ایک سال قبل اسی سری لنکا کے گال ٹیسٹ میں شاہین گھٹنے کی تکلیف میں مبتلا ہوگئے تھے لیکن ایک سال بعد ریڈ بال کے ساتھ ان کی واپسی خاصی متاثر کن رہی، ان کی گیندوں میں وہی رفتار، لینتھ اور سوئنگ نظر آئی جس کے لیے وہ شہرت رکھتے ہیں۔
شاہین شاہ آفریدی نے ہمبنٹوٹا میں پی سی بی ڈیجیٹل سے بات کرتے ہوئے کہا ہے میں ٹیسٹ کرکٹ میں واپسی پر بہت خوش ہوں کیونکہ میری واپسی اسی ملک میں ہورہی ہے جہاں میں انجرڈ ہوا تھا۔
شاہین آفریدی نے کہا ہے کہ انجریزکسی بھی کھلاڑی کی زندگی کا حصہ ہیں لیکن واپسی پر خوشی ہے، میں ہمیشہ ریڈبال کرکٹ سے لطف اندوز ہوا ہوں اور اب میں ٹیسٹ کرکٹ میں اپنی 100وکٹوں سے صرف ایک وکٹ کی دوری پر ہوں جو یقیناً میرے لیے بہت اہم بات ہے۔
انہوں نے کہا ہے کہ وائٹ بال کھیلنے کے بعد ریڈبال سے ہم آہنگ ہونے میں وقت لگا تاہم کراچی میں کیمپ سے مجھے بہت فائدہ ہوا، ٹیسٹ کرکٹ صبروتحمل کا تقاضہ کرتی ہے جس میں آپ کو اپنے ساتھی باؤلرز کے ساتھ پارٹنرشپس پر کام کرنا ہوتا ہے۔
ان کا کہنا تھا کہ گزشتہ سال میں وائٹ بال کرکٹ زیادہ کھیلا لیکن جب میں کاؤنٹی کرکٹ کھیل رہا تھا تو میں نے میچز کے بعد ریڈ بال سے بھی کئی اوورز کیے تاکہ خود کو اپنے ورک لوڈ کے قریب کرسکوں۔
Category: کھیل
-
پاکستان کرکٹ ٹیم کے فاسٹ باؤلر شاہین آفریدی 100 ویں ٹیسٹ وکٹ سے ایک قدم دور
-
زکاء اشرف کی آئی سی سی سالانہ اجلاس کی ملاقاتیں جاری
پی سی بی میجمنٹ کمیٹی کے چئیرمین زکاء اشرف کی آئی سی سی سالانہ اجلاس کی سائیڈ لائنز پر ملاقاتیں جاری ہے زکاء اشرف کی کرکٹ آسٹریلیا کے چئیرمین مائیک بئیرڈ سے ملاقات ہوئی ہے جس میں بعنوں ممالک کے مابین کرکٹ کے فروغ پر تبادلہ خیال کیا گیا ، کرکٹ آسٹریلیا کے چئیرمین نے زکاء اشرف کو پی سی بی کا سربراہ بننے پر مبارکباد دی،
-
اسپورٹس بورڈ کا انکار؛ پی ایف ایف ویمن ٹیم کی این او سی کیلئے کوششیں جاری
پاکستان اسپورٹس بورڈ کے انکار کے باوجود پاکستان فٹبال فیڈریشن (پی ایف ایف) قومی ویمن فٹبال ٹیم کی این او سی کے لیے کوششیں جاری ہیں جبکہ صحافی فیضان لاکھانی کے مطابق پاکستان ویمن فٹبال ٹیم کو 15 اور 18 جولائی کو سنگاپور میں میزبان ٹیم کیخلاف میچز کھیلنے ہیں تاہم پی ایس بی کم وقت کی بنیاد پر این او سی سے معذرت کرچکا ہے لیکن اس کے باوجود بھی پی ایف ایف، این او سی کے حصول کیلئے کوششیں کر رہا ہے۔
ذرائع کے مطابق پاکستان ویمن فٹبال ٹیم کی این او سی کےلیے ایک حکومتی عہدیدار بھی کوششیں کررہے ہیں۔ تاہم ذرائع نے مزید بتایا کہ پاکستان اسپورٹس بورڈ نے شروع میں این او سی سے معذرت کے باوجود بھی سمری متعلقہ وزارت کو بھجوادی ہیں، پی ایف ایف کے مطابق پاکستان فٹبال فیڈریشن نے این او سی کی امیدیں نہیں چھوڑیں ہیں ، تاخیر سے این او سی ملنے پر صرف ایک میچ کھیلنے کا آپشن بھی زیر غور ہے۔
ادھر دوسری جانب نجی ٹی وی کے مطابق پاکستان کرکٹ ٹیم کے فاسٹ بولر حسن علی کا کہنا ہے کہ سری لنکا کرکٹ پریذیڈنٹس الیون کیخلاف دو روزہ وارم اپ میچ میں ٹیم کو ٹیسٹ سیریز کی تیاری کا اچھا موقع ملا۔ ایک انٹرویو میں انہوں نے کہا کہ کاؤنٹی کرکٹ میں کافی اعتماد ملا، وہ دو ٹیسٹ میچز کی سیریز میں اچھا پرفارم کرکے اپنی کھوئی ہوئی فارم واپس لانے کی کوشش کریں گے۔
مزید یہ بھی پڑھیں؛
سیاسی جماعت پر پابندی،ایاز صادق نے اعلان کر دیا
یوکرینی وزیر خارجہ رواں ماہ پاکستان کا دورہ کریں گے
کوئی بتا دے ریاست پر حملہ کرنا جرم ہے یا نہیں؟ جاوید لطیف
جنسی ہراسانی کے الزامات کے بعد رکن پارلیمنٹ کی ایک اور ویڈیو سامنے آ گئی
پاکستان اور سری لنکن بورڈ الیون کا دو روزہ میچ ڈرا
حسن علی نے کہا کہ وارم اپ میچ میں اپنی کارکردگی سے مطمئن ہوں، سری لنکا کیخلاف ٹیسٹ سیریز میں اچھا پرفارم کرنے کی کوشش کروں گا، اپنی کھوئی ہوئی فارم کو بحال کرنے کی کوشش کروں گا، پی ایس ایل کے بعد کاؤنٹی کھیلنے گیا، وہاں پرفارمنس اچھی رہی۔ -
آئی سی سی ٹیسٹ پلیئرز رینکنگ؛ بابر اعظم کی 3 درجے ترقی
انٹرنیشنل کرکٹ کونسل (آئی سی سی) نے ٹیسٹ پلیئرز کی نئی رینکنگ جاری کردی ہے جس میں بتایا گیا ہے کہ ٹیسٹ کرکٹ کے بلے بازوں میں نیوزی لینڈ کے کین ولیمسن کی پہلی پوزیشن برقرار رہی ہے جب کہ آسٹریلیا کے ٹریوس ہیڈ دو درجے ترقی کے بعد دوسرے نمبر چلے گئے ہیں، علاوہ ازیں پاکستان کرکٹر بابر اعظم نے ترقی پاکر تیسری پوزیشن حاصل کرلی ہے جبکہ ایک لمبے عرصے تک پہلی پوزیشن پر رہنے والے آسٹریلیا کے بلے باز اسٹیو اسمتھ دو درجے تنزلی کے بعد چوتھے نمبر پر چلے گئے ہیں۔
ٹیسٹ کے بہترین بلے بازوں کی فہرست میں پانچویں نمبر پر آسٹریلیا کے مارنس لیبوشگن، انگلینڈ کے جوئے روٹ چھٹے، آسٹریلیا کے عثمان خواجہ ساتویں، نیوزی لینڈ کے ڈیرل مچل آٹھویں، سری لنکا کے دیموتھ کرونارتنے نویں اور بھارت کے رشبھ پنت دسویں نمبر پر ہیں۔ جبکہ دوسری جانب ٹیسٹ کرکٹ کے بولرز میں بھارت کے ایشون پہلے نمبر پر براجمان ہیں، آسٹریلیا کے پیٹ کمنز دوسرے، جنوبی افریقا کے کاگیسو ربادا تیسرے، انگلینڈ کے مایہ ناز بولر جیمز انڈرسن چوتھے، اور پاکستان کے شاہین آفریدی ایک درجے ترقی کے بعد پانچویں نمبر پر آگئے ہیں۔
مزید یہ بھی پڑھیں؛
سیاسی جماعت پر پابندی،ایاز صادق نے اعلان کر دیا
یوکرینی وزیر خارجہ رواں ماہ پاکستان کا دورہ کریں گے
کوئی بتا دے ریاست پر حملہ کرنا جرم ہے یا نہیں؟ جاوید لطیف
جنسی ہراسانی کے الزامات کے بعد رکن پارلیمنٹ کی ایک اور ویڈیو سامنے آ گئی
پاکستان اور سری لنکن بورڈ الیون کا دو روزہ میچ ڈرا
ٹیسٹ کرکٹ کی نئی رینکنگ کے مطابق بولرز میں چھٹے نمبر پر انگلینڈ کے اسٹورٹ براڈ موجود ہیں، جب کہ ساتویں نمبر پر انہی کے ہم وطن اولی رابنسن، آٹھویں نمبر پر آسٹریلیا کے نیتھن لیون، نویں اور دسویں نمبر پر بھارت کے جسپریت بھمرا اور رویندر جڈیجہ براجمان ہیں۔ -
پاکستان اور سری لنکن بورڈ الیون کا دو روزہ میچ ڈرا
پاکستان اور سری لنکن کرکٹ بورڈ الیون کے درمیان ہمبنٹوٹا کے مہندرا راجا پاکسے اسٹیڈیم میں کھیلا گیا دو روزہ پریکٹس میچ ڈرا ہوگیا۔
جب کھیل ختم ہوا تو میزبان ٹیم نے اپنی دوسری اننگز میں 88 رنز بنائے تھے اور اس کے 4 کھلاڑی آؤٹ ہوئے تھے۔ پہلی اننگز میں سنچری بنانے والے اوشادا فرنینڈو 6 رنز بناسکے۔نووانیدو فرنینڈو31 رنز بناکر ناٹ آؤٹ رہے۔گرنے والی ان چار میں سے دو وکٹیں سلمان علی آغا نے حاصل کیں۔ شاہین شاہ آفریدی اور نسیم شاہ نے ایک ایک کھلاڑی کو آؤٹ کیا۔
اس سے قبل پاکستانی ٹیم نے اپنی پہلی اننگز میں 342رنز اسکور کیے جس کی خاص بات شان مسعود کے 83 بابراعظم کے 79اور سعود شکیل کے61 رنز تھے۔میچ کے دوسرے دن پاکستانی ٹیم نے 160رنز تین کھلاڑی آؤٹ پر اپنی پہلی اننگز شروع کی۔بابراعظم نے جو14 رنز پر ناٹ آؤٹ تھےایک بار پھر اپنی ورلڈ کلاس کے مطابق بیٹنگ کی اور وہ 113 گیندوں پر 79 رنز بناکر ریٹائرڈ آؤٹ ہوئے۔ان کی اننگز میں ایک چھکا اور سات چوکے شامل تھے۔سعود شکیل نے بھی عمدہ بیٹنگ کرتے ہوئے 86گیندوں پر چھ چوکوں کی مدد سے 61 رنز اسکور کیے۔ وہ بھی ریٹائرڈ آؤٹ ہوئے۔بعد میں آنے والے بیٹسمینوں میں سرفراز احمد 17 رنز بناکر ناٹ آؤٹ رہے۔ سلمان علی آغا۔ محمد رضوان اور محمد حریرہ بارہ بارہ رنز بناکر آؤٹ ہوئے۔میزبان ٹیم کی طرف سے لکشیاتھا مانا سنگھے نے82 رنز دے کر 4 وکٹیں حاصل کیں۔
اس سے قبل سری لنکن کرکٹ بورڈ الیون پہلی اننگز میں196 رنز بناکر آؤٹ ہوگئی تھی جس میں اوشادا فرنینڈو کی سنچری قابل ذکر تھی۔پاکستان کی طرف سے شاہین شاہ آفریدی اور حسن علی نے تین تین وکٹیں حاصل کی تھیں۔اب پاکستانی کرکٹ ٹیم اتوار سے گال میں سری لنکا کے خلاف پہلے ٹیسٹ میچ میں مدمقابل ہوگی۔
مختصر اسکور۔
سری لنکن کرکٹ بورڈ الیون 196 رنز ( 46 اعشاریہ 3 اوورز ) اوشادا فرنینڈو113۔حسن علی 22/ 3 وکٹ ۔ شاہین شاہ آفریدی 3/37 وکٹ۔
پاکستان پہلی اننگز۔ 342 رنز( 78 اعشاریہ 3 اوورز ) ۔ شان مسعود 83۔ بابراعظم 79۔ سعود شکیل 61۔ماناسنگھے 82 / 4 وکٹ۔)
سری لنکن کرکٹ بورڈ دوسری اننگز88 رنز4 کھلاڑی آؤٹ ( 30 اوورز) ۔
نووانیدو فرنینڈو 31 رنز ناٹ آؤٹ۔ سلمان علی آغا 18/2 وکٹ
-
ایشیا کپ:چیئرمین آئی پی ایل ارون دھومال نے بھارتی ٹیم اور جے شاہ کے پاکستان آنے سے انکار کردیا
ایشیا کپ کے شیڈول کو حتمی شکل دے دی گئی جب کہ شیڈول کا باضابطہ اعلان جلد کردیا جائے گا-
باغی ٹی وی :آئی سی سی میٹنگز کے لیے جنوبی افریقا کے شہر ڈربن میں پاکستان کرکٹ بورڈ کی مینجمنٹ کمیٹی کے سربراہ ذکا اشرف اور بورڈ آف کنٹرول فار ان انڈیا (بی سی سی آئی) کے سیکرٹری جے شاہ کے درمیان آئی سی سی کے سالانہ اجلاس کے سائیڈ لائنز پر ملاقات ہوئی بھارتی بورڈ کے خزانچی اور آئی پی ایل کے سربراہ ارون دھومال بھی ڈربن میں موجوف ہیں-
اس موقع پر ارون دھومال نے میڈیا سے گفتگو میں کہا کہ بھارتی ٹیم ایشیا کپ کے لیے پاکستان نہیں جائے گی، جب کہ ذکا اشرف اور جے شاہ کی ملاقات میں صرف ایشیا کپ کے شیڈول کو فائنل کیا گیا ہے لیگ کے مرحلے کے چار میچز ہی پاکستان میں کھیلے جائیں گے،پاک بھارت میچ سمیت باقی 9 میچز سری لنکا میں ہی ہوں گے، پاک بھارت ٹیمیں اگر فائنل میں پہنچتی ہیں تو یہ بھی سری لنکا میں ہو گا سری لنکا میں میچز دمبولا میں ہونے کا امکان ہے، پاک بھارت میچ بھی دمبولا میں کھیلا جائے گا تاہم پاکستان میں میچز لاہور میں کھیلے جانے کا امکان ہے۔
ڈیرہ غازی خان ڈویژن میں سیلاب کے خدشہ کے پیش نظر محکموں کو ہائی الرٹ …
ارون دھومال نے جے شاہ کے پاکستان آنے کی دعوت قبول کرنے کی خبروں کی تردید کردی اور کہا کہ ذکا اشرف اور جے شاہ کی ملاقات میں صرف ایشیا کپ کے شیڈول پر بات ہوئی ہے، بھارتی ٹیم یا بھارتی بورڈ سیکرٹری کے پاکستان جانے کے معاملے پر بات نہیں ہوئی، پاکستان ایشیا کپ میں صرف نیپال کے خلاف میچ ہوم گراؤنڈ پر کھیلے گا،جبکہ باقی تین میچز بنگلا دیش سری لنکا اور افغانستان کے درمیان ہوں گے۔
اس سے قبل خبریں سامنے آئی تھیں کہ پی سی بی مینجمنٹ کمیٹی کے سربراہ ذکا اشرف اور بھارتی کرکٹ بورڈ کے سیکریٹری جے شاہ کی ڈربن میں ملاقات ہوئی ہے جس میں دونوں نے مل بیٹھ کر معاملات حل کرنے پر اتفاق کرلیا۔ دونوں سربراہان نے کہا کہ پاکستان اور بھارت کو کرکٹ پر مل بیٹھنا چاہیے، ملاقات میں ایشیا کپ کے ہائبرڈ ماڈل پر بات چیت کے علاوہ 5 اکتوبر سے شروع ہونے والے ورلڈ کپ میں قومی ٹیم کی شرکت پر تبادلہ خیال کیا گیا۔
قومی ہاکی ٹیم کی تیاریاں آخری مراحل میں داخل
ذرائع نے بتایاکہ ذکا اشرف نے جے شاہ کو ایشیا کپ میں پاکستان آنے کی دعوت دی جسے انہوں نے قبول کر لیا،دوسری جانب جے شاہ نے ذکا اشرف کو بھارت میں ورلڈکپ میں دیکھنے کی دعوت دی اور انہوں نے ورلڈکپ کے دوران دورہ بھارت کی دعوت قبول کر لی۔
دونوں بورڈ عہدیداران نے کرکٹ روابط میں بہتری لانے پر اتفاق کیا۔ ذکا اشرف نے جے شاہ سے گفتگو میں کہا کہ آپ ہماری مہمان نوازی سے متاثر ہوئے بغیر نہیں رہ سکیں گے، پاکستانی عوام اپنے مہمانوں کی قدر کرنا جانتی ہےیہ ایک اچھی شروعات ہے، مستقبل میں مزید ملاقاتیں ہوں گی۔
واضح رہے کہ ایشیا کپ 31 اگست سے 17 ستمبر تک کھیلا جائے گا، اے سی سی پاکستان کی جانب سے پیش کردہ ہائبرڈ ماڈل کے تحت ایشیا کپ کھیلے جانے کا پہلے ہی اعلان کر چکی ہے۔
بھارت پاکستان میچز کھیلنے نہیں آتا تو قومی ٹیم کو وہاں نہیں جانا چاہیے. احسان …
-
قومی ہاکی ٹیم کی تیاریاں آخری مراحل میں داخل
ایشینز ہاکی چیمپیئنز ٹرافی کی تیاری کے کیمپ میں کھلاڑیوں کو دی جانے والی خوراک پر ٹیم مینجمنٹ نے تحفظات ظاہر کر دیا ہے جبکہ بھارت کے شہر چنائے میں 3 اگست سے شروع ہونے والی ایشین ہاکی چیمپیئنز ٹرافی کے لیے قومی ہاکی ٹیم کی تیاریاں آخری مراحل میں داخل ہوگئیں۔ ٹیم منیجرعمر صابر کہتے ہیں کہ کھلاڑیوں کی خامیوں پر قابو پانے کے لیے کوشاں ہیں تاہم کھلاڑیوں کو ملنے والی خوراک پر تحفظات ہیں۔
کوچز دلاور حسین اور عبدالحسیم خان نے بھی کھلاڑیوں کو ملنے والی خوراک میں بہتری کا مطالبہ کیا ہے۔ ٹرافی کے لیے ٹرائلز کے بعد 18 رکنی قومی ٹیم کا اعلان 13 جولائی بروز جمعرات کو ہوگا تاہم ٹیم کو بھارت جانے کیلئے حکومتی اجازت درکار ہے۔
مزید یہ بھی پڑھیں؛
سعودی عرب نے اسٹیٹ آف پاکستان میں 2 ارب ڈالر ڈپازٹ کردیئے،اسحاق ڈار
سرکاری ملازمین کا دوسرے روز بھی مطالبات کی منظوری کے لئے احتجاج
پیپلز پارٹی کی حکومت نے شہر میں امن و امان بحال کیا،وزیراعلیٰ سندھ
چیئرمین پی ٹی آئی جیسا ڈکٹیٹر ملکی تاریخ میں پیدا نہیں ہوا، شرجیل میمن
موسم گرما میں حاملہ خواتین کے لئے قدرتی مشروبات
سویڈن میں اسلام دشمن سرگرمی پر جنرل ہسپتال میں ہیلتھ پروفیشنلز کی احتجاجی ریلی
کویت کا سویڈش زبان میں قرآن کریم کے ایک لاکھ نسخے شائع کرنے کا اعلانادھر دوسری جانب پاکستان اور بھارت کے درمیان کرکٹ تعلقات میں جمی برف پگھلنے لگی۔ جنوبی افریقا کے شہر ڈربن میں پاکستان کرکٹ بورڈ کی منیجمنٹ کمیٹی کے سربراہ ذکا اشرف اور بورڈ آف کنٹرول فار ان انڈیا (بی سی سی آئی) کے سیکرٹری جے شاہ کے درمیان آئی سی سی کے سالانہ اجلاس کے سائیڈ لائنز پر ملاقات ہوئی ہے۔ دونوں سربراہان کے درمیان ملاقات خوشگوار ماحول میں ہوئی جس میں اتفاق کیا گیا کہ پاکستان اور بھارت کو کرکٹ پر مل بیٹھنا چاہیے۔
-
بھارت پاکستان میچز کھیلنے نہیں آتا تو قومی ٹیم کو وہاں نہیں جانا چاہیے. احسان مزاری
وفاقی وزیر برائے بین الصوبائی رابطہ احسان الرحمان مزاری نے کہا ہے کہ اگر ہندوستان پاکستان نہیں آنا چاہتا اور وہ ہائبرڈ ماڈل کے لیے جانا چاہتا ہے، اگر وہ نیوٹرل وینیوز پر کھیلنا چاہتا ہے تو پاکستانی ٹیم کو بھی ہائبرڈ ماڈل [بھارت میں] کے لیے جانا چاہیے۔ جبکہ عرب میڈیا کے مطابق تلخ دشمنوں نے پچھلی دہائی کے دوران زیادہ تر غیر جانبدار مقامات پر ملٹی ٹیم ایونٹس میں ایک دوسرے کا مقابلہ کیا ہے اور اکتوبر نومبر میں ہونے والے ورلڈ کپ میں پاکستان کی شمولیت پر شکوک و شبہات برقرار ہیں۔ بھارت نے آئندہ ایشیا کپ کے لیے پاکستان کا سفر کرنے سے انکار کر دیا تھا جس کی وجہ سے پاکستان نے 31 اگست سے شروع ہونے والے ٹورنامنٹ کے لیے ایک نئےہائبرڈ ماڈل کے تحت سری لنکا کے ساتھ میچ تقسیم کیے تھے۔
آئی سی سی کے جاری کردہ ورلڈ کپ کے شیڈول کے مطابق، پاکستان اپنا پہلا میچ 6 اکتوبر کو بھارت کے شہر حیدرآباد میں کھیلے گا۔ لیکن مزاری نے گزشتہ ہفتے بھارت کے ٹورنامنٹ کے لیے ایک ہائبرڈ ماڈل اور غیر جانبدار مقامات کا مطالبہ کیا۔ پی سی بی کی عبوری انتظامی کمیٹی کے سربراہ ذکا اشرف اس وقت آئی سی سی حکام سے بھارت میں غیر جانبدار مقامات پر کھیلنے کے پاکستان کے مطالبے کے حوالے سے بات چیت کے لیے جنوبی افریقا میں ہیں۔ احسان مزاری نے عرب میڈیا کو بتایا کہ بورڈ آف کنٹرول فار کرکٹ ان انڈیا (بی سی سی آئی) ہمیشہ مختلف بورڈز کو بلیک میل کرتا ہے، وہ آئی سی سی کو بھی بلیک میل کرتے ہیں،لہذا، ہم مزید بلیک میلنگ میں نہیں پڑنا چاہتے۔ جی ہاں، بی سی سی آئی ایک امیر بورڈ ہے، وہ میڈیا کے حقوق کی وجہ سے بہت زیادہ فنڈز بناتا ہے لیکن اس کا یہ مطلب نہیں کہ وہ ہر کرکٹ بورڈ کے بازو مروڑ دے۔ بھارتی بورڈ دوسروں کے ساتھ منصفانہ طور پر رہے۔
انہوں نے مزید کہا کہ اگر وہ سوچتے ہیں کہ وہ آئی سی سی کو ہتھکڑی لگا سکتے ہیں کیونکہ وہ سب سے امیر بورڈ ہے، تو مجھے افسوس ہے، وہ غلطی پر ہیں۔پاکستان نے عارضی طور پر آئی سی سی کے جاری کردہ شیڈول سے اتفاق کیا تھا، اس شرط کے ساتھ کہ گرین شرٹس بھارت میں 50 اوور کا ورلڈ کپ بھی نیوٹرل مقامات پر کھیلیں گے کیونکہ بھارت ایشیا کپ کے لیے پاکستان کا سفر کرنے کو تیار نہیں تھا۔اگر ہندوستان پاکستان نہیں آنا چاہتا اور وہ ہائبرڈ ماڈل کے لیے جانا چاہتا ہے، اگر وہ نیوٹرل وینیوز پر کھیلنا چاہتا ہے تو پاکستانی ٹیم کو بھی ہائبرڈ ماڈل [بھارت میں] کے لیے جانا چاہیے۔ وفاقی وزیر کا کہنا تھاکہ پاکستان کو آئی سی سی سے بات کرنی چاہئے اور انہیں بتانا چاہئے ہم ہندوستان جانے کے لئے تیار نہیں ہیں اور ہم غیر جانبدار مقامات پر کھیلنا چاہتے ہیں کیونکہ ہندوستان ہمیشہ کرکٹ کی سیاست کرتا ہے۔ اگر بھارت کو پاکستان میں سیکیورٹی رسک ہے تو وہاں پر کھیلنے کے حوالے سے ہمارے اپنے کھلاڑیوں کے لیے سکیورٹی کے مسائل ہیں۔ مجھے نہیں لگتا ہندوستان ہمارے کرکٹرز کے لیے وہاں کھیلنے کے لیے محفوظ ملک ہے۔
مزاری نے کہا کہ پاکستان کرکٹ ٹیم کے بھارت جانے کا حتمی فیصلہ وزیر اعظم شہباز شریف کریں گے جنہوں نے اس معاملے پر غور و خوض اور سفارشات دینے کے لیے وزیر خارجہ بلاول بھٹو زرداری کی سربراہی میں ایک کمیٹی تشکیل دی ہے۔ کمیٹی مل کر بیٹھے گی اور سب مل کر وزیر اعظم کو سفارشات دیں گے۔وزیراعظم پاکستان کرکٹ بورڈ کے سرپرست اعلیٰ ہیں اور وہ باس ہیں۔
-
احسان مزاری کو صرف ٹی وی پر آنے کا شوق ہے،شکیل شیخ
پی سی بی مینجمنٹ کمیٹی کے سابق رکن شکیل شیخ کا کہنا ہے کہ احسان مزاری کو صرف ٹی وی پر آنے کا شوق ہے انہیں آئی سی سی کا مطلب بھی نہیں پتا ہوگا۔انہوں نے کہا کہ وزیر صاحب سنجیدہ معاملات پر غیر ذمہ دارانہ بیانات سے پاکستان کرکٹ کو تنہا کردیں گے۔
واضح رہے کہ اس سے قبل وزیر بین الصوبائی رابطہ احسان مزاری کا کہنا تھا کہ پاکستان ٹیم کے بھارت جا کر ورلڈ کپ کھیلنے کا فیصلہ وزیر اعظم کریں گے۔احسان مزاری کا کہنا تھا کہ ان کی ذاتی رائے ہے کہ اگر بھارت یہاں نہیں آتا تو ہمیں بھی وہاں نہیں جانا چاہیے، بھارت کی جانب سے ہمیشہ کرکٹ میں سیاست کی جاتی رہی ہے۔ان کا کہنا تھا کہ بھارت نے ہائبرڈ ماڈل مانگا تھا، ایسے ہی پاکستان کو بھی مطالبہ کرنا چاہیے، اگر بھارت ہائبرڈ ماڈل چاہتا ہے تو ہمیں بھی ورلڈ کپ میں ایسا کرنا چاہیے۔ -
قومی ٹیم کا آج پہلا وارم اپ میچ ہو گا
پاکستان کرکٹ ٹیم دو ٹیسٹ میچوں پر مشتمل سیریز کھیلنے کے ہمبن ٹوٹا میں ڈیرے ڈال چکی ہے۔ قومی ٹیم آج سے دو روزہ پہلا وارم اپ میچ کھیلے گی۔پہلے ٹیسٹ میچ کا آغاز 16 جولائی سے گال میں ہوگا جبکہ دوسرا اور آخری ٹیسٹ میچ 24 جولائی سے کولمبو میں شیڈول ہے۔
واضح رہے کہ دونوں ٹیمیں اس سیریز سے آئی سی سی ٹیسٹ چیمپئن شپ کے تیسرے سائیکل کے سفر کا آغاز کریں گے۔ دو سال کے اس سائیکل میں تمام ٹیمیں چھ چھ سیریز کھیلیں گی۔ پاکستان اپنی تین سریز ہوم اور تین اوے کھیلے گا۔
سال 2021 میں پہلی آئی سی سی ٹیسٹ چیمپئن شپ کی فاتح نیوزی لینڈ رہی تھی جب رواں سال یہ ٹرافی آسٹریلیا کے ہاتھ آئی تھی۔ دونوں ٹیموں نے فائنل میں بھارت کو ہرایا تھا۔