Category: کھیل

لاہور: پاکستان کے کیوئسٹ محمد آصف نے تیسری مرتبہ آئی بی ایس ایف ورلڈ اسنوکر چیمپئن شپ جیت لی،چئیرمین پاکستان کرکٹ بورڈ محسن نقوی نے تیسری بار عالمی سنوکر چیمپئن شپ جیتنے پر قومی کیوئسٹ محمد آصف کو مبارکباد دی ہے۔

باغی ٹی وی : چیئرمین پی سی بی محسن نقوی نے اپنے تہنیتی پیغام میں کہا کہ محمد آصف نے شاندار کھیل کا مظاہرہ کرکے ٹائیٹل اپنے نام کیا،محمد آصف نے چیمپئن شپ جیت کر سبز ہلالی پرچم کو بلند کیا،محمد آصف کا تیسری بار چیمپئن شپ جیتنا پاکستان کے لئے اعزاز ہے،محمد آصف کی مزید کامیابیوں کےلئے دعا گو ہوں ،چئیرمین پی سی بی محسن نقوی نے محمد آصف کے مستقبل کے لئے نیک خواہشات کا اظہار کیا۔

قطر کے شہر دوحہ میں جاری ورلڈ اسنوکر چیمپئن شپ پاکستان نے اپنے نام کرلی، پاکستانی کیوئسٹ محمد آصف ورلڈ اسنوکر چیمپئن بن گئےمحمد آصف نےفائنل میں ایرانی کیوئسٹ علی غاراگوزلو کو شکست دی،بیسٹ آف نائن فریمز کےفائنل میں محمد آصف نے ایرانی کیوئسٹ کے خلاف 5-3 سے فتح سمیٹی اور اب انہوں نے یہ تیسرا ورلڈ چیمپئن کا ٹائٹل جیتا ہے۔

اس سے قبل محمد آصف 2012 اور 2019 میں بھی ورلڈ اسنوکر چیمپئن شپ جیت چکے ہیں، پاکستانی کیوئسٹ نے سیمی فائنل میں قبرص کے مائیکل جارجیو کو 3-5 فریم سے شکست دی تھی۔

پنجاب: پرائمری سے ہائیر سیکنڈری تک اسکولز بند کرنے کا اعلان

ہائیکورٹ کے ججز کی تنخواہوں اور ہاؤس رینٹ الاؤنس میں اضافہ

امریکی انتخابات،سیاسی منظر نامے میں اہم تبدیلیاں

دبئی: انٹرنیشنل بلیئرڈ اسنوکر فیڈریشن (آئی بی ایس ایف) کے ورلڈ اسنوکر چیمپئن شپ مقابلوں میں پاکستان کے محمد آصف یو اے ای کے پلیئر کو شکست دے کر سیمی فائنل میں پہنچ گئے-

باغی ٹی وی: آئی بی ایس ایف ورلڈ اسنوکر کے کوارٹر فائنل میں محمد آصف نے یو اے ای کے محمد شہاب کو شکست دی، پاکستانی کیوئسٹ نے اماراتی پلیئر کے خلاف مقابلہ 1-4 کے اسکور سے جیتا۔

پہلے فریم میں شکست کے بعد محمد آصف نے کم بیک کرکے مسلسل 4 فریم جیتا اور محمد آصف کی کامیابی کا اسکور 111-7، 5-54، 0-109، 1-112، اور 48-60 رہا،محمد آصف نے میچ کے دوران 2 سنچری بریک بھی کھیلے، محمد آصف ٹورنامنٹ میں اب تک4 سنچری بریک کھیل چکے ہیں، ایونٹ کے سیمی فائنل آج رات کھیلے جائیں گے۔

قبل ازیں ورلڈ اسنوکر چیمپئن شپ مقابلوں میں پاکستان کے اسجد اقبال براہ راست راؤنڈ آف 16 میں پہنچے جبکہ آصف اور اویس نے راؤنڈ آف 24 کھیلا،محمد آصف جرمنی کے سائمن لچنبرگ سے ہار کر بھی اگلے راؤنڈ تک آئے اور محمد آصف فریم ڈفرینس کی بنیاد پر اپنے گروپ میں دوسرے نمبر پر رہے۔

آخری میچ میں سائمن لچنبرگ نے آصف کو 3-4 سے شکست دی تھی، اسجد اقبال نے آخری گروپ میچ میں قطر کے خامس العبیدی کو 0-4 سے شکست دی اسجد اقبال نے اپنے تینوں میچ جیت کر گروپ میں پہلی پوزیشن حاصل کی جبکہ اویس منیر نے بحرین کے حبیب صباح کو 1-4 سے شکست دے کر ناک آؤٹ راونڈ میں جگہ بنائی پاکستان کے چوتھے کھلاڑی نسیم اختر دو میچز ہارنے کے بعد ناک آؤٹ راؤنڈ تک رسائی حاصل کرنے میں ناکام رہے تھے-

لاہور: بھارتی وزارت کھیل نے 23 نومبر سے پاکستان میں کھیلے جانے والے ٹی ٹوئنٹی بلائنڈ کرکٹ ورلڈکپ کے چوتھے ایڈیشن میں شرکت کے لیے انڈین بلائنڈ کرکٹ ٹیم کو این او سی جاری کر دیا۔

باغی ٹی وی: بھارتی وزارت کھیل کی جانب سے کرکٹ ایسوسی ایشن آف دی بلائنڈ انڈیا کے سیکریٹری جنرل شری شائلندر یادیو کو بھیجے گئے خط میں دورہ پاکستان کی اجازت دیتے ہوئے اس سلسلے میں مزید کلیئرنس حاصل کرنے کے لیے بھارتی وزارت خارجہ اور وزارت داخلہ سے رابطہ کرنے کے لیے کہا گیا ہے۔

مجھے دنیا بھر سے 70 ہزار سے زائد شادی کی پیشکش آئیں،ویناملک

پاکستان بلائنڈ کرکٹ کونسل کے چیئرمین سید سلطان شاہ نے وزارت کھیل کی جانب سے این او سی ملنے کو خوش آئند قرار دیتے ہوئے کہا ہے کہ پاک بھارت مقابلے ہمیشہ شائقین کھیل کی بھرپور توجہ حاصل کرتے ہیں، اقوام متحدہ کے چارٹرڈ میں بھی تمام ممالک کے جسمانی معزوری کا شکار افراد کو خصوصی مواقع، خاص طور پر کھیلوں کے حوالے سے مراعات فراہم کرنے پر زور دیا گیا ہے، انہوں نے امید کا اظہار کیا ہے کہ بھارتی وزارت خارجہ و داخلہ کی جانب سے بھی انڈین بلائنڈ کرکٹ ٹیم کو دورہ پاکستان کے لیے جلد این او سی کا اجراء کر دیا جائے گا۔

واضح رہے کہ بھارتی بلائنڈ ٹیم کو ورلڈکپ میں شرکت کے لیے 12 نومبر کو لاہور پہنچنا ہے، بھارت اور پاکستان کا میچ 25 نومبر کو لاہور میں شیڈول ہے۔

یحییٰ سنوار نے اپنی شہادت سے 72 گھنٹے پہلے تک کچھ نہیں کھایا تھا،پوسٹ …

میلبرن: قومی کرکٹ ٹیم کے کپتان محمد رضوان نےکہا ہے کہ ہمارے لیے پاکستان سب سے پہلے ہے، پلیئنگ الیون میں میری بھی مشاورت ہوگی لیکن باقی لوگوں کی ان پٹ ہونا اچھی چیز ہے-

باغی ٹی وی :آسٹریلیا کے میلبرن کرکٹ گراؤنڈ میں پریس کانفرنس کرتے ہوئے وائٹ بال کرکٹ ٹیم کے کپتان محمد رضوان نےکہا کہ ماضی میں جو کچھ ہوا اسے بھول کر آگے بڑھنا ہے، سلیکشن کمیٹی کے ممبر کے یہاں ہونے سے میں خوش ہوں پلیئنگ الیون میں میری بھی مشاورت ہوگی لیکن باقی لوگوں کی ان پٹ ہونا اچھی چیز ہے، میں مشاورت کے ساتھ چلنے والوں میں سے ہوں، نوجوان کھلاڑیوں کے بھی مشورے لیتا ہوں، ابھی جو نوجوان کھلاڑی آئے ہیں ان کے پاس بھی موقع ہے۔

محمد رضوان نے کہا کہ بابر اعظم، شاہین اور نسیم کی پاکستان کے لیے بہت پرفارمنس رہی ہیں، آج بابر اور شاہین کا نام اپنی پرفارمنس کی وجہ سےہی ہے،کھلاڑیوں پر برا وقت آتا ہے، وہ بھی اسی چیز سے گزر رہے ہیں، بابر اور شاہین اس چیز کو سمجھتے ہیں اور میں بھی انہیں جتنا ہوسکا، سپورٹ کروں گا نسیم شاہ اپنی انجریز کی وجہ سے ان آؤٹ ہوتے رہے ہیں، فخر اور امام کی بہت پرفارمنس ہیں، فخر اوپر سے تیزی سے رنز کرتے تھے، فخر گیم چینجر کھلاڑی بھی ہے اور اس کے رنز کا بہت فرق پڑتا رہا ہے۔

لاہور: قذافی اسٹیڈیم اپ گریڈیشن پروجیکٹ کا مجموعی طور پر تقریباً 50 فیصد کام مکمل ہوگیا ہے۔

باغی ٹی وی: قذافی اسٹیڈیم لاہور کے انکلوژرز اور مین بلڈنگ کے فلورز کا کام تیزی سے ہورہا ہے مین اور افس بلڈنگ کے فلورز تکمیل کے آخری مرحلے میں ہے،مین بلڈنگ میں کرکٹ میوزیم اور سوونیر شاپ بھی بنے گی، چئیرمین پی سی بی محسن نقوی نے قذافی اسٹیڈیم کے تعمیراتی منصوبے پر ہونے والی پیش رفت کا جائزہ لیا،چئیرمین پی سی بی محسن نقوی نے تعمیراتی کاموں پر اطمینان کا اظہار کیا۔

آسٹریلیا کے خلاف میچ میں بھارتی ٹیم پربڑا الزام عائد

بعد ازاں چئیرمین پی سی بی کی زیر صدارت ایف ڈبلیو او کے کیمپ آفس میں اجلاس ہوا جس میں ڈرائنگز کے ذریعے پراجیکٹ کے خدوخال کا جائزہ لیا گیا محسن نقوی نے پارکنگ ایریا کو کشادہ رکھنے کیلئے ہدایات دیں، مین بلڈنگ کے بیرونی آؤٹ لک کو خوبصورت بنانے کی ہدایت کی علاوہ ازیں انہوں نے ایف ڈبلیو او اور متعلقہ حکام کو کام مقررہ مدت میں مکمل کرنے کے حوالے سے ہدایات دیں اور کہا کہ چیمپئنز ٹرافی ٹورنامنٹ سے قبل قذافی سٹیڈیم کی تکمیل کا چیلنج پورا کرنا ہے یہ سٹیڈیم اب عالمی معیار کا بننے جا رہا ہے، کھلاڑیوں اور شائقین کرکٹ کے لئے سہولتوں کو بہتر بنایا جا رہا ہے۔

آسٹریلیا کے خلاف پہلے ون ڈے میچ کیلئے پلئینگ الیون کا اعلان