Baaghi TV

Category: شوبز

  • بھارت میں پاکستانی ڈرامے”تیرے بن” کا ریمیک بنانے کا منصوبہ

    بھارت میں پاکستانی ڈرامے”تیرے بن” کا ریمیک بنانے کا منصوبہ

    لاہور: پاکستان کے مقبول ترین ڈرامہ سیریل’ تیرے بن‘ کا ریمیک بھارت میں بنائے جانے کا امکان ہے۔

    باغی ٹی وی: بھارت میں شہرت پانے والے ڈراموں میں وہاج علی اور یمنیٰ زیدی کا ڈرامہ سیریل ‘تیرے بن’ بھی شامل ہے جوکہ پاکستان سمیت بھارت، بنگلادیش اور دیگر ممالک میں بھی بےحد پسند کیا گیا تھا، اس ڈرامے کے بعد سے بھارت میں وہاج علی اور یمنیٰ زیدی کے مداحوں کی تعداد بہت بڑھ گئی ہے۔

    بھارتی میڈیا رپورٹ کے مطابق پاکستانی ٹی وی چینل جیو انٹرٹینمنٹ کے ڈرامہ سیریل تیرے بن کی مقبولیت کو مد نظر رکھتے ہوئے بھارت کی ٹیلی ویژن کوئین سمجھی جانے والی اداکارہ ایکتا کپور تیرے بن کا ریمیک بنانے کی منصوبہ بندی کررہی ہیں۔

    جیکولین کی رہائشی عمارت میں آگ لگ گئی

    بھارتی میڈیا پر دعویٰ کیا جارہا ہے کہ ایکتا کپور نے مقبول پاکستانی ڈرامے تیرے بن کے ریمیک کی تیاری کیلئے کلرز ٹی وی کے ساتھ شراکت داری کرلی ہے،تیرے بن کے بھارت میں ریمیک کے حوالے سے یہاں تک کہا جارہا ہے کہ مبینہ طور پر ایکتا نے اس پروجیکٹ کے لیے اداکارہ کنیکا مان اور عائشہ سنگھ کو بھی شارٹ لسٹ کرلیا ہے، ایکتا کپور ریمیک ڈرامے کا عنوان بھی ‘تیرے بن’ ہی رکھیں گی ڈرامہ سیریل تیرے بن کا ریمیک بھارت میں جولائی 2024 تک لائیو ہونے کا امکان ہے۔

    معروف پاکستانی گلوکار امجد پرویز انتقال کر گئے

    دوسری جانب بھارتی میڈیا رپورٹس کے دعوے پر متعدد شائقین نے ناراضی کا اظہار کرتے ہوئے ایکتا کے فیصلے کو غلط قرار دیا، شائقین کا ماننا ہے کہ تیرے بن کی مقبولیت کی وجہ پاکستانی اداکار اور ان کے درمیان پائی جانے والی انڈر اسٹینڈنگ ہے، ایکتا وہ کردار کہاں سے لائیں گی؟۔

    بھارت کے لیجنڈری گلوکار پنکج ادھاس چل بسے

    واضح رہے کہ گزشتہ کچھ سالوں سے پاکستانی ڈرامے بھارت میں ایک خاص شہرت حاصل کررہے ہیں، اب بھارتی اداکار اور پروڈیوسرز بھی پاکستانی ڈراموں کی تعریفیں کرتے نظر آتے ہیں، چند بھارتی اداکاراؤں نے تو پاکستانی ڈراموں میں کام کرنے کی خواہش بھی ظاہر کی ہے۔

  • جیکولین کی رہائشی عمارت میں آگ لگ گئی

    جیکولین کی رہائشی عمارت میں آگ لگ گئی

    ممبئی: بالی ووڈ اداکارہ جیکولین فرنینڈس کی رہائشی عمارت میں آگ لگ گئی-

    باغی ٹی وی : بھارتی میڈیا کے مطابق ممبئی کے علاقے باندرہ ویسٹ میں پالی ہل میں واقع ناروج ہل میں بالی ووڈ اداکارہ جیکولین فرنینڈس کی رہائشی عمارت کی 17ویں منزل پر آگ لگ گئی، تاہم کسی کے زخمی ہونے کی اطلاع نہیں ہے۔

    اس موقع پر آگ بجھانے والا عملہ اپنی گاڑیوں اور مشینوں کے ساتھ پہنچا، مقامی لوگوں کے مطابق آگ اصل میں تیرہویں منزل کے ایک کچن میں لگی تھی، جیکولین فرنینڈس اس بلڈنگ کے ایک فائیو بی ایچ کی پرتعیش رہائش گاہ میں مقیم ہیں، آگ شام آٹھ بجے لگی، جس پر قابو پالیا گیا۔

  • مجھے ساتویں کلاس میں جنسی زیادتی کا نشانہ بنایا گیا تھا،عدیل ہاشمی

    مجھے ساتویں کلاس میں جنسی زیادتی کا نشانہ بنایا گیا تھا،عدیل ہاشمی

    پاکستانی اداکار عدیل ہاشمی نے طالب علمی کے دنوں میں جنسی استحصال کا نشانہ بنائے جانے کا انکشاف کیا ہے

    اداکار عدیل ہاشمی نے حال ہی میں ماہر بیوٹیشن مسرت مصباح کےڈیجیٹل انٹرویو میں شرکت کی،اس دوران میزبان نے عدیل ہاشمی سے انکی زندگی کے بارے میں کافی سوالات کئے، عدیل ہاشمی نے سب کے جواب دیئے،میزبان مسرت مصباح نے عدیل ہاشمی سے سوال کیا کہ آپ کو اپنے بچپن کا کوئی ایسا واقعہ یاد ہے جس کے حوالے سے آپ سمجھتے ہوں کہ یہ آ پ کے ساتھ زیادتی ہوئی تھی؟

    اداکار عدیل ہاشمی نے میزبان کو سوال کا جواب دیتے ہوئے کہا کہ میرے ماضی میں اتنے دلخراش واقعات ہیں کہ کیا بتاؤں، چہرے پر سجی یہ مسکراہٹ بناوٹی ہے نہ جانے کتنے سمندر پار کرکے آرہی ہے،80 کی دہائی کی بات ہے جب میں پبلک اسکول میں ساتویں جماعت میں پڑھتا تھا، اس وقت مجھے جنسی استحصال کا نشانہ بنایا گیایہ وہ وقت تھا جب جنسی استحصال کے بارے میں لوگ جانتے بھی نہیں تھے،میری کلاس میں 8 سے 10 ایسے لڑکے تھے جو کئی سال سے فیل ہورہے تھے، ان لڑکوں کا گروپ مجھے تنگ کرتا تھا، وہ بچے ہم سے کئی سال بڑے تھے، وہ مجھے چھوٹا سمجھ کر bully کرتے تھے، اسی دوران مجھے ساتویں کلاس میں جنسی زیادتی کا نشانہ بنایا گیا میں اس وقت اپنے بھائی والد کو بھی نہیں بتاتا تھا مجھے لگتا تھا اگر ٹیچر کو بتاؤں گا تو یہ لوگ مجھے اور تنگ کریں گے

    عدیل ہاشمی کا کہنا تھا کہ ایسا صرف ایک بار نہیں بلکہ یہ سلسلہ سالوں تک چلا آرہا تھا، اب بھی اگر مجھ سے کوئی بچپن کا ذکر کرے تو میں کان پکڑ کر سوچتا ہوں کہ اچھا ہوا اللہ کا شکر میرا بچپن ختم ہوگیا، میں اپنے بچن میں واپس بھی نہیں جانا چاہتا.

    حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

    سابق رکن اسمبلی کے بیٹے کے ہاتھوں خاتون کی عصمت دری،بنائیں فحش ویڈیو

    مساج سنٹر کی آڑ میں فحاشی کا اڈہ،پولیس ان ایکشن، 6 لڑکیاں اور 7لڑکے رنگے ہاتھوں گرفتار

    شہ آور چیز کھلا کر لڑکی سے زبردستی زیادتی کرنے والا ملزم گرفتار

    امیرلڑکے سے شادی کا انکار کیا تو گھر میں بند کر دیا گیا،25 سالہ لڑکی کی تحفظ کی اپیل

    یونیورسٹی میں فحش ویڈیوز اور مبینہ نشے کی فروخت،عدالت میں درخواست دائر

    کالج کی طالبات نے ساتھی طالبات کی واش روم میں فحش ویڈیو بنا کر وائرل کردیں

    محکمہ صحت لاہور کا کمال،سیمینار کے دوران فحش ویڈیو چل گئی

  • معروف پاکستانی گلوکار امجد پرویز انتقال کر گئے

    معروف پاکستانی گلوکار امجد پرویز انتقال کر گئے

    معروف پاکستانی گلوکار امجد پرویز انتقال کر گئے۔

    باغی ٹی وی : اہل خانہ کے مطابق ڈاکٹر امجد پرویز گردوں کے مریض اور ایک ماہ سے بیمار تھے، ان کی عمر 79 سال تھی،امجد پرویز کی نماز جنازہ پیر 4 مارچ بعد نماز ظہر مین بلیوارڈ مسجد شادمان لاہور میں ادا کی جائے گی۔

    وزیراعلیٰ پنجاب مریم نوازشریف نے گلوکار امجد پرویز کے انتقال پر اظہار تعزیت کا اظہار کیا ہے،مریم نواز نے کہا کہ امجد پرویز کی فن موسیقی میں خدمات کو یاد رکھا جائے گا۔

    ڈاکٹر امجد پرویز پیشے کے اعتبار سے انجینئر تھے، انہوں نے کئی اردو اور انگریزی تصانیف بھی لکھیں، انہوں نے اپنے فنی سفر کا آغاز 1954 میں ریڈیو پاکستان کے پروگرام ”ہونہار“ میں بطور چائلڈ آرٹسٹ شرکت سے کیا اور زندگی بھر ریڈیو پاکستان کے ساتھ منسلک رہے۔

    تعلیمی ترقی ضامن معاشی ترقی

    ڈاکٹر امجد پرویز نے شام چوراسی گھرانے کے استاد نزاکت علی خان سے باقاعدہ کلاسیکل موسیقی کی تربیت حاصل کی،70 کی دہائی میں ریڈیو پاکستان لاہور مرکز سے ڈاکٹرامجد پرویز کی گائی سو سے زائد غزلیں اور گیت نشر ہوئے،امجد پرویز نے موسیقی سمیت دیگر موضوعات پر بھی اردو اور انگریزی زبان میں کئی کتابیں لکھیں اور طویل عرصہ ایک قومی اخبار سے بطور کالم نگار بھی منسلک رہے،ڈاکٹر امجد کو 1977 میں بہترین ٹیکنیکل پیپر لکھنے پر صدارتی گولڈ میڈل، سن 2000ء میں صدارتی تمغہ برائے حسن کارکردگی اور 2009 میں ڈاکٹر اے کیو خان لائف ٹائم اچیومنٹ ایوارڈ سے نوازا گیا۔

    نامورادیبہ،شاعرہ،عالمہ ، ڈرامہ رائٹر، براڈ کاسٹر اور ریڈیو کمپیئر افروز رضوی

  • بھارت کے لیجنڈری گلوکار پنکج ادھاس چل بسے

    بھارت کے لیجنڈری گلوکار پنکج ادھاس چل بسے

    ممبئی: بھارت کے لیجنڈری گلوکار پنکج ادھاس 72 سال کی عمر میں چل بسے۔

    باغی ٹی وی : بھارتی میڈیا کے مطابق پنکج ادھاس بیماری کی وجہ سے ممبئی کے ریچ کینڈی اسپتال میں زیرعلاج تھے،ان کی کی عمر 72سال تھی، پنکج ادھاس کی بیٹی نے والد پنکج ادھاس کی موت کی تصدیق کرتے ہوئے کہا کہ وہ کافی عرصہ سے علیل تھے اور ان کا علاج چل رہا تھا تاہم آج وہ دنیا سے رخصت ہو گئے ہیں۔

    پنکج ادھاس کی گائی ہوئی غزلوں کے ساتھ ساتھ ان کے پوپ گانے بھی مشہور ہوئے،پنکج ادھاس نے اپنی غزلوں کو 80 اور 90 کی دہائی میں میوزک ویڈیوز کے ساتھ پیش کرکےنوجوان نسل میں مقبولیت حاصل کی، پنکج ادھاس نے فلموں کے لیے بھی گلوکاری کی ان کے مشہور گانوں میں چھٹی آئی ہے ، چاندی جیسا رنگ ہے تیرا ور دیگر شامل ہیں پنکج ادھاس کو 2006 میں بھارتی حکومت نے پدما شری ایوارڈ سے نوازا تھا۔

    بھارتی ریڈیو کے مشہور صدا کار امین سیانی 91 سال کی عمر میں …

    ویرات کوہلی اور انوشکا کے ہاں بیٹے کی پیدائش

    د پیکا اور رنویر سنگھ کے ہاں شادی کے 5 سال بعد …

  • معروف سرائیکی گلوکار ذیشان روکھڑی گرفتار

    معروف سرائیکی گلوکار ذیشان روکھڑی گرفتار

    معروف سرائیکی گلوکار ذیشان روکھڑی مہندی کی تقریب کے دوران وزیر آباد پولیس نےگرفتارکرلیا

    معروف سرائیکی گلوکار ذیشان روکھڑی کو پولیس نے گرفتار کر لیا ہے، گلوکار کو بغیر اجازت پروگرام کرنے کے الزام میں گرفتار کیا گیا ہے۔

    مقامی طور پر مقبول ہونے والے گلوکار ذیشان روکھڑی نے اس وقت سب کی توجہ حاصل کی جب ان کی گرفتاری کی خبر سوشل میڈیا پر وائرل ہو گئی، گلوکار کو پولیس نے وزیر آباد میں بغیر اجازت تقریب منعقد کرنے پر گرفتار کیا گیا۔

    ذرائع کے مطابق ذیشان روکھڑی مہندی کی تقریب میں گلوکاری کا مظاہرہ کر رہے تھے، تاہم لاؤڈ سسٹم لگانے کی وجہ سے گرفتار کیا گیا۔

    پولیس ذرائع کے مطابق ذیشان روکھڑی پر 2 مقدمات درج کیے گئے ہیں، جن میں بغیر اجازت پروگرام کرنے، ساؤنڈ سسٹم ایکٹ کے تحت دفعات شامل کی گئی ہیں۔

    دوسری جانب مقدمے میں تقریب میں شامل مزید 12 افراد کو نامزد کیا گیا ہے۔

  • بھارتی ریڈیو کے مشہور صدا کار امین سیانی 91 سال کی عمر میں انتقال کرگئے

    بھارتی ریڈیو کے مشہور صدا کار امین سیانی 91 سال کی عمر میں انتقال کرگئے

    ممبئی: بھارتی ریڈیو کے مشہور صداکار امین سیانی 91 سال کی عمر میں انتقال کرگئے۔

    باغی ٹی وی: بھارتی میڈیا کے مطابق 91 سالہ امین سیانی کے بیٹے راجل سیانی نے اپنے والد کی موت کی تصدیق کرتے ہوئے بتایا کہ کو گزشتہ روز دل کا دورہ پڑا تھا جس کے بعد انہیں ممبئی کے مقامی اسپتال لے جایا گیا وہ اسپتال میں دوران علاج انتقال کرگئے۔

    امین سیانی کی آواز بناکا گیت مالا سے مشہور ہوئی تھی،ان کے انتقال پر بھارتی وزیر اعظم نریندر مودی نے بھی افسوس کا اظہار کیا، امین سیانی کی آخری رسومات کل جمعرات کو ادا کی جائیں گی۔

    نگران وزیر اعلی پنجاب سے چینی اور ایرانی قونصل جنرلز سے الگ الگ ملاقاتیں

    واضح رہے کہ امین سیانی 21 دسمبر 1932 کو پیدا ہوئے، انہوں نے کئی مشہور پروگرامز کیے لیکن ان کی وجہ شہرت ان کا تعارفی جملہ بنا جس میں انہوں نے خواتین کو ترجیح دی، وہ جب بھی اپنا ریڈیو پروگرام شروع کرتے تو کہتے نمستے بہنوں اور بھائیوں میں آپ کا دوست بول رہا ہوں، امین سیانی نے 19 ہزار وائس اوورز کیے تھی،انہوں نے اپنے 42 سالہ کیرئیر میں 50 ہزار سے زائد شو کیے، جسے سامعین نے بیحد پسند کیا، اس کے علاوہ انہوں نے چند فلموں میں بھی اداکاری کے جوہر دکھائے تھے۔

    معروف تجزیہ نگار و کالم نویس نذیر ناجی وفات پا گئے

    21 فروری مادری زبانوں کا عالمی دن

  • ویرات کوہلی اور انوشکا کے ہاں بیٹے کی پیدائش

    ویرات کوہلی اور انوشکا کے ہاں بیٹے کی پیدائش

    ممبئی: بھارتی اداکارہ ر انوشکا شرما اور معروف کرکٹر ویرات کوہلی کے ہاں بیٹا ہوا جس کا نام ناہوں نے اکے رکھا ‘اکے’ (Akaay) کے نام کا تُرک اور سنسکرت زبان میں مطلب سامنے آگیا۔

    باغی ٹی وی : انوشکا شرما اور ویرات کوہلی کے ہاں 15 فروری کو بیٹے کی پیدائش ہوئی بچے کی پیدائش کو سٹار جوڑی نے 5 دن را ز میں رکھا بعد ازاں سوشل میڈیا پر 20 فروری کو اپنے بیٹے کی پیدائش کا اعلان کرتے ہوئے بتایا کہ اُنہوں نے اپنے بیٹے کا نام ‘اکائے’ (Akaay) رکھا ہے جوکہ کافی منفرد ہے۔

    اُنہوں نے اپنی پوسٹ میں لکھا کہ وامیکا کے چھوٹے بھائی ’اکائے‘ کی پیدائش پر ہم بہت خوش ہیں اور اس خوشی کے موقع پر ہمیں آپ کی نیک خواہشات کی ضرورت ہے،جوڑی کے ہاں بیٹے کی پیدائش کی خبر جیسے ہی منظرِ عام پر آئی تو مداحوں نے ان کے بیٹے ’اکائے کوہلی‘ کے نام سے بےشمار اکاؤنٹس بنا لیے۔

    د پیکا اور رنویر سنگھ کے ہاں شادی کے 5 سال بعد …

    اسٹار جوڑی کے بیٹے کا نام سُن کر مداح اس نام کا مطلب جاننا چاہ رہے تھے ، ایسے میں بھارتی میڈیا نے ویرات اور انوشکا کے بیٹے کا نام مطلب بتا دیا ہے بھارتی میڈیا کے مطابق انوشکا شرما اور ویرات کوہلی کے بیٹے کے نام کا مطلب ‘امر’ اور ‘لازوال’ ہے اور یہ نام سنسکرت زبان سے ماخوذ ہے،سنسکرت زبان میں ‘اکے’ کو ‘کایا’ کہا جاتا ہے جس کا مطلب ‘جسم’ ہے جبکہ تُرک زبان میں ‘اکے’ کا مطلب ‘چاند کی چمک’ یا ‘چمکتا ہوا چاند’ ہے۔

    ماہرہ خان کی اپنے حمل سے متعلق چلنے والی خبروں کی تردید

    واضح رہے کہ ویرات کوہلی اور انوشکا شرما 2017 میں شادی کے بندھن میں بندھے تھے اسٹار جوڑے کے ہاں جنوری 2021 میں پہلی بیٹی کی پیدائش ہوئی تھی جس کا نام اُنہوں نے وامیکا رکھا تھا-

  • د پیکا اور رنویر سنگھ کے ہاں شادی کے 5 سال بعد بچے کی آمد متوقع

    د پیکا اور رنویر سنگھ کے ہاں شادی کے 5 سال بعد بچے کی آمد متوقع

    ممبئی: 2018 میں شادی کے بندھن میں بندھنے والے بالی ووڈ جوڑے دپیکا پڈوکون اور رنویر سنگھ کے ہاں شادی کے 5 سال بعد بچے کی آمد متوقع ہے۔

    باغی ٹی وی : دعویٰ بھارتی میڈیا کی جانب سے کیا جا رہا ہے کہ اداکار رنویز سنگھ اور اداکارہ دپیکا پڈوکون بہت جلد ماں باپ بننے والے ہیں، بھارتی میڈیا ’دی ویک‘ کی رپورٹ کے مطابق دپیکا پڈوکون کے قریبی ذرائع نے بتایا کہ اداکارہ کے ہاں پہلے بچے کی پیدائش جلد متوقع ہے۔

    حال ہی میں اداکارہ کو 77 ویں برٹش اکیڈمی فلم ایوارڈز (بافٹا) کے ریڈ کارپٹ پر چمکدار ساڑھی میں جلوہ گر ہوتے دیکھا گیا، میڈیا نے اداکارہ کا محتاط انداز بھانپا البتہ اداکار جوڑے کی جانب سے ان افواہوں کی تصدیق یا تردید نہیں کی گئی۔

    عالمی شہرت یافتہ گلوکارہ عابدہ پروین کا یوم پیدائش

    دوسری جانب بھارتی میڈیا نے ہی پاکستانی اداکارہ ماہرہ خان کی بھی دوسرے بچے کی متوقع پیدائش کا دعویٰ کیا تھا، جس کی بعدازاں اداکارہ نے تردید کر دی تھی-

    واضح رہے کہ رہے کہ دپیکا پڈوکون اور اداکار رنویر سنگھ نے چند سال ڈیٹنگ کرنے کے بعد شادی کی تھی، اس جوڑی کی شادی نومبر 2018 میں اٹلی میں ایک نجی تقریب کے دوران ہوئی تھی۔

    قطر میں سزا پانیوالے بھارتی سابق نیول افسران کو شاہ رخ خان نے رہا کرایا، …

    جان سے مارنےکی دھمکیاں، جیکولین فرنینڈس سابق دوست کیخلاف تھانے پہنچ گئیں

  • عالمی شہرت یافتہ گلوکارہ عابدہ پروین کا یوم پیدائش

    عالمی شہرت یافتہ گلوکارہ عابدہ پروین کا یوم پیدائش

    عابدہ پروین ، صوفی موسیقی کی ملکہ

    آغا نیاز مگسی
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
    سندھی، اردو اور سرائیکی زبان کی عالمی شہرت یافتہ گلوکارہ عابدہ پروین 20 فروری 1954 میں لاڑکانہ سندھ (پاکستان) میں پیدا ہوئیں ۔ ان کے والد غلام حیدر شیخ اور والدہ ممتاز بیگم دونوں گلوکار اور موسیقار تھے چنانچہ اپنے گھر میں موجود موسیقی کے ماحول سے متاثر ہو کر انہوں نے بچپن میں ہی سے موسیقی میں دلچسپی لی اور موسیقی اور گائیکی کی ابتدائی تربیت انہوں نے اپنے والد استاد غلام حیدر سے حاصل کی جس کے بعد انہوں نے استاد سلامت علی خان اور استاد منظور علی خان کی شاگردی اختیار کی ۔

    عابدہ پروین نے 1975 میں ریڈیو پاکستان حیدر آباد کے سینیئر پروڈیوسر غلام حسین شیخ سے شادی کی جس سے انہیں 3 بچے پرہ، مریم حسین اور سارنگ لطیف پیدا ہوئے۔ عابدہ پروین نے گائیکی کی شروعات سندھ کے اولیائے کرام و صوفیائے کرام کی درگاہوں سے کی جس کے بعد وہ ریڈیو اور ٹیلیوژن کی اسکرین تک پہنچیں اپنی صوفیانہ اور وجد طاری کرنے والی گائیکی کے باعث وہ صوفی موسیقی کی ملکہ کے خطاب سے نوازی گئیں وہ عالمی شہرت حاصل کرنے والی پاکستان کی صوفی گلوکارہ بن گئیں وہ امریکہ ، برطانیہ ، دبئی، بھارت اور یورپ سمیت دنیا کے کئی ممالک میں اپنے فن کا مظاہرہ کر چکی ہیں ۔

    عابدہ پروین اس وقت پاکستان میں سب سے زیادہ معاوضہ لینے والی اور مصروف ترین گلوکارہ ہیں عابدہ پروین درگاہ حضرت سلطان باہو کے صاحبزاہ نجیب سلطان کی بیعت کر چکی ہیں اور ان کی معتقد اور مریدنی ہیں 2010 میں ان پر دل کا دورہ پڑا جس کے بعد انہوں نے انجیو گرافی کرا رکھی ہے عابدہ پروین کو راگ کی رانی کے خطاب سے بھی نوازا گیا ہے، حکومت پاکستان کی جانب سے انہیں پاکستان کے سب سے بڑے شہری اعزاز ہلال امتیاز اور ملک کے دوسرے بڑے سویلین اعزاز نشان امتیاز سے نوازا گیا ہے عابدہ پروین 1990 میں لاڑکانہ سے کراچی منتقل ہو چکی ہیں ۔