مراکشی ویمن فٹبالر نوہیلا بینزینا فیفا ورلڈکپ میں اسلامی اسکارف کے ساتھ کھیلنے والی پہلی خاتون پلیئر بن گئیں ۔پچیس سالہ نوہیلا بینزینا مراکشی فٹبال ٹیم کی نمائندگی کرتی ہیں ، نیوزی لینڈ اور آسٹریلیا میں جاری ویمن فٹبال ورلڈکپ کے مین راؤنڈ کے لیے کوالیفائی کرنے والی مراکشی ٹیم اس وقت مرکز نگاہ بنی جب ان کی پلیئر اسلامی اسکارف کے ساتھ اِن ایکشن ہوئیں ، عالمی سطح پر سخت مخالفت اور رکاوٹ کے باوجود نوہیلابینزینا نے اسلامی روایات کو برقرار رکھتے ہوئے انٹرنیشنل فٹبال کھیل کر تاریخ رقم کر دی ہے ،،، ٹیم مراکش کو اپنے پہلے گروپ میچ میں جرمنی سے چھ صفر کی شکست ہوئی،
Category: کھیل
-
سعودی فٹ بال کلب کی کیلین ایمباپے کو پر کشش معاہدے کی پیشکش
سعودی کلب الہلال کا اسٹار فٹبالر کیلین ایمباپے سے ریکارڈ مہنگا معاہدے کا انکشاف ہوا ہے الہلال کلب نے ریکارڈ 259 ملین پاؤنڈ کا مہنگا ترین معاہدہ کرنے کی پیشکش کر دی فرنچ فٹبالر اس وقت فرانسیسی کلب پیرس سینٹ جرمین کی نمائندگی کر رہے ہی مایہ ناز کھلاڑی کیلین ایمباپے کو ریال میڈرڈ اور سعودی کلب الہلال نے بھی پیشکش کی ،کیلین ایمباپے سے پہلے پی ایس جی میں ان کے ساتھ کھیلنے والے لیونل میسی امریکی کلب جوائن کر چکے ہیں.ذرائع نے بتایا کہ ہسپانوی کلب ریال میڈرڈ کے بارے میں خیال ظاہر کیا جا رہا ہے وہ دنیا کے بہترین کھلاڑیوں میں سے ایک ایمباپے کی حصول کے لیے کوشش کر رہا ہے اور اسی طرح سعودی کلب بھی دیگر کلبوں کی اس فہرست میں شامل ہوگیا ہے۔
انہوں نے بتایا کہ الہلال نے ایک خط کے ذریعے باقاعدہ پیش کش کر دی ہے لیکن اس طرح کی منتقلی صرف ایمباپے کے ساتھ معاہدے کی صورت میں ہوسکتی ہے تاہم اب تک انہوں نے سعودی لیگ کے کلب جانے کی خواہش کا اظہار نہیں کیا۔ -
سابق کپتان مصباح الحق کو پی سی بی میں اہم عہدہ مل گیا
سابق کپتان مصباح الحق کو پی سی بی مینجمنٹ کمیٹی کے سربراہ ذکا اشرف کے مشیر کا عہدہ مل گیا ہے ۔ نجی ٹی وی سے گفتگو کرتے ہوئے مصباح الحق کا کہنا تھا کہ ذکا اشرف سے پی سی بی ہیڈ کوارٹر میں ملاقات ہوئی ہے جس میں انہوں نے مجھے بورڈ میں پرکشش تنخواہ پر کام کرنے کی آفر کی مگر میں نے پہلے سے طے شدہ مصروفیات کی وجہ سے فل ٹائم کام سے معذرت کرلی ہے، ذکا اشرف نے بطور مشیر کرکٹ کی بہتری کے لیے کام کرنے کو کہا جو میں نے قبول کرلیا ہے۔ انہوں نے کہاکہ وہ یہ ذمہ داریاں بلا معاوضہ انجام دیں گے اور اپنے تجربے کی روشنی میں پی سی بی کے ڈومیسٹک اور دوسرے کرکٹ معاملات ٹھیک کرنے کے لیے تجاویز دیں گے۔
-
ایمرجنگ ایشاء کپ کا ٹائٹل جیتنے پر شاہد آفریدی کا رد عمل
بوم بوم آفریدی نے پاکستان شاہینز کے ہاتھوں ایمرجنگ ایشیا کپ فائنل میں بھارت کی شکست پر زبردست ردعمل دیا ہے ۔ سماجی رابطوں کی سائیٹ ٹویٹر پر پاکستان کرکٹ بورڈ کی جانب سے جاری فاتح ٹیم کی تصویر کو ری ٹویٹ کرتے ہوئے شاہد آفریدی عرف ’’لالہ ‘‘نے لکھا کہ ’’کام ایسے کیا جاتا ہے‘‘ ساتھ ہی انہوں نے ایمرجنگ ایشیا کپ کا ٹائٹل جیتنے پر ٹیم کی تعریف کی، شاہد آفریدی کے مطابق ایمرجنگ ایشیا کپ کا ٹائٹل جیت کر مزہ آ گیا،پورے میچ میں کھلاڑیوں کے اندر زبردست جذبہ دیکھا،طیب طاہر کی سنچری کسی ٹریٹ سے کم نہ تھی ،صائم ایوب اور صاحبزادہ فرحان کا شاندار آغاز نے پاکستان کی جیت میں کلیدی کردار ادا کیا ، نامور کرکٹر نے امید ظاہر کی کہ نوجوان آئندہ بھی اسی طرح کھیل پیش کرتے ہوئے جیت اپنے نام کریں گے ۔
-
سابق فاسٹ بولر سرفراز نواز کی نوجوان کرکٹرز کو ٹپس دینے کی پیشکش
لیجنڈری سرفراز نواز کی نوجوان فاسٹ بولرزکو ٹِپس دینے کی پیشکش کے لئے چئیر مین پی سی بی زکاء اشرف کو خط لکھ دیا، رواں ہفتے لندن سے لاہور آنے کا پلان بھی بتا دیا، بغیر کسی معاوضے کے ٹِپس دینے کے لیے تیار ہے،سرفراز نواز نے پی ایس ایل اور انٹرنیشنل کرکٹ میں کھیلنے والے نوجوان فاسٹ بولرز کی رہنمائی کرنے کی پیشکش کر دی ہے،
لیجنڈری سرفراز نواز نوجوان فاسٹ بولرز کی ویڈیو دیکھ کر انہیں قیمتی مشورے دیں گے سرفراز نواز کرکٹ میں ریورس سوئنگ کے موجد ہیں، پاکستان کے لیے خدمات دے چکے ہیں سرفراز نواز نے 55 ٹیسٹ اور 45 ون ڈے میچز میں پاکستان کی نمائندگی کی -
کولمبو ٹیسٹ میں پہلے دن ہی پاکستان کی کامیابی
کولمبو میں کھیلے جانے والے سیریز کے دوسرے ٹیسٹ کے پہلے روز پاکستان نے سری لنکا کو جلد آؤٹ کرنے کے بعد دو وکٹوں پر 145 رنز بنا لیے جبکہ سری لنکا نے ٹاس جیت کر پہلے کھیلنے کا فیصلہ کیا تھا جو غلط ثابت ہوا، ابتداء میں ہی میزبان ٹیم کو نقصان اٹھانا پڑ گیا جب 9 سکور پر نشان مدھوشکا 4 رنز بنا کر شان مسعود کی گیند پر رن آؤٹ ہو گئے، 23 سکور پر کوشال مینڈس 6 رنز بنا کر شاہین شاہ کے ہاتھوں وکٹ گنوا بیٹھے، اینجلو میتھیوز بھی بڑی اننگز کھیلنے میں ناکام رہے اور 9 سکور بنا کر نسیم شاہ کی شاندار گیند پر آؤٹ ہوئے۔
کپتان کرونا رتنے 17 رنز بنا کر نسیم شاہ کی شاندار گیند پر بولڈ ہو گئے، اس دوران چندیمل اور ڈی سلوا نے کچھ مزاحمت دکھائی اور سکور کو آگے بڑھایا، 121 سکور پر چندیمل 34 رنز بنا ہمت ہار بیٹھے اور نسیم شاہ کو وکٹ دے بیٹھے۔ اس کے بعد کوئی بھی کھلاڑی قابل ذکر کارکردگی نہ دکھا سکا، ڈی سلوا 57 رنز بنا کر سرفہرست رہے، سماراوکراما 0، مینڈس 27، جے سوریا 1، فرنینڈو 8 بنا کر چلتے بنے، میزبان ٹیم 166 رنز پر ڈھیر ہو گئی، ابرار احمد نے چار شکار کیے جبکہ نسیم شاہ نے تین وکٹیں لیں۔
قومی ٹیم کی طرف سے اننگز کا آغاز امام الحق اور عبد اللہ شفیق نے کیا، گرین شرٹس کو بھی شروع میں ہی نقصان اٹھانا پڑا جب امام الحق 6 گیندوں پر 6 رنز بنا کر فرنینڈو کی گیند پر کریز چھوڑ گئے۔ اس دوران عبد اللہ شفیق اور شان مسعود نے جارحانہ انداز اپنایا اور وکٹ کے چاروں اطراف باؤلرز کی خوب درگت بنائی، دونوں کے درمیان 100 سے زائد کی پارٹنر شپ بنی جس کا خاتمہ ایک مرتبہ پھر فرنینڈو نے شان مسعود کی وکٹ لیکر کیا۔ قومی بیٹر نے 47 گیندوں پر 51 رنز کی باری کھیلی، اس اننگز میں چار چوکے اور ایک چھکا شامل تھا۔
مزید یہ بھی پڑھیں؛
ڈالر کے مقابلے میں روپے کی قدر میں 0.39 فیصد تنزلی ریکارڈ
اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
عمران خان کی بہنوں سمیت تحریک انصاف کے رہنما اشتہاری قرار
پہلے روز کھیل ختم ہونے کے دوران قومی ٹیم نے دو وکٹوں کے نقصان پر 145 رنز بنا لیے ہیں، عبد اللہ شفیق 74 اور بابر اعظم 8 رنز کیساتھ کریز پر موجود ہیں۔ سری لنکا کی جانب سے فرنینڈو نے دو شکار کیے۔ -
دوسرا ٹیسٹ،سری لنکا کی ٹیم 166 رنز پر ڈھیر
پاکستان اور سری لنکا کے درمیان کولمبو میں کھیلے جانے والے سیریز کے دوسرے ٹیسٹ میں مہمان ٹیم نے شاندار باؤلنگ کرتے ہوئے سری لنکا کی پوری ٹیم کو 166 رنز پر آؤٹ کر دیاسری لنکن اوپنر نشان مدوشکا 4 رنز بنا کر رن آؤٹ ہوئے، ان کے بعد کوشل مینڈس 6 رنز بنا کر پویلین لوٹے، ان کے علاوہ انجیلو میتھیوز 9 رنز بنا کر آؤٹ ہوئے، ان کے بعد کپتان دیموتھ کرونارتنے 17 رنز بنا سکے، اس موقع سری لنکا کے مجموعی طور پر 4 وکٹوں کے نقصان پر 36 رنز بنائے تھے.چندیمل اور ڈی سلوا نے پانچویں وکٹ کے لیے 85 رنز کی شراکت قائم کرکے سری لنکا کا مجموعی اسکور 121 رنز پر پہنچا دیا، تاہم نسیم شاہ نے دنیش چندیمل کو امام الحق کے ہاتھوں کیچ آؤٹ کروا دیا اور پاکستان کے لیے خطرناک نظر آنے والی شراکت داری کو توڑ دیا۔
سری لنکا کو چھٹا نقصان سدیرا سمارا وکرما کی صورت میں اٹھانا پڑا جو ابرار احمد کا شکار بنے، اس کے بعد دھننجیا ڈی سلوا بھی 57 رنز بنا کر ابرار احمد کی باؤلنگ پر سعود شکیل کو کیچ دے بیٹھے۔سری لنکا کی آٹھویں وکٹ 136 رنز پر گری جب شان مسعود نے پربت جے سوریا کر رن آؤٹ کر دیا، اس کے بعد اسیتھا فرنینڈو کو بھی ابرار احمد نے بولڈ کر دیا۔مہمان ٹیم کی آخری وکٹ 166 رنز کے مجموعی اسکور پر گری جب رمیش مینڈس 27 رنز بنا کر آؤٹ ہوئے۔ -
سربراہ پاک فضائیہ کی حمزہ خان کو عالمی جونیئر اسکواش چیمپئن شپ جیتنے پر مبارکباد
سربراہ پاک فضائیہ ایئر چیف مارشل ظہیر احمد بابر سدھو نے حمزہ خان کو آسٹریلیا کے شہر میلبورن میں منعقدہ ورلڈ جونیئر اسکواش چیمپئن شپ، 2023 جیتنے پر مبارکباد دی۔اسکواش کے نوجوان کھلاڑی حمزہ خان نے میلبورن میں کھیلے گئے فائنل میچ میں مصر کے محمد زکریا کو 3-1 کے اسکور سے شکست دے کر ٹائٹل اپنے نام کیا۔
ائیر چیف نے 37 برس بعد ٹائٹل پاکستان واپس لانے پر نوجوان چیمپئن کو مبارکباد دی، ان کا مزید کہنا تھا کہ اس فتح نے 1986ء میں جان شیر خان کی ورلڈ اسکواش چیمپئن شپ میں فتح کی یاد تازہ کر دی۔
ایئر چیف مارشل ظہیر احمد نے اس جیت کو اسکواش کے کھیل میں پاکستان کی ایک شاندار واپسی قرار دیا اور کہا کہ پوری قوم کو اس باصلاحیت کھلاڑی کی شاندار کارکردگی پر فخر ہے جس نے اسکواش کے کھیل میں سبز ہلالی پرچم سربلند کیا۔
سربراہ پاک فضائیہ، ائیر چیف مارشل ظہیر احمد بابر سدھو نے بطور صدر پاکستان اسکواش فیڈریشن یہ کہا کہ پاک فضائیہ نے ہمیشہ ملک میں اسکواش کے فروغ کے لیے بھرپور کردار ادا کیا ہے۔انہوں نے اس عزم کا بھی اعادہ کیا کہ پاک فضائیہ، پی ایس ایف کے شانہ بشانہ قوم کے لیئے ایسی مزید فتوحات کا سلسلہ جاری رکھتے ہوئے اس مقصد کے لیئے بہترین صلاحیتوں کے حامل نوجوان کھلاڑیوں کی معاونت جاری رکھے گی۔
ائیر چیف نے کہا کہ پاکستان اسکواش فیڈریشن کے سینئر نائب صدر ائیر وائس مارشل کاظم حماد اور کنٹیجینٹ مینیجر ائیر کموڈور (ریٹائرڈ) آفتاب صادق قریشی کی جانب سے کی گئی بھرپور کاوشوں اور کھلاڑیوں کو معیاری تربیت کی فراہمی کے ساتھ ساتھ اسکواش کے کھیل میں باصلاحیت نوجوانوں کی معاونت کے انکے غیر متزلزل عزم کو سراہا۔ائیر چیف نے نوجوان کھلاڑیوں کو بین الاقوامی معیار کی تربیت اور کوچنگ کی سہولیات فراہم کرنے پر کوچنگ سٹاف کی محنت کی تعریف کی۔
انہوں نے اسکواش کے کھیل میں پاکستان کی کھوئی ہوئی ساکھ بحال کرنے کے لیے پی ایس ایف انتظامیہ کی جانب سے کی گئی بھرپور کوششوں کی بھی تعریف کی۔ -
پاکستان شاہینز نے ثابت کردیا کہ یہ دنیا کی کسی بھی ٹیم سے مقابلہ کر سکتی ہے،زکاء اشرف
پاکستان کرکٹ بورڈ (پی سی بی) مینجمنٹ کمیٹی کے چیئرمین ذکا اشرف نے پاکستان شاہینز کو ایمرجنگ ایشیا کپ 2023 جیتنے پر مبارکباد دی ہے۔ذکا اشرف نے کہا کہ پاکستان شاہینز نے فائنل میں بھارت اے کو کھیل کے ہر شعبے میں آؤٹ کلاس کردیا، تمام کھلاڑیوں نے اپنی صلاحیتوں کا بھرپور مظاہرہ کیا، نوجوان کھلاڑی پاکستان کرکٹ کا مستقبل ہیں۔
چیئرمین مینجمنٹ بورڈ نےکہا کہ پاکستان شاہینز نے ثابت کردیا کہ یہ دنیا کی کسی بھی ٹیم سے مقابلہ کرسکتی ہے، امید ہے یہ جیت مستقبل کے لیے ٹیم کو مزید حوصلہ فراہم کرے گی۔انہوں نے کہا کہ پاکستان شاہینز کا مقصد نوجوان کھلاڑیوں کو مستقبل کے لیے تیار کرنا ہے، نوجوان کرکٹرز کو آگے بڑھنے کے مسلسل مواقع فراہم کرتے رہیں گے، ایمرجنگ ایشیا کپ کی جیت سے ایشیا کپ، ورلڈ کپ میں کھلاڑیوں کو حوصلہ ملے گا۔ذکا اشرف کا کہنا تھا کہ ایشیا کپ بھی سری لنکا میں ہے ہم سب کی نیک تمنائیں ٹیم کے ساتھ ہیں، خوشی ہے سری لنکا میں پاکستانی ٹیم نے پاکستان شاہینز کے ساتھ وقت گزارا، تجربات شیئر کیے، اس وقت پاکستانی ٹیم میں زبردست ہم آہنگی ہے ٹیم ایک ہوکر میدان میں اترتی ہے۔
واضح رہے کہ اتوار کو پاکستان شاہینز نے بھارت اے کو بڑے مارجن سے شکست دے کر ایمرجنگ ایشیا کپ کا کامیابی سے دفاع کیا اور بھارت کو 128 رنز کے بڑے مارجن سے عبرتناک شکست دی۔ -
دوسرا ٹیسٹ، سری لنکا کا پاکستان کیخلاف ٹاس جیت کر بیٹنگ کا آغاز
سری لنکا نے دوسرے اور آخری ٹیسٹ میچ میں ٹاس جیت کر پاکستان کیخلاف بیٹنگ کا فیصلہ کر لیا۔ قومی ٹیم کے کپتان بابر اعظم نے کہا کہ ٹیم میں کسی قسم کی کوئی تبدیلی نہیں کی گئی اور وہ ہی کھلاڑی کھیلیں گے جو پہلے ٹیسٹ میچ میں کھیلے تھے۔ سیریز کا فائنل میچ کولمبو میں کھیلا جارہا ہے جس کا ٹاس بارش کے سبب تاخیر سے ہوا،سری لنکن کپتان دیموتھ کرونارتنے کے مطابق ان کی ٹیم میں دو تبدیلیاں کی گئی ہیں۔واضح رہے کہ پاکستان کرکٹ ٹیم نے گال میں کھیلے گئے پہلے ٹیسٹ میچ میں سری لنکا کو چار وکٹوں سے شکست دی تھی۔