Category: کھیل

انٹرنیشنل کرکٹ کونسل نے ٹی ٹوئنٹی ورلڈ کپ 2024 کی تاریخوں اعلان کر دیا ائی سی سی کے مطابق ائندہ سال ویسٹ انڈیز اور امریکہ میں شیڈول ٹی ٹوئنٹی ورلڈکپ 4 سے 30 جون تک ہوگا،،، میزبان ملکوں کے 10 وینیوز کو شارٹ لسٹ کرلیا ہے،،، امریکا میں فلوریڈا، ڈیلیس، نیویارک اور موریس ول میں ورلڈ کپ میچز ہوں گے،،، امریکہ کے نئے وینیوز پر ہونے والے لیگ اور کوالیفائرز میچز کے دوران ائی سی سی کے وفود گراؤنڈز اور انتظامات کے معیار کا معائنہ کیا تھا، امریکہ سمیت ویسٹ انڈیز کے وینیوز کا حتمی بھی اعلان جلد کر دیا جائے گا۔

پاکستانی نژاد بر طانوی باکسر عامر خان کا ماڈل سمیرا کے ساتھ اسکینڈل مبینہ طور پر ان کی اہلیہ فریال مخدوم سے علیحدگی کا باعث بن گیا ہے، کیونکہ ان کے ایک دوسرے سے الگ رہنے کے خبریں آرہی ہے،ایک غیر ملکی اخبار کے مطابق باکسر عامر نے ماڈل سمیرا سے قابل اعتراض تصاویر کا مطالبہ کیا تھا اور اس سے وعدہ کیا کہ وہ ان تصاویر کو دیکھ کر ڈیلیٹ کر دیں گے غیر ملکی اخبار نے بتایا ہے کہ اس وقت سے فریال اور عامر الگ رہ رہے ہیں اور فریال اپنی شادی ختم کرنے یا نہ کرنے پر وقت لے رہی ہیں۔ اس جوڑے کی شادی 2013 سے ہوئی ہے اور ان کے تین بچے ہیں، دو بیٹیاں، سات سالہ لامائسہ، اور پانچ سالہ علینہ اور ایک بیٹا محمد تین سال کا ہے۔ذرائع نے یہ بھی بتایا کہ فریال مشکل وقت سے گزر رہی ہیں اور اپنے بچوں کی فلاح و بہبود پر توجہ دے رہی ہیں۔
واضح رہے کہ باکسر عامر کی جانب سے اس بات کا اعتراف کیا گیا تھا کہ اس نے ماڈل سے غیر اخلاقی تصاویر کا مطالبہ کیا تھا جس پر وہ شرمندہ ہے اور اس نے خود کو دوسری خواتین کو ٹیکسٹ کرنے سے روکنے کے لئے تھراپی کے تحت جانے پر بھی آمادگی ظاہر کی تھی، لیکن انکی اہلیہ باکسر عامر خان کے ان حر کتوں سے دلبرداشتہ ہو گئی ہے،اسلئے وہ آنے والے وقت میں اس رشتے میں رہنے یا نہ رہنے کا فیصلہ کرے گی،

سیکرٹری بی سی سی آئی جے شاہ نے پاک بھارت میچ کی تاریخ بدلنے کی تصدیق کر دی پاک بھارت میچ احمد آباد میں ہی شیڈول، 15 اکتوبر کے بجائے کسی اور تاریخ کو ہو گا، جے شاہ کے مطابق احمد آباد میں 15 اکتوبر سے ہی ناورتری تہوار کی وجہ سے سیکورٹی ایجنسیز کے کہنے پر تاریخ بدلنا پڑی لہذا 3 ممبر ممالک نے میچز ری شیڈول کرنے کی درخواست دی، سیکرٹری بھارتی بورڈ کے مطابق کس کس ملک نے میچز ری شیڈول کرنے کی درخواست کی، جے شاہ نے یہ نہیں بتایا.آئی سی سی کرکٹ ورلڈ کپ کے شیڈول میں پاک بھارت میچ کے وینیو کی تبدیلی کا فیصلہ ایک سے دو روز میں ہونے کا امکان ہے۔ نئی دلی میں بھارتی کرکٹ بورڈ نے ورلڈکپ کے حوالے سے تمام ریاستی کرکٹ نمائندوں کی ہنگامی میٹنگ بلائی تھی۔بھارتی میڈیا رپورٹس میں کہا گیا ہے کہ پاکستان اور بھارت کے درمیان میچ 14 اکتوبر کو احمد آباد میں ہونے کا امکان ہے۔ تاہم اس تبدیلی کے حوالے سے جے شاہ کا کہنا تھا کہ دو سے تین ممبرز ممالک نے میچز کے درمیان وقفہ کم ہونے کی وجہ سے شیڈول میں تبدیلی کی درخواست کی ہے، اس کے ساتھ ساتھ جے شاہ نے کہا کہ ورلڈ کپ کے جاری شدہ شیڈول میں زیادہ تبدیلیاں نہیں کی جائیں گی۔

ناروے کی ایک خاتون اور ان کے نیپالی شیرپا گائیڈ 8 ہزار میٹر (26,246 فٹ) سے اوپر کی تمام چوٹیوں کو سر کرنے والی دنیا کی تیز ترین کوہ پیما بن گئیں۔ دونوں نے آج پاکستان میں کم ترین وقت میں K2 کو سر کیا، جو کہ صرف تین ماہ میں ان کا 14 واں بلند ترین پہاڑ ہے۔
نیپالی آرگنائزنگ کمپنی کے ایک اہلکار نے بتایا کہ نارویجن خاتون کرسٹن ہریلا، 37، اور نیپال کے 35 سالہ ٹینجین (لاما) شیرپا نے K2 کا پیمانہ طے کیا، جو آٹھ دیگر گائیڈز کے ساتھ 8,611 میٹر (28,251 فٹ) پر دنیا کا دوسرا سب سے اونچا ہے تاشی نے کہا کہ چند مہینوں میں تمام 14 بلند ترین چوٹیوں پر چڑھنا ایک مشکل کارنامہ ہے، جو عام طور پر کئی کوہ پیما سالوں میں کرتے ہیں۔
انہوں نے نیپال سے تعلق رکھنے والے نرمل پورجا کو ہرا کر تیز ترین کوہ پیمائی کا ریکارڈ قائم کیا جس نے 2019 میں تمام چوٹیاں چھ ماہ اور ایک ہفتے میں مکمل کیں۔ ان کے تازہ کارنامے کی تصدیق پہاڑ پر موجود دیگر کوہ پیماؤں نے بھی کی لیکن اس کی تصدیق گنیز بک آف ورلڈ ریکارڈسے ہونا باقی ہے۔

کولمبو ٹیسٹ کے تیسرے روز کھیل میں بھی کامیابیوں کے جھنڈے گاڑ دیئے میچ کے اختتام پر پاکستان نے 5 وکٹوں کے نقصان پر 563 رنز بنالیے۔کولمبو ٹیسٹ کے تیسرے روز عبداللہ شفیق کی شاندار ڈبل سنچری کی بدولت پاکستان نے سری لنکا کے خلاف 5 وکٹ کے نقصان پر 563 رنز بنالیے اور 397 رنز کی برتری حاصل کرلی ہے۔عبداللہ شفیق نے 201 رنز کی اننگز کھیلی، وہ جاوید میانداد اور حنیف محمد کے بعد ڈبل سنچری کرنے والے کم عمر کھلاڑی بن گئے۔
آغا سلمان نے بھی ٹیسٹ کیریئر کی دوسری سنچری اسکور کرتے ہوئے 132 رنز بنالیے ہیں۔پہلی اننگز میں ڈبل سنچری اسکور کرنے والے سعود شکیل نے بھی نصف سنچری بنا کر 146 سالہ ریکارڈ توڑ دیا، سعود ابتدائی 7 ٹیسٹ میں ففٹی پلس اسکور کرنے والے پہلے کھلاڑی بن گئے ہیں۔آغا سلمان 132 اور محمد رضوان 37 رنز کے ساتھ وکٹ پر موجود ہیں۔سری لنکا کی جانب سے اسیتھا فرنینڈو نے تین وکٹیں حاصل کیں جبکہ پراباتھ جے سوریا دو وکٹیں حاصل کرسکے۔
واضح رہے کہ اس سے قبل سری لنکا کی ٹیم پہلی اننگز میں 166 رنز بنا کر آؤٹ ہوئی تھی، دھننجیا ڈی سلوا 57 اور دنیش چندی مل 34 رنز بنا کر نمایاں رہے۔پاکستان کی جانب سے ابرار احمد نے چار کھلاڑیوں کو پویلین کی راہ دکھائی جبکہ فاسٹ بولر نسیم شاہ نے تین وکٹیں حاصل کیں۔
یاد رہے کہ دو ٹیسٹ میچز کی سیریز میں پاکستان کو 1-0 کی برتری حاصل ہے۔