Category: کھیل

پاکستانی کرکٹ ٹیم کے کھلاڑی بابر اعظم کا کیرئیر آج کل شدید تنقید کی زد میں ہے، اور حالیہ پی سی بی اجلاس کے فیصلے نے اس بحث کو مزید تقویت دی ہے کہ آیا بابر اعظم واقعی قومی ٹیم کے معیار پر پورا اترتے ہیں یا نہیں۔ بابر اعظم اب خود ایک سوالیہ نشان بن چکے ہیں۔دس سالہ طویل کرکٹ کیریئر میں بابر اعظم کی کارکردگی پر نظر ڈالیں تو حقائق حیران کن ہیں۔ اتنے لمبے عرصے میں بابر کا ایک ففٹی نہ بنانا ان کی کرکٹ اہلیت پر سنجیدہ سوالات کھڑے کرتا ہے۔ ایک ایسا کھلاڑی جس سے قوم کو بڑی امیدیں وابستہ تھیں، اس کی مسلسل ناکامیوں نے شائقین کو مایوس کر دیا ہے۔ پی سی بی کے حالیہ اجلاس میں بابر کو ملتان ٹیسٹ سے باہر کرنے کا فیصلہ کیا گیا، لیکن اس کو ’ریسٹ‘ کا نام دے کر چھپانے کی کوشش کی گئی۔ حقیقت یہ ہے کہ بابر اعظم کی ناقص کارکردگی نے انہیں ٹیم سے باہر کروا دیا ہے۔

پی سی بی اجلاس کے دوران باخبر ذرائع کے مطابق جیسن جلسیپی اور شان مسعود جیسے کرکٹ کے ماہرین بابر کو برقرار رکھنا چاہتے تھے، لیکن عاقب جاوید کی مخالفت نے پی سی بی کو مجبور کیا کہ وہ بابر کے حق میں فیصلہ نہ دے۔اور پھر بابر اعظم کو ملتان ٹیسٹ سے باہر کر دیا گیا۔ پی سی بی اجلاس کے دوران ملتان ٹیسٹ دے بابر اعظم کو نکال کر دراصل بابر اعظم کو ان کی حدود یاد دلائی گئی ہیں۔ بابر اعظم کی حالیہ کارکردگی، مسلسل ناکامیوں اور انفرادی سطح پر بہتر کارکردگی نہ دکھانے سے ٹیم کی مجموعی پرفارمنس بھی متاثر ہو رہی ہے۔ بابر کی کپتانی کے دوران، ٹیم کو کئی مواقع پر شکست کا سامنا کرنا پڑا، اور ان کی اپنی بیٹنگ میں وہ تسلسل نظر نہیں آتا جو ایک کپتان میں ہونا چاہیے۔پاکستان کرکٹ کو اب ایسے کھلاڑیوں کی ضرورت ہے جو صرف نام کے نہیں، بلکہ عملی طور پر کارکردگی دکھا کر ٹیم کو اوپر لے جائیں۔ بابر اعظم کے پاس مواقع تھے، مگر ان کی مسلسل ناکامیوں نے انہیں اس مقام پر پہنچا دیا جہاں انہیں ٹیم سے باہر کر دیا گیا۔ اگر وہ اب بھی اپنی کارکردگی بہتر نہیں کرتے، تو شاید مستقبل میں ان کی واپسی کا کوئی امکان بھی نہ ہو۔

دوسری جانب پی سی بی اجلاس کے دوران عثمان کا فارغ کر دیا گیا اور اب امید کی جا رہی ہے کہ عثمان کی جگہ مدثر نذر کو لائے جانے کا امکان ہے۔ مدثر نذر اور عاقب جاوید جیسے منجھے ہوئے کھلاڑیوں کے پی سی بی میں ہونے سے پاکستان کرکٹ میں بہتری آئے گی اور کھلاڑیوں کا کھیل بھی بہتر ہو گا ۔

انڈر 19 ویمنز ٹی ٹوئنٹی ٹورنامنٹ کل سے لاہور کے ایل سی سی اے گراؤنڈ میں شروع ہونے جا رہا ہے، جہاں پانچ ٹیمیں مقابلہ کریں گی۔ یہ ٹورنامنٹ ڈبل لیگ فارمیٹ میں کھیلا جائے گا، جس میں ہر ٹیم کو آٹھ میچز کھیلنے ہیں۔ ٹورنامنٹ کے فائنل کا انعقاد 3 نومبر کو کیا جائے گا۔ٹورنامنٹ میں حصہ لینے والی پانچ ٹیمیں چیلنجرز، کانکررز، انونسیبلز، اسٹارز، اور اسٹرائیکرز ہیں۔ ایونٹ کے تمام 21 میچز لاہور کے ایل سی سی اے گراؤنڈ میں منعقد کیے جائیں گے، جہاں ہر روز دو میچز کھیلے جائیں گے۔ دن کا پہلا میچ صبح 9 بجے شروع ہوگا جبکہ دوسرے میچ کی پہلی گیند دوپہر 1 بجے پھینکی جائے گی۔
ٹورنامنٹ میں 75 کرکٹرز ایکشن میں نظر آئیں گے، جن میں نوجوان کھلاڑیوں کو اپنی صلاحیتوں کے اظہار کا موقع ملے گا۔ اس ٹورنامنٹ کی مجموعی انعامی رقم 11 لاکھ روپے رکھی گئی ہے۔ فاتح ٹیم کو 5 لاکھ روپے اور رنرز اپ کو 3 لاکھ روپے دیے جائیں گے۔ اس ایونٹ کے ذریعے نوعمر کرکٹرز کو اس سال کے آخر میں ہونے والے اے سی سی انڈر 19 ٹی ٹوئنٹی ٹورنامنٹ اور جنوری 2025 میں ملائیشیا میں ہونے والے آئی سی سی انڈر 19 ٹی ٹوئنٹی کے لیے پاکستان ویمنز انڈر 19 ٹیم میں شامل ہونے کا موقع ملے گا۔ٹورنامنٹ میں شامل 75 کھلاڑیوں میں آٹھ کرکٹرز خاص طور پر نمایاں ہیں، جن میں اریشہ انصاری، کومل خان، لائبہ ناصر، ماہم انیس، میمونہ خالد، راویل فرحان، سمیعہ افسر، اور زوفشان ایاز شامل ہیں۔ یہ تمام کھلاڑی پاکستان انڈر 19 اسکواڈ کا حصہ تھیں، جو حال ہی میں بنگلہ دیش میں خواتین کے انڈر 19 سہ ملکی ٹورنامنٹ میں حصہ لے چکی ہیں۔
اس ایونٹ میں 15 شہروں کی کھلاڑی شرکت کر رہی ہیں، جن میں ایبٹ آباد، بہاولپور، حویلی لکھا، ہنزہ، مردان، اور واہ کینٹ سے بھی کھلاڑیوں کا انتخاب کیا گیا ہے۔ اس سلیکشن کا عمل سابق ٹیسٹ کرکٹر اسد شفیق اور سابق انٹرنیشنل کرکٹر بتول فاطمہ کی زیر قیادت قومی ویمنز سلیکشن کمیٹی نے ملک گیر اوپن ٹرائلز کے ذریعے اس سال اگست اور ستمبر میں کیا تھا۔یہ ٹورنامنٹ نہ صرف نوجوان کرکٹرز کے لیے اپنی صلاحیتوں کو ثابت کرنے کا موقع فراہم کرے گا، بلکہ پاکستان میں خواتین کرکٹ کے مستقبل کو بھی روشن کرنے کا ذریعہ بنے گا۔ شائقین کرکٹ کی بڑی تعداد کی توقع کی جا رہی ہے کہ وہ اپنے پسندیدہ کھلاڑیوں کی حمایت کریں گے اور اس ایونٹ کا لطف اٹھائیں گے۔

پاکستان کرکٹ ٹیم کے سابق ہیڈ کوچ مکی آرتھر نے پاکستانی ٹیم کے کھلاڑیوں پر تنقید کی ہے،انگلینڈ کے خلاف شکست پر مکی آرتھر خاموش نہ رہ سکے اور پاکستانی ٹیم کے کھلاڑیوں پر برس پڑے ، مکی آرتھر نے گفتگو کرتے ہوئے ٹیم کے مورال اور کارکردگی پر منفی اثرات ڈالنے والے عوامل کا بھی ذکر کیا۔

مکی آرتھر نے پی سی بی کو بھی ہدف تنقید بنایا اور کہا کہ ٹیم کی کارکردگی میں بہتری کے لیے ضروری ہے کہ انتخاب، ماحول اور انتظامیہ میں تسلسل پیدا کیا جائے،ٹیم کے کھلاڑیوں کو ایک واضح ڈھانچے کی ضرورت ہے تاکہ وہ مکمل فوکس کے ساتھ بہترین کارکردگی دکھا سکیں،مکی آرتھر نے پاکستانی ٹیم کے کھلاڑیوں کی حد سے زیادہ تشہیر کو بھی تنقید کا نشانہ بنایا اور کہا کہ میڈیا یا کھلاڑیوں کے ایجنٹس کی جانب سے بے جا تشہیر کھلاڑیوں کے ذہن میں ایک غیر حقیقی تصور پیدا کرتی ہے، جس سے وہ اپنی اصل حیثیت کو فراموش کر دیتے ہیں اور اپنے آپ کو زیادہ اہمیت دینے لگتے ہیں، یہ بات سمجھنا ضروری ہے کہ پاکستانی ٹیم کے لیے کھیلنا سب سے بہترین وقت ہونا چاہیے، کھلاڑیوں کی صلاحیتوں کو صحیح سمت میں استعمال کرنے کے لیے ایک منظم اور پروفیشنل ماحول کی ضرورت ہے تاکہ وہ پوری توجہ کے ساتھ کارکردگی دکھا سکیں

گھر کے شیر گھر میں ڈھیر،انگلینڈ نے پاکستان کے چھکے چھڑا دیئے

ملتان ٹیسٹ بدترین شکست،مبشر لقمان کا بابراعظم و دیگر کے اثاثوں کی چھان بین کا مطالبہ

ایف آئی اے کاروائی کرے،166کھلاڑیوں کی لسٹ تیار،بابر کنگ نہیں کوئین نکلا

احساس ہو تو کچھ شرم ہوناں،احمد علی بٹ بابر اعظم پر پھٹ پڑے

بڑا فیصلہ،مبشر لقمان سپریم کورٹ، نیب جانے کو تیار،پی سی بی ،کرکٹرزپر جوڈیشل کمیشن بنے گا؟

پاکستان کرکٹ مزید زبوں حالی کا شکار،بابر ہی کپتان رہے،لابی سرگرم

بابراعظم کے بھائی کا ذریعہ آمدن بتا دیں میں چپ ہو جاؤں گا، مبشر لقمان

ہم نے سچ بولا،شوق پورا کرنا ہے تو کر لیں، احمد شہزادبابر اعظم پر پھر برس پڑے

ملتان ٹیسٹ میں انگلینڈ نے پاکستان کو شکست دے دی

پی سی بی نے ایک بار پھر نئی قومی سلیکشن کمیٹی کا اعلان کیا ہے

دبئی: آئی سی سی ویمنز ٹی ٹوئنٹی ورلڈ کپ میں آسٹریلیا کی ویمنز کرکٹ ٹیم نے شاندار کارکردگی کا مظاہرہ کرتے ہوئے پاکستان کو 9 وکٹوں سے شکست دے دی۔ اس فتح کے ساتھ ہی آسٹریلیا نے سیمی فائنل میں اپنی جگہ یقینی بنالی ہے، جبکہ پاکستان کو مزید مشکلات کا سامنا کرنا پڑے گا۔پاکستانی ٹیم نے پہلے بیٹنگ کرتے ہوئے 82 رنز کا مجموعہ ترتیب دیا اور پوری ٹیم 20 اوورز میں آؤٹ ہوگئی۔ پاکستان کی طرف سے عالیہ ریاض نے سب سے زیادہ 26 رنز بنائے، جبکہ دیگر کھلاڑیوں کا اسکور کم رہا۔ یہ بیٹنگ لائن اپ آسٹریلیا کی باؤلنگ کے سامنے زیادہ دیر نہ ٹھہر سکی۔آسٹریلیا کی باؤلنگ کا سلسلہ شاندار رہا، جہاں ایشلی گارڈنر نے متاثر کن کارکردگی دکھاتے ہوئے 4 وکٹیں حاصل کیں، جس نے پاکستانی بلے بازوں کی مشکلات کو مزید بڑھا دیا۔
جواب میں آسٹریلیا کی ویمنز ٹیم نے پاکستان کی جانب سے دیے گئے 83 رنز کے ہدف کو 11 اوورز میں صرف ایک وکٹ کے نقصان پر حاصل کر لیا۔ اس میچ میں آسٹریلیا کی بلے بازوں نے زبردست کھیل کا مظاہرہ کیا، جس کے نتیجے میں انہوں نے باآسانی اپنی فتح کو یقینی بنایا۔آسٹریلیا نے اپنے گروپ کا تیسرا میچ جیت کر سیمی فائنل میں پہنچنے کی قابلیت کو ثابت کیا ہے۔ اس کے برعکس، پاکستان کے تین میچز میں صرف دو پوائنٹس ہیں، جس سے ان کی سیمی فائنل میں رسائی کے امکانات کمزور ہوگئے ہیں۔ آنے والے میچز میں پاکستان کو اپنی کارکردگی میں بہتری لانے کی ضرورت ہوگی تاکہ وہ اس ٹورنامنٹ میں اپنی حیثیت کو بہتر بنا سکیں۔ آسٹریلیا کی فتح نے ان کے حوصلے کو بڑھایا ہے اور وہ اگلے مرحلے کے لیے پُرعزم ہیں۔

پاکستان کرکٹ ٹیم کے ٹیسٹ کپتان شان مسعود نے کہا ہے کہ انگلینڈ نے راستہ نکالا اور 20 آؤٹ کئے، ہم 20 کیا اچھے انداز سے 10 وکٹیں بھی نہیں لے رہے جو بہت ہی مایوس کن بات ہے۔

انگلینڈ سے بدترین شکست کے بعد پریس کانفرنس کرتے ہوئے قومی ٹیم کے کپتان شان مسعود کا کہنا تھا کہ 20 آؤٹ کئے بغیر ٹیسٹ میچ نہیں جیت سکتے، اس پر کام کرنا پڑے گا، میچ کا وننگ ریزلٹ کیسے نکالنا ہے اس کو دیکھنا ہوگا،انگلینڈ، پاکستان کے لئے ایک ہی پچ تھی، ہمیں انگلینڈ نے راستہ نکالنا سکھایا ہے، انگلینڈ نے اچھے عزم کا مظاہرہ کیا اور کامیابی حاصل کی،پہلی اننگز میں ٹیم نے اچھا اسکوربنایا تھا، ہمیں دوسری اننگز اچھی کھیلنی چاہیے تھی، ہم میچ سیٹ کر کے ہار رہے ہیں ہمیں طریقہ نکالنا ہے کہ پہلی اننگز اچھی کھیلنے کے بعد میچ پراپنی گرفت برقرار کیسے رکھی جائے،پانچ دن کا ٹیسٹ میچ ہے اس میں کنڈیشن بدلتی رہیں گی،میچ ہارنا اور پاکستان کی نمائندگی کرتے ہوئے ہارنا، کھلاڑی اور کپتان دونوں کے لئے مایوسی ہوتی ہے، چھ میچز میں ہم نے غلطیاں کیں، میچ سیٹ اپ کیا اور پھر جانے دیا، ٹیسٹ کرکٹ آسان نہیں، ہم پچز کے لیے اپنی ضرورت اور اسکواڈ بتاتے ہیں، دوسرے ٹیسٹ کے لیے بیٹھیں گے اور اچھا کمبی نیشن بنانے کی کوشش کریں گے۔

واضح رہے کہ پاکستان اور انگلینڈ کے درمیان سیریز کا دوسرا ٹیسٹ بھی ملتان میں ہی کھیلا جائے گا، انگلینڈ کو تین ٹیسٹ میچوں کی سیریز میں ایک صفر کی برتری حاصل ہے۔

سماجی رابطے کی ویب سائٹ ایکس پر ایک صارف کا کہنا تھا کہ شان مسعود ایک اور ورلڈ ریکارڈ قائم کرنے کےقریب پہنچ گئے ،بطور کپتان لگاتار6ٹیسٹ میچز ہارنے والے دنیا کے پہلے کپتان بن جائیں گے،اس سے قبل یہ شرمناک ریکارڈ زمبابوے کے سابق کپتان ٹیٹینڈا ٹیبو کے پاس تھا ٹیبو نے اپنی کپتانی کے آغازمیں لگاتار 5ٹیسٹ میچ ہارے تھے

ملتان ٹیسٹ میں انگلینڈ نے پاکستان کو شکست دے دی

پی سی بی نے ایک بار پھر نئی قومی سلیکشن کمیٹی کا اعلان کیا ہے