Category: شوبز

معروف گلوکار و اداکار علی ظفر کا گایا ہوا گیت دھک دھک شائقین کو بھا گیا ہے۔ عید الاضحی پر ریلیز ہونے والی فلم قائداعظم زندہ باد کے لئے گایا ہوا گیت دھک دھک سوشل میڈیا پرریلیز ہوتے ہی کافی مشہور ہو گیا ہے۔ شائقین علی ظفر کی خوبصورت آواز سے محظوظ ہورہے ہیں۔ قائداعظم زندہ باد کی مرکزی کاسٹ میں ماہرہ خان اور فہد مصطفی ہیں۔ یاد رہے کہ علی ظفر سوشل میڈیا پر کافی متحرک رہتے ہیں ان کا گایا ہوا گیت ہو یا کسی فلم میں اداکاری ان کے مداح ان کو ہر بار ہر روپ میں بے حد پسند کرتے

ہیں۔ علی ظفر نے خود بھی طیفا انٹربل جیسی سپر ہٹ فلم میں کام کیا، نہ صرف پاکستان بلکہ ہندوستان میں بھی علی اپنے فن کا مظاہرہ کر چکے ہیں۔ علی ظفر نے ہندوستان کی ان ہیروئنز کے ساتھ کام کیا جن کے ساتھ کام کرنا کسی بھی فنکار کا خواب ہو سکتاہے۔ علی ظفر نے ہر شعبے میں خود کی صلاحیتوں کا لوہا منوایا. علی ظفر کا شمار پاکستان کے ان فنکاروں میں ہوتا ہے جن کو دبئی کا گولڈن ویزہ جاری ہوا.علی ظفر پی ایس ایل کا اینتھم بھی گا چکے ہیں ان کو اینتھم گا کرجو مقبولیت حاصل ہوئی وہ آج تک کسی اور اینتھم گانے والے کے حصے میں نہیں آئی.

آج تمام دنیا کی سلیبرٹیز انسٹاگرام پر موجود ہیں اور اسی پلیٹ فارم سے وہ اپنے مداحوں سے اپنے چاہنے والوں سے رابطے میں رہتی ہیں.ہمارے ہاں سینئر شوبز سلیبرٹیز کم ہی سوشل میڈیا پر ہیں اگر کوئی ہے بھی تو فیس بک پر، انسٹاگرام ہر کم ہی ہیں. لیکن آہستہ آہستہ کرکے سلیبرٹیز اب انسٹاگرام پر آرہی ہیں اداکارہ انجمن کا شمار بھی انہی میں ہوتا ہے جنہوں نے حال ہی میں انسٹاگرام جوائن کیاہے. جی ہاں پنجابی فلموں کی معروف اداکارہ انجمن بھی انسٹاگرام پر آگئی ہیں انہوں نے حال ہی میں‌اپنا انسٹاگرام اکائونٹ بنایا ہےاب انجمن کے پرستار ان کو باقاعدگی سے دیکھ سکا کریں گے.انجمن نے اکائونٹ پر ابھی صرف چھ تصاویر اپ لوڈ کی ہیں.انجمن نے حال ہی میں سلطان راہی کی قبر پر ھاضری دی تھی اس دوران بنی ہوئی تصاویر شئیر کرتے ہوئے انہوں نے انسٹاگرام کا استعمال شروع کیا ہے.

اس حوالے سے انجمن کہتی ہیں کہ مجھے بہت عرصے سے دوست احباب کہہ رہے تھے کہ میں اکائونٹ بنائوں اور اپنے پرستاروں کے ساتھ وہاں بات چیت کیا کروں اپنی سرگرمیاں شئیر کروں.انجمن جو فلموں سے دور دکھائی دیتی ہیں وہ ہمیں‌ نہ بڑی سکرین پر نظر آرہی ہیں نہ ہی چھوٹی سکرین پر. اداکارہ کہتی ہیں کہ وہ کام کرنا چاہتی ہیں لیکن کوئی ان کی پسند کا کام انہیں مل رہا. یاد رہے کہ انجمن نے نوے کی دہائی کے آخر میں چند فلموں میں‌کام کیا اس کے بعد سے آج تک وہ کسی فلم میں‌نظر نہیں‌ آئیں.

ہرتیک روشن اور سوزین خان کی خوبصورت جوڑی کو بہت پسند کیا جاتا تھا، ہرتیک کی جب پہلی فلم آئی اُس وقت اس رومینٹک جوڑے کے بہت چرچے تھے.دونوں نے سال 2000 میں شادی کر لی. لیکن 2014 میں ان دونوں نے اپنے راستے الگ کر لئے دونوں کے دو بیٹے ہیں. دونوں اب اپنی اپنی زندگیوں میں آگے بڑھ چکے ہیں.ہرتیک روشن صبا آزاد کے جبکہ سوزین اپنے بوائے فرینڈ ارسلان کے ساتھ کافی خوش دکھائی دیتے ہیں. ہرتیک روشن اور سوزین خان اکثر ایکدوسرے کے ساتھ دکھائی دیتے ہیں اور دونوں اپنے پارٹنرز کے ساتھ ہوتے ہیں. گزشتہ رات سوزین خان نے ایک پارٹی میں‌ شرکت کی اس پارٹی میں سوزین کا بوائے فرینڈ ارسلان اور سابق شوہر ہرتیک روشن بھی موجود ہے. سوزین نے پارٹی کی تصویر انسٹاگرام پر شئیر

کی ،تصویر میں سونالی باندرے بھی کھڑی نظر آرہی ہیں. اس سے قبل یہ دونوں اپنے پارٹنرز کے ساتھ گوا میں چھٹیاں منانے بھی گئے تھے. سوزین خان ہرتیک روشن کی گرل فرینڈ صبا آزاد کی خوبصورتی کی اکثر تعریف کرتی بھی نظر آتی ہیں گزشتہ دنوں صبا آزاد نے اپنی ایک تصویر سوشل میٍڈیا پر جاری کی تو سوزین نے کمنٹ کے زریعے ان کی خوبصورتی کی تعریف کی . یاد رہے کہ سوزین خان اور ہرتیک روشن کے درمیان علیحدگی کی کئی وجوہات سامنے آئیں ایک وجہ ماڈل و اداکار ارجن رامپال بھی بتائے گئے. کہا جاتا رہا کہ سوزین جلد ہی ارجن کے ساتھ شادی کر لیں گی لیکن ایسا نہ ہوا اور دونوں کبھی بھی ایکساتھ دکھائی نہیں‌دئیے.

معروف بھارتی اداکار نیل نتین مکیش نے حال ہی میں ایک انٹرویو دیا ہے، انٹرویو میں وہ برس پڑے بھارتی فلمسازوں پر کہنے لگے کہ تخلیقی کام کرنے کی بجائے پرانی فلموں کے ری میک بنانے پر کیوں اتنی توجہ دی جا رہی ہے. اوریجنل آئیڈیاز پر کام کیا جانا وقت کی اہم ضرورت ہے .انہوں نے ٹائمز آف انڈیا کے ساتھ ایک انٹرویو میں کہا کہ بہت سارے ایسے موضوعات ہیں جن پر کام کیا جا سکتا ہے لیکن نہیں‌ کیا جا رہا.نیل نے مزید کہا کہ کسی بھی اداکار کی مقبولیت کا اندازہ باکس آفس سے لگایا جا سکتا ہے.باکس آفس کے فیگرز ہی بتاتے ہیں کہ کون سا اداکار اداکاری اور مشہوری کے ھوالے سے کہاں کھڑا ہے. نتن مکیش نے مزید کہا کہ جہاں مجھے

”جیل“ جیسی فلم کا حصہ بننا پسند ہے، وہیں میں ”پلیئرز“ اور”پریم رتن دھن پایو“ جیسے موضوعات پر بھی کام کرنا چاہوں گا. یاد رہے کہ بالی وڈ فلم انڈسٹری کے مشہور اداکار ہیں۔ جو کہ15جنوری 1982ء میں پیدا ہوئے۔ 1988ء میں انہوں بطور چائلڈ اداکار کیریئر کا آغام کیا۔ اور اب تک وہ درجنوں فلموں میں زبردست اداکاری کر چکے ہیں۔ جانی غدار، آ دیکھیں ذرا، نیو یارک، جیل، لفنگے پرندے، تیرا کیا ہو گا جانی، 7خون معاف، پلیئرز، ڈیوڈ، 3G، وزیر“ وغیرہ نیل کی فلمیں ہیں۔نتن نے ہندی فلموں کے ساتھ ساتھ تامل فلموں میں بھی کام کیا.

ملکوتی حسن کی مالک مدھوبالا کو دنیا سے رخصت ہوئے بھی پانچ دہائیاں ہو چکی ہیں لیکن ان کی اداکاری اور حسن کے سحر میں دنیا آج تک مبتلا ہیں. ان کے گانے فلمیں آج بھی مقبول ہیں. محض 35 برس کی عمر میں دنیا سے رخصت ہو گئیں ان کے دل میں سوراخ تھا علاج کی غرض سے لندن بھی گئیں لیکن خدا کو جو منظور تھا وہی ہوا. ان کی بہن مدھر بھوشن نے 2018 میں اپنی بہن کی زندگی پر فلم بنانے کا اعلان کیا تھا تاحال وہ فلم سیٹ پر تو نہیں آ سکی لیکن ان کی بہن نے کہا ہے کہ ہم اس فلم میں ان کے دلیپ کمار کے ساتھ عدالت میں ہوئی تلخی کا زکر نہیں کریں گی. صرف وہی قصہ تو دلیپ کمار اور مدھوبالا کے درمیان نہیں تھا بلکہ اس

سے پہلے بھی دونوں کے درمیان کئی برس تک اچھے تعلقات رہے. مدھوبالا نے کشور کمار سے شادی کی اور اس حوالے سے بہت غلط خبریں پھیلائی گئی ہیں کہ ان کے شوہر نے ان کا آخری دنوں میں خیال نہیں رکھا بالکل غلط ہے ہم اس فلم میں ایسی چیزیں نہیں دکھائیں. ہم اس فلم کو صرف اس لئے بنانا چاہتے ہیں تاکہ ان کی یادوں‌ کو محفوظ کیا جائے اور ان کی یادوں کو دل کے قریب رکھا جائے. یاد رہے کہ مدھوبالا دلیپ کمار کے ساتھ شادی کرنا چاہتی تھیں‌ لیکن اس میں سب سے بڑی رکاوٹ بنے ان کے والد عطاااللہ. مدھوبالا کے ساتھ تعلق ختم ہونے کے بعد دلیپ کمار نے سائرہ بانو سے شادی کی .

نوے کی دہائی کے سپر سٹار سعود اور انکی اہلیہ جویریا جو سوشل میڈیا پر کافی متحرک رہتے ہیں وہ حج کی سعادت حاصل کرنے کےلئے سعودی عرب روانہ ہو گئے ہیں. دونوں میاں بیوی نے جانے سے قبل اپنی تصاویر سوشل میڈیا پر جاری کیں اور خدا کا ڈھیروں شکر ادا کیا. جو تصویر دونوں نے سوشل میڈیا پر جاری کی ہےاس میں سعود کو احرام اور جویریا کو سفید لباس میں‌دیکھا جا سکتا ہے. ان دونوں سے قبل نرگس بھی حج کی ادائیگی کےلئے روانہ ہوئی ہیں انہوں نے بھی سعویہ روانگی سے قبل اپنی تصاویر سوشل میڈیا پر جاری کیں اور جانے سے قبل انہوں نے ایک بڑے پیمانے پر میلاد کا بھی انعقاد کیا اور دعائیں کیں.

یاد رہے کہ اداکار سعود اور جویریا دونوں مختلف حوالوں سے خبروں میں‌رہتے ہیں، ان کے پرستار ان دونوں کو بہت پسند کرتے ہیں دونوں نے ماضی میں بہت اچھے ڈرامے بنائے اور ان کے ڈرامے کئی کئی سال تک چلتے رہے. دوسری طرف نرگس جنہوں نے اداکاری کو خیرباد کہہ دیا ہوا ہے وہ گھر پر ہی ہوتی ہیں اداکاری کے کسی پراجیکٹ میں نظر آنا تو دور کی بات ہے وہ کسی ایسی محفل میں بھی نظر نہیں‌آتیں. انہوں نے جب سے شوبز سے علیحدگی اخیتار کی ہے وہ کسی بھی فلمی تقریب میں نظر نہیں آتیں اور ہمیشہ لپیٹے ہوئے سر میں‌ ہی نظر آتی ہیں.

اداکاررنبیر کپور جنہوں نے اپنے کیرئیر کا آغاز سنجے لیلا بھنسالی کی فلم سانوریا سے کیا تھا اس میں ان کے ساتھ انیل کپور کی بیٹی سونم کپور تھیں ، فلم تو باکس آفس پر زیادہ کامیابی حاصل نہیں‌ کر سکی تھی لیکن فلم کا میوزک خاصا پسند کیا گیا تھا.فلم میں رنیبر کپور کی اداکاری کو نوٹس کیا گیا بعد ازاں انہیں بڑے بینر کی فلمیں آفرز ہوئیں انہوں نے اپنی صلاحیتوں کا لوہا منوایا. رنبیر کپور فلم بلیک میں سنجے لیلا بھنسالی کے اسسٹنٹ کے طور پر کام کر چکے ہیں، انہوں نے ہدایتکار کے ساتھ کام کے تجربے کو شئیر کرتے ہوئے کہا کہ میں‌ نے ان

کے ساتھ کام کیا بہت کچھ سیکھا لیکن میں نے سیٹ پر بہت مار کھائی وہ مجھے بہت مارتے تھے، مجھے تو ایسا لگتا تھا کہ جیسے مجھ پر تشدد کیا جا رہا ہے.وہ مجھے کام کے دوران مارتے تھے. مارتے بھی یقینا تب تھے جب ان کی مرضی کے مطابق کام نہیں‌ہو رہا ہوتا تھا. ایک وقت تو ایسا بھی آیا کہ میں نے ارادہ کر لیا کہ فلم ہی چھوڑ دوں کیونکہ میں اتنی سختی برداشت کر سکتا ہوں‌ نہ ہی اتنی مار کھا سکتا ہوں. رنبیر کپور نے کہا کہ اب سمجھ آتی ہے کہ اس وقت کی مار نے کتنا کچھ سکھایا ہے اور وہ مار بعد میں میرے کتنی کام آئی ہے.یاد رہے کہ رنبیر کپور اور عالیہ بھٹ کی فلم براہمسٹرا ریلیز ہونے جا رہی ہےاس میں ان کے ساتھ امیتابھ بچن بھی دکھائی دے رہے ہیں.

بھارتی معروف کامیڈین کپل شرما پھنس گئے ہیں مشکل میں، ان کے خلاف امریکی ریاست نیویارک میں مقدمہ درج ہوا ہے. اطلاعات کے مطابق کپل شرما نے 2015 میں شمالی امریکہ کا دورہ کیا تھا اور اس دورے میں انہیں چھ شہروں‌ میں فارم کرنا تھا لیکن انہوں نے صرف پانچ شہروں کا دورہ کیا اور واپسی کی راہ لے لی جبکہ انہیں جو رقم کی ادائیگی کی گئی تھی وہ چھ شہروں میں‌ پرفارم کرنے کی گئی تھی. کمپنی کی مالکہ جیٹلی کا کہنا ہے کہ انہوں نے کپل شرما سے متعدد مرتبہ رابطہ کرنے کی کوشش کی لیکن انہوں نے کسی قسم کے رابطے کا کوئی جواب نہیں دیا اور ہی اپنی کمٹمنٹ پوری کرنے کا ارادہ ظاہر کیا ہے. اس لئے ان کو عدالت کا دروازہ کھٹکھٹانا پڑا ہے.جیٹلی نے کہا کہ کپل شرما نے اپنے معاہدے کی خلاف

ورزی کی ہے اور یہ مقدمہ ان پر درج ہو چکا ہے اور امریکہ کی ریاست نیویارک کی ایک عدالت میں زیر التوا ہے جیسے ہی اس کی باری آئی یقینا کپل شرما کے خلاف کاروائی ہوگی اور انہیں‌ جوابدہ ہونا پڑے گا کہ انہوں نے ایسا کیوں کیا.
جیٹلی کے اس بیان کے حوالے سے تاوقت کپل شرما کی کا کوئی بیان سامنے نہیں آیا. یاد رہے کہ کپل شرما بھارت کے ایک بہت بڑے کامیڈین اور میزبان ہیں جو کپل شرما شو کے نام سے ایک پروگرام کرتےہیں ان کے اس شو میں نامور شوبز ستارے آتے ہیں اور شو میں کپل کے ہنسی مذاق سے خوب محظوظ بھی ہوتے ہیں.

شگفتہ اعجاز جو کہ آج کل ٹک ٹاک پر بھی آ چکی ہیں ان کی وڈیوز خاصی وائرل ہورہی ہیں. شگفتہ اعجاز ٹک ٹاک پر سبق آموز وڈیوز کے ساتھ سامنے آرہی ہیں.ان کی ہر وڈیوز موجودہ حالاات کی عکاسی کرر ہی ہوتی ہے یہی وجہ ہے کہ ان کی وڈیوز کو زیادہ پسند کیا جا رہا ہے. آج کل جیسا کہ ہر کوئی پیٹرول کی بڑھتی قیمتوں‌ پر بے حد پریشان ہے یقینا شگفتہ اعجاز بھی ہیں. ان کی حال ہی میں سوشل میڈیا پر ایک وڈیو وائرل ہورہی ہے جس میں وہ پیٹرول کی بڑھتی ہوئی قیمتوں پر بات کررہی ہیں اور بات بھی وہ ایک بھینس سے کررہی ہیں. وڈیو

میں‌دیکھا جا سکتا ہے کہ اداکارہ شگفتہ اعجاز ایک بھینس سے مخاطب ہو کر کہتی ہیں کہ اگر تم دودھ کی جگہ پیٹرول دے رہی ہوتی تو ہمارے تو وارے نیارے ہوجاتے اور وہ بھینس شگفتہ سے کہتی ہے کہ اگر ہم چارے کی بجائے ڈیزل پی کر زندہ رہتیں تو پھر کیا ہوتا یہ بات سن کر اداکارہ شگفتہ اعجاز لاجواب ہوجاتی ہیں. سینئر اداکارہ کی یہ وڈیو سوشل میڈیا پر بہت پسند کی جا رہی ہے اور لوگوں‌ کی ایک بڑی تعداد جہاں اس وڈیو سے محظوظ ہورہی ہے وہیں اس میں‌جو سوال اٹھائے گئے ہیں اس کو بھی سراہ رہی ہے. یاد رہے کہ پیٹرول کی آسمان سے باتیں کرتی قیمت نے ہر کسی کو پریشان کررکھا ہے ہر کوئی اپنی پریشانی کا اظہار مختلف انداز سے کررہا ہے.