Baaghi TV

Category: کھیل

  • سری لنکا کےبعدآسٹریلیا کو بھی ٹی ٹوئنٹی ورلڈکپ سےقبل بڑا دھچکا

    سری لنکا کےبعدآسٹریلیا کو بھی ٹی ٹوئنٹی ورلڈکپ سےقبل بڑا دھچکا

    آسٹریلیا کے وکٹ کیپر بیٹر جوش انگلس ٹی ٹوئنٹی سے ورلڈکپ سے باہر ہوگئے۔

    باغی ٹی وی: آسٹریلوی میڈیا کے مطابق جوش انگلس گزشتہ روز سڈنی میں گولف کھیلتے ہوئے انجرڈ ہوئے تھے اوراس دوران ان کے ہاتھ پر کٹ آیا تھا جس کے بعد کرکٹر کو اسپتال لے جایا گیا جہاں ان کی انجری کا معائنہ کیا گیا۔

    ٹی ٹوئنٹی ورلڈکپ سے قبل سری لنکن ٹیم کو بڑا دھچکا

    میڈیا رپورٹ کے مطابق کٹ زیادہ گہرا نہیں لیکن زخم ٹھیک ہونے میں چند دن لگیں گے جوش انگلس آسٹریلیا کے فرسٹ چوائس وکٹ کیپر نہیں ہیں اور میتھیو ویڈ آسٹریلیا کی پلئینگ الیون میں شامل ہوتے ہیں۔

    آسٹریلوی میڈیا کا کہنا ہےکہ ٹیم مینجمنٹ نے بیک اپ وکٹ کیپر بیٹر کے لیے سوچ بچار شروع کر دیا ہے۔

    دوسری جانب سری لنکا کے اہم بولر دشمنتھا چمیرا ٹی ٹوئنٹی ورلڈکپ سے باہر ہوگئے ہیں ،ابق چیمپئن سری لنکا کے T20 ورلڈ کپ 2022 سے باہر ہونے کا خطرہ برقرار ہے۔

    ٹی ٹوئنٹی ورلڈکپ:پاکستان کرکٹ ٹیم برسبین سے میلبرن روانہ

    یو اے ای کے خلاف یکطرفہ جیت کے بعد بھی ان کے چیلنجز کم نہیں ہوئے اور اب اسے گروپ اے کے اپنے آخری میچ میں نیدرلینڈز کی ٹیم کو ہرانا ہو گا سری لنکا کو ورلڈ ٹی ٹوئنٹی میں اہم میچز شروع ہونے سے قبل ہی دھچکا لگا ہے اور اس کا اہم پیسر ایونٹ سے باہر ہوگیا۔

    یو اے ای کے خلاف فتح میں اہم کردار ادا کرنے والے اور تین وکٹیں لینے والے اسٹار فاسٹ باؤلر چمیرا جمعرات (20 اکتوبر) کو ہالینڈ کے خلاف فائنل اور فیصلہ کن میچ سے باہر ہو گئے۔

    منگل کو یو اے ای کے خلاف میچ کے دوران باؤلنگ کرتے ہوئے وہ پنڈلی کی تکلیف کا شکار ہو گئے تھے جس کے بعد وہ اپنا آخری اوور مکمل نہیں کر سکے تھے اور میچ کے بیچ میں ہی انہیں واک آؤٹ کرنا پڑا تھا۔

    بھارتی کرکٹ بورڈ نے غلطی مان لی؟

  • ٹی ٹوئنٹی ورلڈکپ: شاہین کی گیند سے زخمی ہونیوالےکرکٹررحمٰن اللہ گُرباز کی صحت سےمتعلق افغان کرکٹ بورڈ کا بیان

    ٹی ٹوئنٹی ورلڈکپ: شاہین کی گیند سے زخمی ہونیوالےکرکٹررحمٰن اللہ گُرباز کی صحت سےمتعلق افغان کرکٹ بورڈ کا بیان

    گزشتہ روز ٹی ٹوئنٹی ورلڈکپ کے سپر 12 مرحلے سے قبل پاکستان اور افغانستان کے درمیان کھیلے گئے وارم اپ میچ کے دوران زخمی ہونے والے وکٹ کیپر بیٹر رحمٰن اللہ گُرباز کی صحت سے متعلق افغان کرکٹ بورڈ نے بیان جاری کیا ہے-

    باغی ٹی وی : سماجی رابطے کی ویب سائٹ ٹوئٹر پر گُرباز کی صحت سے متعلق افغان کرکٹ بورڈ جاری بیان میں بتایا کہ بائیں پاؤں پر گیند لگنے کے بعد گُرباز کو اسکین کے لیے بھیجا گیا تھا ۔

    ٹی ٹوئنٹی ورلڈکپ سے قبل سری لنکن ٹیم کو بڑا دھچکا


    افغان کرکٹ بورڈ کے مطابق گُرباز کے تمام ٹیسٹ کلیئر ہیں اور انہیں ڈاکٹرز نے صحت مند قرار دیا ہے جبکہ ان کے پاؤں کی کوئی ہڈی فریکچر نہیں ہوئی، اگلے دو دنوں میں اس کا اندازہ لگایا جائے گا اور توقع ہے کہ وہ ہفتہ کو ہمارے میچ کے لیے دستیاب ہوں گے۔

    واضح رہے کہ آئی سی سی ٹی ٹوئنٹی ورلڈ کپ کے سپر 12 مرحلے میں افغانستان کا انگلینڈ سے ہفتے کے روز میچ ہوگا۔

    بنگلادیش پریمیئر لیگ کا شاہین آفریدی اور بابر اعظم سمیت دیگر کرکٹرز سے رابطہ

    یاد رہے کہ وارم اپ میچ میں پہلے اوور کی پانچویں گیند پر شاہین نے یارکر کروایا جس پر اوپنر رحمٰن اللہ گرباز آؤٹ تو ہوئے ہی لیکن بدقسمتی سے زخمی بھی ہوگئے۔
    https://twitter.com/PakTurk_Stars/status/1582801344037289984?s=20&t=bYenonNq4i97xJF4BzV4TQ
    شاہین کی یارکر گیند وکٹ کیپر بیٹر گرباز کے بائیں پاؤں میں لگی جس کے بعد وہ شدید تکلیف کا شکار نظر آئے، بعدازاں انہیں گراؤنڈ سے پیٹھ پر اٹھا کر لے جایا گیا۔


    بعدازاں گیم ختم ہونے کے بعد شاہین اور بابر گُرباز کی خیریت دریافت کرنے ڈریسنگ روم بھی گئے-

    ٹی20 ورلڈکپ؛ ویسٹ انڈیز نے پہلی فتح سمیٹ لی

    یاد رہے کہ افغانستان نے پہلے بیٹنگ کرتے ہوئے کپتان محمد نبی کی نصف سنچری کی بدولت 6 وکٹوں کے نقصان پر 154 رنز بنائے شاہین شاہ آفریدی اور حارث رؤف نے دو، دو وکٹیں لیں۔

    پاکستان نے ہدف کا تعاقب شروع کیا تو ابھی 2.2 اوورز میں 19رنز ہی بنائے تھے کہ میچ میں بارش نے مداخلت کردی، جس کے بعد دونوں ٹیموں کے کپتانوں کی مشاورت سے میچ کو ختم کرنے کا فیصلہ کیا گیا۔

  • ٹی ٹوئنٹی ورلڈکپ:پاکستان کرکٹ ٹیم برسبین سے میلبرن روانہ

    ٹی ٹوئنٹی ورلڈکپ:پاکستان کرکٹ ٹیم برسبین سے میلبرن روانہ

    آئی سی سی ٹی ٹوئنٹی ورلڈکپ کے سپر 12 مرحلہ کھیلنے کے لیے پاکستان کرکٹ ٹیم برسبین سے میلبرن روانہ ہوگئی۔

    باغی ٹی وی : پاکستانی کرکٹ ٹیم کل سے میلبرن میں ٹریننگ کا آغاز کرے گی اس سے قبل برسبین میں ٹیم نے دو وارم آپ میچز کھیلے جہاں قومی ٹیم کو کامیابی نہیں ملی، انگلینڈ کے خلاف میچ میں پاکستان کو شکست ہوئی جب کہ افغانستان کے خلاف میچ بارش کی نذر ہوگیا۔

    ٹی20 ورلڈکپ؛ ویسٹ انڈیز نے پہلی فتح سمیٹ لی


    ورلڈ کپ میں پاکستان ٹیم پہلا میچ روایتی حریف بھارت کے خلاف 23 اکتوبر کو کھیلے گا، میلبرن کے بعد قومی ٹیم پرتھ میں 27 اور 30 اکتوبر کو کوالیفائیرز کے خلاف میچز کھیلے گی۔

    دوسری جانب سابق بھارتی کرکٹر آکاش چوپڑا نے حارث رؤف کو شاہین آفریدی سے زیادہ خطرناک بولر قرار دے دیا سابق بھارتی کرکٹر آکاش چوپڑا نے پاکستانی گیند بازوں سے متعلق ٹوئٹر پر تبصرہ کیا اورحارث رؤف کوزیادہ پاک بھارت میچ کے لیےزیادہ خطرناک محسوس کی-

    ایشیا کپ 2023: آپ ہمت تو پکڑیں، اتنے منفی کیوں ہیں، سب کچھ انڈیا نہیں ہے، صحافی کو رمیز راجا کا

    انہوں ںے لکھا کہ گیند باز غیر متوقع کارکردگی دکھا سکتے ہیں لیکن وہ شاہین نہیں حارث رؤف ہیں کیوں کہ ممکن ہے کہ 23 اکتوبر کو کھیلے جارہے میچ میں شاہین دستیاب نہ ہوں سابق بھارتی بلے باز نے وارم اپ میچ میں افغانستان کے اوپنر کو آؤٹ کرنے پر شاہین کے ان سوئنگ یارکر کی تعریف کی۔


    آکاش چوپڑا نے کہا کہ شاہین ٹی ٹوئنٹی ورلڈ کپ کےلیے دو وارم اپ میچز افغانستان اور انگلینڈ کے خلاف کھیل چکے ہیں جس میں انہوں نے افغانستان کے خلاف 2 وکٹیں حاصل کی جب کہ حارث رؤف نے بھی افغانستان کے خلاف دو وکٹیں حاصل کیں رؤف نے ستمبر میں پاکستان میں کھیلی گئی سیریز میں انگلینڈ کے خلاف بھی وکٹیں حاصل کی تھیں۔

    اذلان شاہ ہاکی ٹورنامنٹ کیلئے 18 رکنی اسکوارڈ کا اعلان کردیا

  • بھارتی کرکٹ بورڈ نے غلطی مان لی؟

    بھارتی کرکٹ بورڈ نے غلطی مان لی؟

    تنقید پر بوکھلاہٹ کا سامنا ، بھارتی کرکٹ بورڈ نے بالآخرسچ کا ساتھ دے دیا-

    باغی ٹی وی : نجی خبررساں ادارے ہم نیوز کے اینکر پرسن سید ثمر عباس کی بھارتی کرکٹ بورڈ پر تنقید کو بورڈ نے سماجی رابطوں کی ویب سائٹ ’ٹویٹر‘ پر لایئک کر دیا۔

    پی سی بی نے ایشین کرکٹ کونسل سےراہیں الگ کرنےکا فیصلہ کرلیا


    بھارتی کرکٹ بورڈ نے ایشیا کپ کیلئے پاکستان آنے سے انکار کردیا تھا جس پر ہم نیوز کے اینکر پرسن ثمر عباس نے ٹوئٹر پر اپنے ٹوئٹ میں بھارتی کرکٹ بورڈ کو تنقید کا نشانہ بنایا تھا۔

    بنگلادیش پریمیئر لیگ کا شاہین آفریدی اور بابر اعظم سمیت دیگر کرکٹرز سے رابطہ

    ثمر عباس نے کہا تھا کہ بزدلوں کی طرح میدان سے بھاگنا نہیں چاہیے، کھیل اور سیاست کو الگ الگ رکھنا چاہیے۔


    بھارتی کرکٹ بورڈ کی جانب سے اس ٹویٹ کو لایئک کرنے پر بھارتی شہری اپنے ہی کرکٹ بورڈ پر برس پڑے ہیں۔

    یاد رہے کہ اگلے برس 2023 میں ایشیاکپ کی میزبانی پاکستانی کو کرنی ہے بھارتی کرکٹ بورڈ کے سیکرٹری جے شا (جو اے سی سی کے صدر بھی ہیں) نے گزشتہ روز اپنے بیان میں خود ساختہ فیصلہ سناتے ہوئے ایشیا کپ نیو ٹرل وینیو پر کھیلنے کا بیان دیا تھا ایشین کرکٹ کونسل کے صدر اور بھارتی کرکٹ بورڈ کے سیکرٹری جے شاہ نے اعلان کیا تھا کہ 2023 کے ایشیا کپ میں بھارتی ٹیم پاکستان نہیں جائے گی۔

    پاکستانی دستےنےکرغستان میں ہونیوالی ماڈرن پینٹاتھلون اوپن ایشیئن چیمپئن شپ میں 3میڈلزجیت لئے

    جس کے بعد پاکستان کرکٹ بورڈ ( پی سی بی) نے بھارت کیجانب سے ایشیا کپ 2023 کے لیے اپنی ٹیم پاکستان نہ بھیجنے کے معاملے پر ایشین کرکٹ کونسل (اے سی سی) کو خط لکھ دیا تھا پاکستان کرکٹ بورڈ کی جانب سے اے سی سی کو لکھے گئے خط میں بھارت کی جانب سے ایشیا کپ 2023 کے لیے اپنی ٹیم پاکستان نہ بھیجنے کے معاملے پر شدید تحفظات کا اظہارکرتے ہوئے بی سی سی آئی کے فیصلے پر سیکریٹری سے وضاحت طلب کی ہے-

    پاکستان کرکٹ بورڈ نے خط میں بی سی سی آئی کے سیکرٹری جے شا کے بیان کی مذمت کی ہے اورخط میں پاکستان کرکٹ بورڈ نے اے سی سی کا ہنگامی اجلاس بلانے کا بھی مطالبہ کیا ہے۔

    اذلان شاہ ہاکی ٹورنامنٹ کیلئے 18 رکنی اسکوارڈ کا اعلان کردیا

  • پاکستان نے ویسٹ انڈیز کے خلاف ٹی ٹونٹی سیریز کو ری شیڈول کر دیا

    پاکستان نے ویسٹ انڈیز کے خلاف ٹی ٹونٹی سیریز کو ری شیڈول کر دیا

    لاہور: پاکستان کرکٹ بورڈ اور کرکٹ ویسٹ انڈیز تین ٹی ٹونٹی میچز کی سیریز ملتوی کرنے پر رضا مند ہوگئے ہیں۔جنوری 2023 میں پاکستان میں شیڈول یہ سیریز 2024 کی پہلی سہہ ماہی میں کھیلی جائے گی۔

    پاکستان اور ویسٹ انڈیز کے درمیان تین ٹی 20 میچز پر مشتمل سیریز ایک سال کیلئے ملتوی کردی گئی۔ پاکستان کرکٹ بورڈ نے سیریز کے شیڈول میں تبدیلی کردی۔پی سی بی کے مطابق کرکٹ ویسٹ انڈیز کی رضا مندی سے جنوری 2023ء میں ہونیوالی سیریز 2024ء کی پہلی سہ ماہی تک آگے بڑھادی گئی ہے۔

    بورڈ کا کہنا ہے کہ سال 2024ء آئی سی سی مینز ٹی 20 ورلڈ کپ کا سال ہوگا اس لئے سیریز ملتوی کرنیکا فیصلہ کیا گیا، میگا ایونٹ کی میزبانی ویسٹ انڈیز اور امریکا جون 2024ء میں کریں گے۔پاکستان کرکٹ بورڈ کا کہنا ہے کہ مختصر دورانیے کے یہ میچز دونوں ٹیموں کی میگا ایونٹ کی تیاری میں معاون ثابت ہوں گے۔

    واضح رہے کہ تین ٹی 20 میچز کی سیریز انٹرنیشنل کرکٹ کونسل کے فیوچر ٹور پروگرام 2023-2027ء کا حصہ نہیں ہے۔

    دوسری طرف آج ٹی 20 ورلڈ کپ کوالیفائر مرحلے میں ویسٹ اندیز نے زمبابوے کو 31 رنز سے شکست دے دی۔ٹی 20 ورلڈ کپ کوالیفائر مرحلے میں اسکاٹ لینڈ سے پہلا میچ ہارنے کے بعد ویسٹ انڈیز کی ٹیم نے زبردست واپسی کی ہے۔

    ٹی 20 ورلڈ کپ کے آٹھویں میچ میں ویسٹ انڈیز نے ٹاس جیت کر پہلے بیٹنگ کرتے ہوئے زمبابوے کو 154 رنز کا ہدف دیا۔ویسٹ انڈیز کی جانب سے جانسن چارلس نے 45، روومین پاول نے 28 اور عقیل حسین نے 23 رنز بنائے۔

    زمبابوے کے سکندر رضا نے 3 وکٹیں حاصل کیں۔ بلیسنگ مجربانی نے 2 اور شان ولیمز نے ایک وکٹ حاصل کی۔جواب میں زمبابوے کی پوری ٹیم 18.2 اوورز میں 122 رنز بنا کر آؤٹ ہوگئی۔

    ویسٹ انڈیز کے الزاری جوزف سب سے کامیاب بولر رہے جنہوں نے 16 رنز کے عوض 4 وکٹیں حاصل کیں۔

  • ٹی20 ورلڈکپ؛ ویسٹ انڈیز نے پہلی فتح سمیٹ لی

    ٹی20 ورلڈکپ؛ ویسٹ انڈیز نے پہلی فتح سمیٹ لی

    گیلونگ: ٹی20 ورلڈکپ میں کوالیفائنگ راؤنڈ کے آٹھویں میچ میں ویسٹ انڈیز نے زمبابوے کو 31 رنز سے شکست دیکر پہلی فتح سمیٹ لی۔

    گیلونگ میں کھیلے گئے میچ میں ویسٹ انڈیز نے ٹاس جیئت کر پہلے بیٹنگ کرنے کا فیصلہ کیا اور مقررہ 20 اوورز میں 7 وکٹوں پر 153 رنز بنائے، جانسن چارلس نے کالی آندھی کے لیے جارحانہ بیٹنگ کرتے ہوئے 36 گیندوں پر 45 رنز کی اننگز کھیلی۔

    امریکی سائنسدانوں نے کرونا وائرس کا ایک نیا مہلک اور انتہائی خطرناک وائرس ایجاد…

    دیگر بلےبازوں میں کائل میئرز 13، ایون لیوس 15، کپتان نکولس پورن 9، رومن پوویل 28، شمارا پروکس 0، جیسن ہولڈر 4 جبکہ عقیل حسین رنز بناکر نمایاں رہے۔زمبابوے کی جانب سے سکندر رضا 3، بلیسنگ مزاربانی 2 جبکہ شان ولیمز نے ایک وکٹ حاصل کی۔

    اوپیک پلس کے فیصلے، پاکستان کا سعودی عرب کے ساتھ اظہارِ یکجہتی

    ہدف کے تعاقب میں زمبابوے نے تیز کھیل پیش کرنے کی کوشش کی تاہم وقفے وقفے سے وکٹیں گرنے کے باعث وہ ٹارگٹ تک پہنچنے میں ناکام رہے، زمبابوے کی جانب سے ویسلی مدھویرے 27، ریگیس چکابوا 13، ٹونی مونیونگا 2، کپتان شان ولیمز 1 جبکہ سکندر رضا 14، ریان برل 18 رنز بناسکے۔ لیوک جونگوے نے میچ کے اختتامی لمحات میں 29 رنز بناکر ٹارگٹ تک پہنچنے کی کوشش کی تاہم ناکام رہے۔

    لاہور:چڑیا گھر کے شیروں اور شیرنیوں کے ڈی این اے کروانے کا فیصلہ

    ویسٹ انڈیز کی جانب سے الزاری جوزف نے 4، جیسن ہولڈر نے 3 جبکہ عقیل حسین اور اوڈین اسمتھ نے ایک ایک وکٹ حاصل کی۔قبل ازیں ٹی 20 ورلڈ کپ کوالیفائنگ راؤنڈ میں اسکاٹ لینڈ نے ویسٹ انڈیز کو 42 رنز کی اَپ سیٹ شکست سے دوچار کیا تھا۔

  • ایشیا کپ 2023: آپ ہمت تو پکڑیں، اتنے منفی کیوں ہیں، سب کچھ انڈیا نہیں ہے، صحافی کو رمیز راجا کا جواب

    ایشیا کپ 2023: آپ ہمت تو پکڑیں، اتنے منفی کیوں ہیں، سب کچھ انڈیا نہیں ہے، صحافی کو رمیز راجا کا جواب

    بھارتی کرکٹ بورڈ کی جانب سے ایشیا کپ 2023 میں پاکستان آنے سے انکار پر چیئرمین پی سی بی رمیز راجا کا ردعمل سامنے آگیا ہے۔

    باغی ٹی وی : سماجی رابطوں کی ویب سائٹ ٹوئٹر پر رمیز راجا کی ایک ورچوئل گفتگو کی ویڈیو وائرل ہورہی ہے جس میں ان سے صحافی نے بھارت کی جانب سے پاکستان آنے پر انکار سے متعلق سوال کیا کہ 2023 کا ایشیا کپ کیا صرف بھارت کی وجہ سے یو اے ای منتقل کردیا جائے گا؟

    ایشیا کپ 2023: بھارتی ٹیم کو پاکستان نہ بھیجنے کے اعلان پر پی سی بی کا شدید ردعمل


    صحافی کے سوال پر رمیز راجا نے کہا کہ نہیں یو اے ای نہیں جا رہے ایشیا کپ یو اے ای بالکل منتقل نہیں کیا جائے گا، آپ ہمت تو پکڑیں، اتنے منفی کیوں ہیں آپ بھائی صاحب ، سب کچھ انڈیا نہیں ہے کچھ ہم بھی ہیں۔

    یاد رہے کہ پاکستان کرکٹ بورڈ نے بھارت کی جانب سے ایشیا کپ 2023 کے لیے اپنی ٹیم پاکستان نہ بھیجنے کے معاملے پر ایشین کرکٹ کونسل (اے سی سی) کو خط لکھا ہے جس میں شدید تحفظات کا اظہار کیا گیا ہے۔

    پاکستانی دستےنےکرغستان میں ہونیوالی ماڈرن پینٹاتھلون اوپن ایشیئن چیمپئن شپ میں 3میڈلزجیت لئے

    ذرائع کے مطابق پاکستان کرکٹ بورڈ نے خط میں بی سی سی آئی کے سیکرٹری جے شا کے بیان کی مذمت کی ہے اورخط میں پاکستان کرکٹ بورڈ نے اے سی سی کا ہنگامی اجلاس بلانے کا بھی مطالبہ کیا ہے۔

    خط میں کہا گیا کہ ایشن کرکٹ کونسل مجاذ اتھارٹی ہونے کے ناطے بی سی سی آئی سیکریٹری کے بیان پر وضاحت مانگےبطور اے سی سی رکن بھارت کو اپنی ذمہ داری پوری کرنی چاہیے،امید ہے اے سی سی آئندہ سال پاکستان میں ہونیوالے ٹورنامنٹ میں بھارت کی شرکت کو یقینی بنائے گا-

    یاد رہے کہ اگلے برس 2023 میں ایشیاکپ کی میزبانی پاکستانی کو کرنی ہے بھارتی کرکٹ بورڈ کے سیکرٹری جے شا (جو اے سی سی کے صدر بھی ہیں) نے گزشتہ روز اپنے بیان میں خود ساختہ فیصلہ سناتے ہوئے ایشیا کپ نیو ٹرل وینیو پر کھیلنے کا بیان دیا تھا ایشین کرکٹ کونسل کے صدر اور بھارتی کرکٹ بورڈ کے سیکرٹری جے شاہ نے اعلان کیا تھا کہ 2023 کے ایشیا کپ میں بھارتی ٹیم پاکستان نہیں جائے گی۔

  • اذلان شاہ ہاکی ٹورنامنٹ کیلئے 18 رکنی اسکوارڈ کا اعلان کردیا

    اذلان شاہ ہاکی ٹورنامنٹ کیلئے 18 رکنی اسکوارڈ کا اعلان کردیا

    پاکستان ہاکی فیڈریشن نے اذلان شاہ ہاکی ٹورنامنٹ کے لئے 18 رکنی اسکوارڈ کا اعلان کردیا-

    باغی ٹی وی : قومی ٹیم کی قیادت سینئر کھلاڑی عمر بھٹہ کے سپرد کت دی گئی اعلان کردہ ٹیم میں اکثریت جونیئر کھلاڑیوں کی ہے دس سینئرز نے کیمپ جوائن کرنے کے بجائے بلا اجازت غیرملکی لیگ کھیلنے کو ترجیح دی تھی-

    پاکستان ہاکی فیڈریشن کےایگزیکٹو بورڈ کا اہم اجلاس ،بڑے فیصلے

    اعلان کردہ ٹیم میں عبداللہ اشتیاق اور اکمل شاہ گول کیپرز شامل ہیں ایم عبداللہ، سفیان، ارباز احمد، عقیل، احتشام، مرتضیٰ یعقوب شامل ہیں رانا عبدالوحید، رومان خان، حانان شاہد، جنید منظور، ارشد لیاقت، افراز بھی ٹیم میں شامل ہیں شاہ زیب خان، اسامہ بشیر، ایم عمران قومی ٹیم میں جگہ بنانے میں کامیاب ہیں-

    قبل ازیں ہاکی فیڈریشن کےایگزیکٹو بورڈ کا اجلاس پی ایچ ایف ہیڈ کواٹرز لاہور میں منعقد ھوا تھا صدر پاکستان ہاکی فیڈریشن برگیڈیئررخالد سجاد کھوکھر نے اجلاس کی صدارت کی تھی-

    ٹی20 ورلڈکپ: نمیبیا کوشکست دے کرنیدرلینڈ کی سپر12مرحلے میں پہنچنے کی امیدیں روشن

    اس موقع پر پی ایچ ایف ایگزیکٹو بورڈ میں سیکرٹری جنرل پی ایچ ایف حیدر حسین، ایسوسی ایٹ سیکرٹری سید محمد ظاہر شاہ، نائب صدور پی ایچ ایف محمد سعید خان، میجر جنرل طارق حلیم سوری، امجد پرویز ستی سمیت صوبائی سیکرٹریز پی ایچ ایف لیفٹینٹ کرنل ر آصف ناز کھوکھر(پنجاب)، ہدائت اللہ (کے پی کے)، اکبرعلی قائم خانی (سندھ)، سید امین مروت (بلوچستان)، ڈیپارٹمنٹل نمائندہ رانا نزاکت علی (پاکستان ایئر فورس) اور نامزد ٹیکنوکریٹ ممبران اولمپین حنیف خان ، اولمپین ناصر علی، پی ایچ ایف لیگل ونگ کے سربراہ بیرسٹر میاں علی اشفاق و سپیشل آڈیٹر سید محمد راشد شاہ نے شرکت کی تھی-

    کھیل

    ایشیا کپ 2023: بھارتی ٹیم کو پاکستان نہ بھیجنے کے اعلان پر پی سی بی کا شدید ردعمل

    اجلاس میں سابقہ اجلاس کی توثیق سمیت قومی کھیل کی ترویج و ترقی کے منصوبہ جات ،انٹرنیشنل ایونٹس میں قومی ہاکی ٹیم کی پرفارمنس رپورٹس، اخراجات اور آئیندہ ایونٹس میں قومی ٹیموں کی شرکت جیسےمعاملات کوزیربحث لایا گیا تھا نیز موجودہ و سابق انکوائریز، ڈسپلن کے معاملات اور سابق کوچز مینجرز کی کارکردگی، ٹیموں کی سابقہ پرفارمنس سے متعلقہ امور زیربحث لائے گئے.جبکہ مختلف کمیٹیوں کی تشکیل دی گئی ہیں. لیگل ایڈ ونگ کی سربراہی بیرسٹر میاں علی اشفاق کریں گے-

  • پاکستانی دستےنےکرغستان میں ہونیوالی ماڈرن پینٹاتھلون اوپن ایشیئن چیمپئن شپ میں 3میڈلزجیت لئے

    پاکستانی دستےنےکرغستان میں ہونیوالی ماڈرن پینٹاتھلون اوپن ایشیئن چیمپئن شپ میں 3میڈلزجیت لئے

    لاہور : پاکستانی دستے نے کرغستان میں ہونیوالی ماڈرن پینٹاتھلون اوپن ایشیئن چیمپئن شپ میں 3میڈلز جیت لئے-

    باغی ٹی وی: محمد منیر نے گولڈ، نعیم احمد ظفر نے سلور اور رانا محسن نے براؤنز میڈل جیتے،پاکستانی ٹیم کو پوائنٹس کی بنیاد پر ٹرافی سے بھی نوازا گیا، چیمپئن شپ میں 8 ممالک نے شرکت کی-

    بنگلادیش پریمیئر لیگ کا شاہین آفریدی اور بابر اعظم سمیت دیگر کرکٹرز سے رابطہ

    پاکستانی کھلاڑیوں نے میڈلز جیت کرملک کا نام روشن اور کرغستان میں پاکستانی پرچم بلند کیا، ڈائریکٹر جنرل سپورٹس پنجاب محمد طارق قریشی ماڈرن پینٹاتھلون گیمز کےفروغ کےلئے کھلاڑیوں کو سہولیات فراہم کررہے ہیں، پنجاب گیمز میں بھی اس کے ایونٹ کروارہے ہیں-

    18اکتوبر 2022ء۔پاکستانی دستے نے کرغستان میں ہونیوالی ماڈرن پینٹاتھلون اوپن ایشیئن چیمپئن شپ کے لیزر رن ایونٹ میں 3میڈلز جیت لئے ہیں، محمدمنیر نے گولڈ، نعیم احمد ظفر نے سلور اور رانا محسن نے براؤنز میڈل جیتے،پاکستانی ٹیم کو پوائنٹس کی بنیاد پر ٹرافی سے بھی نوازا گیا،ماڈرن پینٹاتھلون اوپن ایشیئن چیمپئن شپ بشکیک میں منعقد ہوئی-

    ایتھوپیئن ایئر لائنز کی پرواز بڑے حادثے سے بال بال بچ گئی

    چیمئن شپ میں پاکستان سمیت 8 ممالک کے کھلاڑیوں نے شرکت کی،ڈائریکٹر جنرل سپورٹس پنجاب محمد طارق قریشی نے پاکستانی دستے کو ماڈرن پینٹاتھلون اوپن ایشیئن چیمپئن شپ میں میڈلز جیتنے پر مبارکباد دی ہے-

    منگل کے روز پاکستانی دستے کے نام اپنے تہنیتی پیغام میں انہوں نے کہا ہے کہ محمد منیر، نعیم احمد ظفر اور رانا محسن نے میڈلز جیت کر ملک کا نام روشن کیا ہے، لیزر رن کے مقابلے میں کھلاڑیوں نے شاندار کارکردگی کا مظاہرہ کیا اور پاکستان کا پرچم کرغستان میں بلند کیا ہے-

    انہوں نے مزید کہا ہے کہ ماڈرن پینٹاتھلون گیمز نوجوانوں میں مقبول ہورہی ہیں،جس کے فروغ کے لئے کھلاڑیوں کو سہولیات فراہم کررہے ہیں، ماڈرن پینٹاتھلون کے ایونٹس پنجاب گیمز میں بھی کروارہے ہیں۔

    ٹی ٹوئنٹی ورلڈکپ سے قبل سری لنکن ٹیم کو بڑا دھچکا

  • بنگلادیش پریمیئر لیگ کا شاہین آفریدی اور بابر اعظم سمیت دیگر کرکٹرز سے رابطہ

    بنگلادیش پریمیئر لیگ کا شاہین آفریدی اور بابر اعظم سمیت دیگر کرکٹرز سے رابطہ

    لاہور : پاکستانی کرکٹرز بنگلادیش پریمیئر لیگ میں ایکشن میں ہوں گے،اس حوالے سے پاکستان کرکٹ ٹیموں کے کئی کھلاڑیوں سے بنگلادیش پریمیئر لیگ کی ٹیموں نے رابطے کیے ہیں-

    باغی ٹی وی :نجی خبررساں ادارے نے ذرائع کے حوالے سے بتایا کہ بنگلا دیش پریمیئر لیگ کے قومی ٹیم کے موجودہ اسکواڈ کے کئی کھلاڑیوں کے ساتھ رابطے ہیں جن میں شاہین آفریدی، حارث رؤف، محمد نواز، وسیم جونیئر اور شاہنواز دھانی شامل ہیں جب کہ چند میچز کی دستیابی کے لیے کپتان بابراعظم سے بھی رابطہ کیا گیا ہے۔

    لاہور قلندرز کا خواتین کرکٹرز کی ترقی کے لیے سپورٹس بورڈ پنجاب سے اشتراک

    ذرائع کا کہنا ہےکہ پاکستان نیوزی لینڈ ون ڈے سیریز 15 جنوری کو اختتام پزیر ہو گی، قومی کرکٹرز کو پاکستان کرکٹ بورڈ سے این او سی کے حصول میں مشکل نہیں ہوگی، پی ایس ایل تک کوئی انٹرنیشنل سیریز نہ ہونے کی وجہ سے پی سی بی کرکٹرز کو این او سی دے دے گا۔

    ذرائع کے مطابق آئندہ برس جنوری میں ویسٹ انڈیز کے خلاف ٹی ٹوئنٹی سیریز ملتوی کرنے کا فیصلہ کیا جا چکا ہے جو دونوں بورڈز نے باہمی رضامندی سے کیا، تین ٹی ٹوئنٹی میچز کی سیریز اب 2024میں ٹیسٹ سیریز کے ساتھ کھیلی جائے گی۔

    اس کے نتیجے میں شیڈول فرق کی وجہ سے، دونوں ٹیموں کے کھلاڑیوں کے لیے اس وقت مختلف T20 لیگز کے لیے دستیاب ہونا قابل فہم ہے۔

    جنوری 2023 کے مہینے کے دوران، جب پاکستان اور ویسٹ انڈیز کی سیریز شیڈول تھی، متحدہ عرب امارات میں ILT20، جنوبی افریقہ میں SA20، آسٹریلیا میں BBL، اور بنگلہ دیش پریمیئر لیگ (BPL) ہو گی۔

    محمد رضوان نے ایک اور اعزاز اپنے نام کر لیا

    ویسٹ انڈیز گزشتہ دس ماہ میں دو بار پاکستان کا دورہ کر چکا ہے۔ دونوں ٹیموں نے دسمبر 2021 میں تین T20I کھیلے تھے اس سے پہلے ویسٹ انڈیز میں COVID-19 پھیلنے کی وجہ سے ون ڈے کو اس سال جون تک ملتوی کرنا پڑا تھا۔ آئی سی سی ورلڈ کپ سپر لیگ ون ڈے کو جون 2022 میں ملتان میں منتقل کر دیا گیا۔

    تینوں کھیلوں کو ممکنہ طور پر فروری 2024 میں ویسٹ انڈیز کے دورے میں شامل کیا جائے گا جب وہ ورلڈ ٹیسٹ چیمپئن شپ کے حصے کے طور پر تین ٹیسٹ کھیلنے والے ہیں۔

    BBL، SA20، اور ILT20 کے لیے، کئی ویسٹ انڈین کھلاڑی پہلے ہی اپنی اپنی ٹیموں میں شامل ہو چکے ہیں۔ پاکستان کے کھلاڑیوں کو SA20 نیلامی میں ان کے بین الاقوامی ہوم شیڈول اور افواہوں کی وجہ سے شامل نہیں کیا گیا تھا کہ جب IPL کمپنیاں تمام چھ کلبوں کی مالک ہوں گی تو انہیں لیگ میں قبول نہیں کیا جائے گا۔

    کسی پاکستانی کھلاڑی نے بھی ILT20 کے لیے NOC حاصل نہیں کیا۔ BPL، جو اس نئے دستیاب سلاٹ میں ان میں سے کچھ کے لیے ایک منزل معلوم ہوتا ہے، وصول کنندہ ہو سکتا ہے۔

    پی ایس ایل 8: ڈیرن سیمی پشاور زلمی کے ہیڈ کوچ مقرر