چیئرمین پاکستان کرکٹ بورڈ (پی سی بی) محسن نقوی کی زیر صدارت چیمپئنز لیگ کے انتظامات پر اہم اجلاس منعقد ہوا، جس میں فیصل آباد کے اقبال سٹیڈیم میں ہونے والے ٹورنامنٹ کی تیاریوں کا تفصیلی جائزہ لیا گیا۔اجلاس کے دوران محسن نقوی نے بتایا کہ شائقین کرکٹ کے لیے خوشخبری ہے کہ چیمپئنز لیگ کے آخری چار میچز کے علاوہ تمام میچز مفت دیکھے جا سکیں گے۔ ان کا کہنا تھا کہ فیصل آباد کے شہری کرکٹ کے کھیل سے محبت رکھتے ہیں اور وہ طویل عرصے کے بعد پاکستان کے بہترین کھلاڑیوں کو بڑے ٹورنامنٹ میں ایکشن میں دیکھ سکیں گے۔محسن نقوی نے مزید کہا کہ چیمپئنز لیگ کے ذریعے نہ صرف نیا ٹیلنٹ سامنے آئے گا بلکہ ڈومیسٹک کرکٹ کی سطح بھی مضبوط ہوگی۔ انہوں نے چیمپئنز لیگ کی کامیابی کے لیے پوری ٹیم کو ذمہ داری کے ساتھ کام کرنے کی ہدایت کی۔ اس موقع پر یہ بھی اعلان کیا گیا کہ چیمپئنز لیگ کی ٹیموں کے کھلاڑیوں کے لیے فٹنس ٹیسٹ کا مرحلہ مکمل ہو چکا ہے۔
اجلاس میں چیف آپریٹنگ آفیسر پی سی بی سلمان نصیر، چیف فنانشل آفیسر جاوید مرتضی، ایڈوائزر بلال افضل، ڈائریکٹر ڈومیسٹک عبداللہ خرم نیازی، ڈائریکٹر کمرشل، ڈائریکٹر ہائی پرفارمنس، سینئر جنرل مینجر ڈومیسٹک جیند ضیا اور دیگر متعلقہ حکام نے شرکت کی۔چیئرمین پی سی بی نے اس موقع پر اس بات پر زور دیا کہ تمام ٹیمیں اور انتظامی عملہ چیمپئنز لیگ کی کامیابی کے لیے مکمل تعاون اور عزم کے ساتھ کام کریں تاکہ ٹورنامنٹ کی کامیابی کو یقینی بنایا جا سکے۔
Category: کھیل
-
پی سی بی چیئرمین محسن نقوی کی زیر صدارت چیمپئنز لیگ کے انتظامات کا اجلاس
-
پاکستان اسپورٹس بورڈ نے قومی انڈر-18 بیس بال ٹیم کی ایشین چیمپئن شپ میں شرکت روک دی
اسلام آباد: پاکستان اسپورٹس بورڈ (پی ایس بی) نے قومی انڈر-18 بیس بال ٹیم کو 30 اگست سے 9 ستمبر تک چائنیز تائی پے میں ہونے والی ایشین انڈر-18 بیس بال چیمپئن شپ میں شرکت سے روک دیا ہے۔ پی ایس بی کی جانب سے ٹیم کے لیے شرکت کا اجازت نامہ (این او سی) جاری نہیں کیا گیا، جس کے نتیجے میں ٹیم کی روانگی کا معاملہ معطل ہوگیا ہے۔پاکستان اسپورٹس بورڈ نے باضابطہ طور پر ایک نوٹیفکیشن جاری کرتے ہوئے اعلان کیا کہ قومی انڈر-18 بیس بال ٹیم کو چیمپئن شپ میں شرکت کی اجازت نہیں دی گئی۔ 34 رکنی پاکستانی دستے نے آج شب چائنیز تائی پے روانہ ہونا تھا، تاہم اجازت نامہ جاری نہ ہونے کی وجہ سے ان کی روانگی روک دی گئی ہے۔پی ایس بی نے وفاقی تحقیقاتی ادارے (ایف آئی اے) حکام کو بھی ہدایت کی ہے کہ وہ کسی بھی ایسے اقدام کی کوشش کو روکنے کے لیے تیار رہیں، جس کے تحت یہ ٹیم جعلی وجوہات کی بنیاد پر چیمپئن شپ میں شرکت کے لیے روانہ ہوسکتی ہے۔ پی ایس بی نے ڈائریکٹر ایف آئی اے کو خط لکھ کر درخواست کی ہے کہ اگر ٹیم کا کوئی بھی رکن ملک چھوڑنے کی کوشش کرے تو اس کے خلاف ایکشن لیا جائے۔
پاکستان بیس بال فیڈریشن کے سیکریٹری، سید فخر علی شاہ، نے اس فیصلے پر شدید ردعمل ظاہر کیا ہے۔ انہوں نے کہا کہ ٹیم کی روانگی کے لیے تمام تیاریاں مکمل تھیں، اور ہماری بکنگ بھی ہوچکی تھی۔ "ہمیں ایشین انڈر-18 بیس بال چیمپئن شپ میں شرکت سے روکا گیا ہے، جو کہ انتہائی مایوس کن ہے،” انہوں نے کہا۔سید فخر علی شاہ نے مزید وضاحت کی کہ یہ چیمپئن شپ انڈر-18 بیس بال ورلڈ کپ کے کوالیفائنگ راؤنڈ کا حصہ ہے، اور پاکستان کی عدم شرکت سے ملک کی ٹیم کو نقصان پہنچے گا۔ انہوں نے کہا کہ پاکستان کو ایونٹ میں شرکت نہ کرنے کی وجہ سے پابندی کا سامنا بھی کرنا پڑسکتا ہے، جو کہ پاکستان کے بیس بال کے مستقبل کے لیے ایک بڑا دھچکا ہوگا۔
پاکستان اسپورٹس بورڈ کی جانب سے این او سی جاری نہ کرنے کے فیصلے کے پیچھے وجوہات کو ابھی تک واضح نہیں کیا گیا، لیکن یہ معاملہ پاکستان کی کھیلوں کی ترقی کے حوالے سے سنگین سوالات کھڑے کرتا ہے۔ پاکستانی کھلاڑیوں اور کوچنگ اسٹاف کے لیے یہ ایک بڑا دھچکا ہے، جو عالمی سطح پر اپنی صلاحیتوں کو منوانے کے لیے محنت کر رہے ہیں۔یہ بات بھی قابل غور ہے کہ چیمپئن شپ میں شرکت نہ کرنے کے نتیجے میں پاکستان کے انڈر-18 بیس بال کھلاڑیوں کے لیے مستقبل کے مواقع محدود ہوسکتے ہیں، اور اس فیصلے کے اثرات آنے والے کئی سالوں تک دیکھے جا سکتے ہیں۔ اس دوران، پاکستان بیس بال فیڈریشن کے عہدیداران نے حکومتی حکام سے اس معاملے پر دوبارہ غور کرنے کی اپیل کی ہے تاکہ نوجوان کھلاڑیوں کے مستقبل کو محفوظ بنایا جا سکے۔ -
باکسر محمد وسیم کو اٹلی کا ویزا ملنے میں مشکلات کا سامنا، گورنر سندھ کا نوٹس
پاکستان کے معروف باکسر محمد وسیم نے اٹلی کا ویزا نہ ملنے کی صورت میں مدد کی اپیل کی جس پر گورنر سندھ کامران خان ٹیسوری نے فوری نوٹس لیا ہے۔ گورنر سندھ نے اٹلی کے سفارت خانے کو ایک خط جاری کیا ہے جس میں محمد وسیم کے ویزا کی جلد جاری کرنے کی درخواست کی گئی ہے۔محمد وسیم، جو کہ مالٹا میں 4 اکتوبر کو ڈبلیو بی ایف انٹر کونٹینینٹل ہیوی ویٹ ورلڈ ٹائٹل کے لیے ایک عالمی باکسر سے مقابلہ کرنے والے ہیں، ویزا کی عدم دستیابی کی وجہ سے شدید پریشانی میں تھے۔ اس تناظر میں، گورنر سندھ نے سفارت خانے سے درخواست کی ہے کہ باکسر کا ویزا فوری طور پر جاری کیا جائے تاکہ وہ اپنے اہم میچ کے لیے وقت پر پہنچ سکیں۔گورنر ہاؤس پہنچ کر محمد وسیم نے گورنر سندھ کامران خان ٹیسوری کا خصوصی شکریہ ادا کیا۔ انہوں نے کہا کہ "کئی دنوں سے میں اس مسئلے سے پریشان تھا اور مجبوراً ویڈیو پیغام کے ذریعے اپیل کرنا پڑی تھی۔ گورنر سندھ کے فوری ردعمل اور مدد کے لیے میں ان کا دل سے شکر گزار ہوں۔اس اقدام سے یہ ظاہر ہوتا ہے کہ گورنر سندھ کی جانب سے باکسر کی مشکلات کا فوری اور موثر حل تلاش کرنے کی کوشش کی جا رہی ہے، تاکہ محمد وسیم اپنے اہم بین الاقوامی میچ میں شرکت کر سکیں اور ملک کا نام روشن کر سکیں۔
-
مصباح الحق کو چیمپئنز کپ کی وولوز ٹیم کا مینٹور مقرر کردیا گیا
پاکستان کرکٹ ٹیم کے سابق کپتان مصباح الحق کو چیمپئنز ون ڈے کپ میں وولوز ٹیم کا مینٹور مقرر کیا گیا ہے۔ قذافی اسٹیڈیم لاہور میں ایک نیوز کانفرنس کے دوران مصباح الحق نے وولوز کے نئے لوگو کی رونمائی کی اور اپنی ذمہ داریوں پر روشنی ڈالی۔مصباح الحق نے کہا کہ مینٹور کی حیثیت سے ان کی ذمہ داری ایک بڑا چیلنج ہے، جسے وہ سنجیدہ طور پر لیں گے۔ ان کا کہنا تھا کہ ان کا مقصد نوجوان کھلاڑیوں کو گرام کرنا اور انہیں کامیاب کرکٹ کی دنیا میں داخل کرنا ہے۔انہوں نے مزید کہا کہ پاکستان کی ڈومیسٹک کرکٹ اور انٹرنیشنل کرکٹ کے درمیان فرق کو ختم کرنا ضروری ہے۔ ان کا ارادہ ہے کہ وہ اسٹرائیک ریٹ اور بولنگ اسکلز پر خاص توجہ دیں گے تاکہ کھلاڑیوں کی کارکردگی میں بہتری لائی جا سکے۔مصباح الحق نے اس بات پر بھی زور دیا کہ فاسٹ بولرز کی اسپیڈ میں تسلسل لانا اور دنیا کے ساتھ مقابلہ کرنے کے لئے اسٹرائیک ریٹ میں اضافے پر کام کرنا ہوگا۔ ان کا کہنا تھا کہ ان کی کوشش ہوگی کہ کھلاڑیوں کو ان کی کمزوریوں کو دور کرنے اور بہتر بنانے میں مدد فراہم کریں۔یہ اعلان اس وقت کیا گیا جب پاکستان اور بنگلادیش کے درمیان دوسرے ٹیسٹ کے پہلے روز کا کھیل بارش کے باعث ختم کردیا گیا۔ اس صورتحال میں مصباح الحق کی اسٹریٹیجی اور منصوبے وولوز ٹیم کے لئے اہم ثابت ہو سکتے ہیں۔
-
انٹرنیشنل کرکٹ کی واپسی، انگلینڈ کے خلاف ٹیسٹ میچ کی میزبانی کا امکان
پاکستان کرکٹ کے شائقین کے لیے ایک بڑی خوشخبری سامنے آگئی ہے۔ پاکستان کرکٹ بورڈ (پی سی بی) نے اقبال اسٹیڈیم فیصل آباد میں انٹرنیشنل کرکٹ کے انعقاد کی حکمت عملی تیار کر لی ہے۔ اس حکمت عملی کے تحت پی سی بی نے اکتوبر میں انگلینڈ کے دورہ پاکستان کے دوران ایک ٹیسٹ میچ فیصل آباد میں کروانے کی تیاری مکمل کر لی ہے۔ذرائع کے مطابق پی سی بی نے انگلینڈ کے خلاف تین ٹیسٹ میچوں کی سیریز کی میزبانی کے لیے راولپنڈی، ملتان، اور فیصل آباد کو منتخب کرنے کا ابتدائی پلان تیار کر لیا ہے۔ اس منصوبے کے تحت، پہلا ٹیسٹ میچ ملتان کرکٹ اسٹیڈیم میں، دوسرا ٹیسٹ میچ اقبال اسٹیڈیم فیصل آباد میں، اور تیسرا راولپنڈی کرکٹ اسٹیڈیم میں کھیلا جائے گا۔
فیصل آباد میں حال ہی میں منعقد ہونے والے چیمپیئنز ون ڈے کپ کی کامیابی نے پی سی بی کے حکام کو متاثر کیا ہے۔ شائقین کی بڑی تعداد نے اس ٹورنامنٹ میں گہری دلچسپی ظاہر کی، جس کے بعد پی سی بی نے مستقبل میں فیصل آباد کو انٹرنیشنل میچز اور پاکستان سپر لیگ (پی ایس ایل) کی میزبانی کے حوالے سے سنجیدگی سے غور کرنے کا فیصلہ کیا ہے۔پی سی بی حکام کا کہنا ہے کہ فیصل آباد میں ٹیسٹ میچ کی میزبانی کے حتمی فیصلے کے لیے حالیہ چیمپیئنز ون ڈے کپ میں شائقین کی دلچسپی اور مثبت ردعمل کو بھی مدنظر رکھا جائے گا۔ اگر فیصل آباد میں کرکٹ کے انعقاد کے حوالے سے مثبت جواب ملتا ہے تو مستقبل میں یہاں مزید انٹرنیشنل میچز اور پی ایس ایل کے مقابلے بھی کروائے جا سکتے ہیں۔
فیصل آباد کے بعد، پاکستان کرکٹ بورڈ نے گوجرانوالہ میں بھی کرکٹ کی واپسی کے حوالے سے اپنی نظریں مرکوز کر لی ہیں۔ پی سی بی حکام کے مطابق، گوجرانوالہ میں بھی انٹرنیشنل کرکٹ کے انعقاد کے لیے اقدامات کیے جا سکتے ہیں، اور اس حوالے سے مستقبل قریب میں کوئی اہم اعلان متوقع ہے۔پاکستان کرکٹ بورڈ کے اس اقدام کو کرکٹ شائقین کی جانب سے خوش آئند قرار دیا جا رہا ہے، کیونکہ اس سے نہ صرف کھیل کو فروغ ملے گا بلکہ نئے ٹیلنٹ کو بھی سامنے آنے کا موقع ملے گا۔ فیصل آباد اور گوجرانوالہ جیسے شہروں میں انٹرنیشنل کرکٹ کی بحالی سے کرکٹ کے میدانوں میں رونقیں دوبارہ بحال ہونے کی امید پیدا ہو گئی ہے۔ -
شاہین شاہ آفریدی بنگلہ دیش کے خلاف دوسرے ٹیسٹ میچ سے باہر
بنگلہ دیش کے خلاف دوسرے ٹیسٹ میچ سے قومی ٹیم کے فاسٹ بولر شاہین شاہ آفریدی کو ڈراپ کر دیاگیا ہے
پاکستان اور بنگلہ دیش کی ٹیموں کے مابین دوسرا ٹیسٹ 30 اگست سے 3 ستمبر تک راولپنڈی کرکٹ اسٹیڈیم میں کھیلا جائے گا، پہلے ٹیسٹ میں پاکستان کو بنگال ٹائیگرز نے دس وکٹوں سے شکست دی تھی، دو ٹیسٹ میچوں کی سیریز میں مہمان ٹیم کو ایک صفر کی سبقت حاصل ہے،قومی ٹیسٹ ٹیم کے ہیڈکوچ جیسن گلیسپی نے شاہین شاہ آفریدی کو راولپنڈی میں ہونے والے دوسرے ٹیسٹ سے ڈراپ کرنے کی تصدیق کر دی
شاہین شاہ آفریدی پہلے ٹیسٹ کے بعد بیٹے کی پیدائش پر کراچی آئے تھے انہوں نے راولپنڈی میں اسکواڈ کو جوائن کر لیا ہے تاہم وہ پلیئنگ الیون کا حصہ نہیں ہوں گے،جیسن گلیسپی کا کہنا تھا کہ "شاہین آفریدی ابھی باپ بنے ہیں، ہم چاہتے ہیں شاہین اپنی فیملی کے ساتھ وقت گزاریں، شاہین آفریدی کے ساتھ اظہر محمود کام کر رہے ہیں، شاہین آفریدی تینوں فارمیٹس کی کرکٹ کھیل رہے ہیں”۔
بولنگ آل راؤنڈر عامر جمال کے حوالے سے پہلے خبر سامنے آئی تھی کہ دوسرے ٹیسٹ میں ان کی شرکت فٹنس کلیئرنس سے مشروط رہے گی تاہم جیسن گلیسپی نے بتایا کہ عامرجمال فٹنس کلیئرنس نہیں کر پائے، ابرار احمد کو 12 رکنی اسکواڈ میں کنڈیشنرکو دیکھ کر شامل کیا گیا ہے۔
-
قومی ہاکی ٹیم کے تین کھلاڑی اور فزیو تھراپسٹ کی بیرون ملک سیاسی پناہ کی درخواست
پاکستان ہاکی فیڈریشن کے سیکریٹری اور اولمپیئن رانا مجاہد علی نے انکشاف کیا کہ قومی ہاکی ٹیم کے تین کھلاڑی اور ان کے فزیو تھراپسٹ، جو ٹیم کے ساتھ پولینڈ گئے تھے، پاکستان واپس نہیں آئے، بتایا گیا ہے کہ ان افراد نے بیرون ملک سیاسی پناہ کی درخواست دے رکھی ہے۔
رانا مجاہد علی نے بتایا کہ تینوں کھلاڑیوں مرتضیٰ یعقوب، احتشام اسلم اور عبدالرحمن ،فزیو وقاص کو ایشین چیمپئنز ٹرافی کی تیاری کے لیے تربیتی کیمپ میں مدعو کیا گیا تھا۔تاہم، انہوں نے کیمپ سے غیر حاضری پر معذرت کرتے ہوئے ایک خط بھیجا ہے کہ ہم نہیں شریک ہو سکتے، ہمیں پتہ چلتا کہ وہ ملک سے باہر چلے گئے ہیں، کانگریس نے یہ فیصلہ کیا کہ جن لوگوں نے یہ حرکت کی ان پر تاحیات پابندی لگاتے ہیں انہوں نے پاکستان کا ،ہاکی کا نام بدنام کیا، جو سہولیات انکو دی گئی تھیں وہ واپس لی جائیں گی تا کہ دوبارہ کوئی ایسی حرکت نہ کر سکے، ایسے لوگوں کو سزا ملنی چاہئے، یہ پاکستان ٹیم کے ساتھ گئے تھے، پولینڈ سے واپسی کے بعد کھلاڑی اور فزیو دوبارہ یورپ روانہ ہوگئے تھے ہمارے پاس سب ثبوت موجود ہیں، ہم نے فیصلہ کیا ہے کہ کانگریس کی منظوری کے ساتھ تاحیات پابندی لگائی گئی ہے اور مزید سخت کاروائی کریں گے
بتایا گیا ہے کہ انہوں نے مطلوبہ نو آبجیکشن سرٹیفکیٹ (این او سی) کے بغیر بیرون ملک سفر کیا۔اس پیش رفت کے جواب میں پی ایچ ایف نے تینوں کھلاڑیوں اور فزیو تھراپسٹ وقاص پر تاحیات پابندی عائد کر دی ہے ، ہاکی کھلاڑیوں کا بیرون ملک سیاسی پناہ کے معاملے پر پاکستان ہاکی فیڈریشن ے 3 کھلاڑیوں اور فزیو کا پاسپورٹ کینسل کرانے کے لیے وزارت داخلہ سے رابطہ کر لیا ہے،تین کھلاڑیوں اور فزیو کا پاسپورٹ منسوخ کروایا جائے گا.
دوسری جانب ہاکی پلیئر کے ذرائع کا کہنا ہے کہ سیاسی پناہ کی درخواست دی نہ لینا چاہیتے ہیں، بیرون ملک جانا ہوتا تو یہ کام پہلے بھی کرسکتے تھے، 5 میچ کھیلنے یورپ آئے ہیں جس کے ایک ہزار یورو ملے ہیں، جس طلب سے میچ کھیلے تھے اس نے مزید میچ کے لیے معاہدے کی پیشکش کی تھی، کھلاڑیوں نے پیشکش قبول کی، وہاں ملازمت نہیں بلکہ ہاکی کھیل رہے ہیں، کلب معاہدے کے مطابق انہیں عارضی رہائشی کارڈ بنا کر دے گا، کھلاڑیوں نے پی ایچ ایف کو آگاہ کیا تھا، ایشین چیمپینز ٹرافی کے لیے دستیاب نہیں ہوں گے
عمران خان آکسفورڈ یونیورسٹی کے چانسلر کے لیے نامناسب ترین امیدوار قرار
خلیل الرحمان قمر پر تشدد کرنیوالے ریکارڈ یافتہ ملزم نکلے
خلیل الرحمان قمر کی نازیبا ویڈیو لیک ہو گئیں
خلیل الرحمان قمر کیس،مرکزی ملزم حسن شاہ گرفتار
خلیل الرحمان قمر کے اغوا کی کہانی،مکمل حقائق،ڈرامہ نگاری سے ڈرامائی بیان
خلیل الرحمان قمر کے اغوا کے پیچھے کون؟
خلیل الرحمان قمر پر تشدد میں ملوث خاتون سمیت 12 ملزمان گرفتار
-
آئی سی سی ٹیسٹ رینکنگ،بابراعظم چھ درجے نیچے آ گئے
آئی سی سی نے ٹیسٹ پلیئرز کی نئی رینکنگ کر دی ہے،بلے باز بابر اعظم کی رینکنگ میں 6 درجے تنزلی ہوئی ہے، وہ تیسرے سے نویں نمبر پر چلے گئے، بابر اعظم کی رینکنگ میں 6 درجے تنزلی ہوئی ہے
محمد رضوان کی رینکنگ میں 7 درجے بہتری آئی ہے، عثمان خواجہ اور محمد رضوان کے یکساں پوائنٹ کے ساتھ دسویں اور 11 ویں نمبر پر موجود ہیں،سعود شکیل کی رینکنگ میں بھی بہتری آئی ہے وہ 14 ویں سے 13 ویں نمبر آ گئے،انگلینڈ کے جو روٹ پہلے اور نیوزی لینڈ کے کین ولیمسن دوسرے نمبر پر برقرار ہیں،نیوزی لینڈ کے ڈیرل مچل تیسرے نمبر موجود ہیں جبکہ ہیری بروک 3 درجے ترقی کے بعد چوتھے نمبر پر آ گئے ہیں
احساس ہو تو کچھ شرم ہوناں،احمد علی بٹ بابر اعظم پر پھٹ پڑے
بڑا فیصلہ،مبشر لقمان سپریم کورٹ، نیب جانے کو تیار،پی سی بی ،کرکٹرزپر جوڈیشل کمیشن بنے گا؟
پاکستان کرکٹ مزید زبوں حالی کا شکار،بابر ہی کپتان رہے،لابی سرگرم
بابراعظم کے بھائی کا ذریعہ آمدن بتا دیں میں چپ ہو جاؤں گا، مبشر لقمان
ہم نے سچ بولا،شوق پورا کرنا ہے تو کر لیں، احمد شہزادبابر اعظم پر پھر برس پڑے
-
شکیب الحسن جب تک مجرم قرار نہیں پاتے واپس نہیں بلائیں گے،بی سی سی
بنگلہ دیش کرکٹ بورڈ نے کہا ہے کہ کھلاڑی شکیب الحسن کو وطن واپس نہیں بلایا جائے گا ،جب تک وہ مجرم قرار نہیں پاتے کھیلتے رہیں گے
بنگلہ دیش کرکٹ بورڈ کے مطابق آل راؤنڈر شکیب الحسن پاکستان کے خلاف دوسرے ٹیسٹ کے لیے بنگلہ دیشی ٹیم کو دستیاب ہوں گے،بی سی بی کے صدر فاروق احمد کا کہنا ہے کہ شکیب الحسن کھیلتے رہیں گے،لیگل نوٹس موصول ہوگیا ہے جس کا جواب دیا ہے کہ وہ ابھی کھیل جاری رکھیں گے، ابھی ایف آئی آر درج ہوئی ہے اور ابتدائی مرحلے میں ہے، بہت کچھ ہونا باقی ہے جب تک جرم ثابت نہ ہو جائے وہ کھیلیں گے،بنگلہ دیش کی ٹیم نے پاکستان کے بعد بھارت کا بھی دورہ کرنا ہے، ہماری کوشش اور خواہش ہے کہ وہ سیریز کھیلیں،شکیب ہمارا کھلاڑی، ہم اسے قانونی مدد فراہم کریں گے،
واضح رہے کہ سابق رکن پارلیمنٹ اور کرکٹر شکیب الحسن کو قومی کرکٹ ٹیم سے نکالنے اور ان کے خلاف درج قتل کے مقدمے کی تحقیقات کے لیے انہیں وطن واپس لانے کے لیے قانونی نوٹس بھیج دیا گیا ہے۔یہ نوٹس بنگلہ دیش کرکٹ بورڈ (بی سی بی) کے حکام کو بھیجا گیا ہے۔سپریم کورٹ کے وکیل بیرسٹر سجیب محمود عالم نے ہفتہ کو نوٹس بھجوایا۔بنگلہ دیشی کرکٹ ٹیم اس وقت دو میچوں کی ٹیسٹ سیریز کے لیے پاکستان میں موجود ہے۔جمعرات کو کرکٹر شکیب الحسن کے خلاف قتل کا مقدمہ درج کر لیا گیا۔مقتول روبیل کے والد رفیق الاسلام نے ڈھاکہ کے ادابور تھانے میں مقدمہ درج کرایا۔
بھارت حسینہ کو بنگلہ دیش کے حوالے کرے، مرزا فخر الاسلام
حسینہ دہلی میں بیٹھ کر عوامی فتح کو ناکام بنانے کی سازش کر رہی ہے،مرزا فخرالاسلام
حسینہ کی جماعت عوامی لیگ پر پابندی کی درخواست دائر
مچھلی کے تاجر کے قتل پر حسینہ واجدکے خلاف مقدمہ درج
گرفتاری کا خوف،حسینہ کی پارٹی کے رہنما”دودھ کا غسل” کر کے پارٹی چھوڑنے لگے
بنگلہ دیش، ریلوے اسٹیشن پر لوٹ مار،تشدد،100 سے زائد زخمی
ڈاکٹر یونس کی مودی کو فون کال، اقلیتوں کے تحفظ کی یقین دہانی
حسینہ واجد پر قتل کا ایک اور مقدمہ درج
حسینہ واجد کی پسندیدہ بلی 40 ہزار میں فروخت
امریکی دباؤ اور خونریزی کے خوف نے مستعفی ہونے پر مجبور کیا ، شیخ حسینہ واجد کا انکشاف
پاکستان دشمن حسینہ کا بیٹا بھی عمران خان کی طرح” یوٹرن” ماسٹر نکلا
میری ماں اب بھی بنگلہ دیش کی وزیراعظم ہے،حسینہ کے بیٹے کا دعویٰ
حسینہ کی بھارت میں 30 ہزار کی شاپنگ،پیسے ختم ہو گئے
در بدر کے ٹھوکرے: شیخ حسینہ واجد کی سیاسی سفر کا المناک انجام
حسینہ کی حکومت کا بد ترین خاتمہ،مودی کی سفارتی سطح پر ایک اور بڑی ناکامی
ہم پاکستان کے ساتھ جانا پسند کریں گے۔ بنگلہ دیشی شہریوں کا اعلان
بنگالی "حسینہ”مشکل میں،امریکی ویزہ منسوخ،سیاسی پناہ کیلیے لندن سے نہ ملا جواب
بنگلہ دیش،طلبا کی ڈیڈ لائن ختم ہونے سے قبل ہی پارلیمنٹ تحلیل
حسینہ واجد کی ساڑھی بیوی کو پہنا کر وزیراعظم بناؤں گا،شہری
بنگلادیش کی سابق وزیراعظم پر سنگین الزامات: بین الاقوامی عدالت میں مقدمہ درج
-
جے شاہ بلا مقابلہ آئی سی سی چیئرمین منتخب
دبئی: بھارت کے جے شاہ بلا مقابلہ انٹرنیشنل کرکٹ کونسل (آئی سی سی) کے چیئرمین منتخب ہو گئے ہیں۔ جے شاہ یکم دسمبر 2024 سے باقاعدہ طور پر آئی سی سی کے چیئرمین کے عہدے کا چارج سنبھالیں گے۔ جے شاہ، جو جنوری 2021 سے ایشین کرکٹ کونسل (اے سی سی) کے چیئرمین کے طور پر کام کر رہے ہیں، نے آئی سی سی کی چیئرمین شپ کے لئے کاغذات جمع کرانے کا واحد امیدوار تھے۔نومنتخب چیئرمین جے شاہ نے اپنے انتخاب کے بعد میڈیا سے گفتگو کرتے ہوئے کہا کہ ان کا مقصد کرکٹ کے فروغ کے لئے بھرپور اقدامات کرنا ہے۔ انہوں نے کہا کہ لاس اینجلس اولمپکس میں کرکٹ کی شمولیت ایک اہم موقع ہے جس سے کرکٹ کی مقبولیت میں اضافہ ہوگا اور وہ اس موقع سے بھرپور فائدہ اٹھانے کی کوشش کریں گے۔
جے شاہ نے کہا، "کرکٹ کے فروغ کے لئے آئی سی سی ٹیم اور رکن ممالک کے ساتھ مل کر کام کرنے کے لئے پرعزم ہوں۔” انہوں نے جدید ٹیکنالوجی کو اپنانے اور کرکٹ کے مختلف فارمیٹس کی بقا کے لئے توازن پیدا کرنے کی اہمیت پر بھی زور دیا۔ ان کا کہنا تھا کہ ان کی کوشش ہوگی کہ کرکٹ کو پہلے سے زیادہ مقبول کھیل بنایا جائے۔جے شاہ کی قیادت میں آئی سی سی کی جانب سے کرکٹ کی ترقی اور عالمی سطح پر کرکٹ کے مختلف فارمیٹس کو فروغ دینے کے لئے نئی پالیسیوں اور اقدامات کا اعلان متوقع ہے۔ ان کے انتخاب سے قبل کسی دوسرے امیدوار نے چیئرمین شپ کے لئے کاغذات جمع نہیں کرائے، جس کے باعث جے شاہ بلا مقابلہ منتخب ہوئے ہیں۔