Baaghi TV

Category: کھیل

  • فاسٹ بولر محمد عرفان کا بھی انٹرنیشنل کرکٹ سے ریٹائرمنٹ کا اعلان

    فاسٹ بولر محمد عرفان کا بھی انٹرنیشنل کرکٹ سے ریٹائرمنٹ کا اعلان

    لاہور: پاکستانی کرکٹرز کی جانب سے انٹرنیشنل کرکٹ سے ریٹائرمنٹ لینے کا سلسلہ جاری ہے عماد وسیم اور محمد عامر کے بعد آج فاسٹ بولر محمد عرفان کی جانب سے ریٹائرمنٹ کا اعلان سامنے آیا ہے۔

    باغی ٹی وی : محمد عرفان نے سوشل میڈیا پر ریٹائرمنٹ کا اعلان کرتے ہوئے کہا کہ سپورٹ کرنے پر ساتھی کھلاڑیوں،کوچز اور تمام لوگوں کاشکرادا کرنا چاہتا ہوں، محبتوں، خوشیوں اور ناقابل فراموش یادوں کے لیے آپ کا شکریہ،محمد عرفان نے کہا کہ تینوں فارمیٹس میں پاکستان کی نمائندگی کرنے کو اپنے لئے اعزاز سمجھتا ہوں۔

    بائیں ہاتھ کے طویل القامت فاسٹ بولر محمدعرفان نے 4 ٹیسٹ، 60 ون ڈے اور 22 ٹی ٹوئنٹی میچز میں پاکستان کی نمائندگی کی-

    واضح رہے کہ رہے کہ گزشتہ 3 دن میں قومی کرکٹرز کی جانب سے سامنے آنے والا یہ ریٹائرمنٹ کا تیسرا اعلان ہے،محمد عرفان سے قبل گزشتہ روز فاسٹ بولر محمد عامر نے بھی انٹرنیشنل کرکٹ سے ریٹائر ہونے کا اعلان کیا تھا جبکہ آل راؤنڈر عماد وسیم دو روز قبل ریٹائرمنٹ کااعلان کر چکے ہیں۔

  • تیسرا ٹی 20 بارش کی نذر ، جنوبی افریقا نے پاکستان کیخلاف سیریز اپنے نام کرلی

    تیسرا ٹی 20 بارش کی نذر ، جنوبی افریقا نے پاکستان کیخلاف سیریز اپنے نام کرلی

    پاکستان اور جنوبی افریقا کے درمیان تیسرا اور آخری ٹی ٹوئنٹی میچ بارش کی نذر ہوگیا اور جنوبی افریقا نے تین ٹی ٹوئنٹی میچز کی سیریز 0-2 سے اپنے نام کرلی۔

    باغی ٹی وی: پاکستان اور جنوبی افریقا کےدرمیان تیسرا ٹی ٹوئنٹی آج جوہانسبرگ میں کھیلا جانا تھا۔ تین میچوں کی سیریز میں جنوبی افریقا کو دو صفر کی فیصلہ کن برتری حاصل تھی تاہم مسلسل بارش کی وجہ سے ٹاس ہی نہیں کیا جاسکامسلسل بارش کی وجہ سے ایمپائرز نے میچ کو منسوخ کر دیا اور میزبان ٹیم نے تین ٹی ٹوئنٹی میچز کی سیریز 0-2 سے اپنے نام کرلی۔

    جنوبی افریقہ کے خلاف تیسرے ٹی ٹوئنٹی میچ کے لیے پاکستان کی پلیئنگ کا اعلان کیا گیا، جس میں ایک تبدیلی کی گئی تھی،قومی ٹیم کو تیسرے ٹی ٹوئنٹی کے لیے ایک تبدیلی کے ساتھ میدان میں اترنا تھا، جس میں عثمان خان کی جگہ پر سلمان علی آغا کو پلینگ الیون کا حصہ بنایا گیا تھا،ٹیم کے کپتان محمد رضوان جبکہ دیگر کھلاڑیوں میں بابر اعظم، صائم ایوب، طیب طاہر، محمد عرفان خان، سلمان علی آغا، عباس آفریدی، شاہین آفریدی، جہاندادخان، حارث رؤف اور ابرار احمد شامل تھے۔

    واضح رہے کہ جنوبی افریقا نے 3 ٹی ٹوئنٹی میچز کی سیریز کے پہلے میچ میں پاکستان کو 11 رنز سے شکست دی تھی جبکہ دوسرے میچ میں جنوبی افریقا کے ہاتھوں پاکستان کو 7 وکٹوں سے شکست کا سامنا کرنا پڑا تھا۔

  • جنوبی افریقہ کیخلاف تیسرا ٹی ٹوئنٹی،پاکستان کی پلیئنگ کا اعلان

    جنوبی افریقہ کیخلاف تیسرا ٹی ٹوئنٹی،پاکستان کی پلیئنگ کا اعلان

    لاہور: جنوبی افریقہ کے خلاف تیسرے ٹی ٹوئنٹی میچ کےلیے پاکستان کی پلیئنگ کا اعلان کردیا گیا ہے-

    باغی ٹی وی: تین میچوں کی سیریز میں جنوبی افریقہ کو پہلے ہی 0-2 کی ناقابلِ شکست برتری حاصل ہےقومی ٹیم تیسرے ٹی ٹوئنٹی کےلیے ایک تبدیلی کے ساتھ میدان میں اترے گی جہاں عثمان خان کی جگہ پر سلمان علی آغا پلینگ الیون کا حصہ ہوں گے۔

    ٹیم میں کپتان محمد رضوان، بابراعظم ، صائم ایوب ، طیب طاہر اور محمد عرفان خان شامل ہیں، پاکستانی ٹیم میں عباس آفریدی، شاہین آفریدی، جہاندادخان، حارث رؤف اور ابرار احمد بھی شامل ہیں۔

    خیال رہے کہ پاکستان اور جنوبی افریقا کےدرمیان تیسرا ٹی ٹوئنٹی آج جوہانسبرگ میں کھیلا جائےگا۔

  • محمد عامر کا انٹرنیشنل کرکٹ کیریئر سے ریٹائرمنٹ کا اعلان

    محمد عامر کا انٹرنیشنل کرکٹ کیریئر سے ریٹائرمنٹ کا اعلان

    عماد وسیم کے بعد پاکستان کے کھلاڑی آل راؤنڈ محمد عامر نے بھی اپنے انٹرنیشنل کرکٹ کیریئر سے ریٹائرمنٹ کا اعلان کر دیا ہے

    محمد عامر، جو کہ پاکستان کے فاسٹ بولنگ کے بڑے ستاروں میں شمار ہوتے ہیں، نے اپنے کرکٹ کیریئر کے اختتام کا اعلان کیا۔ 32 سالہ محمد عامر نے جون 2009ء میں بین الاقوامی کرکٹ میں قدم رکھا اور اس کے بعد پاکستان کے لیے 36 ٹیسٹ، 61 ون ڈے اور 62 ٹی ٹوئنٹی میچز کھیلے۔ عامر نے تینوں فارمیٹس میں مجموعی طور پر 271 بین الاقوامی وکٹیں حاصل کیں اور 1179 رنز بنائے۔محمد عامر 2009ء کے آئی سی سی ٹی ٹوئنٹی ورلڈ کپ جیتنے والی پاکستانی ٹیم کا بھی حصہ تھے اور ان کی فاسٹ بولنگ نے اس ٹورنامنٹ میں پاکستان کو شاندار کامیابی دلائی۔ عامر نے کہا کہ پاکستان کے لیے تینوں فارمیٹس میں کھیلنا ان کے لیے ایک اعزاز تھا۔ انہوں نے مزید کہا کہ "یہ ایک مشکل فیصلہ تھا، مگر مجھے لگتا ہے کہ یہ وقت آگیا ہے کہ میں اگلی نسل کو اپنی ذمہ داری سنبھالنے کا موقع دوں اور پاکستان کرکٹ کو نئی بلندیوں تک لے جاؤں۔”عامر نے پاکستان کرکٹ بورڈ (پی سی بی) کا بھی شکریہ ادا کیا، جنہوں نے ان کے کیریئر کے دوران ہمیشہ ان کی سپورٹ کی۔ ان کا کہنا تھا کہ وہ پی سی بی کی جانب سے فراہم کی جانے والی سپورٹ کو قدر کی نگاہ سے دیکھتے ہیں اور قومی ٹیم کی آئندہ کامیابیوں کے منتظر ہیں۔

    پاکستان کرکٹ بورڈ (پی سی بی) کے چیف آپریٹنگ افسر سمیر احمد سید نے بھی دونوں کھلاڑیوں کی خدمات کا اعتراف کیا اور کہا کہ "ہم محمد عامر اور عماد وسیم کا پاکستان کرکٹ کے لیے ان کی شاندار خدمات پر دل سے شکریہ ادا کرتے ہیں۔ ان دونوں کی کرکٹ میں شراکت ہمیشہ یاد رکھی جائے گی اور ہم ان کی آئندہ کی کوششوں کے لیے نیک تمناؤں کا اظہار کرتے ہیں۔”

  • پاکستان کا جنوبی افریقہ کو جیت کیلئے 207رنز کا ہدف

    پاکستان کا جنوبی افریقہ کو جیت کیلئے 207رنز کا ہدف

    جنوبی افریقہ کے خلاف 3 ٹی 20 میچوں کی سیریز کے دوسرے میچ میں پاکستان نے پہلے بیٹنگ کرتے ہوئے پروٹیز کو جیت کے لیے 207 رنز کا ہدف دے دیا۔

    جنوبی افریقہ کے شہر سنچورین میں جاری میچ میں پاکستانی کپتان محمد رضوان نے ٹاس جیت کر پہلے بیٹنگ کا فیصلہ کیا۔پاکستانی پلیئنگ الیون میں ایک تبدیلی کی گئی ہے، سفیان مقیم کی جگہ جہانداد خان آج کا میچ کھیل رہے ہیں۔محمدرضوان کپتانی کے فرائض انجام دے رہے ہیں جب کہ ان کے علاوہ ٹیم میں صائم ایوب، بابراعظم، عثمان خان، طیب طاہر، عرفان خان، عباس آفریدی، شاہین شاہ آفریدی شامل ہیں۔اسی طرح حارث رؤف، جہانداد خان اور ابرار احمد کو بھی پلیئنگ الیون کا حصہ بنایا گیا ہے۔جنوبی افریقہ نے پہلے ٹی 20 میچ میں پاکستان کو 11 رنز سے شکست دے کر 3 میچوں کی سیریز میں ایک صفر کی برتری حاصل تھی۔واضح رہے کہ پاکستان کرکٹ ٹیم 10 دسمبر سے 7 جنوری تک جنوبی افریقہ کے دورے میں 3 ٹی20، 3 ون ڈے اور 2 ٹیسٹ میچز کھیلے گی۔تیسرا ٹی 20 میچ 14 دسمبر، پہلا ون ڈے 17 دسمبر کو پارل میں ہوگا جب کہ ٹیسٹ میچز بالترتیب 26 دسمبر اور 3 جنوری کو سنچورین اور کیپ ٹاؤن میں شروع ہوں گے۔

    بشار کا تحتہ الٹنےکے بعد روس نے شام کی گندم فراہمی روک دی

    بجلی صارفین پر نیا بوجھ ڈالنے کا منصوبہ سامنے آ گیا

    سونے کی قیمت میں اچانک بڑی کمی

    سندھ حکومت ائیر ایمبولینس، مرٰیض سکھرسے کراچی منتقل

  • کرکٹ چیمپئنز ٹرافی: بھارت نے پاکستان کے آگے گھٹنے ٹیک دیے

    کرکٹ چیمپئنز ٹرافی: بھارت نے پاکستان کے آگے گھٹنے ٹیک دیے

    بھارتی کرکٹ بورڈ نے پاکستان کرکٹ بورڈ کے اگے گھٹنے ٹیک دیے اور چیمپئنز ٹرافی 2025 کے انعقاد کے حوالے سے پاکستان کے فیوژن ہائبرڈ ماڈل پر رضامندی ظاہر کر دی۔

    بھارتی نیوز ویب سائٹ انڈیا ٹو ڈے کی رپورٹ میں دعویٰ کیا کہ انٹرنیشنل کرکٹ کونسل (آئی سی سی) نے پی سی بی اور بی سی سی آئی کے درمیان معاہدے کے بعد چیمپئنز ٹرافی 2025 کے لیے ہائبرڈ ماڈل کی منظوری دے دی، جس کے میچز پاکستان اور دبئی میں منعقد کیے جائیں گے۔ 2026 کے ٹی 20 ورلڈ کپ میں پاک-بھارت میچ بھارت میں نہیں بلکہ سری لنکا میں منعقد ہوگا، پی سی بی کا بڑا مطالبہ پورا ہونے کے بعد چیمپینز ٹرافی کے شیڈول اعلان چند دنوں متوقع ہے۔ذرائع نے بتایا تھا کہ بھارت 2026 کے ٹی 20 ورلڈکپ پر ہائبرڈ ماڈل پر راضی نہیں، بھارت پاکستان کو اپنے ملک میں کھیلتا دیکھنا چاہتا ہے اس لیے معاہدے پر دستخط کرنے سے کترا رہا تھا، تاہم پاکستان 3 سال تک ہائبرڈ ماڈل برقرار رکھنے کے مطالبے پر قائم رہا تھا۔انڈیا ٹو ڈے کے مطابق پی سی بی کو بھارت کے میچوں کی میزبانی کا موقع ضائع کرنے پر کوئی زر تلافی نہیں دیا جائے گا، تاہم اس کے بدلے میں پی سی بی کو 2027 کے بعد آئی سی سی وویمن ٹورنامنٹ کی میزبانی ملے گی۔رپورٹ میں کہا گیا ہے کہ دونوں بورڈز کا 2026 کے ٹی 20 ورلڈ کپ کے حوالے سے اتفاق رائے ہو گیا ہے، جس کے تحت پاکستان، بھارت کے خلاف لیگ مرحلے کے میچز بھارت میں نہیں بلکہ سری لنکا کے شہر کولمبو میں کھیلے گا۔رپورٹ میں مزید کہا گیا ہے کہ تینوں پارٹیاں آئی سی سی، بی سی سی آئی اور پی سی بی اس پیش رفت پر خوش ہیں۔یاد رہے کہ 11 دسمبر کو ڈان نیوز نے رپورٹ کیا تھا کہ پی سی بی نے چیمپینز ٹرافی 2025 میں بھارت کے ساتھ میچز پر ہائبرڈ ماڈل کے مؤقف کو برقرار رکھا تھا، دبئی میں چیمپینز ٹرافی کے حوالے سے مذاکرات کا سلسلہ جاری رہا، پی سی بی کے اعلیٰ عہدے داران مذاکرات میں شریک رہے۔دوسری جانب بھارتی نشریاتی ادارے’ این ڈی ٹی وی’ نے دعویٰ کیا تھا کہ چیمپنئز ٹرافی نہ کھیلنے پر پاکستان کو مالی اور قانونی طور پر بھاری نقصان اٹھانا پڑ سکتا ہے۔رپورٹ میں کہا گیا ہے کہ چیمپئنز ٹرافی 2025 کا انعقاد 19 فروری سے 9 مارچ تک شیڈول ہے، جس میں 8 ٹیموں کو 2 گروپوں میں تقسیم کیا گیا ہے، ہر گروپ سے سرفہرست 2 ٹیمیں سیمی فائنل میں جائیں گی، اس کے بعد فائنل ہوگا۔

    تنگوانی: دریائے سندھ سے نہریں نکالنے کے خلاف سندھ یونائیٹڈ پارٹی کا احتجاجی مارچ

    بھارتی فرنچائز کا مالک میچ فکسنگ کے الزام میں گرفتار

    سندھ سرمایہ کاروں کو مکمل تحفظ فراہم کرے گا، شرجیل میمن

    کراچی سے دبئی جانے والے طیارے کی ایمرجنسی لینڈنگ

  • بھارتی فرنچائز کا مالک میچ فکسنگ کے الزام میں گرفتار

    بھارتی فرنچائز کا مالک میچ فکسنگ کے الزام میں گرفتار

    لنکا ٹی 10 لیگ کی فرنچائز کے بھارتی مالک پریم ٹھاکر کو میچ فکسنگ کے الزام میں گرفتار کرلیا گیا۔

    خیر ملکی خبر رساں ادارے کے مطابق کی رپورٹ کے مطابق سری لنکا کی اسپورٹس پولیس نے میچ فکسنگ کے الزامات کے بعد لنکا ٹی 10 لیگ میں فرنچائز کے مالک بھارتی شہری پریم ٹھاکر کو گرفتار کیا ہے۔پریم ٹھاکر کو جمعرات کو کینڈی کے پالے کیلے اسٹیڈیم کے وسطی ضلع میں کھیلی جارہی لنکا ٹی 10 لیگ میں میچ فکسنگ کے الزام میں گرفتار کیا گیا۔پولیس کے مطابق لنکا ٹی 10 سپر لیگ میں ’گال مارولز‘ ٹیم کے مالک کو گرفتار کیا گیا ہے اور انہیں آج کو عدالت میں پیش کیا جائے گا۔لنکا ٹی 10 لیگ گال مارولز ٹورنامنٹ کی چھ ٹیموں میں سے ایک ہے۔رپورٹ کے مطابق پریم ٹھاکر کی گرفتاری ویسٹ انڈیز کے ایک غیرملکی کھلاڑی کی شکایت کے بعد عمل میں آئی ہے جس نے میچ فکس کرنے کی ان کی درخواست کو مسترد کردیا تھا۔حکام اب اس واقعے کی تحقیقات کررہے ہیں جس سے افتتاحی لنکا ٹی 10 ٹورنامنٹ کی سالمیت کے بارے میں خدشات پیدا ہوگئے ہیں۔

    سندھ سرمایہ کاروں کو مکمل تحفظ فراہم کرے گا، شرجیل میمن

    کراچی سے دبئی جانے والے طیارے کی ایمرجنسی لینڈنگ

  • عماد وسیم کا انٹرنیشنل کرکٹ سے ریٹائرمنٹ کا اعلان

    عماد وسیم کا انٹرنیشنل کرکٹ سے ریٹائرمنٹ کا اعلان

    پاکستان کرکٹ ٹیم کے معروف آل راؤنڈر عماد وسیم نے اپنے کیریئر کے اہم موڑ پر انٹرنیشنل کرکٹ سے ریٹائرمنٹ کا اعلان کیا ہے۔

    انہوں نے یہ فیصلہ اپنے سوشل میڈیا اکاؤنٹس پر جاری کیے گئے ایک پیغام میں کیا، جس میں انہوں نے کہا کہ "بڑی سوچ بچار کے بعد انٹرنیشنل کرکٹ سے ریٹائرمنٹ کا فیصلہ کیا ہے، پاکستان کی نمائندگی کرنا میری زندگی کا بہت بڑا اعزاز ہے۔”عماد وسیم نے مزید لکھا کہ وہ اب ڈومیسٹک اور فرنچائز کرکٹ میں اپنے کرکٹ کی سفر کو جاری رکھیں گے، لیکن انٹرنیشنل سطح پر پاکستان کے لئے مزید کھیلنے کا کوئی ارادہ نہیں رکھتے۔ ان کا کہنا تھا کہ وہ اس فیصلے پر مکمل طور پر راضی ہیں اور مستقبل میں اپنے کرکٹ کیریئر کو نئے زاویے سے دیکھنے کی امید رکھتے ہیں۔

    یاد رہے کہ عماد وسیم نے اپنی ریٹائرمنٹ سے متعلق اعلان ٹی ٹوئنٹی ورلڈکپ کے دوران کیا تھا، تاہم اس سے قبل انہوں نے ورلڈکپ کے آغاز سے پہلے اپنے فیصلے کو واپس لے لیا تھا اور مزید عالمی کرکٹ میں حصہ لینے کا فیصلہ کیا تھا۔

    عماد وسیم کا کرکٹ کی دنیا میں نمایاں کردار رہا ہے، خاص طور پر محدود اوورز کی کرکٹ میں، جہاں انہوں نے اپنی آل راؤنڈ صلاحیتوں سے پاکستان کے لیے متعدد اہم میچز جیتے۔ انہوں نے 2015 میں پاکستان کی نمائندگی شروع کی تھی اور اس کے بعد سے کئی اہم مواقع پر اپنی کارکردگی کا لوہا منوایا۔ وہ پاکستانی کرکٹ ٹیم کے اہم آل راؤنڈرز میں سے ایک رہے، جنہوں نے اپنی باؤلنگ اور بیٹنگ دونوں میں شاندار کارکردگی کا مظاہرہ کیا۔عماد وسیم نے متعدد ٹی ٹوئنٹی اور ون ڈے میچز میں پاکستان کی کامیابی میں کلیدی کردار ادا کیا۔

    مدارس رجسٹریشن بل پر صدر مملکت کے اعتراضات کی تفصیلات

    وزیراعظم کا زیادہ ایندھن سے کم بجلی پیدا کرنیوالے بجلی گھر کو بند کرنے کا حکم

  • جیسن گلیسپی کا استعفیٰ قبول،عاقب جاوید ریڈ بال کے عبوری ہیڈ کوچ مقرر

    جیسن گلیسپی کا استعفیٰ قبول،عاقب جاوید ریڈ بال کے عبوری ہیڈ کوچ مقرر

    لاہور: پاکستان کرکٹ بورڈ (پی سی بی) نے جیسن گلیسپی کا استعفیٰ قبول کر کے عاقب جاوید کو ریڈ بال کا عبوری ہیڈ کوچ مقرر کردیا۔

    باغی ٹی وی: اس سے قبل جیسن گلیسپی نے پی سی بی کی جانب سے اسسٹنٹ کوچ ٹِم نیلسن کے معاہدے کی توسیع نہ کرنے پر عہدہ چھوڑنے کا فیصلہ کیا تھاٹِم نیلسن کے معاہدے کی میعاد گزشتہ ماہ دورہ آسٹریلیا کے بعد پوری ہوگئی تھی ان کو رواں برس اگست میں ہائی پرفارمنس ریڈ بال کوچ تعینات کیا گیا تھا۔

    اسسٹنٹ کوچ نے بتایا کہ پی سی بی نے انہیں مطلع کیا ہے کہ ادارے کو اب ان کی خدمات کی مزید ضرورت نہیں ہے جیسن گلیسپی نے بورڈ کو بتایا کہ ان کا جنوبی افریقا نہ جانے کا فیصلہ ذاتی وجوہات کی بنا پر ہے ان کو کل یعنی بروز جمعہ پری ٹیسٹ کیمپ کے لیے جنوبی افریقا پہنچنا تھا ٹِم نیسلن کے متعلق فیصلہ کرتے وقت بورڈ نے ان سے مشورہ نہیں کیا جس سے ان کے بورڈ پر عدم اعتماد میں مزید اضافہ ہوا۔

    واضح رہے جیسن گلیسپی انتظامیہ میں ہونے والی حالیہ تبدیلیوں سے مطمئن نہیں تھے اکتوبر میں انہیں ٹیسٹ ٹیم کے سلیکشن پینل سے ہٹا کر ان کا کردار ’میچ-ڈے اسٹریٹجسٹ‘ تک محدود کر دیا گیا تھا۔

  • پاکستان سپر لیگ کے لیے غیر ملکی کھلاڑیوں کی رجسٹریشن کا عمل شروع

    پاکستان سپر لیگ کے لیے غیر ملکی کھلاڑیوں کی رجسٹریشن کا عمل شروع

    لاہور: ایچ بی ایل پاکستان سپر لیگ کے 10ویں ایڈیشن کے لیے غیر ملکی کھلاڑیوں کی رجسٹریشن کا عمل شروع ہوگیا۔

    باغی ٹی و ی: پی ایس ایل کے 10ویں ایڈیشن کے لیے غیر ملکی کھلاڑیوں کی رجسٹریشن ونڈو کے ساتھ ساتھ ٹریڈ ونڈو کھل گئی ہے، کھلاڑیوں کی کیٹیگری کا اعلان 17 دسمبر کو کیا جائے گا کھلاڑیوں کی ریلیگیشن اور ریٹینشن کا عمل رواں ماہ کیا جائے گا، پی ایس ایل پلیئرز کا ڈرافٹ 11 جنوری 2025 کو ہونا ہے، ڈرافٹ کے مقام اور وقت کا اعلان مقررہ وقت پر کیا جائےگا۔

    ایچ بی ایل پی ایس ایل کے چیف ایگزیکٹو آفیسر سلمان نصیر کا کہنا ہےکہ ہم غیر ملکی کھلاڑیوں کےساتھ ساتھ ٹریڈ ونڈو کے لیے رجسٹریشن کے عمل کو کھولنے کا اعلان کرتے ہوئے بہت خوش ہیں، یہ ایچ بی ایل پاکستان سپر لیگ کے 10ویں ایڈیشن کی تیاریوں کا ایک دلچسپ آغاز ہے۔

    چیف ایگزیکٹو آفیسر سلمان نصیر نے کہا کہ پی ایس ایل ایک ایسا برانڈ ہے جس پر ہم سب کو فخر ہے 2016 میں اپنے قیام کے بعد سے اپنے فرنچائز مالکان، تجارتی شراکت داروں اور اسٹیک ہولڈرز کے ساتھ مل کر ہم نے ایک طویل اور کامیاب سفر کا آغاز کیا ہےتاریخی 10 واں سیزن سب کے لیے مزید جوش و خروش لانے کا وعدہ کرتا ہے اور ایچ بی ایل پی ایس ایل ٹیم شائقین کو بے مثال تجربات فراہم کرنے کے لیے انتھک محنت کرنے کے لیے پرعزم ہے۔

    واضح رہے کہ پاکستان سپر لیگ کا دسواں ایڈیشن 8 اپریل سے 19 مئی 2025 کے درمیان شیڈول ہے۔