دبئی میں کھیلے جانے والے ٹی ٹوئنٹی ورلڈ کپ میں بھارت اور پاکستان کے درمیان کھیلے جانے والے میچ میں بھارت کو ذلت آمیز شکست دینے پراداکارہ و میزبان صوفیہ مرزا نے قومی ٹیم کومبارکباد دی ہے-

باغی ٹی وی : صوفیہ مرزا نے اپنی ویڈیو میں قومی کرکٹ ٹیم کو مبارکباد اور بھر پور خوشی کا اظہار کیا انہوں نے کہا کہ بہت مبارک ہو اللہ کا شکر ہے پاکستان جیت گیا جبکہ انہیں پہلے سے ہی پُر امید تھیں کہ پاکستان جیت جائے گا لیکن اتنا اچھا جیتے تھا ماشاءاللہ بہت مبارک قومی کرکٹ نے بہترین پرفارم کیا –

اداکارہ صوفیہ مرزا کا پاکستانی ٹیم کے لئے نیک خواہشات کا اظہار

انہوں نے کہا کہ محمد رضوان اور بابر اعظم نے بہت ہی زبردست پرفارمنس دی چھکے چوکے چھڑا دیئے انڈیا کے بہت ہی زبردست گیم تھی بہت مزہ آیا پاکستان کرکٹ ٹیم نے ہمیں بہت ہی زبردست تحفہ دیا ہے پاکستان کرکٹ ٹیم اسی طرح چھائی رہے ہمیں تم سے پیار ہے-

یاد رہے کہ گزشتہ روز پاکستانی شاہینوں نے عمدہ کھیل کا مظاہرہ کرتے ہوئے بھارت کو ٹی ٹوئنٹی ورلڈکپ کے میچ میں 10 وکٹوں سے شکست دی تھی بھارت کی جانب سے پاکستان کو جیت کے لیے 152 رنز کا ہدف دیا گیا تھا جسے قومی ٹیم نے جارحانہ بیٹنگ کرتے ہوئے 17 اوورز میں ہی مکمل کر لیا۔

کراچی: ملک میں بڑھتی ہوئی مہنگائی اور پیٹرولیم مصنوعات کی قیمتوں میں ہوشربا اضافے کے خلاف جہاں اپوزیشن کی سیاسی جماعتیں احتجاج کر رہی ہیں وہیں ممتاز اداکار ایوب کھوسو نے بھی احتجاج کا منفرد طریقہ اپنایا-

باغی ٹی وی : تفصیلات کے مطابق اداکار ایوب کھوسو نے پیٹرولیم مصنوعات کی قیمتوں میں اضافے اور بڑھتی ہوئی مہنگائی کے خلاف سائیکل چلا کر اپنا احتجاج ریکارڈ کرایا ہے۔

معروف ٹی وی اداکار ایوب کھوسو نے کہا کہ اس وقت معاشی بدحالی اور پیٹرولیم مصنوعات کی قیمتوں میں ہونے والے اضافے کی وجہ سے عام افراد کا جینا اجیرن ہو گیا ہے۔

انہوں نے کہا کہ اس وقت غریب اور دیہاڑی دار یومیہ اجرت کے ملازمین کے لیے دو وقت کی روٹی کا حصول بھی نا ممکن ہوتا دکھائی دے رہا ہے۔ ان کا کہنا تھا کہ وہ لوگوں کے ساتھ اظہار یکجہتی کے لیے سائیکل پہ سفر کرکے اپنا احجتاج ریکارڈ کرا رہے ہیں۔

سپریم کورٹ نے ایک ہفتے میں نسلہ ٹاور کو گرانے کا حکم دے دیا

واضح رہے کہ اس وقت ملک میں پیٹرولیم مصنوعات کی قیمتیں تاریخ کی بلند ترین سطح پہ پہنچ چکی ہیں مہنگائی اور معاشی بدحالی کے خلاف اپوزیشن کی سیاسی جماعتوں کے اتحاد پی ڈی ایم اور پاکستان پیپلزپارٹی کی جانب سے بھی ملک گیر سطح پر احتجاج کیا جا رہا ہے جب کہ جماعت اسلامی بھی میدان عمل میں نکل چکی ہے۔

اس سے قبل پاکستان مسلم لیگ (ن) کے صدر اور قائد حزب اختلاف شہبازشریف نے آئی ایم ایف کی شرائط پارلیمنٹ میں لانے کا مطالبہ کرتے ہوئے کہا تھا کہ ڈالر کی قیمت میں مزیداور مسلسل اضافہ قومی معیشت کے لئے تباہ کن اور قومی سلامتی کے تصور کے لئے خطرناک ہےتاریخ گواہ ہے کہ ڈالر کی قیمت میں اضافے سے ملک میں ہمیشہ مہنگائی بڑھی ہے-

شہباز شریف کا آئی ایم ایف کی شرائط پارلیمنٹ میں لانے کا مطالبہ

ڈالر کی قیمت میں اضافے سے عوام کنگال ہورہے ہیں اور حکومت کو عوام کی حالت زار کا کوئی احساس نہیں آئی ایم ایف سے معاہدہ ختم نہیں ہوا تو پھر کیا طے پایا ہے، پارلیمنٹ کو بتایا جائے آئی ایم ایف کے ساتھ طے پانے والی شرائط اور مذاکرات کی تفصیلات پارلیمنٹ سے چھپانابتارہا ہے کہ دال کالی ہے ڈالر کی قیمت میں مسلسل اضافہ قومی معیشت کوبرباد کررہا ہے اور مہنگائی بے قابو ہوچکی ہے-

مہنگائی کی طرح ڈالر میں مسلسل اضافے پر حکمران مجرمانہ خاموشی اختیار کئے ہوئے ہیں حکومت ڈالر اور مہنگائی میں اضافے پر دانستہ خاموش ہے جو آئی ایم ایف سے درپردہ سمجھوتے کا نتیجہ ہوسکتا ہے آئی ایم ایف کی شرائط تسلیم کرنے کا نتیجہ قوم مہنگائی، بے روزگاری اور معاشی تبادہی کی صورت بھگت رہی ہے، یہ ظلم بند کرنا ہوگا-

ڈالر کی مسلسل پرواز ثبوت ہے کہ حکومت معاشی محاذ میں بری طرح ناکام ہوچکی ہے معاشی تباہی، مہنگائی اور معاشی افراتفری پاکستان کی قومی سلامتی کے تقاضوں کے لئے نیک فال نہیں-

کالعدم تحریک لبیک کے ساتھ مذاکرات کے حوالہ سے نئی پیشرفت

خیال رہے کہ پاکستانی روپے کی قدر میں کمی اور ڈالر کی قیمت میں اضافے کا سلسلہ جاری ہے۔ ڈالر 174روپے 50پیسے کا ہو گیا فاریکس ڈیلرز کے مطابق،انٹر بینک میں ڈالر مزید 50 پیسے مہنگا ہوگیا۔ انٹر بینک میں ڈالر کی قیمت 174 روپے 50 پیسے ہو گئی ہے۔

اس سے قبل 22 اکتوبر کو ڈالر کی قیمت 174 روپے سے تجاوز کر کے 174 روپے 10 پیسے ہو گئی تھی۔ جو تاریخ کی نئی بلند ترین سطح تھی۔ آج روپے کی قدر میں مزید کمی دیکھنے میں آئی ہے ۔ جس کے بعد ڈالر کی قیمت 174 روپے 50 پیسے ہو گئی ہے۔

افغانستان کی صورتحال اور عالمی مہنگائی کی وجہ سے پاکستانی کرنسی مسلسل دباؤ کا شکار ہے اور ڈالر کی قیمت میں دن بدن اضافہ دیکھنے میں آرہا ہے۔

دوسری جانب چند روز قبل زرمبادلہ کی خرید و فروخت کا قانون نافذ کیا گیا ہے جس کے بعد سے 500 ڈالرز سے زائد کی خریداری ناممکن ہو گئی ہے۔ اسٹیٹ بینک آف پاکستان نے گزشتہ دنوں 22 اکتوبر سے ڈالرز کی خرید و فروخت کے لیے بائیو میٹرک لازمی قرار دی تھی۔

ڈالر کی اونچی اڑان ، ایک اور ریکارڈ بنا لیا

معروف یوٹیوبر شاہ ویر جعفری رشتۂ ازدواج میں منسلک ہوگئے۔

باغی ٹی وی : شاہ ویر جعفری اپنی منگیتر عائشہ بیگ کے ساتھ رشتۂ ازدواج میں منسلک ہوگئے ہیں جس کی تصاویر اور ویڈیوز سوشل میڈیا پر وائرل ہورہی ہیں۔

شاہ ویر جعفری نے فوٹو اینڈ ویڈیو شیئرنگ ایپ انسٹاگرام پر اپنی شادی کی چند تصاویر شیئر کی ہیں جن میں وہ اور اُن کی اہلیہ بےحد دلکش لگ رہی ہیں۔

شاہ ویر جعفری نے اپنی زندگی کے سب سے خاص موقع پر سیاہ رنگ کی شیروانی کا انتخاب کیا جبکہ اُن کی دُلہن عائشہ بیگ نے سُرخ رنگ کا خوبصورت عروسی لباس زیب تن کیا جس کے ساتھ اُنہوں نے گولڈن رنگ کی جیولری پہنی۔

شاہ ویر جعفری نے اپنی پوسٹ کے کیپشن میں لکھا کہ ’میں اب شادی شدہ ہوں خوشی کے اس موقع پر شاہ ویر جعفری نے اللّٰہ تعالیٰ کا شُکر بھی ادا کیا۔

دونوں کی شادی کی تصاویر سوشل میڈیا پر وائرل ہورہی ہیں جنہیں مداحوں کی جانب سے بہت زیادہ پسند کیا جارہا ہے۔

شادی کی تقریب میں اداکارہ زویا ناصر اور نور ظفر خان نے بھی شرکت کی علاوہ ازیں شاہ ویر جعفری کی شادی میں یوٹیوبر زید علی بھی شریک ہوئے۔

اس سے قبل انہوں نے سوشل میڈیا پر اپنی مہندی کی تقریب کی تصاویر شیئر کرتے ہوئے بتایا تھا کہ وہ 23 اکتوبر کو شادی کرنے جارہے ہیں۔

واضح رہے کہ مزاحیہ ویڈیوز کی وجہ سے مقبول ہونے والے 27 سالہ شاہ ویر جعفری یوٹیوب پر بہت زیادہ مقبول ہیں جن کے چینیل کے سبسکرائبرز 26 لاکھ سے زیادہ ہیں جبکہ انسٹاگرام اور ٹوئٹر پر بھی ان کے لاکھوں فالورز ہیں۔

اس سے قبل شاہ ویر جعفری اور پاکستانی ٹی وی اداکارہ نور خان کے تعلق کی افواہیں بھی تھیں، دونوں کو ساتھ دیکھا بھی گیا تھا اور انہوں نے ایک ساتھ ولاگز بھی بنائے تھے۔

تاہم بعدازاں نور خان نے ایک نجی ٹی وی کے شو میں کہا تھا کہ دونوں کے درمیان صرف دوستی ہے اور انہوں نے یہ بھی کہا تھا کہ شاہ ویر ان کے بھائی جیسے ہیں شاہ ویر جعفری نے خود بھی اس معاملے پر وضاحت کی تھی۔

اس سے قبل انہوں نے اپنے انسٹاگرام اکاؤنٹ پر اداکارہ مہوش حیات کے ساتھ ایک تصویر شیئر کرکے اعلان کیا تھا کہ مہوش حیات اور انہوں نے شادی کرلی ہے جبکہ وہ ایک گانے ‘چمکیلی’ کی ویڈیو کے لیے اکٹھے ہوئے تھے-

دبئی میں ٹی ٹوئنٹی ورلڈکپ کا میدان سج چکا ہے اور روایتی حریفوں پاکستان اور بھارت کے مابین بڑا مقابلہ شروع ہے-

باغی ٹی وی : پاکستانی ماڈل ، اداکارہ اور میزبان صوفیہ مرزا نے پاکستانی ٹیم کے لئے نیک خواہشات کا اظہار کیا ہے انہوں نے اپنے ویڈیو پیغام میں کہا ہے کہ آج پاک بھارت کا میچ اور وہ پاکستان کو سپورٹ کر رہی ہیں میری دعا ہے کہ پاکستان یہ میچ جیتے ہر کھیل میں ہار اور جیت تو ہوتی ہے لیکن پاکستان اچھا پرفارم کرے-

انہوں نے پاکستان ٹیم کے لئیے نیک خواہشات کا اظہار کرتے ہوئے کہا کہ اللہ کرے آپ کی جیت ہو لیکن پھر بھی اگر آپ جیتو یا ہارو ہمیں تم سے پیار ہے آپ جیت کے آؤ بہت مزا آئے گا-

خیال رہے کہ ٹی ٹوئنٹی ورلڈ کپ کے سب سے بڑے مقابلے میں بھارت کی پہلی وکٹ 1 رنز پر گر گئی، روہت شرما صفر پر شاہین شاہ آفریدی کا نشانہ بنے دبئی انٹرنیشنل اسٹیڈیم میں کھیلے جا رہے میچ میں پاکستان نے بھارت کے خلاف ٹاس جیت کر فیلڈنگ کا فیصلہ کیا ہے۔

ٹاس جیتنے کے بعد بابراعظم کا کہنا تھا کہ ابتدائی وکٹیں جلد حاصل کرنے کی کوشش کریں گی اور بھارت کو دباؤ میں ڈالیں گے دوسری اننگز میں اوس بہت اہم کردار ادا کرے گی جس کا فائدہ بیٹنگ ٹیم کو ہو گا۔

قومی ٹیم میں بھارت کے خلاف جن کھلاڑیوں کو شامل کیا گیا ہے ان میں کپتان بابراعظم، محمد رضوان، فخر زمان، محمد حفیظ، شعیب ملک، محمد آصف، شاداب خان، عماد وسیم، حسن علی، شاہین شاہ آفریدی اور حارث رؤف شامل ہیں۔

بھارتی ٹیم میں کپتان ویرات کوہلی، روہت شرما، کے ایل راہول، سوریا کمار یادیو، ریشب پنٹ، ہاردک پانڈیا،جڈیجا، بھونیشور کمار، محمد شامی، جسپریت بمرا اور ورون چکرورتی شامل ہیں۔

دبئی میں ٹی ٹوئنٹی ورلڈکپ کا میدان سج چکا ہے اور شائقینِ کرکٹ سمیت شوبز انڈسٹری سے تعلق رکھنے والی شخصیات میں بھی جوش و ولولہ عروج پر ہے۔

باغی ٹی وی : ایسے میں معروف پاکستانی اداکار معمر رانا نے ٹی ٹوئنٹی ورلڈکپ میں پاک بھارت میچ سے قبل سماجی رابطے کی ویب سائٹ انسٹاگرام پر بالی وڈ اسٹار سلمان خان کے ہمراہ اپنی یادگار تصویر شیئر کی اور ساتھ ہی دبنگ خان کے نام پیغام بھی لکھا۔

انہوں نے پوسٹ پر کیپشن میں لکھا کہ بھائی آج دونوں ہنس لیتے ہیں، پھر انشا اللّٰہ 25 کو ملتے ہیں۔

پاک بھارت ٹاکرا: ماہر فلکیات کی کھلاڑیوں کی پرفارمنس سے متعلق اہم پیش گوئی

معمر رانا کی سلمان خان کے ساتھ یہ تصویر دیکھ کر جہاں مداحوں نے حیرانی کا اظہار کیا وہیں شوبز انڈسٹری سے وابستہ کئی اداکاروں نے پوسٹ پر اپنے تبصرے پیش کیے اور پاک بھارت مقابلے میں پاکستان کی جیت کیلئے نیک خواہشات کا اظہار کیا۔

واضح رہے کہ آج پاکستان اور بھارت کے درمیان دبئی کے میدان میں ہوگا میچ پاکستانی وقت کے مطابق شام7 بجے شروع ہوگا بابراعظم پاکستان کےکپتان، کوہلی بھارت کی کمان سنبھالیں گے۔

قومی ٹیم میں بھارت کے خلاف جن کھلاڑیوں کو شامل کیا گیا ہے ان میں محمد رضوان، فخر زمان، بابر اعظم، محمد حفیظ، حیدرعلی، شعیب ملک، محمد آصف، شاداب خان، عماد وسیم، حسن علی، شاہین شاہ آفریدی اور حارث رؤف شامل ہیں۔ حتمی پلیئنگ الیون کا اعلان میچ سے قبل کیا جائے گا۔

پاک بھارت ٹاکرا: دنیائے کرکٹ کا سب سے بڑا مقابلہ آج دبئی کے میدان میں ہو گا

پاکستان کے پاپ گلوکار علی عظمت نے میڈم نورجہاں کی شخصیت پرنامناسب الفاظ کہے تھے جس کے بعد انہیں نور جہاں کے چاہنے والوں جانب سے کافی تنقید کا سامنا کرنا پڑا-

باغی ٹی وی : حال ہی میں پاکستان کے پاپ گلوکار علی عظمت احمد پنسوٹا شو میں شریک ہوئے اور دوران شو پاکستانی میوزک اور آرٹس سمیت بین الاقوامی سطح پر تسلیم شدہ میوزک لیجنڈ ملکہ ترنم نورجہاں سے متعلق گفتگو کی۔

https://www.youtube.com/watch?v=JTsl7IbOLFU&t=13s
دوران شو علی عظمت نے برسوں سے تبدیل ہوتی پاکستان میوزک انڈسٹری سے متعلق گفتگو کرتے ہوئے کہا تھا کہ میرے بچپن میں نورجہاں ساڑھی کے ساتھ بڑے بڑے ایئررنگ پہنے اور اضافی میک کرکے گانے گاتی تھیں، اس وقت ہمیں ان سے چڑ چڑھتی تھی۔

علی عظمت نے کہا تھا کہ نور جہاں اس وقت بڑھاپے میں تھیں اور ہم سمجھتے تھے کہ انہیں دیکھنا ہمارے لیے ضروری نہیں ہے یہ وہ وقت تھا جب ہم نے دوسروں کی ثقافت کو قبول کیا اور پھر یہ معمول بن گیا۔

علی عظمت کے اس بیان کے بعد انہیں شوبز شخصیات سمیت صارفین کی جانب سے کافی تنقید کا نشانہ بنایا گیا جس کے بعد انہوں نے نور جہاں سے متعلق استعمال کیے جانیوالے الفاظ کی وضاحت پیش کی ہے۔

Madam #NoorJehan is the vocal identity of Pakistan. Her voice lives in all of us from the elitist till the common man from the ghazis and shaheeds of #1965defenceday till all who live today will always be a part of her voice her songs .we must learn to love and respect our own🇵🇰 pic.twitter.com/5d86ai7MEF

— Shaan Shahid (@mshaanshahid) October 22, 2021

فیس بک پر جاری بیان میں علی عظمت نے کہا کہ سوشل میڈیا پر میرے حوالے سے ایک مہم چلائی جارہی ہے جس میں علی عظمت اور نورجہاں کا مقابلہ کیا جارہا ہے۔

انہوں نے کہا کہ احمد علی بٹ، محمد علی بٹ، نازیہ اور حنا درانی میری فیملی ہیں، میں ان سے بہت پیار کرتا ہوں اور ان کی عزت بھی کرتا ہوں اور ان سب سے زیادہ میں میڈم نور جہاں کی عزت کرتا ہوں نور جہاں فیملی سے پیار اور عزت کرنے کی وجہ بھی نور جہاں ہیں ہیں ان ہی کی وجہ سے میں ان سب کی عزت اور پیار کرتا ہوں-

گلوکار نے کہا کہ جن صاحب نے بھی ویڈیو لگائی ہے وہ ایڈٹ کرکے لگائی ہے، ویڈیو کا کچھ حصہ پوسٹ کیا گیا ہے، ملکہ ترنم کے حوالے سے جو بات کی ہے وہ بات بالکل سچ ہے، میں نے اپنے بچپن کے بارے میں بات کی ہے اس زمانے میں صرف پی ٹی وی چلتا تھا، اس وقت نور جہاں کی پریزنٹیشن اچھی نہیں تھی-

علی عظمت نے اپنے پیغام میں کہا کہ پی ٹی وی پر نور جہاں کو جیسے دکھایا جاتا تھا وہ بالکل اچھا نہیں لگتا تھا مگر بعد میں جب ہم بڑے ہوئے تو ہمیں نور جہاں سے زیادہ پسند ہی کوئی نہیں تھا، اس حوالے سے مختلف فنکار بھی گواہی دیں گے کہ ہم نور جہاں اور ان کی گائیکی کو بہت پسند کرتے تھے۔