Category: شوبز

خوبصورت اور باصلاحیت اداکارہ ماہرہ خان جن کی حال ہی میں فلم قائداعظم زندہ باد ریلیز ہوئی ہے، فلم کو شائقین کی طرف سے بہت زیادہ سراہا جا رہا ہے. فلم میں ان کے ساتھ فہد مصطفی پہلی بار دکھائی دے رہے ہیں شائقین نے دونوں کی جوڑی کو بہت پسند کیا ہے. قائداعظم زندہ باد جیسی فلمیں پاکستان میں ماضی میں‌بہت کم بنائی گئی ہیں. فلم پاکستان کے علاوہ دیگر ممالک میں‌بھی ریلیز ہوئی ہے ہر طرف سے اسے پسند کیا جا رہا ہے اگر ہم کہیں‌کہ فلم سپر ہٹ ہے تو بے جا نہ ہوگا. اداکارہ ماہرہ خان نے حال ہی میں ایک انٹرویو دیا ہے اس میں ان سے جب سوال ہوا کہ وہ آئٹم نمبر کیوں‌نہیں کرتیں تو انہوں نے کہا کہ مجھے یہ ٹائٹل

نہیں‌پسند اور ویسے بھی میں‌وہ گانا کرنے کو تریح دیتی ہوں جو کہانی کے لئے ضروری ہو.ان سے جب کہا گیا کہ آپ نے فلم سپر سٹار میں نوری آئٹم سانگ بھی تو کیا تھا تو اس حوالے سے انہوں نے کہا کہ وہ گانا فلم اور کہانی کی ضرورت تھی اور میں ایسی چیزیں کرلیتی ہوں‌جو کہانی اور فلم کےلئے بہت ضروری ہوں. باقی مجھے آئٹم نمبر کی نہ سمجھ آتی ہے نہ مجھے یہ ٹائٹل پسند ہے. ماہرہ خان کے اس انٹرویو میں‌ آئٹم نمبر کے حوالے سے کی گئی باتوں‌پر سوشل میڈیا صارفین کافی تبصرے کررہے ہیں. یاد رہے کہ ماہرہ خان پاکستان کی وہ پہلی اداکارہ ہیں‌جنہوں نے بالی وڈ کے سپر سٹار شاہ رخ خآن کے ساتھ کام کیا.

گزشتہ روز سینئر اداکارہ دردانہ رحمان کے اعزاز میں ایک تقریب کا اہتمام کیا گیا. تقریب کا انعقاد پنجابی کمپلیکس میں کیا گیا. "کلچرل جرنلسٹس فاؤنڈیشن آف پاکستان” کے زیر اہتمام ہونے والی اس تقریب میں شوبز انڈسٹری سے جڑی نامور شخصیات نے شرکت کی. تقریب میں علی شفقت ،رینا علی،شیزا جہاں،ناصر بیراج، شیر میانداد،صائمہ جہاں،میگھا،ماہم رحمن،عاصمہ لتا،مون پرویز،ساگر خان،احمد نوازاور دوسرے گلوکاروں گائیکی مظاہرہ کیا۔اداکارہ نادیہ علی ،صنم ناز ، سارہ خان ، شاہ رخ ،صنم ناز،حنا خان، الطاف شیرازی اور پپی کلیار نے گیتوں پر پرفارم کیا۔کامیڈین حسن عباس نے اپنے فن کامظاہرہ کیا۔اظہار خیال اور شرکت کرنے والوں میں اداکارشاہد حمید، غلام محی الدین ،سید نور،نشو بیگم ،حامد رانا،راشد

محمود ،اشرف خان ،خالد بٹ ،امروزیہ ،شیبابٹ،حیدر سلطان ،اچھی خان ،ڈی جی پلاک ڈاکٹر صغریٰ صدف ، ڈائر یکٹر الحمرا نوید بخاری ،الطاف حسین،مسعود بٹ،چودھری اعجاز کامران،محمد پرویز کلیم،شہزاد رفیق،صفدر ملک،ملک بلو،جرار رضوی،جاوید رضا،حیدر راج ملتانی ،خواجہ سراگوری ،آغا قیصر،خلیق احمد ،غفار لہری ،محسن جعفر،ذیڈ اے زلفی اور دیگر شامل تھے۔فلمسٹار دردانہ رحمن کو ان کی خدمات کے اعتراف میں ایوارڈ سے نوازا گیا. تقریب میں‌بطور مہمان خصوصی شرکت کرنے والوں نے ان کے فن پر بات کی.یاد رہے کہ سینئر فنکاروں کی حوصلہ افزائی کےلئے "کلچرل جرنلسٹس فاؤنڈیشن آف پاکستان” اس قسم کی تقریبات کا اہتمام کرتی رہتی ہے.اس سے قبل فلم انڈسٹری کی نامور فنکارہ نغمہ بیگم کے ساتھ بھی ایک شام کا اہتمام کیا جا چکا ہے.

بلال لاشاری کی ڈائریکشن میں‌ بننے والی فلم ’دی لیجنڈ آف مولا جٹ‘ رواں برس ستمبر کے مہینے میں‌ریلیز کی جائیگی. کہا جا رہا ہےکہ فلم کی ریلیز کی تیاریاں مکمل کر لی گئی ہیں. فلم کی کاسٹ میں فواد خان ، ماہرہ خان ، عمائمہ ملک ، گوہر خان، فارس شفیع، شفقت چیمہ اور نیراعجاز اور حمزہ علی عباسی اہم کرداروں میں‌نظر آئیں گے. فلم کی ریلیز تاخیر کا شکار رہی ہے اس کا پہلا ٹریلر 2018 میں ریلیز کیا گیا تھا تب سے لیکر اب تک فلم کی ریلیز کئی بار انائونس کی جا چکی ہے لیکن ریلیز نہیں ہو سکی. فلم کی ریلیز پر سب سے زیادہ کورونا اثر انداز ہوا ہے کہ کیونکہ دو برس تک پوری دنیا کی طرح پاکستان میں بھی سینما سمیت ہر چیز بند تھی اب جبکہ کورونا کے بعد حالات بہتر ہو رہے ہیں تو پوری دنیا کی طرح‌پاکستان میں بھی سینما گھر کھول دئیے گئے ہیں. لہذا دی لیجنڈ آف مولا جٹ کے فلم میکرز نے فیصلہ کیا ہے کہ

فلم رواں برس ریلیز کی جائے گی.اس سلسلے میں‌تیاریاں مکمل کر لی گئی ہیں محرم کے بعد فلم کی پرموشن کے سلسلے کا آغاز کیا جائیگا. یاد رہے کہ دی لیجنڈ‌آف مولا جٹ کی ایگزیکٹیو پرڈیوسر عمارہ حکمت ہیں جبکہ سکرپٹ ناصر ادیب نے لکھا ہے.فلم پر بہت زیادہ پیسہ لگایا گیا ہے کہا جا رہا ہے کہ اس فلم کا شمار پاکستان کی ایسی فلموں‌میں‌ہوتا ہے جنہیں‌بہت لاگت سے تیار گیا ہے. اس فلم کی ریلیز جو تاخیر کا شکار رہی وہ اسی کی دہائی میں‌ریلیز ہونے والی فلم مولا جٹ‌کے پرڈیوسر سرور بھٹی کی طرف سے بلال لاشاری اور عمارہ حکمت کے خلاف کاپی رائٹ کا مقدمہ درج کرانا بھی تھا.

نوشین شاہ جو بہت کم کسی کی تعریف کرتی نظر آتی ہیں اکثر و بیش تر تو تنازعات میں گھری ہوئی نظر آتی ہیں کبھی وہ کسی کی بات کا تیکھا جواب دے دیتی ہیں تو کبھی وہ کسی کی اداکاری پر سوال اٹھا دیتی ہیں. لیکن اس بار ایسا نہیں ہوا کیونکہ انہوں‌ نے بھارتی اداکارہ تبو کی کھل کر تعریف کی ہے. انہوں‌ نے کہا کہ اکیاون برس کی بالی وڈ کی خوبصورت ترین اداکارہ جن میں نہ کوئی دکھاوا ہے نہ ہی کوئی ڈرامہ ہے. نوشین شاہ نے تبو کی خوبصورتی کو سراہنے کے ساتھ ان کو بہترین اداکارہ بھی کہہ دیا. یاد رہے کہ نوشین شاہ ٹی وی بہت کم کرتی

ہیں.نوشین شاہ سیاسی جماعت مسلم لیگ ن کو بھی آڑھے ہاتھوں لیتی ہیں انہوں نے کچھ عرصہ پہلے مریم نواز کے بارے میں طنزیہ الفاظ استعمال کئے تھے” مریم نواز ہونے کا بھی بہت مزہ ہے، صبح اُٹھو ، اپنے شوہرکو نظراندازکرو، اپنے والد کے غلاموں کے پروٹوکول میں باہرجاؤ، بےمعنی باتیں کرو، چیخ کربینظیربننے کی کوشش کرو اورسوجاؤ”۔ نوشین شاہ کو اس قسم کے بیان کے بعد بھی شدید تنقید کا نشانہ بنایا گیا تھا. تاہم انہوں نے بھارتی اداکارہ تبو کی جو تعریف کی ہے انکی اس تعریف کو بہت سراہا جا رہا ہے. تبو پاکستانی اداکار جمیل کی صاحبزادی ہیں.

مصنف خلیل الرحمان قمر جو اپنی تیکھی باتوں کی وجہ سے کافی جانے جاتے ہیں ان کا کہنا ہےکہ وہ کبھی بھی ماہرہ خان سے نہ صلح کریں گے نہ ہی ان کو معافی دیں گے کیونکہ انہوں نے فردوس جمال کے حوالے سے غیر حساس باتیں کہیں تھیں. خلیل الرحمان قمر ایک سے زائد مرتبہ اداکارہ ماہرہ خان کی اداکاری پر نہ صرف سوال اٹھا چکے ہیں بلکہ وہ کہتے ہیں‌ کہ وہ ان کے جس بھی پراجیکٹ میں کاسٹ کی گئیں وہ اس پہ سخت شرمندہ ہیں.خلیل الرحمان قمر یہ بھی کہتے ہیں کہ ماہرہ خان بالکل بھی اچھی اداکارہ نہیں‌ ہیں پتہ نہیں کیوں انہیں‌ نمبر ون کہا جاتاہے. دوسری طرف ماہرہ خان نے اپنے ایک بیان میں‌کہا تھا کہ جب میں خلیل الرحمان قمر کے لکھے ہوئے ڈرامہ سریل صدقے تمہارے میں کاسٹ کی گئی تھی تب مصنف نے نہ صرف انہیں بہترین اداکارہ کہا بلکہ یہ کہا کہ وہ مزید بھی ان کے ساتھ کام کرنے کی خواہش رکھتے ہیں. اداکار فردس جمال جو کہ خلیل الرحمان قمر کے قریبی دوست ہیں انہوں نے بھی ماہرہ خان کے بارے میں‌کہا تھا کہ انہیں ماں کے کردار ادا کرنے چاہیں ہیروئین کے کردار کرنے کی ان کی عمر نہیں‌رہی ان کے اس بیان پر انہیں‌سخت تنقید کی سامنا کرنا پڑا تھا لیکن ماہرہ خان کے حوالے سے خلیل الرحمان قمر اکثر و بیشتر کچھ نہ کچھ ایسا کہتے رہتے ہیں کہ جن کی سرخیاں بن جاتی ہیں جبکہ ماہرہ خان انکی باتوں کا کم ہی جواب دیتی ہیں.

اداکارہ و مصنفہ امر خان جو انسٹاگرام پر کافی متحرک رہتی ہیں گزشتہ روز انہوں نے ایک تصویر شئیر کی جس کا کیپش کچھ ایسا تھا کہ مصالحے کھانوں میں استعمال کریں رشتوں میں‌نہیں . امر خان کی دلچپسپ کیپشن والی تصویر خاصی وائرل ہو رہی ہے اور کیپشن کو بہت پسند کیا جا رہا ہے.امرخان خان نے کہا کہ رشتوں کی مٹھاس تب محسوس ہوتی ہے جب آپ انہیں اہمیت دیتے ہیں انہیں محسوس کرتے ہیں انہیں‌جیتے ہیں.امر خان نے کہا کہ رشتے تبہی مضبوط ہوتے ہیں جب آپ انہیں وقت دیتے ہیں، ایک دوسرے کے دکھ درد میں شریک ہونا رشتے نبھانا کہلاتا ہے لہذا ایک دوسرے کے ساتھ رشتے نبھائیں. ایک وقت تھا جب سب ایک دوسرے کے دکھ

کے ساتھی تھے آج کسی کے پاس کسی کے لئے وقت ہی نہیں ہے.یاد رہے کہ امر خان نہ صرف اداکارہ ہیں بلکہ ایک بہترین مصنفہ بھی ہیں انہوں نے فلم دم مستم لکھی جس میں بطور ہیروئین کام بھی کیا. امر خان نہ صرف مثبت بلکہ منفی کردار بھی کرتی ہیں. ہر کردار میں ان کے پرستاران کو سراہتے ہیں.ماضی قریب میں ان کا ڈرامہ بددعا اختتام پذیر ہوا تھا اس ڈرامے میں‌ انہوں نے منفی کردار ادا کیا تھااس ڈرامے میں ان کے ساتھ اداکار منیب بٹ دکھائی دئیے تھے.امر خان کہتی ہیں‌ کہ وہ کم مگر معیاری کام کرنے کو ترجیح دیتی ہیں یہی وجہ ہے کہ وہ ایک سال میں ایک پراجیکٹ کرتی ہیں.

سوجا اور دوریاں کے نام سے دو میوزک ویڈیوزریلیز کرنے والے گلوکا علی چانڈیو نے اپنی نئی میوزک ویڈیو خواب ریلیز کردی ہے، میوزک ویڈیو ’خواب‘ کے بول علی چانڈیو نے میوزک اسٹیشن پروڈکشن کے تعاون سے لکھے اور گائے ہیں، میوزک ویڈیو میں پاکستان کی ابھرتی ہوئی معروف ماڈل انوشے بلال بھی اپنے فن کا مظاہرہ کررہی ہیں۔ خواب ایک مدھر پنجابی شاعری پر مبنی گیت ہے جو محبت کی خوبصورت یادوں اور کبھی نہ ختم ہونے والے خوابوں کے سلسلے کے پس منظر پر ترتیب دیا گیا ہے۔ یہ گیت ’محبت کرنے والوں کیلئے ہے‘ ، خواب کے بول بے انتہا محبت کی کیفیت کا اظہار کرتے ہوئے خواہ وہ کھلی آنکھوں سے ہو یا گہری نیند میں جو بالآخر عاشق پر لاشعوری طور پر غالب آجاتا ہے یہاں تک کہ اس کا محبوب اس کے وجود میں سرایت کر جاتا ہے ۔ یہ دھن ایک رومانوی گیت ہے، جس میں دلچسپ دیسی ریپ کے ساتھ ایک دلکش میوزک ویڈیو شامل ہے۔

نئی دھن پر بات کرتے ہوئے علی چانڈیو کا کہناہے کہ خواب ہمارے اندونی خیالات، جذبات اور احساسات کی عکاسی کرتے ہیں جو اکثر باقی دنیا سے چھپے رہتے ہیں۔ ’خواب‘ اپنے محبوب سے بے انتہا محبت کا اظہار ہے جو آپ کوخوابوں کو پورا کرنے کے قابل بناتا ہے۔ خواب کی میوزک ویڈیو عمران شیراز اور فراز حسن نے ڈائریکٹ کی ہے جبکہ اس کی آڈیو پروڈکشن زید خان نے کی ہے۔ اس ویڈیو کو ملک بھر میں سائلنٹ رور پروڈکشنز نے ڈسٹریبوٹ کیا ہے۔

شان شاہد جنہوں نے حالیہ ضمنی انتخابات پر ووٹ کاسٹ نہ کر سکنے پر احتجاج کیا تھا ان کا کہنا ہے کہ اگر جمہوریت کی جڑیں مضبوط کرنی ہیں تو ہمیں انتخابی اصلاحات کرنی ہوں گی.شان شاہد نے ایک انٹرویو میں‌کہا کہ ہر کسی کا حق ہے کہ وہ ووٹ کاسٹ کرے وہ پاکستان کے جس کونے میں بھی رہتا ہے اس کو انتخابات کے دوران ووٹ‌ کاسٹ کرنے کا حق حاصل ہونا چاہیے یہ نہیں کہ آپ ووٹ کاسٹ‌ کرنے جائیں اور پتہ لگے کہ حلقہ ہی تبدیل ہو چکا ہے میرے ساتھ

بھی ضمنی انتخابات میں ایسا ہی ہوا.دنیا ترقی کر چکی ہے لہذا ہمیں مینوئل کی بجائے جدید ٹیکنالوجی کی طرف جانا چاہیے.شان نے مزید کہا کہ عجیب ہی مذاق ہے کہ لوگ پولنگ اسٹیشن پہنچتے ہیں تو پتہ چلتا ہے ان کا شمار تو ” مردہ“ ووٹرز میں ہوتا ہے یا آپ کا پولنگ اسٹیشن یہاں نہیں ہےیا آپ کا ووٹ دوسرے علاقے میں ہے . شان شاہد نے زور دیتے ہوئے کہا کہ جو جس جس کو ووٹ کاسٹ کرکے جاتا ہے وہ اسی کے ڈبے سے نکلنا چاہیے یہ کیا کہ ووٹ کسی کو کاسٹ کیا جاتا ہے وہ کسی اور کے کھاتے سے نکلتا ہے. یاد رہےکہ شان شاہد تحریک انصاف کے بڑے سپورٹر ہیں اور ایسا سمجھتے ہیں کہ ملک کو اگر کوئی ترقی کی راہوں پر لیجا سکتا ہے تو وہ صرف اور صرف عمران خان ہے.

سابقہ مس یونیورس سشمیتا سین جو آج کل اپنے نئے رشتے کی وجہ سے بہت زیادہ سرخیوں میں ہیں. للت مودی نے جیسے ہی ان کے ساتھ اپنے دوستی کے رشتے کا اعتراف کیا تو جیسے ہلچل سی مچ گئی ہو. انٹریٹ پر حیرانی کا ایک طوفان بپا ہوا کسی نے سشمیتا کے نئے رشتے کو سراہا اور کچھ نے انہیں کھری کھری سنا دیں کہا کہ لالچ میں آکر للت مودی جیسے انسان کے ساتھ دوستی کا تعلق بنایا ہے. سشمیتا سین نے اپنے اوپر ہونے والی تنقید کو سنا بھی برداشت بھی کیا لیکن جب ان کے صبر کا پیمانہ لبریز ہوا تو انہوں نے تنقید کرنے والوں کو سنا دیں سخت باتیں. سشمیتا سین کے بالی وڈ کے جو دوست فنکار ان کے حق

میں کھڑے ہوئے ان میں رنویر سنگھ ، پریانکا چوپڑا ، دیا مرزا نیہا دھوپیا کا نام قابل زکر ہے. سشمیتا سین پر بڑھتی ہوئی تنقید کے بعد مہیش بھٹ بھی میدان میں آ گئے ہیں اور انہوں نے کہا کہ سشمیتا سین ہمیشہ سے ہی بہادر لڑکی رہی ہیں ہمیں ان کا احترام کرنا چاہیے .انہوں نے مزید کہا کہ سشمیتا ایک غیر معمولی لڑکی ہیں وہ اپنی زندگی اپنی شرائط پر گزارنے کی عادی ہیں جو کہ ان کا حق ہے اور ہمیں ان کا یہ حق تسلیم کرنا چاہیے.ہم کون ہوتے ہیں کسی پر اپنے عقائد اور نظریات مسلط کرنے والےاور کسی کوصرف اس وجہ سے تنقید کا نشانہ نہیں بنایا جا سکتا کیونکہ وہ اپنی شرائط پر زندگی گزارنا چاہتا ہے.

بالی وڈ کے اداکار رنویر سنگھ جنہوں نے کم وقت میں اپنی پہچان بنائی، رنویر کے کریڈیٹ پر بڑی اور سپر ہٹ فلمیں ہیں. رنویر سنگھ ہمیشہ ہنستے مسکراتے دکھائی دیتے ہیں. اداکار انسٹاگرام پر بہت زیادہ متحرک ہیں گزشتہ دنوں انہوں نے اپنے انسٹاگرام اکائونٹ پر ایک سٹوری شئیر کی جس میں وہ رکشہ میں بیٹھے ہوئے نظر آرہے ہیں. اس تصویر کے مطابق نہ صرف وہ رکشے میں بیٹھے ہوئے ہیں بلکہ وہ ممبئی کی سڑکوں پر بھی دکھائی دے رہے ہیں ان تصاویر میں دیکھا جا سکتا ہے کہ انہوں نے چہرے کو ماسک سے ڈھانپ رکھا ہے شاید چہرے کو ڈھانپا انہوں نے اسی لئے تھا کہ ان کے مداح ان کو پہچان نہ

سکیں.یاد رہے کہ رنویر سنگھ گاڑیوں کے شوقین ہیں اور وہ وقفے وقفے سے نئی گاڑیاں خریدتے رہتے ہیں حال ہی میں انہوں نے نئے ماڈل کی مرسڈیز خریدی ہے.رنویر سنگھ فلم ’روکی اور رانی کی پریم کہانی‘ میں جلوہ گر ہو رہے ہیں، اس پراجیکٹ کو نامور ہدایت کار کرن جوہر ڈائریکٹ کر رہے ہیں۔رنویر سنگھ دیپیکا پاڈوکون کے شوہر ہیں دونوں ایک دوسرے کے ساتھ خاصے خوش ہیں. دونوں ہی کامیاب اداکار ہیں. رنویر سنگھ کو خوبصورت لوکیشن پر گھر بھی بہت پسند ہیں انہوں نے ممبئی کی مہنگی ترین جگہ پر گھر خریدا جہاں وہ اپنی اہلیہ کے ساتھ رہ رہے ہیں.