Baaghi TV

Category: کھیل

  • بابر اعظم کے خلاف مہم، پی سی بی کی آسٹریلوی ٹی وی چینل کو شٹ اپ کال

    بابر اعظم کے خلاف مہم، پی سی بی کی آسٹریلوی ٹی وی چینل کو شٹ اپ کال

    بابر اعظم کے خلاف سوشل میڈیا پر چلنے والی مہم پرپاکستان کرکٹ بورڈ ( پی سی بی) نے آسٹریلوی ٹی وی چینل کو شٹ اپ کال دے دی۔

    باغی ٹی وی: فاکس کرکٹ کی اسٹوری میں کپتان پر الزام لگایا گیا ہے کہ انہوں نے اپنی گرل فرینڈ کو نازیبا میسجز کیے جبکہ جنسی تعلق بنائے رکھنے کے بھی سنگین الزامات لگائے فاکس نیوز کی اسٹوری کے بعد سوشل میڈیا پر ان کے ضلاف مہم چلتی رہی جس پر پی سی بی فاکس نیوز کو سخت تنقید کا نشانہ بنایا ہے۔

    قیادت کرنے سے ہی آتی ہے کوئی نیچرل یا پیدائشی کپتان نہیں ہوتا. وسیم اکرم


    پی سی بی نے سماجی رابطے کی سائٹ ٹوئٹر پر فاکس کرکٹ کی اسٹوری کا جواب دیتے ہوئے کہا کہ ادارہ ہمارا میڈیا پارٹنر ہے اسے بےبنیاد الزامات نظر انداز کرنے چاہیئے تھا کیونکہ اس پر بابراعظم کی جانب سے اب تک کوئی ردعمل سامنے نہیں آیا۔

    پی سی بی کے جواب پر ادارے نے ٹوئٹ حذف کردی لیکن خبر تاحال ویب سائٹ پر موجود ہے۔

    اس سے قبل بھی سال 2020 میں ایک خاتون نے سنگین الزامات عائد کیے تھے اور ان کے خلاف دھوکا دہی اور ہراساں کرنے کا الزام لگایا تھا جو ثابت نہ ہوا۔

    فوڈ پانڈا نے اسلام آباد یونائیٹڈ کے ساتھ اشتراک کرلیا

  • دوسرا ون ڈے: آسٹریلوی ویمنز ٹیم کی پاکستان کو 10 وکٹوں سے شکست

    دوسرا ون ڈے: آسٹریلوی ویمنز ٹیم کی پاکستان کو 10 وکٹوں سے شکست

    دوسرا ون ڈے: آسٹریلوی ویمنز ٹیم کی پاکستان کو 10 وکٹوں سے شکست

    آسٹریلوی ویمنز ٹیم نے پاکستان کو دوسرے ون ڈے میں 10 وکٹوں سے شکست دے کر سیریز اپنے نام کرلی۔ برسبین میں کھیلے جانے والے میچ میں آسٹریلیا نے 126 رنز کا ہدف بغیر کسی نقصان کے باآسانی 20ویں اوورز میں حاصل کرلیا۔

    آسٹریلیا کی 19 سالہ اوپننگ بیٹر فیبی لچ فیلڈ نے مسلسل دوسری 50 کی، انہوں نے 61 گیندوں پر 67 رنز اسکور کیے۔ اس کے علاوہ اوپنر بیتھ مونی نے بھی 55 رنز بنائے۔ پاکستان کی جانب سے ندا ڈار 24 رنز بناکر ٹاپ اسکورر رہیں۔ میچ کے آغاز پر پاکستانی کپتان بسمہ معروف نے ٹاس جیت کر بیٹنگ کا فیصلہ کیا تاہم قومی ٹیم صرف 43 اوورز ہی کھیل سکی اور 125 رنز بناکر پوڑی ٹیم آؤٹ ہوگئی۔
    مزید یہ بھی پڑھیں؛
    پاکستان کو درپیش چیلنج سے نکال کر اپنے پاﺅں پر کھڑا کریں گے۔ وزیر اعظم
    قیادت کرنے سے ہی آتی ہے کوئی نیچرل یا پیدائشی کپتان نہیں ہوتا. وسیم اکرم
    عدالت نے معروف قانون دان لطیف آفریدی کے قتل کے ملزم کا جسمانی ریمانڈ منظور کرلیا
    مس ایل سلواڈور کی مقابلہ حسن میں بٹ کوائن والے لباس میں شرکت
    حافظ نعیم الرحمٰن الیکشن کمیشن پر الزامات نہ لگائیں،صوبائی الیکشن کمشنر
    الیکشن کمیشن نے (ق) لیگ کو معاملہ جلد دیکھنے کی یقین دہانی کرادی
    عوام نے نام نہاد مقبول لیڈرز کا پول کھول دیا ہے. بلاول بھٹو زرداری
    اس سے قبل پہلے ون ڈے میں آسٹریلیا نے 8 وکٹوں سے پاکستان کو شکست دی تھی۔ سیریز کا آخری اور تیسرا میچ 21 جنوری کو کھیلا جائے گا۔ آسٹریلیا ویمن کرکٹ ٹیم نے پاکستان کو پہلے ون ڈے میچ میں 8 وکٹ سے شکست دی تھی جبکہ برسبین میں کھیلے گئے پہلے ون ڈے میچ میں پاکستان نے پہلے بیٹنگ کرتے ہوئے 40 اوورز میں8 وکٹ کے نقصان پر 160 رنز بنائے ، ڈک ورتھ لوئس میتھڈ کے تحت آسٹریلیا کو 40 اوورز میں 158 رنز بنانے تھے۔

    پاکستان کی ندا ڈار 59 اور بسمہ معروف 28 رنز کے ساتھ نمایاں رہیں۔ آسٹریلیا کی جانب سے ڈارسی براؤن اور جوناسین نے 2،2 کھلاڑیوں کو آؤٹ کیا۔  آسٹریلوی کپتان میگ لیننگ نے ٹاس جیت کر فیلڈنگ کا فیصلہ کیا تھا۔ میگ لیننگ نے 6 ماہ کے وقفے کے بعد دوبارہ کرکٹ میں واپسی کی ہے۔ واضح رہے کہ برسبین میں وقفے وقفے سے بارش جاری تھی، جس کے باعث میچ 40 اوورز تک محدود کیا گیا۔

  • قیادت کرنے سے ہی آتی ہے کوئی نیچرل یا پیدائشی کپتان نہیں ہوتا. وسیم اکرم

    قیادت کرنے سے ہی آتی ہے کوئی نیچرل یا پیدائشی کپتان نہیں ہوتا. وسیم اکرم

    قیادت کرنے سے ہی آتی ہے کوئی نیچرل یا پیدائشی کپتان نہیں ہوتا. وسیم اکرم

    پاکستان کرکٹ کی ایک ویب سائٹ کو دبئی میں خصوصی انٹرویو میں وسیم اکرم نے کہا کہ موجودہ صورتحال میں ہمیں کپتان کو سپورٹ کرنا چاہیے،بابر اعظم کا تجربہ ابھی کم ہے،ان کو ہٹانے سے ٹیم میں کچھ نہیں ہو گا البتہ سپورٹ کرنے سے فرق پڑنا ہے۔ انہوں نے کہا کہ ایک قوم کے طور پر ہمیں کسی دشمن کی ضرورت نہیں ہوتی ہم اپنے لیے خود ہی کافی ہیں، جس طریقے سے بعض لوگ بابر اعظم کے پیچھے پڑے ہوئے ہیں وہ بہت ہی پریشان کن بات ہے، اپنا مذاق اڑانا بند کردیں،اس سے میرا دل بھی دکھتا ہے۔

    تینوں فارمیٹ میں قیادت کا بوجھ بانٹنے کیلیے بابر اعظم کو ہٹانے کے سوال پرسابق اسٹار نے کہا کہ یا تو آپ کے پاس کوئی عمران خان، جاوید میانداد یا مائیک بریرلی بیٹھا ہو تو بات سمجھ میں بھی آئے، اب اگر بابر اعظم کا تقرر کیا ہے تو اسے 2،3سال موقع دیں، میں آپ کو یقین دلاتا ہوں کہ وہ بہترین کپتان ثابت ہوں گے۔ وسیم اکرم نے کہا کہ قیادت کرنے سے ہی آتی ہے کوئی نیچرل یا پیدائشی کپتان نہیں ہوتا، وقت کے ساتھ بہتر فیصلوں کی صلاحیت آتی جاتی ہے، ہم کوچز پر اٹیک کرتے ہیں، اسے تو بتانا ہوتا ہے میدان میں کھیلنا تو کرکٹر کا ہی کام ہے،دیگر ملکوں سے تعلق رکھنے والے تو تنقید کریں مگر ہم کیوں کرتے ہیں، مجھے تو یہ دیکھ کرہی شرم آتی ہے۔

    انھوں نے کہا کہ مجھے کوئی ایسا بیٹر کپتان بتائیں جس نے بیٹنگ پچز نہ بنوائی ہوں، ہم بابر پر تنقید کیوں کررہے ہیں، پیسر شاہین آفریدی میں قائدانہ صلاحیتیں ہیں، انھوں نے لاہور قلندرز کو پی ایس ایل کا چیمپئن بنوایا مگر ابھی انھیں قومی ٹیم کی قیادت سونپنے کی بات کرنا جلد بازی ہوگی،وہ حال ہی میں انجری سے واپس آئے ہیں، تھوڑا پرفارم کریں اور 5سال بعد کپتانی کے بارے میں سوچیں، فی الحال ایک قائد کو مکمل سپورٹ کرنے کی بات کرنا چاہیے۔

    وسیم اکرم نے کہا کہ اگر مجھ سے ہی پوچھ لیا جاتا تو بتا دیتا کہ غیر ملکی کوچز کو نہیں آنا،انھیں ڈر ہے کہ بورڈ تبدیل ہوا تو معاہدہ بھی ختم ہوجائے گا،2یا 3سال کیلیے کوئی آئے تو خود کو محفوظ خیال کرے گا، ثقلین مشتاق اور محمد یوسف نے بھی اچھا کام کیا مگر مزید بہتری کیلیے ان کو بھی وقت درکار ہوگا، اگر کوئی غیر ملکی کوچ نہیں مل رہا تو پاکستانی کی خدمات حاصل کریں اور اسے بھرپور سپورٹ بھی کریں۔

    فاسٹ بولرز کی کارکردگی کا گراف گرنے کے سوال پر سابق کپتان نے کہا کہ پچز مسئلہ نہیں، ہمارے دور میں بھی ایسی ہی پچز تھیں، وجہ ٹی ٹوئنٹی کرکٹ ہے، صرف 4اوور کرنے پر پیسے بھی زیادہ ملیں تو یہی آسان فیصلہ ہوگا، نسیم شاہ، حارث رؤف اور وسیم جونیئر کو فرسٹ کلاس کرکٹ کھیلنا چاہیے،سال میں پی ایس ایل کے سوا بھی 1،2 لیگز ضرور کھیلیں مگر طویل فارمیٹ کے میچز پر بھی توجہ دیں، ہمیں وقت ملتا تو 4ڈے میچز ضرور کھیلتے تھے۔

    ہوم گراؤنڈ پر مسلسل شکستوں کے سوال پر انھوں نے کہا کہ اس کی وجہ ہارنے کا خوف ہے، ہار جیت تو ہونی ہے مگر ڈر نہیں ہونا چاہیے،میں یہ نہیں کہتا کہ گرین ٹاپ پچ ہو مگر تھوڑا باؤنس ضرور ہونا چاہیے،2دن بیٹنگ ہو، تیسرے چوتھے روز ٹرن کرے، ٹیم چاہے 3 دن میں بھی میچ ہارجائے مگر پچ اچھی ہونی چاہیے، ڈیڈ پچز پر اسی طرح کی صورتحال ہوتی ہے،ہوم سیریز کو شائقین کی توجہ حاصل نہ ہوئی، میچز بھی ہم ہارگئے۔

  • فوڈ پانڈا نے اسلام آباد یونائیٹڈ کے ساتھ اشتراک کرلیا

    فوڈ پانڈا نے اسلام آباد یونائیٹڈ کے ساتھ اشتراک کرلیا

    فوڈ پانڈا نے ایچ بی ایل پی ایس ایل 8 میں شمولیت اختیار کرتے ہوئے اسلام آباد یونائیٹڈ سے شراکت داری کرلی ہے۔

    باغی ٹی وی : فوڈ پانڈا پاکستان، ملک کا بڑا آن لائن فوڈ اور گروسری ڈیلیوری پلیٹ فارم ہے، جس کی جانب سے پاکستان سپر لیگ (پی ایس ایل) کی کامیاب ترین فرنچائز اور 2 بار کی چیمپئن اسلام آباد یونائیٹڈ کے ساتھ شراکت داری کا اعلان کیا گیا ہے۔

    ہر بیٹی کی پیدائش پر قسمت بدلتے دیکھا ہے،شاہد آفریدی


    اسلام آباد یونائیٹڈ کے کپتان شاداب خان ہیں اور اس کے مالک علی نقوی ہیں فوڈ پانڈا کو اسلام آباد یونائیٹڈ کے آفیشل کیو کامرس پارٹنر کا درجہ دیا گیا ہے اسلام آباد یونائیٹڈ کی ٹیم فوڈ پانڈا کی پنک کٹس زیب تن کرے گی-


    فوڈ پانڈا ملک کے آن ائن ڈیلیوری مارکیٹ پلیس کی قیادت کرنے والا ایپ اور ویب پر مبنی پلیٹ فارم ہے، جس کے ذریعے ملک بھر میں فوڈ، گروسریز اور ضروری اشیا کے آرڈر کیے جاتے ہیں۔


    ملک بھر میں 20 ہزار سے زیادہ ریستوران، ہوم شیف، دکانیں اور پانڈمارٹس کے ساتھ کمپنی کا مقصد ملک بھر کے 40 سے زیادہ شہروں میں کاروبار میں اضافہ اور روزگار کے مواقع پیدا کرنا ہے۔

    شاہد آفریدی کابطور چیف سلیکٹر کی ذمہ داری پوری ہونے پر پیغام

    اسلام آباد یونائیٹڈ کے ساتھ شراکت داری کے بارے میں، سید وقاص اظہر، ڈائریکٹر مارکیٹنگ فوڈ پانڈا پاکستان نےکہافوڈ پانڈا ہمیشہ پاکستانی سامعین کی نبض پر اپنی انگلی رکھنے میں کامیاب رہا ہے، اور کرکٹ ایک ایسا جذبہ ہے جو بار بار ان کے دلوں کو چھوتا ہے۔ ہم گزشتہ سیزن میں اپنی شراکت کی کامیابی کے بعد دو بار کی چیمپئن اسلام آباد یونائیٹڈ کے ساتھ دوبارہ شراکت کرنے کے لیے پرجوش ہیں اور امید کرتے ہیں کہ 2023 میں ان کے ساتھ کچھ دلچسپ چیزیں کریں گے۔

    شراکت داری کے بارے میں اپنے خیالات کا اضافہ کرتے ہوئے، اسلام آباد یونائیٹڈ کے مالک علی نقوی نے کہا، "ہم فوڈ پانڈا پاکستان کے ساتھ ایک بار پھر شراکت کرنے کے لیے پرجوش ہیں، جو ملک میں کھانے اور گروسری کی آن لائن ڈیلیوری کے سب سے بڑے پلیٹ فارم ہیں۔ پاکستان بھر میں ان کی رسائی بے مثال ہے اور ان کی پیشہ ورانہ مہارت اور عمدگی کی وہ اقدار ہیں جو وہ ہمارے ساتھ بانٹتے ہیں۔ پچھلے سیزن میں اس پارٹنرشپ کے ساتھ ملک بھر میں ہماری رسائی کو دیکھتے ہوئے، پی ایس ایل 8 کے لیے اس شراکت داری کو جاری رکھنا ہمارے لیے فطری تھا۔

    یقین ہے کہ بھارتی ٹیم کو وقت سے پہلے ویزے جاری ہوجائیں گے،پاکستان بیس بال فیڈریشن

    اسلام آباد یونائیٹڈ پاکستان سپر لیگ (پی ایس ایل) کی سب سے کامیاب ٹیم ہے۔ HBL PSL کے پہلے اور تیسرے سیزن کا فاتح۔ فرنچائز بین الاقوامی معیار کے مشق اور مسلسل ترقی کے عزم کے ساتھ پاکستانی کھیلوں میں تبدیلی لانے پر یقین رکھتی ہے۔

    قبل ازیں ٹیٹرا پیک پاکستان نے 13 فروری سے شروع ہونے والے پاکستان سپر لیگ (پی ایس ایل) کےسیزن 8 میں اسلام آباد یونائیٹڈ کے ساتھ آفیشل نیوٹریشن پارٹنر کے طور پر اپنی شراکت داری کا اعلان کیا تھا اس حوالے سے 12 جنوری 2023 کو لاہور میں پاکستان کرکٹ بورڈ (PCB) کے زیر اہتمام ایک خصوصی تقریب کے دوران معاہدے پر دستخط کیے تھے۔

    ٹیٹرا پیک2019 سے پی ایس ایل میں اسلام آباد یونائیٹڈ کا آفیشل نیوٹریشن پارٹنر رہا ہےاوریہ سیزن اس پارٹنرشپ کے پانچ سال مکمل کررہا ہے۔ دستخط کی اس تقریب میں دونوں فریقین کی جانب سے اعلی حکام نے شرکت کی۔اس تعاون کا مقصد محفوظ اور صحت بخش پیک شدہ دودھ کے استعمال کے غذائی فوائد اور صحت مند اور فعال طرززندگی کو برقرار رکھنےکے لیے اس کی اہمیت کے بارے میں شعور اجا گر کرنا ہے۔

    شاہین آفریدی کابنگلہ دیش پریمیئر لیگ سے دستبردار ہونے کا اعلان

    اس شراکت داری پر تبصرہ کرتے ہوئے، ٹیٹرا پیک پاکستان کے منیجنگ ڈائریکٹر اویس بن نسیم نے کہا تھا کہ، محفوظ اور صحت بخش دودھ بھرپور ورزش کے بعد کھوئی ہوئی توانائی کو بحال کرنے کا بہترین ذریعہ ہے۔ اس کے لیے یہ ضروری ہے کہ دودھ کو بیکٹیریا اور ملاوٹ سے محفوظ رکھا جائےجوکہ ہماری 6 لیرز والی پیکیجنگ ٹیکنالوجی سے ہی ممکن ہے جو کسی کیمیکل یا پری زرویٹیو کے استعمال کے بغیر دودھ کی غذائیت کو یقینی بناتا ہے۔

    انہوں نے کہا تھا کہ اسلام آباد یونائیٹڈ کے ساتھ ہمارا یہ تعاون ڈبے میں محفوظ اور غذائیت سے بھرپوردودھ کے استعمال کی اہمیت کے بارے میں آگاہی بڑھانے کا ایک ذریعہ ہے۔

    پی سی بی نےسابق ٹیسٹ کرکٹرز کی پینشن میں اضافہ کردیا

  • برسبین ون ڈے؛ آسٹریلیا کی پاکستان کو 8 وکٹوں سے شکست

    برسبین ون ڈے؛ آسٹریلیا کی پاکستان کو 8 وکٹوں سے شکست

    برسبین ون ڈے؛ آسٹریلیا کی پاکستان کو 8 وکٹوں سے شکست

     آسٹریلیا ویمن کرکٹ ٹیم نے پہلے ون ڈے میں ڈک ورتھ لوئس طریقہ کے تحت پاکستان ویمن ٹیم کو 8 وکٹوں سے شکست دے دی۔ برسبین میں کھیلے گئے پہلے ون ڈے کو بارش کے باعث 40 اوورز تک محدود کیا گیا۔ پاکستان ویمن ٹیم پہلے بیٹنگ کرتے ہوئے 8 وکٹوں کے نقصان پر 160 رنز بنا سکی۔ قومی ٹیم کی جانب سے ندا ڈار 59 رنز بنا کر نمایاں رہیں۔

    میزبان آسٹریلیا نے دو وکٹوں کے نقصان پر 161 رنز کا ہدف 29ویں اوور کی پانچویں گیند پر حاصل کر لیا۔ فوبی لیچ فیلڈ نے 78 رنز اور کپتان میگ لیننگ نے 67 رنز کی اننگز کھیلی۔ تین میچز پر مشتمل سیریز کا دوسرا ون ڈے 18 جنوری کو برسبین میں ہی کھیلا جائے گا جبکہ تیسرا ون ڈے 21 جنوری کو سڈنی میں ہوگا۔ ٹی ٹوئنٹی سیریز 24 جنوری سے شروع ہوگی۔

    مزید یہ بھی پڑھیں؛
    کنگ عبدالعزیز سٹریٹ دنیا کی سب سے طویل خطاطی والی دیوار بن گئی
    سعودی عرب میں افراطِ زرکی شرح 3.3 فی صد؛ مکانات کی وجہ سے مہنگائی میں اضافہ
    کراچی کے بلدیاتی انتخابات کے نتائج میں تاخیر ،پیپلز پارٹی آگے
    پیپلز پارٹی اور الیکشن کمیشن نے دھاندلی کے سارے ریکارڈ توڑے ہیں: مسرت جمشید

    جبکہ خیال رہے کہ اس سے قبل گزشتہ دنوں نیوزی لینڈ نے بلے بازوں کی ذمہ دارانہ کارکردگی کی بدولت پاکستان کو تین میچوں کی سیریز کے تیسرے اور فیصلہ کن میچ میں 2 وکٹوں سے شکست دے میچ کے ساتھ ساتھ سیریز بھی 1-2 سے اپنے نام کرلی۔ اس سے قبل پاکستان نے فخر زمان کی سنچری اور محمد رضوان کی نصف سنچری کی بدولت نیوزی لینڈ کے خلاف مقررہ 50 اوورز میں 9 وکٹوں پر 280 رنز بنائے تھے۔

    کراچی میں کھیلے گئے سیریز کے تیسرے اور فیصلہ کن ون ڈے میچ میں پاکستان نے ٹاس جیت کر نیوزی لینڈ کو باؤلنگ کی دعوت دی۔ ٹاس کے موقع پر بابر اعظم نے کہا کہ وکٹ بیٹنگ کے لیے سازگار لگ رہی ہے اس لیے ہم زیادہ سے زیادہ رنز بنانے کی کوشش کریں گے۔

    پاکستانی اوپنرز نے ایک مرتبہ پھر ناقص آغاز فراہم کیا، اس دفعہ سیریز میں اپنا پہلا میچ کھیلنے والے شان مسعود دوسرے اوور میں صفر پر فرگوسن کی وکٹ بن گئے۔ کپتان بابر اعظم بھی جلدی آؤٹ ہوئے، کیوی باؤلر بریسویل نے میزبان ٹیم کے کپتان کو ساتویں اوور میں اس وقت آؤٹ کیا جب ٹیم کا اسکور محض 21 رنز تھا اور انہوں نے صرف 4 رنز بنائے تھے۔

  • ہر بیٹی کی پیدائش پر قسمت بدلتے دیکھا ہے،شاہد آفریدی

    ہر بیٹی کی پیدائش پر قسمت بدلتے دیکھا ہے،شاہد آفریدی

    شاہد آفریدی کا کہنا ہے کہ وہ بہت خوش قسمت ہیں کہ ان کے پاس اللہ کی رحمتیں ہیں کیونکہ انہوں نے ہر بیٹی کے ساتھ اپنی قسمت بدلتے ہوئے دیکھی۔

    باغی ٹی وی : سماجی رابطے کی سائٹ انسٹاگرام پر قومی کرکٹ ٹیم کے سابق آل راؤنڈر شاہد آفریدی کا ایک ویڈیو تیزی سے وائرل ہورہا ہے جس میں وہ اپنی بیٹیوں کے حوالے سے بات کررہے ہیں۔

    شاہد آفریدی کابطور چیف سلیکٹر کی ذمہ داری پوری ہونے پر پیغام

    وائرل ہونے والے کلپ میں شاہد آفریدی نے کہا کہ ہمارے پٹھانوں کے خاندانوں میں بھی کہا جاتا ہے کہ بیٹا نہیں ہے تو تعویذ بناؤلیکن میں ان چیزوں کے سخت خلاف ہوں میں اپنی اہلیہ کو کئی بار حدیث سنائی کہ بیٹیاں اللہ کی رحمت ہیں۔

    انہوں نے کہا کہ اللہ تعالیٰ قرآن میں فرماتا ہے میں جس کو اولاد دوں تو یہ کہتا ہوں کہ باپ کی فکر نہ کرو، باپ کا سہارا میں بنوں گا، قرآن پر ہمارا ایمان اور یقین ہے،اللہ تعالی نے باپ، بیٹی اور ماں ، بیٹے کا رشتہ بنایا ہے۔

    ایم کیو ایم نے الیکشن کمیشن کے خلاف چیف جسٹس کو خط لکھ دیا

    انہوں نے کہا کہ میری اہلیہ بھی بیٹے کی کمی محسوس کرتی تھی لیکن انہیں کبھی فکر اس لیے نہیں ہوئی کہ ان کا شوہر مطمئن ہے، اہلیہ کو پتا ہے کہ میں اپنی بیٹیوں سے بہت خوش ہوں، انہیں محبت دیتا ہوں اس لیے میری اہلیہ بھی کافی ریلیکس ہیں۔

    بیٹیوں سے تعلق پر بات کرتے ہوئے سابق کپتان کا کہنا تھا کہ میں بہت قسمت والا ہوں کہ میرے پاس اللہ کی رحمتیں ہیں اور الحمد اللہ میں نے ہر بیٹی کے ساتھ اپنی قسمت کو بدلتے ہوئے دیکھا ہے۔

    ای پاسپورٹس اجرا کے لیے فیس شیڈول جاری

  • شاہد آفریدی کابطور چیف سلیکٹر کی ذمہ داری پوری ہونے پر پیغام

    شاہد آفریدی کابطور چیف سلیکٹر کی ذمہ داری پوری ہونے پر پیغام

    لاہور: قومی کرکٹ ٹیم کے سابق کپتان اور آل راؤنڈر شاہد آفریدی کی بطور چیف سلیکٹر کی مدت ختم ہو گئی-

    باغی ٹی وی:گزشتہ سال 24 دسمبر کو شاہد آفریدی کو نیوزی لینڈ کیخلاف ہوم سیریز کیلئے عبوری سلیکشن کمیٹی کاچیئرمین مقررکیا گیا تھا، عبد الرزاق، راؤ افتخار انجم رکن اور ہارون رشید کنوینر کے طور پر شامل تھے،سلیکشن کمیٹی نے ٹیسٹ اور ون ڈے اسکواڈز منتخب کئے۔

    سیریز کے اختتام پر سوشل میڈیا پر اپنے پیغام میں شاہد آفریدی نے پی سی بی کا شکریہ ادا کرتے ہوئے لکھا کہ عبوری چیف سلیکٹر کے طور پر کردار ادا کرنے کا موقع دینے پر پی سی بی کا شکریہ، میں نے اس ذمہ داری کا بھرپور لطف اٹھایا-

    انہوں نے کہا کہ امید ہے کہ میں اپنے دلیرانہ فیصلوں کے باعث مداحوں کی امیدوں پر پورا اترا ہوں گا، میں ہمیشہ کسی بھی طور پر پاکستان کی خدمت کیلیے دستیاب رہوں گا۔

    شاہین آفریدی کابنگلہ دیش پریمیئر لیگ سے دستبردار ہونے کا اعلان

    سابق کپتان نے نیوزی لینڈ کو ون ڈے سیریز میں فتح پر مبارکباد پیش کرتے ہوئے کہا ہے کہ میں پرُ اعتماد ہوں کہ قومی ٹیم جلد فارم میں واپس آئے گی۔

    واضح رہے کہ پی سی بی کی مینجمنٹ کمیٹی نے چارج سنبھالنے کے بعد محمد وسیم کی سربراہی میں کام کرنے والی سلیکشن کمیٹی کو تحلیل کردیا تھا۔

  • پاکستان نیوزی لینڈ:ٹیسٹ سیریز برابر:ون ڈے میں شکست؛ کھلاڑی گھروں کو لوٹ گئے

    پاکستان نیوزی لینڈ:ٹیسٹ سیریز برابر:ون ڈے میں شکست؛ کھلاڑی گھروں کو لوٹ گئے

    کراچی: نیوزی لینڈ کے خلاف سیریز کے اختتام کے بعد پاکستان کرکٹ ٹیم کے کھلاڑی اپنے اپنے گھروں کو لوٹ گئے۔اطلاعات کے مطابق دورہ پاکستان کے پہلے مرحلے میں 2 میچز پر مشتمل ٹیسٹ سیریز ہار جیت کے فیصلے کے بغیر ختم ہوگئی تھی جبکہ ون ڈے سیریز میں نیوزی لینڈ نے 1-2 سے کامیابی حاصل کی۔

    خواتین کا بین الاقوامی فٹبال ٹورنامنٹ جاری

    پاکستان کرکٹ ٹیم نے مسلسل تین سیریز جیتنے کے بعد ناکامی کا ذائقہ چکھنا پڑا۔ اس سے قبل پاکستان نے آسٹریلیا کے خلاف ہوم سیریز 1-2 سے جیتی تھی جبکہ نیدر لینڈ کو 0-3 سے زیر کرنے کے بعد ویسٹ انڈیز کو بھی 0-3 سے قابو کیا تھا۔

    دوسری جانب جمعہ کو پاکستان اور نیوزی لینڈ کے درمیان 110 واں میچ کھیلا گیا، مہمان ٹیم نے اپنی فتوحات کی 50 مکمل کی جبکہ پاکستان 56 ون ڈے انٹرنیشنل میچز اپنے نام کرچکا ہے، دونوں ممالک کے درمیان ایک میچ ٹائی ہوا جبکہ 3 میچز کا نتیجہ نہیں نکل سکا تھا۔

    پی سی بی نےسابق ٹیسٹ کرکٹرز کی پینشن میں اضافہ کردیا

    یاد رہےکہ کل نیوزی لینڈ نے پاکستان کو تیسرے ایک روزہ میچ میں 2 وکٹوں سے شکست دے کر سیریز 1-2 سے اپنے نام کرلی۔نیشنل اسٹیڈیم کراچی میں کھیلے گئے ایک روزہ سیریز کے تیسرے اور آخری میچ میں نیوزی لینڈ نے 281 رنز کا ہدف 8 وکٹوں کے نقصان پر 49 ویں اوور میں پورا کیا۔

    نیوزی لینڈ کی جانب سے گلین فلپس 4 چھکوں اور 4 چوکوں کی مدد سے 42 گیندوں پر 63 رنز بنا کر نمایاں رہے۔کپتان کین ولیمسن 53 اور ڈیوون کانوے 52 رنز بنا کر آؤٹ ہوئے۔ ڈیرل مچل 31 رنز بنا کر پویلین لوٹے۔

    بابر اعظم جو فیصلہ کرینگےمن وعن قبول ہوگا: نجم سیٹھی

    پاکستان کی جانب سے سلمان آغا اور محمد وسیم نے 2،2 جبکہ محمد نواز اور اسامہ میر نے 1،1 وکٹ حاصل کی۔اس سے قبل ٹاس جیت کر پہلے بیٹنگ کرتے ہوئے پاکستان نے مقررہ 50 اوورز میں 9 وکٹوں کے نقصان پر 280 رنز بنائے.

    ابتداء میں پاکستان کے بلے بازوں کی کارکردگی مایوس کن رہی۔ اوپنر شان مسعود صفر جبکہ کپتان بابراعظم 4 رنزبناکر پویلین لوٹ گئے، 21 کے مجموعی اسکور پر دو وکٹیں گرنے کے بعد فخز زمان اور محمد رضوان نے 153 رنز کی پارنٹرشپ قائم کی تاہم رضوان 77 رنز بناکر وکٹ گنوا بیٹھے، فخرزمان 101 رنز بنا کر رن آؤٹ ہوئے جبکہ حارث سہیل بھی 22 رنز بنا کر رن آؤٹ ہوگئے۔

    آغا سلمان نے 45 رنز کی اہم اننگ کھیلی تاہم وہ نصف سینچری مکمل نہ کرسکے اور گیند کو باؤنڈری سے باہر پھینکنے کی کوشش میں کیچ آؤٹ ہوگئے۔نیوزی لینڈ کی جانب سے ساوتھی نے 3، لوکی فرگوسن نے 2 جب کہ مچل بریسویل اور ایش سودھی نے ایک ایک وکٹ حاصل کی۔ فخر زمان اور حارث سہیل رن آؤٹ ہوئے۔

  • ہاکی ورلڈ کپ 2023 بھارت میں جاری

    ہاکی ورلڈ کپ 2023 بھارت میں جاری

    نیودہلی: ہاکی ورلڈ کپ 2023 بھارت کے شہروں بھبنیشور اور رورکیلا میں جاری ہے، ہاکی کے میگا ایونٹ میں کل بروز اتوارمزید دو میچ کھیلے جائیں گے،پہلا میچ یورپین ہیوی ویٹس سپین اور ویلز کے درمیان کھیلا جائے گا جبکہ اسی گروپ کے دوسرے میچ میں بھارت اور انگلینڈ کی ٹیموں کے درمیان کانٹے دار مقابلہ ہوگا،
    فروری میں نیشنل یوتھ سمٹ لاہور میں کروانے کا اعلان
    واضع رہے کہ قومی ٹیم ہاکی ورلڈ میں کوالیفائی نہ کرنے کے باعث ایونٹ شرکت نہیں کررہی ہے، قومی ٹیم کو سب سے زیادہ چار ولڈ کپ جیتنے کا اعزازحاصل ہے.

  • یقین ہے کہ بھارتی ٹیم کو وقت سے پہلے ویزے جاری ہوجائیں گے،پاکستان بیس بال فیڈریشن

    یقین ہے کہ بھارتی ٹیم کو وقت سے پہلے ویزے جاری ہوجائیں گے،پاکستان بیس بال فیڈریشن

    پاکستان بیس بال فیڈریشن کو یقین ہے کہ بھارتی ٹیم کو وقت سے پہلے ویزے جاری ہوجائیں گے۔

    باغی ٹی وی: بیس بال فیڈریشن کے صدر سید فخر علی شاہ کے مطابق 25 جنوری سے اسلام آباد میں شروع ہونے والے ویسٹ ایشیا بیس بال کپ میں ہمسایہ ملک کی ٹیم کا پاکستان آنا کھیلوں کے میدان میں بڑا بریک تھرو ہوگا-

    شاہین آفریدی کابنگلہ دیش پریمیئر لیگ سے دستبردار ہونے کا اعلان

    انہوں نے لاہور میں میڈیا سے گفتگو کرتے ہوئے کہا کہ بھارتی ٹیم نے ویزوں کے لیے تمام دستاویزات وہاں پر موجود پاکستان ایمبیسی میں جمع کروا رکھی ہیِں۔ویزوں کے اجرا کے بعد واہگہ بارڈر سے بھارتی ٹیم پاکستان میں داخل ہوگی۔ لاہور آمد پر مہمان ٹیم کا بھرہور استقبال کریں گے۔ یہاں سے ہھر انہیں اسلام آباد پہنچایا جائے گا۔

    خواتین کا بین الاقوامی فٹبال ٹورنامنٹ جاری

    صدر بیس بال فیڈریشن کا موقف تھا کہ بھارتی ٹیم کے آنے سے ایونٹ کی رونقیں دوبالا ہوں گی بلکہ کھیل کو بھی فروغ ملے گا۔ ویسٹ ایشیا بیس بال میں فلسطین، افغانستان سری لنکا اور بنگلہ دیش کی ٹیم بھی شرکت کررہی ہے