Category: شوبز

گلوکار عاطف اسلم جو پاکستان سمیت پوری دنیا میں بے حد مقبول ہیں . ان کی مقبولیت کا یہ عالم ہے کہ بھارت کے بڑے سے بڑا سنگر اور کمپوزر ان کا دیوانہ ہے. ان کے گائے ہوئے گیت نامور بالی وڈ ہیروز پر پکچرائز ہو چکے ہیں. عاطف اسلم کے حوالے سے تازہ ترین اطلاعات یہ ہیں کہ آڈیو اسٹریمنگ سروس اسپاٹی فائے کی جانب سے جاری کی گئی نئی رینکنگ میں پاکستان کے سب سے زیادہ سنے جانے والے گلوکاروں کی فہرست میں پہلے نمبر پر ہیں۔ اس فہرست میں راحت فتح علیخان اور علی ظفر جیسے گلوکار نیچے نظر آتے ہیں. عاطف اسلم نے رواں برس اپنے کیرئیر کا پہلا ڈرامہ کیا جس کانام سنگ ما ہے. اس میں ان کی اداکاری کو بے حد سراہا گیا . فلم بول سے انہوں نے اپنا فلمی کیرئیر شروع کیا تاہم ابھی تک وہ

کسی دوسری پاکستانی فلم میں نظر نہیں آئے. یوں عاطف اسلم نے گلوکاری کے ساتھ ساتھ اداکاری میں بھی قسمت آزمائی ہے ان کو ان کے مداح ہر روپ میں قبول کرتے ہیں . یاد رہے کہ آڈیو اسٹریمنگ سروس اسپاٹی فائے کی رینکنگ کو معمولی نوعیت کی رینکنگ نہیں کہا جاتا ، اس رینکنگ کو سنجیدہ لیا جاتا ہے. ان کے مداح ان کو سننے کے لئے بے تاب رہتے ہیں.

ماضی کی سینئیر اداکارہ اور ڈائریکٹر پرڈیوسر سنگیتا بیگم کا ڈرامہ دو بوند پانی کی آج کل لاہور میں شوٹنگ جاری ہے. اداکار سعود ، ریچل ، وہاج، اچھی خان و دیگر ریکارڈنگ کروارہے ہیں. ڈرامے کا سیٹ لاہور شہر سے کافی دور لگایا گیا ہے. ڈرامے کا ایک سپیل باقی ہے باقی شوٹنگ مکمل کر لی گئی ہے. ڈرامے کا ایک بڑا حصہ بہاولپور کے قریب صحرا میں شوٹ کیا گیا ہے. دو بوند پانی کا ایک بڑا حصہ شوٹ ہو چکا ہے شوٹنگ اب آخری مراحل میں داخل ہو چکی ہے. فلمسٹار سعود کافی عرصے کے بعد اس ڈرامے سے شوبز میں اینٹری کررہے ہیں کہانی پرویز کلیم نے لکھی ہے. ڈرامے میں سعود ، صائمہ بلوچ ، فلمسٹار میرا ، و دیگر نے اہم کردار ادا کئے ہیں. سنگیتا کا کہنا ہے کہ یہ ڈرامہ پانی کی اہمیت پر بنایا گیا ہے شائقین کو یقینا کچھ

مختلف اور نیا دیکھنے کو ملے گا . ڈرامہ پانی کی اہمیت پر بنایا گیا ہے سنگیتا کہتی ہیں اس قسم کے ڈرامے بننا وقت کی اہم ضرورت ہیں. مجھے بہت امید ہے کہ ڈرامہ بہت زیادہ پسند کیا جائیگا، دوسری طرف سعود کہتے ہیں کہ میں اس ڈرامے میں اپنے کردار کو لیکر کافی پرجوش ہوں مجھے امید ہے کہ میرے مداح مجھے دیکھ کر خوش ہوں گے اور وہ اس ڈرامے سے لطف اندوز ہوں گے.

اداکار عامر خان نے اپنے حالیہ انٹرویو میں کہا ہے کہ میں‌نے کبھی بھی اپنے کیرئیر کے معاملے میں سمجھوتہ نہیں کیا. انہوں‌ نے کہا کہ مٰیرے کیرئیر میں ایک ایسا وقت بھی آیا کہ میری فلمیں فلاپ جا رہی تھیں، اسی دوران مجھے مہیش بھٹ نے ایک فلم آفر کی اور میں کہانی سننے چلا گیا مجھے کہانی بالکل پسند نہ آئی اور میں نے کہانی سننےکے بعد مہیش بھٹ سے ایک دن کا وقت لیا. اور گھر چلا گیا میں‌بہت بے چین تھا کہ کیسے مہیش بھٹ کو انکار کروں میں نے اپنی اہلیہ رینا دتہ سے بات کی اور بتایا کہ مہیش بھٹ کے ساتھ کام تو کرنا چاہتا ہوں لیکن مجھے ان کی فلم کی کہانی پسند نہیں آئی اگر ہاں کر دی پھر میں اپنے کیرئیر پر سمجھوتا کروں گا جو میں‌نہیں کرنا چاہتا اور

نہ ہی میں نے کبھی کیا ہے. رینا نے کہا کہ تم کلئیر مہیش بھٹ کو بول دو. عامر خان نے کہا کہ میں اگلے دن مہیش بھٹ کے پاس گیا اور کہا کہ آپ بڑے ڈائریکٹر ہیں میں آپ کے ساتھ کام کرنا چاہتا ہوں، لیکن مجھے اس فلم کی کہانی نہیں پسند ، میں نہیں‌کر سکتا میں یہ بھی جانتا ہوں‌کہ شاید اسکے بعد آپ مجھے کام نہیں دیں گے لیکن میں اپنے کیرئیر پر سمجھوتا نہیں کرنا چاہتا. عامر خان نے کہا کہ میں جب کام کررہا تھا تو میری یہ سوچ تھی اور میں کیرئیر پر سمجھوتا کرنے کے حق میں کبھی نہ تھا نہ کیا.

سیف علی خان اور کرینہ کپور خان بالی وڈ کے سب سے خوبصورت جوڑوں میں سے ایک ہیں۔ جب بھی یہ دونوں ایک ساتھ کہیں جاتے ہیں تو ان کی تصاویر سوشل میڈیا پر وائرل ہوجاتی ہیں. دونوں‌ ہی ایک بڑی فین فالونگ رکھتے ہیں. حال ہی میں یہ دونوں جدہ، سعودی عرب میں بحیرہ احمر کے میلے میں ایک ساتھ نظر آئے . دونوں کافی خوبصورت لگ رہے تھے. پنڈال میں داخل ہونے سے پہلے میڈیا نے سیف سے بالی وڈ کی اداکارائوں کے بارے میں سوال کیا تو انہوں نے چند خواتین اداکاراؤں کا نام لیا اور کہا کہ یہ بہترین اداکارائیں ہیں لیکن حیرت انگیز بات یہ ہے

کہ وہ اپنی ہی اہلیہ کا نام لینا بھول گئے۔ اس دوران ساتھ کھڑی کرینہ کپور نے کہا کہ سیف اپنی بیوی کو بھول گئے ہو تو سیف علی خان ہنس پڑے اور کہا کہ یقینا میری خوبصورت بیوی بھی ہیں جن کا شمار بالی وڈ کی بہترین اداکارائوں میں ہوتا ہے. سیف علی خان نے اس موقع پر اپنی والدہ شرمیلا ٹیگور کے بارے میں بھی بات کی۔ انہوں نے کہا انہوں نے محض 16 سال کی عمر میں اداکاری شروع کی . اس موقع پر اداکارہ کرینہ کپور نے کہا کہ خوشی ہے کہ شوبز انڈسٹری میں خواتین کی ایک بڑی تعداد آرہی ہے.

سینئر بالی وڈ اداکار میناکشی ششادری اور جیکی شروف 1980 کی دہائی میں بالی وڈ کی دنیا کی خوبصورت جوڑیوں میں سے ایک تھے. انہوں نے متعدد فلموں‌میں کام کیا اور داد سمیٹی. جیکی اور میناکشی کی مشہور فلموں میں اللہ رکھا، ہیرو، اکیلا، میرا جواب، اور دہلیز کے نام قابل زکر ہیں‌. میناکشی نے حال ہی میں جیکی شروع کے ساتھ اپنے فلمی سفر شروع کرنے کے دور کو یاد کیا اور اپنی اور جیکی شروع کی تصویر سوشل میڈیا پر جاری کرکے لکھا ہیرو کی ہیروئین. میناکشی کی اس پوسٹ‌ پر سوشل میڈیا صارفین نے دلچپسپ تبصرے کرتے ہوئے دونوں کو ہی اپنا فیورٹ‌قرار دیا. میناکشی نے اپنے حالیہ انٹرویو میں یہ بھی کہا کہ وہ جلد ہی بالی وڈ میں واپسی کرنا

چاہتی ہیں۔ انہوں نے کہا کہ میں دوبارہ اداکاری کرنے کا ارادہ رکھتی ہوں کیونکہ مجھے ایسا لگتا ہےکہ جیسے کچھ ادھورا رہ گیا تھا. انہوں نے اس انٹرویو میں یہ بھی کہا کہ وہ ہر قسم کا کردار کر سکتی ہیں اس لئے جس قسم کابھی کردار ملے گا وہ کریں گی. یاد رہے کہ میناکشی ششادری اور جیکی شروف کی فلم ہیرو 1983 میں ریلیز ہوئی یہ ایک رومینٹک ایکشن فلم تھی جس کی ہدایت کاری سبھاش گھئی نے کی تھی۔ اس کی موسیقی لکشمی کانت پیارے لال نے ترتیب دی تھی اور یہ فلم سپر ہٹ ہوئی تو ساتھ ہی ان دونوں کی جوڑی بھی سپر ہٹ ہو گئی . دونوں راتوں رات ہی سٹار بن گئے.