بالی ووڈ کے مسٹر پرفیکشنسٹ عامر خان اور اداکارہ فاطمہ ثنا شیخ کی خفیہ شادی کی خبریں سوشل میڈیا پروائرل ہو رہی ہیں-

باغی ٹی وی : تفصیلات کے مطابق عامر خان اور ان کی سابق اہلیہ کرن راؤ نے تقریباً 15 برس تک شادی شدہ رہنے کے بعد رواں برس اگست میں اپنی راہیں جدا کرلی تھیں دونوں کی طلاق کی وجہ اداکارہ فاطمہ ثنا شیخ کو قرار دیا جارہا تھا جو فلم ’’دنگل‘‘ میں عامر خان کی بیٹی بنی تھیں۔

اب عامر خان کی تیسری شادی کے حوالے سے کئی خبریں سامنے آرہی ہیں رپورٹس کے مطابق حال ہی میں عامر خان اور فاطمہ ثنا شیخ کی تصویر سوشل میڈیا پر وائرل ہورہی ہے جس کے بعد لوگوں نے قیاس آرائیاں شروع کردی ہیں کہ دونوں اداکار خفیہ طور پر شادی کے بندھن میں بندھ گئے۔

زندگی میں کبھی فحش مواد بنانےمیں ملوث نہیں رہا،میرا میڈیا ٹرائل بند کیا جائے ،راج کندرا

لیکن سب کی حقیقت یہ ہے کہ حال ہی میں ٹوئٹر پر عامر خان اور فاطمہ ثنا شیخ کی ایک تصویر وائرل ہوئی اور ٹوئٹ میں دعویٰ کیا گیا کہ فاطمہ ثنا شیخ عامر خان کی تیسری بیوی ہیں تاہم اس بات میں کوئی حقیقت نہیں اور نہ ہی یہ تصویر حقیقی ہے بلکہ اسے کمپیوٹر پر ایڈٹ کیا گیا ہے۔

یہ تصویر دراصل عامر خان اور ان کی سابق دوسری بیوی کرن راؤ کی ہے جو انہوں نے ایک منگنی کی تقریب میں کھنچوائی تھی کسی نے اس تصویر کو ایڈٹ کرکے اس میں کرن راؤ کی جگہ فاطمہ ثنا شیخ کا چہرہ لگادیا۔

لعنت ہو ایسی حکومت پر، جلد ان کے برے دن آنے والے ہیں،جیا بچن کی بی جے پی پر کڑی تنقید

لہذا تصویر کی حقیقت سے ثابت ہوگیا کہ فی الحال عامر خان اور فاطمہ ثنا شیخ نے خفیہ طور پر کوئی شادی نہیں کی۔ تاہم مستقبل میں دونوں شادی کریں گے یا نہیں اس بارے میں کچھ کہا نہیں جا سکتا۔

واضح رہے کہ کرن راؤ عامر خان کی دوسری اہلیہ تھیں جن سے ان کا ایک بیٹا آزاد راؤ ہے۔ جب کہ ان کی پہلی بیوی کا نام رینا دتا ہے جس سے ان کے دو بچے ایرا اور جنید ہیں عامر خان کی پہلی شادی کا انجام بھی طلاق کی صورت میں ہوا تھا۔

بھتہ خوری اور منی لانڈرنگ کیس: جیکولین فرنینڈس سے متعلق نئے انکشافات

ماضی کی معروف اداکارہ اور موجودہ رکن اسمبلی جیا بچن نے حکمراں جماعت بھارتیہ جنتا پارٹی کو اپنے بارے میں نازیبا ریمارکس اور مخالفین پر جھوٹے مقدمات بناکر گرفتار کرنے پر کڑی تنقید کا نشانہ بنایا ہے۔

باغی ٹی وی :بھارتی میڈیا کے مطابق راجیہ سبھا میں ایک بل پر بحث کے دوران سماج وادی پارٹی کی رکن اسمبلی جیا بچن نے اپنے بارے میں نازیبا ریمارکس دینے پر حکمراں جماعت کو کڑی تنقید کا نشانہ بناتے ہوئے کہا کہ لعنت ہو ایسی حکومت پر، جلد ان کے برے دن آنے والے ہیں۔

جیا بچن نے حکمراں جماعت کے رکن کے ان کے بارے میں نازیبا ریمارکس پر اسپیکر سے احتجاج کرتے ہوئے کہا کہ آپ نے غیر جانبدار رہنے کے آئینی کردار سے اجتناب برتا ہے جس پر اسپیکر نے نازیبا ریمارکس کو کارروائی سے حذف کردیا-

جیا بچن نے مزید کہا کہ بی جے پی کو چند ماہ بعد اترپردیش میں ہونے والے انتخابات میں اپنی شکست واضح نظر آرہی ہے اس لیے وہ گھبراہٹ کا شکار ہیں۔

مخالف ارکان کی گرفتاری پر حکومت کے اس مؤقف پر کہ ملکی ایجنسیاں تفتیش میں آزاد ہیں جیا بچن کا کہنا تھا کہ کیا بی جے پی کے ارکان گنگا نہائے ہوئے ہیں۔ سب کے گناہ معاف ہوگئے ہیں۔ان کے خلاف ایجنسیز کارروائیاں کیوں نہیں کرتیں۔

مشتعل محترمہ بچن نے بھی چیئر سے کہا تھا کہ یہ منصفانہ ہونا چاہیے اور الزام لگایا کہ اپوزیشن کی آواز کو دبانے کی کوشش کی جا رہی ہے۔

کوک اسٹوڈیو سیزن 14 میں پرفارم کرنے والے فنکاروں کی مکمل فہرست جاری

جیا بچن نے بھارتی چینل این ڈی ٹی وی کواس بارے میں بتایا کہ "میں پریشان تھی اس لیے میں نے ایسا کہا۔ ایسا ہونا چاہیے۔ ان کے برے دن بہت جلد آئیں گے، میں یہاں بیٹھے ساتھیوں (12 معطل شدہ ایم پیز) کے بارے میں سب سے زیادہ ناراض ہوں۔ ناراض، یہ انصاف نہیں ہے۔ اس حکومت سے انصاف کی امید رکھنے کا کوئی فائدہ نہیں ہے۔ جیسے انہیں کسانوں سے معافی مانگنی پڑی تھی، حکومت کو بھی ایک دن ان اراکین اسمبلی سے معافی مانگنی پڑے گی۔”

ایشوریہ رائے بچن پیش نہ ہوئی تو ہو گی کاروائی، بھارتی تحقیقاتی ایجنسی

جیا بچن کے تبصرے بھی ان کی بہو اور اداکارہ ایشوریہ رائے بچن کے 2016 کے پاناما پیپرز لیکس کیس سے منسلک ایک کیس میں پوچھ گچھ کے لیے پیر کو انفورسمنٹ ڈائریکٹوریٹ کے سامنے پیش ہونے کے ایک دن بعد آئے ہیں جس میں غیر ملکی کرنسی کی خلاف ورزیوں کے الزامات شامل ہیں تاہم جیا بچن نے اپنی بہو سے پوچھ گچھ کے بارے میں کوئی براہ راست تبصرہ نہیں کیا۔

اپنی پارٹی کے رہنماؤں کے خلاف مرکزی ایجنسیوں کی کارروائی کے بارے میں ایک سوال کے جواب میں، انہوں نے کہا، "وہ (حکومت) پریشان ہیں، ان کے پاس بہت سے آلات ہیں اور ان کا غلط استعمال کر رہے ہیں-

ممبئی: بالی ووڈ اداکارہ شلپا شیٹھی کے شوہر اور بھارتی بزنس مین راج کندرا کا کہنا ہے کہ میں زندگی میں کبھی فحش مواد بنانے یا اسے تقسیم کرنے کے عمل میں ملوث نہیں رہا ،میرا میڈیا ٹرائل بند کیا جائے-

راکھی ساونت کے شوہر رتیش کی پہلی بیوی منظرعام پر آگئی

باغی ٹی وی : رواں برس جولائی میں بھارتی اداکارہ شلپا شیٹھی کے شوہر بزنس مین راج کندرا کو فحش فلمیں بنانے اور انہیں موبائل ایپ پر نشر کرنے کے الزام میں گرفتار کیا گیا تھا راج کندرا کی گرفتاری کے بعد متعدد اداکاراؤں نے سامنے آکر راج کندرا کے خلاف بیانات دئیے تھے اور اداکارہ شرلین چوپڑا نے راج کندرا پر جنسی زیادتی کا الزام لگایا تھا تاہم عدالت نے انہیں دو ماہ بعد ضمانت پر رہا کردیا تھا۔

جیل سے باہر آنے کے بعد راج کندرا نے مکمل خاموشی اختیار کی ہوئی تھی لیکن گزشتہ روز انہوں نے اس کیس کے حوالے سے بیان جاری کیا ہے۔ سوشل میڈیا پر جاری بیان میں راج کندرا نے کہا کہ پورنو گرافی کیس میں میرے خلاف مہم چلا ئی گئی۔

ایشوریہ رائے بچن پیش نہ ہوئی تو ہو گی کاروائی، بھارتی تحقیقاتی ایجنسی

راج کندرا نےکہا کہ میری خاموشی کو غلط سمجھاجارہا ہے اور میرے خلاف میڈیا پر کافی گمراہ کن اور غیرذمہ دارانہ بیانات اور مضامین گردش کررہے ہیں۔ میں بتانا چاہتا ہوں کہ میں زندگی میں کبھی فحش مواد بنانے یا اسے تقسیم کرنے کے عمل میں ملوث نہیں رہا۔

راج کندرا نے کہا میڈیا مجھے پہلے ہی مجرم قرار دے چکا ہے تاہم اب میں چاہتا ہوں کہ میرا میڈیا ٹرائل بند کیا جائے۔ کیونکہ اس کی وجہ سے مسلسل مجھے اور میری فیملی کو تکلیف پہنچ رہی ہے۔ اس کے علاوہ مختلف سطحوں پر میرے انسانی اور آئینی حقوق کی خلاف ورزی کی جارہی ہے میں شرم سے منہ نہیں چھپاتا، لیکن چاہتاہوں کہ اس مسلسل میڈیا ٹرائل کے ساتھ اب مزید میری زندگی اور پرائیویسی میں مداخلت نہ کی جائے۔

عدالت نے آریان خان کی ضمانت پر لگائی جانے والی شرط ختم کر دی

معروف جاپانی اداکارہ و گلوکارہ سایاکا کانڈا 22 ویں منزل سے گر کر ہلاک ہوگئیں۔

باغی ٹی وی : غیر ملکی میڈیا کے مطابق 35 سالہ اداکارہ سایاکا شمالی جاپانی جزیرے ہوکائیدو کے دارالحکومت ساپورو کے ایک ہوٹل کی 22 ویں منزل پر ٹھہری ہوئی تھیں جہاں یہ حادثہ پیش آیا۔

جاپانی میڈیا کے مطابق اداکارہ سایاکا کانڈا ہوٹل کے باہر بے ہوشی کی حالت میں خون میں لت پت پائی گئیں بتایا جارہا ہے کہ سایاکا کا کمرہ ہوٹل کی 22 ویں منزل پر تھا اور وہ وہاں سے گر گئیں اور 14ویں منزل پر ایک بیرونی جگہ پر بے ہوش پائی گئیں اداکارہ کو فوراً اسپتال لے جایا گیا لیکن ان کی جان نہ بچ سکی سایاکا کی ایجنسی نے اداکارہ کی موت کی تصدیق کردی ہے-

ناسا کے انجینئر کی زندگی پر مبنی سینما تاریخ کی خوفناک ترین فلم

پولیس اس معاملے کی ممکنہ خودکشی کے کیس کے طور پر تحقیقات کر رہی ہے لیکن اس میں سازش کے عنصر کو بھی مسترد نہیں کیا جاسکتا۔ جب کہ اداکارہ کے دوستوں کا کہنا ہے کہ سایاکا خودکشی نہیں کرسکتی۔

پروڈیوسرز نے کہا کہ کانڈا ہفتہ کی سہ پہر میوزیکل مائی فیئر لیڈی میں اپنی پرفارمنس کے لیے غیر حاضر تھیں وہ جمعہ والے دن ریہرسل کے لیے وہاں موجود تھی۔ وہ آئندہ سال اپریل میں ایک میوزیکل، گلیکسی ایکسپریس 999 میں میٹل کا کردار ادا کرنے والی تھیں۔

کوک اسٹوڈیو سیزن 14 میں پرفارم کرنے والے فنکاروں کی مکمل فہرست جاری

واضح رہے کہ اداکارہ و گلوکارہ سایاکا کانڈا ڈزنی کی اینی میٹڈ فلم ’’فروزن‘‘ کے جاپانی ڈب ورژن میں فلم کے مشہور کردار اینا کی وائس اوور کے لیے مشہور تھیں اور تقریباً 20 سال کی عمر سے شوبز کی دنیا سے وابستہ تھیں-

کنڈا آئیڈولی پرائیڈ، سٹار بلیزر 2202، اور کنویئنس سٹور بوائے فرینڈز کے لیے بھی اپنے دیگر وائس اوور کرداروں کے لیے جانی جاتی تھی وہ اداکار ماساکی کانڈا اور گلوکار سیکو ماتسودا کی بیٹی ہیں۔

کبریٰ خان نے کینسر سے جنگ کیسے جیتی؟

سینما تاریخ کی خوفناک ترین اور آج بھی رونگٹے کھڑے کردینے والی فلم "ایگزارسٹ” ناسا کے ایک انجینئر پر آئے دہشت اور اذیت ناک حالات پر مبنی ہے۔

باغی ٹی وی : تاریخ میں رونالڈ ایڈوین ہنکلر کا نام بطور خلائی جہازوں کی تپش مزاحم ساخت کے دعویدارِ موجد کے طور پر درج ہے لیکن رونالڈ کی دوسری وجہِ شہرت دی ایگزارسٹ(The Exorcist) فلم ہے جو ان کے ساتھ کم عمری میں پیش آئے خوفناک سانحے پر مبنی ہے۔

سلمان خان کا بجرنگی بھائی جان کا سیکوئل بنانے کا اعلان

اس بارے میں بہت ہی کم لوگ جانتے ہیں کہ کم عمری میں رونالڈ ایڈوین پر آسیب ہوا تھا اور یہ زندگی کا وہ حصہ تھا جس پر رونالڈ نے خود 40 سال تک خاموشی اختیار رکھی 40 سال تک ناسا میں کام کرنے کے دوران ان کو خدشہ رہا کہ کہیں ان کے ماضی کا یہ راز فاش نہ ہوجائے۔

صبا قمر اور زاہد احمد کی فلم "گھبرانا نہیں ہے” کا ٹیزر جاری

فلم کو جس کردار سے متاثر بتایا گیا اس کا نام رولینڈ ڈو اور روبن مینہم ظاہر کیا گیا جو کہ رونالڈ ایڈوین ہنکلر کے نام کی تبدیل شدہ شکل تھی اور اس جھوٹ کا سلسلہ دہائیوں تک جاری رہا رونالڈ کی زندگی کے اس پہلو سے صرف وہی لوگ واقف تھے جو ان پادریوں کے ساتھ رہے جنہوں نے رونالڈ پر سے آسیب کو رفع کیا تھا۔

فواد خان اور صنم سعید بھارتی ویب سیریز میں ایک ساتھ نظر آئیں گے

بھوت پریت کا موضوع ہالی ووڈ کی فلموں میں سن 1973 سے زور پکڑگیا جب مشہور فلم ’’ دی ایگزارسٹ‘‘ ریلیز ہوئی تھی۔ اس فلم کے بعد جادو اور بدروحوں پر مبنی ڈراؤنی فلموں کا سلسلہ شروع ہو گیا امریکہ میں ریلیز ہونے والی نئی فلم ’’ دی لاسٹ ایگزارسزم‘‘ یا The Last Exorcismکا کسی طور بھی تعلق سن 1973 میں ولیم فریڈکن کی کلاسیک میں شمار کی جانے والی فلم ’’ دی اگزارسٹ‘‘ سے نہیں ہے یہ پرانی فلم کا کوئی تسلسل یا اگلی قسط بھی نہیں ہے۔

کبریٰ خان نے کینسر سے جنگ کیسے جیتی؟

پرانی فلم کا موضوع ایک لڑکی کے گرد گھومتا تھا جس پر کسی روح یا بھوت کا قبضہ ہو جاتا ہے اور ایک عیسائی مبلغ اس لڑکی کے اندر حلول کرجانے والی بد روح کا مذہبی عقائد کی روشنی میں مقابلہ کرتا ہے اسی فلم کے بعد ’’ دی اومن‘‘ سیریز کی فلمیں بنائی گئی تھیں اس سلسلے کی پہلی فلم میں مارلن برانڈو نے کام کیا تھا یہ بھی اس موضوع کے حوالے سے ایک کامیاب سیریز تھی۔

عمران عباس کی والدہ کے انتقال پر شوبز شخصیات کا اظہار افسوس

منی لانڈرنگ اورکروڑوں روپے فراڈ کیس میں جیکولین فرنینڈس سے متعلق نیا انکشاف سامنے آگیا۔

باغی ٹی وی :بھارتی میڈیا کے مطابق 200 کروڑبھارتی روپے بھتہ وصول کرنے اورفراڈ کے الزام میں گرفتارملزم سکیش چندرشیکھر سری لنکن نژاد بالی وڈ اداکارہ جیکولین فرنینڈز کو سپرہیرو بنانا چاہتا تھا اوراس مقصد کے لئے 500 کروڑ روپے کی فلم بنانے کوتیارتھا۔

سکیش چندرسے تفتیش کرنے والی بھارتی انفورسمنٹ ڈائریکٹوریٹ کا کہنا تھا کہ سکیش جیل کے اندرسے بھی جیکولین سے مستقل رابطے میں تھا اوراس نے جیکولین کو 10 کروڑ روپے مالیت کے تحائف دئیے تھے اپنی دوبارہ گرفتاری سے پہلے سکیش چندرنے خصوصی طیارے کے ذریعے جیکولین کوبنگلوربھی بلوایا تھا۔

جبکہ سکیش چندرنے بالی وڈ اداکاراؤں شلپا شیٹھی اورشردھا کپورکو مالی تحائف اورمدد فراہم کرنے کا دعویٰ بھی کیا ہے۔

منی لانڈرنگ کیس:جیکولین کی گرفتاری کا امکان، سلمان خان بھی اداکارہ سے کترانے لگے

واضح رہے کہ جیکولین کواگست میں پہلی بارنئی دہلی کے انفورسمنٹ ڈائریکٹوریٹ کی جانب سے200ملین بھارتی روپوں کے فراڈ اوربھتہ خوری کے کیس میں پوچھ گچھ کیلئے طلب کیا گیاتھا جیکولین فرنینڈز سے انفورسمنٹ ڈائریکٹوریٹ نے اگست میں 5 گھنٹے تفتیش کی تھی ساتھی اداکار نورا فتحی کو اسی کیس میں طلب کیے جانے کے چند دن بعد ہی جیکولین سے بھی4گھنٹے تک پوچھ گچھ کی گئی۔

جیکولین کی لیک ہونے والی تصویر میں ساتھ موجود سکیش چندر شیکھرپہلے ہی دھوکہ دہی کے 21 مقدمات میں نامزد ہیں اور اس وقت روہنی جیل میں بند تھے سینٹرل ایجنسی نے سکیش کے خلاف منی لانڈرنگ کیس کے سلسلے میں چنئی میں سمندرکے قریب 8.25 ملین روپے مالیت کی ایک حویلی اور کئی لگژری کاروں پر چھاپہ مارا۔

جیکولین فرنینڈس اورنورا فتیحی کا جیل میں قید مجرم سے کروڑوں روپے کے تحائف لینے کا انکشاف

لوئس ووٹن اور شینل جیسے اعلیٰ درجے کے لیبلز کے جوتے، کپڑے اور بیگز بھی ضبط کیے گئے جن کی مالیت 200 ملین روپے ہے جیکولین سے اس کیس میں پوچھ گچھ کے وقت سکیش کے ساتھ ڈیٹنگ کی افواہیں زیرگردش تھیں جنہیں دونوں کی لیک ہونے والی تصاویر نے مزید ہوادی کچھ رپورٹس کے مطابق جیکولین کو سکیش نے دھوکہ دیا تھا لیکن بعض دیگررپورٹس کے مطابق سکیش جیکولین کے لیے پرائیویٹ جیٹ طیاروں کا بندوبست کرتا اورمہنگے تحائف بھیجتا تھا۔

سریش کے وکیل نے کہا تھا کہ جیکولین ان کے موکل کے ساتھ تعلقات میں تھیں تاہم جیکولین کی ٹیم نے ایسے ان دعوؤں کی تردید کی ہے تصویریں سامنے آنےکے بعد اداکارہ کو تنقید کا نشانہ بنایا گیا تھا –

بھارتی میڈیا نے بتایا تھا کہ یہ مقدمہ ادیتی سنگھ نامی خاتون کی شکایت پردرج کیا گیا تھا جس کا دعویٰ تھا کہ ایک شخص نے وزارت قانون کا سینیئر افسربن کر فون کیا اوررقم کے بدلے ایک کیس میں گرفتاراس کے شوہرشویندر شوہر کی ضمانت پررہائی کی یقین دہانی کروائی۔

سال 2021 میں بھارت میں سب سے زیادہ سرچ کئے جانے والے فنکار