Category: شوبز

اداکار و میزبان اور لکھاری یاسر حسین اپنے نامناسب بیانات کی وجہ سے کافی مشہور ہیں دوسری طرف ان کی اہلیہ اقراء عزیز اتنا ہی سوچ سمجھ کر بولتی ہیں کبھی انہوں نے ایسا بیان نہیں دیا کہ جس کے بعد انہیں ٹرول کیا جائے. لیکن یاسر حسین باز نہیں آتے. حال ہی میں ان کو پروگرام ہنسا منع ہے میں بطور مہمان مدعو کیا گیا اس میں ان سے پوچھا گیا کہ انہیں کیوں لگتا ہے کہ نعمان اعجاز کو ایکٹنگ چھوڑ دینی چاہیے. یاسر حسین نے کہا کہ جی میں نے بالکل کہا ہے کہ نعمان اعجاز کو ایکٹنگ چھوڑ دینی چاہیے، وجہ بتاتے ہوئے انہوں نے کہا کہ میری نعمان اعجاز سے بہت زیادہ دوستی ہے ، ہمارا آپس میں کافی ہنسی مذاق بھی ہے ، ایک دن میری ان سے بات ہو رہی تھی تو میں نے ان سے کہا کہ میں شوز میں جاتا ہوںٕ

تو مختلف سوال پوچھے جاتے ہیں جواب نہ دینے پرکبھی مرچیں کھانی پڑتی ہیں اور کبھی تیل پینا پڑتا ہے تو مجھے سمجھ نہیں آتی کہ کیا کروں ، ایک سوال تو بہت زیادہ پوچھا جاتا ہے کہ کس کو ایکٹنگ چھوڑ دینی چاہیے تو میں کسی کا بھی نام لوں گا تو یقینا وہ ناراض ہو جائیگا تو بندہ کرے تو کیا کرے ، تو نعمان اعجاز نے کہا کہ یار تم میرا نام لے دیا کرو میں مائنڈ نہیں‌کروں گا ، اسلئے میں نے کہا کہ نعمان اعجاز کو ایکٹنگ چھوڑ دینی چاہیے انہوں نے مزید کہا کہ نعمان اعجاز سے پاکستان میں کوئی دوسرا بڑا اداکار نہیں ہے.

گلوکار اور اداکار عاطف اسلم جن کے مداح پوری دنیا میں پائے جاتے ہیں. انہوں گزشتہ برس ڈراموں کی دنیا میں بھی قدم رکھا ان کی اداکاری کو بے ھد سراہا گیا. عاطف اسلم کے بیٹے کی حال ہی میں برتھ ڈے تھی انہوں نے اپنے بیٹے کو سالگرہ کی مبارکباد دیتے ہوئے کہا کہ میرے پیارے بیٹے آپکو سالگرہ کی مبارکباد. آپ ایک مضبوط بوائے بن رہے ہو ماشاءاللہ . یاد رکھنا کہ کبھی بھی کسی کا دل نہ دکھانا ایسا نہیں کرو گے تو یقینا آپ کے ساتھ بھی ایسا نہیں ہو گا. دوسرا یہ کہ کبھی کسی کو کسی پر ترجیح نہ دینا اور عورت کی ہمیشہ بہت زیادہ عزت کرنا اور اپنی ماں کو بالکل

بھی تنگ نہ کرو. عاطف اسلم نے اس خوبصورت پیغام کے ساتھ اپنے بیٹے کو سالگرہ کی مبارکباد دی. عاطف اسلم کی اس پوسٹ کے بعد ان کی سوچ کو بہت زیادہ سراہا گیا اور ان کے بیٹے کو سالگرہ کی مبارکباد دی. یاد رہےکہ عاطف اسلم نے سارا بھروانہ سے شادی کی اور دونوں ہنسی خوشی زندگی بسر کررہے ہیں. عاطف کو پاکستان کے علاوہ بھارت میں بھی بہت زیادہ پسند کیاجاتا ہے اور بھارت کے نامور میوزیشنز ان کے ساتھ کام کرنے کو اعزاز سمجھتے ہیں .

اداکارہ مشی خان جو کا فی عرصے سے اداکاری سے دور ہیں، لیک سوشل میڈیا پر کافی متحرک رہتی ہیں ، وہ سیاسی سے لیکر سماجی مسائل پر بات کرتی ہوئی نظر آتی ہیں. مشی خان کافی بولڈ ہیں اور جو کہنا چاہتی ہیں ڈنکے کی چوٹ پر کہتی ہیں. حال ہی میں مشی خان نے ایک وڈیو پیغام جاری کیا ہے جس میں وہ کافی غصے میں نظر آرہی ہیں. انہوں نے اس وڈیو پیغام میں ان لوگوں‌کو شرم دلانے کی کوشش کی ہے جو ہر کسی کو ان کی بڑھتی ہوئی عمر کے طعنے دیتے ہیں. مشی خان نے اس وڈیو میں کہا ہے کہ میں سوشل میڈیا پر دیکھ رہی ہوتی ہوں کہ میرے کولیگز وغیرہ اپنی کوئی پکچر پوسٹ کردیں یا اپنی سالگرہ منا رہے ہوں تو ان پر تنقید کی جاتی ہے اور کہا جاتا ہے کہ اپنی عمر دیکھو اور حرکتیں دیکھو ،

تمہارے تو پائوں قبر میں‌لٹک رہے ہیں‌، اس عمر میں اللہ اللہ کرو ، تو میں ایسی باتیں کرنے والوں سے کہنا چاہتی ہوں‌کہ اللہ اللہ کرنا تو پیدا ہونے سے شروع ہو کر تب تک جاری رہتا ہے جب تک انسان اس دنیا سے رخصت نہ ہوجائے. صرف عمر بڑھنے پہ ہی اللہ اللہ نہیں کرنا ہوتا. اور مطلب کیا ہے کہ اگر کسی کی عمر تھوڑی سی بھی زیادہ ہو گئی ہے تو وہ اپنی سالگرہ نہ منائے ، اپنی تصاویر کیوں نہ بنوائے اور پوسٹ کرے. ایسی باتیں‌کرنے والے خود بھی تو سوشل میڈیا پر ہی بیٹھے رہتے ہیں وہ کیا کرتے ہیں . آپ کونسا ڈریکولا کی فیملی سے ہیں جنہوں نے کبھی بوڑھے ہونا ہی نہیں ہے.

گلوکار عاصم اظہر جو کہ اداکارہ ہانیہ عامر کے ساتھ دوستی کی وجہ سے کافی چرچا میں رہے ہیں ، ان کی دوستی کے اتنے چرچے رہے کہ کہا جا رہا تھا کہ شاید دونوں بہت جلد شادی کر لیں گے لیکن ایسا کچھ بھی نہ ہو سکا بلکہ ان دونوں کی دوستی کا تعلق بھی ختم ہو گیا. کہا جاتا ہے کہ دونوں کی دوستی کا تعلق اور پھر شادی عاصم اظہر کی والدہ کو گوارہ نہیں تھی. ہانیہ عامر کے بعد عاصم اظہر کی زندگی میں آئیں میرب علی ، میرب علی ایک بہترین اداکارہ ہیں انہوں نے بہت جلد اپنا نام اور مقام بنا لیا ہے. میرب علی کا شمار اس وقت شوبز انڈسٹری کی بہترین اداکارائوں میں ہوتا ہے. انہوں نے اپنے حالیہ انٹرویو میں کہا ہے کہ انہیں شادی کی کوئی جلدی نہیں ہے لیکن عاصم کے اور ان کے والدین جب کہیں گے کر

لیں گے ، انہوں نے کہا کہ ہم ایسے فیصلے بڑوں پر چھوڑتے ہیں وہ جب ہم کہیں گے ہم شادی کر لیں گے ، شادی لیٹ ہو یا جلدی ہمیں‌اس کی کوئی ٹینشن نہیں ہے ، ویسے بھی ہم دونوں ابھی اپنے اپنے کاموں میں‌کافی مصروف ہیں لیکن اس کے باوجود ہمارے والدین جیسے ہی ہمیں‌کہیں گےہم شادی کر لیں گے، ہم نے کبھی کوی ایسا فیصلہ نہیں کیا نہ کرنے کی کوشش کی ہے جس سے ہمارے بڑے ناراض ہوں.

بالی وڈ‌ کنگ شاہ رخ خآن کہتے ہیں کہ عورت کو کبھی بھی کسی صورت میں امپریس نہیں کیا جانا چاہیے ، اس کے سامنے اچھے کپڑے پہن کر بیٹھ جانا اسکو ڈنر پر لے جانا یہ سب ٹھیک ہے بری بات نہیں ہے لیکن اسکو امپریس کرنے کےلئے وہ سب نہ کریں جو آپ کو پوز زکرنا پڑے، بس جو ہیں جیسے ہیں ویسے ہی اسکے سامنے آئیں اور ویسے ہی اسکے ساتھ چلیں. انہوں نے کہا کہ عورت سے کہنا کہ میں تمہارے لئے چاند تارے توڑ لائوں گا ایسے دعوے کرنے سے بہتر ہے کہ اسکو سنیں وہ کیا کہنا چاہتی ہے اسکو احساس دلائیں آپ اسکے ساتھ ہیں. اس سے بڑھ کر پیار کا اظہار ہو نہیں

سکتا. شاہ رخ خان مزید کہتے ہیں کہ زندگی ہم سب کے لئے ایک سب سے بڑا تحفہ ہے اسکو اچھے طریقے سے ٹریٹ کیجیے. شاہ رخ خان نے کہا کہ زندگی میں اچھے برے مقام آتے ہیں کبھی اچھا ہوجاتا ہے کبھی اچھا نہیں ہوتا ، ہر معاملے میں گریس سے کام لیں ، اور یہ بھی نہ ہو کہ صرف اپنا سوچیں ، آپ دوسرں کو بھی سنیں دیکھیں ، کیونکہ ہر انسان کے مسائل الگ ہیں ہر انسان آپ سے اپنے مسائل اپنی خوشیوں کے حساب سے بات کرے گا . لہذا مل کر چلنا سیکھیں اور حالات کے ساتھ ایڈجیسٹ کرنا سیکھیں.

اداکارہ حرامانی جو ہر وقت سوشل میڈیا پر کچھ نہ کچھ پوسٹ کرتی رہتی ہیں، ان کے الٹے سیدھے بیانات کی وجہ سے انکو خاصی تنقید کا سامنا کرنا پڑتا ہے لیکن وہ باز نہیں آتیں اور کچھ نہ کچھ ایسا ضرور کہہ جاتی ہیں کہ ان کو سوشل میڈیا پر ٹرول کیا جاتا ہے. حرامانی نے حال ہی میں ایک انٹرویو دیا ہے اس میں انہوں نے کہا ہے کہ میری زندگی میں کام کی بہت زیادہ اہمیت ہے، میں صرف ربورٹ کی طرح کام کروں گی تو میرے ایموشنز نہیں رہیں گے ، ایموشنز تو درخت کے بھی ہوتے ہیں کیونکہ وہ پھل دیتا ہے. ایک سوال کے جواب میں حرا مانی نے کہا کہ شروع

شروع میں مجھے لوگ کہا کرتے تھے کہ میں بہت زیادہ جذباتی ہوں ، حساسیت کوٹ کوٹ کر بھری ہوئی ہے مجھ میں، تو مجھے لگتا ہے کہ میرا جذباتی ہونا ہی میری کامیابی کا راز ہے. حرامانی نے مزید کہا کہ میرے والد کہتے ہیں‌ کہ میرا جذباتی ہونا اچھی بات ہے. پیار اور عادت کے فرق کے سوال پر جواب دیتے ہوئے کہا کہ مجھے پیار اور عادت کا فرق نہیں معلوم نہیں‌مجھے اتنا پتہ ہے کہ آپکو جسکی عادت ہو اسے ضرور بتانا چاہیے، انہوں نے مزید کہا کہ میں آج بھی سو کر اٹھتی ہوں تو سب سے پہلی کال مانی کو کرتی ہوں.

دلیر سنگھ مہدی کے بھائی میکا سنگھ مہدی جنہوں نے حال ہی میں‌ بزنس مین مکیش امبانی کے چھوٹے بیٹے آننت امبانی کی منگنی کی تقریب میں شرکت کی اس تقریب میں بالی وڈ‌کے نامور اداکاروں نے شرکت کی جن میں‌سلمان خآن اور شاہ رخ کے نام قابل زکر ہیں. میکا سنگھ کو منگنی کی اس تقریب میں خاص پرفارمنس کے لئے مدعو کیا گیا تھا ، کہا جا رہا ہے کہ میکا نے صرف دس منٹ کے پرفارمنس کے لئے ڈیڑھ کروڑ‌روپے معاوضہ لیا. یوں میکا سنگھ نے دس منٹ میں ڈیڑھ کروڑ کما لئے. یاد رہے کہ نیتا امبانی اور مکیش امبانی کے چھوٹے بیٹے آننت امبانی کی رادھیکا مرچنٹ سے منگنی کی تقریب راجستھان کے شری ناتھ جی مندر میں منعقد کی گئی، اس موقع پر امبانی اور مرچنٹ خاندان کے افراد اور دوست

موجود تھے۔ تقریب میں عالیہ بھٹ اور رنبیر کپور بھی دیکھے گئے. میکا سنگھ بھارت کے ایسے گلوکار ہیں جن کے ساتھ ہر وقت کوئی نہ کوئی کنٹرورسی جڑی رہتی ہے. تاہم ان کے گیت بہت پسند کیے جاتے ہیں. ان کے گائے ہوئے گیت بالی وڈ کے نامور فنکاروں پر پکچرائز ہو چکے ہیں. میکا کے کیرئیر کی سب سے بڑی کنٹرورسی راکھی ساونت کے ساتھ ہوئی جسے آج تک لوگ بھول نہیں سکے.

کائنات کی حسین لڑکی کا خطاب پانے والی سشمیتا سین جنہوں نے بالی وڈ میں کافی کام کیا ہے لیکن ان کے مزاج اور کام کی رفتار کو دیکھ کر لگتا ہے کہ جیسے وہ اپنے کیرئیر کو لیکر کبھی بھی سنجیدہ نہیں رہیں، سشمیتا سین اداکاری کی وجہ سے کم اور اپنے معاشقوں کی وجہ سے زیادہ چرچا میں رہی ہیں. سشمیتا سین کی پچھلے دنوں قومی کرکٹر اعظم خان کے ساتھ ایک تصویر وائرل ہوئی ہے اب ان کی ایک وڈیو وائرل ہو رہی ہے جس میں وہ پاکستان کی دو بہنوں کی جو کہ اداکارائیں بھی ہیں ان کی تعریفوں کے پل باندھتی ہوئی نظر آرہی ہیں. اطلاعات کے مطابق صبور

اور سجل علی کا بھائی محمد علی کی ملاقات دوران سفر سشمیتا سین سے ہوئی ، اس ملاقات میں انہوں نے محمد علی کی ڈیمانڈ‌ پر ان کی بہنوں سجل اور صبور کے لئے ایک پیغام ریکارڈ کروایا اس میں انہوں نے کہا کہ سجل اور صبور آپ دونوں‌ بہترین‌ اداکارائیں ہو ، میری دعا ہے کہ آپ دونوں اسی طرح‌سے آگے بڑھتی رہو کامیابیاں حاصل کرتی رہو. سشمیتا سین کی یہ وڈیو انسٹاگرام پر کافی وائرل ہو رہی ہے. سجل اور سشمیتا سین کی پہلے سے ہی ملاقاتیں تو ہیں لیکن صبور علی کے ساتھ شاید ہی صبور علی کی ملاقات ہوئی ہو.

اداکارہ و میزبان شائستہ لودھی جو اپنے مارننگ شوز کی وجہ سے ایک بڑی تعداد میں فین فالونگ رکھتی ہیں، ان کی حال ہی میں سوشل میڈیا پر چند تصاویر وائرل ہو رہی ہیں اور وہ تصاویر ہیں شائستہ لودھی کی مکہ مکرمہ کی . شائستہ لودھی نے نیو ائیر پر عمرہ کی سعادت حاصل کرنے کا پلان بنایا اور اسی غرض سے وہ سعودی عرب پہنچیں. اداکارہ نے عمرہ کی سعادت حاصل کرنے کے دوران اور بعد میں خوبصورت لمحات کی تصاویر سوشل میڈیا پر شئیر کی. جیسے ہی شائستہ لودھی نے اپنی عمرہ کی سعادت حاصل کرنے کی تصاویر سوشل میڈیا پر شئیر کیں تو ان کے مداحوں

اور قریبی دوستوں نے انہیں‌مبارکباد دینے کے سلسلہ شروع کیا.یاد رہے کہ ان سے پہلے ماورا حسین ، ہمایوں سعید ، شہزاد نصیب ، نرگس ، مایا علی سمیت دیگر بھی عمرہ کی سعادت حاصل کر چکے ہیں. شائستہ لودھی نے ایک عرصے سے شوبز کی سرگرمیاں کم کر دی ہیں وہ کم کم ہی ٹی وی پر نظر آتی ہیں یہاں تک کہ وہ شوبز کی تقریبات میں بھی نظر نہیں‌آتیں ، وہ آج کل اپنا کلینک چلانے میں‌ کافی مصروف ہیں وہ کراچی سمیت دیگر شہروں‌میں سکن اور چہرے کے حوالے سے ٹریٹمنٹ کرتی ہوئی نظر آتی ہیں . تاہم ان کے مداح ان کو ٹی وی پر دیکھنےکےلئے بےتاب رہتے ہیں. ب گش