Category: شوبز

کراچی: اداکار رعید محمد عالم نے انکشاف کیا ہے کہ سینئر اداکار نعمان اعجاز نے اُنہیں شوٹنگ کے دوران تھپڑ مارا تھا۔

باغی ٹی وی : رعید محمد عالم نے حال ہی میں ایک نجی ٹی وی کے پروگرام میں بطور مہمان شرکت کی جہاں اُنہوں نے اپنے شوبز کیریئر کے آغاز میں نعمان اعجاز کے ساتھ کام کرنے کا موقع ملنے کے بارے میں بات کی۔

اُنہوں نے نعمان اعجاز کے ساتھ کام کرنے کے تجربے کے بارے میں بات کرتے ہوئے بتایا کہ مجھے ایک سین میں رونا تھا لیکن بہت کوشش کے باوجود بھی میں آنکھوں میں آنسو نہیں لا سکا،جب بہت کوشش کے بعد بھی آنکھوں میں آنسو نہیں آئے تو اچانک نعمان اعجاز نے مجھے ایک تھپڑ مار دیا جس میں میں چونک گیا اور میری آنکھوں میں آنسو آ گئے جس کے بعد اُنہوں نے مجھے فورا5 سین کی شوٹنگ مکمل کروانے کو کہا، نعمان اعجاز کے ساتھ کام کر کے مجھے بہت کچھ سیکھنے کو ملا۔

ثناء جاوید کی سرفراز احمد کیساتھ بدتمیزی

شادی کے شروع کے دنوں میں سسر خرچہ دیتے تھے اور حساب لیتے تھے،عائزہ خان

عامر خان اور گوری اسپریٹ پہلی بار ایک ساتھ منظر عام پر

کراچی: اداکارہ ثناء جاوید کے نجی ٹی وی کے گیم شو میں سرفراز احمد کے ساتھ غیر مناسب رویے کی ویڈیو سوشل میڈیا پر وائرل ہو گئی-

باغی ٹی وی : معروف اداکارہ اور ماڈل ثناء جاوید کئی ڈراموں میں اپنی اداکاری کے جوہر دکھا چکی ہیں، گزشتہ سال ان کی شادی معرو ف کرکٹر شعیب ملک سے ہوئی،جس پر ابتدائی طور پر انٹرنیٹ پر شدید ردِعمل دیکھنے کو ملا، کیونکہ انہوں نے گلوکار عمیر جسوال سے نکاح توڑ کر پاکستانی کرکٹر شعیب ملک سے شادی کی اور اس شادی سے قبل شعیب ملک نے اپنی سابقہ اہلیہ و بھارتی ٹینس اسٹار ثانیہ مرزا سے علیحدگی اختیار کی آج کل وہ اور شعیب ملک ایک گیم شو میں نظر آ رہے ہیں۔

ثناءجاوید اس شو میں ایک ٹیم کی کپتان ہیں ، حالیہ قسط میں ان کا ساتھی کپتان سرفراز احمد کے ساتھ ایک مکالمہ وائرل ہو گیا، جس میں انہوں نےمذاق میں کہا کہ ثناء جاوید اس پر بولیں کہ ’آپ کو کیا تکلیف ہےمیں اپنے میاں کےساتھ جیسےبھی کھیلوں،آپ اپنا کھیلیں ناں‘ کیونکہ مخالف ٹیم کے کپتان میرے شوہر ہیں، انٹرنیٹ پر صارفین نے ثناء جاوید کی گفتگو پر ملا جلا ردعمل دیا ہے۔

شادی کے شروع کے دنوں میں سسر خرچہ دیتے تھے اور حساب لیتے تھے،عائزہ خان

کچھ نے ان کے شوہر کے تذکرے کی عادت پر طنز کیا، جبکہ کئی صارفین نے سرفراز احمد کے ساتھ ان کے انداز کو غیر مناسب اور بے ادبی قرار دیا،کہا کہ انہیں سابق کپتان کے ساتھ زیادہ احترام اور سنجیدگی کا مظاہرہ کرنا چاہیے تھا اور بار بار اپنے شوہر کے ذکر سے گریز کرنا چاہیے،جبکہ کچھ لوگ اسے محض ہلکا پھلکا مذاق قرار دے رہے ہیں، جبکہ دوسروں کا ماننا ہے کہ اداکارہ کو اپنے الفاظ کا چناؤ سوچ سمجھ کر کرنا چاہیے۔

عامر خان اور گوری اسپریٹ پہلی بار ایک ساتھ منظر عام پر

کراچی: اداکارہ عائزہ خان نے انکشاف کیا ہے کہ شادی کے شروع کے دنوں میں ان کے سُسر انہیں خرچہ دیتے تھے۔

باغی ٹی وی : عائزہ خان نے حال ہی میں عائزہ خان نے نجی ٹی وی چینل کی رمضان ٹرانسمیشن میں شرکت کی جس کی میزبانی کے فرائض ان کے شوہر اداکار دانش تیمور اور میزبان رابعہ انعم نبھا رہی تھیں۔

شو میں گفتگو کرتے ہوئے عائزہ خان نے انکشاف کیا کہ دانش سے شادی کے کچھ عرصے بعد تک میرے سسر مجھے ماہانہ خرچہ دیا کرتے تھے ، سسر چیک کی صورت میں خرچہ دیتے تھے اور مہینے کے اختتام پر حساب بھی لیا کرتے تھے کہ پیسے کہاں خرچ کیے؟ دانش تیمور کے تمام مالی معاملات ان کے والد دیکھتے ہیں۔

2025 کی شجرکاری مہم، 4 کروڑ 17 لاکھ پودے لگائے جائیں گے،وزیراعظم

اس پر اداکار دانش تیمور نے بتایا کہ جب سے میں نے کمانا شروع کیا ہے میں ہر چیک والد کے حوالے کر دیتا ہوں، یہ ان کی مرضی ہوتی ہے کہ وہ ان پیسوں کو بینک میں جمع کروا دیں یا استعمال کر لیں، میں اس لیے ایسا کرتا ہوں تاکہ میرے والد کے ذہن میں یہ کبھی نہ آئے کہ اگر میں نے کمانا چھوڑ دیا ہے تو اب مجھے بیٹے سے پیسے مانگنا پڑیں گے۔

59 سالہ خاتون یوٹیوب سے ٹپس سیکھ کر ماؤنٹ ایورسٹ کے بیس کیمپ پر پہنچ گئی

کراچی: پاکستان شوبز انڈسٹری کے معروف اداکار میکال ذوالفقار نے حال ہی میں اپنی ساتھی اداکارہ زارا شیخ کے ساتھ تعلقات کے حوالے سے گفتگو کی ہے-

باغی ٹی وی : میکال ذوالفقار نے ایک نجی ٹی وی پروگرام میں بطور مہمان شرکت کی، جہاں ان سے یہ سوال کیا گیا کہ ماضی میں ان کی زارا شیخ سے بہت اچھی دوستی تھی، کیا اس میں کوئی حقیقت ہے؟اس سوال کا جواب دیتے ہوئے میکال ذوالفقار نے کہا کہ یہ ان کے کیریئر کے ابتدائی دنوں کی بات ہے، جب ا ن کی عمرلگ بھگ 20 یا 21 سال کےدرمیان تھی اور زارا شیخ بھی ان سے کچھ بڑی تھیں، دونوں کے درمیان تقریباً تین سال کا فرق تھا۔

اداکار نے بتایا کہ وہ انگلینڈ سے پاکستان واپس آئے تھے، اور چونکہ ان کا بچپن انگلینڈ میں گزرا تھا، وہاں وہ اکثر گوری لڑکیوں سے ملے تھے، پاکستان آ کر جب انہوں نے زارا شیخ سے ملاقات کی، تو ان کا مشرقی انداز ان کے لیے نیا اور دلچسپ تھا، جس سے وہ بہت متاثر ہوئے۔

ٹرمپ انتظامیہ نے وائس آف امریکا کے ملازمین کی برطرفیاں شروع کردیں

میکال ذوالفقار نے وضاحت دی کہ انہوں نے زارا شیخ کے ساتھ کئی پروجیکٹس پر کام کیا، لیکن بدقسمتی سے زارا شوبز کی دنیا میں زیادہ کامیاب نہ ہو سکیں اور انکا کیریئر زیادہ عرصہ قائم نہیں رہ سکاحالانکہ وہ ایک ٹیلنٹڈ اداکارہ تھیں اور ان میں بےشمار صلاحیتیں تھیں، زارا کی آواز بہت اچھی تھی، اور وہ اس معاملے میں ان کی حوصلہ افزائی کرتے تھے، کیونکہ خود انہیں بھی موسیقی سے بہت شغف تھا یہی وجہ تھی کہ دونوں کی دوستی بہت مضبوط ہوئی، تاہم یہ تعلق زیادہ عرصہ تک برقرار نہ رہ سکا اور بعد میں دونوں کی ملاقات بھی نہیں ہو سکی۔

پیش نہ ہونے پر گرفتاری کی دھمکیاں،تفتیشی نہ آئے تو کچھ نہیں، علیمہ خان

کراچی: ادکارہ نادیہ حسین نے کہا کہ جعلسازوں نے مجھ سے پیسے مانگے، چاہتی ہوں جعلساز کو پکڑا جائے اور اسے سزا ملے،اگر میری کسی پوسٹ یا بیان سے ڈائریکٹر ایف آئی اے کی تذلیل ہوئی تومیرا ایسا کوئی رجحان نہیں تھا-

باغی ٹی وی : نادیہ حسین نے ایف آئی اے پیشی کے بعد میڈیا سے گفتگو کرتے ہوئے کہا کہ یہ جعلسازہم جیسے شہریوں جن کو مدد کی ضرورت ہو ان کا شکارکرتے ہیں، جعلسازوں نے اپنی کارروائی اوررابطہ واٹس ایپ کے ذریعے کیا ہے، وہ ہمیشہ کہتے تھے کہ ہمیں واٹس ایپ پر کال کریں۔

اداکارہ نے بتایا کہ میں نہیں جانتی کہ وہ کیسے پکڑے جائیں گے، اگر میری کسی پوسٹ یا بیان سے ڈائریکٹر ایف آئی اے کی تذلیل ہوئی تومیرا ایسا کوئی رجحان نہیں تھا، میرا مقصد صرف جعلسازی کو ہائی لائٹ کرنا تھانہیں چاہتی کہ یہ جعلساز باآسانی اپنی کارروائی جاری رکھیں، سائبرکرائم ڈیپارٹمنٹ نے تاحال فرانزک مکمل نہیں کی،میرا فون ابھی بھی ان کے پاس ہے، اس سے مجھے کوئی مسئلہ نہیں ، میراخیال ہے اداروں اورمجھے مل کر آگاہی پیغام کی ویڈیو بنانی چاہئے، اگر کسی کو ایسی جعلسازکالزآتی ہیں تو ایف آئی اے میں رپورٹ کریں-

اداکارہ ریما خان کی اپیل،عدالت نے پنجاب حکومت سے جواب طلب کرلیا

اس سے قبل معروف اداکارہ و ماڈل نادیہ حسین ایف آئی اے سائبر کرائم سرکل کے دفتر پہنچیں نادیہ حسین اپنے وکیل کے ہمراہ ایف آئی اے کے دفتر پہنچیں، نادیہ حسین کو آج ایف آئی کی جانب سے طلب کیا گیا تھااس سے قبل 14 مارچ کو ایف آئی اے سائبر کرائم سرکل کی ٹیم نے معروف ماڈل اور اداکارہ نادیہ حسین کا موبائل فون سیز کر دیا تھا۔

ایف آئی اے حکام کا کہنا ہے کہ جس شخص نے سینئر ایف آئی اے افسر کی ڈی پی واٹس ایپ پر لگا کر ایف آئی اے افسر بن کر نادیہ حسین سے بات کی اور ان سے رشوت مانگی موبائل فون سے اس کا پتہ لگایا جائے گا۔

تربیلا اورمنگلا ڈیم پر پانی کی سطح ڈیڈ لیول پر،دریائے سندھ میں 50 فیصد سے کم

نادیہ حسین کے خلاف سائبر کرائم سرکل میں انکوائری جاری ہے ایف آئی اے کا کہنا ہے کہ نادیہ حسین نے شکایت درج کروانے کے بجائے سوشل میڈیا پر ایف آئی اے کے خلاف بے بنیاد الزامات لگائے۔

کراچی: اسلام کی خاطر شوبز کو خیرباد کہنے والی سابقہ اداکارہ زرنش خان نے علیزے شاہ سے معافی مانگی جسے انہوں نے منظور کرنے سے انکار کردیا۔

باغی ٹی وی : سابقہ اداکارہ زرنش خان نے وجاہت رؤف کے پروگرام میں علیزے شاہ کو ‘بدتمیز’ قرار دیا تھا اور کہا تھا کہ بدتمیزی میں ان سے کسی کا بھی مقابلہ ہو تو وہ ہی جیتیں گی تاہم اب زرنش خان نے ماضی میں علیزے سے متعلق دیئے گئے بیان پر معافی مانگی ہے جس کا اسکرین شاٹ علیزے نے اپنی انسٹاگرام اسٹوری میں شئیر کیاہے-

زرنش نے علیزے کو پیغام بھیجا جس میں انہوں نے اپنی غلطی کو مانتے ہوئے معافی مانگی اپنے پیغام میں زرنش نے علیزے سے لکھا کہ ہیلو علیزے، میں جانتی ہوں کہ یہ تمہارے لیے غیرمتوقع ہوگا، لیکن مجھے وائس اوور مین شو میں اپنے احمقانہ بیان پر بہت پچھتاو ا ہےمجھے معاف کر دو، اگر تم چاہو تو میں اعلانیہ معافی مانگنے کو تیار ہوں، میں تمہاری والدہ سے بھی معافی مانگنا چاہتی ہوں، کیونکہ انہیں واقعی میری بات سے تکلیف پہنچی ہوگی، میں واقعی معذرت خواہ ہوں، وہ میں نے بنا سوچھے سمجھے بول دیا تھا، تم مجھے بہت پیاری ہو اور میں تمہارا بہت احترام کرتی ہوں، خوش رہو، ہمیشہ’۔

جس پر علیزے شاہ نے بتایا کہ زرنش کی جب یہ ویڈیو وائرل ہوئی (جس میں علیزے کو بدتمیز کہا گیا)، اس کے بعد علیزے کی والدہ نے سابقہ اداکارہ کو فون کیا اور یہ سب کہنے کی وجہ پوچھی زرنش نے میری والدہ کو کہا کہ وہ ویڈیو بنائیں گی اور ساری بات بتائیں گی لیکن اس کے بعد علیزے کی والدہ کا نمبر بلاک کردیا گیا۔

علیزے شاہ نے اپنی اسٹوری میں لکھا میں آپ کو معاف نہیں کرسکتی، نہیں بھول سکتی کہ میری والدہ اس وقت اپنے آپ کو کتنا بے بس محسوس کررہی تھیں، میری والدہ کی آواز کانپ رہی تھی لیکن آپ نے ان کا نمبر بلاک کردیا تاکہ وہ آپ کو دوبارہ معافی کا نہ کہیں؟

علیزے نے کہا کہ سینئر ہو کے بچوں کی طرح کسی شو میں جا کر شکایتیں لگانا اور جھوٹ بولنا ہی پروفیشلزم ہے بھلے سینئیر بھول جائیں کہ وہ سینئیر ہیں ،میں نے آج تک کسی کے خلاف آن لائن بات نہیں کی، میں صرف اپنی امی سے شکایت کرتی ہوں اور وہ اللہ سے، میری ماں جب مجھے اپنے ہاتھ سے کھانا کھلاتی تھیں تو وہ آپ کو بھی نوالے بناکر کھلایا کرتی تھیں، خدا سب دیکھ رہا ہے۔