Category: کھیل

پاکستان نے افغانستان کو ایک وکٹ سے شکست دے دی،پاکستان کو 0-2 کی فیصلہ کن برتری حاصل ہو گئی،پاکستان نے حدف 49.5 اوور میں حاصل کر دیا،قومی ٹیم نے 302 رنز بنا کر جیت اپنے نام کر دی, تین ون ڈے میچز کی سیریز کے دوسرے میچ میں پاکستان نے افغانستان کو دلچسپ مقابلے کے بعد ایک وکٹ سے شکست دے دی۔سری لنکا کے شہر ہمبنٹوٹا میں کھیلےگئے تین ون ڈے میچز کی سیریز کے دوسرے میچ میں پاکستان نے نسیم شاہ کی اہم اننگز کی بدولت 49.5 اوورز میں آخری وکٹ پر ہدف حاصل کرلیا۔ افغانستان نے ٹاس جیت کر پہلے بیٹنگ کا فیصلہ کیا جو کہ بہترین ثابت ہوا، افغان اوپنرز نے ٹیم کو 227 رنز کا عمدہ آغاز فراہم کیا اور افغان ٹیم نے مقررہ 50 اوورز میں 5 وکٹوں کے نقصان پر 300 رنز بنائے۔جواب میں قومی ٹیم نے 301 رنز کا ہدف 49.5 اوورز میں آخری وکٹ پر حاصل کرلیا۔افغانستان کے 300 رنز کے تعاقب میں پاکستان کی جانب سے اوپنر فخر الزمان اور انعام الحق نے اننگز کا آغاز کیا، پاکستان کو جلد ہی پہلی وکٹ کا نقصان اٹھانا پڑا جب فخر الزمان فضل حق فاروقی کی گیند پر کلین بولڈ ہو گئے انہوں نے 5 چوکوں کی مدد سے 34 بالوں پر 30 رنز بنائے۔ اس طرح 8.6 اوورز میں 52 رنز پر پاکستان کی پہلی وکٹ گر گئی۔انعام الحق کا ساتھ دینے کے لیے پاکستان کرکٹ ٹیم کے کپتان بابر اعظم نے انٹری دی تو انہوں نے انعام الحق کے ساتھ ملک کر قومی ٹیم کے اسکور کو 170 رنز پر پہنچا دیا بابر اعظم 6 چھکوں کی مدد سے 66 بالوں پر 53 سکور کرنے میں کامیاب ہوئے انہیں فضل الحق فاروقی کی گیند پر حشمت اللہ نے کیچ آوٹ کر کے پویلین کی راہ دکھا دی، اس طرح 30.4 اوورز میں 170 کے اسکور پر پاکستان کی دوسری وکٹ گر گئی، پاکستان کی تیسری وکٹ اس وقت گر گئی جب مڈل آرڈر بیٹسمین رضوان 7 گیندوں پر 2 رنز سکور کر کے حشمت اللہ شاہدی کے ہاتھوں رن آؤٹ ہو تے ہوئے شکار بنے۔ پاکستان کی چوتھی وکٹ 37.5 اوورز میں 208 کے مجموعی سکور پر گری جب سلمان علی آغا کو محمد نبی کی گیند پر رحمان اللہ گربازنے کیچ پکڑ کر پویلین بھیج دیا۔
انہوں نے 15 گیندوں پر 14 رنز سکور کیے، پاکستان کے 5 ویں آؤٹ ہونے والے کھلاڑی اسامہ میر تھے جو صفر پر آؤٹ ہوئے، انہیں بھی محمد نبی کی گیند پر شاہد اللہ نے کیچ پکڑ کر پویلین بھیجا، پاکستان کے 6 ویں آؤٹ ہونے والے کھلاڑی اوپنر انعام الحق تھے جنھوں نے عمدہ اننگز کھیلتے ہوئے 4 چوکوں کی مدد سے 105 بالوں پر 91 رنز بنائے، ان کا کیچ مجیب الرحمٰن کی گیند پر ریاض حسین نے پکڑا۔پاکستان کی ساتویں وکٹ 258 رنز پر گری جب افتخار احمد 24 گیندوں پر 17 رنز بنا کر عبدالرحمان کی گیند پر محمد نبی کے ہاتھوں کیچ آؤٹ ہوئے۔پاکستان کے 8 ویں آؤٹ ہونے والے کھلاڑی شاہین شاہ آفریدی تھے جن کا کیچ فضل الحق فاروقی کی گیند پر راشد خان پکڑا، شاہین شاہ آفریدی نے 5 گیندوں پر 4 رنز سکور کیے۔پاکستان کی 9 ویں وکٹ 290 کے مجموعی سکور پر گری جب شاداب خان 35 گیندوں پر 48 رنز بنا کر رن آؤٹ ہوگئے، انہیں فضل الحق نے رن آؤٹ کیا۔

پشاور زلمی کے چیئرمین جاوید آفریدی کی جانب سے ورلڈ جونئیر سکواش چیمپئن حمزہ خان کو 10 لاکھ روپے کے اعلان کردہ انعام کا چیک ان کے حوالے کردیا گیا۔
اس موقع پر بات چیت کرتے ہوئے زلمی فاونڈیشن اور پشاور زلمی کے چیئرمین جاوید آفریدی کا کہنا تھا کہ حمزہ خان کی کامیابی پر فخر ہے، زلمی فاونڈیشن مستقبل میں بھی قومی ہیروز کی حوصلہ افزائی کرنے کا عمل جاری رکھے گی۔حمزہ خان نے 37 سال بعد پاکستان کو ورلڈ جونیئر اسکواش کا ٹائٹل جتوایا تھا، اس تاریخی کامیابی پر زلمی فاونڈیشن اور پشاور زلمی کے چیئرمین جاوید آفریدی نے حمزہ خان کیلئے 10 لاکھ روپے انعام کا اعلان کیا تھا۔ 

پاکستان کرکٹ ٹیم کے کپتان بابر اعظم نے ون ڈے انٹرنیشنل (ون ڈے) کرکٹ میں ایک اور ریکارڈ اپنے نام کر کے ایک بار پھر تاریخ رقم کر دی ہے۔ ہمبنٹوٹا میں افغانستان کے خلاف دوسرے ون ڈے میچ کے دوران، بابر نے پہلی 100 ون ڈے اننگز کے بعد سب سے زیادہ رنز (5142) بنانے کا اعزاز حاصل کیا۔یہ ایک قابل ذکر کارنامہ ہے کیونکہ اس ریکارڈ کے پچھلے ریکارڈ رکھنے والے ہاشم آملہ نے اپنی پہلی 100 ون ڈے اننگز میں 4946 رنز بنائے تھے۔
بابر اب 100 ون ڈے اننگز کے بعد سب سے زیادہ رنز بنانے والے بلے بازوں میں سرفہرست ہیں، اس کے بعد ہاشم آملہ (4946)، ویو رچرڈز (4607)، شائی ہوپ (4436) اور جو روٹ (4428) ہیں۔

ڈائریکٹر پاکستان کرکٹ ٹیم مکی آرتھر نے سری لنکا میں قومی اسکواڈ کو جوائن کر لیا ، ایشیاکپ میں پاک بھارت مقابلے تک پلیئرز کے ساتھ رہیں گے
انگلش کاؤنٹی ٹیم ڈاربی شائر کے ساتھ ساتھ پاکستان کرکٹ ٹیم کی کوچنگ ذمہ داری نبھانے والے مکی آرتھر سری لنکا پہنچ گئے، افغانستان کے خلاف سیریز کے دوسرے میچ سے پہلے کھلاڑیوں سے ملاقات کی، ٹیم اور پلیئر پرفارمنس کا جائزہ لیا ،سیریز کے بعد پوری توجہ سے کوچنگ فرائض انجام دیں گے ایشیا کپ کے لیے پاکستان آئیں گے پھر ٹیم کے ہمراہ سری لنکا قیام کریں گے میگا ایونٹ میں روایتی حریف پاکستان اور بھارت کے درمیان دو ستمبر کو شیڈول میچ تک کوچنگ خدمات انجام دیں گے

ورلڈ بلائند گیمز میں قومی ٹیم نے انگلش ٹیم کو شکست دے کر مسلسل چوتھی فتح اپنے نام کر دی برمنگھم میں جاری ورلڈ بلائنڈ گیمز میں کرکٹ کے مقابلوں میں پاکستانی ٹیم اب تک کے اپنے تمام راؤنڈ میچز میں ناقابل شکست رہی ہے۔ کھلاڑیوں نے شاندار پرفارمنس کا مظاہرہ کرتے ہوئے مسلسل چوتھی فتح حاصل کی۔ورلڈ بلائنڈ گیمز کرکٹ مقابلوں میں پاکستان نے اپنے آخری راؤنڈ میچ میں انگلینڈ کو 6 وکٹ سے شکست دیکر فتح حاصل کی۔انگلینڈ کی ٹیم نے پہلے بیٹنگ کرتے ہوئے 18 اوورز میں پاکستان کو 104 رنز کا ہدف دیا، انگلینڈ کے ایل جے سگ نے 25، ڈین نے 13 رنز بنائے جبکہ انگلش ٹیم کو اننگز کے ٹوٹل اسکور میں 32 رنز اضافی رنز کی صورت میں ملے جو کہ کسی بھی بیٹرکے انفرادی سکور سے زیادہ سکور تھا۔

پاکستان کرکٹ بورڈ نے تصدیق کی ہے کہ آل راؤنڈر قاسم اکرم چین کے شہر ہانگزو میں ہونے والے 19ویں ایشین گیمز میں پاکستان شاہینز کی قیادت کریں گے۔ ایونٹ 28 ستمبر سے 7 اکتوبر تک ٹی ٹوئنٹی فارمیٹ میں کھیلا جائے گا۔20 سالہ قاسم نے اب تک 20 فرسٹ کلاس میچز اور 40 ٹی ٹوئنٹی میچز کھیلے ہیں اور 2022 میں آئی سی سی انڈر 19 ورلڈ کپ میں پاکستان انڈر 19 کی کپتانی بھی کی تھی۔ 15 رکنی اسکواڈ میں آٹھ کھلاڑی شامل ہیں جو پہلے ہی نمائندگی کر چکے ہیں۔ پاکستان کی مردوں کی ٹیم بین الاقوامی سطح پر۔
بین الاقوامی سطح پر پاکستان کی نمائندگی کرنے والے کھلاڑیوں میں عامر جمال ، ارشد اقبال ، آصف علی ، حیدر علی، خوشدل شاہ شامل ہیں۔ ، اسکے علاوہ محمد حسنین ، شاہنواز دہانی اور عثمان قادر بھی پاکستا کی نمائندگی کرے گے،اس کے علاوہ 15 رکنی اسکواڈ میں شامل آٹھ کھلاڑی عامر جمال، عرفات منہاس، ارشد اقبال، عمیر بن یوسف، قاسم اکرم، روحیل نذیر، شاہنواز ڈہانی اور سفیان مقیم حال ہی میں شاہین ٹیم سے منسلک ہوئے ہیں۔ اس سے قبل مئی 2023 سے پاکستان شاہینز نے زمبابوے، سری لنکا اور آسٹریلیا کا دورہ کیا۔ٹورنامنٹ کے اصول کے مطابق، شاہینز 3 اور 4 اکتوبر کو ہونے والے کوارٹر فائنل مرحلے سے ایونٹ میں شرکت کرے گی۔ سیمی فائنل 6 اکتوبر کو کھیلا جائے گا جبکہ فائنل 7 اکتوبر کو کھیلا جائے گا۔ کانسی کے تمغے کا مقابلہ بھی 7 اکتوبر بروز ہفتہ کو ہوگا۔