Category: شوبز

اداکارہ دیدار نے نامور اداکارہ ریشم پر الزام عائد کرتے ہوئے کہا کہ ریشم لوگوں کی زندگیاں خراب کرتی ہیں۔

حال ہی میں اداکارہ دیدار نے ایک نجی ٹی وی سے نشر ہونے والے عید کے شو میں شرکت کی جہاں انہوں نے مختلف سوالات کے جواب دیے ہیں،اداکارہ سے میزبان کی جانب سے ساتھی اداکارہ نرگس اور ریشم سے متعلق سوال کیا گیا جس کے جواب میں دیدار نے کہا کہ اداکارہ نرگس ایک بہترین اداکارہ ہیں لیکن منفی انداز میں،انہوں نے نامور اور سینئر اداکارہ ریشم سے متعلق بات کرتے ہوئے کہا کہ ریشم بہت اچھی اداکار ہیں، وہ منفی چیزوں کو پیش کرنے میں بہترین ہیں، ریشم نے بہت سی زندگیوں کو خراب کیا ہے، وہ حقیقی زندگی میں بہت منفی ہیں۔

ریشم کے فلاحی کاموں کے حوالے سے بات کرتے ہوئے دیدار کا کہنا تھا کہ ان کے کھانا پکانے اور خیراتی کام کے بارے میں جانتی ہوں، مجھے ڈر ہے کہ ایک دن وہ اس کھانے میں نہ گر جائیں جو وہ دوسروں کے لیے بناتی ہیں، میرا ریشم کے ساتھ ذاتی تجربہ ہے، وہ سالوں تک میری دوست رہ چکی ہیں اسی لیے میں بتارہی ہوں اور ان کے موجودہ دوستوں کو خبردار کر رہی ہوں کہ وہ اس سے ہوشیار رہیں اور بچ کررہیں

ممبئی: مشہور بھارتی ریپر اور گلوکار بادشاہ ایک بار پھر اپنی نجی زندگی کے باعث خبروں کی زینت بن گئے ہیں۔ حالیہ دنوں میں ان کی مبینہ شادی اور ایک ’پُراسرار خاتون‘ کے چرچے سوشل میڈیا پر تیزی سے وائرل ہو رہے ہیں، جس نے مداحوں کے تجسس میں مزید اضافہ کر دیا ہے۔

رپورٹس کے مطابق اس پراسرار شخصیت کو پنجابی فلم انڈسٹری کی اداکارہ ایشا ریکھی قرار دیا جا رہا ہے، جو اپنی سادگی، دلکشی اور منفرد انداز کے باعث توجہ کا مرکز بنی ہوئی ہیں۔ مداح یہ جاننے کے لیے بے چین ہیں کہ آخر وہ کون ہیں جو اپنی خوبصورتی اور اسٹائل سے بالی ووڈ اداکاراؤں کو بھی ٹکر دے رہی ہیں۔ایشا رِکھی کے کریئر پر نظر ڈالیں تو انہوں نے پنجابی سنیما میں اپنی محنت سے ایک خاص مقام حاصل کیا۔ وہ فلموں جیسے جٹ بوائز پٹ جٹا دے اور ارداس میں اپنی اداکاری کے جوہر دکھا چکی ہیں، جبکہ ہندی فلم نوابزادے کے ذریعے انہوں نے بالی ووڈ میں بھی قدم رکھا۔ ان کی معصوم اداکاری اور قدرتی حسن نے ناظرین کو بے حد متاثر کیا۔

ذرائع کا کہنا ہے کہ بادشاہ اور ایشا کی ملاقات ایک مشترکہ دوست کی پارٹی میں ہوئی، جہاں موسیقی اور فن سے مشترکہ دلچسپی نے انہیں قریب کر دیا۔ طویل عرصے تک ڈیٹنگ کے بعد دونوں نے اپنے تعلق کو اگلے مرحلے میں لے جانے کا فیصلہ کیا، تاہم اس رشتے کو میڈیا کی نظروں سے کافی حد تک پوشیدہ رکھا گیا۔فیشن کے میدان میں بھی ایشا کسی سے کم نہیں۔ چاہے ریڈ کارپٹ پر دلکش گاؤن ہو یا روزمرہ کا سادہ لباس، ان کا ہر انداز مداحوں کو اپنی جانب متوجہ کر لیتا ہے۔ خاص طور پر روایتی پنجابی لباس جیسے شلوار قمیض میں ان کی سادگی اور خوبصورتی مزید نکھر کر سامنے آتی ہے، جبکہ ہلکا اور قدرتی میک اپ ان کی شخصیت کو مزید دلکش بناتا ہے۔

دلچسپ بات یہ ہے کہ دونوں کے درمیان تقریباً آٹھ سال کا عمر کا فرق ہونے کے باوجود ان کی کیمسٹری مداحوں کو بے حد پسند آ رہی ہے۔ سوشل میڈیا پر وائرل تصاویر میں دونوں کو اکثر ایک ساتھ وقت گزارتے دیکھا گیا ہے، جہاں ان کی قربت واضح نظر آتی ہے۔تجزیہ کاروں کے مطابق ایشا صرف ایک مشہور شخصیت کی شریک حیات نہیں بلکہ اپنی محنت، صلاحیت اور منفرد شناخت کی بدولت خود بھی ایک مضبوط مقام رکھتی ہیں۔ ان کی سادگی، خاندانی اقدار اور شاندار فیشن سینس نے انہیں دیگر اداکاراؤں سے ممتاز بنا دیا ہے۔

بالی ووڈ کی تاریخ میں کئی ایسی آن اسکرین جوڑیاں رہی ہیں جنہوں نے اپنی کیمسٹری سے ناظرین کے دل جیتے، لیکن کچھ جوڑیاں وقت کے ساتھ اچانک غائب بھی ہو گئیں۔ انہی میں ایک نام ریتک روشن اور کرینہ کپور کا بھی شامل ہے، جو 2000 کی دہائی کے آغاز میں انڈسٹری کی سب سے گلیمرس اور مقبول جوڑی سمجھی جاتی تھی۔

دونوں اداکاروں نے اپنے کیریئر کا آغاز تقریباً ایک ہی وقت میں کیا۔ کہوناں پیار ہے سے ریتک روشن نے ڈیبیو کیا، جبکہ کرینہ کپور نے ریفیوجی کے ذریعے فلمی دنیا میں قدم رکھا۔ ابتدائی کامیابی کے بعد فلمسازوں کو لگا کہ یہ جوڑی مستقبل میں راجہ کپور اور نرگس یا امیتابھ بچن اور ریکھا جیسی لیجنڈری جوڑی بن سکتی ہے۔ریتک اور کرینہ نے ایک ساتھ ، مجھ سے دوستی کرو گے، یادیں، کبھی خوشی کبھی غم، میں‌پریم کی دیوانی ہوں میں کام کیا۔ ان میں سے صرف “کبھی خوشی کبھی غم” ہی بڑی کامیابی ثابت ہوئی، جبکہ باقی فلمیں باکس آفس پر توقعات پوری نہ کر سکیں۔ خاص طور پر “میں پریم کی دیوانی ہوں” میں دونوں کی اداکاری کو شدید تنقید کا سامنا کرنا پڑا۔

فلمی ماہرین کے مطابق مسلسل فلاپس کے باعث پروڈیوسرز نے اس جوڑی کو کاسٹ کرنے سے گریز کرنا شروع کر دیا، جس سے دونوں کے ساتھ کام کرنے کے امکانات کم ہوتے گئے۔میڈیا رپورٹس کے مطابق فلم “یادیں” اور “کبھی خوشی کبھی غم” کی شوٹنگ کے دوران دونوں کے درمیان قربت کی افواہیں گردش کرنے لگیں۔ اس وقت ریتک روشن اپنی اہلیہ سوزین خان کے ساتھ شادی شدہ زندگی گزار رہے تھے، جس کے باعث یہ خبریں ان کی ذاتی زندگی پر اثر انداز ہوئیں۔

کہا جاتا ہے کہ اپنے ازدواجی رشتے کو بچانے کے لیے ریتک نے پیشہ ورانہ طور پر فاصلے اختیار کرنا بہتر سمجھا۔ دوسری جانب کرینہ کپور نے بھی ایک انٹرویو میں ان افواہوں کو مسترد کرتے ہوئے سخت ردعمل دیا تھا۔

2013-14 کے دوران کرن جوہر نے اپنی فلم شدھی میں اس جوڑی کو دوبارہ اکٹھا کرنے کا اعلان کیا، جس پر مداحوں میں زبردست جوش و خروش پیدا ہوا۔ تاہم، کچھ ہی عرصے بعد دونوں اداکار اس منصوبے سے الگ ہو گئے، اور یوں ان کی اسکرین پر واپسی کی امیدیں بھی دم توڑ گئیں۔

2003 کے بعد کرینہ کپور نے جب وی میٹ، تھری ایڈیٹس اور “گول مال” سیریز جیسی بلاک بسٹر فلموں کے ذریعے اپنی پوزیشن مستحکم کی۔ دوسری جانب ریتک روشن نے کوئی مل گیا اور دھوم کے ذریعے ایکشن ہیرو کے طور پر اپنی پہچان بنائی۔

فلمی ناکامیوں، ذاتی زندگی کے دباؤ اور بدلتے کیریئر راستوں نے مل کر اس مقبول جوڑی کو ہمیشہ کے لیے الگ کر دیا۔ اگرچہ مداح آج بھی ریتک روشن اور کرینہ کپور کو دوبارہ ایک ساتھ دیکھنے کے خواہشمند ہیں، لیکن موجودہ حالات میں ایسا ہونا مشکل دکھائی دیتا ہے۔

انٹرٹینمنٹ کی دنیا سے ایک چونکا دینے والی خبر سامنے آئی ہے، جس نے فلم انڈسٹری میں سیفٹی اور ورک کلچر پر سنگین سوالات اٹھا دیے ہیں۔ اداکارہ مونالیسا نے اپنی پہلی فلم ’ڈائری آف منی پور‘ کے ہدایت کار سنوج مشرا پر سیٹ پر جنسی ہراسانی اور بدتمیزی کے سنگین الزامات عائد کر دیے ہیں۔

وائرل ہونے والی ایک ویڈیو میں مونالیسا نہایت جذباتی انداز میں اپنے ساتھ پیش آنے والے واقعات بیان کرتی نظر آئیں۔ ان کا کہنا تھا کہ فلم کی شوٹنگ کے دوران انہیں ذہنی اور جسمانی اذیت کا سامنا کرنا پڑا۔ اداکارہ کے مطابق ہدایت کار نے انہیں کئی بار نامناسب طریقے سے چھوا۔مونالیسا نے الزام عائد کرتے ہوئے کہا“وہ اچھے انسان نہیں ہیں، انہوں نے مجھے سیٹ پر 10 بار نامناسب طریقے سے چھوا۔ میں نے اپنے گھر والوں کو بھی بتایا، لیکن شروع میں وہاں سے بھی مجھے مکمل حمایت نہیں ملی۔”انہوں نے سوال اٹھایا کہ کیا ایک خاتون کو فلم انڈسٹری میں قدم رکھنے کے لیے اپنی عزت قربان کرنا پڑتی ہے؟ ان کا کہنا تھا کہ ان کے اہلِ خانہ نے ابتدا میں انہیں فلم مکمل کرنے کا مشورہ دیا، جس پر انہوں نے شدید دکھ اور غصے کا اظہار کیا۔

اداکارہ نے مزید کہا کہ وہ انصاف چاہتی ہیں اور اپنے ساتھ ہونے والے ظلم کے خلاف آواز اٹھا رہی ہیں۔ ان کے انکشافات نے ایک بار پھر فلم انڈسٹری میں ’می ٹو‘ جیسی تحریکوں کی یاد تازہ کر دی ہے، جہاں نئے آنے والوں کے استحصال کے واقعات سامنے آتے رہے ہیں۔

دوسری جانب ہدایت کار سنوج مشرا نے تاحال ان الزامات پر کوئی ردعمل نہیں دیا ہے۔ ان کی خاموشی نے معاملے کو مزید سنجیدہ بنا دیا ہے، جبکہ سوشل میڈیا پر مداحوں کی بڑی تعداد مونالیسا کے حق میں آواز بلند کر رہی ہے۔واضح رہے کہ فلم ’ڈائری آف منی پور‘ پہلے ہی اپنے متنازع موضوع کے باعث خبروں میں تھی، تاہم اب مرکزی اداکارہ کے الزامات کے بعد فلم کا مستقبل غیر یقینی صورتحال کا شکار ہو گیا ہے۔ ماہرین کے مطابق اگر یہ معاملہ عدالت تک پہنچتا ہے تو یہ انڈسٹری کے لیے ایک بڑا کیس ثابت ہو سکتا ہے۔

پاکستان کی شوبز انڈسٹری کے سینئر اداکار شجاعت ہاشمی انتقال کر گئے۔

خاندانی ذرائع کے مطابق مرحوم کی نماز جنازہ آج رات 9 بجے جامع نعیمیہ گڑھی شاہو میں ادا کی جائے گی، جہاں اہل خانہ، عزیز و اقارب، شوبز شخصیات اور مداحوں کی بڑی تعداد کی شرکت متوقع ہے۔شجاعت ہاشمی پاکستان ٹیلی ویژن اور فلم انڈسٹری کا ایک معتبر نام تھے۔ انہوں نے کئی دہائیوں تک اداکاری اور صداکاری کے میدان میں نمایاں خدمات انجام دیں اور اپنے منفرد اندازِ اداکاری کی بدولت شائقین کے دلوں میں خاص مقام بنایا۔

وہ خصوصاً کلاسک ٹی وی ڈرامہ وارث میں اپنے یادگار کردار کے باعث بے حد مقبول ہوئے۔ اس ڈرامے کو پاکستان ٹیلی ویژن کی تاریخ کے کامیاب ترین اور بااثر ڈراموں میں شمار کیا جاتا ہے۔ اس کے علاوہ انہوں نے 1979 میں ریلیز ہونے والی فلم خاک اور خون میں بھی اہم کردار ادا کیا جسے ناظرین نے بے حد سراہا۔فن اور ثقافت کے میدان میں ان کی گراں قدر خدمات کے اعتراف میں حکومت پاکستان نے انہیں 1994 میں پرائیڈ آف پرفارمنس سے نوازا۔ یہ ایوارڈ ملک کے نمایاں فنکاروں اور شخصیات کو ان کی نمایاں خدمات کے اعتراف میں دیا جاتا ہے۔