Category: کھیل

کراچی:آئی سی سی چیمپئنز ٹرافی 2025 کے وارم اپ میچز کے لیے پاکستان شاہینز کے تین اسکواڈز کا اعلان کردیاگیا۔

باغی ٹی وی : 14 فروری کو افغانستان کے خلاف لاہور کے قذافی اسٹیڈیم میں ہونے والے میچ میں پاکستان شاہینز کی قیادت شاداب خان کریں گے،کراچی کےنیشنل اسٹیڈیم میں جنوبی افریقہ کے خلاف 17 فروری کو ہونے والے میچ میں محمد ہریرہ ٹیم کی قیادت کریں گے اس کے علاوہ 17 فروری کو دبئی میں پاکستان شاہینز کا مقابلہ بنگلہ دیش سے ہوگا جس میں محمد حارث کپتان ہوں گے۔

افغانستان کےخلاف شاہینز کے اسکواڈ میں عبدالفصیح، عرفات منہاس،حسین طلعت، جہانداد خان، کاشف علی، محسن ریاض، محمد عباس آفریدی، عامر خان، محمد اخلاف، محمد عمران رندھاوا اور محمد عرفان خان شامل ہیں۔

اوچشریف: یونین کونسل سیکریٹری رشوت لیتے رنگے ہاتھوں گرفتار

کراچی میں شاہینز کا ٹکراؤ جنوبی افریقا سے ہوگا جس کے اسکواڈ میں عماد بٹ، فیصل اکرم، حسن نواز، امام الحق، خرم شہزاد، معاذ صداقت، مہران ممتاز، محمد غازی غوری، نیاز خان، قاسم اکرم اور سعد خان شامل ہوں گے۔

دبئی میں بنگلادیش کے خلاف ہونے والے میچ کے اسکواڈ میں عامر جمال، عبدالصمد، علی رضا، اذان اویس، محمد وسیم جونیئر، مبشر خان، موسیٰ خان، عمیر بن یوسف، صاحبزادہ فرحان، صفیان مقیم اور اسامہ میر شامل ہوں گے۔

دنیا کے کسی بھی آزاد ملک کی حریت کے لیے ہم لڑیں گے،فضل الرحمان

پاکستانی شاہینز کے میچز کا شیڈول

14 فروری کو شاہین قذافی اسٹیڈیم میں افغانستان کے خلاف میدان میں اتریں گے،17 فروری کو جنوبی افریقا کے خلاف کراچی کے نیشنل اسٹیڈیم میں میچ ہوگا،جبکہ 17 فروری کو ہی بنگلادیش کے خلاف آئی سی سی کرکٹ اکیڈمی میں دونوں ٹیمیں میدان میں نظر آئیں گی، اس کے علاوہ نیوزی لینڈ اور افغانستان کی ٹیموں کے درمیان 16 فروری 2025 کو نیشنل اسٹیڈیم میں وارم اپ میچ کھیلا جائے گا۔

اشنا شاہ کی سالگرہ پر صنم سعید کے چرچے

کراچی: تین ملکی سریز کا میچ پاکستان اور جنوبی افریقا کے درمیان کھیلا جارہا ہے ، افریقی ٹیم نے ٹاس جیت کر پہلے بیٹنگ کا فیصلہ کیا ہے،میچ کے دوران دونوں ٹیموں کے کھلاڑیوں میں تلخ کلامی ہوگئی۔

باغی ٹی وی :تین ملکی سریز کا اہم میچ آج نیشنل اسٹیڈیم کراچی میں کھیلا جارہا ہے، مہمان ٹیم نے پہلےکھیلتے ہوئےمقررہ 50 اوور میں 5 وکٹوں کے نقصان پر 352 رنز بنائے،میچ میں اوپنر ٹونی ڈی زورزی اور کپتان ٹمبا باوما نے 50 رنز کی اوپننگ پارٹنرشپ قائم کی تاہم ڈی زورزی 22 رنز بناکر شاہین آفریدی کا شکار بنے-

جنوبی افریقا کی جانب سے ہینرک کلاسن نے 87 رنزکی شاندار اننگز کھیلی، ان کی 56 گیندوں پر مشتمل اننگ میں 3 چھکے اور 11 چوکے شامل تھے ان کے علاو میتھو بریٹزکی نے 83 اور کپتان ٹمبا باووما نے 82 رنز بنائے، کائیل ورینے 44 رنز پر ناقابل شکست رہے ویان مولڈر نے 2 رنز بنائے،کوربن بوش 15 رنزبناکرناٹ آؤٹ رہے۔

پاکستان کی جانب سے شاہین آفریدی نے 2 وکٹیں حاصل کی، خوشدل شاہ اور نسیم شاہ نے ایک ایک وکٹ لی۔

جنوبی افریقی کپتان ٹمبا باوما نے کہا کہ ٹیم میں 4 تبدیلیاں کی گئی ہیں، پہلے میچ میں شکست سے سیکھا ہے، نوجوان کھلاڑیوں کو موقع دیا تھا، آج بھرپور ٹیم کیساتھ میزبان پر اٹیک کریں گے۔

قومی ٹیم کے کپتان محمد رضوان کا کہنا تھا کہ جنوبی افریقا کے خلاف اسکواڈ میں 2 تبدیلیاں کی گئی ہیں، مڈل آرڈر بیٹر کامران غلام کی جگہ سعود شکیل جبکہ حارث رؤف کی جگہ اسکواڈ میں فاسٹ بولر محمد حسنین کو شامل کیا گیا ہے میچ میں کامیابی کی کوشش کریں گے تاکہ ٹورنامنٹ کے فائنل میں جگہ بنائیں۔

آج کی فاتح ٹیم 14 فروری کو نیوزی لینڈ سے فائنل کھیلے گی،پاکستان ٹیم میں دو تبدیلیاں کی گئی ہیں، کامران غلام کی جگہ سعود شکیل کو شامل کیا گیا ہے جب کہ فاسٹ بولر محمد حسنین بھی فائنل الیون کا حصہ ہیں-

فاسٹ بولر عاکف جاوید کو حارث رؤف کی جگہ ٹیم میں شامل کیا گیا ہے، حارث رؤف انجری کی وجہ سے سہ فریقی سیریز کے بقیہ میچز میں حصہ نہیں لیں گے-

پاکستان کا اسکواڈ:

محمد رضوان (کپتان)، فخر زمان، بابراعظم، سلمان آغا، سعود شکیل، طیب طاہر، خوشدل شاہ، شاہین شاہ آفریدی، نسیم شاہ، محمد حسنین اور ابرار احمد شامل ہیں۔

جنوبی افریقا کا اسکواڈ

جنوبی افریقی ٹیم میں ٹیمبا باووما (کپتان)، ٹونی ڈی زورزی، میتھیو بریزکے، ہینرک کلاسن، کائل ویرینے، ویان مُلڈر، کوربن بوش، سینوران مُتھوسوامی، تبریز شمسی، کیشو مہاراج اور لونگی نگیڈی شامل ہیں۔

میچ کے دوران دونوں ٹیموں کے کھلاڑیوں میں گرما گرمی ہوگئی۔

پہلا واقعہ جنوبی افریقہ کی اننگز کے 28ویں اوور میں پیش آیا جب مہمان ٹیم کے نوجوان بیٹر بریٹزکی ایک رن لینے کےلیے نان اسٹرائیکنگ اینڈ کی جانب دوڑے اور فاسٹ بولر شاہین آفریدی سے ٹکرا گئے۔

اس پر پاکستانی فاسٹ بولر غصہ ہوگئے اور اُنہوں نے بریٹزکی سے کچھ کہا جس پر دونوں کھلاڑی ایک دوسرے سے اُلجھ پڑے شاہین آفریدی زیادہ غصے میں دکھائی دیئے، بریٹزکی نے بھی اُن کو ترکی بہ ترکی جواب دیا لیکن پھر امپائرز نے آکر معاملہ رفع دفع کروایا۔

دوسرا واقعہ اگلے ہی اوور میں پیش آیا جب سعود شکیل نے جنوبی افریقی کپتان ٹیمبا باووما کو رن آؤٹ کیا۔

اس پر اسکوائر لیگ سے کامران غلام جنوبی افریقی کپتان کے سامنے آکر جارحانہ انداز دکھانے لگے باووما کو ڈائرکٹ تھرو پر رن آؤٹ کرنے والے سعود شکیل نے تو حد ہی کردی، بالکل باووما کے سامنے آکر شور مچایا اور اُن کا راستہ روکا ایک لمحے کےلیے باووما رُک گئے مگر اُنہوں نے دونوں میں سے کسی کرکٹر کو جواب نہیں دیا اور فوراً ہی امپائرز نے آکر کامران غلام اور سعود شکیل کو سمجھایا۔

پاکستان نے جنوبی افریقہ کے خلاف میچ کے لیے پلیئنگ الیون کا اعلان کر دیا۔

پاکستان کرکٹ بورڈ (پی سی بی) کے مطابق جنوبی افریقہ کے خلاف اہم میچ میں کپتانی کے فرائض محمد رضوان انجام دیں گے۔پاکستانی ٹیم ان کھلاڑیوں پر مشتمل ہے۔محمد رضوان (کپتان)، فخر زمان، بابر اعظم، سعود شکیل، سلمان علی آغا، طیب طاہر، خوشدل شاہ، شاہین شاہ آفریدی، محمد حسنین، نسیم شاہ، ابرار احمد

واضح رہے کہ پاکستان اور جنوبی افریقہ کے درمیان تین ملکی سیریز کا میچ کل بروز بدھ ہوگا۔اس سے قبل پی سی بی نے کہا تھا کہ انجری کے شکار پاکستانی فاسٹ باؤلر حارث رؤف سہ ملکی سیریز سے باہر ہوگئے، ان کی جگہ فاسٹ باؤلر عاکف جاوید کو ٹیم میں شامل کر لیا گیا۔

چیئرمین مہاجر قومی موومنٹ آفاق احمد گرفتار

گوگل نے خلیج میکسیکو کا نام خلیج امریکا کر دیا

بین الاقوامی منڈی میں باسمتی چاول پر حق ملکیت پاکستان جیت گیا