Category: کھیل

کراچی :پاکستان کرکٹ ٹیم کے نوجوان مڈل آرڈر بیٹر سعود شکیل کا کہنا ہےکہ اگلینڈ کے خلاف سیریز میں ففٹیوں کو سنچری میں تبدیل نہ کرسکنےکا دکھ ہے، بڑا اسکور کرنےکا موقع ضائع کیا، اگر کم از کم دو ففٹیوں کو سنچریوں میں تبدیل کرلیتا تو نتیجہ مختلف ہوسکتا تھا۔سعود شکیل کا کہنا تھاکہ انگلینڈ کی سیریز میں جو غلطیاں کیں اس سے سبق حاصل کرکے نیوزی لینڈ کے خلاف سیریز میں بہتر کرنے کی کوشش کریں گے۔

حارث کے نکاح کے بعد شاداب خان کے دل میں بھی شادی کے لڈو پھوٹنے لگے

نجی ٹی وی سے بات کرتے ہوئے ان کا کہنا تھا کہ انگلینڈ سے تین صفر کی شکست کے بعد کھلاڑیوں نے بیٹھ کر کارکردگی کا تجزیہ کیا اور تبالہ خیال کیا کہ کہاں غلطیاں ہوئیں۔ انہوں نے اپنی کارکردگی کا ذکر کرتے ہوئےکہا کہ وہ سمجھتے ہیں کہ انہوں نے بڑا اسکور کرنے کا موقع گنوایا جس کا انہیں دکھ ہے، اگر وہ ففٹیوں کو سنچری میں تبدیل کرپاتے تو پاکستان کے لیے نتیجہ مختلف ہوسکتا تھا۔

سعود شکیل نے انگلینڈ کے خلاف چار ففٹیاں اسکور کی تھیں، تاہم وہ کہتے ہیں کہ ایک پروفیشنل پلیئر کبھی بھی ایک پرفارمنس سے مطمئن نہیں ہوتا، اس کی کوشش ہوتی ہے کہ ہر بار پہلے سے بہتر پرفارم کیا جائے۔ انہوں نے کہا کہ وہ اپنی غلطیوں سے سبق سیکھ کر بہتر کرنے کی کوشش کریں گے کیوں کہ یہ ان کے کیریئر کا اسٹارٹ ہے اور ان کے لیے اہم ہے کہ وہ اپنی غلطیوں سے سبق حاصل کریں۔انہوں نے کہا کہ نیوزی لینڈ کی ٹیم اچھی ٹیم ہے ، پاکستان انگلینڈ کی شکست فراموش کرکے نئے جذبے کے ساتھ میدان میں اترے گی، کھلاڑی اس سیریز میں اچھی کارکردگی کیلئے پر عزم ہیں۔

پاکستان اور نیوزی لینڈ ٹیسٹ سیریز کیلئے ٹرافی کی رونمائی

ان کا کہنا تھا کہ نیوزی لینڈ چار اسپنرز لے کر آیا ہے، کوشش کریں گے کہ ان کی اسٹرینتھ کو دیکھ کر اپنی حکمت عملی بنائیں اور سیریز اپنے نام کریں، انہوں نے کراچی ٹیسٹ میں سنچری اسکور کرنے کی خواہش ظاہر کرتے ہوئے کہا کہ کراچی ان کا ہوم وینیو ہے اور وہ یہاں کھیلنا ہمیشہ انجوائے کرتے ہیں، خواہش ہے کہ نیوزی لینڈ کیخلاف سیریز میں وہ اپنی پہلی ٹیسٹ سنچری بھی اسکور کریں۔

کراچی:چیف سلیکٹر پاکستان کرکٹ ٹیم شاہد آفریدی کا کہنا ہے کہ کھلاڑیوں کا ورک لوڈ مینجمنٹ بہت ضروری ہے، جو سینئرز بینچ پر ہیں انہیں بھی موقع ملنا چاہیے۔شاہد آفریدی نیشنل بینک کرکٹ ارینا پہنچے جہاں انہوں نے پاک نیوزی لینڈ سیریز کے کل سے شروع ہونے والے پہلے ٹیسٹ میچ کی پچ کا معائنہ کیا۔

اس موقع پر ان کا کہنا تھا کہ ہم صرف اسپن وکٹیں ہی کیوں بناتے ہیں، ہمارے اندر اتنی صلاحیت ہے کہ ہم آسٹریلیا یا جنوبی افریقا جیسی وکٹ بنا سکتے ہیں، ہم نے ڈومیسٹک میں ایسی وکٹیں دیکھی ہیں، کوشش کریں گے کہ مختلف پلان کے ساتھ جائیں، جب تک ہم پرانی سوچ سے باہر نہیں نکلیں گے نمبر ون نہیں ہوں گے۔نیوزی لینڈ کے خلاف ٹیسٹ سیریز کے لیے ٹیم سلیکش کے حوالے سے پوچھے گئے سوال پر شاہد آفریدی کا کہنا تھا معلوم ہوا ہے کہ نسیم شاہ مکمل فٹ نہیں ہیں، میر حمزہ کو شاہین آفریدی کی جگہ ٹیم میں موقع دیا گیا ہے، شاہنواز دھانی کو دو سال سے ساتھ لیکر چل رہے ہیں اسے کب موقع دیں گے۔

چیف سلیکٹر کا کہنا تھا کئی پلیئرز مسلسل کھیل رہے ہیں، کھلاڑیوں کا ورک لوڈ میجنمنٹ بھی ضروری ہے، جو سینئر کھلاڑی بینچ پر موجود ہیں انہیں بھی موقع ملنا چاہیے۔

قومی ٹیم کے کپتان بابر اعظم سے متعلق سوال پر شاہد آفریدی کا کہنا تھا ہم نے کراچی کی وکٹ دیکھی ہے، ابھی سلیکشن کمیٹی بابر اعظم کے ساتھ مشاورت کرے گی، بابر اعظم جس طرح کا ورلڈ کلاس کھلاڑی ہے ہم اسے اسی طرح کا بہترین کپتان بنانے کے لیے آئے ہیں۔

کراچی :قومی کرکٹ ٹیم کے کپتان بابراعظم نے کہا ہے کہ کپتانی جانے کا کوٸی پریشر نہیں، اللہ یہاں تک لایا ہے آگے لے کر جاٸے گا، مجھے اپنی ٹیم پر یقین ہے۔کراچی میں پریس کانفرنس کرتے ہوئے بابراعظم نے کہا کہ اس وقت پاکستان کی بیٹنگ لائن مضبوط ہے، ہمارا فوکس نیوزی لینڈ کیخلاف ٹیسٹ سیریزمیں کامیابی حاصل کرنا ہے۔

بابراعظم نے کہا کراچی کی پچ اچھی لگ رہی ہے، امید ہے اچھا کھیل پیش کرینگے، مانتاہوں ہم انگلینڈ سے ہارے ہیں مگرہم کم بیگ کریں گے، گزشتہ سیریز میں ہم سے کافی غلطیاں ہوٸیں۔بابراعظم نے کہا کہ انگلینڈ کے خلاف ٹیسٹ سیریز اچھی نہیں رہی، بہترین ٹیم کھلائی، سلیکشن میں کوٸی غلطی نہیں تھی جن کھلاڑیوں کو کھلایا ان کو بیک کرتا ہوں، جو کھلاڑی بہترین لگا اسے کھلایا تھا۔

پاکستان نیوزی لینڈ سیریز کے شیڈول میں تبدیلی

بابراعظم کا کہنا تھا کہ کھلاڑی ایک دوسرے کاسپورٹ کررہے ہیں تو اس میں کیا برا ہے؟، صرف مجھے نہیں پوری ٹیم ایک دوسرے کا ساتھ دیتی ہے۔بابراعظم نے کہا کہ ہماری بیٹنگ ہماری اسٹرینتھ ہے، بولرز کا فٹ ہونا بھی خوش آٸند ہے، جو ٹیم کےلیے بہتر ہوگا وہی ٹیم سلیکٹ کریں گے۔بابراعظم نے کہا کہ نیوزی لینڈ کے خلاف پلیئنگ الیون کا فیصلہ ابھی تک نہیں ہوا، سیلکٹرز سےایک اورمیٹنگ کرنی ہے جس کے بعد فائنل الیون کا فیصلہ ہوگا۔

پاکستان فٹبال فیڈریشن کے زیر اہتمام نیشنل فٹبال چیلنج کپ یکم جنوری سے شروع ہو گا

پاکستان کرکٹ ٹیم کے کپتان کا مزید کہنا تھا کہ تین چاردن میں کافی چیزیں تبدیل ہوٸی ہیں، بطور پروفیشنل آپ کو ان چیزوں کا سامنا کرنا پڑتا ہے، گزشتہ روز3 کھلاڑی میری مشاورت سے اسکواڈ میں شامل ہوئے، باہربیٹھ کرچیزیں آسان لگتی ہے لیکن گراٶنڈ میں مختلف ہوتی ہیں۔نیوزی لینڈ ٹیسٹ ٹیم کے کپتان ٹم ساؤتھی کا کہنا تھا کہ پاکستان ایک مشکل حریف ہے، اچھا کھیل پیش کرنے کی کوشش کریں گے۔

ٹم ساؤتھی نے کہا کہ نیوزی لینڈ ٹیم کی کپتانی میرے لیےباعث اعزازہے، پاکستان میں کھیل کرانجوائے کریں گے، نگلینڈ نے پاکستان میں بہت اچھی کرکٹ کھیلی، یہ انداز انگلینڈ کو سپورٹ کرتا ہے، ہم دیکھیں گے کہ ہمیں کیسا انداز سپورٹ کرتا ہے۔

پاکستان کرکٹ بورڈ نےپاکستان سپرلیگ 8 کے میچز کوئٹہ میں کرانے کا اعلان کردیا

ٹم ساؤتھی نے کہا کہ اش سودھی ہماری ٹیم میں کم بیک کررہے ہیں، اعجاز پٹیل ان کنڈیشنز میں اچھی بولنگ کرتے ہیں، ان کنڈیشنز میں اسپنرز کا کردار اہم ہوتا ہے لیکن ہمارے فاسٹ بولر بھی اچھے ہیں۔کیوی کپتان کا کہنا تھا کہ ٹیم کا فیصلہ ابھی تک نہیں ہوا، ٹیسٹ کپتانی ملنے پر خوشی ہے، امید ہے اچھی سیریز ہوگی۔

پاکستان اور نیوزی لینڈ ٹیسٹ سیریز کیلئے ٹرافی کی رونمائی کردی گئی۔

باغی ٹی وی : قومی کپتان بابر اعظم اور نیوزی لینڈ کے کپتان ٹم ساؤتھی نے نیشنل بینک ایرینا اسٹیڈیم میں ٹرافی کی رونمائی کی اس موقع پر قومی ٹیم کے کپتان بابر اعظم کا کہنا تھا کہ نیوزی لینڈ کے خلاف دو ٹیسٹ میچوں کی سیریز کے پہلے میچ کے لیے نئے کھلاڑیوں کی شمولیت سے متعلق مجھ سے بھی بات ہوئی تھی، سلیکٹر کے ساتھ بات ہو گئی ہے نیوزی لینڈ کے خلاف فائنل الیون ان کے مشورے سے منتخب کریں گے، جو ٹیم کے لیے بہتر ہوگا وہی کریں گے، میدان کی حکمت عملی حریف کی پوزیشن دیکھ کر اپناتے ہیں۔

فیفا نے قطر فٹبال ورلڈکپ کے بہترین گول کا اعلان کردیا

🏆🇵🇰🇳🇿

Trophy unveiled for KFC Presents DAFANEWS Pakistan Vs New Zealand Test Series 2022-23#PAKvNZ | #TayyariKiwiHai pic.twitter.com/nnhlC69PEK

— Pakistan Cricket (@TheRealPCB) December 25, 2022

کراچی میں پریس کانفرنس کرتے ہوئے بابر اعظم کا کہنا تھا ٹیسٹ میچ میں ایک غلطی میچ تبدیل کر دیتی ہے، میں تسلیم کرتا ہوں کہ ہم نے اچھی کرکٹ نہیں کھیلی انگلینڈ کے خلاف جو بہترین الیون لگ رہی تھی وہ ہم نے کھلائی، شکست کی وجہ سے تنقید ہو رہی ہے لیکن پورا یقین ہے کم بیک ضرور کریں گے، پریشر نہیں لیتا کیونکہ دباؤ میں گیم اور خراب ہوتی ہے۔

Babar Azam's press conference ahead of the two-match Test series against New Zealand.

Watch here ➡️ https://t.co/DwDrnA7dRD#PAKvNZ | #TayyariKiwiHai pic.twitter.com/5BzNgByXfd

— Pakistan Cricket (@TheRealPCB) December 25, 2022

قومی ٹیم کے کپتان نے کہا کہ اس وقت ہماری بیٹنگ لائن مضبوط ہے، بیٹنگ ہی ہماری اسٹرینتھ ہے، وکٹ ضرور ٹیم کو سپورٹ کرتی ہے مگر آپ کو کارکردگی دکھانا ہوتی ہے نیشنل اسٹیڈیم کی پچ کافی اچھی لگ رہی ہے، وکٹ آسٹریلیا جیسی لگ رہی ہے، انگلینڈ کے خلاف ٹیسٹ سیریز اچھی نہیں رہی، ہمارا فوکس ٹیسٹ سیریز جیتنے پر ہے تین چار دن میں چیزیں تبدیل ہوئی ہیں لیکن ہمارا کام گراؤنڈ میں پرفارم کرنا ہے، ہمارا فوکس گراونڈ پر ہے، وہاں پرفارم کرنا ہے، سیریز کا اچھا آغاز کرنے کی کوشش کریں گے۔

شاہین شاہ آفریدی نےبابراعظم کےحمایت میں کیا گیا ٹویٹ ڈیلیٹ کردیا

Pakistan captain Babar Azam's press conference at the National Bank Cricket Arena, Karachi before the first Test.#PAKvNZ | #TayyariKiwiHai https://t.co/C8Sx88knGY

— Pakistan Cricket (@TheRealPCB) December 25, 2022

دوسری جانب نیوزی لینڈ کرکٹ ٹیم کے کپتان ٹم ساؤتھی کا کہنا تھا کہ برصغیر کی کنڈیشن مختلف ہوتی ہیں لیکم ہم نے پلان بنایا ہے، اچھی کرکٹ ہوگی برصغیر میں آکر کھیلنا ہمیشہ چیلنج ہوتا ہے، انگلینڈ نے یہاں زبردست کرکٹ کھیلی تھی اور ہم وہ کرکٹ کھیلیں گے جو ہمیں سوٹ کرےگی۔

Tim Southee's pre-series press conference at National Bank Cricket Arena, Karachi.

Watch here ➡️ https://t.co/lVFFL0oVPy#PAKvNZ | #TayyariKiwiHai pic.twitter.com/B1S1DbKdUW

— Pakistan Cricket (@TheRealPCB) December 25, 2022

ٹم ساوتھی کا کہنا تھا کہ انگلینڈ کے خلاف ٹف سیریز کے بعد پاکستان کم بیک کی کوشش کرے گا، یہاں کی کنڈیشنز میں اسپن کے ساتھ فاسٹ بولنگ کو بھی مدد ملے گی ابھی فائنل الیون کا فیصلہ نہیں کیا، صبح کنڈیشن دیکھ کر فیصلہ کریں گے۔

New Zealand captain Tim Southee's press conference on the eve of the #PAKvNZ Test series.#TayyariKiwiHai https://t.co/tfmbqjwm58

— Pakistan Cricket (@TheRealPCB) December 25, 2022

دونوں ٹیموں کے مابین 2 ٹیسٹ میچز کی سیریز کھیلی جائے گی، پہلا ٹیسٹ کل سے شروع ہوگا جبکہ 2 دونوں ٹیسٹ میچ کراچی میں ہی کھیلے جائیں گے۔

واضح رہے اس سے قبل ایک ٹیسٹ میچ ملتان میں ہونا تھا لیکن پھر دونوں ملکوں کی ٹیموں کے بورڈ کے باہمی مشاورت کے بعد اب دونوں ٹیسٹ میچز کراچی میں ہی کھیلے جائیں گے۔

حارث کے نکاح کے بعد شاداب خان کے دل میں بھی شادی کے لڈو پھوٹنے لگے