Category: کھیل

قومی بلے باز سعود شکیل کو ایشیا کپ اسکواڈ میں شامل کر لیا گیا ہے،نوجوان طیب طاہر بطور اضافی کھلاڑی ایشیا کپ اسکواڈ کے ساتھ رہیں گے لنکن پریمیئر لیگ کھیلنے والے کپتان بابر اعظم، امام الحق اور نسیم شاہ کل لاہور پہنچیں گے تینوں قومی کرکٹر ایک روز گھر آرام کے بعد پیر کو ایشیا کپ اسکواڈ جوائن کریں گے۔ٹیم انتظامیہ نے لنکن پریمیئر لیگ میں شرکت کرنے والے کھلاڑیوں کو سہولت فراہم کی ہے۔ بابر، امام الحق اور نسیم شاہ اتوار کو لاہور جائیں گے اور پیر کی شام کو ٹیم میں شامل ہوں گے۔کھلاڑی 29 اگست بروز منگل ملتان کرکٹ اسٹیڈیم میں ٹریننگ کریں گے۔ ٹورنامنٹ کے افتتاحی میچ میں پاکستان کا مقابلہ 30 اگست کو ملتان میں نیپال سے ہوگا۔پاکستانی اسکواڈ میں بابر اعظم (کپتان)، شاداب خان (نائب کپتان)، عبداللہ شفیق، فہیم اشرف، فخر زمان، حارث رؤف، افتخار احمد، امام الحق، محمد حارث ، محمد نواز، محمد رضوان ، محمد وسیم جونیئر، نسیم شاہ، سلمان علی آغا، سعود شکیل، شاہین آفریدی اور اسامہ میر شامل ہیں

أئی بی ایس اے بلائنڈ کرکٹ ورلڈ گیمز میں پاکستان نے فائنل میں بھارت کو 8 وکٹوں سے شکست دے کر قومی بلائنڈ کرکٹ ٹیم ورلڈ بلائنڈ گیمز کرکٹ میں گولڈ میڈل جیتنے میں کامیاب ہو گئی، بھارت نے پہلے کھیلتے ہوئے مقررہ 20 اوورز میں 3 وکٹوں پر 184 رنز بنائے،بھارتی بلائنڈ ٹیم کی جانب سے ٹومپکی 76 اور رمیش 48 رنز بنا کر نمایاں رہے جسکے بعد قومی بلائنڈ ٹیم نے ہدف 15 ویں اوور میں دو وکٹوں کے نقصان پر پورا کر لیا محمد سلمان 48، بدر منیر 41 اور نثار علی 36 رنز بنا کر نمایاں رہے بلائنڈ کرکٹ ورلڈ گیمز میں پاکستانی ٹیم ناقابل شکست رہی قومی ٹیم نے ایونٹ میں بھارت، بنگلہ دیش، آسٹریلیا اور انگلینڈ کو شکست دی ہے پاکستان بلائنڈ ٹیم نے اس سے قبل گروپ مرحلے میں بھارت کو 18 رنز سے شکست دی تھی

سری لنکا میں تین میچوں کی سیریز میں افغانستان کو وائٹ واش کرنے کے بعد پاکستان آئی سی سی مردوں کی ون ڈے رینکنگ میں پہلے نمبر پر آگیا ہے۔سیریز سے قبل پاکستان 116 پوائنٹس کے ساتھ دوسرے نمبر پر تھا جو آسٹریلیا سے صرف دو پوائنٹس پیچھے تھا۔ تاہم، ان کی 3-0 سے فتح کے ساتھ، پاکستان اب 119 پوائنٹس کے ساتھ رینکنگ میں سرفہرست آ گیا ہے۔رواں سال ون ڈے رینکنگ میں پاکستان کا یہ دوسرا موقع ہے۔ وہ مئی میں پانچ میچوں کی سیریز میں نیوزی لینڈ کے خلاف اپنے پہلے چار میچ جیتنے کے بعد سب سے پہلے ٹاپ پر پہنچے تھے۔ تاہم، وہ نیوزی لینڈ سے پانچواں اور آخری میچ ہار گئے، جس کی وجہ سے آسٹریلیا کو دوبارہ ٹاپ پوزیشن حاصل کرنے کا موقع ملا۔پاکستان اب 2023 کے ایشیا کپ میں حصہ لے گا اور چھ ٹیموں کے اس ٹورنامنٹ میں اس کا پہلا میچ 30 اگست کو ملتان میں نیپال کے خلاف ہوگا۔اس کے بعد وہ ورلڈ کپ کے باضابطہ وارم اپ فکسچر میں نیوزی لینڈ اور آسٹریلیا کا مقابلہ کریں گے، اس سال کے ٹورنامنٹ میں ان کا پہلا مقابلہ 6 اکتوبر کو حیدرآباد میں نیدرلینڈ کے خلاف ہوگا۔

نیزہ بازی ورلڈکپ میں پاکستان نے آخری دن 2 گولڈ میڈلز جیت لئے پاکستانی گھڑ سوار تصور عباس لک نے انفرادی طور پر گولڈ میڈل جیتا، آخری دن پاکستان نے ٹیم ایونٹ میں بھی نمبر ون رہتے ہوئے گولڈ میڈل جیتا،اس طرح مجموعی طور پر پاکستان ورلڈکپ میں دوسرے نمبر پر رہا , سعودی عرب پہلے اور بھارت تیسرے نمبر پر رہا ،نیزہ بازی ورلڈکپ میں پاکستان نے مجموعی طور پر 5 میڈلز اپنے نام کر دئیے، صدر پاکستان فیڈریشن صاحبزادہ سلطان محمد علی کے مطابق پاکستان نے ورلڈکپ میں ورلڈکلاس پرفارمنس دی ،اور پاکستانی گھڑسواروں نے دنیا کو بتادیا کہ وہ ورلڈکلاس سوار ہیں ،

کولمبو،تیسرے ون ڈے کے میچ میں افغانستان کی بیٹنگ لائن لڑکھڑا گئی جس میں افغانستان کا99 رنز پہ 7 کھلاڑی آوٹ ہو گئے ہے،افغانستان نے 32.2 اوورز میں 99 رنز بنائے تاہم 7 کھلاڑی آوٹ ہونے کے بعد افغانستان کو جیتنے لے لئے 207 رنز درکار ہے، افغانستان کے کھلاڑی گل باز نے 15 بال پر 5 رنز بنا کر پولین واپس لوٹ گئے جبکہ ابراہیم زدران 11 بالز پر کوئی رن نہ دے سکے،اس وقت ریاض حسن 34 اور حشمت اللہ شاہد 13 رنز پر آوٹ، گلبدین نبی 0 پر پولین لوٹ گئے،محمد نبی 3 اور راشد خان 16 رنز بنا سکے،اس وقت شاہد اللہ 23 اور مجیب الرحمن 1 رن کے ساتھ کریز پر موجود ہے ،

ہمبٹونا،پاکستان نے 8 وکتوں کے نقصان پہ افغانستان کو کو جیت کے لئے 269 رنز کا ہدف دے دیا،پاکستان نے افغانستان کے خلاف ایک روزہ سیریز کے تیسرے میچ میں پہلے بیٹنگ کرتے ہوئے قومی ٹیم نے 268 رنز بنائے کپتان بابراعظم 60 اور محمد رضوان 67 رنز بنا سکیں اسکے باوجود 43 اوورز میں 6 وکٹوں پر 196 رنز بنا لیے۔سری لنکا کے دارالحکومت کولمبو میں کھیلے جار رہے سیریز کے تیسرے ون ڈے میں پاکستان نے افغانستان کے خلاف ٹاس جیت کر پہلے خود بیٹنگ کا فیصلہ کیا۔فخرزمان اور امام الحق نے اوپننگ شراکت میں 36 رنز بنائے تاہم تجربہ کار فخرزمان 27 رنز بنا کر آؤٹ ہوئے۔امام الحق نے پہلے دونوں میچوں میں نصف سنچریاں بنائی تھیں تاہم تیسرے میچ میں ناکام ہوئے اور 30 گیندوں کا سامنا کرنے کے بعد 13 رنز بنائے اور ٹیم کو 52 کے اسکور پر چھوڑ گئے۔افغانستان کی ٹیم میں آخری میچ میں جگہ بنانے والے باؤلر گلبدین نائب نے پاکستان کی ابتدائی وکٹیں حاصل کیں۔کپتان بابراعظم کا ساتھ دینے وکٹ کیپر محمد رضوان میدان میں آئے اور دونوں بلے بازوں نے سنچری شراکت قائم کرکے ٹیم کو ایک اچھی پوزیشن پر لے کر آئے اور اس دوران دونوں بلے بازوں نے اپنی نصف سنچریاں بھی مکمل کیں۔پاکستان کی جانب سے محمد رضوان نے 67 اور بابراعظم نے 60 رنز کی اننگز کھیلی، محمد رضوان نے اپنی اننگز میں ایک چھکا اور 6 چوکے لگائے جب کہ بابراعظم کی اننگز میں ایک چھکا اور 4 چوکے شامل تھے۔ ان کے علاوہ آغا سلمان نے 38، محمد نواز نے 30، فخر زمان نے 27 رنز کی اننگز کھیلی، امام الحق 13، سعود شکیل 9، شاداب خان 3 اور فہیم اشرف 2 رنز بناسکے۔افغانستان کی جانب سے گلبدین نائب نے 2 ، فرید احمد نے 2، فضل حق فاروقی، مجیب الرحمان اور راشد خان نے ایک ایک کھلاڑی کو آؤٹ کیا۔آج قومی ٹیم میں چار تبدیلیاں کی گئیں، ٹیم میں محمد نواز، فہیم اشرف، وسیم جونیئر اور سعود شکیل کو شامل کیا گیا ہے، سعود شکیل کا یہ ڈیبیو میچ ہے۔ٹاس کے موقع پرگفتگو میں کپتان بابر اعظم نے بتایا کہ آج کے میچ میں فاسٹ بولر حارث رؤف،نسیم شاہ، آل راؤنڈر افتخار احمد اور اسامہ میر کو آرام دیاگیا ہے۔بابر کا کہنا تھا کہ پہلے دس اوورز مشکل ہوں گے ، زیادہ سے زیادہ رنز بناکر افغان ٹیم پر دباؤ بڑھائیں گے۔دوسری جانب آل راؤنڈر عظمت اللہ عمرزئی سائیڈ اسٹرین کی وجہ سے میچ سے باہر ہوگئے، آل راؤنڈر گلبدین نائب کو آج ہونے والے میچ کے لیے افغان ٹیم میں شامل کر لیا گیا۔واضح رہے کہ یہ میچ جیت کر پاکستان ٹیم ون ڈے رینکنگ میں نمبر ون پوزیشن پر آجائےگی۔