Category: کھیل

پاکستان کرکٹ ٹیم کے ٹیسٹ کپتان شان مسعود نے کہا ہے کہ انگلینڈ نے راستہ نکالا اور 20 آؤٹ کئے، ہم 20 کیا اچھے انداز سے 10 وکٹیں بھی نہیں لے رہے جو بہت ہی مایوس کن بات ہے۔

انگلینڈ سے بدترین شکست کے بعد پریس کانفرنس کرتے ہوئے قومی ٹیم کے کپتان شان مسعود کا کہنا تھا کہ 20 آؤٹ کئے بغیر ٹیسٹ میچ نہیں جیت سکتے، اس پر کام کرنا پڑے گا، میچ کا وننگ ریزلٹ کیسے نکالنا ہے اس کو دیکھنا ہوگا،انگلینڈ، پاکستان کے لئے ایک ہی پچ تھی، ہمیں انگلینڈ نے راستہ نکالنا سکھایا ہے، انگلینڈ نے اچھے عزم کا مظاہرہ کیا اور کامیابی حاصل کی،پہلی اننگز میں ٹیم نے اچھا اسکوربنایا تھا، ہمیں دوسری اننگز اچھی کھیلنی چاہیے تھی، ہم میچ سیٹ کر کے ہار رہے ہیں ہمیں طریقہ نکالنا ہے کہ پہلی اننگز اچھی کھیلنے کے بعد میچ پراپنی گرفت برقرار کیسے رکھی جائے،پانچ دن کا ٹیسٹ میچ ہے اس میں کنڈیشن بدلتی رہیں گی،میچ ہارنا اور پاکستان کی نمائندگی کرتے ہوئے ہارنا، کھلاڑی اور کپتان دونوں کے لئے مایوسی ہوتی ہے، چھ میچز میں ہم نے غلطیاں کیں، میچ سیٹ اپ کیا اور پھر جانے دیا، ٹیسٹ کرکٹ آسان نہیں، ہم پچز کے لیے اپنی ضرورت اور اسکواڈ بتاتے ہیں، دوسرے ٹیسٹ کے لیے بیٹھیں گے اور اچھا کمبی نیشن بنانے کی کوشش کریں گے۔

واضح رہے کہ پاکستان اور انگلینڈ کے درمیان سیریز کا دوسرا ٹیسٹ بھی ملتان میں ہی کھیلا جائے گا، انگلینڈ کو تین ٹیسٹ میچوں کی سیریز میں ایک صفر کی برتری حاصل ہے۔

سماجی رابطے کی ویب سائٹ ایکس پر ایک صارف کا کہنا تھا کہ شان مسعود ایک اور ورلڈ ریکارڈ قائم کرنے کےقریب پہنچ گئے ،بطور کپتان لگاتار6ٹیسٹ میچز ہارنے والے دنیا کے پہلے کپتان بن جائیں گے،اس سے قبل یہ شرمناک ریکارڈ زمبابوے کے سابق کپتان ٹیٹینڈا ٹیبو کے پاس تھا ٹیبو نے اپنی کپتانی کے آغازمیں لگاتار 5ٹیسٹ میچ ہارے تھے

ملتان ٹیسٹ میں انگلینڈ نے پاکستان کو شکست دے دی

پی سی بی نے ایک بار پھر نئی قومی سلیکشن کمیٹی کا اعلان کیا ہے

پی سی بی نے ایک بار پھر نئی قومی سلیکشن کمیٹی کا اعلان کیا ہے

پی سی بی نے قومی ٹیم کی سلیکشن کمیٹی کی تشکیل نو کر دی ہے،نئی سلیکشن کمیٹی میں سابق ٹیسٹ کرکٹر عاقب جاوید، اسد شفیق، اظہر علی کو شامل کیا گیا ہے،پی سی بی نے سابق ایمپائر علیم ڈار اور حسن چیمہ کو بھی سلیکشن کمیٹی میں شامل کرلیا ہے جبکہ کمیٹی میں شامل تمام اراکین کو ووٹنگ کا حق حاصل ہوگا۔

قومی کرکٹ ٹیم کی ناقص کارکردگی اور محمد یوسف کے سلیکٹرز سے مستعفی ہونے کے بعد پی سی بی نے قومی سلیکشن کمیٹی میں تبدیلیوں کا فیصلہ کیا تھا، آج تبدیلیاں کر دی گئی ہیں،دریں اثناء گرین شرٹس کے دورہ آسٹریلیا کیلئے پاکستانی ٹیم کا اعلان نئی سلیکشن کمیٹی کرے گی۔

ملتان ٹیسٹ میں انگلینڈ نے پاکستان کو ایک اننگز اور 47 رنز سے شکست دے دی۔

انگلینڈ نے پاکستان کو سیریز کے پہلے ٹیسٹ میچ میں اننگز اور 47 رنز سے شکست دیکر سیریز میں 0-1 کی برتری حاصل کرلی ہے،ملتان ٹیسٹ کے آخری روز پاکستان نے دوسری اننگز کا آغاز 6 وکٹوں کے نقصان پر 152 رنز کیا، آغا سلمان اور آل راؤنڈر عامر جمال کی مزاحمت جاری ہے، دونوں نے ساتویں وکٹ کی شراکت میں 109 رنز کی پارٹنرشپ قائم کی،مڈل آرڈر بیٹر آغا سلمان 63 کے انفرادی اسکور پر وکٹ گنوابیٹھے، بعدازاں شاہین شاہ آفریدی 8 نسیم شاہ 6 رنز بناکر آؤٹ ہوئے، عامر جمال 55 رنز بناکر ناٹ آؤٹ رہے،انگلیںڈ کی جانب سے جیک لیچ نے 3 کھلاڑیوں کو پویلین کی راہ دیکھائی،پاکستان کی ٹیم دوسری اننگزمیں 220 رنزبناکرآوٹ ہوگئی،کپتان شان مسعود 11 ، محمد رضوان 10 اور بابراعظم 5 رنزبناکر آؤٹ ہوئے، اوپنر عبداللہ شفیق بغیر کوئی رن بنائے پویلین لوٹے۔ ، بخار میں مبتلا ابراراحمد بیٹنگ کےلیے نہیں آئے

گزشتہ روز پاکستان نے دوسری اننگز میں انتہائی مایوس کن کارکردگی کا مظاہرہ کیا اور صرف 82 رنز پر 6 کھلاڑی پویلین لوٹ گئے تھے،پاکستان نے پہلی اننگز میں شان مسعود، عبد اللہ شفیق اور سلمان علی آغا کی سنچریوں کی بدولت 556 رنز اسکور کیے تھے جبکہ جواب میں انگلینڈ نے پہلی اننگز میں ہیری بروک کی ٹرپل سنچری اور جو روٹ کی ڈبل سنچری کی بدولت 823 رنز 7 کھلاڑی آؤٹ پر ڈیکلیئر کر دی تھی۔

پاکستان کرکٹ بورڈ (پی سی بی) نے آئی سی سی چیمپئنز ٹرافی کے فائنل کے بارے میں برطانوی اخبار کی جانب سے کیے گئے دعوے کی سختی سے تردید کی ہے۔ برطانوی اخبار نے خبر دی تھی کہ اگر بھارت فائنل میں پہنچتا ہے تو یہ میچ پاکستان سے باہر کھیلا جائے گا، تاہم پی سی بی نے اس دعوے کی مکمل طور پر نفی کرتے ہوئے واضح کیا ہے کہ پاکستان کا مؤقف فائنل سمیت چیمپئنز ٹرافی کے تمام میچز کے اپنے ملک میں انعقاد کے بارے میں غیر مبہم ہے۔پی سی بی کے ایک بیان میں کہا گیا ہے، "ہماری واضح پوزیشن ہے کہ چیمپئنز ٹرافی کے تمام میچز پاکستان میں منعقد ہوں گے، اور اس حوالے سے کسی بھی طرح کی تجویز زیر غور نہیں ہے۔” اس بیان کے ذریعے پی سی بی نے یہ پیغام دینے کی کوشش کی ہے کہ وہ چیمپئنز ٹرافی کی میزبانی کے لئے پوری طرح پرعزم ہے۔

دوسری جانب پی سی بی نے یوتھ ڈیولپمنٹ کے شعبے میں بھی اہم اقدام اٹھایا ہے۔ پی سی بی نے ہیڈ آف یوتھ ڈیولپمنٹ کا عہدہ متعارف کرایا ہے اور اس کے لئے امیدواروں کی تلاش بھی شروع کر دی ہے۔ ہیڈ آف یوتھ ڈیولپمنٹ کی ذمہ داری انڈر 13 سے انڈر 19 تک کی کرکٹ کی ترقی کو فروغ دینا ہوگی۔
پی سی بی نے اس عہدے کے لئے اشتہار جاری کر دیا ہے، جس میں کہا گیا ہے کہ ہیڈ آف یوتھ ڈیولپمنٹ ملک بھر میں ٹیلنٹ کی تلاش کے لئے ریجنل اکیڈمیز، کوچز اور ایسوسی ایشنز کے ساتھ کام کرے گا اور گراس روٹ اسٹرکچر کی تشکیل کے ساتھ نوجوان ٹیلنٹ کی تلاش کو فروغ دے گا۔ اس عہدے کے لئے پی سی بی نے لیول 2 ایکریڈیشن کے ساتھ کم از کم 50 ٹیسٹ یا ون ڈے انٹرنیشنل میچز کھیلنے کی شرط رکھی ہے۔ امیدواروں کو 24 اکتوبر تک اپنی درخواستیں جمع کروانے کی ہدایت کی گئی ہے، اور اس عہدے کے لئے نامور سابق کرکٹرز کی خدمات حاصل کرنے کا ارادہ ہے۔ ذرائع کا کہنا ہے کہ چیئرمین پی سی بی نے حال ہی میں سابق کرکٹرز کے ساتھ ملاقاتیں کی ہیں، اور اظہر علی اس عہدے کے لئے مضبوط امیدوار سمجھے جا رہے ہیں۔یہ واضح ہے کہ پی سی بی نہ صرف چیمپئنز ٹرافی کی میزبانی کے لئے پرعزم ہے بلکہ نوجوان کھلاڑیوں کی ترقی اور ان کے ٹیلنٹ کی تلاش کے لئے بھی بھرپور اقدامات کر رہا ہے۔ چیمپئنز ٹرافی کی تیاریوں کے سلسلے میں اسٹیڈیمز کی اپ گریڈیشن کا کام جاری ہے، جس پر پی سی بی اپنی توجہ مرکوز رکھے ہوئے ہے۔

ملتان: پاکستان کرکٹ ٹیم کے آل راؤنڈر سلمان علی آغا نے ملتان کرکٹ سٹیڈیم میں پریس کانفرنس کے دوران کہا ہے کہ وکٹ پر کافی کریکس کھل رہے ہیں، جس کے باعث انہیں یقین ہے کہ اس ٹیسٹ میچ کا نتیجہ جلد سامنے آئے گا۔ سلمان علی آغا نے اپنے کھیل کے حوالے سے بات کرتے ہوئے کہا کہ سپنرز پر اٹیک کرنا ان کی گیم کا حصہ ہے۔ انہوں نے کہا، "اٹیکنگ کرکٹ کھیلنے کا کوئی خاص پلان نہیں تھا، لیکن میں ہمیشہ سپنرز پر اٹیک کرتا ہوں۔” ان کا مزید کہنا تھا کہ "ہمیں اندازہ تھا کہ انگلش ٹیم تیز کرکٹ کھیلے گی، اور ہم امید کرتے ہیں کہ اٹیکنگ کرکٹ کے دوران مہمان ٹیم غلطیاں کرے گی۔سلمان علی آغا نے اپنے تجربات کا ذکر کرتے ہوئے کہا، "میں نے باؤنڈری پر خود کو کیچ آؤٹ ہوتے دیکھا، جس نے میرے لیے یہ ثابت کر دیا کہ انگلینڈ کی ٹیم ایک اچھی ٹیم ہے۔ میری کوشش ہمیشہ یہ ہوتی ہے کہ میں اپنا بہترین کھیل پیش کروں، کیونکہ جب آپ 500 سکورز کرتے ہیں تو آپ کی خود اعتمادی بڑھ جاتی ہے۔”
سلمان آغا نے مزید کہا کہ "ہم چاہتے ہیں کہ انگلینڈ کل غلطیاں کرے، کیونکہ ایسی غلطیاں کھیل کے نتیجے پر اثر انداز ہو سکتی ہیں۔” انہوں نے اس بات پر زور دیا کہ اپنی بہترین کارکردگی دکھانے کے لیے کھلاڑیوں کو مسلسل محنت کرنی ہوگی تاکہ اپنی ٹیم کو کامیابی دلائی جا سکے۔یہ بات قابل غور ہے کہ سلمان علی آغا کی اس پریس کانفرنس نے پاکستان اور انگلینڈ کے درمیان جاری ٹیسٹ سیریز میں دلچسپی بڑھا دی ہے۔ دونوں ٹیموں کے درمیان اس مقابلے میں جوش و خروش موجود ہے، اور کھلاڑیوں کی کارکردگی پر سب کی نظریں ہیں۔اس موقع پر یہ بھی ذکر کیا گیا کہ انگلش گیند باز وطن واپسی کی تیاری کر رہے ہیں، جو اس بات کی عکاسی کرتا ہے کہ سیریز کا نتیجہ کیسے سامنے آسکتا ہے۔ سلمان علی آغا کی گفتگو اور ان کی حکمت عملی اس بات کا ثبوت ہے کہ پاکستان کی کرکٹ ٹیم اس ٹیسٹ میچ میں بھرپور مقابلہ کرنے کے لیے تیار ہے۔