Baaghi TV

Category: کھیل

  • انٹر کالجز گرلز اتھلیٹکس چیمپئن شپ اختتام پزیر

    انٹر کالجز گرلز اتھلیٹکس چیمپئن شپ اختتام پزیر

    انٹر کالجز گرلز اتھلیٹکس چیمپئن شپ اختتام پزیر ہوگئی

    پشاور ۔ انٹر کالجز گرلز اتھلیٹکس چیمپئن شپ گورنمنٹ سٹی گرلز کالج نے جیت لیا ۔ انکی ٹیم نے اڑتالیس پوائنٹس لئے جبکہ فرنٹیئر کالج برائے خواتین نے بیس اور گورنمنٹ گرلز ڈگری کالج نحقی نے سات پوائنٹس کیساتھ تیسری پوزیشن حاصل کی ۔ پشاور سپورٹس کمپلیکس میں سٹی گرلز کالج کی سمیدا نے پندرہ پوائنٹس سے بہترین اتھلیٹ قرار پائی ہائیر ایجوکیشن ڈیپارٹمنٹ کے زیر اہتمام پشاور کے ٹارٹن ٹریک پر منعقدہ انٹر کالج گرلز اتھلیٹکس چیمپئن شپ میں سو میٹر ریلے ریس میں سٹی کالج کی مہک یوسف نے گولڈ میڈل فرنٹیئر کالج کی صبا نے سلور اور نحقی گرلز کالج کی سنبل نے براونز میڈل جیتا ۔ سو میٹر ریس میں سٹی گرلز کالج کی سمیدا نے سو میٹر ریس میں پہلی فرنٹیئر کالج کی حمیرا نے دوسری اورگلشن رحماں کی صبا نے تیسری پوزیشن حاصل کی چارسو میٹر ریس میں سٹی کالج کی سمیدا اول رہی جبکہ نحقی کالج کی مناہل اور فرنیٹر کالج کی صبا تیسری پوزیشن پر ائی۔

    عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

    عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

    شارٹ پٹ کے ایونٹ میں فرنئٹیر کالج کی زہرہ حیات آباد نمبر ون کالج کی سعدیہ نے دوسری اور درگئی گرلز کالج کی انیلہ نے تیسری پوزیشن حاصل کی ۔ جیولن تھرو میں سروش فرنٹیئر کالج نے گولڈ اور سٹی کالج کی زہرہ اور گلشن رحمان کی صبا نے تیسری پوزیشن حاصل کی دو سو میٹر میں سٹی کالج کی مہکان اور فرنٹیئر کالج کی حمیرا اور نحقی کالج کی سنبل نے بالترتیب پہلی دوسری اور تیسری پوزیشن حاصل کی ان مقابلوں میں آفیشل عدنان آفریدی ۔شہزاد۔ عارف ۔ مسعود نے انجام دئیے

  • فیفا ورلڈ کپ: پینالٹی ککس پر نیدر لینڈ کو شکست دے کرارجنٹائن نے سیمی فائنل کیلئے کوالیفائی کر لیا

    فیفا ورلڈ کپ: پینالٹی ککس پر نیدر لینڈ کو شکست دے کرارجنٹائن نے سیمی فائنل کیلئے کوالیفائی کر لیا

    قطر : فیفا ورلڈکپ کے کوارٹر فائنل میں ارجنٹائن نے سنسنی خیز مقابلے کے بعد نیدرلینڈز کو شکست دے کر سیمی فائنل کے لیے کوالیفائی کرلیا۔

    باغی ٹی وی : ارجنٹائن اور نیدرلینڈز کے درمیان کھیلا گیا دوسرا کوارٹرفائنل مقررہ وقت میں 2-2 گول سے برابر رہاارجنٹائن کی جانب سے پہلا گول مولینا نے 35 ویں منٹ میں کیا جبکہ دوسرا گول میسی نے 73ویں منٹ میں پینالٹی کک پر اسکور کیا-

    فیفا ورلڈ کپ:خلاف توقع برازیل ورلڈ کپ کی دوڑ سےباہر

    دوسری جانب نیدرلینڈز کے دونوں گول ویگ ہورسٹ نے کھیل کے آخری لمحات میں کیے میچ کو فیصلہ کن بنانے کے لیے 30 منٹ کا اضافی وقت دیا گیا مگر اُس میں بھی کوئی ٹیم گول نہ کرسکی جس کے بعد دونوں ٹیموں کو 5،5 پینالٹی ککس دی گئیں۔

    پینالٹی ککس سیشن میں ارجنٹائن نے 4 اور نیدرلینڈز نے 3 گول کیے، ارجنٹائن کی ٹیم دوسرے کوارٹر فائنل میں فتح حاصل کرکے سیمی فائنل میں پہنچ گئی جہاں اُس کا مقابلہ منگل کو کروشیا سے ہوگا۔

    اس سے قبل جمعہ کو کروشیا نے سنسنی خیز مقابلے کے بعد برازیل کو کوراٹر فائنل میں شکست دے کر سیمی فائنل میں جگہ بنائی۔

    امریکی باسکٹ بال سٹار برٹنی گرائنر روس کے ساتھ قیدیوں کے تبادلے میں رہا

    دوسری جانب عالمی فٹبال مقابلے فیفا ورلڈ کپ 2022 میں بہترین ٹیموں اور مایہ ناز کھلاڑیوں کیساتھ ساتھ آوارہ بلیاں بھی توجہ کا مرکز بنی ہوئی ہیں قطر میں آوارہ بلیاں فٹبال کے عالمی مقابلے فیفا ورلڈکپ 2022 کی نیوز کانفرنسوں، تربیتی سیشنز اور مختلف جگہوں پر کھلاڑیوں کے ساتھ ساتھ نظر آرہی ہیں۔

    قطر کی آوارہ بلیاں اس وقت عالمی میڈیا کی توجہ کا مرکز بنی جب ایک آوارہ بلی دوحہ کے حماد اسٹیڈیم میں ہورہی برازیلین اسٹار وینیکس کی پریس کانفرنس کے دوران چھلانگ لگاکر ٹیبل پر آبیٹھی۔یہ ایسی بلیاں ہیں جو باہر پھرتی رہتی ہیں، فرانسیسی فٹبالر رینڈال کولوموئی کا کہنا ہے کہ جب ہم باہر کھانا کھارہے ہوتے ہیں تو یہ بلیاں ہمارے ارد گرد گھوم رہی ہوتی ہیں اور عثمان دمبیلے ان سے بہت ڈرتے ہیں۔

    ملتان ٹیسٹ؛ ابرار احمد کی 7 وکٹیں، انگلش ٹیم 281 پر آل آؤٹ

    رینڈال کولوموئی نے میڈیا کانفرنس کے دوران قہقہہ لگاتے ہوئے بتایا کہ عثمان دمبیلے کے بلیوں سے ڈرنے پر سب کو بہت ہنسی آتی ہے۔

  • فیفا ورلڈ کپ:خلاف توقع برازیل ورلڈ کپ کی دوڑ سےباہر

    فیفا ورلڈ کپ:خلاف توقع برازیل ورلڈ کپ کی دوڑ سےباہر

    دوحہ: کروشیا نے فیفا ورلڈکپ کا سب سے بڑا اپ سیٹ کرتے ہوئے ٹورنامنٹ کی ہارٹ فیورٹ برازیل کا پتہ صاف کردیا۔تفصیلات کے مطابق دوحا کے ایجوکیشن سٹی اسٹیڈیم میں کھیلے گئے پہلے کوارٹر فائنل میں برازیل اور کروشیا مد مقابل آئیں۔

    دونوں ٹیموں کے درمیان دلچسپ اور سنسنی خیز مقابلہ دیکھنے کو ملا، دونوں ٹیموں نے متعدد بار ایک دوسرے کے گول پوسٹ پر حملے کئے تاہم کسی ٹیم کو کامیابی نہ مل سکی

    مقررہ وقت میں دونوں ٹیموں کا مقابلہ بغیرکسی گول کےبرابرتھا، دونوں ٹیموں نے ایک ایک گول اضافی وقت میں کیا، جس کے بعد فیصلہ پیلنٹی کارنر پر ہوا۔

    ادھریہ خبریں بھی بڑی تیزی سے وائرل ہورہی ہیں کہ قطر میں ہورہے عالمی فٹبال مقابلے فیفا ورلڈ کپ 2022 میں بہترین ٹیموں اور مایہ ناز کھلاڑیوں کیساتھ ساتھ آوارہ بلیاں بھی توجہ کا مرکز بن گئیں۔قطر میں آوارہ بلیاں فٹبال کے عالمی مقابلے فیفا ورلڈکپ 2022 کی نیوز کانفرنسوں، تربیتی سیشنز اور مختلف جگہوں پر کھلاڑیوں کے ساتھ ساتھ نظر آرہی ہیں۔

    قطر کی آوارہ بلیاں اس وقت عالمی میڈیا کی توجہ کا مرکز بنی جب ایک آوارہ بلی دوحہ کے حماد اسٹیڈیم میں ہورہی برازیلین اسٹار وینیکس کی پریس کانفرنس کے دوران چھلانگ لگاکر ٹیبل پر آبیٹھی۔یہ ایسی بلیاں ہیں جو باہر پھرتی رہتی ہیں، فرانسیسی فٹبالر رینڈال کولوموئی کا کہنا ہے کہ جب ہم باہر کھانا کھارہے ہوتے ہیں تو یہ بلیاں ہمارے ارد گرد گھوم رہی ہوتی ہیں اور عثمان دمبیلے ان سے بہت ڈرتے ہیں۔

    رینڈال کولوموئی نے میڈیا کانفرنس کے دوران قہقہہ لگاتے ہوئے بتایا کہ عثمان دمبیلے کے بلیوں سے ڈرنے پر سب کو بہت ہنسی آتی ہے۔

  • جناح پولو فیلڈزکےزیراہتمام کورکمانڈرپولوکپ سپانسرڈ:دوبڑی ٹیموں نےکوالیفائی کرلیا

    جناح پولو فیلڈزکےزیراہتمام کورکمانڈرپولوکپ سپانسرڈ:دوبڑی ٹیموں نےکوالیفائی کرلیا

    لاہور:جناح پولو فیلڈز کے زیراہتمام کور کمانڈر پولو کپ سپانسرڈ بائی ڈائمنڈ پینٹس میں ماسٹر پینٹس بلیک اور ریمنگٹن فارما نے فائنل کیلئے کوالیفائی کرلیا۔ تفصیلات کے مطابق جناح پولو فیلڈز میں ڈائمنڈ پینٹس کے تعاون سے جاری کور کمانڈر کپ کے سیمی فائنلز کو دیکھنے کیلئے تماشائیوں کی ایک بہت بڑی تعداد موجود تھی۔

     

     

    اس موقع پر سی ای او ڈائمنڈ پینٹس میر شعیب احمد، ڈائریکٹر میر حذیفہ احمد، کلب کے صدر لیفٹیننٹ کرنل شعیب آفتاب (ر)، میجربابر محبوب اعوان (ر)اور فیملیز کی بڑی تعداد موجود تھی۔ پہلے میچ میں ماسٹر پینٹس بلیک نے زبردست مقابلے کے بعد ایف جی /دین پولو کی ٹیم کو 8-7.5 سے ہرا دیا۔

    سری لنکن کھلاڑی شاندار کیچ پکڑتے ہوئے 4 دانت تڑوا بیٹھے،ویڈیو وائرل

    دونوں ٹیموں کے درمیان زبردست پولومیچ دیکھنے کو ملا۔ ماسٹر پینٹس بلیک کی طرف سے مینول کرانزا نے 6، متبادل کھلاڑی آغا موسی علی خان نے دو گول سکور کیے۔ ایف جی /دین پولو کی طرف سے تھامس مرینو نے 6 اور فرہاد شیخ نے ایک گول سکور کیا جبکہ آدھا گول ہینڈی کیپ ایڈوانٹیج حاصل ہوگا۔

     

    دوسرے سیمی فائنل میں ریمنگٹن فارما کی ٹیم نے ڈائمنڈ پینٹس شیخو سٹیل کی ٹیم کو 6.5-6سے ہرا دیا۔ دونوں ٹیموں کے درمیان بہت ہی زبردست مقابلہ ہوا۔ حمزہ مواز خان نے چار، احمد زبیر بٹ اور احمد بلال ریاض نے ایک ایک گول سکور کیا۔ ڈائمنڈ پینٹس /شیخو سٹیل کی طرف سے نکلوس انٹورنیو نے پانچ، اور میر حذیفہ احمد نے ایک گول سکور کیا۔

    اسکائی ونگز کی سول ایوی ایشن کے الزامات کی تردید، قانونی کاروائی کا عندیہ دے دیا

    یاد رہے کہ جناح پولو فیلڈز کے زیراہتمام کور کمانڈر پولو کپ سپانسرڈ بائی ڈائمنڈ پینٹس بروز منگل 29 نومبر کو شروع ہوا۔ جناح پولو فیلڈز کے صدر لیفٹیننٹ کرنل شعیب آفتاب (ر) کے مطابق پہلی بار پاکستان میں آٹھ گول کے ٹورنامنٹ میں 14 ٹیمیں شامل ہیں جن کو چار زونز میں تقسیم کیا گیا ہے۔ ہر ٹیم میں غیرملکی کھلاڑی بھی شریک ہیں۔کور کمانڈر کپ پاکستان پولو ایسوسی ایشن کا کیلنڈر ایونٹ ہے اور ہر سال یہاں منعقد ہوتا ہے۔ اس سال بھی اس ٹورنامنٹ کو ڈائمنڈ پینٹس نے سپانسر کیا گیا

  • ملتان ٹیسٹ؛ انگلینڈ کیخلاف پاکستان کی دوسری وکٹ گر گئی

    ملتان ٹیسٹ؛ انگلینڈ کیخلاف پاکستان کی دوسری وکٹ گر گئی

    ملتان:ملتان ٹیسٹ؛ انگلینڈ کیخلاف پاکستان کی دوسری وکٹ گر گئی ،اطلاعات کے مطابق ملتان ٹیسٹ کے پہلے روز انگلش ٹیم کے 281 رنز کے جواب میں پاکستان نے 2 وکٹوں کے نقصان پر 51 رنز بنالیے۔

    ملتان کرکٹ اسٹیڈیم میں کھیلے جارہے میچ میں قومی ٹیم کیلئے ڈیبیو کرنے والے ابرار احمد نے انگلش ٹیم کے 7 کھلاڑیوں کو پویلین کی راہ دیکھائی، جس میں زیک کرولی 19، بین ڈکٹ 63، اولی پوپ 60، جو روٹ 8، ہیری بروک 9، کپتان بین اسٹوکس 30، ول جیکس 31 رنز بناکر آؤٹ ہوئے، زاہد محمود نے اولی روبنسن، جک لیچ اور جیمز اینڈرسن کی وکٹیں حاصل کیں۔

    اس سے قبل انگلش ٹیم کے کپتان بین اسٹوکس نے ٹاس جیت پہلے بیٹنگ کرنے کا فیصلہ کیا، انہوں نے کہا کہ راولپنڈی سے مختلف پچ ہے کوشش ہوگی پاکستان کو انڈر پریشر رکھیں۔ اس موقع قومی ٹیم کے کپتان بابراعظم نے کہا کہ ٹاس جیتتے تو پہلے بیٹنگ کرتے تاہم جلد انگلش بیٹرز کی وکٹیں حاصل کرکے میچ میں کم بیک کریں گے۔

    دوسری جانب قومی ٹیم کے نوجوان فاسٹ بولر نسیم شاہ اور حارث رؤف انجریز کے باعث ملتان ٹیسٹ سے باہر ہوگئے ہیں۔

    واضح رہے کہ قومی ٹیم میں تین تبدیلیاں کی گئیں، ابرار احمد آج ڈیبیو کریں گے جبکہ نسیم شاہ اور اظہر علی کی جگہ فہیم اشرف اور محمد نواز کو پلئینگ الیون کا حصہ بنایا گیا ہے۔

    پاکستان کا اسکواڈ
    کپتان بابراعظم، امام الحق، عبداللہ شفیق، سعود شکیل، محمد رضوان، آغا سلمان، محمد نواز، فہیم اشرف، زاہد محمود، ابرار احمد اور محمد علی شامل ہیں۔

    انگلینڈ کا اسکواڈ
    کپتان بین اسٹوکس، زیک کرولی، بین ڈکٹ، اولی پوپ، جو روٹ، ہیری بروک، ول جیکس، اولی رابنسن، جیک لیچ، مارک ووڈ اور جیمز اینڈرسن شامل ہیں۔

  • ملتان ٹیسٹ؛ ابرار احمد کی 7 وکٹیں، انگلش ٹیم 281 پر آل آؤٹ

    ملتان ٹیسٹ؛ ابرار احمد کی 7 وکٹیں، انگلش ٹیم 281 پر آل آؤٹ

    ملتان ٹیسٹ؛ ابرار احمد کی 7 وکٹیں، انگلش ٹیم 281 پر آل آؤٹ

    ملتان ٹیسٹ کے پہلے دن انگلش ٹیم 281 پر پویلین لوٹ گئی، ڈیبیو کرنے والے ابرار احمد نے سات کھلاڑیوں کو آؤٹ کیا۔ ملتان کرکٹ اسٹیڈیم میں کھیلے جارہے میچ میں قومی ٹیم کیلئے ڈیبیو کرنے والے ابرار احمد نے انگلش ٹیم کے 7 کھلاڑیوں کو پویلین کی راہ دیکھائی، جس میں زیک کرولی 19، بین ڈکٹ 63، اولی پوپ 60، جو روٹ 8، ہیری بروک 9، کپتان بین اسٹوکس 30، ول جیکس 31 رنز بناکر آؤٹ ہوئے، زاہد محمود نے اولی روبنسن، جک لیچ اور جیمز اینڈرسن کی وکٹیں حاصل کیں۔
    مزید یہ بھی پڑھیں؛
    مارگلہ کی پہاڑیوں پر نایاب نسل کا تیندوہ مردہ حالت میں پایا گیا
    خاشقجی کی منگیتر، نے امریکی عدالت کے فیصلے پر ردعمل میں کہا کہ "جمال آج پھر انتقال کر گئے ہیں۔”
    دنیا میں ترقی جنگوں سے نہیں بیلٹ پیپر سے آئی،سیکرٹری الیکشن کمیشن
    عمران خان کے خلاف ممنوعہ فنڈنگ کیس کی سماعت 19دسمبر تک ملتوی
    ارشد شریف قتل کیس ازخود نوٹس،فیکٹ فائنڈنگ کمیٹی کی رپورٹ سپریم کورٹ میں جمع
    اس سے قبل انگلش ٹیم کے کپتان بین اسٹوکس نے ٹاس جیت پہلے بیٹنگ کرنے کا فیصلہ کیا، انہوں نے کہا کہ راولپنڈی سے مختلف پچ ہے کوشش ہوگی پاکستان کو انڈر پریشر رکھیں۔ اس موقع قومی ٹیم کے کپتان بابراعظم نے کہا کہ ٹاس جیتتے تو پہلے بیٹنگ کرتے تاہم جلد انگلش بیٹرز کی وکٹیں حاصل کرکے میچ میں کم بیک کریں گے۔

    دوسری جانب قومی ٹیم کے نوجوان فاسٹ بولر نسیم شاہ اور حارث رؤف انجریز کے باعث ملتان ٹیسٹ سے باہر ہوگئے ہیں۔
    واضح رہے کہ قومی ٹیم میں تین تبدیلیاں کی گئیں، ابرار احمد آج ڈیبیو کریں گے جبکہ نسیم شاہ اور اظہر علی کی جگہ فہیم اشرف اور محمد نواز کو پلئینگ الیون کا حصہ بنایا گیا ہے۔

    پاکستان کا اسکواڈ

    کپتان بابراعظم، امام الحق، عبداللہ شفیق، سعود شکیل، محمد رضوان، آغا سلمان، محمد نواز، فہیم اشرف، زاہد محمود، ابرار احمد اور محمد علی شامل ہیں۔

    انگلینڈ کا اسکواڈ

    کپتان بین اسٹوکس، زیک کرولی، بین ڈکٹ، اولی پوپ، جو روٹ، ہیری بروک، ول جیکس، اولی رابنسن، جیک لیچ، مارک ووڈ اور جیمز اینڈرسن شامل ہیں۔

  • امریکی باسکٹ بال سٹار برٹنی گرائنر روس کے ساتھ قیدیوں کے تبادلے میں رہا

    امریکی باسکٹ بال سٹار برٹنی گرائنر روس کے ساتھ قیدیوں کے تبادلے میں رہا

    واشنگٹن:امریکی باسکٹ بال سٹار برٹنی گرائنر کو روس کے ساتھ قیدیوں کے تبادلے میں رہا کر دیا گیا ہے اور وہ امریکہ واپس جا رہی ہیں، صدر جو بائیڈن نے جمعرات کو کہا کہ اس نے مہینوں جہنم میں گزارے

    روسی وزارت خارجہ نے کہا کہ اس نے گرائنر کی تجارت روسی شہری وکٹر بوٹ کے لیے کی تھی، جو ایک سابق اسلحہ ڈیلر تھا۔ روسی خبر رساں ایجنسیوں نے بتایا کہ یہ تبادلہ متحدہ عرب امارات کے ابوظہبی ہوائی اڈے پر ہوا۔

    بائیڈن نے وائٹ ہاؤس میں نامہ نگاروں کو بتایا، "وہ محفوظ ہیں، وہ ہوائی جہاز میں ہیں، وہ کئی مہینوں کے بعد روس میں غیر منصفانہ طور پر حراست میں لیے جانے کے بعد گھر جا رہی ہیں، جو ناقابل برداشت حالات میں رکھے گئی ہیں،” بائیڈن نے وائٹ ہاؤس میں نامہ نگاروں کو بتایا کہ وہ اگلے 24 گھنٹوں میں پہنچ جائیں گی۔ "یہ وہ دن ہے جس کی طرف ہم نے طویل عرصے سے کام کیا ہے۔ ہم نے کبھی بھی اس کی رہائی کے لیے دباؤ نہیں چھوڑا۔

    خواتین کی قومی باسکٹ بال ایسوسی ایشن کی فینکس مرکری کی سٹار 32 سالہ گرائنر کو 17 فروری کو گرفتار کیا گیا تھا۔ اس کی رہائی کو محفوظ بنانے کے لیے بات چیت 24 فروری کو یوکرین پر روس کے حملے اور اس کے نتیجے میں واشنگٹن اور ماسکو کے درمیان تعلقات کی گہرے کھٹائی کے باعث پیچیدہ ہو گئی تھی۔یہ تبادلہ حملے کے بعد سے واشنگٹن اور ماسکو کے درمیان تعاون کی سب سے اعلیٰ اور نایاب مثالوں میں سے ایک تھی۔

    متحدہ عرب امارات اور سعودی عرب کے مشترکہ بیان میں کہا گیا ہے کہ متحدہ عرب امارات کے صدر اور سعودی ولی عہد نے ثالثی کی کوششوں کی جس نے گرینر کی رہائی کو محفوظ بنایا۔

    اسے 4 اگست کو ایک پینل کالونی میں منشیات رکھنے اور اسمگل کرنے کے الزام میں نو سال کی سزا سنائی گئی۔ اس نے جرم قبول کیا تھا، لیکن کہا کہ اس نے "ایماندارانہ غلطی” کی تھی اور اس کا مقصد قانون کو توڑنا نہیں تھا۔پچھلے مہینے اسے اپنی جیل کی سزا پوری کرنے کے لیے روسی علاقے موردوویا کی ایک پینل کالونی لے جایا گیا تھا۔

  • پاکستان برج فیڈریشن کے زیر انتظام 22 ویں برج فیڈریشن آف ایشیا اینڈ مڈل ایسٹ چیمپین شپ کے پاکستان میں انعقاد کا اعلان

    پاکستان برج فیڈریشن کے زیر انتظام 22 ویں برج فیڈریشن آف ایشیا اینڈ مڈل ایسٹ چیمپین شپ کے پاکستان میں انعقاد کا اعلان

    پاکستان برج فیڈریشن کے زیر انتظام 22 ویں برج فیڈریشن آف ایشیا اینڈ مڈل ایسٹ چیمپین شپ کے پاکستان میں انعقاد کا اعلان

    باغی ٹی وی کی رپورٹ کے مطابق پاکستان برج فیڈریشن کے زیر انتظام 22 ویں برج فیڈریشن آف ایشیا اینڈ مڈل ایسٹ چیمپین شپ کے پاکستان میں انعقاد کا اعلان کر دیا گیا

    اس ضمن میں پنجاب کے صوبائی دارالحکومت لاہور میں جمخانہ کلب میں ایک تقریب ہوئی جس میں 22 ویں برج فیڈریشن آف ایشیا اینڈ مڈل ایسٹ چیمپین شپ کے پاکستان میں انعقاد کے لئے یادداشت پر دستخط کئے گئے، پاکستان برج فیڈریشن کے صدر مبشر لقمان اور برج فیڈریشن آف ایشیا اینڈ مڈل ایسٹ کے صدربحجت ماجالی نے معاہدے پر دستخط کئے، اس موقع پر پاکستان برج فیڈریشن کے جنرل سیکرٹری احسان قادر، منیجر پاکستان برج فیڈریشن سیکرٹریٹ کاظم نقوی سمیت دیگر اراکین بھی موجود تھے،

    پاکستان برج فیڈریشن کے صدر مبشر لقمان کی زیر قیادت پاکستان میں برج کے فروغ کے لیے عملی اقدامات کا سلسلہ جاری ہے۔ پاکستان میں 2007 کے بعد پاکستان برج فیڈریشن کے زیر انتظام 22 ویں برج فیڈریشن آف ایشیا اینڈ مڈل ایسٹ چیمپین شپ اگلے برس ماہ مئی میں پنجاب کے صوبائی دارالحکومت لاہور میں منعقد کی جائے گی۔ 3 مئی سے شروع ہونیوالی چیمپئن شپ 11 مئی تک جاری رہے گی ۔ جس میں انڈیا، بنگلہ دیش،نیپال، سری لنکا،اردن، یو اے ای،سعودی عرب، قطر ،شام،لبنان سمیت 22 ممالک کے کھلاڑی اور ٹیمیں شرکت کریں گے۔ لاہور میں ہونے والی چیمپین شپ کے نتائج آنے سے آٹھ ممالک ورلڈ برج چیمپئن شپ کے لئے کوالیفائی کریں گے ، ورلڈ برج چیمپین شپ اگلے برس اگست میں مراکو میں ہو گی،

    اس موقع پر پریس کانفرنس کرتے ہوئے مبشر لقمان کا کہنا تھا کہ کوئی بھی اس گیم میں حصہ لے سکتا ہے، مرد ہوں یا خواتین سب اس گیم میں حصہ لے سکتے ہیں، بچے بھی، کسی پر کوئی پابندی نہیں ہو گی،

    برج فیڈریشن آف ایشیا اینڈ مڈل ایسٹ کے صدربحجت ماجالی کا اس موقع پر کہنا تھا کہ پاکستان برج فیڈریشن کے صدر مبشر لقمان ہیں، جو برج کے فروغ کے لئے متحرک ہیں، پاکستان برج فیڈریشن احسن کام کر رہی ہے اور برج کے کھلاڑیوں کو سہولیات دے رہی ہے، ہم مبشر لقمان، اور پاکستان برج فیڈریشن کے شکر گزار ہیں جنکی کوششوں سے پاکستان میں بین الاقوامی کھلاڑی آئیں گے اور پاکستان کے کلچر کو دیکھیں گے،

    پاکستان برج فیڈریشن کے صدر مبشر لقمان کا کہنا ہے کہ برج کے فروغ کے لیے برج فیڈریشن آف ایشیا اینڈ مڈل ایسٹ چیمپین شپ اہم قدم ہے ۔پاکستان برج فیڈریشن کے زیر اہتمام پاکستان کے دیگر شہروں میں بھی برج کے ٹورنامنٹ کروائے جائیں گے جبکہ برج سیکھنے کے خواہشمند افراد کو پاکستان برج فیڈریشن کے زیر اہتمام فری تربیت دی جائے گی یہ ایک ذہنی گیم ہے اس میں ذہن پر بہت زور پڑتا ہے یہ گیم کھیلنے والا بہترین پلانر اور فیصلہ ساز بن سکتا ہے

    مبشر لقمان پاکستان برج فیڈریشن کے صدر منتخب

    سپریم نیشنل برج چیمپئن شپ:باغی ٹی وی ٹیم کی شاندار کاکردگی

    لاہور میں تین روزہ پاکستان نیشنل برج ٹورنامنٹ اختتام پذیر 

    برج گیم میں جوا اور پیسے نہیں لگتے:برج پلیئرغیاث ملک ، جہانگیر اور سعید اختر

    جورڈن(اردن) انٹرنیشنل برج فیسٹول میں باغی ٹی وی کی ٹیم شرکت 

  • نسیم شاہ کندھے کی تکلیف کا شکار، ملتان ٹیسٹ میں شرکت مشکوک

    نسیم شاہ کندھے کی تکلیف کا شکار، ملتان ٹیسٹ میں شرکت مشکوک

    ملتان : پاکستان کے نوجوان بولر نسیم شاہ کی ملتان ٹیسٹ میں شرکت مشکوک ہوگئی ہے۔اطلاعات کے مطابق نسیم شاہ دائیں کندھے کی تکلیف کے شکار ہوگئے ہیں جس کے باعث انہوں نے ملتان میں ٹریننگ سیشن میں بولنگ بھی نہیں کی۔

     

    ذرائع کے مطابق نسیم شاہ نے احتیاطاً بولنگ نہیں کی۔ذرائع نے مزید بتایا کہ نسیم شاہ کی انگلینڈ کے خلاف دوسرے ٹیسٹ میں شرکت مشکوک ہے۔خیال رہے کہ پاکستان اور انگلینڈ کے درمیان دوسرا ٹیسٹ کل شروع ہوگا۔

    فیفا ورلڈکپ میں مراکشی کھلاڑیوں نے فتح کے بعد فلسطین کا جھنڈا لہرا دیا

    یہ بھی معلوم ہوا ہے کہ 3 میچوں کی سیریز کے پہلے میچ میں انگلینڈ نے پاکستان کو شکست دی تھی۔

     

     

    دوسری طرف انگلینڈ کی ٹیسٹ ٹیم کے کپتان بین اسٹوکس کا کہنا ہے کہ جانتے ہیں کہ پاکستانی ٹیم ملتان ٹیسٹ میں مضبوط ہو کر آئے گی لیکن ہم اپنے پلان کے مطابق چلیں گے۔ملتان میں پریس کانفرنس کرتے ہوئے بین اسٹوکس کا کہنا تھا پاکستان میں بولنگ کی کنڈیشنز مشکل ہوتی ہیں لیکن ملتان کی پچ خشک اور پنڈی سے مختلف ہے، یہاں ریورس سوئنگ ہو سکتی ہے۔

    آئی سی سی نےانڈر 19 ویمن ٹی 20 ورلڈکپ کیلئے پاکستانی ٹیم کا اعلان کردیا

    بین اسٹوکس کا کہنا تھا مارک ووڈ کو ٹیم کو شامل کیا گیا ہے جس سے ہمیں فائدہ ہو گا، مارک ووڈ لیام لیونگ اسٹون کی جگہ ٹیم میں آئے ہیں، مارک ووڈ کے آنے سے 20 وکٹیں حاصل کرنے میں مزید آسانی ہو گی۔

     

    انگلش کپتان کا کہنا تھا ملتان کی آلودگی سے فکر مند نہیں ہیں، ہم جانتے ہیں کہ پاکستانی ٹیم مضبوط طریقے سے آئے گی لیکن ہم اپنے پلان کے مطابق جائیں گے ہم اپنے لیے 20 وکٹیں لینے کے لیے مواقع پیدا کرنے کی کوشش کریں گے۔انہوں نے کہا کہ برصغیر میں سب ٹیمیں ٹاس جیت کر بیٹنگ کی کوشش کرتی ہیں، ہمارا بھی پلان یہی ہے اور اسی طرح کھیلنے کا پلان ہے لیکن اگر بابر اعظم ٹاس جیت جاتے ہیں تو پھر کچھ نہیں کہہ سکتا۔

  • فیفا نےاگلےورلڈ کپ کےلئےکوٹےکا اعلان کردیا

    فیفا نےاگلےورلڈ کپ کےلئےکوٹےکا اعلان کردیا

    پیرس:فوٹبال بین الاقوامی فیڈریشن فیفا نے ورلڈ کپ 2026 کے لئے سبھی بر اعظموں کے کوٹے کا اعلان کر دیا ہے۔ اطلاعات کے مطابق فوٹبال کا تیئیسواں ورلڈ کپ مشترکہ طور پر امریکہ، کینیڈا اور میکسیکو کی میزبانی میں سنہ دوہزار چھبیس میں منعقد ہوگا۔

    بلاول بھٹو فیفا فٹ بال ورلڈ کپ میں مدعو کرنے پر قطری وزیر خارجہ کے مشکور

    فیفا کے اعلامیے کے مطابق یورپ سے سولہ، افریقہ سے نو، ایشیا سے آٹھ، شمالی امریکا کونکاکاف اور کیریبیئن خطے سے چھے، جنوبی امریکہ سے چھے اور اوشیا یا آسٹریلیا سے ایک ٹیم کو براہ راسٹ داخلے کی اجازت ہوگی جبکہ امریکہ، ایشیا اور افریقہ سے دو ٹیمیں پلے آف کے بعد ورلڈ کپ میں پہنچیں گی۔

    اسی طرح ورلڈ کپ 2026 کے تینوں میزبان ورلڈ کپ کے آخر مرحلے میں موجود رہیں گے۔بتایا جاتا ہے کہ ورلڈ کپ بیس چھبیس کی تین افتتاحی تقریبات میزبان ملکوں یعنی امریکہ، کینیڈا اور میکسیکو میں منعقد ہوں گی۔

    ون ڈے سیریز: بھارت کو 5 رنز سے شکست،بنگلہ دیش نے دو صفر کی فیصلہ کن برتری حاصل…

    ادھرقطر میں جاری مراکش اور اسپین کے درمیان میچ میں سیکیورٹی پر مامور گارڈ اپنی ٹیم کی جیت کیلئے دعائیں مانگ رہا ہے، جس کی ویڈیو سوشل میڈیا پر تیزی سے وائرل ہورہی ہے۔

    ایجوکیشن سٹی اسٹیڈیم میں کھیلے گئے میچ میں مراکش نے اسپین کو سنسنی خیز میچ میں پنالٹی ککس پر 0-3 سے شکست دی تاہم میچ میں مراکش سے تعلق رکھنے والا سیکیورٹی گارڈ فرائض کی انجام دہی میں مصروف تھا اور ٹیم کی جیت کیلئے دعائیں کررہا تھا۔

    فیفا ورلڈکپ میں مراکشی کھلاڑیوں نے فتح کے بعد فلسطین کا جھنڈا لہرا دیا

    فٹبال ورلڈکپ کے دوران جہاں ہمیں شاندار مقابلے دیکھنے کو مِل رہے ہیں وہیں گراؤنڈ سے باہر ہونے والے واقعات بھی دنیا بھر کی توجہ کا مرکز بن رہے ہیں، میچ میں فتح کے بعد مراکش کے کھلاڑیوں سجدہ ریز ہوگئے اور فلسطینی پرچم لہرائے، جس کی ویڈیوز سوشل میڈیا پر وائرل ہورہی ہیں۔