Category: شوبز

ماہرہ خان اور بلال اشرف کی فلم سپر اسٹار کا آفیشل ٹریلر ریلیزویب رویلیز کر دیا گیا ہے۔

گزشتہ شب فلم ’سُپر اسٹار‘ کے ٹریلر ریلیز کے لیے رنگا رنگ شام سجائی گئی جس میں ستاروں کی شرکت نے چار چاند لگا دیے. رنگا رنگ شام میں 3 منٹ 6 سیکنڈز پر مشتمل شاندار ٹریلر پیش کیا گیا۔

ماہرہ خان اور بلال اشرف کے مداح طویل ان کی آنے والی فلم ’’سپر اسٹار ‘‘ کے منتظر تھے جس کا ٹریلر ریلیز کردیا گیا ہے۔

ٹریلر کا آغاز نور ( ماہرہ خان ) سے ہوتا ہے جو اپنی خوابوں کی دنیا میں گم رہتی ہے پھر اس کی ملاقات سمیر خان (بلال اشرف) سے ہوتی ہے.

فلم ’’سپراسٹار ‘‘ میں ماہرہ خان اور بلال اشرف پہلی بار ایک ساتھ نظرآئیں گے جبکہ اداکارہ کبریٰ خان نے بھی ڈانس نمبر پر پرفارمنس دی ہے۔

ماہرہ نے ٹوئٹر پر فلم کے ٹریلر کا لنک شئیر کرتے ہوئے اپنا ڈائیلاگ بھی لکھا ’’تماشا ہے تو پھر تماشا ہی سہی” 

واضح رہے ٹریلر سے قبل فلم کا ایک گانا ’بیکاراں‘ بھی ریلیز کیا جاچکا ہے جسے مداحوں بے حد پسند کیا ہے. گانا میں علی سیٹھی اور زیب بنگش نے اپنی آواز کا جادو دکھایا ہے۔

یاد رہے مومنہ درید کی پروڈکشن اور محمد احتشام الدین کی ہدایت کاری میں بننے والی فلم "سپر اٹار” کی دیگر کاسٹ میں ندیم بیگ، جاوید شیخ اور مرینہ خان شامل ہیں جبکہ مہمان اداکاروں میں ہانیہ عامر، خالد بٹ اور مانی بھی نظر آئیں گے۔ فلم عید الاضحیٰ کے موقع پر ریلیز کی جائے گی۔

کراچی: معروف فلمی و ڈرامہ اداکارہ عائشہ عمر نے کہا کہ سوشل میڈیا پر تنقید اور نفرت کی وجہ سے انسٹاگرام اکاؤنٹ ڈیلیٹ کر دوں گی.

عائشہ عمر نے اپنے انسٹا گرام اکاونٹ پر اپنے ٹرپ کی تصاویر سٹوریز شیئر کی جن پر لوگوں نے تنقید اور نفرت کا اظہار جس کے بعد انہوں نے کہا کہ اپنا اکاونٹ ڈیلیٹ کر دوں گی اور پرائیویٹ اکاؤنٹ بنا دوں گی. یہ پوسٹ کرتے ہوئے عائشہ نے کہا کہ میں انسٹا گرام پر ڈی جے اور موسیقی سے متعلق اپنی تمام اسٹوریز خارج کر رہی ہوں اور آپ سب کی نفرت کا شکریہ۔

عائشہ عمر نے یہ بھی کہا کہ میں اپنا پبلک اکاؤنٹ ڈیلیٹ کر کے بہت جلد اپنا اکاونٹ پرائیویٹ بناؤں گی جہاں میں اپنی تمام اسٹوریز اور تصاویر صرف اپنے دوستوں اور خاندان والوں سے شیئر کر سکوں گی در حقیقت مجھے یہ پہلے ہی کر لینا چاہئے تھا کیوں کہ مجھے زندگی میں اس طرح کے منفی خیالات کی ضرورت نہیں ہے.

اداکارہ نےاپنی ایک سٹوری میں یہ بھی کہا کہ میرے بہت سے دوست میری اسٹوری پر میسج کرتے ہیں کہ میں اپنی سیرو تفریح کے حوالےسے کوئی اسٹوری پوسٹ نہ کروں۔ لیکن تنقید اور نفرتوں بھرے پیغامات کے ساتھ دوسری جانب محبت سے بھرپور ہزاروں پیغامات ایسے بھی ہیں جوکہ میری سیرو تفریح بالخصوص موسیقی کی ویڈیوز شیئر سے روکنے پر اپنا پیار اور حوصلہ افزائی کے پیغامات کے ساتھ مزید تصاویر اور ویڈیوز جاری رکھنے کا کہہ رہے ہیں۔

عائشہ عمر نے یہ بھی کہا کہ اس طرح کے مثبت پیغامات مجھ کو پر جوش اور جذبات بنا دیتے ہیں۔ اور ساتھ ہی اپنی فیملی اور مداحوں کا شکریہ ادا بھی کیا۔

پاکستان کے چہیتے اداکار اور ماڈل فیروز خان نے میڈیا سے گفتگو کرتے ہوئے کہا کہ اگر میرا بس چلے تو اپنی بہنوں کو شوبز انڈسٹری میں کام نہ کرنے دوں۔

فیروز خان نے ساتھ ہی یہ بھی واضح کر دیا کہ چونکہ ان کی بہنوں کی ذاتی زندگی پر ان کا کوئی اختیار نہیں اور وہ شوبز انڈسٹری میں کام کرنا چاہتی ہیں، اس لیے وہ انہیں روک نہیں کرسکتے۔

فیروز خان نے یہ بھی واضح کر دیا کہ شوبز انڈسٹری کا حصہ صرف وہ خود اور ان کی بہنیں ہیں، ان کی اہلیہ اور والدین کا شوبز انڈسٹری سے کوئی تعلق نہیں ہے چنانچہ ان کو شوبز انڈسٹری سے نہ جوڑا جائے.

نجی ٹی وی چینل ’اے آر وائی‘ کے خصوصی پروگرام ’معصومانہ سوال‘ میں گفتگو کرتے ہوئے فیروز خان نے صرف اپنی بہنوں اور خاندان بلکہ اپنی پیشہ ورانہ زندگی اور سیاست سے متعلق بھی بات کی۔ فیروز خان نے شو میں پوچھے جانے والے ایک سوال کے جواب میں کہا کہ اگر ان کی بہنوں حمیمہ اور دعا کی ذاتی زندگی اور ان کے کیریئر سے متعلق فیصلہ کرنے کا حق ان کے پاس ہوتا تو وہ انہیں شوبز انڈسٹری میں کام نہیں کرنے دیتے۔

واضح رہے فیروز خان کی بہنیں حمیمہ اور دعا پاکستانی شوبز انڈسٹری کا حصہ ہیں اور حمیمہ ملک لولی ووڈ کی مقبول فلمیں بول، ارتھ، دیکھ مگر پیارسے، اور مشن اللہ ہو اکبر کے علاوہ بالی ووڈ کی فلم راجہ نٹور لال میں عمران ہاشمی کے ساتھ فلم کر چکی ہیں تاہم ان کی لولی ووڈ فلم مولا جٹ 2 ابھی ریلیز نہیں ہو سکی.

ممبئی: بالی ووڈ کی معروف اداکارہ شردھا کپور نے اپنی شادی کا اعلان کر دیا ہے. بھارتی میڈیا کے مطابق شردھا کپور آئندہ سال تک شادی کے بندھن میں بندھ جائیں گی۔

بالی ووڈ کے مشہور ولن شکتی کپور کی بیٹی اداکارہ شردھا کپور پیا گھر جانے کی تیاریوں میں لگ گئیں. گزشتہ برس انوشکا شرما، دپیکا پاڈوکون، پریانکا چوپڑا اور نیہا دھوپیا جیسی اداکاراؤں نے شادی کی جس کے بعد اب اداکارہ اپنے دوست روہن شریستھا (جن کا پیشہ فوٹوگرافی ہے) سے شادی کے بندھن میں بندھنے والی ہیں۔ شردھا اور روہن کے درمیان 2 سال سے تعلقات ہیں اور کئی متعدد جگہوں پر ایک دوسرے کے ساتھ نظر بھی آئے.

بھارتی میڈیا کے مطابق شردھا کا روہن شریستھا سے تعلقات سے قبل اداکار اور اینکر فرحان اختر سے تھے اور بھارتی میڈیا کے مطابق دونوں نے شادی بھی کرنی تھی لیکن کچھ عرصہ بعد دونوں میں اختلافات ہونے کی وجہ سے شردھا کپور نے اپنے دوست روہن شریستھا اور فرحان اختر نے ماڈل شبانی ڈنڈیکر سے تعلقات استوار کر لئے ہیں.

باغی ٹی وی کی رپورٹ کے مطابق دونوں نے اپنی دوستی کو رشتے میں بدلنے کا فیصلہ کرلیا ہے اور جلد ہی دونوں اس حوالے سے اعلان بھی کریں گے. شردھا کپور کی دلہن بننے کی رضا مندی پر ان کی والدہ بھی بہت خوش ہیں اور ان کے والدین نے بیٹی کی شادی کی تیاریاں بھی شروع کردیں ہیں۔

یونان کی ٹاپ فیشن ڈیزائنرسیلیا کریتھاریوٹی نے فرانس کے شہر پیرس میں فیشن شو کا اہتمام کیا۔ پیرس کے مشہور پیلس آف ٹوکیو میں سیلیا کے تیار کردہ ملبوسات کی نمائش کی گئی۔ اور اپنی تخلیقی صلاحیتوں سے تیار کردہ اچھوتے ڈیزائنوں کو متعارف کروایا۔

واضح رہےپیرس کو فیشن کا گڑھ کہا جاتا ہے اور دنیا بھر کے ٹاپ فیشن ڈیزائنرز پیرس میں اپنے خوبصورت، بیش قیمت اور اچھوتے ڈیزائنوں کے ملبوسات متعارف کروانا پسند کرتے ہیں۔ اس فیشن کے دارالحکومت میں فیشن ویک کا آغاز ہوتے ہی رنگوں اور حسن کے جلوے بکھر جاتے ہیں۔ سیلیا کے ڈیزائن کئے گئے منفرد ملبوسات ہالی ووڈ اور بالی ووڈ کی کئی فلمی ہیروئنز  کے پسندیدہ ملبوسات میں شمار ہوتے ہیں۔

باغی ٹی وی کی رپورٹ کے مطابق سیلیا کے تیار کردہ ملبوسات کی خوبصورتی اور قیمتی موتیوں سے جڑے ملبوسات حاضرین کی توجہ کا مرکز بنے. جب ماڈلز خوبصورت اور قیمتی ملبوسات پہن کر ریمپ پر آئیں تو حاضرین پلکیں جھپکانا بھول گئے. دلہنوں کے قیمتی ملبوسات پہن کر ماڈلز ریمپ پر آئی تو حاضرین نے خوب داد دی. سیلیا کے ڈیزائن کردہ ملبوسات پوری دنیا میں مقبول ہوتے ہیں.

یاد رہے سیلیا یونان میں 1906 سے قائم سب سے پرانے فیشن ہاؤس کی مالک ہیں۔ سیلیا نے اپنی تخلیقی صلاحیتوں سے تیار کردہ اچھوتے ڈیزائن متعارف کروائے.

لاہور: حریم فاروق اورعلی رحمان کی نئی رومانوی کامیڈی فلم ”ہیر مان جا“ کا ٹریلر ریلیز ہوتے ہی مداحوں میں مقبول ہوگیا۔

گزشتہ روز پاکستسنی کامیڈی فلم "ہیر مان جا‘‘ کا ٹریلر یو ٹیوب اور دیگر سوشل میڈیا کے ساتھ ملک کے تمام سنیما گھروں میں ریلیز کیا گیا ہے جسے فلمی حلقوں کے ساتھ ساتھ شائقین نے بھی بہت پسند کیا ہے۔ یوٹیوب پر ٹریلر کو 24 گھنٹوں کے دوران تقریباً 1 ملین ویوز مل چکے ہیں.

ہدایت کار اظفر جعفری کی رومانوی کامیڈی فلم’’ہیرمان جا‘‘ میں ٹی وی کی معروف جوڑی علی رحمان اور حریم فاروق نے مرکزی کردار ادا کئے ہیں جسے لوگوں نے بہت پسند کیا ہے.

آئی آر کے بینر تلے بننے والی فلم ”ہیر مان جا“ اس کامیاب ٹیم کی نئی پیشکش ہے جو اس سے پہلے’’جانان‘‘ اور’’پرچی‘‘ فلمیں بنا چکے ہیں، جلد ریلیز ہونے والی فلم میں علی رحمان اور حریم فاروق کی جوڑی اس سے قبل بھی کئی ڈراموں اورفلم ’’پرچی‘‘ میں جلوے دکھا چکی ہے،اور یہی وجہ ہے کہ فلمی حلقوں اور شائقین کو فلم کا بے صبری سے انتظار ہے۔

باغی ٹی وی کی رپورٹ کے مطابق فلم کی کہانی نوجوان نسل کے مسائل اور حالات کو مد نظر رکھ کر لکھی گئی ہے. فلم کی کہانی کو اجاگر کرنے کے لیے کئی معروف فنکار میکائل ذولفقار، آمنہ شیخ، شیزعلی خان، عابد علی اور احمد علی اکبر اپنا جلوہ دکھائیں گے.

یاد رہے کامیڈی سے بھرپور حریم فاروق اور علی رحمان کی فلم عیدالاضحی پر سینما گھروں کی زینت بنے گی.