Category: کھیل

پاکستان کرکٹ بورڈ (پی سی بی) کے چیئرمین محسن نقوی نے لاہور میں پریس کانفرنس کے دوران پاکستان کرکٹ ٹیم کے لیے نئی سات رکنی سلیکشن کمیٹی کا اعلان کیا۔ وہاب ریاض کی سربراہی میں سابقہ کمیٹی آج تحلیل کر دی گئی جس کے بعد از سر نو سلیکشن کمیٹی کا اعلان کیا گیا۔پی سی بی کے سربراہ نے تصدیق کی کہ کمیٹی کا اب کوئی چیئرمین نہیں ہوگا اور ہر رکن کو یکساں اختیارات حاصل ہوں گے تاکہ فیصلہ سازی کا عمل ہموار رہے۔نئی کمیٹی جس میں محمد یوسف، عبدالرزاق، وہاب ریاض اور اسد شفیق شامل ہیں۔ چیئرمین پی سی بی محسن نقوی نے کہا کہ سلیکشن کمیٹی کو ری اسٹرکچر کیا ہے، قومی کرکٹ ٹیم کی سلیکشن کمیٹی 7 ارکان پر مشتمل ہوگی، نئی چیز یہ ہے کہ اب سلیکشن کمیٹی کا کوئی چیئرمین نہیں ہوگا۔محسن نقوی نے کہا کہ سلیکشن کمیٹی ازسر نوتنظیم کی ہے، ساتوں ممبران مشاورت کے ساتھ فیصلہ کیا کریں گے، کمیٹی ہر فیصلے کو حتمی شکل دے گی، تمام ساتوں ارکان کے پاس یکساں اختیار ہوگا، چیئرمین کی ٹیم سلیکشن میں کوئی مداخلت نہیں ہوگی۔
چیئرمین پی سی بی نے بتایا کہ وہاب ریاض،محمد یوسف،عبدالرزاق اور اسد شفیق کو سلیکشن کمیٹی میں شامل کیا گیا ہے، کپتان اور ہیڈ کوچ بھی سلیکشن کمیٹی کا حصہ ہوں گے، ڈیٹا اینالسٹ کو بھی سلیکشن کمیٹی کا حصہ بنایا گیا ہے، محمد یوسف انڈر 19 کے بھی ہیڈ کوچ رہیں گے۔ان کا کہنا تھا کہ حارث رؤف کا سینٹرل کنٹریکٹ بحال کردیا ہے، کنٹریکٹ کے مطابق این او سی پالیسی ہوگی، کسی کھلاڑی کے حوالے سے فیورٹ ازم نہیں ہو گا، عماد وسیم کے ساتھ ون پوائنٹ ایجنڈے پر بات ہوئی، ان کو صرف کہا گیا ہے واپس آجائیں۔ چیئرمین پاکستان کرکٹ بورڈ نے یہ بھی کہا کہ ایسے اقدامات کریں گے جن کا اثر 5سال بعد نظر آئے گا، کرکٹ بورڈ کا پیسہ کرکٹ کی بہتری پر لگاؤں گا، ہمارے پاس جادو کا چراغ نہیں لیکن ٹیم کو بہتر بنانے کے لیے اقدامات کرنے ہوں گے، ہم وویمن لیگ بھی کروانا چاہتے ہیں۔انہوں نے کہا کہ کوئی لابنگ نہیں ہوگی میرٹ پر کام ہو گا، کپتان کے حوالے سے بھی کام ہو رہا ہے، شاہین آفریدی کپتان رہیں گے یا نیا کپتان آئے گا اس حوالے سے مشاورت کے بعد فیصلہ ہو گا۔
محسن نقوی کا مزید کہنا تھا کہ کوچز پر کام ہورہا ہے، ملکی اور غیر ملکی کوچز کا امتزاج ہوگا،ڈریم ٹیم بنائیں گے، ایک کوچ سے بات چل رہی تھی، میڈیا نے ہائی لائٹ کیا وہ بھاگ گیا، بورڈ میں پیراشوٹرز کی گنجائش نہیں ہے، کوچز کا ایک پورا پینل بن رہا ہے۔محسن نقوی کا کہنا تھا کہ چیمپئنزٹرافی پاکستان میں ہوگی، اس کے لیے سب کچھ کررہے ہیں، سب کا یہی خیال ہے کہ ورلڈ کپ کے لیے ٹیم مضبوط ہونی چاہیئے، کرکٹ کو سیاست سے الگ رکھیں تو بہتر ہے، پی ایس ایل بائیکاٹ کی باتیں ملک کے لیے مناسب نہیں، محمد عامر کی ٹیم میں شمولیت کا فیصلہ سلیکشن ٹیم کرے گی۔چیئرمین پی سی بی نے مزید کہا کہ خزانہ ان شا اللہ تعالیٰ کرکٹ اور کھلاڑیوں پر لگے گا ، خزانہ خالی بھی چھوڑ کر گیا تو خوش ہوں گا کہ کرکٹ کی بہتری پر خرچ ہوا، بینکوں میں پیسہ رکھنے کا کوئی فائدہ نہیں ، کرکٹرز کے لیے پیسہ رہے گا ، کنٹریکٹ کے مطابق یکساں این او سی پالیسی ہو گی ، کسی کھلاڑی کے ساتھ فیورٹزم نہیں ہو گی۔

ترجمان پی سی بی کے مطابق موجودہ سلیکشن کمیٹی کو تحلیل کر دیا گیا ہے، نئی سلیکشن کمیٹی کا اعلان جلد کر دیا جائے گا۔ پی سی بی ترجمان کا کہنا ہے کہ نئی سلیکشن کمیٹی ٹیم کے انتخاب کے لیے میرٹ پر آزادانہ فیصلے کرے گی، نئی سلیکشن کمیٹی کے میرٹ پر فیصلے سب کے سامنے ہوں گے۔ چئیرمین پی سی بی محسن نقوی کی آج پریس کانفرنس شیڈول ہے اور ذرائع کا بتانا ہے کہ محسن نقوی پریس کانفرنس میں نئی سلیکشن کمیٹی کا اعلان کر سکتے ہیں۔ ذرائع کے مطابق وہاب ریاض کو دوبارہ چیف سلیکٹر کی ذمہ داریاں ملنےکا امکان ہے جبکہ سابق آل راونڈر عبدالرزاق رکن کے طور پر مضبوط امیدوار ہیں۔خیال رہے کہ موجودہ سلیکشن کمیٹی کے سربراہ سابق ٹیسٹ کرکٹر وہاب ریاض تھے جبکہ کمیٹی ممبرز میں سابق ٹیسٹ کرکٹر وجاہت اللہ واسطی، توصیف احمد، وسیم حیدر، کامران اکمل اور راؤ افتخار انجم (کنسلٹنٹ ممبر) اور حسن مظفر چیمہ منیجر اینالیٹکس اینڈ ٹیم اسٹریٹجی شامل تھے۔

سابق چیئرمین پی سی بی شہریار خان وفات پا گئے ہیں

سابق چیئرمین پی سی بی شہر یار خان علیل تھے اور ہسپتال میں زیر علاج تھے، آج انکی موت ہوئی ہے، شہریار خان کی عمر 89 برس تھی، انکی میت کو آج شہر قائد کراچی لے جایا جائے گا جہاں انکی نماز جنازہ ادا کی جائیگی بعد ازاں تدفین بھی کراچی میں ہی ہو گی

شہریار خان دو مرتبہ پاکستان کرکٹ بورڈ کے چیئرمین رہے، شہریار خان سابق سفارت کار بھی تھے اور وہ سیکرٹری خارجہ کے عہدے پر بھی فائز رہ چکے ہیں، شہر یار خان کی موت پر چیئرمین پی سی بی محسن نقوی سمیت دیگر نے افسوس کا اظہار کیا ہے،

پاکستان کی تاریخ میں پہلی بارانٹر کالجیٹ رمضان ٹی ٹوئنٹی کپ 2024 کا میلہ سج گیا ، چئیرمین پی سی بی محسن نقوی نے ٹورنامنٹ کا باقاعدہ افتتاح کر دیا.چئیرمین پی سی بی محسن نقوی نے ٹورنامنٹ کی ٹرافی کی رونمائی کی ،چیئرمین پی سی بی محسن نقوی نے ٹورنامنٹ میں حصہ لینے والی ٹیموں کے کپتانوں سے مصافحہ کیا .انٹر کالجیٹ رمضان ٹی ٹوئنٹی کپ کے انعقاد سے نچلی سطح سے ٹیلنٹ سامنے آئے گا۔ محسن نقوی اسلام آباد اور کراچی لیگ کے میچ کل 23 مارچ سے شروع ہوں گے،لاہور لیگ کے 21 میچز پی ٹی وی سپورٹس پر براہ راست نشر کیے جائیں گے پی سی بی نے تماشائیوں کو کھیل دیکھنے کے لیے مفت داخلے کی اجازت دی ہے چیف آپریٹنگ آفیسر پی سی بی سلمان نصیر۔ کمشنر لاہور ڈویژن محمدعلی رندھاوا۔ لاہور ریجن کرکٹ ایسوسی ایشن کے صدر خواجہ ندیم ۔ ڈائریکٹر ڈومیسٹک عبداللہ خرم نیازی اور متعلقہ حکام بھی اس موقع پر موجود تھے،

پاکستان کرکٹ بورڈ (پی سی بی) چیئرمین محسن نقوی نے فیصل آباد کے اقبال اسٹیڈیم میں کرکٹ کی رونقیں بحال کرنے سے متعلق تفصیلی رپورٹ طلب کرلی۔پی سی بی کے ایک وفد نے فیصل آباد اسٹیڈیم کا جائزہ بھی لیا ہے۔پی سی بی کے سی او او سلمان نصیر اور چیف سلیکٹر وہاب ریاض نے بورڈ کے دیگر عہدیداروں کے ہمراہ چئیرمین پی سی بی محسن نقوی کی ہدایت پر اقبال اسٹیڈیم فیصل آباد کا دورہ کیا اور اسٹیڈیم کی حالت زار اور وہاں سہولتوں کا جائزہ لیا۔
پاکستان میں انٹرنیشنل کرکٹ کی بحال کے بعد سے فیصل آباد میں کوئی میچ نہیں ہو سکا ہے۔چیئر مین پی سی بی اقبال اسٹیڈیم میں انٹر نیشنل میچز کی بحالی میں دلچسپی رکھتے ہیں، یہی وجہ ہے کہ انہوں نے اقبال اسٹیڈیم کے حوالے سے رپورٹ طلب کی ہے تا کہ اس رپورٹ کی روشنی میں اسٹیڈیم کی اپ گریڈیشن اور اسٹیڈیم کو اچھی حالت میں واپس لایا جا سکے۔لاہور، کراچی اور راولپنڈی میں اسٹیڈیمز کی اپ گریڈیشن کے منصوبے پر کام جاری ہے۔

افغان کرکٹ بورڈ نے آسٹریلیا نے تیسری مرتبہ سیریز کے ملتوی ہونےکا اعلان پر ناراضگی کا اظہار کرتے ہوئے کہا ہے آسٹریلیا ماضی میں ایک ٹیسٹ اور گزشتہ برس ون ڈے سیریز سے دستبردار ہوا۔ کرکٹ آسٹریلیا کی جانب سے ایک بار پھر سیریز ملتوی کرنے پر افغانستان کرکٹ بورڈ کا ردعمل آگیا۔افغانستان کرکٹ بورڈ کے مطابق آسٹریلیا سے دوسری مرتبہ سیریز ملتوی ہونے پر مایوسی ہوئی، کرکٹ آسٹریلیا پر آسٹریلوی حکومتی کے دباؤ کو سمجھتے ہیں۔افغان کرکٹ بورڈ کا کہنا ہے کہ آسٹریلوی حکومت اپنی پالیسیوں کو بورڈ پر مسلط نہ کرے، کرکٹ آسٹریلیا فل ممبر بورڈ کو احترام دے اور متبادل حل پر غور کرے۔واضح رہے کہ افغانستان اور آسٹریلیا کی تین ٹی ٹوئنٹی میچزکی سیریز رواں برس اگست میں شیڈول تھی۔تاہم گزشتہ روز آسٹریلوی کرکٹ نے جاری بیان میں کہا تھاکہ ہم افغانستان کے خلاف باہمی سیریز ملتوی کر رہے ہیں، افغانستان کی صورتحال کے حوالے سے 12 ماہ کے دوران اپنی حکومت سے رابطے میں ہیں، حکومت نے ہمیں بتایا ہے کہ حالات پہلے سے بھی بدترین ہیں، اس لیے ہم اپنے ماضی کے مؤقف پر قائم ہیں۔

سابق ٹیسٹ کرکٹر سعید احمد طویل علالت کے بعد لاہور میں انتقال کرگئے۔ سعید احمد نے پاکستان کی طرف سے 41ٹیسٹ کھیلے ،انہوں نے پانچ سنچریوں اور سولہ نصف سنچریوں کی بدولت سے دو ہزار نو سو اکانوے رنز بنائے ۔سعید احمد نے 1958میں ویسٹ انڈیز کے خلاف ٹیسٹ ڈیبیو کیا تھا،سابق کرکٹر نے 1973 میں آسٹریلیا کے خلاف آخری ٹیسٹ میلبرن میں کھیلا تھا۔ انہوں نے 172 رنز کے اعلی اسکور کے ساتھ شاندار 40.41 اوسط سے پانچ سنچریوں اور 16 نصف سنچریوں کی بدولت 2,991 رنز بنائے، جو 1965 میں نیوزی لینڈ کے خلاف آیا تھا۔ اس نے گیند کے ساتھ 22 وکٹیں بھی حاصل کیں۔پی سی بی نے ایک پریس ریلیز میں کہا، "پاکستان کرکٹ بورڈ سابق ٹیسٹ کپتان اور پاکستان کے ٹیسٹ کیپ نمبر 27 کے حامل سعید احمد کے 86 سال کی عمر میں انتقال پر غمزدہ ہے۔”
سعید احمد نے اپنا ٹیسٹ ڈیبیو ویسٹ انڈیز کے خلاف 1958 میں برج ٹاؤن ٹیسٹ کے دوران کیا اور پاکستان کے لیے اپنا آخری ٹیسٹ میلبورن میں 1972/73 کے دورے کے دوران کھیلا۔ وہ پاکستان کے چھٹے ٹیسٹ کپتان تھے اور انہوں نے 1969 میں انگلینڈ کے دورہ پاکستان کے دوران حنیف محمد کی جگہ ٹیم کا کپتان بنایا تھا۔ انہوں نے صرف تین ٹیسٹ میں پاکستان کی قیادت کی۔پی سی بی کے چیئرمین محسن نقوی نے پاکستان کے عظیم ترین ٹیسٹ کھلاڑی کے انتقال پر ان کے اہل خانہ سے اظہار یکجہتی کرتے ہوئے کہا کہ قوم ان کی ملک کے لیے خدمات کو ہمیشہ یاد رکھے گی۔ “ انہوں نے کہا کہ ہمارے سابق ٹیسٹ کپتانوں میں سے ایک کے انتقال پر غمزدہ ہے اور سعید احمد کے اہل خانہ سے گہری تعزیت کا اظہار کرتا ہے۔ انہوں نے پورے دل سے پاکستان کی خدمت کی اور پی سی بی ٹیسٹ ٹیم کے لیے ان کے ریکارڈ اور خدمات کا احترام کرتا ہے،
مرحوم کے بیٹے کی دبئی سے آمد کے بعد نماز جنازہ کا اعلان کیا جائے گا۔