Baaghi TV

Category: کھیل

  • پاکستان اور انگلینڈ کے درمیان پہلا ٹی 20 میچ آج کھیلا جارہا ہے

    پاکستان اور انگلینڈ کے درمیان پہلا ٹی 20 میچ آج کھیلا جارہا ہے

    کراچی :پاکستان اور انگلینڈ کے درمیان پہلا ٹی 20 میچ آج کھيلا جائے گا۔ میچ شام 7:30 پر شروع ہوگا۔کراچی کے نیشنل اسٹیڈیم میں پاکستان اور انگلینڈ کے درمیان پہلے ٹی 20 میچ کی تیاریاں مکمل ہیں۔

    میچ کا ٹاس شام 7 بجے ہوگا اور میچ کا آغاز 7:30 پر ہوگا۔

    پیر کو ميڈيا سے بات کرتے ہوئے کپتان بابراعظم نے کہا تھاکہ محمد رضوان اور ان کا اوپننگ پيئر کافی کامياب رہا ہے۔سیریز کے ابتدائی 4 میچزمیں معین علی انگلش ٹیم کی قیادت کریں گے۔

    پاکستان اور انگلينڈ کے درميان پہلے میچ کی گیٹ منی سیلاب متاثرین فنڈ میں جائے گی۔300 سيلاب متاثرين ميچ اسٹيڈيم ميں ديکھ سکيں گے۔
    سیریز کے ابتدائی 4 میچز کراچی اور دیگر 3 میچز لاہور میں کھیلے جائیں گے۔

    پاکستان اور انگلینڈ کی ٹی 20 سیریز کے لئے 28 ایچ ڈی کیمرے نصب کئے گئے ہیں۔ٹی 20 سیریز میں ڈرون کیمرے اور بگی بھی شامل ہے۔اس کےعلاوہ الٹرا موشن، بال ٹریکنگ، الٹرا ایج سمیت ہاک آئی کے ساتھ ڈی آر ایس کی سہولت بھی میسر ہے

    صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

    سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

    جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

    اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

  • پاکستان کی خواتین نیزہ بازی ٹیم بین الاقوامی ٹورنامنٹ میں مقابلوں کے لیے تیار

    پاکستان کی خواتین نیزہ بازی ٹیم بین الاقوامی ٹورنامنٹ میں مقابلوں کے لیے تیار

    لاہور:پاکستان کی تاریخ میں پہلی بار خواتین نیزہ بازی ٹیم انٹرنیشنل چیمپئن شپ میں شرکت کرے گیرواں برس بین الاقوامی ٹینٹ پیگنگ چیمپئن شپ کا انعقاد 22 سے 24 ستمبر تک اردن کے شہر پیڑا میں ہورہا ہے۔

    پاکستان کی تاریخ میں پہلی بار خواتین نیزہ بازی ٹیم بین الاقوامی ٹینٹ پیگنگ چیمپئن شپ میں شرکت کرے گی۔3 رکنی خواتین نیزہ بازی ٹیم بین الاقوامی ٹینٹ پیگنگ چیمپئن شپ کیلیے اردن پہنچ گئی ہے۔

    قومی خواتین نیزہ بازی ٹیم کے کوچ ہارون پاکستان کی تاریخ میں پہلی بار خواتین کی قومی ٹیم اوپن ٹرائل کے ذریعے سلیکٹ ہوئی ہے۔ایکوسٹرین فیڈریشن آف پاکستان (Equestrian Federation of Pakistan) کے صدر صاحبزادہ سلطان کا کہنا تھا کہ پاکستان وومن ٹیم پہلی بار کسی بڑے انٹرنیشنل ایونٹ میں شرکت کررہی ہے۔

     

    صاحبزادہ سلطان نے کہا کہ پاکستانی خواتین کی ٹینٹ پیگنگ ٹیم جنوبی افریقا کا تربیتی دورہ کرچکی ہے تاہم ویمن ٹینٹ پیگنگ ٹیم کا یہ پہلا بڑا ایونٹ ہے۔

    یاد رہے کہ پچھلے سال سعودی عرب رواں برس نومبر میں پہلی مرتبہ ملک میں پیشہ ور خواتین کھلاڑیوں کے گالف کے بین الاقوامی سطح کے دو ٹورنامنٹ منعقد ہوئے’سعودی لیڈیز انٹرنیشنل’ کے نام سے پہلا ٹورنامنٹ نومبر کی 12 سے 15تک جب کہ دوسرا ‘سعودی لیڈیز ٹیم انٹرنیشنل’ ٹورنامنٹ نومبر کی 17 سے 19 نومبر تک کھیلا گیا

    صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

    سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

    جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

    اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

  • آئی سی سی نے پلئینگ کنڈیشنز میں تبدیلی کردی

    آئی سی سی نے پلئینگ کنڈیشنز میں تبدیلی کردی

    آئی سی سی نے پلئینگ کنڈیشنز میں تبدیلی کردی
    کیچ آوٹ ہونے کی صورت میں نیا آنیوالا بیٹر سٹرائیکر اینڈ پر آئیگا ، آئی سی سی کے مطابق کیچ آوٹ پر نیا آنیوالا بیٹر سٹرائیکر اینڈ پر آئیگا چاہے بیٹرنے ایک دوسرے کو کراس کرلیا ہو، بال پر تھوک نہ لگانے کی پابندی اب مستقل طور پر برقرار رہے گی،ٹیسٹ اور ون ڈے میں نیا آنیوالا بلے باز2 منٹ میں باولر کا سامنا کرنے کے لیے تیار رہے گا،

    ایسی بال جو بیٹر کو پیچ چھوڑنے پر مجبور کرے وہ نو بال قرار دی جائیگی۔ آئی سی سی کے مطابق باولنگ کے دوران فیلڈرز کا جان بوجھ کر آگے پیچھے ہونے کی صورت میں امپائر بیٹنگ سائیڈ کو پانچ پنلٹی رنز سے نوازے گا۔نان سٹرائیکر اینڈ پر رن آوٹ اب ان فئیر پلے کی جگہ رن سیکشن میں تبدیل کردیا گیا ہے۔ٹی ٹوئنٹی طرز کی طرح ون ڈے فارمیٹ میں بھی سلو اوور ریٹ پر ایک اضافی فیلڈر کو بقیہ اوورز کے لئے سرکل کے اندر لایا جائیگا۔ ون ڈے میں اس قانون کا اطلاق آئی سی سی کرکٹ ورلڈ کپ سپر لیگ 2023 کے اختتام پر ہوگا۔

    متحدہ عرب امارات کے حکام کا آرمی چیف سے رابطہ،سیلاب زدگان کیلیے امداد بھجوانے کا اعلان

    آرمی چیف جنرل قمر جاوید باجوہ سے برطانوی ہائی کمشنر کرسچن ٹرنر کی ملاقات

  • اچھا کریں یا برا باتیں ہمیشہ ہوتی ہیں،پاک انگلینڈ سیریز میں فارم واپس لانے کی کوشش کروں گا،بابر اعظم

    اچھا کریں یا برا باتیں ہمیشہ ہوتی ہیں،پاک انگلینڈ سیریز میں فارم واپس لانے کی کوشش کروں گا،بابر اعظم

    کراچی: پاکستان کرکٹ ٹیم کے کپتان بابر اعظم نے کہا ہے کہ اچھا کریں یا برا باتیں ہمیشہ ہوتی ہیں، ہم نے اسی بیٹنگ سے 200 بھی کیا اور اتنا ہی ہدف حاصل بھی کیا-

    باغی ٹی وی : نیشنل اسٹیڈیم کراچی میں پریس کانفرنس میں قومی ٹیم کےکپتان نےکہا کہ انگلینڈ کی ٹیم کافی عرصے بعد پاکستان آئی ہے ساری ٹیم کافی پُرجوش ہے انگلش ٹیم کے خلاف ٹی ٹوئنٹی سیریز بہت اہم ہوگی اور اچھے مقابلے دیکھنے میں آئیں گے 7 میچز کی سیریز ہے جبکہ عالمی کپ کے لیے تیاریوں میں مدد ملے گی۔

    پاکستان، انگلینڈ ٹی ٹوئنٹی سیریز کا پہلا میچ کل ہو گا، ٹرافی کی رونمائی

    انہوں نے کہا کہ پچھلے2 سال سےہماری اوپننگ جوڑی کافی کامیاب رہی ہے لیکن ہرمیچ میں صورتحال مختلف ہوتی ہےہماری اوپننگ جوڑی سے پاکستان کو کافی فتوحات بھی ملی ہیں پاورپلےکااچھا استمعال کرتےرہے ہیں اور محمد رضوان کے ساتھ مل کر ذمہ داری نبھانے کی کوشش کروں گا، اپنے اوپر ہونے والی باتوں کو نہیں سنتا البتہ تسلیم کرتا ہوں کہ ایشیا کپ میں ڈاٹ بال زیادہ ہوئیں۔

    قومی کرکٹ ٹیم کے کپتان نے کہا کہ ہرشل گبز سے میری کوئی ایسی بات نہیں ہوئی، اپنی پرفارمنس کی ٹینشن تھی لیکن مڈل آرڈر کی کارکردگی کی خوشی تھی، اچھا کریں یا برا باتیں ہمیشہ ہوتی ہیں، ہم نے اسی بیٹنگ سے 200 بھی کیا اور اتنا ہی ہدف حاصل بھی کیا ہمیشہ اچھے کی امید رکھنی چاہیے،سیریز میں فارم واپس لانے کی کوشش کروں گا-

    بابراعظم نے کہا کہ نوجوان فاسٹ بولر شاہین شاہ آفریدی کی سیریز میں کمی محسوس ہوگی، ان کی فٹنس بتدریج بحال ہو رہی ہے اور امید ہے کہ وہ عالمی کپ کے لیے دستیاب ہوں گے۔


    بابراعظم کا کہنا تھا کہ سیلاب زدگان سے بہت ہمدردی ہے، متاثرین پریشانی سے گزر رہے ہیں اور پوری قوم ان کے ساتھ ہے، پاکستان کی مشکل گھڑی میں دنیا مدد کرتی ہے، بیرون ملک پاکستانی بھی اپنا کردار ادا کرتے ہیں، میری درخواست ہے کہ لوگ میچ دیکھنے آئیں۔

    میرے اباواجداد پاکستان سے ہیں:لیکن انگلینڈ ٹیم کی قیادت میرے لئےاعزاز ہے::معین علی

  • پاکستان، انگلینڈ ٹی ٹوئنٹی سیریز کا پہلا میچ کل ہو گا، ٹرافی کی رونمائی

    پاکستان، انگلینڈ ٹی ٹوئنٹی سیریز کا پہلا میچ کل ہو گا، ٹرافی کی رونمائی

    کراچی: پاکستان اور انگلینڈ کی کرکٹ ٹیمیں پہلے ٹی ٹوئنٹی انٹرنیشنل میچ میں کل نیشنل اسٹیڈیم میں آمنے سامنے ہوں گے۔

    دونوں ٹیموں کے درمیان سیریز کا پہلا میچ کل منگل 20 ستمبر کو نیشنل اسٹیڈیم کراچی میں کھیلا جائےگا۔ میچ شام ساڑھے 7 بجے شروع ہوگا۔ پہلے میچ کی گیٹ منی پی سی بی نے سیلاب ذدگان کی امداد میں دینے کا اعلان کیا ہے، سیریز کی تیاریاں مکمل ہوچکی ہیں اور آج ٹرافی کی رونمائی بھی کردی گئی ہے۔


    کراچی کے نیشنل اسٹیڈیم میں دونوں ٹیموں کے کپتانوں نے ٹرافی کی رونمائی کی، بابراعظم اور جوز بٹلر نے ٹرافی کے ساتھ تصاویر بھی بنوائیں۔

    انگلینڈ ٹیم کے کپتان جوز بٹلر انجری کی وجہ سے کراچی میں ہونے والے میچز میں شرکت نہیں کرسکیں گے، اس دوران کپتانی کے فراض معین علی انجام دیں گے کپتان معین علی کا کہنا ہے کہ شاید بٹلر آخری دو میچز کیلئے ٹیم کو دستیاب ہوں گے۔


    کراچی ٹریفک پولیس نے شائقین کرکٹ کی گاڑیوں کی پارکنگ اورشہریوں کیلئے متبادل راستوں کا خصوصی ٹریفک پلان مرتب کیا ہے کراچی شہر کے مختلف علاقوں سے نیشنل اسٹیڈیم آنے والے شائقین جن کےپاس میچ کے ٹکٹ ہوں گےان کےلیے ایکسپو سینٹر میں پارکنگ کے انتظامات کیے گئے ہیں۔ پارکنگ کرنے کیلئے اصل شناختی کارڈ اور میچ کا ٹکٹ دکھانا لازمی ہوگا۔

    لیاقت آباد سےبراستہ حسن اسکوائر فلائی اوورنیشنل اسٹیڈیم روڈ کسی بھی قسم کی ٹریفک کوجانےکی اجازت نہیں ہوگی۔تمام ٹریفک یونیو رسٹی روڈ کا راستہ اختیار کرکے اپنی منزل کی جانب جا سکے گا۔ یونیورسٹی روڈ سے ایکسپو ٹرننگ کی جانب اسٹیڈیم روڈ عام پبلک کو جانے کی اجازت نہیں ہوگی۔ اس کے علاوہ اسٹیڈیم روڈ سے جانب حسن اسکوائر ٹریفک معمول کے مطابق چلتی رہے گی۔

    سہراب گوٹھ سے جانب نیپا، لیاقت آباد نمبر 10 سے جانب حسن اسکوائر ، پی پی چورنگی سے جانب یونیورسٹی روڈ ، کارساز سے اسٹیڈیم روڈ، ملینیم تا نیو ٹاؤن، اسٹیڈیم سگنل تا حسن اسکوائر ہر قسم کی ہیوی ٹریفک کا داخلہ ممنوع ہوگا۔

    کراچی ٹریفک پولیس کی جانب سے عوام الناس سے گذارش کی گئی ہے کہ زحمت و پریشانی سے بچنے کےلئے قانون نافذ کرنے والے اداروں اور ٹریفک پولیس سے تعاون کریں۔

    واضح رہے کہ 7 ٹی ٹوئنٹی میچز کی سیریز کے چار میچز کراچی اور تین لاہور میں ہوں گے انگلینڈ کی ٹیم 17 سال بعد پاکستان کا دورہ کر رہی ہے۔

    انگلینڈ اور پاکستان کے درمیان اب تک کل 21 ٹی ٹوئنٹی میچز کھیلے گئے ہیں جن میں سے 13 میں انگلینڈ نے کامیابی حاصل کی ہے جبکہ گرین شرٹس صرف 6 میچز جیت سکی ہے اور ایک میچ بے نتیجہ رہا 2015 شارجہ میں ہونے والا میچ انگلینڈ نے ٹائی ہونے کے بعد سپر اوور پر جیتا تھا۔

  • پاک انگلینڈ سیریز: سیلاب متاثرین کی اسٹیڈیم میں انٹری مفت ہوگی

    پاک انگلینڈ سیریز: سیلاب متاثرین کی اسٹیڈیم میں انٹری مفت ہوگی

    کراچی :پاک انگلینڈ سیریز کیلئے سیلاب متاثرین اسٹیڈیم میں مفت داخل ہوسکیں گے،اطلاعات کے مطابق کراچی پولیس چیف جاویدعالم اوڈھو اور ڈی آئی جی ایس ایس یو مقصود میمن نے نیشنل اسٹیڈیم میں سیکیورٹی کے حوالے سے پی سی بی کے آفیشلزکے ساتھ میٹنگ کی۔

    میٹینگ میں ٹیموں کی سیکورٹی کے حوالے سے بریفنگ دی گئی اور بتایا گیا کہ تمام فورسز کے اہلکارکل ہونے والی ریہرسل میں حصہ لیں گے۔

    جاوید عالم اوڈھو اور مقصود میمن نے کہا پی سی بی نے سیلاب متاثرین کو فری ٹکٹ دینے کا اعلان کیا ہے، ہم سیلاب متاثرین کو خوشیاں دیں گے۔انہوں نے کہا سیلاب متاثرین کیلئے اسٹیڈیم میں فری انٹری ہوگی جس پر چیئرمین پی سی بی رضامند ہیں، ہماری ٹیمیں ٹرانسپورٹ کی سہولیات فراہم کریں گی۔

    کراچی پولیس چیف جاویدعالم اوڈھو کا کہنا ہے کہ ہم نے کسی کھلاڑی کو باہر جانے سے نہیں روکا، پی سی بی جب ہمیں آگاہ کرے گا ہم کھلاڑیوں کو جانے دیں گے۔

    کھلاڑیوں کو صدارتی پروٹوکول دیا گیا ہے، صدارتی پروٹوکول میں باہر جانے کیلئے ایک روزقبل پیشگی اطلاع دینی پڑے گی، اگر کھلاڑی باہر جانا چاہتے ہیں تو پی سی بی کے ذریعے ہمیں اطلاع دیں۔انہوں نے کہا سیکورٹی پلان مناسب انداز سے بنایا گیا ہے، انگلینڈ کی ٹیم کوبہترین سیکیورٹی فراہم کی گئی ہے، انگلش سیکورٹی آفیشلز ہماری پلاننگ سے خوش ہیں، انگلش ٹیم کی سیکیورٹی پر5 ہزار اہلکار تعینات کیے گئے ہیں۔

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

    باغی ٹی وی بلوچستان کے سیلاب متاثرین کی آواز بن گیا ہے.

  • میرے اباواجداد پاکستان سے ہیں:لیکن انگلینڈ ٹیم کی قیادت میرے لئےاعزاز ہے::معین علی

    میرے اباواجداد پاکستان سے ہیں:لیکن انگلینڈ ٹیم کی قیادت میرے لئےاعزاز ہے::معین علی

    کراچی :انگلینڈ کی کرکٹ ٹیم کے قائم مقام کپتان معین علی کا کہنا ہے کہ میری فیملی پاکستان سے ہے اور انگلینڈ کی کرکٹ ٹیم کی قیادت میرے لیے اعزاز کی بات ہے۔

    کراچی میں پریس کانفرنس کے دوران معین علی نے کہا کہ مجھے نہیں لگتا یہ انگلینڈ کی بی ٹیم ہے، زیادہ تر کھلاڑی انجری کے باعث سیریز کا حصہ نہیں، صرف بین اسٹوکس آرام کے باعث انگلینڈ کی ٹیم میں شامل نہیں، ہماری موجودہ ٹیم وائٹ بال کی بہترین ٹیم ہے، نوجوان کھلاڑیوں کے پاس موقع ہے وہ اپنی صلاحیت دنیا کو دکھائیں۔

    جوز بٹلر سے متعلق معین علی نے کہا کہ جوز بٹلر کی انجری کےحوالے سے ابھی کچھ نہیں کہہ سکتے، ممکن ہےآخری دو میچز میں بٹلر ٹیم میں آجائیں، ہم بٹلر کو ورلڈکپ کے لیے مکمل فٹ چاہتے ہیں۔

    قائم مقام انگلش کپتان نے کہا کہ کرس ووکس اور مارک ووڈ لمبی انجری کے بعد ٹیم میں آرہے ہیں، ہم اپنے فاسٹ بولر کو احتیاط سے استعمال کرنا چاہتے ہیں، جب فاسٹ بولر تیار ہونگے تب انہیں میچ کھلائیں گے۔

    اپنے پاکستانی پس منظر کے حوالے سے معین علی نے کہا کہ میری فیملی پاکستان سے ہے تو یہ میرے لیے اعزاز کی بات ہے، میرے دوست اور فیملی میری کپتانی پر کافی فخر محسوس کرتے ہیں۔

    معین علی کا کہنا تھا کہ انہوں نے اب تک پچ کا معائنہ نہیں کیا لیکن کراچی کی کنڈیشنز کا اندازہ ہے، مجھے نہیں لگتا اسپنرز سے بڑا فرق پڑے گا۔ ثقلین مشتاق جب انگلینڈ کےکوچ تھے تو ان سے بہت کچھ سیکھا۔

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

    باغی ٹی وی بلوچستان کے سیلاب متاثرین کی آواز بن گیا ہے.

  • پاک انگلینڈ ٹی 20 سیریز،انگلش ٹیم کا نیشنل اسٹیڈیم میں پہلا پریکٹس سیشن

    پاک انگلینڈ ٹی 20 سیریز،انگلش ٹیم کا نیشنل اسٹیڈیم میں پہلا پریکٹس سیشن

    پاکستان اور انگلینڈ کی ٹی 20 سیریز سے قبل انگلینڈ کرکٹ ٹیم کا نیشنل اسٹیڈیم میں پہلا پریکٹس سیشن ہوا۔انگلینڈ کرکٹ ٹیم نے جمعہ کی رات نیشنل اسٹیڈیم میں پہلا پریکٹس سیشن کیا۔ انگلش ٹیم نے فلڈ لائٹس میں 3 گھنٹے طویل پریکٹس سیشن میں حصہ لیا۔

    کپتان جوز بٹلر بھی اس موقع پر گراؤنڈ میں تھے۔ انگلش اسکواڈ نے فزیکل ٹریننگ کے بعد نیٹ سیشن کیا۔پاک انگلینڈ ٹی 20 سیریز سے قبل اسٹیڈیم میں ڈیجیٹل باؤنڈریز نصب کردی گئی ہیں۔

    پاکستانی ٹیم آج سے نیشنل اسٹیڈیم میں تیاریوں کا آغاز کرے گی۔ 7 میچز کی سیریز کا پہلا ٹی میچ 20 ستمبر بروز منگل کو کھیلا جائے گا۔
    تمام میچز شام ساڑھے 7 بجے شروع ہونگے۔

    دوسری طرف انگلینڈ کے خلاف ہوم ٹی 20 انٹرنیشنل سیریزکے لیے قومی اسکواڈ نے کراچی میں رپورٹ کردی۔جمعہ کی رات قومی ٹیم کے کھلاڑیوں اور اسپورٹ اسٹاف نے ٹیم ہوٹل میں رپورٹ کی۔

    وکٹ کیپر بیٹر محمد رضوان اور اسسٹنٹ ٹو ہیڈ کوچ شاہد اسلم 17 ستمبر کو کراچی میں رپورٹ کریں گے۔قومی اسکواڈ آج نیشنل اسٹیڈیم کراچی میں ٹریننگ کرے گا۔ ٹریننگ سیشن سے قبل بیٹر شان مسعود اسٹیڈیم میں میڈیا سے گفتگو کریں گے۔

    پاکستان اور انگلینڈ کے مابین سیریز کا پہلا ٹی 20 انٹرنیشنل میچ 20 ستمبر کو کھیلا جائے گا۔ سیریز کے ابتدائی 4 میچز کراچی اور دیگر 3 میچز لاہور میں کھیلے جائیں گے۔تمام ٹی 20 میچز شام ساڑھے 7 بجے شروع ہونگے۔

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

    باغی ٹی وی بلوچستان کے سیلاب متاثرین کی آواز بن گیا ہے.

  • دوروزہ میکڈونلڈ 15ویں نیشنل انٹرسکول ایج گروپ سوئمنگ چمپئین شپ کا افتتاح

    دوروزہ میکڈونلڈ 15ویں نیشنل انٹرسکول ایج گروپ سوئمنگ چمپئین شپ کا افتتاح

    لاہور: ڈائریکٹر جنرل سپورٹس پنجاب محمد طارق قریشی نے جمعۃ المبارک کو سپورٹس بورڈ پنجاب کے تعاون سے پنجاب انٹرنیشنل سوئمنگ کمپلیکس میں دوروزہ میکڈونلڈ 15ویں نیشنل انٹر سکول ایج گروپ سوئمنگ چمپئین شپ کا افتتاح کیا، مہمان خصوصی ڈی جی سپورٹس پنجاب محمد طارق قریشی کا پنجاب انٹرنیشنل سوئمنگ کمپلیکس آمد پر پرتپاک استقبال کیا گیا،

    اس موقع پر میڈیا سے گفتگو کرتے ہوئے ڈائریکٹر جنرل سپورٹس پنجاب محمد طارق قریشی نے کہا ہے کہ میکڈونلڈ 15ویں نیشنل انٹر سکول ایج گروپ سوئمنگ چمپئین شپ کا انعقاد خوش آئند ہے جس سے گراس روٹ لیول سے سوئمنگ کا ٹیلنٹ سامنے آئے گا، سپورٹس بورڈ پنجاب چیمپئن شپ کے انعقاد کے لئے بھرپور تعاون کررہا ہے، ہر کھیل کو فروغ دینے کے لئے اقدامات اٹھا رہے ہیں تاکہ ٹیلنٹ کو آگے آنے کا موقع ملے،

    انہوں نے مزید کہا ہے کہ سپورٹس بورڈ پنجاب نے سوئمنگ کی اکیڈمی قائم کی ہے جس میں فینا کوالیفائیڈ کوچز سوئمرز کو تربیت دے رہے ہیں، نوجوان سوئمرز کیلئے یہ خوشی کی بات ہے کہ وہ عالمی معیار کے سوئمنگ پول میں مقابلوں میں شریک ہیں، کھلاڑیوں کو جدید سہولیات فراہم کرنے کے لئے سپورٹس کا انفراسٹرکچر بہتر کر رہے ہیں،

    مہمان خصوصی ڈائریکٹر جنرل سپورٹس پنجاب محمد طارق قریشی نے چیمپئن شپ کے پہلے روز کامیاب ہونیوالے سوئمرز میں انعامات اور میڈلز تقسیم کئے، کھلاڑیوں نے ان کے ساتھ گروپ فوٹوز بھی بنوائے، افتتاحی تقریب میں صدر پاکستان سوئمنگ فیڈریشن زوریز لاشاری، سیکرٹری کرنل احمد،صدر پنجاب سوئمنگ ایسوسی ایشن دانیال لاشاری اور سیکرٹری عاطف شفیق، فینا کوالیفائیڈ کوچ محمد حفیظ بھٹی اور ڈویژنل کوچ رفیع زمان بھی موجود تھے۔

    چیمپئن شپ میں ملک بھر سے 400 سے زیادہ سکولوں کے طلبہ و طالبات حصہ لے رہے ہیں، پہلے روز سو میٹربٹر فلائی (سپر بوائے) کے مقابلے میں ایان آصف نے پہلی، ریان صادق نے دوسری اور احتشام بٹ نے تیسری پوزیشن لی، سو میٹر بٹر فلائی انڈر16 بوائز کے مقابلے میں داؤد نواز پہلے، سبحان احمد دوسرے اور مصطفی کبیر تیسرے نمبر پر رہے، سو میٹر بٹر فلائی انڈر14 میں آریان رحمن خاور پہلے، یوسف احمد دوسرے اور فتح صدیق تیسرے نمبر پر رہے، سو میٹر بٹر فلائی انڈر 12میں دیان کاشف پہلے، اسجد علی دوسرے اور محمد حسیب تیسرے نمبر پر رہے،سومیٹر بیک سٹروک (سپر بوائے) کے مقابلے میں ریان صادق لون پہلے، داؤد اشرف دوسرے اور ابوبکر صدیق تیسرے نمبر پررہے، سو میٹر بیک سٹروک انڈر16میں داؤد نواز پہلے، ابراہیم طاہر دوسرے اور مصطفی کبیر تیسرے نمبر پررہے۔چیمپئن شپ کے دوسرے روز ہفتہ کو بھی مقابلے ہوں گے۔

  • نیشنل انٹر سکول ایج گروپ سوئمنگ چمپئین شپ کا افتتاح

    نیشنل انٹر سکول ایج گروپ سوئمنگ چمپئین شپ کا افتتاح

    نیشنل انٹر سکول ایج گروپ سوئمنگ چمپئین شپ کا افتتاح

    ڈائریکٹر جنرل سپورٹس پنجاب محمد طارق قریشی نے جمعۃ المبارک کو سپورٹس بورڈ پنجاب کے تعاون سے پنجاب انٹرنیشنل سوئمنگ کمپلیکس میں دوروزہ میکڈونلڈ 15ویں نیشنل انٹر سکول ایج گروپ سوئمنگ چمپئین شپ کا افتتاح کیا، مہمان خصوصی ڈی جی سپورٹس پنجاب محمد طارق قریشی کا پنجاب انٹرنیشنل سوئمنگ کمپلیکس آمد پر پرتپاک استقبال کیا گیا، اس موقع پر میڈیا سے گفتگو کرتے ہوئے ڈائریکٹر جنرل سپورٹس پنجاب محمد طارق قریشی نے کہا ہے کہ میکڈونلڈ 15ویں نیشنل انٹر سکول ایج گروپ سوئمنگ چمپئین شپ کا انعقاد خوش آئند ہے جس سے گراس روٹ لیول سے سوئمنگ کا ٹیلنٹ سامنے آئے گا، سپورٹس بورڈ پنجاب چیمپئن شپ کے انعقاد کے لئے بھرپور تعاون کررہا ہے، ہر کھیل کو فروغ دینے کے لئے اقدامات اٹھا رہے ہیں تاکہ ٹیلنٹ کو آگے آنے کا موقع ملے، انہوں نے مزید کہا ہے کہ سپورٹس بورڈ پنجاب نے سوئمنگ کی اکیڈمی قائم کی ہے جس میں فینا کوالیفائیڈ کوچز سوئمرز کو تربیت دے رہے ہیں، نوجوان سوئمرز کیلئے یہ خوشی کی بات ہے کہ وہ عالمی معیار کے سوئمنگ پول میں مقابلوں میں شریک ہیں، کھلاڑیوں کو جدید سہولیات فراہم کرنے کے لئے سپورٹس کا انفراسٹرکچر بہتر کر رہے ہیں، مہمان خصوصی ڈائریکٹر جنرل سپورٹس پنجاب محمد طارق قریشی نے چیمپئن شپ کے پہلے روز کامیاب ہونیوالے سوئمرز میں انعامات اور میڈلز تقسیم کئے، کھلاڑیوں نے ان کے ساتھ گروپ فوٹوز بھی بنوائے، افتتاحی تقریب میں صدر پاکستان سوئمنگ فیڈریشن زوریز لاشاری، سیکرٹری کرنل احمد،صدر پنجاب سوئمنگ ایسوسی ایشن دانیال لاشاری اور سیکرٹری عاطف شفیق، فینا کوالیفائیڈ کوچ محمد حفیظ بھٹی اور ڈویژنل کوچ رفیع زمان بھی موجود تھے۔

    چیمپئن شپ میں ملک بھر سے 400 سے زیادہ سکولوں کے طلبہ و طالبات حصہ لے رہے ہیں، پہلے روز سو میٹربٹر فلائی (سپر بوائے) کے مقابلے میں ایان آصف نے پہلی، ریان صادق نے دوسری اور احتشام بٹ نے تیسری پوزیشن لی، سو میٹر بٹر فلائی انڈر16 بوائز کے مقابلے میں داؤد نواز پہلے، سبحان احمد دوسرے اور مصطفی کبیر تیسرے نمبر پر رہے، سو میٹر بٹر فلائی انڈر14 میں آریان رحمن خاور پہلے، یوسف احمد دوسرے اور فتح صدیق تیسرے نمبر پر رہے، سو میٹر بٹر فلائی انڈر 12میں دیان کاشف پہلے، اسجد علی دوسرے اور محمد حسیب تیسرے نمبر پر رہے،سومیٹر بیک سٹروک (سپر بوائے) کے مقابلے میں ریان صادق لون پہلے، داؤد اشرف دوسرے اور ابوبکر صدیق تیسرے نمبر پررہے، سو میٹر بیک سٹروک انڈر16میں داؤد نواز پہلے، ابراہیم طاہر دوسرے اور مصطفی کبیر تیسرے نمبر پررہے۔چیمپئن شپ کے دوسرے روز ہفتہ کو بھی مقابلے ہوں گے۔