صدیقی ودیگر شامل تھے-
    https://www.instagram.com/p/CDqFkANB4eo/?utm_source=ig_embed
    بعد ازاں گذشتہ روز آمنہ شیخ کی جانب سے انسٹا گرام پر بغیر کسی وضاحت کے اپنے دوسرے شوہر کے ہمراہ تصویریں شیئر کی گئیں جس میں آمنہ، آمنہ کی بیٹی اور اُن کے شوہر نے سفید لباس زیب تن کر رکھا تھا-
    https://www.instagram.com/p/CDqFxAxB_6h/?utm_source=ig_embed
    اداکارہ نے اپنی اس پوسٹ میں اس حوالے سے کچھ نہیں بتایا تھا کہ انہوں نے منگنی کی ہے یا باقاعدہ رشتہ ازدواج میں منسلک ہوگئی ہیں۔
    https://www.instagram.com/p/CDqGD82hq8B/?utm_source=ig_embed
    آمنہ شیخ نے ایک اور انسٹاگرام پوسٹ میںلفظ ’فیملی‘ کی وضاحت کرتے ہوئے لکھا تھا کہ فیملی ایک نعمت ہے-جبکہ آمنہ شیخ نے سورۃ بقرہ کی آیت نمبر 87 پر مبنی ایک اور پوسٹ شئیر کی- ترجمہ : وہ تمھارے لیے لباس ہیں اور تم اُن کے لیے لباس ہو-
    https://www.instagram.com/p/CDqFqywBGoe/?utm_source=ig_embed
    تاہم منیبہ مزاری ،ماہرہ خان،ایمن خان ،انوشے اشرف، ثنا جاوید ، فریحہ الطاف اور دیگر ساتھی اداکاروں نے آمنہ شیخ کی نئی زندگی کی شروعات کرنے کا اندازہ لگا کر انہیں مبارکباد دی اور ساتھ ہی نیک تمناؤں کا اظہار بھی کیا مداحوں کی جانب سے بھی اداکارہ کی نئی زندگی کے لئے مبارکباد اور نیک تمناؤں کا اظہار کیا گیا-
    https://www.instagram.com/p/CDsryY8BkRT/?igshid=rurmb76dnigx
    https://www.instagram.com/p/CDsr2gPBN1S/?igshid=1kbaos7taku4l
    لیکن اب اداکارہ نے اپنی ایک انسٹا گرام پوسٹ میں دوسری شادی کی تصدیق کرتے ہوئے اپنے شوہر کا تعارف بھی کروایا ہے-
    https://www.instagram.com/p/CDsr_7CBqzD/?igshid=1k2ltr74cd5h9
    https://www.instagram.com/p/CDsr8nVhDwH/?igshid=1mg6n3ivgh24f
    آمنہ شیخ نے آج یعنی 10 اگست کو اپنے شوہر اور بیٹی کے ساتھ تصویر شیئر کی –
    https://www.instagram.com/p/CDssCzyhKzi/?igshid=17sviklpqes92
    اداکارہ نے ایک دوسری پوسٹ میں انہوں نے اپنے شوہر کا نام عمر فاروقی بتاتے مداحوں اور دوستوں کا نیک تمناؤں اور دعاؤں کے لئے شکریہ ادا کیا-

    آمنہ شیخ انسٹاگرام اسکرین شاٹ
    مداحوں نے اداکارہ پوسٹس پر کمنٹس کیے جن سے معلوم ہوتا ہےکہ عمر فاروقی انٹرپرینیور اور ایجوکیشنل ٹیکنالوجی کمپنی کوڈڈ مائینڈ کے چیف ایگزیکٹو افسر (سی ای او) ہیں۔

    کوڈڈ مائینڈ کمپنی کی ویب سائٹ کے مطابق عمر فاروقی کمپنی کے سی ای او سمیت بانی اور صدر بھی ہیں اور انہوں نے مذکورہ کمپنی 2017 میں بنائی کوڈڈ مائینڈ کمپنی یو اے ای میں ہے جو پاکستان سمیت دنیا کے مختلف ممالک متحدہ عرب امارات ،سعودی عرب، ملائیشیا، کینیڈا اور امریکہ میں ٹیکنالوجی کی مدد سے تعلیم میں خدمات پیش کرتی ہے۔

    عمر فاروقی کو ان کی خدمات کی وجہ سے معروف امریکی جریدے فوربز نے گزشتہ برس افریقی ایڈیشن کے سرورق کی زینت بھی بنایا تھا۔

    اسکرین شاٹ فوربز
    واضح رہے کہ آمنہ شیخ نے اداکار محب مرزا کے ساتھ 2005 میں شادی کی تھی دونوں کی ایک بیٹی ہے آمنہ اور محب نے 12 سالہ شادی شدہ زندگی گزارنے کے بعد اپنی راہیں جدا کرلی تھیں جس کی تصدیق محب مرزا نے ایک شو کے دوران کرتے ہوئے کہا تھا کہ وہ اور آمنہ اب ساتھ نہیں رہتے دونوں کی طلاق ہوچکی ہے۔

    اداکارہ و ماڈل آمنہ شیخ نے دوسری شادی کر لی

    آمنہ شیخ کی سوشل میڈیا پر وائرل حالیہ تصویر نے نئی بحث چھیڑ دی

  • جنوبی پنجاب میں درخت پر بنا چائے کا انوکھا ہوٹل

    جنوبی پنجاب میں درخت پر بنا چائے کا انوکھا ہوٹل

    یوں تو دنیا بھر میں لوگوں کی منفرد ،دلچسپ اور عجیب و غریب سرگرمیوں کے بارے میں اکثر وبیشتر سوشل میڈیا پر تصاویر اور ویڈیوز وائرل ہوتی ہیں جنہیں دیکھنے والوں کو محفوظ کرنے کے ساتھ حیران و پریشان کر دیتی ہیں اور دلچسپی کا باعث بنتی ہیں-

    باغی ٹی وی : اکثر و بیشتر سوشل میڈیا پر حیران کن اور دلچسپ ویڈیو ز اور تصاویر وائرل ہوتی ہیں جنہیں دیکھ کر عقل دنگ رہ جاتی ہے اسی طرح سماجی فابطے کی ویب سائٹ ٹویٹر پر ایک ویڈیو وائرل ہو رہی ہے جو سوشل میڈیا صارفین کی دلچسپی کا باعث بنی ہوئی ہے اور ہر کوئی اس ویڈیو سے لطف اندوز ہو رہا ہے-
    https://twitter.com/Habibsu16092600/status/1292696204258750464
    حبیب سلطان اعوان نامی صارف نے اپنے ٹویٹر اکاؤنٹ پر چائے کے شوقین لوگوں کیلئے ایک ایسی ہی دلچسپ ویڈیو شئیر کی ہے جس میں ایک ایسا چائے کا ہوٹل دیکھا جا سکتا ہے جو کہ درخت پر بنایا گیا ہے-

    اس انوکھی طرز کے بنے عجیب و غریب ہوٹل کی چائے پینے کے لئے چائے کے شوقین لوگوں کو درخت پر چڑھنا پڑتا ہے جہاں چائے پینے والوں کے بیٹھنے کے لئے چارپائی بھی رکھی گئی ہے-

    ویڈیو میں دیکھا جا سکتا ہے کہ اس ہوٹل کو دیکھنے اور چائے پینے کے لئے لوگوں کی ایک خاصی تعداد جمع ہے اور وہ اس انوکھے ہوٹل کو دیکھ کر حیرانی اور دلچسپی کا اظہار کر رہے ہیں –

    حبیب سلطان نامی صارف نے ویڈیو شئیر کرتے ہوئے چائے کے شوقین لوگوں جو اس ہوٹل سے چائے پینے کی دعوت دیتے ہوئے لکھا کہ چاۓ کے شوقین تو بہت لوگ ہوں گے لیکن ایسی چاۓ کسی نے نہیں پی ہوگی جو شوقین ہیں چاۓ کہ وہ یہ چاۓ ضرور پیئں –

    چائے کے نئی طرز کے انوکھے ہوٹل کی ویڈیو سو شل میڈیا صارفین کی دلچسپی کا باعث بنا ہوا ہے اور وہ ہوٹل کے مالک کے اس آئیڈیا کی تعریف کرتے ہوئے دلچسپ تبصرے بھی کر رہے ہیں-


    ایک صارف نے حیرانی کا اظہار کرتے ہوئے لکھا کہ میں بہت۔چائے پیتی ھوں پر درخت پر چڑھ کر چائے آم کا درخت امرود کا درخت سیب کا درخت پھر پیش ہے چائے کا درخت-


    ایک صارف نے کہا کہ وہ دودھ والی چائے کی بالجکل بھی شوقین نہیں ہیں لیکن انہیں ایک دفعہ اس چارپائی پر ضرور بیٹھنا ہے جو درخت پر بنے ہوٹل پر چائے پینے والوں کے لئے رکھی گئی ہے-


    ایک صارف نے تو اسے پاگل پاگل پن قرار دیا-
    https://twitter.com/waqashussain777/status/1292700381349380098?s=20


    ایک صارف نے لکھا کہ ان کو کوئی جگہ نہیں ملی تھی چائے کے چکر میں ہڈی پسلی تڑوا لو-

    دونوں بازوؤں سے محروم کرکٹ آل راؤنڈر کشمیری نوجوان کے عزم و ہمت کی کہانی

    صبا قمر کی مسجد میں گانے کی شوٹنگ نے کس طرح میری زندگی کی سب سے اہم خوشی چھین لی

    زندگی ایک بار ملتی ہیں اسے بھر پور طریقے سے جینا چاہیئے مایا علی

    ارطغرل ڈرامے کے معروف کردار دو تلواریں لیا ننھا بمسی سامنے آ گیا

    مہوش حیات کی مداحوں سے جعلی ٹک ٹاک اکاؤنٹ کی رپورٹ کرنے کی اپیل

    یوٹیوب پر قرآنی سورتوں اور آیتوں کو مونیٹائز نہیں ہونا چاہیئے بلال مقصود

  • پی ٹی وی ارطغرل یوٹیوب چینل پر ویڈیو ویوز کی تعداد ایک ارب سے تجاوز کر گئی

    پی ٹی وی ارطغرل یوٹیوب چینل پر ویڈیو ویوز کی تعداد ایک ارب سے تجاوز کر گئی

    مسلمانوں کی اسلامی فتوحات پر مشتمل تُرک سیریز ارطغرل غازی کی مقبولیت میں مزید اضافہ، ایک اور سنگ میل عبور ہو گیا ،اطلاعات کےمطابق ارطغرل پی ٹی وی نے یوٹیوب چینل پر ایک اور سنگ میل عبور کر لی پی ٹی وی ارطغرل یوٹیوب چینل پر ویڈیو ویوز کی تعداد ایک ارب سے تجاوز کر گئی-

    باغی ٹی وی :(ساوتھ ایشین وائر)گزشتہ سال دسمبر 2019 میں پی ٹی وی نے وزیر اعظم عمران خان کی ہدایات کے بعد مسلمانوں کی فتوحات کی کہانی پر مبنی شہرہ آفاق ترکش ڈرامے دیریلیش ارطغرل کی اردو ڈبنگ کا آغاز کیا تھا۔

    دنیا کے متعدد ممالک میں نشر ہونے کے بعد اب یہ پاکستان ٹیلی ویژن پریکم رمضان سے پاکستانی وزیراعظم عمران خان کی ہدایت پر نشر کیا جارہا ہے۔ساوتھ ایشین وائر کے مطابق بتایا گیا تھا کہ پی ٹی وی نے معروف ڈرامے دیریلیش ارطغرل کے اردو ترجمے کے بعد ایک اعلی مہارتی ٹیم کے ساتھ اس کی ڈبنگ شروع کی اور اسے پی ٹی وی پر نشر کرنا شروع کر دیا جس کے نشر ہوتے ہی اس ترک ڈرامے نے کئی ریکارڈ بنا ڈالے۔

    پاکستان میں کئی سالوں سے مختلف ڈراموں کو اردو ڈبنگ کے ساتھ چینلز پر نشر کیا جارہا ہے مگر جو مقبولیت ترک مسلمانوں کی تیرہویں صدی میں اسلامی فتوحات پر مبنی ترکش ڈرامہ سیریل ’’ارطغرل غازی‘‘ جسے ترکی کا گیم آف تھرونز بھی کہا جاتا ہے کو ملی اس کی مثال نہیں ملتی۔ اسے دنیا کے کم و بیش ساٹھ ( 60 ) ممالک میں ڈب کر کے دکھایا گیا لیکن پاکستان میں اسے بہت زیادہ مقبولیت حاصل ہوئی ہے اور اس ڈرامے نے ایک کے بعد ایک ریکارڈ اپنے نام کئے ہیں-

    تاہم اب بھی اس ڈرامے نے ایک اور ریکارڈ اپنے نام کر لیا ہے کہ پی ٹی وی ارطغرل یوٹیوب چینل پر ویڈیو ویوز کی تعداد ایک ارب سے تجاوز کر گئی ہے ایسا اعزاز شاید ہی کبھی کسی اور ڈرامے کے حصے میں آیا ہو-

    اس موقع پر پی ٹی وی نے ارطغرل کے شائقین کے لئے ایک بڑی خوشخبری کا اعلان کیا ہے کہ اب پی ٹی وی ہوم پر ارطغرل ڈرامہ ہر جمعہ ہفتہ اور اتوار کو شام 7:55 پر نشر کیا جائے گا-

    ارطغرل کی دنیا بھر میں کامیابی کا ندازہ اس بات سے لگایا جا سکتا ہے کہ اسے دنیا کے ایک سو چھالیس ( 146 ) ممالک سے نہ صرف ناظرین کی توجہ حاصل کی بلکہ وہاں ڈراموں کی دنیا کا بے تاج بادشاہ بھی قرار پایا۔

    یورپ، مڈل ایسٹ، افریقہ اور یورپ سے 700 ملین ناظرین کو اپنے سحر میں گرفتار کرنے والا ڈراما غازی ارطغرل آذربائیجان، ترکمانستان، قازقستان، ازبکستان، البانیہ، پولینڈ، سربیا، بوسنیا، ہزروگوینا، ہنگری اور یونان میں ریکارڈ توڑنے کے بعد اب پاکستان میں بھی یکم رمضان سے پی ٹی وی پر نشر کیا جا رہا ہے-

    یہ وہ ڈرامہ ہے جس نے مسلمانوں کو ان کے حقیقی ہیروز سے متعارف کرایا ہے۔ یہ وہ ڈرامہ ہے جس کے بارے میں رجب طیب اردگان نے کہا ”جب تک شیر اپنی تاریخ خود نہیں لکھیں گے ان کے شکاری ہی ہیرو ٹھہریں گے“ اور ”ہم اسلامی تاریخ اس طرح لکھیں گے جس طرح وہ تھی“ اور جب یہ اسلامی تاریخ ارطغرل نامی ڈرامے کے ذریعے دنیا کی دکھائی تو لوگ اسلام قبول کرنے لگے۔ یہ وہی ڈرامہ ہے جس نے اغیار کی ان کوششوں پر پانی پھیر دیا جو اسلام کے سنہری ماضی کو داغدار کرنے میں صرف کی گئی تھیں۔

    ’’ارطغرل غازی‘‘ اپنی کہانی، تیاری اور اداکاری کے لحاظ سے ایک شاہکار ڈرامہ ہے اس کی پروڈکشن اس کا پلاٹ اداکاری ہر چیز بہت ہی شاندار ہے یہ ڈرامہ ایک ایسے خانہ بدوش قبیلے کی کہانی بیان کرتا ہے جو موسموں کی شدت کے ساتھ ساتھ منگولوں اور صلیبیوں کے نشانے پر ہوتا ہے۔

    واضح رہے کہ دیریلیش ارطغرل‘ ڈرامے کی کہانی 13 ویں صدی میں ’سلطنت عثمانیہ‘ کے قیام سے قبل کی کہانی ہے اور اس ڈرامے کی مرکزی کہانی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے ڈرامے میں دکھایا گیا ہے کہ کس طرح 13 ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔ڈرامے میں سلطنت عثمانیہ سے قبل کی ارطغرل کی حکمرانی، بہادری اور محبت کو دکھایا گیا ہے

    ارطغرل ڈرامے کی کی مقبولیت میں مزید اضافہ، ایک اور سنگ میل عبور ہو گیا

    وزیر اعظم کے چہیتے افراد ارطغرل ڈرامے کے نام پر پی ٹی وی کولوٹ رہے ، یوٹیوب چینل…

    ارطغرل اردو کی بڑی کامیابی، دنیا میں سب سے زیادہ دیکھے جانے والے چینلز میں تینتیسویں نمبر پر آگیا

    ’’ارطغرل غازی‘‘ میں مرکزی کردار ادا کرنے والے ’’ارطغرل‘‘ کون ہیں ؟

  • صبا قمر کی مسجد میں گانے کی شوٹنگ نے کس طرح میری زندگی کی سب سے اہم خوشی چھین لی

    صبا قمر کی مسجد میں گانے کی شوٹنگ نے کس طرح میری زندگی کی سب سے اہم خوشی چھین لی

    صبا قمر کی مسجد میں گانے کی شوٹنگ نے کس طرح میری زندگی کی سب سے اہم خوشی چھین لی ؛ اسسٹنٹ کمشنر لاہور محمد مرتضیٰ

    باغی ٹی وی : دو روز قبل سوشل میڈیا پر اداکارہ صبا قمر اور بلال سعید کے گانے کی ویڈیو وائرل ہوئی ہے گانے کی عکس بندی مسجد وزیرخان میں کی گئی ہے جس میں مسجد کے تقدس کوپامال کیا گیا ہے۔

    گلوکار بلال سعید اور اداکارہ صبا قمر کے نئے گانے قبول ہے کی ویڈیو کی مسجد وزیر خان میں شُوٹنگ اور رقص کی ویڈیو کو سوشل میڈیا پر عوام سمیت معروف شخصیات کی طرف سے تنقید کا نشانہ بنایا جا رہا ہے اور فنکاروں کے اس اقدام کی شدید مذمت کی جارہی ہے-

    دو روز سے عوام ، مذہبی شخصیات سمیت معروف شخصیات کی جانب سے غم و غصے کا اظہار کرتے ہوئے حکومت سے کارروائی کرنے کا مطالبہ کیا جارہا ہے جس کے بعد دونوں فنکاروں نے مسجد میں ویڈیو بنانے کی وضاحت دیتے ہوئےعوام سے معافی بھی مانگی-

    تاہم پھر بھی ان فنکاروں کو معاف نہ کرنے اور ان کو سخت سزا دینے کا مطالبہ کیا جاتا رہا یہاں تک کہ گذشتہ روز ٹویٹر پینل پر مسجد سینما نہیں ہے ٹرینڈ پر رہا-

    تاہم اب اسسٹنٹ کمشنر لاہورمحمد مرتضیٰ سماجی رابطے کی ویب سائٹ ٹویٹر پر اپنے سلسلہ وار ٹوئٹس میں صبا قمر اور بلال سعید کے اس اقدام پر انہیں تنقید کا نشانہ بناتے ہوئے کہا کہ صبا قمر کی مسجد میں گانے کی شوٹنگ نے کس طرح میری زندگی کی سب سے اہم خوشی چھین لی-

    محمد مرتضیٰ نے صبا قمر اور میری سچی خوشیاں عنوان سے سلسلہ وار ٹوئٹس کئے-
    https://twitter.com/Mutaraqqi/status/1292584772867371008?s=08
    محمد مرتضی نے کہا کہ میں صبا قمر کو ذاتی طور پر نہیں جانتا ہوں لیکن صبا قمر اور بلال سعید نے حال ہی میں میری زندگی میں ایک اداس (اور جذباتی طور پر تکلیف دہ) کردار ادا کیا ہے۔ انہیں ابھی تک یہ معلوم نہیں ہے۔ لیکن انہیں معلوم ہونا چاہئے۔
    یہ سب 2014 میں شروع ہوا تھا …

    مرتضیٰ نے کہا کہ میں نے پرانے لاہور میں وزیر خان مسجد کا دورہ کیا اور مجھے مسجد کے ساتھ محبت ہو گئی مسجد کا محراب ہے ، خوبصورت رنگوں کا مجموعہ ہے اور یہ لاہوریوں ، روایات اور جدید پاکستان کی تاریخ سے گہری وابستگی ہے۔

    مرتضیٰ نے لکھا کہ میں نے تب خود سے وعدہ کیا تھا کہ اگر ممکن ہوا تو میں اس مسجد میں اپنی نکاح کروں گا۔

    6 سال بعد:ایک عالمی وبائی بیماری نے پاکستانی شادی کی ثقافت کو تبدیل کردیا ہے مجھے فائنل امتحانات کے بعد لاہور میں اسسٹنٹ کمشنر کے طور پر تعینیات کیا گیا ہے اور میں نے شادی کرنے کا فیصلہ کیا- میرے خوابوں کا پہلا اسٹاپ:وزیر خان مسجد

    محمد مرتضٰی نے بتایا کہ نکاح کی تاریخ طے پا گئی تھی اتوار کی صبح فجر کے بعد وزیر خان مسجد میں اور رسول اللہ کی سنت کے مطابق ہمارا نکاح ہونا تھا میری ہونے والی بیوی کا لباس تیار تھا میرے بھی کپرے تیار تھےفیملی فوٹوگرافر نے ہر چیز کو مینٹین کر رکھا تا
    یہاں تک کہ مہمانوں کو بھی مدعو کرلیا گیا تھا-

    مرتضیٰ نے کہا کہ میرا منصوبہ میرا خواب وزیر اعظم مسجد میں صبح سویرے کی شادی جبکہ اس میں آنے والامسئلہ صبا قمر کا مسجد کے ایک محراب میں ٹک ٹاک ویڈیو بناناتھا جس کے نتیجے میں وزیر خان مسجد میں انتظامیہ نے میری نکاح کی اجازت منسوخ کردی ہے-

    محمد مرتضی نے مزید کہا کہ میرے نکاح سے ایک ہی دن قبل وہی شخص جس نے مسجد کے اندر ڈانس کی ویڈیو کی اجازت دی تھی مجھے فون کرکے کہا کہ وہ اب مسجد کے اندر کسی بھی چیز کی اجازت نہیں دے سکتا کیونکہ اسےتنازعہ پسند نہیں-

    مرتضیٰ نے کہا کہ ان تمام ہفتوں کی محتاط منصوبہ بندی اور سالوں کے خواب دیکھنے کو صرف اس لئے منسوخ کیا جارہا تھا کہ ایک سرکاری نوکر اپنے فرائض کی انجام دہی میں غیر ذمہ داری کا مظاہرہ کر رہا تھا اور اب غیر منطقی طور پر ہر چیز پر پابندی عائد کرکے روایتی پاکستانی اندازاپنا رہا ہے۔

    در حقیقت میں اتنا افسردہ تھا کہ میں نے اپنا نکاح منسوخ کردیا سارے مہمان ، سارے انتظامات ، سارا کھانا ، پھول ، بولی حتی کہ میں نے سب کچھ منسوخ کردیا۔لاؤنج میں ایک ہنگامی خاندانی اجلاس / کانفرنس بلائی گئی۔یہ رویت ہلال کی طرح تھا اور میں اس وقت چوہدری فواد بنا بیٹھاتھا-

    آدھی رات کو یہ فیصلہ ہوا کہ نکاح نکاح ہوتاہے وزیر خان مسجد مرکزی ہو یا گھر پر ( لیکن میں اس سے اتفاق نہیں کرتا تھا ، لیکن شادی شدہ زندگی کا پیش خیمہ ہونے کے ناطے ، مجھے نظر انداز کردیا گیا تھا-

    محمد مرتضیٰ نے بتایا کہ طویل کہانی مختصر:گذشتہ روز صبح 10:30 بجے ، اتوار 18 ذی الحجہ ۔ 9 اگست ، 2020 ، اسی گھر کا لاؤنج میں ، جس میں مذکورہ ذکر کیا گیا ہے جہاں خاندانی ہنگامی اجلاس ہوا تھا اور میرے نکاح کا فیصلہ کیا گیا تھا، اس میں ہی میں نے کہا کہ تین بار قبول ہے کہا (لڑکی نے ایسا کیا ، جو زیادہ حیران کن ہے) میں اب سرکاری طور پر ایک شادی شدہ آدمی ہوں۔

    مرتضیٰ نے بتایا کہ یہاں صبا قمر کے تنازعہ کے افسوسناک معاملے کا میری حسب خواہش شادی پر ہونے والے تباہ کن اثرات کا خاتمہ ہوتا ہے۔ مجھے شاید ہی کبھی ان لوگوں پر اتنا غصہ آیا ہو جن سے میں کبھی نہیں ملا ہوں لیکن وہ وزیر خان مسجد کے انچارج! اللہ پوچھے گا آپکو اور صبا کو بھی شائد-

    محمد مرتضیٰ نے اپنی سلسلہ وار ٹویٹس کے آخر مین پیغام دیتے ہوئے لکھا کہ اس خوشی کے موقع پر سرکاری ملازمین کے لئے عوامی خدمت کا پیغام: براہ کرم "ہر چیز پر پابندی عائد کریں” نقطہ نظر کو روکیں۔ یہ حل نہیں ہے۔ ایک گورنمنٹ اور ایڈمنسٹریٹر کی حیثیت سے ہمیں سمجھدار اور منطقی ہونے کی ضرورت ہے۔

    کیا روکنا ہے اور کہا نہیں روکنا ہے ؟ جو قانونی اور حلال ہے اسے اجازت دیں-

    آخر میں انہوں نے اللہ کا شکر ادا کرتے ہوئے کہا کہ ہر حال میں اللہ کا شکر ادا کرتا ہوں-

    مسجد میں گانے کے شوٹ کی اجازت کے تیس ہزار روپے لیے گئے ، نوٹیفیکیشن سامنے آ گیا

    قبول ہے ایک گانا تھا ان کا اصل نکاح نہیں تھا کہ انہوں نے ایک مشہور مسجد کے مذہبی…

    قبول ہے ایک گانا تھا ان کا اصل نکاح نہیں تھا کہ انہوں نے ایک مشہور مسجد کے مذہبی…

    صبا قمر کی مسجد وزیرخان میں ڈانس کی ویڈیو وائرل

    مسجد میں گانے کی ویڈیو پر صبا قمر نے معافی مانگ لی

    مسجد وزیر خان میں ویڈیو پر وضاحت دیتے ہوئے بلال سعید نے معافی مانگ لی

    اداکارہ صبا قمر اور بلال سعید کے خلاف مسجد کی بیحرمتی پر تھانہ مزنگ میں مقدمہ کی درخواست دے دی گئی

  • دونوں بازوؤں سے محروم کرکٹ آل راؤنڈر کشمیری نوجوان کے عزم و ہمت کی کہانی

    دونوں بازوؤں سے محروم کرکٹ آل راؤنڈر کشمیری نوجوان کے عزم و ہمت کی کہانی

    دونوں بازوؤں سے محروم کرکٹ آل راؤنڈر کشمیری نوجوان محمد عامر کے عزم و ہمت کی کہانی جس نے اپنی زندگی کے بدترین حادثے کے باوجود امید نہیں کھوئی اور اپنی زندگی کا سفر جاری رکھا-

    باغی ٹی وی :کشمیری نوجوان محمد عامر بازوؤں سے محروم ہیں لیکن وہ اپنی ریاستی ٹیم کے کپتان ہیں عامر نے 8 سال کی عمر میں اپنے باپ کی چکی پر ایک حادثے میں اپنے بازوؤں سے محروم ہو گئے تھے ستم ظریفی کی بات یہ ہے کہ ان کے والد اپنا روزگار حاصل کرنے کے لئے کرکٹ بیٹ بناتے تھے-
    https://twitter.com/plalor/status/1292328668425883649?s=08
    لیکن کرکٹ کھیل کے لئے اس کے جذبے نے یہ کھیل کبھی نہیں چھوڑا محمد عامر کا کہنا ہے کہ حادثے کے بعد میرے ساتھ جو بھی بری چیزیں پیش آئیں جن بھی مشکلات کا سامنا کرنا پڑا اس نے مجھے اپنی زندگی میں آگے بڑھنے اور کچھ الگ کرنے کا قائل کرلیا-

    اپنے بازوؤں سے محروم عمار بولنگ کرسکتا ہے اور اپنے پیروں ، گردن اور منہ کا استعمال کرتے وہ گیند پکڑ سکتا ہے –

    عامر کے اس ایکسیڈینٹ کے بعد اس کے والد کو اس کا علاج کروانے کے لئے اپنی چکی اور زمین بیچنی پڑی لیکن پھر بی ڈاکٹر عامر کے بازوؤں کو بچانے میں ناکام رہے اور ان حالات میں عامر کو معاشرے میں قبول کرنا مشکل معلوم ہوا۔

    ڈاکٹروں نے عامر کے والد کو کہا کہ وہ بیکار ہے اور اس کے والد کو اسے بچانے کا خطرہ مول نہیں لینا چاہئے تھا۔ 2 ماہ کے بعد جب عامر صحتمند ہو گیا تو اس نے واپس سکول جانا شروع کیا لیکن اساتذہ نے اسے کہا کہ اسے گھر میں ہی رہنا چاہئے کیونکہ تعلیم اس کے لئے نہیں ہے ۔

    عامرخود کفیل ہے اور وہ اپنی تعلیم جاری رکھنے کے لئے اخروٹ بیچ کر کتابیں خریدتا ہے۔

    عامر کا کہنا ہے کہ میں نے کبھی امید نہیں چھوڑی اور میں نے کبھی شکست قبول نہیں کی۔ میں نے ہمیشہ کہا ہے کہ میں زندگی میں آگے بڑھتا رہوں گا اور یہی میری خواہش رہی ہے-

    ارطغرل ڈرامے کے معروف کردار دو تلواریں لیا ننھا بمسی سامنے آ گیا

    بدترین معاشی مشکلات کا شکار بلوچ لوک فنکار واسو خان کس حال میں ہیں؟

  • مساجد سینما نہیں ہے مساجد کا تقدس پامال کرنے والوں کے خلاف کاروائی کی جائے ٹویٹر ٹرینڈ ٹاپ پر

    مساجد سینما نہیں ہے مساجد کا تقدس پامال کرنے والوں کے خلاف کاروائی کی جائے ٹویٹر ٹرینڈ ٹاپ پر

    گذشتہ روز سوشل میڈیا پر اداکارہ صبا قمر اور بلال سعید کے گانے کی ویڈیو وائرل ہوئی ہے گانے کی عکس بندی مسجد وزیرخان میں کی گئی ہے جس میں مسجد کے تقدس کوپامال کیا گیا ہے۔

    باغی ٹی وی :گلوکار بلال سعید اور اداکارہ صبا قمر کے نئے گانے قبول ہے کی ویڈیو کی مسجد وزیر خان میں شُوٹنگ اور رقص کی ویڈیو کو سوشل میڈیا پر عوام سمیت معروف شخصیات کی طرف سے تنقید کا نشانہ بنایا جا رہا ہے اور فنکاروں کے اس اقدام کی شدید مذمت کی جارہی ہے-

    گذشتہ روز سے عوام ، مذہبی شخصیات سمیت معروف شخصیات کی جانب سے غم و غصے کا اظہار کرتے ہوئے حکومت سے کارروائی کرنے کا مطالبہ کیا جارہا ہے جس کے بعد دونوں فنکاروں نے مسجد میں ویڈیو بنانے کی وضاحت دیتے ہوئےعوام سے معافی بھی مانگی ہے-

    تاہم پھر بھی ان فنکاروں کو معاف نہ کرنے اور ان کو سخت سزا دینے کا مطالبہ کیا جا رہا ہے یہاں تک کہ ٹویٹر پینل پر مسجد سینما نہیں ہے ٹرینڈ کر رہا ہے-
    https://twitter.com/RubinaViews/status/1292508865054101506?s=20
    ایک صارف نے قرآن پاک کی آیات کا ترجمہ لکھا تم کہو ، وہ اللہ ہی ہے۔ اللہ ایک ہے ، اللہ بے نیاز ہےنہ اس نے کسی کو جنا اور نہ کسی سے جنا گیا اور نہ ہی کوئی اس کے برابر ہے –


    جنت کھر نامی صارف نے لکھا کہ کیا یہ مدینہ کی ریاست ہے؟ آج کل مساجد میں گانوں کی شوٹنگ ، جوڑے کی فوٹو گرافی اور بہت ساری بہت سی جگہیں ہیں ۔بہترین یہ نہ بھولیں کہ یہ اللہ تعالی کا گھر ہے-


    رانیہ نامی صارف نے لکھا کہ صبا قمر اور بلال سعید کے بارے میں نہیں ہےایک گلوکار اور رقاصہ یہ ان تمام لوگوں کے بارے میں ہے جو صرف شادی کی شوٹنگ کے لئے مسجد جاتے ہیں حکومت کو اس پر پابندی لگانی چاہئے-


    احمد نامی صارف نے لکھا کہ اس میں کوئی شک نہیں کہ ہم اسلام کی بنیادی روح اور طاقت سے دور ہو رہے ہیں۔اور ہمیں اس کا خمیازہ بھگتنا پڑے گا اور اسی لئے ہم دنیا میں تنہا اور رسوا ہو رہے ہیں۔


    تاشیر ایڈورٹائزمنٹ نامی اکاؤنٹ سے ٹویت کیا گیا کہ مقدس مقامات پر اس طرح کے بے ہودہ طریقوں پر سختی سے ممانعت کی جانی چاہئے۔ ہمیں اسلام اور اس کی تعلیمات کا احترام کرنا چاہئے۔ ہم مسلمان ہیں۔ اگر ہمیں اس کی پرواہ نہیں ہے تو ہم غیرمسلموں سے کیا توقع کریں گے؟


    محمود ایاز نامی صارف نے مسجد وزیر خان انتظامیہ کے خلاف کاروائی کا مطالبہ کرتے ہوئے لکھا کہ مساجد اللہ کا گھر ہیں۔ مساجد کی توہین سے اہل اسلام اور پاکستان کو تکلیف ہوئی ہے۔ اجازت دینے پر انتظامیہ کے خلاف کارروائی کی جائے۔


    محمود ایاز نامی صارف نے ایک اور ٹوئت مین لکھا کہ مساجد ڈراموں اور گانوں کی شوٹنگ ایک مسئلہ بن رہا ہے پہلے فیصل مسجد پھر بادشاہی مسجد اب وزیر خان مسجد میں حکومت اس مکرو ہات پر پابندی کیوں نہیں لگاتی؟


    خرم نواز گنڈا پوری نے لکھا کہ مساجد میں فیشن شو ہونے والی شادیوں کے رواج پر پابندی عائد ہونی چاہئے۔ یہاں تک کہ ہندوستانی بھی سوشل میڈیا پر ہمارا مذاق اڑا رہے ہیں اور یہ کہہ رہے ہیں کہ ہمیں یہعنی پاکستانیوں اور مسلمانوں کو بابری مسجد کے بارے میں بات کرنے سے پہلے اپنے مساجد کا خیال رکھنا چاہئے۔


    خرم نواز گنڈا پور نے مزید لکھا کہ بالآخر ، انہیں کسی مذہبی مقام کی بے عزتی کرنے پر سزا دی جانی چاہئے۔
    https://twitter.com/ProductionWahad/status/1292493891296538625?s=20
    https://twitter.com/NisarAhmedPk1/status/1292486335182315520?s=20


    https://twitter.com/The_Sana_17/status/1292500141266612224?s=20

    مسجد میں گانے کے شوٹ کی اجازت کے تیس ہزار روپے لیے گئے ، نوٹیفیکیشن سامنے آ گیا

    قبول ہے ایک گانا تھا ان کا اصل نکاح نہیں تھا کہ انہوں نے ایک مشہور مسجد کے مذہبی…

    قبول ہے ایک گانا تھا ان کا اصل نکاح نہیں تھا کہ انہوں نے ایک مشہور مسجد کے مذہبی…

    صبا قمر کی مسجد وزیرخان میں ڈانس کی ویڈیو وائرل

    مسجد میں گانے کی ویڈیو پر صبا قمر نے معافی مانگ لی

    مسجد وزیر خان میں ویڈیو پر وضاحت دیتے ہوئے بلال سعید نے معافی مانگ لی

    اداکارہ صبا قمر اور بلال سعید کے خلاف مسجد کی بیحرمتی پر تھانہ مزنگ میں مقدمہ کی درخواست دے دی گئی

  • اداکارہ صبا قمر اور بلال سعید کے خلاف مسجد کی بیحرمتی پر تھانہ مزنگ میں مقدمہ کی درخواست دے دی گئی

    اداکارہ صبا قمر اور بلال سعید کے خلاف مسجد کی بیحرمتی پر تھانہ مزنگ میں مقدمہ کی درخواست دے دی گئی

    لاہور:اداکارہ صبا قمر اور بلال سعید کے خلاف تھانہ مزنگ میں مقدمہ کی درخواست دے دی گئی ،اطلاعات کے مطابق اداکارہ صبا قمر اور بلال سعید کے خلاف تھانہ مزنگ میں ذاتی مدعیت میں مقدمہ درج کروانے کے لیے درخواست جمع کروا دی گئی

    اطلاعات کے مطابق لاہور کے ایک مقامی وکیل نے تھانہ مزنگ میں اداکارہ صبا قمر اوربلال سعید کے خلاف مسجد کی توہین پرمقدمہ کی درخواست دیتےہوئے کہا ہےکہ مذکورہ اداکاراوں نے مسجد کے تقدس کو پامال کرتے ہوئے ایسے افعال سرانجام دیے ہیں جو کہ ناں صرف خلاف اسلام ہیں بلکہ یہ ایک بہت بڑا جرم بھی ہے

     

    لاہور کے مقامی وکیل علی اکبرملک نے تھانہ مزنگ کےایس ایچ او کودرخواست دیتے ہوئے کہاہےکہ صبا قمر اوربلال سعید نے مسلمانوں کے ایمان مجروع کرنے کی جسارت کی ہے

    علی اکبر ملک کہتے ہیں کہ مساجد کے تقدس کو پامال ہونے سے روکنے کےلیےایسے بے دین لوگوں کے خلاف کارروائی ضروری ہے لہٰذا اداکارہ صبا قمر اوربلال سعید کے خلاف مقدمہ درج کرکے کارروائی کی جائے

  • شادی کے چند سال بعد ہی شوہر نے غصے میں بلاوجہ طلاق دیدی حنا دلپزیر

    شادی کے چند سال بعد ہی شوہر نے غصے میں بلاوجہ طلاق دیدی حنا دلپزیر

    پاکستان شوبز انڈسٹری کی نامور اداکارہ اور بلبلے کی مومو حنا دلپزیر نے اپنی زندگی کی کہانی بیان کرتے ہوئے کہا ہے کہ ان کی پسند کی شادی ہوئی تھی لیکن پھر اچانک شادی کے چند سال بعد ہی ان کے شوہر نے انہیں غصے میں بلاوجہ طلاق دیدی۔

    باغی ٹی وی : ڈرامہ سیریل ’بلبلے‘ اور ’قدوسی صاحب کی بیوہ‘ میں اپنی جاندار اداکاری سے پاکستان شوبز میں منفرد پہچان بنانے والی اداکارہ حنا دلپزیر حال ہی میں عفت عمر کے شو میں شریک ہوئیں جہاں انہوں نے اپنی زندگی، شادی، طلاق ،شوبز میں آنے اور پاکستانی ڈراموں سے متعلق باتیں کیں۔

    حنا دلپزیر نے اپنی شادی اور طلاق کے بارے میں بتایا کہ ان کی پسند کی شادی ہوئی تھی لیکن پھر اچانک شادی کے چند سال بعد ہی ان کے شوہر نے انہیں غصے میں بلاوجہ طلاق دیدی جس وقت میری طلاق ہوئی میں صرف 23 سال کی تھی اور میرا بیٹا مصطفیٰ صرف تین یا چار سال کا تھا۔

    حنا دلپزیر نے بتایا کہ ہمارے درمیان کوئی اختلاف نہیں تھا نہ ہی وہ کوئی برا انسان تھا میری نیک تمنائیں میرے سابق شوہر کے ساتھ ہیں۔

    دوسری شادی نہ کرنے کے بارے میں سوال کا جواب دیتے ہوئے حنا دلپزیر نے کہا کہ پہلے وہ ڈیوٹی پر تھیں انہوں نے اپنے بیٹے مصطفیٰ کی پرورش کرنی تھی اور پھر بعد میں دوسرے کاموں ایکٹنگ وغیرہ میں بھی کافی مصروف ہو گئیں اور شادی کی طرف دھیان ہی گیا اور نہ ہی انہوں نے دوسری شادی کرنے کا کبھی سوچا ہی نہیں اور سوچنے کا ٹائم ملا کیونکہ انہوں نے کبھی خود کو اکیلا ہونے ہی نہیں دیا-

    انٹرویو کے دوران حنا دلپزیر نے پاکستانی ڈراموں کے بارے میں بات کرتے ہوئے کہا کہ ہمارے یہاں ڈراموں میں کہانی چند خاص کرداروں سے آگے ہی نہیں بڑھ رہی جس میں بس ایک سترہ اٹھارہ سال کی لڑکی دکھائی جاتی ہے جن کی شادی کے لئے کبھی لڑکی کے گھر والے نہیں مان رہے تو کبھی لڑکے کے –

    انہوں نے کہا کہ آج کل کے ڈرامے محبت اور نفرت کو گیج کرکے لکھے جا رہے ہیں ہمارے ہاں رویے لکھے جا رہے ہیں جذبے نہیں لکھے جا رہے جبکہ پہلے کہانی لکھنے والے اپنی تحریر میں آئیڈیالوجی لکھا کرتے تھے وہ اپنی تحریر کے ذریعے لوگوں کو ایک پیغام دیتے تھے کہ وہ کیا لکھ رہے ہیں پہلے ڈرامے مین کمال باتیں لکھی جاتی تھیں جو گرہیں کھولتی تھیں-

    بلبلے کی اداکارہ نے کہا کہ آج ہمارے یہاں مصنف کو چند خاص اداکاروں کے نام دے دئیے جاتے ہیں یہاں تک کہ اداکار بھی پہلے سے ہی منتخب کرلیے جاتے ہیں کہ چار کریکٹر ہیں اس میں ہم نے اسے لینا ہے اس میں اسے لینا ہے اور ان سے مطالبہ کیاجاتا ہے کہ ان کو سامنے رکھ کر بس کہانی لکھ دیں-

    انہوں نے کہا کہ کسی رائٹر کے دل کی بات اس کے لکھنے کی اجازت ہی نہیں ملتی ورنہ اتنے اچھا لکھنے والے اچھے اچھے اور پیارے لوگ آج بھی موجود ہیں کہ اگر کہ سہ ماہی ان کی سیاہی سے چلی جائے کسی بھی چینل پر تو معاشرے کے رویے بدل جائیں-

    ایک وقت تھا کشمیر پر انگار وادی جیسے ڈرامے آتے تھے، اب تو ساس بہو کی لڑائیاں ہی…

    پاکستان کی پہلی اوریجنل ویب سیریز ’چڑیلز‘ کا ٹریلر جاری