Baaghi TV

Category: شوبز

  • یاسر نواز کی حکومت سے کورونا ٹیون کی جگہ سورۃ رحمٰن کی تلاوت لگانے کی اپیل

    یاسر نواز کی حکومت سے کورونا ٹیون کی جگہ سورۃ رحمٰن کی تلاوت لگانے کی اپیل

    پاکستانی اداکار ومیزبان یاسر نواز نے حکومت سے موبائل پر لگی کورونا ٹیون کو تبدیل کرکے سورہ رحمان کی تلاوت لگانے کی اپیل کر دی ہے۔

    باغی ٹی وی :اداکار یاسر نواز کا ایک اسکرین شاٹ سوشل میڈیا پر وائرل ہورہا ہے جس میں انہوں نےحکومت سے درخواست کی ہے کہ ’موبائل فون پر لگی کرونا ٹیون تبدیل کرکے سورہ رحمان کی تلاوت لگادی جائے تاکہ عوام ڈپریشن سے نکل کر تھوڑا سکون حاصل کرسکیں۔‘

    یاسر نواز کی اس پوسٹ پر ڈرامہ تجزیہ نگار اور سوشل میڈیا انفلوئینسز خاتون لُبنیٰ فریاد نے ردعمل دیتے ہوئے کہا کہ میرے دل کی بات کر دی میرے بچے نے دل خوش کردیا –

    انہوں نے کہا کہ ٹینشن سے بھری زندگی اپنے کسی پیارے سے دل ہلکا کرنے کے لیے فون کرو کرونا کا میسج پھر ٹینشن میں ڈال دتیا ہے ہم سب کو کرونا کیا ہے پتہ چل گیا ہے پلیز کرم کریں یہ رنگ ٹون ختم کردیں اللہ کا کلام سنکر واقعی دل کو سکون ملتا ہے-

    جبکہ دیگر سوشل میڈیا صارفین کی جانب سے بھی یاسر نواز کی پوسٹ کی تائید کی جا رہی ہے-

  • بھارت میں بڑھتے جنسی واقعات ادکارہ راکول پریت سنگھ پھٹ پڑیں

    بھارت میں بڑھتے جنسی واقعات ادکارہ راکول پریت سنگھ پھٹ پڑیں

    بھارتی معروف اداکارہ راکول پریت سنگھ بھارت میں بڑھتے جنسی زیادتی کے واقعات پر پھٹ پڑیں۔

    باغی ٹی وی : بھارتی میڈیا کے مطابق اخبارات میں جنسی زیادتی کے واقعات پڑھ پڑھ کر راکول پریشان ہوگئیں ہیں اور سوال اٹھایا کہ کورونا وائرس سے پھیلنے والی تباہی دیکھ کر بھی اگر لوگوں کو انسانیت کا احساس نہیں تو پھر کب ہوگا؟-

    اداکارہ نے اپنے ایک بیان میں کہا کہ میں نے حال ہی میں ریاست ہریانہ کے شہر مانیسر میں ایک جنسی زیادتی کے واقعے کے بارے میں پڑھا، مجھے اس جانب لوگوں کی توجہ مبذول کرانی ہے، ایک طرف کورونا نے پوری دنیا کو اپنی لپیٹ میں لے رکھا ہے اور دوسری جانب ایسے واقعات رونما ہو رہے ہیں۔

    راکول پریت سنگھ نے اپنے غصے کا اظہار کرتے ہوئے مزید کہا کہ جب بھی ایسے واقعات کا علم ہوتا ہے تو میرا خون کھولنے لگتا ہے، کبھی کبار تو سمجھ نہیں آتی کہ زیادتی کرنے والوں کو کیا نام دیا جائے؟ یہ کم از کم انسان تو نہیں ہوسکتے۔

  • کیا یہ اسلامی جمہوریہ پاکستان ہے ؟ تحریر: ڈاکٹر حمزہ احمد صدیقی

    کیا یہ اسلامی جمہوریہ پاکستان ہے ؟ تحریر: ڈاکٹر حمزہ احمد صدیقی

    سوشل میڈیا پر علیزے شاہ کے بعد ہانیہ عامر کی ویڈیوز واٸرل ہوٸیں۔ سوشل میڈیا صارفين کی طرف سے خاصی تنقید ہوٸی۔ متعدد سوشل میڈیا صارفین نے ان ویڈیوز اور تصاویر کو روایت کے مطابق "”Is this Islamic Republic of Pakistan?”” کے ساتھ پوسٹ کیا۔

    اس جملے پر اگر غور کریں تو معلوم ہوگا کہ یا تو تنقید پاکستان پر ہو رہی ہے یا اسلام پر یا پھر اسلام کے نام پر بنے والے ملک پاکستان پر۔

    پاکستان میں ہر شہری آزاد ہے، تو اس لحاظ سے اس طرح کی ویڈیوز اور تصاویر بنا کر شیٸر کرنے والے شہری حقوق کے لحاظ آزاد ہیں۔ یہ ویڈیوز اور تصاویر بنانا اور پوسٹ کرنا ان کا ذاتی فعل ہے، اور پاکستان کو تنقید کا نشانہ بنانا ہرگز مناسب عمل نہیں ہے۔

    ستر کی دہائی میں قومی اسمبلی میں ایک خاتون نے سوال کیا کہ مرد اگر چار شادیاں کر سکتا تو عورت کیوں نہیں؟ اس پر ردعمل دیتے ہوٸے مفتی محمود صاحب نے تاریخی جملہ کہا ”آپ کے لیے تو کوٸی رکاوٹ نہیں، رکاوٹ تو قرآن کا حکم ماننے والوں پر ہے““۔

    اس بات سے یہ تو ثابت ہوا کہ یہ سب حدیں اور رکاوٹيں صرف ان لوگوں کے لیے ہیں جو اسلام کا حکم ماننا فرض سمجھتے ہیں، اور اس کے مطابق زندگی گزارنے کو ترجيح دیتے ہیں۔ ناکہ ان لوگوں پر جو اسلام پر عمل کرنے کو بوجھ سمجھتے ہیں۔ تو اس لحاظ سے اگر تنقيد کرنے وانے والوں کا مقصد اسلام پر تنقید ہے یا اسلام کے ماننے والوں پر تنقید ہے تو یہ بھی ہرگز ہرگز مناسب نہیں ہے۔

    اسلام کے نام پر بننے والی ریاستوں کے شہریوں پر اسلام زور زبردستی سے ٹھونسا نہیں جاتا بلکہ نیکی کرنا آسان اور بدی کے لیے رکاوٹ ہوتی ہے۔ تو اگر پھر بھی کوٸی برائی اختيار کرتا ہے تو وہ اس کا ذاتی فعل ہوتا ہے جس پر ریاست کو قصوروار نہیں ٹھہرایا جاتا۔

    سوشل میڈیا پر بہت سارے پاکستانی Activist ایسے موجود ہیں جو کسی بھی ایسے اشو پر اپنی توپوں کا رُخ سیدھا پاکستان، ریاستِ مدینہ یا اسلام پر کر دیتے ہیں جوکہ نہایت غیر اخلاقی حرکت ہے۔

    صرف علیزے شاہ یا ہانیہ عامر ہی نہیں، اس سے پہلے بھی جو کوٸی بھی ایسی حرکت کرتا رہا ہے، سوشل میڈیا صارفين اس پر تنقید کے نام پر پروموٹ کرتے رہے ہیں، جس سے ان کے واٸرل ہونے کا مقصد بآسانی حاصل ہو جاتا ہے۔

    سوشل میڈیا ایکٹیوسٹس کو یہ بات سمجھنے کی ضرورت ہے کہ ہر کوٸی اس قابل نہیں ہوتا کہ آپ اس کو اہمیت دیں۔ خاص طور پر وہ لوگ اخلاق باختہ حرکات کر کے ”ہٹ“ ہونے کی کاوشیں کرتے ہیں۔ سوشل میڈیا پر ایکٹیوسٹس ایک بہت اچھا مقصد لے کر چل رہے ہیں، اور پاکستان کا مثبت چہرہ دنیا کو دکھا رہے ہیں اور انہیں اسی پر کاربند رہنا چاہیے۔
    خدا ہم سب کا حامی و ناصر ہو۔

  • پاکستانی فنکاروں سمیت”کورولوش عثمان” کی بالا خاتون بھی گھوٹکی ٹرین حادثے پر غمزدہ

    پاکستانی فنکاروں سمیت”کورولوش عثمان” کی بالا خاتون بھی گھوٹکی ٹرین حادثے پر غمزدہ

    دہڑکی ٹرین حادثے کے افسوسناک واقعہ پر پاکستانی اور ترک فنکاروں نے افسوس کا اظہار کیا ہے –

    باغی ٹی وی : گزشتہ روز گھوٹکی کے قریب ریتی اور ڈھرکی ریلوے اسٹیشنز کے درمیان کراچی سے سرگودھا جانے والی ملت ایکسپریس جب کہ راولپنڈی سے کراچی آنے والی سرسید ایکسپریس کے درمیان تصادم ہوگیا تھا جس کے نتیجے میں 62 افراد جاں بحق اور 100 سے زائد افراد زخمی ہوگئے۔

    اس افسوناک واقعہ پر پاکستانی اور ترک فنکاروں نے غم کا اظہار کیا ہے اور حکومت سے حادثے کی مکمل تفتیش کی درخواست کی ہے –

    ترک ڈراما سیریل ’’کورولوش عثمان‘‘ میں بالا خاتون کا مرکزی کردار ادا کرنے والی ترک اداکارہ اوزگے تورر نے مذکورہ مشہور ترک سیریز کے مصنف اور پروڈیوسر مہمت بزداگ کی جانب سے اظہارِ افسوس کے لیے کی گئی پوسٹ کو اپنی انسٹااسٹوری پر شیئر کیا ہے۔

    اردو میں لکھا گیا پیغام شئیر کیا کہ ’دوست اور برادر ملک پاکستان میں ٹرین کے حادثے کی خبر بڑے دکھ کے ساتھ سنی ہے۔

    پیغام میں لکھا تھا کہ حادثے میں اپنی زندگیوں سے ہاتھ دھونے والے اپنے بھائیوں کی اللہ تعالیٰ سے مغفرت اور زخمی ہونے والے افراد کے لیےاللہ تعالیٰ سے فوری شفا کی دعا کرتے ہیں۔‘

    علاوہ ازیں اداکار ہمایوں سعید، عدنان صدیقی، فیصل قریشی، ہانیہ عامر، ماہرہ خان، کبریٰ خان، مہوش حیات اور عاصم اظہر سمیت متعدد پاکستانی فنکاروں نے ٹرین حادثے پر افسوس کا اظہار کیا۔


    عدنان صدیقی نے کہا وہ اس خبر کو سن کر صدمے کی کیفیت میں ہیں اس سانحے میں اپنے پیاروں کو کھونے والے متاثرین کے لواحقین کے لئے میری دعائیں۔


    ماہرہ خان نے لکھا کہ گھوٹکی میں ٹرین حادثے سے متعلق خوفناک خبر۔ اس سے متاثرہ افراد کے لئے دعائیں اور تعزیت دعا کریں اور اس واقعے کی تحقیقات کی درخواست کریں۔ اور میں امید کرتی ہوں کہ اس کے مطابق درست فیصلے کیے جائیں۔


    ہمایوں سعید نے کہا کہ گھوٹکی میں ٹرین کے المناک حادثے کے بارے میں سن کر انتہائی افسوس ہوا۔ اللہ پاک مرحوم کی روحوں کو سلامت رکھے اور ان کے اہل خانہ کو یہ نقصان برداشت کرنے کی توفیق عطا فرمائے۔ مسافروں کی حفاظت اور فلاح و بہبود کو یقینی بنانے کے لئے جلد کارروائی کی توقع ہے-


    فیصل قریشی نے لکھا کہ ٹرین کے حادثے کی تباہ کن خبرسے بہت افسردہ ہوں بہت سے معصوم جانیں ضائع اور زخمی ہوئیں۔ انہوں ذمہ دارانوں کو سبق سکھانے کا مطالبہ کیا-


    کبریٰ خان نے لکھا کہ دہڑکی میں دل دہلانے والے ٹرین ایکسیڈنٹ میں اپنے تمام پیاروں کو کھونے والے تمام لوگوں کو بہت ساری دعائیں اللہ تعالٰی آپ میں سے ہر ایک کو اس بڑے نقصان سے نمٹنے کی توفیق عطا فرمائے۔


    مہوش حیات نے بھی افسوس کا اظہار کرتے ہوئے حادثے کی تحقیقات کرنے اور ذمہ داران کو سزا دینے کا مطالبہ کیا-

    آخر ہماری ٹرینز کب ٹریک پر چلیں گی ؟

  • آخر ہماری ٹرینز کب ٹریک پر چلیں گی ؟

    آخر ہماری ٹرینز کب ٹریک پر چلیں گی ؟

    پاکستان شوبز انڈسٹری کے نامور اداکار و میزبان یاسر حسین نے ٹرینز حادثے پر خاموشی پر شوبز فنکاروں کو آڑے ہاتھوں لے لیا-

    باغی ٹی وی : یاسر حسین نے انسٹاگرام پر خصوصی اسٹوری میں ٹرین حادثے کی ایک تصویر شئیر کی اور لکھا کہ فنکاروں کی لڑائیوں میں یہ لوگ جو ٹرین حادثے میں اللہ کو پیارے ہو گئے ہیں ان کے بارے میں کوئی بات ہی نہیں کر رہا-

    یاسر حسین نے ٹرین حادثے پر شدید غم کااظہار کرتے ہوئے سوال کیا کہ آخر ہماری ٹرینز ٹریک پر کب چلیں گی؟

    واضح رہے کہ گزشتہ دو دنوں سے سوشل میڈیا پر عاصم اظہر اور ہانیہ اور بشری انصاری اور جنت مرزا کا تنازع زیر بحث ہے صارفین سمیت فنکار انہیں معاملوں پر بحث و مباحث میں مصروف ہیں-

    جبکہ دوسری جانب ضلع گھوٹکی کے شہر ڈہرکی کے قریب گزشتہ روز پیش آنے والے ٹرین حادثے میں جاں بحق افراد کی تعداد 62 ہو چکی ہے، جبکہ سو سے زیادہ زخمی ہوئے ہیں-

    کراچی اور کوئٹہ سے لاہور آنے والی متعدد ٹرینیں گھنٹوں تاخیر کا شکار، مسافروں کو شدید مشکلات کا سامنا

    ڈہرکی ٹرین حادثہ: 3 گھنٹے تک ٹریک بحال کر دیا جائے گا ریلوے حکام

    دہڑکی ٹرین حادثہ: ریسکیو آپریشن مکمل ، ٹرینیں بحال

  • جنت مرزا نے بشریٰ انصاری سے معافی مانگ لی

    جنت مرزا نے بشریٰ انصاری سے معافی مانگ لی

    ٹک ٹاک اسٹار جنت مرزا نے سینئر اداکارہ بشریٰ انصاری کے وضاحتی بیان پر ان سے معافی مانگ لی –

    باغی ٹی وی : بشریٰ انصاری نے جنت مرزا سے متعلق بیان پر وضاحتی پوسٹ شئیر کی تھی سینئر اداکار نے انسٹاگرام پر لکھا تھا کہ میں نے صرف ایک پوسٹ دیکھی اور اس میں اقلیتوں کے یوں جذبات مجروح ہونے پر اپنے غصے کو قابو میں نہ رکھ سکی۔

    بشریٰ انصاری نے وضاحتی بیان میں کہا کہ بغیر یہ جانے کہ یہ جنت مرزا کی غیر ارادی طور پر کی گئی غلطی ہے جس کی وہ معافی مانگ چکی ہیں میں نے پوسٹ شیئر کردی لیکن بعد میں جب مجھے اس معاملے کا علم ہوا تو میں نے انسٹاگرام سے وہ پوسٹ ڈیلیٹ کردی۔

    بشریٰ انصاری کی جنت مرزا سے متعلق بیان پر وضاحت

    بشریٰ انصاری نے مزید کہا کہ میں نہیں جانتی تھی جنت مرزا کون ہے، میں یہاں کسی کو اسلام نہیں سکھا رہی بلکہ اب ہمیں انسان بننا پڑے گا اور انسانیت کی عزت کرنا ہوگی۔

    لیجنڈری اداکارہ نے کہا کہ بچوں کو اپنے بڑوں کی عزت کرنی چاہیے پھر چاہے وہ آپ کو آپ کی غلطیوں پر ڈانٹ ہی کیوں نہ رہے ہوں۔

    تاہم اب جنت مرزا نے بشریٰ انصاری کے وضاحتی بیان پر کمنٹ کرتے ہوئے کہا کہ میں آپ سے معذرت خواہ ہوں مگر آپ کے الفاظ میرے لئے اور میری فیملی کیلئے انتہائی سخت تھے۔

    انہوں نے کہا کہ میں کسی سے بھی جھگڑا کرنا نہیں چاہتی تھی ، لیکن بات جب میرے گھر والوں پر آگئی تو میں نے جواب دینا مناسب سمجھا۔

    جنت مرزا نے بشریٰ انصاری کے الفاظ دہراتے ہوئے لکھا کہ آپ کے ان الفاظ نے مجھے اشتعال دلایا۔

    ٹک ٹاکر نے لکھا کہ بے شک ہمیں اپنے بڑوں کا احترام کرنا چاہئے لیکن بڑوں کو بھی چھوٹوں کو شفقت سے سمجھانا چاہیے۔

    جنت مرزا نے کہا کہ آپ پیار سے سمجھاتیں تو میں ہزار مرتبہ معذرت کرلیتی سب کے سامنے کیونکہ میں کسی کی بھی دل آزاری کرنا نہیں چاہتی-

    آخر میں جنت مرزا نے لکھا کہ کوئی شک نہیں کہ آپ پاکستان کی لیجنڈ ہیں، لیکن آپ کو معاملے کو سوچ سمجھ کر بات کرنی چاہیے۔

    بشریٰ انصاری نے نمبر ون ٹاک ٹاکر جنت مرزا کو جاہل کیوں قرار دیا؟

    بشریٰ انصاری کے تبصرے پر جنت مرزا کا سخت رد عمل

  • فرہاد ہمایوں کی وفات پر شوبز فنکارغمزدہ

    فرہاد ہمایوں کی وفات پر شوبز فنکارغمزدہ

    میزک بینڈ اوور لوڈڈ کے بانی فرہاد ہمایوں کی اچانک موت کی خبر سے شوبز فنکار وں میں غم کی لہر دوڑ گئی-

    باغی ٹی وی : آج صبح بینڈ کی جانب سے جاری سوشل میڈیا پوسٹ میں بتایا گیا کہ فرہاد ہمایوں اب ہم میں نہیں رہے پوسٹ میں بتایا گیا تھا کہ حیرت انگیز فرہاد ہمایوں نے بےشمار چیلنجوں کا مقابلہ کرتے ہوئے کبھی اقدار میں کوئی سمجھوتہ نہیں کیا، وہ روحانی اور فنی دونوں لحاظ سے بہت آگے تھے۔

    پوسٹ میں مداحوں، فیملی اور دوستوں سے ان کی مغفرت کی دعا کی اپیل کی گئی تھی-

    نوجوان موسیقار کی وفات کی خبر کے بعد فنکار سوشل میڈیا پر پیغامات کے ذریعے غم کا اظہار کرتے ہوئے فرہاد کو خراج عقیدت پیش کررہے ہیں۔


    ٹیلی ویژن کے سینئیر اداکار عدنان صدیقی نے اپنےٹوئٹر پیغام میں لکھا کہ ’فرہاد ہمایوں کی موت کی خبر نے غمزدہ کردیا ہے، ایک باصلاحیت نوجوان قسمت کے ہاتھوں اپنی زندگی کی بازی ہار گیا زندگی بہت نازک ہے، اللہ فرہاد کو جنت الفردوس میں اعلیٰ مقام عطا فرمائے۔


    پاکستان کے نامور گلوکار اور جنون بینڈ کے بانی سلمان احمد نے فرہاد ہمایوں کے انتقال پر گہرے رنج کا اظہار کرتے ہوئے کہا کہ نوید اور شہزاد ہمایوں کا بیٹا اب ہم میں نہیں رہا، بلاشبہ وہ ایک باصلاحیت کمپوزر تھے۔


    فیصل قریشی نے اپنے ٹوئٹ میں غم کا اطہار کرتے ہوئے لکھا کہ میرا عزیز میرا دوست بہت جلد چلا گیا-


    اعجاز اسلم نے بھی فرہاد ہمایوں کی موت پر غم کا اظہار کرتے ہوئے دعا کی کہ اللہ انہیں جنت میں اعلیٰ مقام عطا فرمائے-

    گلوکارہ میشا شفیع، ساتھی موسیقار فرہاد ہمایوں کی اچانک موت پر غم کا اظہار کیا

    میشا نے ٹوئٹر پر فرہاد ہمایوں کے ساتھ اپنے گانے ‘میلا کریے‘ کی ویڈیو شیئر کرتے ہوئے بتایا کہ ان کا میوزک کریئر بینڈ ’اوورلوڈ‘ کے ساتھ شروع ہوا۔


    میشا شفیع نے لکھا کہ بعض اوقات فرہاد ہمایوں کے ساتھ تنازعات کے باجود اچھا میوزک بنانے میں کامیاب رہی ابھی وہ صرف ہمایوں کے ساتھ گزارے اچھے وقت کو یاد کر رہی ہیں۔

    میشا نے فرہاد ہمایوں کی یاد میں ان کے ساتھ ترتیب دیا ہوا اپنا گانا بھی شیئر کیا۔

    اداکار یاسر حسین نے انسٹاگرام پر خصوصی اسٹوری میں فرہاد کی اچانک موت پر غم کا اظہار کیا-

    واضح رہے کہ پاکستان میوزک انڈسٹری کے نامور موسیقار اور کوک اسٹوڈیو میں ڈرمر کے فرائض سرانجام دینے والے فرہاد ہمایوں انتقال کرگئے ہیں-

    پاکستانی میوزک بینڈ اوور لوڈ کے بانی فرہاد ہمایوں انتقال کرگئے

  • کنول آفتاب اور ذوالقرنین نے اپنی عمروں سے متعلق مداحوں کی غلط فہمیاں دور کردیں

    کنول آفتاب اور ذوالقرنین نے اپنی عمروں سے متعلق مداحوں کی غلط فہمیاں دور کردیں

    پاکستانی ٹک ٹاکرز کی معروف ترین جوڑی کنول آفتاب اور ذوالقرنین کی انسٹاگرام پر لائیو سیشن میں مداحوں کے ساتھ دلچسپ گفتگو سوشل میڈیا پر وائرل ہو رہی ہے-

    باغی ٹی وی : رواں سال اپریل میں پاکستان کی ٹک ٹاکر اور میزبان کنول آفتاب اور اُن کے قریبی دوست ذوالقرنین نے شادی کر لی تھی دونوں کی عمروں سے متعلق ان کے مداحوں سمیت سوشل میڈیا صارفین میں بھی کافی غلط فہمیاں پائی جاتی تھیں کہ کنول آفتاب عمر میں ذوالقرنین سے بڑی ہیں۔

    کنول آفتاب اور ذوالقرنین کے مداح یہ جاننا چاہتے تھے کہ ان کی عمروں میں کتنا فرق ہے اور کون عمر میں بڑا اور کون چھوٹا ہے تاہم اب جوڑی نے نے اپنی عمروں سے متعلق مداحوں میں پائی جانے والی تمام غلط فہمیاں دور کر دی ہیں۔

    حال ہی میں کنول آفتاب اور ذوالقرنین کی جانب سے آن کیمرہ ’Ask me a question‘ سیشن کے دوران اپنے مداحوں کے دلچسپ سوالات کے جوابات دیئے گئے ہیں ۔

    اس دوران ذوالقرنین نے ایک مداح کا سوال پڑھتے ہوئے جواب دیا کہ کنول آفتاب اُن سے عمر میں سے دو سے ڈھائی سال چھوٹی ہیں، کنول آفتاب کی جانب سے کہا گیا کہ وہ کم از کم دو سال چھوٹی ہیں ذوالقرنین سے۔

    ایک اور سوال کا جواب دیتے ہوئے کنول آفتاب اور ذوالقرنین نکاح سے قبل ہم دونوں میں کافی لڑائیاں ہوا کرتی تھیں مگر اب ایسا نہیں ہے، نکاح کے بعد اُن کی لڑائیوں میں واضح کمی آئی ہے۔

    ایک سوال کے جواب میں کنول آفتاب کا کہنا تھا کہ نکاح کے بعد اُن کی زندگی بدل گئی ہے اور پہلے سے خوبصورت ہو گئی ہے کیوں کہ اُنہیں ذوالقرنین مل گیا ہے۔

    ایک اور سوال رخصتی کے جواب میں ذوالقرنین نے بتایا کہ جب کوویڈ کے حالات بہتر ہو جائیں گے تو تب ہم رخصتی کریں گے انشاءاللہ-

    ایک سوال کے جواب میں کنول آفتاب نے بتایا کہ ان کے پہلے بیٹے کا نام آیان ہو گا جبکہ ذوالقرنین نے بتایا کہ انہیں حسنین نام پسند ہے کیونکہ ان کے والد پہلے ان کانام حسنین رکھنا چاہتے تھے-

  • ایچ بی ایل پی ایس ایل اور ٹک ٹاک کے درمیان پارٹنرشپ

    ایچ بی ایل پی ایس ایل اور ٹک ٹاک کے درمیان پارٹنرشپ

    ابوظہبی: ایچ بی ایل پی ایس ایل اور ٹک ٹاک کے درمیان پارٹنرشپ کا معاہدہ طے پا گیا ہے-

    باغی ٹی وی : تفصیلات کے مطابق ایچ بی ایل پاکستان سپر لیگ 6 اور ٹک ٹاک کے درمیان شراکت داری کا معاہدہ طے پاگیاہے۔اس شراکت داری کے تحت ایچ بی ایل پی ایس ایل 6 کے مداح سوشل میڈیا کی ایپ ٹک ٹاک کے ذریعے ایسا کنٹنٹ تیار کرسکیں گے جسے دنیا بھر میں دیکھاجاسکے گا۔

    ایچ بی ایل پی ایس ایل کے بقیہ 20 میچز شیخ زید کرکٹ اسٹیڈیم ابوظہبی میں کھیلے جائیں گے۔ نئے شیڈول کے مطابق ایونٹ کا مجموعی طور پر 15واں میچ 9 جون کو لاہور قلندرز اور اسلام آباد یونائیٹڈ کے مابین کھیلا جائے گا جبکہ ٹورنامنٹ کا 34واں میچ اور فائنل 24 جون کو ہوگا۔

    اس سے قبل ٹورنامنٹ کے بقیہ 20 میچز کے ابتدائی شیڈول میں 2 ڈبل ہیڈرز شامل تھے تاہم کھلاڑیوں کی سہولت اور ان کے ورک لوڈ کے پیش نظر ابتدائی شیڈول میں مزید ایک ڈبل ہیڈر کا اضافہ کیا گیا ہے۔

    اس شراکت داری کے تحت ایچ بی ایل پی ایس ایل ٹک ٹاک کے ساتھ مل کر مذکورہ سوشل میڈیا ایپ کے لیے بی اسپوک کنٹنٹ تیار کرے گا اس پلیٹ فارم کے ذریعے پی سی بی کا پاکستان سمیت دنیا بھر میں موجود اپنے مداحوں کے تعلق مزید مضبوط ہوگا۔

    اس سے قبل ایچ بی ایل پی ایس ایل 6 کا ترانہ گروو میراکو ٹک ٹاک پر خوب پذیرائی ملی تھی،اس ترانے کو اب تک 1.7 بلین ویووز مل چکے ہیں۔

    بابرحامد، ڈائریکٹر کمرشل پی سی بی اور سربراہ پی ایس ایل کا کہنا ہے کہ پی سی بی اور ایچ بی ایل پی ایس ایل ہمیشہ نئے مواقع کی تلاش میں رہتے ہیں تاکہ کرکٹ فینز کو کھیل سے جوڑا رکھا جائے ۔

    انہوں نے کہا کہ ٹک ٹاک پاکستان سمیت دنیا بھر کے نوجوانوں میں تیزی سے مقبول ہونے والی سوشل میڈیا ایپ ہے، جس کے ساتھ شراکت داری سے پاکستان کرکٹ بورڈ اور ایچ بی ایل پاکستان سپر لیگ کے فینز کی تعداد میں اضافہ ہوگا، گروو میرا کی ٹک ٹاک پر پذیرائی سے اس ایپ پر ایچ بی ایل پی ایس ایل کی مقبولیت کا اندازہ لگایا جاسکتا ہے۔

  • بشریٰ انصاری کی جنت مرزا سے متعلق بیان پر وضاحت

    بشریٰ انصاری کی جنت مرزا سے متعلق بیان پر وضاحت

    اداکارہ بشریٰ انصاری نے ٹک ٹاکر جنت مرزا کیلئے سخت الفاظ پر وضاحتی بیان شئیر کیاہے-

    باغی ٹی وی : پاکستان شوبز انڈسٹری کی سینئر اور لیجنڈری اداکارہ بشریٰ انصاری نے اپنے تصدیق شدہ انسٹاگرام اکاؤنٹ پر جاری اپنی حالیہ پوسٹ میں جنت مرزا سے متعلق بیان کی وضاحت دیتے ہوئے کہا کہ افسوس اس تمام معاملے کیلئے جو کچھ ہوا –

    انہوں نے کہا کہ میں نے صرف ایک پوسٹ دیکھی اور اس میں اقلیتوں کے یوں جذبات مجروح ہونے پر اپنے غصے کو قابو میں نہ رکھ سکی۔

    بشریٰ انصاری نے وضاحتی بیان میں کہا کہ بغیر یہ جانے کہ یہ جنت مرزا کی غیر ارادی طور پر کی گئی غلطی ہے جس کی وہ معافی مانگ چکی ہیں میں نے پوسٹ شیئر کردی لیکن بعد میں جب مجھے اس معاملے کا علم ہوا تو میں نے انسٹاگرام سے وہ پوسٹ ڈیلیٹ کردی۔

    بشریٰ انصاری نے مزید کہا کہ میں نہیں جانتی تھی جنت مرزا کون ہے، میں یہاں کسی کو اسلام نہیں سکھا رہی بلکہ اب ہمیں انسان بننا پڑے گا اور انسانیت کی عزت کرنا ہوگی۔

    لیجنڈری اداکارہ نے کہا کہ بچوں کو اپنے بڑوں کی عزت کرنی چاہیے پھر چاہے وہ آپ کو آپ کی غلطیوں پر ڈانٹ ہی کیوں نہ رہے ہوں۔

    واضح رہے کہ دو روز قبل نت مرزا کی کچھ دن قبل ایک مختصر ویڈیو وائرل ہوئی تھی، جس میں انہیں مسیحیوں کی مذہبی علامت ’صلیب‘ کی طرز پر بنا ایک لاکٹ پہن رکھا تھا، جس پر بعد ازاں مسیحی افراد نے ان کے خلاف ذہبی جذبات مجروح کرنے کی درخوست بھی دی تھی۔

    مسیحی افراد کی جانب سے جذبات مجروح کرنے کے الزامات لگائے جانے کے بعد جنت مرزا نے مذکورہ واقعے پر معافی بھی مانگی تھی

    تاہم بعد ازاں سینیئر اداکارہ بشریٰ انصاری نے ٹک ٹاکر کو تنقید کا نشانہ بناتے ہوئے ان کے لیے کہا تھا کہ انہیں نہ تو اسلام کا پتہ ہے اور نہ ہی دیگر مذاہب کا علم ہے ساتھ ہی ٹک ٹاکر کو ’جاہل‘ بھی قرار دیا تھا، بعد ازاں بشریٰ انصاری نے اپنی پوسٹ ڈیلیٹ کردی تھی۔

    جس کے بعد ٹک ٹاکر جنت مرزا سمیت ان کی بہن ٹک ٹاکر علیشبہ انجم اور جنت مرزا کے منگیتر اور ٹک ٹاکر عمر بٹ نے نامناسب الفاظ استعمال کرتے ہوئے سینئیر اداکارہ پر سخت الفاظ میں تنقید کی تھی-

    بشریٰ انصاری نے نمبر ون ٹاک ٹاکر جنت مرزا کو جاہل کیوں قرار دیا؟

    بشریٰ انصاری کے تبصرے پر جنت مرزا کا سخت رد عمل