Category: شوبز

فلم ‘’پرے ہٹ لو‘‘ کا ٹریلر ریلیز ہوتے ہی مقبول ہوگیا۔ جس کی وجہ یہ ہے کہ شائقین کو اس فلم کا بہت بے چینی سے انتظار ہے ۔یہ فلم عیدالضحیٰ کے موقع پر ریلیز ہو گی۔اس فلم کا ٹریلر یوٹیوب پر اب تک دو لاکھ سے زیادہ مرتبہ دیکھا جا چکا ہے ۔
اس فلم کے ہدایت کار عاصم رضا ہیں ۔ اس فلم میں ماہرہ خاں ، شہریار منور ، مایا علی اہم کردار ادا کر رہے ہیں ۔ جبکہ دیگر اداکاروں میں ندیم بیگ ، زارا نور عباس ، احمد علی بٹ ، اور حنا دلپزیر شامل ہیں ۔ اداکارہ میرا ، سونیا جہاں اور فواد خاں بھی فلم میں نظر آٸیں گے ۔
اس فلم میں ماہرہ خاں اپنی پہلی فلموں کی نسبت زیادہ منفرد اور خوبصورت نظر آرہی ہیں ۔ اس فلم میں فواد خاں کی انٹری بھی ان کی مداحوں کے لیے اس فلم کی توجہ کا باعث ہے ۔

اس فلم میں شہریار منور اپنی زندگی سے بیزار نظر آتے ہیں تو مایا علی ان کی زندگی میں خوشی کی لہر بن کر آتی ہیں ۔ لیکن شہریار نور اس سے بےخبر ہے کہ مایا علی اسے دھوکہ دے رہی ہیں ۔ ایک طرف مایا علی کا شہریار نور سے رومانس جب کہ دوسری طرف مایا علی کا شہریار نور کو دھوکہ دینا فلم کا یہ سسپنس یقیناً شائقین کو فلم سے جوڑے رکھے گا۔

اداکارہ میرا نے فلم باجی کے ریڈ کارپٹ لانچ کے موقع پر اداکارہ آمنہ الیاس اور عثمان خالد بٹ کی موجودگی میں گفتگو کرتے ہوٸے کہا ہے کہ ان کی نئی فلم ” باجی ” عوام میں بہت مقبول ہوگی ، فلم باجی عوام کے دلوں میں جگہ بنالے گی اور بہت اچھا بزنس کرے گی ۔
اداکارہ میرا کا یہ بھی کہنا ہے کہ جب پاکستانی عوام پاکستانی فلمیں دیکھیں گے تو فلم ساز بھی اچھی فلمیں بنائیں گے ۔اداکارہ میرا کا کہنا ہے کہ میں نے اپنی نئی فلم باجی کے لیے بہت محنت کی ہے ۔ ان کا کہنا ہے اس فلم میں گانے بھی اچھے ہیں اور یہ فلم سسپینس سے بھرپور ہے ۔ میرا کا یہ بھی کہنا ہے کہ پاکستانی عوام سے ملنے والی محبت ہی میرا سب سے قیمتی اثاثہ ہے۔
فلم باجی کے ہیرو عثمان بٹ کا کہنا ہے کہ ہماری فلمیں بھی ہمارے ڈراموں کی طرح دنیا بھر میں مقبول ہوں گی اور جلد عالمی مارکیٹ میں اپنی جگہ بنالیں گی ۔ ان کا مزید کہنا تھا کہ حکومت پاکستان کو فم انڈسٹری کی بحالی کے لیے اقدامات کرنے چاہیے ۔

گلوکارہ رابی پیرزادہ بھی اپنے باپ اور چچا کی طرح دشمن سے مقابلہ کرنے کو تیار ۔ ان کا کہنا ہے کہ جس طرح ابا اورچاچا جان بارڈر پر دشمن سے جنگ لڑ رہے ہیں اسی طرح میں بھی سوشل میڈیا پر جنگ لڑ رہی ہوں ۔ گلوکارہ رابی پیر زادہ نے پریس کانفرنس کرتے ہوئے کہا کہ انہوں نے اپنے گھر والوں سے ایک سال تک یہ بات چھپائے رکھی کہ وہ شوبز میں کام کر رہی ہیں۔ انہوں نے سندھ اور سندھی ثقافت سے محبت کا اظہار بھی کیا اور کہا کہ پاکستانی میڈیا آئٹم سونگ کرنے والوں کو راتوں رات سپر سٹار بنا دیتا ہے ان کا کہنا تھا کہ پاکستانی میڈیا کو چاہیے کو وہ مثبت کام کو آگے بڑھایا کریں نہ کہ منفی کام کو ۔
رابی پیر زادہ نے کہا ہے کہ انہیں کم عمری میں ہی ٹی وی ڈراموں اور کمرشلز سے اپنی پہنچان مل گٸی تھی ۔
رابی پیر زادہ نے مزید بتایا کہ وہ اگلے ہفتے برطانیہ جائیں گی جہاں پاکستان اور بھارت میں مشترکہ ریلیز ہونے والی ایک پنجابی فلم کی شوٹنگ میں حصہ لیں گی ۔ اس کے علاوہ وہ لندن میں منعقد ایک کنسرٹ میں بھی اپنی آواز کا جادوں جگائے گی ۔

بھارت، نیپال، امریکا اور لندن سمیت 17 سے زائد ممالک میں پرفارمنس دینے والے قوال امجد صابری کی تیسری برسی منائی جا راہی ہے
22 جون 2016 بمطابق 16 رمضان المبارک کو جب امجد صابری اپنی رہائش گاہ سے نکل کر ایک نجی ٹی وی چینل کے پروگرام میں شرکت کے لیے جا رہے تھے تب انہیں موٹر سائکل سوار دہشت گردوں نے ٹارگٹ کلنگ کا نشانہ بنایا ۔
23 دسمبر 1976 کو کراچی کے معروف قوال گھرانے میں آنکھ کھولنے والے امجد صابری کو قوالی کا ذوق و شوق ورثے میں ملا ۔ انہوں نے قوالی کی ابتدائی تربیت اپنے والد اور بڑے بھائی سے حاصل کی ۔ اور قوالی کو منفرد انداز میں پیش کیا جو لوگوں میں بہت مقبول ہوا ۔ جتنی کم مدت میں امجد صابری نے اپنی صلاحیتوں کو منوایا اس کی مثال بہت کم ملتی ہے ۔
امجد صابری نے اپنے والد کی وفات کے بعد انہی کی پڑھی ہوئی قوالیوں کو منفرد انداز میں پیش کیا ۔ اور اپنے والد کی پڑھی ہوٸی دو قوالیوں ” تاجدار حرم ” اور بھر دو جھولی میری ” کو پڑھ کر بے پناہ شہرت حاصل کی ۔