Category: شوبز

فراڈ کیس میں گرفتاری کا خدشہ، صوفیہ مرزا برطانیہ فرار

فراڈ کیس میں گرفتاری کا خدشہ، صوفیہ مرزا برطانیہ فرار

پاکستان کی اداکارہ صوفیہ مرزا دھوکہ دہی کیس میں گرفتاری کے خدشے سے لندن فرار ہو گئی ہیں، شادی میں رقص کے حوالہ سے کئے گئے معاہدے کی خلاف ورزی اور مالی دھوکہ دہی میں سندھ پولیس کی جانب سے تحقیقات کے دوران صوفیہ مرزا کو گرفتار کئے جانے کا امکان تھا، تاہم وہ فرار ہو گئیں

میڈیا رپورٹس کے مطابق صوفیہ مرزا نے اس بات کی تصدیق کی ہے وہ برطانیہ میں اپنی بہن مریم مرزا کے ساتھ ہیں، مریم مرزا کے خلاف بھی تحقیقات جاری ہیں، صوفیہ نے تصدیق کی کہ انکے دوست مائرہ ختم کو برطانیہ کا ویزہ نہیں مل سکا جس کی وجہ سے وہ انکے ساتھ نہیں ہے،

صوفیہ مرزا 27 دسمبر 2022 کو اسلام آباد ایئرپورٹ سے برمنگھم کے لیے قطر ایئرویز کی پرواز سے براستہ دوحہ روانہ ہوئیں اور تب سے برمنگھم میں ہی مقیم ہیں۔ 5 اپریل کو پنجاب اور سندھ پولیس نے لاہور میں صوفیہ مرزا کے گھر پر مشترکہ چھاپہ مارا، اس دوران پولیس کو صوفیہ مرزا کے ملازمین نے بتایا کہ وہ دسمبر سے برطانیہ میں ہے

تین ماہ قبل محکمہ داخلہ سندھ نے پنجاب حکومت سے کہا تھا کہ وہ مالی فراڈ کی تحقیقات میں اداکارہ صوفیہ مرزا، ان کی ٹینس کھلاڑی بہن مریم مرزا اور ان کے دوست کی گرفتاری اور تحقیقات کے لیے سندھ پولیس سے تعاون کرے۔محکمہ داخلہ پنجاب کو لکھے گئے خط میں محکمہ داخلہ سندھ نے پنجاب پولیس سے کہا تھا کہ وہ سندھ پولیس کے ان افسران کے ساتھ تعاون کرے جو صوفیہ مرزا، مریم مرزا اور ان کے دوست کو گرفتار کر کے سکھر لے جائیں گے جہاں انہوں نے فراڈ کیا،

اداکارہ صوفیہ مرزا، مریم مرزا اور ان کے منیجر دوست کے خلاف شادی کی تقریب میں ڈانس اور مجرہ کرانے کے لیے 150000 لاکھ روپے لیے لیکن تقریب میں حاضر نہ ہونے پر فراڈ کا مقدمہ درج کیا گیا ہے،۔مقامی رہائشی ثناء اللہ مہیسر نے ایف آئی آر نمبر 226/2022 کے تحت پولیس اسٹیشن اے سیکشن ڈسٹرکٹ سکھر میں صوفیہ مرزا، مریم مرزا اور مائرہ خرم کے خلاف دفعہ 154 CR.P.C کے تحت مقدمہ درج کروایا،درخواست گزار کے مطابق نہ تو صوفیہ مرزا، مریم مرزا شادی کی تقریب میں ڈانس کے لئے آئے بلکہ بعد میں انہوں نے دھمکیاں بھی دیں،15 لاکھ میں انہوں نے اور خواتین ڈانسر کو بھی ساتھ لانا تھا، گواہوں مختار حسین ، محمد وارث کی موجودگی میں مریم مرزا کو دس لاکھ روپے دیئے اور باقی ادائیگی بعد میں ہونی تھی، جس دن شادی کا پروگرام تھا اس دن ہم فون کرتے رہے لیکن انہوں نے فون تک نہیں سنا،

صوفیہ مرزا حالیہ برسوں میں کئی سکینڈلز سے منسلک رہی ہیں۔ اس سے قبل یہ بتایا گیا تھا کہ اس نے 2007 میں دبئی میں اپنے شوہر کو بھی چاقو مارا تھا،فیڈرل انویسٹی گیشن ایجنسی (ایف آئی اے) نے اداکارہ و ماڈل صوفیہ مرزا کے خلاف ہائی پروفائل منی لانڈرنگ کی تحقیقات دوبارہ شروع کر دی ہیں، جسے اس سے قبل شہزاد اکبر نے اثاثہ جات ریکوری یونٹ کے تحت ایف آئی اے کے سربراہ بننے کے بعد بند کر دیا تھا۔

اداکارہ صوفیہ مرزا کی بچیوں کی حوالگی سے متعلق کیس میں سپریم کورٹ نے توہین عدالت کی درخواست واپس لینے پر خارج کردی۔

صوفیہ مرزا بالوں کی حفاظت کس طرح کرتی ہیں ؟ انہوں نے آسان ٹپس بتا دیں،

صوفیہ مرزا کے چاہنے والوں نے توحد ہی کردی،

اداکارہ و ماڈل صوفیہ مرزا کا کہنا ہے کہ معاشرے میں لڑکیوں کا بھی حق ہے کہ انہیں لڑکوں کے برابر حقوق ملیں-

ے بنیاد اور وحشیانہ قتل کب بند ہوں گے:صوفیہ مرزا بھی چُپ نہ رہ سکیں‌

پیٹ کیسے کم کرنا ہے؟صوفیہ مرزا نے آسان حل بتادیا

اداکارہ صوفیہ مرزا کی جانب سے دائر کردہ درخواست پر عدالت نے ان کے سابق شوہر اور کاروباری شخصیت عمر فاروق ظہور کے میڈیا پر آنے پر پابندی لگانے سے انکار کردیا ہے.

شوہر کے گھر ڈاکہ ڈالنے کی سازش رچی، ناکامی پر خود کو زخمی کر لیا صوفیہ مرزا

اپریل 8, 2023
راہول دیو ہیں 18 سال چھوٹی گرل فرینڈ کے ساتھ بے حد خوش

بالی وڈ میں کئی ایسے جوڑے ہیں جہاں لڑکی لڑکے سے بڑی ہے اور کہیں لڑکا لڑکی سے بہت زیادہ بڑا ہے. ایسا ہی ایک جوڑا ہے راہول دیو اور مگدھا گوڈ کا. جی ہاں راہول دیو کی گرل فرینڈ ان سے 18 برس چھوٹی ہے، اس حوالے راہول دیو نے کہا ہے کہ میں اپنے سے 18 سال چھوٹی لڑکی کے ساتھ دوستی کے تعلق میں بہت زیادہ خوش ہوں، ہم دونوں ایک دوسرے کو بہت اچھی طرح سمجھتے ہیں. مجھے خوشی اس بات کی بھی ہے کہ میری گرل فرینڈ مگدھا گوڈ مجھ سے بہت خوش ہیں، راہول دیو نے کہا کہ کوئی بڑا ہے یا چھوٹا عمریں میٹر نہیں کرتیں بلکہ یہ زیادہ اہمیت کا حامل ہوتا ہے کہ وہ دونوں ایک دوسرے کےساتھ کتنا خوش ہیں اور ہم ایک دوسرے کے ساتھ بہت زیادہ

خوش ہیں، انہوں نے کہا ہے کہ ہم دونوں مختلف بیک گرائونڈ ز سے ہیں اور یہی چیز ہمارے رشتے کی خوبصورتی کو مزید بڑھاتی ہے. ہم دونوں کا روحانی پیشوا ایک ہی ہے ، ہم دونوں ایک دوسرے کی ڈھال ہیں. یاد رہے کہ راہول دیو بالی وڈ‌ کے معروف اداکار ہیں ، انہوں نے بہت ساری فلموں میں منفی کردار نبھائےشائقین ان کو بہت پسند کرتے ہیں لیکن کافی عرصے سے یہ بالی وڈ فلموں سے دور نظر آتے ہیں.

اپریل 8, 2023
راکھی ساونت ایک بار پھر آ گئیں تنقید کی زد میں

بالی وڈ اداکارہ راکھی ساونت ایک بار پھر ہیں تنقید کی زد میں. اس بار وہ تنقید کی زد میں ہیں خود کی ہی وجہ سے. راکھی ساونت نے انسٹاگرام پر ایک وڈیو پوسٹ کی جس میں وہ نماز پڑھتی ہوئی نظر آرہی ہیں، انہوں نے کالے رنگ کا لباس زیب تن کر رکھا ہے جو کہ ٹخنوں سے اونچا ہے. جب یہ وڈیو وائرل ہوئی تو انہیں کرنا پڑا شدید تنقید کا سامنا ، سوشل میڈیا صارفین نے کہا کہ راکھی کو چاہیے کہ وہ نماز پڑھنے سے پہلے اسلام کو اچھی طرح سمجھیں اور نماز پڑھنے کے حوالے سے مذہب کیا کہتا اسکو سٹڈی کریں، کئی سوشل میڈیا صارفین کا یہ بھی

کہنا تھا کہ اداکارہ کو اس طرح‌ہر روز ہر وقت اپنی نماز کی تشہیر نہیں کرنی چاہیے. یوں راکھی ساونت خود ہی وڈیو شئیر کرکے آ گئیں تنقید کی زد میں ، تاحال راکھی کی جانب سے اس حوالے سے کوئی بھی بیان سامنے نہیں آیا. یاد رہے کہ راکھی ساونت نے گزشتہ برس مئی میں عادل درانی سے شادی کی اور مسلمان ہو گئیں تھیں ، مسلم ہونے کے بعد وہ نہ صرف نماز پڑھتی ہیں بلکہ روزے بھی رکھتی ہیں اور مسلمان ہو کر وہ کافی خوش ہیں ان کا کہنا ہے کہ ان کو جو سکون نماز پڑھ کر محسوس ہوتا ہے وہ کسی دوسرے کام میں نہیں.

اپریل 8, 2023
کام کی لگن ، امیتابھ زخمی حالت میں سیٹ پر پہنچ گئے

بالی وڈ کے بگ بی جو اپنے پروفیشنلزم کی وجہ سے بے حد شہرت رکھتے ہیں ، امیتابھ بچن حال ہی میں جس فلم کی شوٹنگ کررہے ہیں اس کے سیٹ پر وہ زخمی ہو گئے تھے ، کچھ دن آرام کرنے کے بعد واپس کام پر آگئے ، امیتابھ بچن نے ھال ہی میں اپنی چند ایک تصاویر سوشل میڈیا پر شئیر کرکے لکھا ہے کہ میں ابھی مکمل طور پر ٹھیک نہیں‌ہوا یہ تصاویر اس چیز کی گواہ ہیں لیکن کام کے ساتھ میری کمٹمنٹ کو میں زیادہ اہمیت دیتا ہوں اسلئے سیٹ پر واپس آگیا ہوں.امیتابھ بچن چند پہلے حیدرآباد میں فلم کے کی شوٹنگ کے دوران ایکشن سے بھرپور ایک منظر کی

عکس بندی کرواتے ہوئے زخمی ہوگئے تھے، ان کے مداحوں کے ساتھ انہوں نے یہ خبر خود شئیر کی تھی اور ان کے مداحوں نے اس پر تشویش کا اظہار بھی کیا تھا۔ امتیابھ بچن کے مداحوں نے ان کی صحتیابی کے لئے سوشل میڈیا پر دعائیں کی تھیں . واضح رہے کہ امیتابھ بچن سوشل میڈیا پر کافی متحرک رہتے ہیں وہ لمحہ بہ لمحہ اپنے چاہنے والوں کو اپنے کام کو لیکر سرگرمیوں کے حوالے سے آگاہ رکھتے ہیں. وہ سوشل میڈیا پر زیادہ تر اپنی پرانی تصاویر شئیر کرتے رہتے ہیں جن کو بہت پذیرائی بھی ملتی ہے.

اپریل 8, 2023
کرشمہ کپور شراب اور سگریٹ نوشی کرنے لگ گئیں

بالی وڈ اداکارہ کرشمہ کپور جنہوں نے اپنے تیس سالہ طویل کیرئیر میں چیلنجنگ کردار ادا کئے ہیں، وہ ہمیشہ ہی اپنی لکس اور اداکاری سے اپنے مداحوں کو خوش کر دیتی ہیں. حال ہی میں کرشمہ کپور نے ایک ویب سیریز کی ہے اس میں ان کو ایک ایسی عورت کا کردار نبھانا تھا جو کہ چین سموکنگ کرتی ہے اور بےپناہ شراب پیتی ہے. کرشمہ کپور نے کہا ہے کہ اس کردار کو کرنے کے لئے مجھے بہت زیادہ شراب پینی پڑی اور سگریٹ نوشی بھی کرنا پڑی. کرشمہ کپور نے کہا کہ کرداروں میں حقیقت کے رنگ بھرنے کے لئے یہ سب کرنا پڑتا ہے. انہوں نے کہا

کہ اس کردار کو کرنے کے لئے نو میک اپ لک بھی رکھنی تھی اور ایسی نظر آنا تھا کہ دیکھ کر محسوس ہو کہ یہ عورت چین سموکر اور شراب پیتی ہے. میں نے کردار کو نبھانے کےلئے بہت محنت کی ہے امید ہے کہ شائقین ہمیشہ کی طرح اس بار بھی مجھے بہت زیادہ محبت دیں گے. کرشمہ کپور نے کہا کہ بطور اداکارہ میں آگے بڑھنے اور اداکاری میں نکھار لانے کے لئے ہمیشہ اسی کوشش میں رہتی ہوں کہ کچھ نیا کروں اور کچھ نیا سیکھوں. خوش قسمتی سے ہر بار میں ایسی کوشش میں کامیاب ہوجاتی ہوں.

اپریل 7, 2023
سعود کی غفلت ، امریکہ کے شاپنگ مال میں بیٹے کو بھول آئے

اداکار سعود اور جویریا سعود جو اکثر امریکہ جاتے آتے رہتےہیں، اپنے حالیہ انٹرویو میں انہوں نے انکشاف کیا ہے ایک ایسے واقعہ کا جس کو سن کر آپ بھی رہ جائیں حیران. جویریا سعود نے انٹرویو کے دوران بتایا کہ میرا بیٹا ابراہیم دو برس کا تھا میں نے سعود سے کہا کہ آپ اسکی دیکھ بھال کیجیے ،سعود اس کے ساتھ شاپنگ مال چلے گئے ، اس دوران میں اپنی بچیوں کا میک اپ کروانے سیلون گئی ہوئی تھی ، کچھ دیر کے بعد سعود وہاں پر پہنچ گئے ، میں نے سعود کو دیکھتے ہی کہا کہ ابراہیم کہاں ہے تو سعود کو یاد آیا کہ میں تو بیٹے کو شاپنگ مال میں

چھوڑ آیا ہوں ، پھر ہم نے پولیس سے رابطہ کیا انہوں نے ہماری مدد کی بیٹے کو تلاش تو کر دیا لیکن ان کے دل میں شک تھا کہ شاید ہم نے جان بوجھ کر ایسا کیا ہے ، لہذا انہوں نے ہمارے گھر کے چکر لگائے اور اس بات کو یقینی بنایا کہ کہیں ہم نے جان بوجھ کر بچہ تو شاپنگ مال میں نہیں‌چھوڑا، اس واقعہ کے بعد ہم بہت چوکنے ہو گئے اور بچوں کی دیکھ بھال پہلے سے بھی زیادہ کی . جویریا نے کہا کہ امریکہ میں بچوں کے معاملے میں قوانین بہت زیادہ سخت ہیں.

اپریل 7, 2023
برطانیہ کی سڑکوں پر 12 سال کے بعد خدا اور محبت کے او ایس ٹی کی گونج

پاکستانی ڈرامے پوری دنیا میں دیکھے جاتے ہیں ہر جگہ ہمارے ڈراموں کو پسند کرنے والے لوگوں کی بڑی تعداد موجود ہے. آج سے 12 سال پہلے ایک ڈرامہ آن ائیر ہوا ، خدا اور محبت اس ڈرامے میں مرکزی کردار عمران عباس اور سعدیہ خان نے ادا کئے تھے. نہ صرف ڈرامہ سپر ہٹ ہوا تھا بلکہ اس کا او ایس ٹی بھی بہت مقبول ہوا تھا. او ایس ٹی کو احمد جہانزیب نے گایا تھا، احمد جہانزیب نے اس گانے کو انڈیا کی ایک ایسی تقریب میں گایا تھا جہاں بہت سارے بالی وڈ کے فنکار موجود تھے ، شمی کپور سمیت دیگر نے اس گیت کی بہت تعریف کی تھی. عمران

عباس جو کہ آج کل برطانیہ میں موجود ہیں ، ان کی ایک وڈیو وائرل ہو رہی ہے. جس میں وہ رات کے وقت سڑک پر چہل قدمی کررہے ہیں ، ان کے ساتھ ان کا ایک دوست راجیو بھی ہے انہوں نے عمران سے خدا اور محبت کا او ایس ٹی سننے کی فرمائش کی ، عمران عباس نے اس کی فرمائش پوری کرتے ہوئے خدا اور محبت کا او ایس ٹی گایا. عمران عباس کی یہ وڈیو سوشل میڈیا پر کافی پسند کی جا رہی ہے. یاد رہے کہ اس ڈرامے کے ابھی تک جتنے بھی سیزن آئے ہیں ان میں سیزن ون سب سے زیادہ مقبول رہا ہے.

اپریل 7, 2023
ثروت گیلانی کو کس سے اور کیا ہے گلہ ؟‌

منجھی ہوئی اداکارہ ثروت گیلانی جو کہ ایک بڑی فین فالونگ رکھتی ہیں حقیقت کے قریب اداکاری ان کا خاصا ہے. ثروت جیسا کہ بہت سارے موضوعات پر بات کرتی رہتی ہیں ھال ہی میں انہوں نے زہنی صحت کے مسائل کو اجاگر کیا ہے اس پر بات کی ہے. انہوں نے کہا ہے کہ ہمارے ہاں ہر موضوع پر ڈرامہ بنتا ہے لیکن ذہنی صحت کے جیسے مسائل کو بالکل ہی نظر انداز کر دیا جاتا ہے، حالانکہ میڈیا اس میں اہم کردار ادا کر سکتا ہے لیکن اسکا کردار اس معاملے میں زیرو نظر آرہا ہے. ثروت گیلانی نے کہا کہ آج کل کا ماحول گھٹا ہوا ہے ، سوسائٹی میں ڈپریشن کا

مرض تیزی سے بڑھ رہا ہے ، ایسے میں زہنی صحت بھی متاثر ہورہی ہے ، یہی وقت ہے کہ ہم میڈیا کے زریعے ایسے مسائل کو اجاگر کریں ان پر بات کریں ، چونکہ ہم فنکار ہیں لہذا ہماری بات لوگ زیادہ سنتے ہیں اسلئےہمارا فرض ہے کہ ہم ایسے موضوعات پر اپنی اداکاری اور کہانیوں کے زریعے بات چیت کریں اور میڈیا ہمارا ساتھ دے. ثروت گیلانی نے کہا کہ میں رائٹر سے بھی کہوں گی کہ وہ ایسے مسائل پر لکھیں اور چینلز مالکان ان کو ہائی لائٹ کریں .

اپریل 7, 2023
اور جب زویا ناصر ڈاکوئوں‌ کے سامنے بھاگ کھڑی ہوئیں

معروف رائٹر ناصر ادیب اور ق لیگ کی رہنما آمنہ الفت کی بیٹی زویا ناصر جو کہ اداکارہ ہیں، انہوں نے اپنے حالیہ انٹرویو میں انکشاف کیا ہے کہ ایک بار وہ کراچی میں ایک شوٹنگ سے واپس آرہیں تھیں ، راستے میں تین تلوار کے پاس ڈاکوئوں نے ان کی گاڑی روکی اور ان سے جو کچھ ہے نکالنے کا مطالبہ کیا، زویا کہتی ہیں کہ ایسی صورتحال میں ، میں نے گاڑی سے نکل کر دوڑ لگا دی ، شاید ڈاکوئوں کے پاس پستول نہیں تھی اگر ہوتی تو شاید وہ گولی مار دیتے ، زویا نے کہا کہ میں اب سوچتی ہوں تو مجھے لگتا ہے کہ یہ کافی بچگانہ عمل تھا جو میں نے اس وقت کیا ایسا نہیں کرنا چاہیے تھا. اس کے علاوہ انہوں نے یہ بھی کہا کہ مجھے موٹر وے سے بہت ڈر لگتا ہے کیونکہ میری والدہ کو

تین بار موٹر وے سے اس وقت اغواء کیا گیا جب وہ ایم پی اے تھیں ، ڈاکو تینوں بار ان کی گاڑی ویرانے میں لے گئے اور ہم نے خوش قسمتی سے بازیاب بھی کروا لیا. میرے دل میں موٹر وے سے جانے کا ڈر بیٹھا ہوا ہے. میری کوشش ہوتی ہے کہ میں موٹر وے سے سفر نہ ہی کروں. اداکارہ نے کہا کہ میرا جب جب دل کرتا ہے میں کام کر لیتی ہوں.

اپریل 7, 2023
اشنا شاہ نے بھی فیروز خان کی طرف دوستی کا ہاتھ بڑھا دیا

اداکار فیروز خان جو کہ کافی عرصے سے اپنے گھریلو معاملات کی وجہ سے سوشل میڈیا پر تنقید کا نشانہ بنے ہوئے ہیں ، ان کے دوستوں کو اب آنے لگا ہے ان پر پیار اور ایک ایک کرکے سب ہی ان کو معاف کرتے جا رہے ہیں. منیب بٹ نے اپنی اہلیہ کا نمبر سوشل میڈیا پر جاری کرنے پر فیروز خان کو معاف کر دیا ان کے بعد اب اشنا شاہ نے بھی انہیں معاف کر دیا ہے. اداکارہ نے اپنی اسٹوری میں اداکار فیروز خان اور اپنے جم انسٹرکٹر کے ہمراہ تصویر اور ایک حدیث نبوی کا ترجمہ بھی شیئر کیا، جس کے مطابق ’رمضان المبارک ایسا مہینہ ہے جس کا اول رحمت ہے،

اس کے درمیان میں بخشش ہے اور اس کے آخر میں جہنم سے نجات ہے‘ اور یہ اللہ تعالیٰ کی رحمت ہے۔انہوں نے مزید انسٹاگرام سٹوریز میں یہ لکھا کہ کسی بھی انسان کو اس حد تک پریشان یا ہراساں نہیں‌کرنا چاہیے کہ وہ اپنی جان ہی لے لے اور ہمیشہ کے لئے دنیا سے منہ موڑ جائے. میں نے فیروز خان کو رمضان المبارک کے صدقے معاف کر دیا ہے امید ہے کہ ان کی زندگی میں سکون آجائے گا اور ان کے اذدواجی معاملات بہت جلد ٹھیک ہوجائیں گے.

اپریل 7, 2023