Category: کھیل

پنڈی ٹیسٹ ،پاکستان انگلینڈ سے جیت گیا

پنڈی ٹیسٹ میں پاکستان نے شاندار بولنگ اور عمدہ بیٹنگ کا مظاہرہ کرتے ہوئے انگلینڈ کو شکست دی اور اس طرح سیریز کے تیسرے اور آخری فیصلہ کن میچ میں کامیابی حاصل کر کے سیریز اپنے نام کر لی۔پاکستانی اسپنرز نے پنڈی ٹیسٹ میں انگلینڈ کی بیٹنگ لائن اُکھاڑ کر رکھ دی، تیسرے روز پوری انگلش ٹیم آؤٹ ، شاہینوں کو جیت کےلئے صرف 36 رنز کا ہدف دیا گیا تھا، یہ فیصلہ کن ٹیسٹ میچ راولپنڈی کرکٹ سٹیڈیم میں کھیلا گیا،سیریز کے تیسرے ٹیسٹ کے تیسرے روز انگلینڈ نے 24 رنز پر 3 کھلاڑی آؤٹ کے ساتھ اپنی نامکمل اننگز کا آغاز کیا۔ انگلینڈ کی دوسری اننگز کا آغاز مایوس کن رہا، جہاں زیک کرالی 2، بین ڈکٹ 12 اور اولی پوپ صرف ایک رن بنا کر آؤٹ ہوئے، ہیری بروک نے کچھ مزاحمت کی، لیکن وہ 26 رنز پر آؤٹ ہو گئے،کپتان بین سٹوکس بھی صرف 3 رنز بنا کر پویلین لوٹ گئے، جب کہ جمی سمتھ نے 3 رنز کے ساتھ ان کا ساتھ دیا اور انہیں بھی ساجد خان نے آؤٹ کیا، تجربہ کار بلے باز جو روٹ نے 33 رنز بنائے، مگر نعمان علی نے انہیں بھی آؤٹ کر دیا گُس ایٹکنسن 97 کے مجموعے پر ساجد خان کی گیند پر آؤٹ ہوئے، پاکستان کے سپنرز نے شاندار باؤلنگ کا مظاہرہ کیا، نعمان علی نے 6 اور ساجد خان نے 4 کھلاڑیوں کو آؤٹ کیا، انگلینڈ نے پہلی اننگز میں 267 رنز بنائے تھے، جبکہ پاکستان نے 344 رنز بنا کر اپنی اننگز کا اختتام کیا۔

پاکستان تقریباً ساڑھے 3 سال بعد اپنی سرزمین پر ایک ٹیسٹ سیریز جیتنے میں کامیاب ہوا ہے۔ آخری بار انہوں نے جنوری 2021 میں جنوبی افریقہ کے خلاف ہوم سیریز جیتی تھی۔ اس دوران پاکستان کو 2022 میں آسٹریلیا، انگلینڈ، اور 2024 میں بنگلادیش کے خلاف اپنے میدان پر شکست کا سامنا کرنا پڑا۔ حالیہ سیریز میں، پاکستان نے انگلینڈ کے خلاف اپنی سرزمین پر چوتھی بار ٹیسٹ سیریز جیتنے کا اعزاز حاصل کیا ہے، جبکہ آخری بار 2005 میں یہ کامیابی ملی تھی۔ یہ جیت پاکستان کے لیے ایک اہم سنگ میل ہے، خاص طور پر 8 سال بعد انگلینڈ کے خلاف اپنی زمین پر سیریز جیتنے پر۔

آج راولپنڈی کرکٹ اسٹیڈیم میں پاکستان نے پہلی مرتبہ انگلینڈ کو شکست دی ہے، اسی اسٹیڈیم میں انگلینڈ نے 2022ء میں پاکستان کو شکست دی تھی،آج راولپنڈی ٹیسٹ میچ کا فیصلہ تیسرے دن کے پہلے سیشن میں ہوگیا تھا، پاکستان نے انگلینڈ کو 9 وکٹ سے ہرا کر 3 میچز کی سیریز 1-2 سے جیت لی ہے

پاکستانی بولرز نے انگلینڈ کی بیٹنگ لائن کو دباؤ میں رکھا، جس کی بدولت انگلینڈ کی ٹیم کم اسکور پر آؤٹ ہوگئی۔ اس کے بعد پاکستانی بیٹسمینوں نے سنبھل کر کھیلتے ہوئے مطلوبہ ہدف کو حاصل کیا۔ اس فتح نے پاکستان کے کرکٹ کیمپ میں خوشی کی لہر دوڑا دی ہے اور یہ ان کے لیے ایک بڑی کامیابی ہے۔

کھلاڑیوں کے جذبے اور ٹیم ورک نے قوم کا سر فخر سے بلند کیا ،وزیراعظم
وزیراعظم محمد شہباز شریف نے انگلینڈ کے خلاف ٹیسٹ میچ سیریز میں فتح پر قوم کو مبارکباد دی ہے،وزیراعظم کا کہنا تھا کہ انگلینڈ کے خلاف ہوم ٹیسٹ سیریز میں کرکٹ ٹیم نے شاندار کھیل پیش کیا ، کرکٹ ٹیم کے کھلاڑیوں کے جذبے اور ٹیم ورک نے قوم کا سر فخر سے بلند کیا ہے ،پوری قوم کرکٹ ٹیم کی اس کامیابی پر خوش ہے ،انشاء اللہ کامیابیوں کا یہ سلسلہ جاری رہے گا

انگلینڈ کیخلاف سیریز میں کامیابی، وزیراعلیٰ پنجاب،سندھ،خیبر پختونخوا کی ٹیم کو مبارکباد
وزیرِ اعلیٰ پنجاب مریم نواز نے انگلینڈ کے خلاف سیریز میں کامیابی پر پاکستان کرکٹ ٹیم کو مبارکباد دی ہے، وزیراعلیٰ پنجاب مریم نواز کا کہنا تھا کہ ساجد خان اور نعمان علی نے شاندار بولنگ کا مظاہرہ کیا،سعود شکیل نے ذمہ دارانہ بیٹنگ کی، پاک انگلینڈ سیریز میں بہترین ٹیم ورک دیکھنے کو ملا۔

دوسری جانب وزیرِ اعلیٰ خیبرپختونخوا علی امین گنڈاپور نے کہا ہے کہ ٹیسٹ سیریز میں قومی کرکٹ ٹیم نے عمدہ کارکردگی کا مظاہرہ کیا ہے،امید ہے آئندہ بھی قومی کرکٹ ٹیم اس طرح کی کارکردگی کا مظاہرہ کرے گی، پاکستانی ٹیم کی مزید کامیابیوں کے لیے دعاگو ہوں۔

وزیر اعلیٰ سندھ سید مراد علی شاہ نے سیریز میں کامیابی پر کرکٹ ٹیم کو مبارکباد دی اور کہا کہ پاکستان کا انگلینڈ کو شکست دینا خوشی کی بات ہے،ٹیسٹ سیریز میں کامیابی پر مبارکباد دیتا ہوں،لگن اور جذبہ منزل کو حاصل کرنے کے لئے ضروری ہے،ہم متحد ہوکر کامیابیاں حاصل کرسکتے ہیں،سندھ اور پاکستان کی ترقی و خوشحالی کیلئے جدوجہد جاری رہےگی

اسپیکر سردار ایاز صادق نے پاکستانی کرکٹ ٹیم اور قوم کو شاندار کامیابی پر مبارکباددی ہے اور کہا ہے کہ پاکستانی ٹیم کو انگلینڈ کے خلاف ٹیسٹ سیریز 1-2 سے جیتنے پر مبارک باد دیتا ہوں،پاکستانی ٹیم نے شاندار کم بیک کیا ہے، پاکستانی ٹیم نے بہترین کھیل کا مظاہرہ کیا، پاکستان میں ٹیلنٹ کی کوئی کمی نہیں، امید ہے کہ کھلاڑی آئندہ بھی اسی طرح پاکستان کا نام روشن کرتے رہیں گے،

پاکستان کی جانب سے انگلینڈ کے خلاف ٹیسٹ سیریز میں شاندار فتح پر برطانوی ہائی کمشنر جین میریٹ کی جانب سے مبارکباد پیش کی گئی ہے،برطانوی ہائی کمشنر جین میریٹ نے پاکستان ٹیم کو مبارکباد دیتے ہوئے کہا کہ ٹیسٹ سیریز میں پاکستانی ٹیم نے بہترین کارکردگی کا مظاہرہ کرتے ہوئے جیت اپنے نام کی۔

ایشین کرکٹ کونسل (اے سی سی) ایمرجنگ ٹیمز ٹی20 ایشیا کپ کے پہلے سیمی فائنل میں سری لنکا اے نے پاکستان شاہینز کو 7 وکٹوں سے شکست دے کر فائنل میں جگہ بنا لی ہے۔ عمان کے العامرات کرکٹ گراؤنڈ میں کھیلے گئے اس میچ میں سری لنکن ٹیم کی بہترین بیٹنگ کارکردگی نے پاکستان کی بولنگ کو چیلنجنگ ہدف حاصل کرنے سے روک دیا۔پاکستان شاہینز نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 135 رنز بنائے۔ اوپنر عمیر بن یوسف نے بہترین بیٹنگ کرتے ہوئے 48 گیندوں پر 68 رنز کی اننگز کھیلی، جس میں ان کی 6 چوکے اور 3 چھکے شامل تھے۔ عمیر کے علاوہ کوئی اور بلے باز سری لنکن بولنگ لائن کا مقابلہ نہیں کرسکا۔ حیدر علی نے 14، محمد عمران نے 13 اور عرفات منہاس نے 10 رنز بنائے، مگر کسی بھی کھلاڑی نے دوہرا ہندسہ عبور نہیں کیا۔ سری لنکن گیند بازوں نے شاندار کارکردگی کا مظاہرہ کرتے ہوئے پاکستانی بیٹنگ کو دباؤ میں رکھا۔
136 رنز کے ہدف کے تعاقب میں سری لنکن اے ٹیم نے پراعتماد آغاز فراہم کیا اور مضبوط بیٹنگ کا مظاہرہ کرتے ہوئے 17 اوورز میں ہدف حاصل کرلیا۔ سری لنکن بلے باز اہان وکرما سنگھے نے ناقابل شکست 52 رنز کی اننگز کھیلی جبکہ ان کے ساتھی لہیرو اوڈاارا نے 43 رنز بنائے۔ اس جوڑی کی بیٹنگ نے سری لنکن ٹیم کی کامیابی میں کلیدی کردار ادا کیا۔ پاکستان شاہینز کے بولر سفیان مقیم اور عباس آفریدی نے ایک ایک وکٹ حاصل کی، مگر سری لنکا کی بیٹنگ لائن کے سامنے پاکستانی بولنگ لائن بے اثر ثابت ہوئی۔ایمرجنگ ٹیمز ٹی20 ایشیا کپ میں دوسرا سیمی فائنل آج شام 6 بجے افغانستان اور بھارت کے درمیان کھیلا جائے گا۔ یہ دیکھنا ہوگا کہ کونسی ٹیم سری لنکا اے کا فائنل میں مقابلہ کرے گی۔ اس بڑے مقابلے کا فائنل اتوار کو کھیلا جائے گا، جس میں ایشیا کپ کی فاتح ٹیم کا فیصلہ ہوگا۔

پاکستان شاہینز نے اے سی سی ٹی20 ایمرجنگ ٹیمز ایشیا کپ میں یو اے ای کو ایک یکطرفہ مقابلے میں شکست دے کر سیمی فائنل میں جگہ بنالی ہے۔
عمان کے شہر العامرات میں کھیلے گئے اس میچ میں پاکستان نے پہلے بیٹنگ کرتے ہوئے 4 وکٹوں کے نقصان پر 179 رنز بنائے۔ کپتان محمد حارث نے شاندار 71 رنز بنائے جبکہ حیدر علی نے 32 رنز کی اننگز کھیل کر انہیں سپورٹ کیا۔ یاسر خان نے 25، قاسم اکرم نے 23 اور عمیر یوسف نے 21 رنز کی شاندار شراکتیں کیں۔
یو اے ای کی ٹیم نے 180 رنز کے ہدف کے تعاقب میں انتہائی مایوس کن کارکردگی دکھائی اور 17ویں اوور میں صرف 65 رنز پر آل آؤٹ ہو گئی۔ ان کے کپتان راہول چوپڑا 20 رنز بنا کر نمایاں رہے۔پاکستان کے شاہنواز داہانی نے شاندار بولنگ کا مظاہرہ کرتے ہوئے 12 رنز کے عوض 5 وکٹیں حاصل کیں، جو کہ اس اہم جیت میں ان کا کلیدی کردار تھا۔ اس کے علاوہ، سفیان مقیم نے 2، جبکہ احمد دانیال، عباس آفریدی اور عرفات منہاس نے ایک ایک وکٹ حاصل کی۔

یہ میچ پاکستان کے لیے ایک شاندار فتح ثابت ہوا ہے اور اس کی کارکردگی اس بات کا ثبوت ہے کہ ٹیم میں گہرائی اور ہنر موجود ہے۔ خاص طور پر محمد حارث اور شاہنواز داہانی کی کارکردگی نے ان کی اہمیت کو اجاگر کیا۔ اگر یہ ٹیم اسی طرح کی کارکردگی جاری رکھے، تو وہ ٹورنامنٹ میں مزید کامیابیاں حاصل کر سکتی ہے۔

بابر اعظم ،شاہین آفریدی اور نسیم شاہ ڈراپ یا آرام دیا ؟

بابر اعظم: پاکستانی ٹیم پر بوجھ، اوقات یاد دلا دی گئی

بابر اعظم ضدی،بات نہیں مانتے تھے،محمد وسیم کا انکشاف

احساس ہو تو کچھ شرم ہوناں،احمد علی بٹ بابر اعظم پر پھٹ پڑے

بڑا فیصلہ،مبشر لقمان سپریم کورٹ، نیب جانے کو تیار،پی سی بی ،کرکٹرزپر جوڈیشل کمیشن بنے گا؟

پاکستان کرکٹ مزید زبوں حالی کا شکار،بابر ہی کپتان رہے،لابی سرگرم

بابراعظم کے بھائی کا ذریعہ آمدن بتا دیں میں چپ ہو جاؤں گا، مبشر لقمان

ہم نے سچ بولا،شوق پورا کرنا ہے تو کر لیں، احمد شہزادبابر اعظم پر پھر برس پڑے

اسلام آباد .برطانوی ہائی کمشنر جین میریٹ کی جانب سے پاکستان اور انگلینڈ کرکٹ ٹیم مینجمنٹ کے اعزاز میں تقریب کا انعقاد کیا گیا ہے،

تقریب میں پاکستانی کرکٹ ٹیم کے منیجر نوید اکرم چیمہ نے پاکستانی ٹیم کے کپتان کی شرٹ برطانوی ہائی کمشنر جین میریٹ کو تحفہ کی،برطانوی ہائی کمشنر جین میریٹ نے تیسرے اور فیصلہ کن ٹیسٹ میچ کے لئے دونوں ٹیمز کے لیے نیک خواہشات کا اظہار کیا،اور کہا کہ خواہش تھی کہ دوسرا ٹیسٹ انگلینڈ جیتے مگر پاکستان کی فتح سے خوشی ہوئی ۔امید ہے تیسرے ٹیسٹ میں اچھا کھیل دیکھنے کو ملے گا۔پاک انگلینڈ ٹیسٹ سیریز دلچسپ موڑ پر آگئی ہے۔

دوسری جانب پاکستان کی قومی ٹیم نے انگلینڈ کے خلاف سیریز کے تیسرے اور آخری ٹیسٹ میچ کیلئے پلیئنگ الیون کا اعلان کردیا ہے،پاکستان اور انگلینڈ کے درمیان سیریز کا تیسرا اور آخری ٹیسٹ کل جمعرات سے راولپنڈی میں شروع ہوگا،تیسرے ٹیسٹ میچ کیلئے پاکستان ٹیم میں کوئی تبدیلی نہیں کی گئی ، راولپنڈی ٹیسٹ میں قومی ٹیم 3 اسپنرز نعمان علی، زاہد محمود اور ساجد خان کے ساتھ میدان میں اترےگی جب کہ صائم ایوب اور عبداللہ شفیق اوپننگ کریں گے،پلیئنگ الیون میں شان مسعود، کامران غلام، سعودشکیل، محمدرضوان، سلمان علی آغا اور عامر جمال بھی شامل ہیں۔

واضح رہے کہ پاکستان اور انگلینڈ کے درمیان 3 ٹیسٹ میچز کی سیریز میں انگلینڈ نے پاکستان کو پہلا ٹیسٹ 47 رنز سے ہرادیا تھا اور دوسرے میچ میں پاکستان نے انگلینڈ کو 152 رنز سے شکست دی تھی۔

بابر اعظم ،شاہین آفریدی اور نسیم شاہ ڈراپ یا آرام دیا ؟

بابر اعظم: پاکستانی ٹیم پر بوجھ، اوقات یاد دلا دی گئی

بابر اعظم ضدی،بات نہیں مانتے تھے،محمد وسیم کا انکشاف

احساس ہو تو کچھ شرم ہوناں،احمد علی بٹ بابر اعظم پر پھٹ پڑے

بڑا فیصلہ،مبشر لقمان سپریم کورٹ، نیب جانے کو تیار،پی سی بی ،کرکٹرزپر جوڈیشل کمیشن بنے گا؟

پاکستان کرکٹ مزید زبوں حالی کا شکار،بابر ہی کپتان رہے،لابی سرگرم

بابراعظم کے بھائی کا ذریعہ آمدن بتا دیں میں چپ ہو جاؤں گا، مبشر لقمان

ہم نے سچ بولا،شوق پورا کرنا ہے تو کر لیں، احمد شہزادبابر اعظم پر پھر برس پڑے