Category: شوبز

بالی ووڈ سُپر اسٹارسلمان خان نے اپنی سپرہٹ فلم بجرنگی بھائی جان کا سیکوئل بنانے کا اعلان کردیا.

باغی ٹی وی : بھارتی میڈیا کے مطابق ممبئی میں ایک تقریب کے دوران بالی ووڈ ڈائریکٹرکرن جوہرسے گفتگو کرتے ہوئے سلمان خان کا کہنا تھا کہ بجرنگی بھائی جان میرے کیرئیر کی بہترین فلموں میں سے ایک ہے۔

#SalmanKhan announces #BajrangiBhaijaan2 at #RRR's Mumbai eventhttps://t.co/DpLY36R2Zu

— India Today Showbiz (@Showbiz_IT) December 20, 2021

انہوں نے شو کے دوران بتایا کہ بجرنگی بھائی جان 2 پرکام کا آغاز جلد کیا جائے گا جسے کے وی وجیندرا پرساد لکھیں گےسلمان خان کے اعلان کے ساتھ ہی بجرنگی بھائی جان بھارت میں ٹوئٹرپرٹاپ ٹرینڈ بن گیا۔

#SalmanKhan just spoke abt it & #BajrangiBhaijaan2 starts trending in India…Return of the most loved movie 🔥❤️🙌 pic.twitter.com/m7PJ3igoDN

— Shweta SK (@Shweta7770) December 19, 2021

کترینہ کو شادی پر سلمان خان اور رنبیر کپور کیجانب سے کروڑوں کے تحائف

سلمان خان کی 2015 میں ریلیز ہوئی فلم بجرنگی بھائی جان باکس آفس پربہت کامیاب رہی تھی فلم کی کاسٹ میں سلمان خان کے ساتھ کرینہ کپور،نوازالدین صدیقی اوراوم پوری بھی شامل تھےفلم بجرنگی بھائی جان میں پاکستان اور بھارت کے درمیان اتحاد کا پیغام دیا گیا تھا-

کبریٰ خان نے کینسر سے جنگ کیسے جیتی؟

بجرنگی بھائی جان میں سلمان خان نے ایک سیدھے سادھے بھارتی شخص پون عرف بجرنگی کا کردار ادا کیا تھاجو کہ قوتِ گویائی سے محروم ایک پاکستانی بچی کے ساتھ بھارتی بارڈر پار کر کے پاکستان پہنچ جاتا ہے

فواد خان اور صنم سعید بھارتی ویب سیریز میں ایک ساتھ نظر آئیں گے

بالی ووڈ اداکارہ راکھی ساونت کے شوہر رتیش کی پہلی بیوی منظرعام پر آگئی-

باغی ٹی وی : گزشتہ برس جب دلہن بنی راکھی ساونت کی تصاویر وائرل ہوئی تھیں اس وقت سے ہر کوئی راکھی کے شوہر کا چہرہ دیکھنے اور اس کے بارے میں جاننے کا انتظار کررہا تھا اور بالآخر ایک طویل انتظار کے بعد راکھی ساونت کے شوہر بگ باس سیزن 15 میں منظر عام پر آہی گئے۔

بگ باس سے قبل کوئی بھی نہیں جانتا تھاکہ راکھی ساونت کے شوہر کون ہیں کیا کرتے ہیں اور کیسے نظر آتے ہیں راکھی ساونت نے اپنے شوہر کے حوالے سے لوگوں کو تجسس میں ڈالا ہوا تھا یہاں تک کہ لوگوں کو راکھی شادی پر بھی شک تھا کہ ہوئی بھی ہے یا نہیں۔

راکھی ساونت نے اپنے شوہر کے بارے میں بتایا ہے کہ وہ بزنس مین ہیں اور برطانیہ میں رہتے ہیں تاہم اب اچانک رتیش کی پہلی بیوی منظرعام پر آگئی ہے جس نے رتیش کے بارے میں کئی انکشافات کیے ہیں۔

بھارتی میڈیا کی رپورٹس کے مطابق رتیش پہلے سے شادی شدہ ہے ان کی پہلی بیوی کا نام پریا ہے اور راکھی سے شادی سے قبل ان دونوں کا ایک بیٹا بھی ہے حال ہی میں رتیش کی پہلی بیوی پریا نے راکھی اور رتیش کی شادی پر سوال اٹھایا ہے۔

ایک بھارتی خبر رساں ادارے سے بات کرتے ہوئے پریا نے کہا مجھے اب بھی یقین نہیں آرہا کہ رتیش کس طرح راکھی جیسی ایک مشہور اداکارہ سے شادی کرنے میں کامیاب ہوگیا میرے مطابق یہ سب جھوٹ ہے اور اس کے این آر آئے اور کمپنی کا مالک ہونے کا دعویٰ بھی۔ بگ باس 15 میں رتیش کس طرح راکھی کا شوہر بنا ہوا ہے جب کہ ابھی تک ہم دونوں میاں بیوی ہیں یہ قانون کے خلاف ہے۔

صرف یہی نہیں پریا نے رتیش کے بارے میں مزید انکشافات کرتے ہوئے کہا کہ رتیش اکثر مجھے مارتا پیٹتا تھا یہاں تک کہ ایک بار اس نے مجھے 4 گھنٹوں تک بیلٹ سے مارا تھا جس کے بعد مجھے اسپتال لے جایا گیا جہاں سے میں کسی طرح اپنے والدین کے گھر جانے میں کامیاب ہوئی۔

واضح رہے کہ راکھی ساونت بھی اپنی شادی اور رتیش سے خوش نہیں ہیں بگ باس کے گھر کے اندر رتیش کا رویہ راکھی کے ساتھ بہت برا ہے حال ہی میں بگ باس 15 کا نیا پرومو سوشل میڈیا پر شیئر کیا گیا جس میں راکھی ساونت اور ان کے شوہر ایک دوسرے سے بیزار نظر آرہے ہیں یہاں تک کہ رتیش راکھی کے پاس بیٹھنا اور ان سے بات کرنا بھی پسند نہیں کرتے۔

پرومو میں راکھی اپنے شوہر سے کہتی ہوئی نظر آرہی ہیں ’میں تم سے محبت کرتی ہوں لیکن تم مجھے ہمیشہ نظر انداز کرتے ہو تم مجھ سے کب تک دور رہوگے؟ راکھی کے اس سوال پر ان کے شوہر کہتے ہیں تم مجھے ’سر کادرد‘ مت دو، میرا ہاتھ چھوڑو، تمہارے پاس بیٹھنا بیکار ہے یہ کہہ کر رتیش وہاں سے چلے جاتے ہیں۔‘

اس کے بعد راکھی بگ باس کی ایک اور کھلاڑی تیجسونی سے اپنے دکھ کا اظہار کرتے ہوئے کہتی ہیں رتیش کو ساری دوسری لڑکیاں اچھی لگتی ہیں میرے ساتھ تو بات ہی نہیں کرتا، دنیا کا پہلا شوہر ہے جو بیوی کے برابر میں ہی نہیں بیٹھتا۔

راکھی نے مزید کہا اس نے کبھی میرے ساتھ اپنا پن دکھایا ہی نہیں ہے، کیا گھر بسائے گا میرے ساتھ، مجھے بہت تکلیف ہوتی ہے، رتیش کا رویہ مجھے بہت متاثر کررہا ہے۔ ایسا شوہر ہونے سے اچھا ہے نا ہو۔ اس کے بعد راکھی ساونت نہایت دکھ بھرے لہجے میں کہتی ہیں انسان اکیلے ہی جی لے اور رونا شروع کردیتی ہیں۔

بالی ووڈ اداکار رنویر سنگھ اور دیپیکا پڈوکون اپنی نئی آنے والی فلم ’83‘ کی تشہیر کے لیے دبئی میں موجود ہیں۔

باغی ٹی وی : خیال رہے کہ اس سے پہلے سابق کپتان ایم ایس دھونی کی زندگی پر فلم بن چکی ہے اور اب بھارت کو پہلی بار کرکٹ کی دنیا میں عالمی چیمپئن بنانے والے سابق کپتان کپل دیو کی زندگی پر فلم بن رہی ہے جس میں رنویر سنگھ اوران کی اہلیہ اداکارہ دپیکا پڈکون سمیت دیگر بھی جلوہ گر ہوں گے۔

ہربھجن سنگھ نےاپنے سینے پررجنی کانت کا ٹیٹو سجا لیا

اداکار شان کا وزیراعظم سے پاکستان میں بھارتی فلمیں ریلیز نہ کرنے کا مطالبہ

بھارت نے پہلی بار کپل دیو کی کپتانی میں کرکٹ ورلڈ کپ 1983 میں اپنے نام کیا تھا اور ان کی فلم میں بھی یہی کہانی دکھائی گئی ہے جب کہ ان کی نجی زندگی کو بھی فلم کے ذریعے دکھایا گیا ہے جس میں اداکار رنویر سنگھ نے مرکزی کردار ادا کیا ہے اور فلم میں ان کی اہلیہ اداکارہ دپیکا پڈوکون کپل دیو کی بیوی ہیں۔ فلم کا ٹریلر جاری کردیاگیا ہے جبکہ اس کی ریلیز 24 دسمبر کو شیڈول ہے۔

نیہا ککڑکوممبئی کی سڑکوں پر500 کےنوٹ بانٹنا مہنگا پڑ گیا

رنویر سنگھ اور دیپیکا پڈوکون اپنی نئی آنے والی فلم ’83‘ کی تشہیر کے لیے دبئی میں موجود ہیں دبئی میں ایک پریس کانفرنس کے دوران جوڑی نے فلم سے متعلق متعدد سوالوں کے جواب دیئے پریس کانفرنس کے دوران پاکستانی صحافی کے پوچھے گئے سوال کے جواب میں اداکار رنویر سنگھ نے کہا کہ میں یہ کہنا چاہوں گا کہ فلم ’83‘ میں ایک ایسا خاص لمحہ ہے جسے دیکھ کر پاکستانی بہت خوش ہوں گے، اس خاص لمحے کے بارے میں ابھی نہیں بتا سکتا، کچھ دنوں بعد فلم دیکھ کر آپ میری اس بات کو یاد کریں گے۔

کترینہ اور وکی کے بعد عالیہ بھٹ اور رنبیر کپور کی شادی کی تفصیلات سامنے آ گئیں

رنویر سنگھ نے کہا کہ فلم میں موجود وہ خاص لمحہ میرے لیے بھی بہت خاص ہے، دراصل فلم ’83‘ ایسے لمحات سے بھرپور ہے، فلم کو بچے، بوڑھے، جوان ہر عمر کے افراد دیکھ سکتے ہیں لیکن کرکٹ میں دلچسپی رکھنے والوں کے لیے یہ بہت مزے دار فلم ثابت ہوگی۔

کترینہ کیف کو شادی پر جہاں بالی ووڈ کے دیگر فنکاروں نے مہنگے تحفے دیئے وہیں لیکن سب کی نظریں سلمان خان اور رنبیر کپور کے تحفے پر لگی ہوئی ہیں۔

باغی ٹی وی :بھارتی میڈیا کے مطابق 9 دسمبر کو راجستھان میں اداکار وکی کوشل کے ساتھ شادی کے بندھن میں بندھنے والی بالی ووڈ کی باربی ڈول کترینہ کیف کو ان کے مبینہ سابق بوائے فرینڈز سلمان خان اوررنبیر کپور سمیت دیگر فنکاروں نے کروڑوں کے تحائف دئیے ہیں۔

بھارتی میڈیا کی رپورٹس کے مطابق بالی ووڈ کے فنکاروں نے کترینہ کیف اور وکی کوشل کو مہنگے تحائف دئیے ہیں بالی ووڈ اداکار شاہ رخ خان نے نئے شادی شدہ جوڑے کو ڈیڑھ لاکھ روپے کی پینٹنگ دی ہے۔

عمران عباس کی والدہ کے انتقال پر شوبز شخصیات کا اظہار افسوس

عالیہ بھٹ نے جوڑے کو پرفیوم کی باسکٹ دی ہے جس کی قیمت لاکھوں میں ہے اداکارہ انوشکا شرما نے کترینہ کو شادی پر ہیرے کے ایئر رنگزدئیے ہیں جن کی قیمت 6 لاکھ 4 ہزار روپے ہے۔

ہرتھیک روشن نے شادی پر وکی کوشل کو سپر بائیک بی ایم ڈبلیو جی 310 آر بطور تحفہ دی ہے جس کی قیمت 3 لاکھ روپے ہے اداکارہ تاپسی پنوں نے کترینہ کو ایک لاکھ 40 ہزار روپے کا پلاٹینئم بریسلیٹ گفٹ کیا ہے۔

رپورٹس میں یہ بھی کہا جارہا ہے کہ وکی کوشل نے اپنی خوبصورت بیوی کترینہ کیف کو شادی پر ایک کروڑ 3 لاکھ کی ہیرے کی انگوٹھی بطور تحفہ دی ہے۔ وہیں دوسری طرف کترینہ نے اپنے شوہر وکی کوشل کو ممبئی میں ایک مہنگا اپارٹمنٹ گفٹ کیا ہے جس کی قیمت 15 کروڑ روپے ہے لیکن سب کی نظریں سلمان خان اور رنبیر کپور کے تحفے پر لگی ہوئی ہیں۔

کترینہ اور وکی کے بعد عالیہ بھٹ اور رنبیر کپور کی شادی کی تفصیلات سامنے آ گئیں

رپورٹس کے مطابق کترینہ کیف کے مبینہ سابق بوائے فرینڈ سلمان خان نے ان کی شادی میں تو شرکت نہیں کی لیکن وہ کترینہ کو تحفہ دینا نہیں بھولے کترینہ کو دبنگ گاڑی رینج روور گفٹ کی ہے جس کی قیمت 3 کروڑ روپے ہے دوسری طرف کترینہ کے ایک اور سابق بوائے فرینڈ رنبیر کپور نے بھی انہیں انتہائی مہنگا ہیروں کا ہار بطور تحفہ دیا ہے جس کی قیمت 2 کروڑ 7 لاکھ روپے ہے۔

خیال رہے کہ فنکاروں کی جانب سے کترینہ کیف اور وکی کوشل کو مہنگے تحائف دینے کی خبر صرف بھارتی میڈیا میں گردش کررہی ہے لیکن جوڑے نے خود انہیں تحائف دئیے جانے کی تصدیق نہیں کی۔

کترینہ کیف کی شادی کی تصاویر اورویڈیوخریدنے کی کبھی بات نہیں کی ،ایمیزون پرائم