Category: کھیل

آئی سی سی کرکٹ ورلڈکپ کا 25واں میچ آج بھارت میں کھیلا جا رہا ہے

سری لنکا اور انگلینڈ کی ٹیموں کے مابین آج مقابلہ جار ی ہے،سری لنکا نے شاندار بولنگ کی اور انگلینڈ کی ٹیم کو 156 رنز پر آؤٹ کر دیا،دونوں ٹیموں کے مابین میچ بنگلورو میں کھیلا جا رہا ہے، ٹاس ہوا تو انگلینڈ نے جیت کر بیٹنگ کا فیصلہ کیا،انگلینڈ ٹیم نے 33.2 اوورز میں 156 رنز بنائے، اور مکمل آؤٹ ہو گئی،

انگلینڈ کی آدھی ٹیم صرف 85 رنز پر آؤٹ ہو گئی تھی، بین اسٹوکس نے بڑے اسکور کی تھوڑی امید دلائی پر وہ بھی 43 رنز بناکر آؤٹ ہوگئے، جونی بیئراسٹو 30، ڈیوڈ ملان 28، جو روٹ 3، کپتان بٹلر 8، لیونگ اسٹن 1،معین علی 15، کرس ووکس صفر، عادل رشید 2، مارک ووڈ5 رنز بنا کر آؤٹ ہوئے جبکہ ڈیوڈ ولی 15 رنز بناکر ناٹ آؤٹ رہے،

ٹاس کے موقع پر انگلش کپتان جوز بٹلر نے کہا کہ وکٹ اچھی ہے،پچ میں نمی ہے،بیٹنگ کےلیے سازگار رہےگی، آج کےمیچ کےلیےٹیم میں تین تبدیلیاں کی ہیں،اس موقع پر لنکن کپتان کوشال مینڈس کا کہنا تھا کہ ٹاس جیت کرہم بھی پہلےبیٹنگ کو ترجیح دیتے، ٹیم میں دو تبدیلیاں کی ہیں، انجیلو میتھیوز اور لہیرو کمارا آج کھیل رہےہیں

آئی سی سی ون کرکٹ ورلڈ کپ، آج 22واں میچ کھیلا جا رہا ہے

پاکستان اور افغانستان کے مابین میچ بھارت میں ہو رہا ہے، پاکستان نے افغانستان کے خلاف ٹاس جیت کر بیٹنگ کا فیصلہ کیا ہے،میچ چنئی میں ہو رہا ہے جہاں افغانستان پاکستان کے خلاف پہلے بولنگ کرے گا

پاکستان کا 56 رنز پر ایک کھلاڑی آؤٹ ہو گیا ہے، اوپنر امام الحق 17 رنز بناکر عظمت اللہ عمرزئی کی گیند کا شکار ہوئے،

پاکستان کے افغانستان کیخلاف 20 اوورز میں 100 رنز مکمل ہو ئے،پاکستان کی افغانستان کیخلاف 110 رنز پر دوسری وکٹ گرگئی،عبداللہ شفیق کو 58 رنز پر نور احمد نے پویلین لوٹایا،محمد رضوان بھی آٹھ رنز بنا کر آؤٹ ہو گئے، محمد رضوان نور احمد کا شکار بنے، پاکستان نے افغانستان کو جیت کے لیے 283 رنز کا ہدف دے دیا

پاکستانی ٹیم کی جانب سے رواں برس 1169 گیندوں کے بعد پاور پلے میں عبداللہ شفیق نے چھکا لگایا، عبداللہ شفیق نے افغان باؤلر نوین الحق کی گیند پر چھکا لگایا،بعدازاں عبداللہ شفیق نے ہی افغان بولر مجیب الرحمان کی گیند پر رواں سال پاورپلے میں دوسرا چھکا لگایا

آئی سی سی کرکٹ ورلڈکپ میں پاکستان وہ واحد ٹیم تھی جس نے پاور پلے یعنی ابتدائی 10 اوورز کے دوران چھکا نہیں لگایا تھا

ٹاس کے موقع پر حشمت اللہ شاہدی کا کہنا تھا کہ وہ بھی ٹاس جیت کرپہلے بیٹنگ ہی کرتے،

پاکستان ٹیم میں ایک تبدیلی کی گئی ہے، محمد نواز بخار کے باعث ٹیم میں شامل نہیں ہیں، ان کی جگہ شاداب خان کو ٹیم میں شامل کیا گیا ہے

ورلڈکپ کے پوائنٹس ٹیبل کے مطابق پاکستان پانچویں پوزیشن جب کہ افغانستان 10ویں پوزیشن پر ہے،

🚨 PLAYING XI & TOSS 🚨

Pakistan win the toss and elect to bat first 🏏

One change to our team today 👇#PAKvAFG | #DattKePakistani | #WeHaveWeWill pic.twitter.com/u7PYuIjQsD

— Pakistan Cricket (@TheRealPCB) October 23, 2023

پاکستان اور افغانستان دونوں ٹیمیں اپنا یہ پانچواں میچ کھیل رہی ہیں، پاکستان دو میچ جیتا، دو ہارا جبکہ افغانستان ایک میچ جیتا اور تین ہارا،

بھارت میں جاری آئی سی سی مینز کرکٹ ورلڈ کپ کے 21 ویں میچ میں آج دو سپر پاورز آمنے سامنے ہو گے۔ نیوزی لینڈ اور بھارت کی ٹیمیں آج بھارتی ریاست ہماچل پردیش میں ایک دوسرے کے ٹکرائے گے۔ دونوں ٹیمیں اب تک ورلڈ کپ میں ناقابل شکست ہیں۔ دونوں ٹیموں کے درمیان میچ ہماچل پردیش کرکٹ ایسوسی ایشن، اسٹیڈیم میں پاکستانی وقت کے مطابق دن 01:30 بجے شروع ہوگا۔ بھارت نے اب تک آسٹریلیا، پاکستان، بنگلہ دیش اور افغانستان کو شکست دی ہے جبکہ نیوزی لینڈ نے نیدر لینڈز، انگلینڈ، بنگلہ دیش اور افغانستان کو پچھاڑا ہے۔ بھارت اور نیوزی لینڈ کی ٹیمیں اب تک ایک روزہ میچز میں 116 بار ایک دوسرے کے آمنے سامنے آئی ہیں جن میں بھارت نے 55 میچز جبکہ نیوزی لینڈ کی ٹیم نے 46 میچز جیت رکھے ہیں۔ دونوں ٹیموں کے مابین 07 میچز بغیر کسی نتیجے کے ختم ہوئے اور ایک میچ برابر رہا۔