Category: شوبز

”دا لیجنڈ آف مولا جٹ” کو ریلیز ہوئے آج تین روز ہو چکے ہیں. فلم سینما میں بہت زیادہ رش لے رہی ہے. لوگوں کی ایک بڑی تعداد فلم کو دیکھنے کےلئے سینما گھروں کا ہر روز ہر شو میں رخ کررہی ہے. فلم نے پہلے ہی روز اچھا خاصا بزنس کیا ہے. فلم کی کامیابی پر فلم کی پرڈیوسر عمارہ حکمت اور ڈائریکٹر بلال لاشاری کافی خوش ہیں. عمارہ حکمت اور بلال لاشاری گزشتہ رات گلبرگ کے کیو سینما میں صبح تین بجے پہنچے اور وہاں آخری شو ختم ہونے کے بعد نکلنے والے لوگوں سے ملے. ان کے ساتھ سلیفیاں بنائیں. عمارہ اور بلال کو جیسے ہی وہاں لوگوں نے دیکھا وہ ان کے اردگرد کھڑے ہو گئے اوردا لیجنڈ آف مولا جٹ کی تعریف کرنے لگے. عمارہ حکمت نے ان تمام سینز کو اپنے موبائل کی کیمرے کی آنکھ میں محفوظ

کرتے ہوئے ، کیو سینما میں اپنے وزٹ کی وڈیو کو اپنی اپنی انسٹاگرام سٹوری میں لگائی. یاد رہے کہ فلم میں تمام سٹار کاسٹ کی اداکاری کو بہت سراہا جا رہا ہے. خصوصی طور پر حمزہ علی عباسی کی اداکاری کو بہت پسند کیا جا رہا ہے. عمائمہ ملک اور گوہر رشید سمیت فارس شفیع کی اداکاری سے شائقین محظوظ ہو رہے ہیں. فواد خان نے مولا جٹ کے کردار میں جان بھر دی ہے ماہرہ خان نے بھی اپنے کردار کو بہت اچھے سے نبھایا ہے.

فلمسٹار ثناء اور ان کے شوہر فخر جعفری کی علیحدگی کی خبروں پر ہر طرف تبصرے ہو رہے ہیں ، لیکن فخر جعفری نے اپنی خاموشی توڑتے ہوئے خصوصی گفتگو میں کہا ہے کہ میرے اور ثناء کے درمیان جو بھی معاملات ہیں وہ ہم دونوں خود دیکھ رہے ہیں. میں نہیں چاہتا کہ میری فیملی یا ہمارے دوست ہمارے اس معاملے میں پڑیں. میں یہ بھی دیکھ رہا ہوں کہ کون کون گھر توڑنے کی کوششوں میں لگا ہوا ہے. اللہ کو منظور ہوا تو میں اور ثناء ایک دوسرے کے ساتھ ہوں گے ورنہ ہم بچوں کی خاطر ایک دوسرے کے ساتھ رابطہ رکھیں گے . میرے بچوں کو ثناء مجھ سے ملنے سے منع نہیں کریگی نہ ہی میں اس سے بچے چھینوں گا، بچے ثناء کے ساتھ بہت مانوس ہیں وہ اسی کے پاس رہیں گے مجھے بیرون ملک آکر ملتے رہیں

گے میں بھی ان کو ملتا رہوں گا. ہم دونوں‌کے تعلقات میں جو بھی خرابیاں ہوئی ہیں اس میں ثناء اور میری ہم دونوں‌کی کہیں نہ کہیں غلطی ہے لیکن ہم چاہتے ہیں کہ ہمارے معاملے پر بات نہ کی جائے یہ ہمیں اچھا نہیں لگے گا. اور میں ثناء سے آج بھی بہت پیار کرتا ہوں،اس کے خلاف کسی نے بھی کسی قسم کی غلط بات کی اسکو نہیں چھوڑوں گا. میں اپنی فیملی سے بہت محبت کرتا ہوں لہذا نہیں چاہتا کہ کوئی میری اہلیہ یا میرے بچوں کے بارے میں بات کرے.

جاوید اقبال ٹو بننے جا رہی ہے اور اس چیز کی تصدیق یاسر حسین نے اپنے انسٹاگرام اکائونٹ پر فلم کے سیکوئل کا پوسٹر شئیر کر کے کیا ہے. فلم کو 2023 میں ریلیز کیا جائیگا . جاوید اقبال میں یاسر حسین نے مرکزی کردار ادا کیا تھا جبکہ جاوید اقبال پارٹ ٹو میں بھی یاسر حسین ہی مرکزی کردار ادا کریں گے. یاسر حسین نے اپنی پوسٹ کا ایک کیپشن یوں لکھا ” میری نئی فلم کا انتطار کیا جائے، جس میں شائقین پوری اور مکمل کہانی دیکھ سکیں گے”۔فلم بنانے کے لئے حوالے سے فلمساز اور او ٹی ٹی کے درمیان معاملات طے پا چکے ہیں.

جاوید اقبال جس کوابو علیحہ نے ڈائریکٹ کیا تھا اس کے سیکوئل کو بھی وہی ڈائریکٹ کریں گے. ان کا کہنا ہےکہ اس بار جاوید اقبال سینما کے لئے نہیں‌بلکہ او ٹی ٹی پلیٹ فارم کے لئے بنائی جا رہی ہے اس میں‌صحیح سٹوری کو دکھایا جائیگا.ابو علیحہ کی جاوید اقبال کو آج تک پاکستانی سنیماز میں‌ریلیز نہیں‌کیا گیا اس لئے وہ سمجھتے ہیں کہ اس بار انہیں پاکستانی سینما اور فلم سنسر بورڈ‌کے پاس جانا چاہیے. جاوید اقبال ٹو میں یاسر حسین کے علاوہ باقی کاسٹ میں کون ہو گا اس بارے میں ابھی تک کچھ نہیں بتایا گیا اور نہ اس حوالے یاسر حسین اور ڈائریکٹر ابو علیحہ نے معلومات فراہم کی ہیں.

دا لیجنڈ آف مولا جٹ جو پاکستان سمیت دنیا کے مختلف ممالک میں‌ریلیز ہوئی ہے. اس فلم کے لئے لوگوں کا کریز پوری دنیا میں‌پایا جاتا ہے. فلم کو ریلیز ہوئے آج دوسرا دن ہے اور سینما بھرے پڑے ہیں. دا لیجنڈ آف مولا جٹ پاکستان کے علاوہ جن ممالک میں ریلیز ہوئی ہے اس میں امریکا، کینیڈا، برطانیہ، آسٹریلیا و دیگر شامل ہیں کہا جا رہا ہےکہ یہ فلم مختلف ممالک کی 400 سے زائد سینما اسکرینز پر ریلیز کی گئی ہے اور فلم نے سب سے زیادہ اسکرینز پر ریلیز ہونے والی پاکستانی فلم کا اعزاز حاصل کرلیا۔ فلم کی نمائش کامیابی سے جاری ہے. فلم میں حمزہ علی عباسی کی اداکاری کو بہت سراہا گیا ہے. فواد خان اور حمائمہ ملک کی اداکاری کی بھی بہت تعریف کی جا رہی

ہے. اس وقت پنجاب میں دا لیجنڈ آف مولاجٹ سب سے زیادہ شوز لے رہی ہے. لاہور کے کیو سینما میں فلم کا آخری شو رات کو دو بجے ختم ہو رہا ہے. کسی بھی فلم کی مقبولیت کا اندازہ یقینا اس کو ملنے والے شوز اور لوگوں کے ریسپانس سے لگایا جا سکتا ہے. فیملیاں جوق در جوق سینما گھروں کا رخ کررہی ہیں اور اپنی پسندیدہ فلم کو دیکھ رہی ہیں. فلم میں فواد خان اور ماہرہ خان کی ایک مرتبہ پھر سے کیمسٹری کو بہت پسند کیا جا رہا ہے حالانکہ فلم میں کوئی گیت نہیں ہے لیکن اس کے باوجود اسے بہت پسند کیا جا رہا ہے.

بالی وڈ کی اداکارائوں میں پرڈیوسر بننے کا رواج تیزی سے رواج پا رہا ہے بہت ساری ایسی اداکارائیں ہیں جنہوں نے اپنے پروڈکشن ہائوسسز بھی شروع کر لئے ہیں. ایسی اداکارائیں جنہوں نے اپنے پرڈوکشن ہائوس بنائے ہیں اور باقاعدہ پرڈیوسر بن گئی ہیں ان میں کن کن کے نام شامل ہیں ہم آپ کو اس رپورٹ میں‌بتارہے ہیں. پہلے نمبر پر ہیں دیپیکا پڈوکون، یہ اداکارہ کسی تعارف کی محتاج نہیں ہیں انہوں نے اپنے کیرئیر کا آغاز 2007 میں شاہ رخ خان کے مدمقابل فلم اوم شانتی اوم سے کیا اور اس میں شانتی پریا کے کردار کو بہت سے لوگوں نے سراہا تھا۔ وہ اپنے کیریئر میں اوم شانتی اوم، چنئی ایکسپریس، کاک ٹیل، چھپاک، رام لیلا، باجی راؤ مستانی، پدماوت، پیکو، اور بہت سی دیگر جیسی مشہور فلموں کا حصہ رہی ہیں۔ اپنی اداکاری سے مداحوں کو محظوظ کرنے کے علاوہ، دیپیکا نے 2018 میں پروڈکشن ہائوس بنایا جس کے تحت انہوں نے چھپاک (2020) اور 83 (2021) بنائی ان میں انہوں نےپروڈکشن کے ساتھ اداکاری بھی کی۔دوسرے نمبر پر ہیں عالیہ بھٹ، یہ ایک کامیاب اداکارہ ہیں انہوں نے

بھی اداکاری کے بعد اپنا پروڈکشن ہائوس بنایا ہے، عالیہ نے ایٹرنل سنشائن پروڈکشن کے نام سے اپنی پروڈکشن کمپنی شروع کی۔تیسرے نمبر پر ہیں پریانکا چوپڑا انکا شمار کامیاب ترین اداکاراؤں میں ہوتا ہے۔ وہ چوٹی کی اداکاراؤں میں سے ایک ہیں اور ایک بین الاقوامی فنکار کے طور پر اپنا نام بنانے میں کامیاب رہی ہیں۔ پریانکا چوپڑا نے 2015 میں ‘پرپل پیبل پکچرز’ کے نام سے اپنا پروڈکشن ہاؤس شروع کیا اور اداکارہ نے اس بینر تلے کئی علاقائی فلمیں پروڈیوس کیں۔چوتھے نمبر پر ہیں کرینہ کپور خان ان کا شمار بالی وڈ کی سب سے زیادہ پسند کی جانے والی اداکاراؤں میں ہوتا ہے۔یہ بھی پرڈیوسر بن گئی ہیں انہوں نے ایکتا کپور اور ہنسل مہتا کے ساتھ اپنی پہلی پروڈکشن پر کام کرنا شروع کر دیا ہے۔پانچویں نمبر ہیں انوشکا شرما ان بھی شمار فلم انڈسٹری کی مقبول ترین اداکارائوں میں ہوتا ہے رب نے بنا دی جوڑی سے بالی وڈ میں قدم رکھنے والی اداکارہ نے اپنے بھائی کرنیش شرما کے ساتھ کلین سلیٹ فلمز کے نام سے ایک پروڈکشن کمپنی شروع کی، جس کی پہلی ریلیز نودیپ سنگھ کی تھرلر فلم NH10 (2015) تھی، ان میں انہوں نے مرکزی کردار بھی ادا کیا۔

ہالی وڈ اداکار ہریتک روشن اور ان کی گرل فرینڈ صبا آزاد جو آج کل پیرس اور لندن میں چھٹیاں منانے کےلئے گئے ہوئے ہیں دونوں وہاں سے اپنے ٹرپ کی خوبصورت یادوں کو تصویروں میں قید کرکے سوشل میڈیا پر اپنے پرستاروں کے ساتھ شئیر کررہے ہیں. ان کے لندن ٹرپ کی تصاویر سوشل میڈیا پر ہلچل پچائے ہوئے ہیں، ہرتیک روشن نے اپنی گرل فرینڈ صبا آزاد کی ایک تصویر سوشل میڈیا پر شئیر کی جس میں وہ ایک بنچ پر بیٹھی ہوئی ہیں اور گہری سوچوں می گم ہیں اس تصویر کا کیپشن ہرتیک نے دیا ” لڑکی آن بنچ سمر 2022” . اس تصویر پر ہرتیک روشن کے کزن نے

کمنٹ لکھا ” کیوٹیز” اسی طرح سے ان مداحوں نے لکھا کہ دونوں ایک ساتھ بہت اچھے لگ رہے ہیں ایک مداح نے لکھا کہ صبا بہت ہی خوش قسمت لڑکی ہیں. حال ہی میں اس خوبصورت جوڑے نے ریچا چڈھا کی شادی میں شرکت کی دونوں بہت ہی خوبصورت لگ رہے تھے دونوں کی اس ایونٹ کی تصویریں سوشل میڈیا پر کافی وائرل ہوئیں اور ان کے مداحوں نے انہیں پسند کیا. یاد رہے کہ ہرتیک روشن اور صبا آزاد نے ابھی شادی کا فیصلہ نہیں کیا اسی طرح ان کی سابقہ اہلیہ سوزین بھی ایک رشتے میں ہیں اور انہوں نے بھی ابھی شادی کا ارادہ نہیں کیا.

بالی وڈ اداکار سدھارتھ ملہوترا اور کیارا ایڈوانی کی دوستی یا ان کی محبت بی ٹائون میں خاصی چرچا میں ہے. دونوں ایک دوسرے کے ساتھ دیکھے جاتے ہیں ایک دوسرے کے ساتھ وکقت گزارتے ہیں. ٹی وی کا رئیلٹی شو جھلک دکھلا جا میں سدھارتھ ملہوترا نے گزشتہ دنوں شرکت کی اور اس شو کے جج کرن جوہر ہیں انہوں نے سدھارتھ ملہوترا سے مذاق میں ایک سوال کیا کہ ہم نے سنا ہے کہ ان دنوں آپ کی راتیں لمبی ہیں۔ کیا یہ سچ ہے؟ تو اس سوال پر سدھارتھ شرما گئے اور شرماتے ہوئے کہا کہ رانجھا ہوں تو ہوں گی نا. سدھارتھ ملہوترا اس شو میں نورا فتحی کے ساتھ اپنی آنے والی فلم تھینک گاڈ کی تشہیر کے لئے پہنچے.یاد رہے کہ فلم شیرشاہ سال 2021 میں ریلیز ہوئی تھی اس میں سدھارتھ ملہوترا اور کیارا

ایڈوانی نے مرکزی کردار ادا کیے تھے۔ فلم کے راتاں لمبیاں اور رانجھا جیسے گانے بہت زیادہ ہٹ ہوئے اور اب بھی مختلف سوشل میڈیا پلیٹ فارمز پر ٹرینڈ جاری رکھے ہوئے ہیں۔یہ گانے سدھارتھ اور کیارا ایڈوانی پر پکچرائز ہوئے تھے. ہندوستان ٹائمز کی چند روز قبل شائع ہونے والی ایک رپورٹ کے مطابق اس میں دعویٰ کیا گیا تھا کہ سدھارتھ اور کیارا دونوں اگلے سال اپریل 2023 میں دہلی میں شادی کے بندھن میں بندھ جائیں گے تاہم دونوں نے ابھی تک اس افواہ کی باضابطہ تصدیق نہیں کی ہے۔

دا لیجنڈ آف مولا جٹ جس کا بے چینی سے انتظار کیا جا رہا تھا آخر کار وہ ریلیز ہو گئی ہے اور شائقین جوق در جوق سینما گھروں کا رخ کررہے ہیں تاکہ اپنے پسندیدہ سٹارز کی فلم کو دیکھ سکیں. فلم دیکھنے کے بعد شائقین بہت خوش دکھائی دے رہے ہیں اور ان کا کہنا ہےکہ ایسی فلم پہلے کبھی بھی پاکستان میں نہیں بنی. فلم دا لیجنڈ آف مولا جٹ کی کہانی بہت مضبوط ہے اور کاسٹ میں شامل تمام اداکاروں کی ایکٹنگ بہت اچھی ہے. حمزہ علی عباسی نے نوری نت کے کردار کو بہت اچھے نبھایا ہے. ایسا محسوس ہوتا ہے کہ حمزہ علی عباسی نے مصطفی قریشی کے کردار پر بہت زیادہ ریسرچ کی ہے. دوسری طرف مولا جٹ کے کردار میں فواد خان بھی خوب جچے ہیں، حمائمہ ملک نے دارو نتنی کا کردار کیا ہے اور اس

کردار کے ساتھ انہوں نے خوب انصاف کیا ہے. دا لیجنڈ آف مولا جٹ کے visuals اور ڈائیلاگ فلم کی جان ہیں. ناصر ادیب نے بہت اچھے طریقے سے فلم لکھی اور ڈائیلاگز بنائے ہیں. بلال لاشاری کی ڈائریکشن کی کیا بات کی جائے انہوں نے ایک ایسی لفم تیار کی ہے جو کسی بھی انٹرنیشنل معیار سے مطابقت رکھتی ہے. فلم میں‌سپیشل ایفیکیٹس کا بہت خوبصورتی سے استعمال کیا گیا ہے. مجموعی طور پر دا لیجنڈ‌ آف مولا جٹ شائقین کے لئے بلال لاشاری کی طرف سے تحفہ ہے.

باصلاحیت اداکارہ عالیہ بھٹ جنہوں نے 2012 میں کرن جوہر کی ہدایت کاری میں بننے والی فلم اسٹوڈنٹ آف دی ایئر سے اپنے کیرئیر کی شروعات کی آج ان کا شمار بالی وڈ کی کامیاب اداکارائوں میں ہوتا ہے. عالیہ بھٹ نے اپنے ایک انٹرویو میں اداکارہ بننے کے فیصلے کے حوالے سے بات کی انہوں نے کہا کہ اداکاری میرا اس وقت بھی جنون تھا جب مجھے اداکاری کا پتہ بھی نہیں تھا کہ یہ کیا ہوتی ہے اور کیسے ہوتی ہے. انہوں نے کہا کہ میں چار سال کی عمر میں اداکارہ بننا چاہتی تھی انہوں نے کہا کہ اداکاری کرنے کا جذبہ میں نے بڑے ہونے تک اور اداکارہ بننے تک برقرار رکھا. یاد رہے کہ عالیہ بھٹ نے پانچ سال کی عمر میں اداکاری کا آغاز کیا انہوں نے اکشے کمار کی فلم سنگھرش جو کہ 1999 میں ریلیز ہوئی تھی

اس میں بطور چائلڈ سٹار کام کیا. عالیہ بھٹ نے سنجے لیلا بھنسالی کی فلم بلیک کے لئے بھی آڈیشن دیا تھا لیکن وہ اس آڈیشن کے لئے رد کر دی گئی تھیں. عالیہ بھٹ نے سٹوڈنٹ آف دا ائیر کے لئے جب آڈیشن دیا تو ان کے ساتھ پانچ سو اور بھی لڑکیاں تھیں لیکن ان کی سلیکشن ہوئی اور اس فلم کے لئے انہوں نے 15 کلو وزن بھی کم کیا .اس فلم کے بعد انہوں نے ہائی وے فلم میں‌کام کیا اور اس میں انکی اداکار کو بہت سراہا گیا اور انہیں ایورڈز بھی اس فلم کےلئے بنے.