Category: کھیل

انٹرنیشنل کرکٹ کونسل ٹی 20 ورلڈ کپ ٹرافی ٹور کا آغاز کردیا گیا۔

ٹی 20 ورلڈ کپ ٹرافی ٹور کا آغاز بھارت اور سری لنکا کو ملانے والے مشہور ایڈم برج سے کیا گیا۔ٹی 20 ورلڈکپ ٹرافی بھارت کے علاوہ میزبان ملک سری لنکا سمیت، عمان، قطر، نیپال، بحرین اور منگولیا میں نمائش کے لیے پیش کی جائے گی،ٹی 20 ورلڈ کپ ٹرافی کو ٹی 20 لیگز، مخصوص دو طرفہ سیریز، اسکولز اور تاریخی مقامات پر لےجایا جائے گا،ٹی 20 ورلڈ کپ آئندہ سال 7 فروری سے 8 مارچ تک بھارت اور سری لنکا میں کھیلا جائے گا۔

قبل ازیں آئی سی سی مینز ٹی 20 ورلڈ کپ 2026 کے لیے ٹکٹس کی آن لائن فروخت کا آغاز ہوگیا، ایونٹ کے پہلے مرحلے میں 20 لاکھ سے زائد ٹکٹس شائقین کے لیے جاری کیے جائیں گے،میچز کی ٹکٹوں کی کم سے کم قیمت بھارت میں 100 روپے جبکہ سری لنکا میں 1000 سری لنکن روپے مقرر کی گئی ہے۔ پاکستان اور بھارت کے ہائی وولٹیج میچ کے لیے ٹکٹ کی کم سے کم قیمت 1500 سری لنکن روپے رکھی گئی ہے۔

ٹی ٹوئنٹی ورلڈ کپ 7 فروری سے 8 مارچ 2026 تک بھارت اور سری لنکا میں منعقد ہوگا، ایونٹ کا افتتاحی میچ 7 فروری کو کولمبو میں پاکستان اور نیدرلینڈز کے درمیان کھیلا جائے گا،شائقین کرکٹ اپنی نشستیں یقینی بنانے کے لیے آن لائن پلیٹ فارم کے ذریعے ٹکٹس خرید سکتے ہیں۔

ارجنٹینا کے عالمی شہرت یافتہ فٹبال اسٹار اور ورلڈ کپ فاتح کپتان لیونل میسی (leo messi)بھارت کے چار شہروں پر مشتمل دورے کے آخری مرحلے میں نئی دہلی پہنچ گئے ہیں-

میڈیا رپورٹس کے مطابق دورے کے دوران میسی سے مصافحہ کرنے کے خواہش مند افراد کے لیے ایک کروڑ بھارتی روپے کی فیس مقرر کی گئی ہے، جس نے کھیلوں کے حلقوں میں خاصی توجہ حاصل کر لی ہے۔

لیونل میسی کا بھارت کا یہ دورہ کلکتہ سے شروع ہوا، جہاں انہوں نے فٹبال سے وابستہ مختلف تقاریب میں شرکت کی اور نوجوان کھلاڑیوں سے ملاقات کی، اس کے بعد وہ حیدرآباد پہنچے، جہاں ان کے اعزاز میں خصوصی تقریب کا اہتمام کیا گیا اور شائقین نے اپنے پسندیدہ اسٹار کو قریب سے دیکھنے کا موقع حاصل کیا۔

ممبئی میں بھی میسی کی موجودگی فٹبال مداحوں کے لیے کسی تہوار سے کم نہ تھی، اس موقع پر فٹبال سے متعلق سرگرمیوں اور تقاریب کا انعقاد کیا گیا،میڈیا رپورٹس کے مطابق نئی دہلی میں میسی کے شیڈول میں محدود مگر خصوصی ملاقاتیں شامل ہیں، جن کے لیے فیس مقرر کی گئی ہے بتایا جا رہا ہے کہ اس رقم کے عوض شرکا کو میسی سے مصافحہ کرنے کا موقع دیا جائے گا۔

فٹبال تجزیہ کاروں کا کہنا ہے کہ لیونل میسی کی بھارت میں مقبولیت اس بات کا واضح ثبوت ہے کہ فٹبال کا کھیل جنوبی ایشیا میں بھی تیزی سے مقبول ہو رہا ہے،شائقین کا کہنا ہے کہ میسی جیسے لیجنڈ کھلاڑی کو قریب سے دیکھنا اور ان سے ملاقات کرنا ان کے لیے ایک یادگار لمحہ ہوگا۔

سری لنکا کے سابق ٹیسٹ کرکٹر اور منتظم ڈی ایس ڈی سلوا انتقال کر گئے۔

سری لنکن کرکٹ بورڈ نے ای ایس ڈی سلوا کے انتقال کی تصدیق کرتے ہوئے گہرے رنج و غم کا اظہار کیا ہے،کرکٹ بورڈ کے مطابق ڈی ایس ڈی سلوا کا شمار ان کھلاڑیوں میں ہوتا تھا جنہوں نے سری لنکن کرکٹ کی بنیاد رکھنے میں اہم کردار ادا کیا۔

ڈی ایس ڈی سلوا نے 1982 میں سری لنکا کی جانب سے ٹیسٹ کرکٹ میں ڈیبیو کیا اور وہ اس تاریخی ٹیم کا حصہ تھے جس نے ملک کا پہلا ٹیسٹ میچ کھیلا، سری لنکن کرکٹ اس دور میں بین الاقوامی سطح پر اپنی پہچان بنانے کی جدوجہد کر رہی تھی اور ڈی ایس ڈی سلوا جیسے کھلاڑیوں نے اپنی کارکردگی اور عزم سے ٹیم کو مضبوط بنیاد فراہم کی۔

https://x.com/OfficialSLC/status/2000854118315745636

انہوں نے اپنے بین الاقوامی کیریئر میں 12 ٹیسٹ اور 41 ون ڈے انٹرنیشنل میچز میں سری لنکا کی نمائندگی کی بطور آل راؤنڈر ان کی خدمات کو ہمیشہ یاد رکھا جائے گاوہ میدان میں نظم و ضبط اور کھیل کے تئیں سنجیدہ رویے کے لیے مشہور تھے ساتھی کھلاڑیوں اور کوچز کے مطابق ڈی ایس ڈی سلوا نوجوان کرکٹرز کے لیے ایک مثال تھے۔

ریٹائرمنٹ کے بعد بھی ڈی ایس ڈی سلوا سری لنکن کرکٹ سے وابستہ رہے اور انتظامی امور میں اہم کردار ادا کیا، وہ 2009 سے 2011 تک سری لنکا کرکٹ کے عبوری ایڈمنسٹریشن کے چیئرمین رہے، اس دوران انہوں نے بورڈ کے انتظامی ڈھانچے کو مستحکم کرنے اور کرکٹ کے فروغ کے لیے مختلف اقدامات کیے۔

سری لنکا کرکٹ بورڈ، سابق اور موجودہ کرکٹرز سمیت کھیلوں سے وابستہ شخصیات نے ڈی ایس ڈی سلوا کے انتقال پر تعزیت کا اظہار کیا ہے ان کا کہنا ہے کہ ڈی ایس ڈی سلوا کا انتقال سری لنکن کرکٹ کے لیے ایک ناقابلِ تلافی نقصان ہے۔

بگ بیش لیگ میں شاہین آفریدی کی ڈیبیو میچ میں مایوس کن کارکردگی ،بولنگ کرانے سے ہی روک دیا گیا-

بگ بیش لیگ میںفاسٹ بالر نے 2.4 اوورز میں کوئی وکٹ لئے بغیر 43 رنز دیے، شاہین آفریدی کو اوور میں دو شولڈر ہائی فل ٹاس کرانے پر امپائر نے میچ میں مزید بولنگ کرانے سے بھی روک دیا۔

دوسری جانب شاہین شاہ آفریدی نے پاکستان میں پیس بولنگ کو درپیش ایک دیرینہ مسئلے کی نشاندہی کرتے ہوئے کہا ہے کہ ملکی پچز عموماً فاسٹ بالرز کے لیے زیادہ مددگار ثابت نہیں ہوتیں،بگ بیش لیگ میں برسبین ہیٹ کے لیے ڈیبیو سے قبل ایک پوڈکاسٹ میں گفتگو کرتے ہوئے انہوں نے امید ظاہر کی کہ آسٹریلوی وکٹیں انہیں بولنگ میں بہتر معاونت فراہم کریں گی، جو پاکستان کی نسبت زیادہ بولر فرینڈلی ہوتی ہیں۔

شاہین آفریدی نے کہا کہ وہ آسٹریلیا میں اپنی بولنگ کو مقامی کنڈیشنز کے مطابق ڈھالنے کے خواہشمند ہیں اور انہیں بابر اعظم اور محمد رضوان جیسے بیٹسمینوں کے خلاف بولنگ کا تجربہ بھی فائدہ دے گا۔