Category: شوبز

سوزین خان اور ہرتیک روشن کی جوڑی جب سے ٹوٹی ہے تب سے دونوں اپنی اپنی زندگیوں میں مصروف ہو چکے ہیں. سوزین خان ارسلان گونی کو جبکہ ہرتیک روشن صبا آزاد کو ڈیٹ کررہے ہیں. صبا آزاد اور ہرتیک روشن ھال ہی میں چھٹیاں منانے کی غرض سے بیرون ملک تھے، ان کی ملک واپسی کے بعد یہ خبریں زور پکڑ گئیں کہ یہ جوڑا بہت جلد شادی کے بندھن میں بندھ رہا ہے. انڈیا ٹوڈے میں شائع ہونے والی ایک رپورٹ کے مطابق، "ہریتک روشن اور صبا آزاد خوشگوار تعلقات میں ہیں وہ دونوں ایک دوسرے کے ساتھ بہت خوش ہیں.یہاں تک کہ صبا آزاد کے ہرتیک روشن کے دونوں

بچوں کے ساتھ بھی بہت اچھے تعلقات ہیں۔صبا آزاد اور ہرتیک کے شادی کے بندھن میں جلد ہی بندھنے کی خبروں کے حوالے سے نئی رپورٹس آئی ہیں جن کے مطابق اس جوڑے کا کہنا ہے کہ ہم ایک دوسرے کے ساتھ بہت خوش ہیں اچھا وقت گزار رہے ہیں لیکن فی الحال ہمارا شادی کرنے کا کوئی اردہ نہیں ہے. یاد رہے کہ ہرتیک روشن کی سابقہ اہلیہ سوزین خان اور صبا آزاد کے درمیان دوستی کا تعلق ہے سوزین اکثر و بیش تر صبا آزاد کی تصاویر کے نیچے کمنٹس کرتی ہوئی نظر آتی ہیں وہ باقاعدہ صبا کی خوبصورتی کو سراہتی ہیں. ہریتک روشن کی کافی فلمیں پائپ لائن میں ہیں انہوں‌نے تقریبا تمام بڑی ہیروئینز کے ساتھ کام کیا ہے لیکن ابھی تک دیپیکا پاڈوکون کے ساتھ نظر نہیں آئے لیکن سدھارتھ آنند کی فائٹر میں یہ دونوں شائقین کو ایک ساتھ نظر آئیں گے فلم اگلے سال 28 ستمبر کو سینما گھروں کی زینت بنے گی۔

بالی وڈ کے حالیہ وقتوں کے مقبول ترین اداکار کارتیک آریان نے حال ہی میں ایک انٹرویو دیتے ہوئے کہا ہے کہ میں نے جو پہلی کار خریدی تھی وہ تھرڈ ہینڈ تھی اور اسکا ڈرائیونگ سیٹ کا دروزاہ بھی ٹھیک طرح سے نہیں کھلتا تھا تو جب کہیں اترنا ہوتا تھا تو بہت پریشانی ہوتی تھی ڈرائیونگ سیٹ سے اترنے کے بجائے دوسری سیٹ کے زریعے باہر نکلنا پڑتا تھا.اس کار کو خریدنے سے پہلے جتنے بھی ایوارڈ شوز ہوتے تھے یا فلمی تقریبات ہوتی تھیں ان میں ، میں یا تو رکشہ کے زریعے یا پھر کسی دوست سے لفٹ لیکر پہنچا کرتاتھا.یاد رہے کہ کارتیک آریان کی فلم بھول بھلیاں ٹو نے اس سال ریکارڈ توڑ کامیابی حاصل کی ہے اسی خوشی میں ٹی سیریز کے پرڈیوسر بھوشن کمار نے حال ہی میں انہیں ایک مہنگی اسپورٹس کار تحفے میں دی ہے.

بھول بھولیا 2 نے گزشتہ ہفتے سینما گھروں میں 50 دن کا جشن منایا۔ یہ فی الحال اس سال کی دوسری سب سے زیادہ کمائی کرنے والی ہندی فلم ہے اور دیکھنا یہ ہے کہ سال کے آخر میں یہ کس پوزیشن پر آتی ہے۔بھول بھلیاں ٹو بھول بھلیاں کا سیکوئل ہے بھول بھلیاں میں مرکزی کردار اکشے کمار اور ودیا بالن نے ادا کئے تھے یہ فلم بھی سپر ہٹ تھی لیکن بھول بھلیاں ٹو نے زیادہ بزنس کیا ہے. تھی، جو ریلیز کے وقت بھی ایک کامیاب فلم تھی۔

بھارتی اداکار نصیر الدین شاہ 72 برس کے ہو گئے ہیں. ان کا کیرئیر پانچ دہائیوں پر مشتمل ہے اس دوران انہوں نے لازوال کردار ادا کئے. انہوں نے مشکل کردار بھی اس خوبصورتی سے ادا کئے کہ ناقدین ان کی تعریف کئے بغیر نہ رہ سکے. نصیر الدین شاہ کا شمار بالی وڈ کے ان اداکاروں میں ہوتا ہے جن کی ذات خود میں ہی اداکاری کا انسٹیٹیوٹ ہے. ان کی فنی خدمات کے عوض انہیں پدما بھوشن، پدم شری جیسے باوقار ایوارڈز کے ساتھ 3 نیشنل ایوارڈز اور 3 فلم فیئر ایوارڈز سے نوازا جا چکا ہے .نصیرالدین شاہ نے کمرشل اور آرٹ ہر قسم میں کام کیا اور اپنی صلاحیتوں کا لوہا منوایا . انہوں نے بالی وڈ کے ساتھ ساتھ ہالی ود کی فلمیں بھی کیں. اداکار نصیرالدین شاہ نے ایک انٹرویو میں بتایا تھا کہ مجھے پڑھائی میں زیادہ دلچپسی نہیں تھی،

میرے سکول کے استاد بھی مجھ سے خوش نہیں تھے، ہر روز ان سے مار کھاتا تھا میں نے سوچا کہ کس طرح‌سے پڑھائی سے جان چھڑوائی جائے تو آئیڈیا آیا کہ اداکاری کے شعبے میں چلا جاتا ہوں اس سے پڑھائی سے جان چھٹ جائیگی. جب انہوں نے یہ فیصلہ کیا کہ اداکاری کرنی ہے ان کی عمر محض باراں برس تھی، اور اپنے والد کو اس ارادے کے بارے میں بالکل آگاہی نہیں دی.جب کالج ختم کیا تو والد نے پوچھا اب آگے کیا کرنا ہے تو انہوں نے کہا کہ اداکاری کرنی ہے.یوں بس جب وہ اداکاری کی طرف آئے تو اپنی صلاحیتوں کے ایسے جھنڈے گاڑھے کے بالی وڈ کے بڑے اور نامور فنکار ان کے ساتھ کام کرنے کی خواہش رکھنے لگے.

رنبیر کپور پچھلے کچھ عرصے سے اپنی ذاتی زندگی کی وجہ سے ہیں خبروں میں،رنبیر کپور کی فلم شمیشرا رواں ہفتے ہی سینما گھروں کی زینت بننے جا رہی ہے اس فلم کی پرموشنز زوروں پر ہیں سنجے دت ،وانی کپور اور رنبیر کپور شہر شہر جا کر فلم کی تشہیر کررہے ہیں.رنبیر جہاں بھی جا رہے ہیں ان سے یا تو عالیہ یا ان کی فلم شمشیرا کے حوالے سے سوال ہورہے ہیں. حال ہی میں رنبیر کا ایک انٹرویو ہوا ان سے پوچھا گیا کہ آپ کی بہت ساری دوستیاں ہیں لہذا آپ کام اور پیار محبت

دوستی کو کس طرح الگ رکھتے ہیں؟‌تو رنبیر کپور نے کہا کہ میں ایک فلمی گھرانے میں‌پلا بڑھا ہوں میں نے اپنے والد کے مزاج کو دیکھا اور یہی محسوس کیا ہے کہ اگر آپ دوستیوں کی خاطر کام کرتے ہیں تو دوستی ٹوٹ جاتی ہے، تعلقات خراب ہوجاتے ہیں. اسی لئے میں دوستی اور کام کو الگ رکھنے کو بہت زیادہ ترجیح دیتا ہوں.رنبیر نے زور دیا کہ کسی بھی پیشے کے لئے بہت ضروری ہے کہ دوستی اور کام کو الگ رکھا جائے. اسی انٹرویو میں اداکارہ وانی کپور نے اس بات ک ااعتراف کیا کہ وہ زیادہ سوشل نہیں‌ہیں اور خصوصی طور پر جب سیٹ پر ہوتی ہیں تو وہ زیادہ بات چیت نہیں‌کریں نہ ہی زیادہ تعلقات بنانے پر توجہ دیتی ہیں.یاد رہے کہ شائقین رنبیر کپور اور وانی کپور کو ایک ساتھ براہمسٹرا میں دیکھنے کےلئے کافی پرجوش ہیں.

کارتک آریان بالی ووڈ کے نوجوان نسل کے نمائندہ فنکار ہیں انہوں نے اپنے کیرئیر کا آغاز 2011 میں فلم پیار کا پنچنامہ سے کیا اور اس کے بعد سے اب تک انہوں‌ نے پیچھے مڑ کر نہیں دیکھا۔ کارتک نے لو آج کل 2، پتی پتنی اور وہ، لوکا چھپی، سونو کے ٹیٹو کی سویٹی، دھماکا جیسی فلموں میں اپنی اداکاری کے جوہر دکھائے۔ اداکار کارتیک آریان کی حالیہ فلم بھول بھولیا 2 نے باکس آفس پر اس سال کے تمام ریکارڈز توڑ ڈالے ہیں۔ اپنے حالیہ انٹرویو میں کارتیک آریان نے کہا کہ فلم بھول بھولیا 2 کی زبردست کامیابی کے بعدمجھے میرے پروڈیوسرز نے کہا کہ تم ایسے اداکار ہو جو 25 دن میں پیسہ ڈبل کر دیتا ہے .

اور انہوں‌نے ایسا بہت ہی مضحکہ خیرز انداز میں کہا تھا. کارتیک آریان نے کہا کہ کہ میں جس قسم کے پراجیکٹس کا انتخاب کررہا ہوں میرے پرڈیوسرز بہت خوش ہیں کیونکہ انہیں اچھا پیسہ واپس مل رہا ہے.کارتیک نے اس انٹرویو میں مزید کہا کہ بھول بھولیا 2 کی کامیابی غیر حقیقی ہے اور کسی کو بھی فلم سے اس قسم کے بزنس کی توقع نہیں تھی۔ میں‌اپنی پوری ٹیم کو اس فلم کی ریکارڈ توڑ کامیابی کا کریڈٹ دوں گا. یاد رہے کہ بھول بھلیاں ٹو صرف باکس آفس پر دنیا بھر میں 230 کروڑ سے زیادہ کلیکشن کے ساتھ OTT پر نمبر 1 پر ٹرینڈ کر رہی ہے اور اسے سال کا عالمی بلاک بسٹر قرار دیا جا رہا ہے۔ اس فلم میں کیارا اڈوانی، تبو، راجپال یادیو اور دیگر نے بھی اہم کردار ادا کیے ہیں جبکہ فلم کے ہدایت کار انیس بزمی ہیں۔

سری دیوی کی بیٹی جھانوی کپور کا شمار بالی ووڈ کی موجودہ نسل کی سب سے زیادہ پسند کی جانے والی اداکاراؤں میں ہوتا ہے۔ اداکارہ پولینڈ میں اپنی آنے والی فلم باوال کی شوٹنگ کرنے میں مصروف تھیں شوٹنگ اب اختتام پذیر ہو چکی ہے لہذا جھانوی کپوربھارت واپس لوٹ آئی ہیں. جھانوی کپور اور ورون دھون شوٹنگ کے دوران دونوں کی تصاویر اور وڈیوز شئیر کرتے رہے جس سے ان کے پرستار کافی لطف اندوز ہوئے. جھانوی کپور کو گزشتہ رات ممبئی ائیر پورٹ پر دیکھا گیا جہاں وہ بغیر میک اپ کے نظر آئیں انکی بغیر میک اپ کی تصاویر کافی وائرل ہو رہی ہیں. جھانوی کپور اور ورون دھون اس فلم میں پہلی بار ایک دوسرے کے ساتھ کام کررہے ہیں. باوال کی ریلیز میں تو ابھی وقت ہے لیکن جھانوی اس وقت اپنی فلم گڈ لک جیری کی ریلیز کا بے چینی سے انتظار کررہی ہیں یہ فلم 2018 کی تامل فلم کولاماو کوکیلا کا ریمیک ہے. گڈ لک جیری 29 جولائی کو ڈزنی + ہاٹ اسٹار پر ریلیز ہوگی۔
جھانوی کپور راج کمار رائو کے ساتھ مسٹر اینڈ مسز ماہی میں‌کام کررہی ہیں.اس کے بعد وہ ملیالم فلم ‘ہیلن’ کے ریمیک میں سنی کوشل کے ساتھ کام کریں گی اس فلم کو ان کے والد بونی کپور پرڈیوس کریں گے اور یوں جھانوی اور بونی کپور پہلی بار کسی پراجیکٹ میں ایک ساتھ کام کرتے دکھائی دیں گے. جھانوی کپور کو گڈ لک جیری سے کافی امیدیں وابستہ ہیں.

ہر تیک روشن اور کترینہ کیف نے فلم بینگ بینگ اور زندگی ملے نہ دوبارہ جیسی فلمیں کی ہیں. دونوں کی آن سکرین جوڑی کو خوب سراہا جاتا ہے. ہرتیک روشن بتاتے ہیں کہ انہوں نے کترینہ کیف سے جب کہا کہ آپ ایک مزدور کی طرح کام کرتی ہیں تو انہوں نے بہت برا منایا اور ہرتیک کے اس طرح کے کمنٹ کو اپنی توہین سمجھا. ہرتیک روشن نے کہا کہ میں نے کترینہ کیف کے لئے مزدور کا لفظ اس لئے استعمال کیا کیونکہ وہ ناقابل یقین حد تک نیک نیتی سے کام کرتی ہیں کام میں کھو جاتی ہیں میرے حساب سے وہ ان بہترین مزدوروں اور کارکنوں میںسے ایک ہیں جن سے میں نے کبھی ملاقات کی ہے،ہرتیک روشن نے کہا کہ کترینہ خوبصورت ہیں نازک دکھائی دیتی ہیں لیکن اندر سے وہ ایک مزدور ہیں اور ایسی مزدور جو بہت محنتی ہے اور جس کے ساتھ کام کرنا آسان ہے. ہرتیک نے کہا کہ میرے ان الفاظ کو کترینہ توہین کے طور پر لیتی ہے اسے ایسا نہیں کرنا چاہیے بلکہ میری بات کا مطلب سمجھنا چاہیے.
یاد رہے کہ کترینہ کیف نے 2003 میں اپنا کیرئیر شروع کیا انہوں نے اپنے دور کے تمام بڑے ہیروز کے ساتھ کام کیا ان کی سپر ہٹ فلموں میں بینگ بینگ، ایک تھا ٹائیگر، زندگی نہ ملے گی دوبارہ، عجب پریم کی غضب کہانی، نمستے لندن، اور دیگر شامل ہیں۔ بار بار شامل ہیں.کترینہ نے ہر فلم کے ساتھ ثابت کیا کہ وہ ایک باصلاحیت اداکارہ ہیں.

پاکستا فلم انڈسٹری کے نامور اداکار ندیم بیگ آج اکہتر برس کے ہو گئے ہیں .فلم چکوری سے اپنے کیرئیر کا آغاز کیااور دیکھتے ہی دیکھتے انڈسٹری کے صف اول کے اداکاروں کی فہرست میں شامل ہو گئے. ویسے تو ندیم بیگ نے اپنے دور کی تمام بڑی ہیروئینز کے ساتھ کام کیا لیکن اداکارہ شبنم کے ساتھ ان کی جوڑی کو بے حد سراہا گیا. ان دونوں کی کئی فلموں‌کا چربہ بھارت میں کیا گیا.ان دونوں کی فلم آئینہ پانچ ہفتے چلی.شبنم اور ندیم کی جوڑی نے شائقین کو اپنے سحر میں کئی سال تک جکڑے رکھا. ندیم بیگ نے دو سو سے زائد فلموں میں اپنے فن کا مظاہرہ کیا. ان کی سپر ہٹ فلموں میں دہلیز، سہرا کے پھول، جب جب پھول کھلے،

آئینہ، اناڑی، پہچان، لاجواب، قربانی،چھوٹے صاحب کے نام قابل زکر ہیں. ندیم بیگ نے فلم مکھڑا میں میڈم نور جہاں کے ساتھ ایک گیت گایا جسے اُس دور میں کافی پسند کیا گیا. ندیم بیگ نے 1968 میں ڈائریکٹر احتشام کی بیٹی فرزانہ سے شادی کی لیکن ان کا نام بہت ساری ہیروئنز کے ساتھ جڑتا رہا۔اداکار ندیم بیگ نے بڑی سکرین کے ساتھ ساتھ چھوٹی سکرین پر بھی کام کیا. بہت عرصے کے بعد ندیم بیگ ماہرہ خان کی فلم سپر سٹار میں‌نظر آئے. ندیم بیگ ٹی وی ڈراموں میں بھی کام کررہے ہیں لیکن فلموں‌سے زرا دوری اختیار کئے ہوئے ہیں یا ان کے پاس کوئی اچھے سکرپٹس نہیں آرہے.

سٹیج کا زکر کرتے ہی چند ایک ایسی اداکارائیں ہیں جن کا نام ذہن میں ابھرتا ہے ان میں حنا شاہن کا نام قابل زکر ہے .حنا شاہین نے دس سال پہلے تھیٹر کو خیرباد کہہ دیا تھا لیکن اب پھر اچانک سے انہوں نے تھیڑ پر اپنی واپسی کر لی ہے. وہ دس سال پہلے تک جب تھیٹر کر رہی تھیں تو تب بھی ان پر نامناسب لباس پہن کر رقص کرنے کا الزام تھا انہوں نے سٹیج پر واپسی کرتے ساتھ ہی وہی کچھ دوبارہ شروع کر دیا ہے.یعنی نامناسب لباس زیب تن کرکے رقص کررہی ہیں. رپورٹس کے مطابق حنا

شاہین کی واپسی اور اسی انداز میں واپسی جس میں وہ پہلے کام کررہی تھیں اسکو تنقید کا نشانہ بنایا جا رہا ہے. سنجیدہ تھیٹر دیکھنے والے لوگ حنا شاہین سے نالاں نظر آرہے ہیں ان کا کہنا ہے کہ سٹیج کو بہتر کرنے کی بجائے پھر وہی کچھ کیا جا رہاہے جس کی وجہ سے لوگ اور فیملیاں سٹیج سے ناراض ہو کر گھر بیٹھ گئیں تھیں اگر یہی کچھ ہوتا رہا تو یقینا سٹیج مزید پستی میں جائیگااور ویسے بھی اداکارہ کی عمر کافی ہو گئی ہے ان کو یہ سب کرنا ویسے ہی زیب نہیں دیتا. لوگوں کے اعتراض کے حوالے سے حنا شاہن تاحال خاموشی ہی اختیار کئے ہوئے ہیں، انہوں‌نے اپنے لباس اور رقص پر تنقید کرنے والوں کو جواب نہیں دیا.