Baaghi TV

Category: شوبز

  • شان شاہد کی والدہ نیلو بیگم سپرد خاک

    شان شاہد کی والدہ نیلو بیگم سپرد خاک

    ماضی کی معروف اداکارہ اور لالی وڈ معروف اداکار شان شاہد کی والدہ نیلو بیگم کی تدفین کردی گئی۔

    باغی ٹی وی : اداکار شان شاہد کی والدہ نیلو بیگم کی نماز جنازہ لاہور میں ادا کی گئی نمازجنازہ میں فلمی و سماجی شخصیات کی کثیر تعداد نے شرکت کی اور مرحومہ کی مغفرت کے لیے دُعا کی۔

    80 سالہ نیلو بیگم کافی عرصے سے کینسر کے مرض میں مبتلا تھیں اور گزشتہ روز لاہور میں انتقال کرگئی تھیں اداکارہ نیلو بیگم فلم ڈائریکٹر مرحوم ریاض شاہد کی اہلیہ اور اداکار شان کی والدہ تھیں جبکہ ان کا اصل نام عابدہ ریاض تھا۔

    واضح رہے کہ پاکستان فلم انڈسٹری میں نیلو کے نام سے شہرت پانے والی عابدہ ریاض کا پیدائشی نام سنتھیا الیگزینڈر فرنینڈس تھا۔ اور وہ 30 جون 1940 کو بہرہ، سرگودھا میں پیدا ہوئیں۔ 16 برس کی عمر میں انہوں نے لاہور میں فلمائی گئی ہالی ووڈ فلم ’’بھوانی جنکشن‘‘ سے فنی زندگی کا آغاز کیا۔نیلو نے کئی یادگارفلمیں دیں۔ فلم سات لاکھ میں جلوہ گرہوئیں تو گانا”آئے موسم رنگیلے سہانے“اُن کی پہچان بن گیا لیکن انہوں نے شہرت پاکستانی فلموں میں آئٹم سانگ سے پائی۔

    شاہ ایران کے سامنے رقص کے لئے مجبور کرنے پر نیلو نے خواب آور گولیاں کھا لیں جس پر نامور شاعر حبیب جالب نے نظم لکھی۔نیلو نے معروف ہدایتکار ریاض شاہد سے شادی کی اور اپنا نام عابدہ رکھا۔آج کا سپر اسٹار شان اُن کا صاحبزادہ ہے۔

    پاکستان فلم انڈسٹری میں نیلو کے نام سے شہرت پانے والی عابدہ ریاض کا پیدائشی نام سنتھیا الیگزینڈر فرنینڈس تھا۔ اور وہ 30 جون 1940 کو بہرہ، سرگودھا میں پیدا ہوئیں اور اپنے فنی کیریئر میں دوشیزہ،عذرا،زرقا،بیٹی،ڈاچی،جی دار جیسی یادگار فلموں میں کام کیا-

    اداکار شان کے گھر صفِ ماتم بچھ گئی:شان کی والدہ محترمہ اداکارہ نیلوبیگم وفات پاگئیں‌

    شان شاہد کی والدہ کی وفات پر وزیراعظم عمران خان کا اظہار افسوس

    شان شاہد کا مرحومہ والدہ کے لئے جذباتی پیغام

  • راکھی ساونت کی والدہ کینسر کے باعث آئی سی یو منتقل

    راکھی ساونت کی والدہ کینسر کے باعث آئی سی یو منتقل

    بھارت کی معروف ڈانسر راکھی ساونت کی والدہ کو کینسر کے باعث آئی سی یو منتقل کیا گیا ہے۔

    باغی ٹی وی : بھارتی میڈیا کے مطابق راکھی ساونت کی والدہ کو کینسر کے باعث انتہائی نگہداشت یونٹ (آئی سی یو) منتقل کیا گیا ہےراکھی ساونت کے بھائی راکیش ساونت نے بتایا ہے کہ ان کی والدہ کا گزشتہ روز آپریشن ہوا تھا اور اب پیر سے ان کی کیموتھراپی کا آغاز کیا جائے گا۔

    راکھی ساونت کے بھائی راکیش ساونت نے کہا ہے کہ ہم سب والدہ کی صحت کے لیے دعا کر رہے ہیں۔

    اس وقت راکھی ساونت بگ باس سیزن 14 کی کنٹسٹنٹ ہیں اور ان کے بھائی نے بتایا کہ والدہ کی طبیعت کے حوالے سے راکھی کو آگاہ کر دیا گیا ہے۔

    انہوں نے بتایا کہ یہ میری والدہ کی خواہش ہے کہ راکھی ابھی بگ باس کے گھر میں رہے اور اچھی طرح کھیلے اور شو جیت کر ہی آئے۔

    راکھی کی والدہ کا کہنا ہے کہ وہ اپنی بیٹی کی گیم سے بہت خوش ہیں اور انہیں راکھی پر فخر ہے۔

    معروف بھارتی ٹی وی کا ’کپل شرما شو‘ کو بند کرنے کا فیصلہ

    آپ نے اپنے رویئے سے اپنی پرورش پر سوال کھڑا کردیا ہے ،سلمان خان معروف اداکارہ پر برہم

  • عائزہ خان کسی ترکش پروجیکٹ کا حصہ بننے والی ہیں؟

    عائزہ خان کسی ترکش پروجیکٹ کا حصہ بننے والی ہیں؟

    پاکستان ٹی وی انڈسٹری کی خوبرو اداکارہ عائزہ خان نے سوشل میڈیا پر ایک بوم رنگ ویڈیو شئیر کر کے اپنے مداحوں کو کشکمش میں مبتلا کردیا ہے۔

    باغی ٹی وی : حال ہی میں جو انسٹاگرام پر 8 ملین فالوورز رکھنے والی پہلی پاکستانی مشہور شخصیت بننے والی اداکارہ عائزہ خان نے اپنے نئے پراجیکٹ سے متعلق مداحوں کو ایسا اشارہ دیا ہے کہ وہ کشمکش میں مبتلا ہوگئے ہیں کہ اداکارہ آخر کون سا نیا کام کرنے والی ہیں۔

    اس ضمن میں عائزہ خان نے اپنی انسٹاگرام اسٹوری میں اپنی ایک بوم رنگ ویڈیو شیئر کی۔

    مذکورہ ویڈیو میں عائزہ خان نے چہرے پر کسٹمائز ماسک پہنا ہوا ہے جس پر ایک طرف پاکستان کا پرچم بنا ہوا ہے جبکہ دوسری طرف ترکی کا جھنڈا۔

    عائزہ خان نے انسٹا اسٹوری میں ویڈیو شیئر کرتے ہوئے لکھا پاکستان اور تُرکی۔

    اُنہوں نے مداحوں سے مخاطب ہوتے ہوئے کہا کہ پراجیکٹ کی تفصیلات سے آگاہ رہنے کے لیے میرے ساتھ رہیں۔

    عائزہ خان کی انسٹا اسٹوری دیکھنے کے بعد اُن کے مداح یہ جاننے کے لیے بےچین ہورہے ہیں کہ آخر وہ اصل میں کونسا پراجیکٹ کرنے والی ہیں۔

    کچھ لوگ قیاس آرائیاں کررہے ہیں کہ عائزہ خان کسی ترکی ڈرامہ سیریل میں کام کرنے جا رہی ہیں جبکہ بعض کا کہنا تھا کہ وہ ترک لالہ پروجیکٹ کا حصہ بننے جا رہی ہیں تاہم اداکارہ کی جانب سے ابھی تک اس حوالے سے کوئی بیان سامنے نہیں آیا ہے۔

    سوشل میڈیا پرفالوورز کی بڑھتی ہوئی تعداد طویل مدتی کامیابی کی ضمانت نہیں

    بچپن سے ہی کسی ہیرو کے ساتھ شادی کرنے کی خواہش تھی عائزہ خان

  • آپ نے اپنے رویئے سے اپنی پرورش پر سوال کھڑا کردیا ہے ،سلمان خان معروف اداکارہ پر برہم

    آپ نے اپنے رویئے سے اپنی پرورش پر سوال کھڑا کردیا ہے ،سلمان خان معروف اداکارہ پر برہم

    بھارتی عالمی شہرت یافتہ رئیلٹی شو بگ باس 14 کے میزبان اور سپراسٹارسلمان خان نے اداکارہ نِکی تمبولی کو غیر مناسب رویے پر کھری کھری سنادی۔

    باغی ٹی وی : بھارتی میڈیا رپورٹس کے مطابق بگ باس سیزن 14 کا ایک پرومو سامنے آیا ہے جسمیں سلمان خان نے فلم انڈسٹری سے وابستہ 24 سالہ اداکارہ نکی تمبولی سے کہا کہ آپ نے اپنے رویئے سے اپنی پرورش پر سوال کھڑا کردیا ہے۔

    تازہ قسط میں سلمان خان نے نکی تمبولی کو بگ باس کے گھر میں موجود دیگر افراد کے ساتھ نامناسب رویے پر سرزنش کی اور خوب ڈانٹا۔

    سلمان نے بھارتی اداکارہ سے کہا کہ گھر کے لوگوں سے آپ کا جو رویہ ہے اس سے آپ نے ہر ایک کو موقع فراہم کیا ہے کہ وہ آپ کی پرورش پر انگلی اٹھائے۔

    سلمان خان کے یہ لفظ بلاواسطہ طور پر اداکارہ کے والدین سے متعلق تھے کہ جنہوں نے اداکارہ کی پرورش کی ہے۔

    انہوں نے بگ باس کے گھر میں موجود لوگوں کو مخاطب کرتے ہوئے کہا کہ شو کے ناظرین نکی تمبولی کو ایک بدتمیز اور نااہل شخص کی حیثیت سے دیکھ رہے ہیں۔

    سلمان خان نے اس موقع پر نکی تمبولی کی حمایت کرنے والی روبینہ دلائک کو بھی سرزنش کی اور کہا کہ وہ بگ باس کے گھر میں ہر ایک کی توہین کرنے میں معاون ہیں۔

    سلمان خان نے نکی کو وارننگ دی کہ یہ آخری موقع ہے آپ کے پاس اپنے رویئے اور عمل کو درست کرنے کا، اب کی بار یہ انداز گفتگو نہیں چلے گا۔

    اس دوران نکی تمبولی نے اپنے رویئے کی وضاحت پیش کی اور کہا کہ وہ صرف ردعمل میں غصے کا اظہار کرتی ہے۔

    سلمان خان نے راکھی ساونت کی دل آزاری کرنے والے ابھینیو شکلا کی بھی کلاس لے لی۔

    سلمان خان کے سخت رویے پر بگ باس کے گھر میں موجود ابھینیوشکلا پریشان ہوگئے انہوں نے یہاں تک کہہ دیا کہ وہ شو چھوڑنے کو تیار ہیں۔

    سیف علی خان نے پہلی بار خاندانی محل کے اندر مناظر کی عکس بندی کی اجازت کیوں دی

     

    مجھے اپنا مقام اور عزت بنانے میں 34 سال لگے سلمان خان

  • راحت فتح علی خان کی آوز میں ‘خدا اور محبت’ 3 کا ٹائٹل گیت مقبول

    راحت فتح علی خان کی آوز میں ‘خدا اور محبت’ 3 کا ٹائٹل گیت مقبول

    پاکستان میوزک انڈسٹری کے عالمی شہرت یافتہ گلوکار راحت فتح علی خان کی سحر انگیز آواز میں ڈرامہ سیریل ‘خدا اور محبت’ 3 کا ٹائٹل گیت (او ایس ٹی) مقبول ہو گیا۔

    باغی ٹی وی : ڈرامہ سیریل ‘خدا اور محبت 3’ نے ٹیلی ویژن اسکرین پر نشر ہونے سے قبل ہی نہ صرف ڈرامے بلکہ اس کا ٹائٹل گیت بے حد مقبول ہو رہا ہے اور صارفین کو اس ڈرامے کا بے صبری سے انتظار ہے۔

    ‘خدا اور محبت 3’ کے ٹائٹل ٹریک میں گلوکار راحت فتح علی خان کے ساتھ نش اشعر نے اپنی آواز کا جادو جگایا ہے۔

    اس خوبصورت ٹائٹل ٹریک کے بول نشاد نے لکھے ہیں جب کہ اس کی موسیقی نوید نشاد نے ترتیب دی ہے’خدا اور محبت 3′ کے او ایس ٹی کا دورانیہ 6 منٹ 9 سیکنڈ پر مشتمل ہے جبکہ یوٹیوب پر اس ٹائٹل گیت کو اب تک 25 لاکھ 83 ہزار سے زائد بار دیکھا گیا ہے۔

    ڈرامے کی کہانی معروف مصنف ہاشم ندیم نے لکھی ہے اور ہدایت کاری سید وجاہت حسین کی ہے ‘خدا اور محبت’ کا سیزن 3 سیونتھ اسکائی کے نامور پروڈیوسرز عبداللہ کادوانی اور اسد قریشی کی سربراہی میں بنایا گیا ہے –

    خیال رہے کہ ڈرامہ ‘خدا اور محبت 3′ کی کہانی عشق حقیقی اور عشق مجازی کے گرد گھومتی ہے خدا اور محبت’ کے تیسرے سیزن میں معروف اداکار فیروز خان اور اداکارہ اقراء عزیز مرکزی کردار کرتے ہوئے نظر آئیں گے۔

     

    اقرا عزیز اورفیروز خان کا ڈرامہ ‘خدا اور محبت’ 3 ریلیز ہونے سے قبل ہی…

  • پریتی زنٹا کا اپنے فلمی کیرئیر سے متعلق دلچسپ انکشاف

    پریتی زنٹا کا اپنے فلمی کیرئیر سے متعلق دلچسپ انکشاف

    بالی وڈ کی ماضی کی نامور اداکارہ پریتی زنٹا نے اپنے فلمی کیرئیر سے متعلق ایک دلچسپ انکشاف کیا ہے۔

    باغی ٹی وی : بھارتی میڈیا رپورٹس کے مطابق ایک بھارتی ٹی وی کے پروگرام میں گفتگو کے دوران پریتی زنٹانے اپنے فلمی کیرئیر سے متعلق انکشاف کیا کہ کا میرا فلمی کیرئیر ٹاس کا نتیجہ سامنے آنا پر شروع ہوا۔

    پروگرام میں گفتگو کرتے ہوئے پریتی زنٹا نے کہا کہ جب مجھے بالی وڈ ڈائریکٹر شیکھر کپور کی فلم تارارم پم میں کام کی آفر ہوئی تومیں نے سوچنے یا سمجھنے کے بجائے فیصلہ قسمت پر چھوڑدیا۔

    پریتی نے بتایا کہ جب میں شیکھر سے ملی تو وہ مجھے فلم تارا رم پم کے لیے سائن کرنا چاہتے تھے اس وقت میں انہیں چھوٹے بچے کی طرح دیکھ رہی تھی میں نے شیکھر سے سے کہا کہ اگر فلم مقدر ہے تو میں ٹاس کروں گی۔

    اداکارہ نےکہا کہ میں نے شیکھر سے کہا کہ اگر ہیڈز آیا تو میں فلم کروں گی اور ٹیل آیا تو نہیں کروں گی۔

    پریتی زنٹا کے جواب پر میزبان نے سوال کیا کہ اگر اس وقت سکے کا نتیجہ ٹیل آجاتا تو؟اداکارہ نے جواب دیا کہ میں پھر فلم میں کام نہ کرتی۔

  • شاہ رخ خان کی نئی فلم پٹھان کی عکس بندی کی ویڈیوز وائرل

    شاہ رخ خان کی نئی فلم پٹھان کی عکس بندی کی ویڈیوز وائرل

    بالی وڈ کنگ شاہ رخ خان کی نئی آنے والی فلم ’پٹھان‘ کی عکس بندی کی کچھ ویڈیوز سوشل میڈیا پر وائرل ہو رہی ہیں-

    باغی ٹی وی :سُپر اسٹار شاہ رخ خان کی نئی آنے والی اس فلم کی شوٹنگ متحدہ عرب امارات (یو اے ای) کے شہر دبئی میں جاری ہر سڑکوں پر ہونے والے ایکشن سینز کی عکس بندی کی سوشل میڈیا پر تصاویر اور ویڈیوز مداحوں کی جانب سے شیئر کی گئیں۔

    سوشل میڈیا پر وائرل ان ویڈیوز میں دیکھا جاسکتا ہے کہ شاہ رخ خان جیسے دکھنے والے اسٹنٹ مین ایک ٹرک پر سوار فائٹ میں مصروف ہیں جبکہ ایک اور ویڈیو میں فلم کا عملہ بھی دکھائی دے رہا ہے۔

    فلم میں تیز رفتار کار اور اس کی دوسری کاروں کو ٹکر کی شوٹنگ کا فضائی منظر بھی سوشل میڈیا پر شیئر ہوا۔

    واضح رہے کہ شاہ رخ خان کی نئی آنے والئ فلم ’پٹھان‘ کے ہدایتکار سدھارتھ آنند ہیں فلم میں شاہ رخ خان کے ساتھ دیپیکا پڈوکون بھی ایکشن میں دکھائی دیں گی۔

  • یو ٹیوب اسٹار زید علی نے مداحوں سے اپنے ہونے والے بچے کے نام کیلئے مشورہ مانگ لیا

    یو ٹیوب اسٹار زید علی نے مداحوں سے اپنے ہونے والے بچے کے نام کیلئے مشورہ مانگ لیا

    پاکستانی نژاد کینیڈین سوشل میڈیا اسٹار زید علی اور ان کی اہلیہ یمنیٰ کے ہاں جلد پہلے بچے کی پیدائش ہونی والی ہے تاہم زید علی نے اپنے ہونے والے بچے کے نام کے لیے مداحوں سے مشورہ مانگ لیا۔

    باغی ٹی وی : بہت جلد ننھے مہمان کے والد بننے والے زید علی کی خوشی کا کوئی ٹھکانہ نہیں ہے اور اس کا اندازہ اُن کی حالیہ انسٹاگرام پوسٹ سے لگایا جاسکتا ہے۔

    زید علی نے اپنے تصدیق شدہ انسٹاگرام اکاؤنٹ پر اہلیہ یمنیٰ کے ہمراہ نئی تصویر شیئر کی ہے جس میں جوڑی بےحد خوش نظر آرہی ہے۔

    زید علی نے تصویر شیئر کرتے ہوئے کیپشن میں لکھا کہ ہم بہت جلد والدین بننے والے ہیں۔

    اُنہوں نے مداحوں سے مشورہ مانگتے ہوئے لکھا کہ کیا آپ لوگ ہمیں ہمارے ہونے والے بچے کے لیے کوئی نام تجویز کریں گے؟‘

    زید علی کے مشورے پر انسٹاگرام صارفین کی بڑی تعداد اُنہیں لڑکے اور لڑکی کے خوبصورت نام تجویز کر رہے ہیں-

    واضح رہے کہ زید علی نے گزشتہ دنوں ہی اپنی انسٹاگرام پوسٹ کے ذریعے اس بات کی اطلاع دی تھی کہ وہ اور یمنیٰ جلد ہی والدین بننے جا رہے ہیں۔

    اُنہوں نے اپنی خوشی کا اظہار کرتے ہوئے کہا تھا کہ اللہ کی رضا سے ہم والدین بننے جارہے ہیں ہمارے ہاں بچے کی پیدائش ہوگی، آج کا دن میری زندگی کا پرمسرت ترین دن ہے۔

    زید علی کی اس پوسٹ پرجہاں دُنیا بھر میں موجود اُن کے چاہنے والوں کی جانب سے نیک خواہشات کا اظہار کیا گیا وہیں معروف یوٹیوبر شاہ ویر جعفری نے زید علی کی پوسٹ پر کمنٹ کرتے ہوئے اُن سے ایک سوال پوچھا کہ ’اگر آپ کا بیٹا ہوا تو کیا آپ اس کا نام شاہ ویر رکھ سکتے ہیں؟-

    خیال رہے کہ زید علی نے 2017 میں اپنی قریبی دوست یمنیٰ سے شادی کی تھی، جس کے بعد انہوں نے اپنی اہلیہ کے ساتھ مل کر بہت سے ویڈیو لاگز جاری کیے۔

    سوشل میڈیا سے شہرت پانے والے پاکستانی نژاد زید علی کینیڈا میں مقیم ہیں تاہم بیرونِ ملک پیدائش اور پرورش کے باوجود زید نے اپنا طرز زندگی روایتی پاکستانیوں جیسا رکھا ہوا ہے۔

    یوٹیوب پر ان کے چینیل کے سبسکرائبرز کی تعداد 29 لاکھ سے زیادہ ہےاسی طرح فیس بک، انسٹاگرام اور ٹوئٹر پر ان کے مداحوں کی تعداد لاکھوں میں ہے اور ان کی مزاحیہ ویڈیوز سوشل میڈیا پر کافی مقبول ہیں۔

    یوٹیوب اسٹار زید علی کے ہاں ننھے مہمان کی آمد متوقع

  • شان شاہد کا مرحومہ والدہ کے لئے جذباتی پیغام

    شان شاہد کا مرحومہ والدہ کے لئے جذباتی پیغام

    پاکستان فلم انڈسٹری کے معروف اداکار شان شاہد نے سوشل میڈیا پر اپنی مرحومہ والدہ نیلو فر کے لیے جذباتی پیغام جاری کیا ہے۔

    باغی ٹی وی :سماجی رابطے کی ویب سائٹ ٹوئٹر پر شان شاہد نے اپنی مرحومہ والدہ کے ہمراہ ماضی کی اپنی یادگار تصویر شیئر کی۔

    ٹوئٹر پر تصویر شیئر کرتے ہوئے شان شاہد نے کہا کہ مجھے سمجھ نہیں آرہا کہ میں کیا لکھوں، میرے پاس الفاظ ختم ہوگئے ہیں۔


    شان شاہد نے جذباتی ہوتے ہوئے کہا کہ والدہ کے بغیر تو یہ دُنیا بےمعنی سی لگ رہی ہے کیونکہ میری کامیابی اور ناکامی دونوں کو میری والدہ کی شدید ضرورت ہے۔

    اداکار نے کہا کہ بس یہ اُمید ہے کہ میں ایک دن اور اُن سے ملاقات کرسکتا ہوں۔

    اُنہوں نے مزید کہا کہ میں ہمیشہ والدہ سے محبت کرتا رہوں گا۔

    اداکارہ نیلو بیگم کے انتقال کی خبر ان کے بیٹے اداکار شان نے اپنے ٹوئٹ کے ذریعے دی تھی۔


    واضح رہے کہ پاکستان فلم انڈسٹری میں نیلو کے نام سے شہرت پانے والی عابدہ ریاض کا پیدائشی نام سنتھیا الیگزینڈر فرنینڈس تھا۔ اور وہ 30 جون 1940 کو بہرہ، سرگودھا میں پیدا ہوئیں۔ 16 برس کی عمر میں انہوں نے لاہور میں فلمائی گئی ہالی ووڈ فلم ’’بھوانی جنکشن‘‘ سے فنی زندگی کا آغاز کیا۔نیلو نے کئی یادگارفلمیں دیں۔ فلم سات لاکھ میں جلوہ گرہوئیں تو گانا”آئے موسم رنگیلے سہانے“اُن کی پہچان بن گیا لیکن انہوں نے شہرت پاکستانی فلموں میں آئٹم سانگ سے پائی۔

    شاہ ایران کے سامنے رقص کے لئے مجبور کرنے پر نیلو نے خواب آور گولیاں کھا لیں جس پر نامور شاعر حبیب جالب نے نظم لکھی۔نیلو نے معروف ہدایتکار ریاض شاہد سے شادی کی اور اپنا نام عابدہ رکھا۔آج کا سپر اسٹار شان اُن کا صاحبزادہ ہے۔

    پاکستان فلم انڈسٹری میں نیلو کے نام سے شہرت پانے والی عابدہ ریاض کا پیدائشی نام سنتھیا الیگزینڈر فرنینڈس تھا۔ اور وہ 30 جون 1940 کو بہرہ، سرگودھا میں پیدا ہوئیں اور اپنے فنی کیریئر میں دوشیزہ،عذرا،زرقا،بیٹی،ڈاچی،جی دار جیسی یادگار فلموں میں کام کیا۔

    اداکار شان کے گھر صفِ ماتم بچھ گئی:شان کی والدہ محترمہ اداکارہ نیلوبیگم وفات پاگئیں‌

    شان شاہد کی والدہ کی وفات پر وزیراعظم عمران خان کا اظہار افسوس

  • شان شاہد کی والدہ کی وفات پر وزیراعظم عمران خان کا اظہار افسوس

    شان شاہد کی والدہ کی وفات پر وزیراعظم عمران خان کا اظہار افسوس

    لالی وڈ کے معروف اداکار شان شاہد کی والدہ اداکارہ نیلو کے انتقال پر وزیراعظم عمران خان نے اظہار تعزیت کیا ہے۔

    باغی ٹی وی :پاکستان شوبز انڈسٹری کی ماضی کی سپراسٹار ہیروئن نیلو گزشتہ روز علالت کے باعث 81 برس کی عمر میں انتقال کرگئیں۔ اداکارہ نیلو کے انتقال پر جہاں پوری پاکستان شوبز انڈسٹری نے غم کا اظہار کیا، وہیں وزیراعظم پاکستان عمران خان نے بھی اظہار تعزیت کیا ہے۔


    وزیراعظم نے سماجی رابطے کی ویب سائٹ ٹوئٹر پرغم کا اظہار کرتے ہوئے کہا کہ والدہ کی رحلت پر میری دعائیں اور ہمدردیاں شان شاہد کے ساتھ ہیں۔ انا للہ وانا الیہ راجعون۔

    واضح رہے کہ پاکستان فلم انڈسٹری میں نیلو کے نام سے شہرت پانے والی عابدہ ریاض کا پیدائشی نام سنتھیا الیگزینڈر فرنینڈس تھا۔ اور وہ 30 جون 1940 کو بہرہ، سرگودھا میں پیدا ہوئیں۔ 16 برس کی عمر میں انہوں نے لاہور میں فلمائی گئی ہالی ووڈ فلم ’’بھوانی جنکشن‘‘ سے فنی زندگی کا آغاز کیا۔نیلو نے کئی یادگارفلمیں دیں۔ فلم سات لاکھ میں جلوہ گرہوئیں تو گانا”آئے موسم رنگیلے سہانے“اُن کی پہچان بن گیا لیکن انہوں نے شہرت پاکستانی فلموں میں آئٹم سانگ سے پائی۔

    شاہ ایران کے سامنے رقص کے لئے مجبور کرنے پر نیلو نے خواب آور گولیاں کھا لیں جس پر نامور شاعر حبیب جالب نے نظم لکھی۔نیلو نے معروف ہدایتکار ریاض شاہد سے شادی کی اور اپنا نام عابدہ رکھا۔آج کا سپر اسٹار شان اُن کا صاحبزادہ ہے۔

    پاکستان فلم انڈسٹری میں نیلو کے نام سے شہرت پانے والی عابدہ ریاض کا پیدائشی نام سنتھیا الیگزینڈر فرنینڈس تھا۔ اور وہ 30 جون 1940 کو بہرہ، سرگودھا میں پیدا ہوئیں اور اپنے فنی کیریئر میں دوشیزہ،عذرا،زرقا،بیٹی،ڈاچی،جی دار جیسی یادگار فلموں میں کام کیا۔

    اداکار شان کے گھر صفِ ماتم بچھ گئی:شان کی والدہ محترمہ اداکارہ نیلوبیگم وفات پاگئیں‌