Category: شوبز

عامر خان کی فلم لال سنگھ چڈھا جو بائیکاٹ ٹرینڈ کا اتنی بری طرح سے شکار ہوئی کہ باکس آفس پر منہ کے بل جا گری. عامر خان کو اس فلم سے بے انتہا امیدیں تھیں، لیکن انہیں فلم ریلیز کے بعد بہت زیادہ مایوسی کا سامنا کرنا پڑا. عامر خان نےفلم کی پرموشنز کے دوران کہا تھا کہ اس فلم کو اگر کامیابی نہ ملی تو مجھے دھچکا لگے گا اور یہی ہوا کہ عامر خان کچھ وقت صدمے میں رہے. باکس آفس پر فلم نے ناکامی کا سامنا کیا، لیکن نیٹ فلیکس پر یہ فلم ریلیز ہوتے ہی چھا گئی ہے. نیٹ فلیکس پر فلم کو بہت زیادہ دیکھا جا رہا ہے. یوں عامر خان کے لئے یہ ایک اچھی خبر ہے کہ فلم نیٹ فلیکس پر اچھا بزنس کررہی ہے لیکن ساتھ ہی بری خبر یہ ہے کہ ہندو انتہا پسند اس پلیٹ فارم پر فلم کی کامیابی پر

سخت ناراض ہونے لگے ہیں اور عامر خان کی طرف ایک بار پھر اپنی تنقید کے رخ کر لئے ہیں . یاد رہے کہ فلم کو بھارت سمیت دنیا کے دیگر ممالک میں ریلیز کیا گیا لیکن فلم پہلے تین دن ہی منہ کے بل جا گری .عامر خان کی اس فلم کے بعد بہت ساری فلمیں بائیکاٹ ٹرینڈ کا شکار ہوئیں تاہم براہمسٹرا لال سنگھ چڈھا کے بعد واحد فلم رہی ہے جو بائیکاٹ ٹرینڈ کا شکار نہیں ہو پائی .

ٹی وی کی سینئر اداکارہ عتیقہ اوڈھو اپنی بہترین اداکاری اور خوبصورتی کی وجہ سے جانی جاتی ہیں انہوں نے اپنے کیرئیر میں آج تک جو بھی کردار کئے تعریفیں ہی سمیٹیں. عتیقہ اوڈھو نے بطور ماں نیگیٹیو کردار بھی کئے اور مثبت بھی. دونوں میں ان کو بطور سراہا گیا. عتقیہ اپنی شادیوں کی وجہ سے ہمیشہ ہی خبروں میں رہی ہیں . انہوں نے جب تیسری شادی کی تو ان کے اس فیصلے کو جہاں سراہا گیا وہیں ان پر تنقید بھی کی گئی کہ اس عمر میں کہ جب ان کے پوتے پوتیاں نواسے نواسیاں بھی جوان ہو چکے ہیں اور یہ شادی کررہی ہیں. عتیقہ اوڈھو نے اپنے حالیہ انٹرویو میں بتایا ہے کہ ثمر خان کے ساتھ شادی سے پہلے میرا کام کے سلسلے میں ملنا ملانا رہتا تھا میرا بیٹا دیکھتا تھا کہ میں ثمر خان کے ساتھ کافی خوش

رہتی تھی لہذا اس نے مجھے مشورہ دیا کہ میںشادی کر لوں اس نے سب گھر والوں سے بات کی سب نے کہا کہ مجھے ثمر خان سے شادی کرلینی چاہیے اور دنیا کی پرواہ نہیں کرنی چاہیے. عتیقہ اوڈھو نے بتایا کہ میرے نکاح نامے پر میرے بیٹے کے علاوہ میرے داماد کے بھی دستخط ہیں. میری فیملی نے میرا ساتھ دیا اسلئے میں دنیا کی پرواہ نہیں کرتی جس کو جو کہنا ہے کہتا رہے.

اداکار فرحان سعید اور ہانیہ عامر آج کل ایک دوسرے کے ساتھ ہر جگہ دیکھے جا رہے ہیں . اس جوڑی کی مقبولیت ڈرامہ سیریل میرے ہمسفر کے بعد زیادہ بڑھی یہی وجہ ہے کہ ہر دوسرے بریںڈ کی کوشش ہے کہ ان کو ایک ساتھ کسی فوٹو شوٹ میں لیں یا کسی اشتہار میں لیں. حال ہی میں ان دونوں نے ایک ساتھ شرکت کی کینڈا میں ہونے والے ایوارڈ شو میں . دونوں نے ایک ساتھ پرفارمنس دی جسے بہت زیادہ پسند کیا گیا. فرحان اور ہانیہ کی دوستی دن بہ دن بڑھتی جا رہی ہے. حال ہی میں دونوں نے ایک ساتھ برائیڈل شوٹ بھی کیا ہے اور یہ شوٹ اور اسکی تصاویر بہت زیادہ

وائرل ہو رہی ہیں یوں ڈرامہ سیریل میرے ہمسفر کی یہ جوڑی ایک بار پھر انٹرنیٹ پر دھوم مچا رہی ہے. ان دونوں کی آن سکرین کیمسٹری شائقین کو بہت زیادہ پسند ہے یہی وجہ ہے کہ شائقین ان کو ایک ساتھ دیکھنے کے لئے بےتاب رہتے ہیں. کہا جا رہا ہے کہ فرحان سعید اور ہانیہ عامر کے درمیان دوستی سے بڑھ کر تعلقات پیدا ہو رہے ہیں تاہم دونوں طرف سے ایسی باتوں پر خاموشی ہی اختیار کی گئی ہے لیکن یہ ضرور ہے کہ دونوں ہر جگہ ایک دوسرے کے ساتھ دیکھے جا رہے ہیں.

گلوکار و اداکار علی ظفر ہر فن مولا ہیں وہ نہ صرف گاتے ،اداکاری کرتے ہیں بلکہ کچن میں بھی کام کرتے ہیں جی ہاں علی ظفر کھانا بنانے کا شوق بھی رکھتے ہیں. اکثر وہ سوشل میڈیا پر چکن بنانے کی وڈیوز شئیر کرتے رہتے ہیں. دو سال قبل انہوں نے ایک وڈیو جاری کی جس میں وہ چکن بناتے ہوئے نظر آرہے تھے اس چکن میں انہوں نے لوازمات پورے نہیں ڈالے تھے اسلئے سوشل میڈیا پر ان کی چکن ریسیپی کو لیا گیا آڑھے ہاتھوں اس کے بعد علی ظفر نے ایک ٹویٹ کرکے کہا تھا کہ جن لوگوں‌ کو میری ریسپی پسند نہیں آئی میں ان سے معافی مانگتا ہوں. لیکن

حال ہی میں علی ظفر نے ایک وڈیو جا ری کی ہے جس میں وہ لاہوری کڑاہی بنا رہے ہیں اس بار انہوں نے چکن میں لوازمات پورے ڈالے ہیں یہی وجہ ہے کہ ان کی اس بار کی ریسپی پر تنقید نہیں کی گئی. لاہوری چکن بناتے ہوئے علی ظفر نے مزاحیہ انداز بھی اپنایا اور کہا کہ عزت اور قدر کیا کریں اپنے شیف کی کیونکہ وہ بہت مشکل سے آپ کو کھانا بنا کر دیتے ہیں بہرحال کھانا بنانا اتنا آسان کام نہیں ہے. یوں علی ظفر نے ایک بار پھر اپنی ٹائم لائن پرمیلہ سجایا اور اپنے مداحوں کو محظوظ کیا.

معروف اداکار سہیل احمد جنہوں‌نے اپنے کام کے زریعے اپنا ایسا مقام بنایا ہے کہ ان کی صلاحیتوں‌پر نوجوان نسل بھی آنکھیں بند کرکے یقین رکھتی ہے سہیل احمد نے سٹیج پلیز کئے لیکن اس وقت وہ سٹیج پلیز سے الگ ہو گئے جب وہاں فحش رقص اور ڈائیلاگ بولے جانے لگے. سہیل احمد آج جو سٹیج ہو رہا ہے اسکو سخت ناپسند کرتے ہیں ان کا کہنا ہے کہ فیملیاں کیا ہم خود وہ ڈرامے نہیں دیکھ سکتے. سہیل احمد کی حال ہی میں پہلی انڈین پنجابی فلم بابے بھگنڑا پائوندے نے پاکستان میں ریلیز ہوئی ہے ، اس ھوالے سے سہیل احمد کہتے ہیں کہ بہت اچھی بات ہے کہ دوسرے ممالک کی فلمیں

پاکستان میں ریلیز ہو رہی ہیں لیکن ہماری فلمیں بھی تو دوسرے ممالک میں ریلیز ہونی چاہیں . ہم اچھی فلمیں بنا رہے ہیں اور ہماری فلمیں بھی دوسرے ملکوں میں ریلیز ہونی چاہیے. سہیل احمد کہتے ہیں کہ فنکار چاہے انڈیا کے ہوں یا پاکستان کے دونوں کسی قسم کا تصادم نہیں چاہتے بلکہ ان کی خواہش ہے کہ ایک دوسرے کی فلموں میں نفرت انگیز مواد نہیں ہونا چاہیے. سہیل احمد نے کہا کہ پاکستان میں اس وقت بہت اچھا کام ہو رہا ہے وقت کا تقاضا ہے کہ ہمارا کام دنیا میں جانا چاہیے. انہوں نے مزید کہا کہ میں پاکستانی فلمیں بھی کررہا ہوں اپنے ملک کا کام میری پہلی ترجیح ہے.

اداکار فیروز خان جو آج کل تنازعات میں گھرے ہوئے ہیں خصوصی طور پر تب سے جب سے ان کی اہلیہ کی جانب سے ان پر جسمانی تشدد کرنے کے الزامات عائد کئے گئے ہیں . فیروز خان پر سوشل میڈیا پر ہر وقت اور خآصی تنقید کی جا رہی ہے. فیروز خان کو جو قریب سے جانتےہیں وہ ان کی اہلیہ کے ساتھ کھڑے ہیں ان کا کہنا ہےکہ فیروز خان کے رویے میں شدت پسندی ہے اور وہ ایک منٹ سے پہلے آپے سے باہر ہوجاتے ہیں. اداکارہ و ماڈل عفت رحیم جو کہ فیروز خان کے ساتھ کام کر چکی ہیں وہ فیروز خان کی اہلیہ کے ساتھ کھڑی ہوئیں. فیروز خان کی حال ہی میں عمرے کی

ادائیگی کے لئے ملک سے روانگی ہوئی. فیروز خان عمرے کی ادائیگی اپنی والدہ اور بہن کے ساتھ کرنے کے لئے گئے ہیں اور وہاں پہنچ کر سوشل میڈیا پر کچھ تصاویر جاری کی ہیں . لیکن ان کے ناقدین کا کہنا ہے کہ فیروز خان نے جو بھی اپنی اہلیہ کے ساتھ کیا ہے یہ سب اس سے توجہ ہٹانے کے لئے کیا جا رہا ہے. فیروز خان چاہتےہیں کہ ان کے ناقدین وہ سب بھول جائیں جو ان کے ھوالے سے ان کی اہلیہ کے زریعے منظر عام پر آیا ہے. یوں فیروز خان پر تنقید ان کی عمرہ کے ادائیگی کے وقت بھی ختم نہیں کی گئی بلکہ اس تنقید میں مزید اضافہ ہو گیا ہے.

گزشتہ روز کراچی میں دا لیجنڈ آف مولا جٹ کی سپیشل سکریننگ کروائی گئی اس فلم کو دیکھنے پہنچے مصطفی قریشی . انہوں نے فلم دیکھ کر کہا کہ حمزہ علی عباسی نے نوری نت کا کردار بہت اچھے انداز میں نبھایا ہے میری فلم میں بھی نوری نت حاوی تھا اور اس فلم میں بھی نوری نت حاوی ہے. حمزہ علی عباسی نے جاندار انداز میں ڈائیلاگ بولے ہیں. میں اس فلم کو دیکھ کر خوش ہوا ہوں کہ ہماری فلم مولا جٹ مزید فریش ہو گئی ہے. بلال لاشاری اور عمارہ حکمت نے یہ فلم بنا کر یقینا سلطان راہی اور مصطفی قریشی کو ٹریبیوٹ پیش کیا ہے میں ان کا شکر گزار

ہوں کہ انہوں نے پرانی مولا جٹ کی یادوں کو تازہ کیا. مصطفی قریشی نے کہا کہ ہمارے دور میں سائونڈ سسٹم بہت اچھے نہیں تھے آج کی فلم کو یہ سپورٹ ضرور حاصل ہے. وقت بدل گیا ہے جدید ٹیکنالوجی آ چکی ہے لہذا کام کے انداز بھی بدل گئے ہیں.انہوں نے یہ بھی کہا کہ ہماری فلم غریبانہ بنی تھی عوام نے اسے امیرانہ کر دیا ساڑھے چار سال چلی جبکہ یہ فلم بنی ہی امیرانہ ہے میری دعا ہے کہ یہ دو سو کروڑ کا بزنس کرے. ہماری فلم تیس بتیس لاکھ میں بنی تھی اور یہ چالیس پچاس کروڑ کی بنی ہے میری دعا ہے کہ اس فلم کو بے انتہا کامیابی ملے.

اداکارہ ماہرہ خان جنہوں نے فلم مولا جٹ میں مکھو جٹی کا کردار کیا ہے وہ آج لاہور پہنچیں گی، فلم مولا جٹ کا پریمئیر لاہور میں آج رات ہوگا جس میں فلم کی مرکزی کاسٹ کے علاوہ شوبز کی نامور شخصیات بھی موجود ہوں گی. فلم مولا جٹ کا یہ پہلا پریمئیر ہے جو لاہور میں آج ہو نے جا رہا ہے. آئندہ کل فلم سینما گھروں کی زینت بننے جا رہی ہے. کراچی میں میڈیا اور شوبز کی چند شخصیات کے لئے فلم کی سپیشل سکریننگ کروائی گئی ، جس نے بھی فلم دیکھی ہے وہ تعریف کررہا ہے. پریمئیر میں میڈیا سے خاص صحافیوں‌کو بلوایا جا رہا ہے. جس طرح سے فلم کی پرموشن روایتی انداز سے نہیں کی گئی ویسے ہی فلم کے پریمئیر پر بھی میڈیا سے چند لوگوں‌کو بلوایا گیا ہے.

اب دیکھنا یہ ہے کہ پریمئیر پر شوبز کی کن شخصیات کو بلوایا گیا ہے. ماہرہ خان کراچی میں شوٹنگز میں مصروف ہیں وہ آج سہہ پہر تک لاہور پہنچیں گی اور شام کو پریمئیر میں شرکت کریں گی. یاد رہے کہ فلم مولاجٹ پاکستان کی ابھی تک کی سب سے بڑے بجٹ کے ساتھ بننے والی فلم ہے اور پہلی ایسی پنجابی فلم ہے جس میں روایتی پنجابی فلموں کا تڑکہ نہیں لگایا گیا ہے. فلم 13 اکتوبر کو سینما گھروں کی زینت بننے جا رہی ہے امید ہے کہ فلم اچھا بزنس کرنے کے ساتھ شائقین کو متاثر کرنے میں کامیاب رہے گی.

بالی وڈ اداکار امیتابھ بچن 80 سال کے ہوگئے ہیں. ان کا شمار ہندوستانی سنیما کی تاریخ کے کامیاب اور بااثر اداکاروں میں ہوتا ہے۔ بگ بی نے پہلی بار 1970 کی دہائی کے اوائل میں زنجیر، دیوار اور شعلے جیسی فلموں کے لیے مقبولیت حاصل کی اور اس کے بعد انہوں نے پیچھے مڑ کر نہ دیکھا. ہندی سینما کے سب سے زیادہ کامیاب اداکار امیتابھ بچن کی گزشتہ روز سالگرہ تھی اس موقع پر انہوں نے اپنے مداحوں کو کر دیا حیران جی ہاں امیتابھ بچن جلسہ (اپنے گھر) کے باہررات کے وقت اچانک پہنچ گئے اور اپنے مداحوں سے ملے. امیتابھ بچن کے مداح حیران رہ گئے کہ ان کا پسندیدہ سٹار ان کے درمیان آگیا ہے ان سے ملنے. اس موقع پر امیتابھ بچن کے ساتھ ان کی

بیٹی شویتا بچن اور پوتی ناویہ نویلی بھی تھیں۔ امیتابھ بچن کی جلسہ کے باہر اپنے مداحوں سے ملاقات کی ویڈیو وائرل ہوئی ہے۔ بگ بی نے ان سب کو مبارکباد دی اور ان کی بے پناہ محبت کا شکریہ ادا کیا۔ یاد رہے کہ امیتابھ کو آخری بار آیان مکھرجی کی ہدایت کاری میں بننے والی برہمسڑا پارٹ ون، شیوا میں دیکھا گیا تھا جس میں عالیہ بھٹ، رنبیر کپور، مونی رائے، اور ناگارجن اکینینی مرکزی کردار میں تھے۔ اداکار کی تازہ ترین کامیڈی ڈرامہ فلم الوداع اس وقت سینما گھروں میں چل رہی ہے۔ اس میں نینا گپتا کے ساتھ رشمیکا مندنا، سنیل گروور، پاویل گلاٹی، آشیش ودیارتھی، ایلی اورام، ساحل مہتا، شیون نارنگ، شیانک شکلا نے اہم کردار ادا کئے ہیں الوداع تھیٹر میں 7 اکتوبر 2022 کو ریلیز ہوئی اور تاحال چل رہی ہے.

بالی وڈ کے شہنشاہ امیتابھ بچن نے گزشتہ روز اپنی 80 ویں سالگرہ منائی اور میگا اسٹار کے لیے ہر طرف سے نیک تمناؤں کی بارش ہوتی رہی. بالی وڈ کی مشہور شخصیات، کھیلوں کی شخصیات، اور سیاست دانوں سے لے کر امیتابھ بچن کے مداحوں، خاندان، خیر خواہوں ہر ایک نے نیک تمنائیں بھیجیں. سپر اسٹار شاہ رخ خان نے بھی امیتابھ بچن کو سالگرہ کی مبارکباد دی اور ٹوئٹر پر ایک پوسٹ لکھی.شاہ رخ خان نے اپنے ٹوئٹر پر امیتابھ بچن کے ساتھ ایک مختصر ویڈیو کلپ پوسٹ کیا، اور اس میں وہ بگ بی کی 1991 کی فلم ہم کا گانا ‘ایک دوسرے سے کرتے ہیں پیار ہم’ گاتے ہوئے ایک سیلفی ویڈیو لیتے ہوئے دکھائی دے رہے ہیں۔ SRK کی طرف سے شیئر کیا گیا ویڈیو کلپ دراصل

2019 کا ہے، جب شاہ رخ اور امیتابھ بچن نے فلم کی ریلیز سے پہلے، بدلہ ان پلگڈ کی اقساط کے لیے ایک ساتھ شوٹ کیا تھا۔ شاہ رخ خان نے ٹویٹ میں یہ بھی لکھا کہ اس عظیم انسان، اداکار، سپر اسٹار، باپ اور خوبصورت انسان سے ہمیں یہ سیکھنا چاہیے کہ کبھی بھی پیچھے نہ ہٹیں بلکہ سیکھیں، شاہ رخ خان نے انہیں ساتھ ہی ڈھیروں دعائیں بھی دیں. یاد رہے کہ امیتابھ بچن ہندی سینما کے شہنشاہ کہلاتے ہیں ان کے کریڈٹ پر لازوال سپر ہٹ فلمیں ہیں. اپنے کام سے امیتابھ آج تک شائقین کو محظوظ کررہے ہیں.