لاہور: پاکستان کرکٹ ٹیم کے سابق آل راؤنڈر عبدالرزاق کو بالی ووڈ اداکارہ ایشوریا رائے کے بارے میں اپنے حالیہ ریمارکس پر شدید تنقید کا سامنا ہے-
باغی ٹی وی : پاکستان کے سابق کرکٹر عبدالرزاق نے پاکستان کرکٹ ٹیم کی کارکردگی کو تنقید کا نشانہ بناتے ہوئے کہا ہے کہ جب نیتیں ہی صاف نہیں تو نتیجہ کیسے اچھا آسکتا ہے،ایک ڈشکشن کے دوران ان کا کہنا تھا کہ میں بات کرتا ہوں نیت کی، انھوں نے اپنے وقت کے بارے میں بتاتے ہوئے کہا کہ مجھے پتا تھا کہ ہمارا جو کپتان یونس خان ہے اس کی نیت بہت اچھی ہے اس چیز نے مجھے اعتماد دیا اگر ان کی نیت اچھی ہے اور یہ چاہتے ہیں کہ میں پاکستان کے لیے کچھ کروں تو مجھ میں بھی ہمت آئی اور اللہ کا شکر ہے کہ میں نے بھی وہاں پر ڈلیور کیا-
کپل دیو بابر اعظم کی حمایت میں بول پڑے
عبدالرزاق کی جانب سے سابق کپتان یونس خان کو سراہنے کیلئے اُن کی ’نیت‘ بتاتے ہوئے ایشوریہ کی مثال دی گئی جسے اسٹیج پر بیٹھے ساتھیوں نے بے حد سراہا، عمر گل، شاہد آفریدی اور دیگر نے تالیاں بجائیں وائرل ویڈیو کلپ میں عبدالرزاق کا کہنا ہے کہ آگرآپ کی سوچ یہ ہے کہ ایشوریہ رائے سے شادی کرنے سے اچھا اور نیک بچہ پیدا ہوگا تو ایسا کبھی نہیں ہوگا،کرکٹر نے یہ مثال دیتے ہوئے کہا کہ یہاں بڑی باتیں چل رہی ہیں پاکستان ٹیم کی اور پلیئرز کی، تو بات یہ ہے کہ ہماری نیت ہے ہی نہیں کہ کسی چیز کو پالش کیا جائے، پلیئرز کو بہتر کیا جائے،عبدالرزاق نے کرکٹ بورڈ کے اندر نیت کی اہمیت پر زور دیتے ہوئے سفارش کی کہ پی سی بی کھلاڑیوں کی ترقی کے لئے مستقل لگن برقرار رکھے۔
لاہور آلودگی کے اعتبار سے دنیا بھر کے شہروں میں سرفہرست
ان کے اس بیان سے انٹرنیٹ صارفین میں غم و غصہ پایا جاتا ہے اور وہ سابق کرکٹرکی جانب سے ایسے الفاظ کے استعمال کو ’شرمناک‘ قرار دے رہے ہیں،سوشل میڈیا صارفین نے ایسی منطق کو سراہنے والے شاہد آفریدی،یوس خان سمیت کھلاڑیوں پر بھی افسوس کا اظہار کیا۔
https://x.com/san_x_m/status/1724314899441217984?s=20
https://x.com/i_am_Aawez/status/1724360665522151653?s=20
https://x.com/imbaghelrajesh/status/1724360683058561299?s=20
