Category: کھیل

روٹریم :پاکستان نے دوسرے ون ڈے انٹرنیشنل میں نیدرلینڈز کو 7 وکٹوں سے شکست دیدی، بابر اعظم، محمد رضوان اور آغا سلمان نے نصف سنچریاں اسکور کیں۔ گرین شرٹس کو سیریز میں 0-2 کی فیصلہ کن برتری حاصل ہوگئی۔

روٹرڈیم میں کھیلے گئے دوسرے ون ڈے انٹرنیشنل میں نیدرلینڈز نے ٹاس جیت کر پہلے بیٹنگ کا فیصلہ کیا، پوری میزبان ٹیم 44.1 اوورز میں 186 رنز بنا کر آؤٹ ہوگئی، باس ڈی لیڈ 89 اور ٹام کوپر 66 رنز بنا کر ٹاپ اسکورر رہے، نیدرلینڈز کے 8 کھلاڑی ڈبل فیگر میں بھی داخل نہیں ہوسکے۔

پاکستان کی جانب سے حارث رؤف اور محمد نواز نے 3، 3 کھلاڑیوں کو آؤٹ کیا۔ پاکستان کو 187 رنز کے ہدف کے تعاقب میں ابتداء میں ہی مشکلات کا سامنا کرنا پڑا، فخر زمان 3 اور امام الحق 6 رنز بنا کر پویلین لوٹ گئے، اس موقع پر بابر اعظم اور محمد رضوان نے ٹیم کو سنبھالا، دونوں کے درمیان 88 رنز کی شراکت قائم ہوئی۔

کپتان بابر اعظم 57 رنز بنا کر آریان دت کی گیند پر ڈی لیڈ کے ہاتھوں کیچ ہوگئے، محمد رضوان 69 اور آغا سلمان 50 رنز بنا کر ناقابل شکست رہے۔

میزبان ٹیم کی جانب سے ویویان کنگما نے 2 اور آریان دت نے ایک کھلاڑی کو آؤٹ کیا۔

پاکستان نے ہدف 33.4 گیندوں پر 3 وکٹوں کے نقصان پر مکمل کرلیا، گرین شرٹس کو 3 میچوں کی سیریز میں 0-2 کی برتری حاصل ہوگئی، سیریز کا تیسرا اور آخری میچ 21 اگست کو اسی گراؤنڈ میں کھیلا جائے گا۔

پاکستان کرکٹ بورڈ (پی سی بی) نے آئندہ چار سالوں کے لیے قومی ٹیم کے ٹور پروگرام کا اعلان کردیا-

باغی ٹی وی : اس حوالے سے پی سی بی کی جانب سے ٹوئٹر پر شئیر کی گئی ویڈیو میں بتایا گیا کہ سال 2023 سے 2027 کے دوران آئی سی سی فل بورڈز کے 12 میں سے 10 ارکان کی ٹیمیں پاکستان کا دورہ کریں گی پاکستان اے سی سی 50 اوور کا ایشیا کپ 2023 اور آئی سی سی چیمپئنز ٹرافی 2025 بھی کھیلے گا-

بابر اعظم نے مشکل وکٹ پر ٹاس جیت کر پہلے بیٹنگ کرنے کا فیصلہ کیوں کیا؟ فخر زمان نے وجہ بتادی

2025 اور 2026 میں شیڈول دو ون ڈے سہ فریقی سیریز؛ پاکستان چار سال کی مدت میں کم از کم 238 دن کی بین الاقوامی کرکٹ کھیلے گا، جس میں 27 ٹیسٹ، 47 ون ڈے اور 56 ٹی ٹوئنٹی شامل ہیں جبکہ پاکستان کم ازکم 13 ٹیسٹ،26 ون ڈے اور 27 ٹی ٹوئنٹی میچ ہوم گراؤنڈ پر کھیلے گا-

📢 Pakistan to host 10 Test playing nations for bilateral red and white-ball cricket between 2023 and 2027 📢

A breakdown of Pakistan Men's fixtures in ICC's latest Future Tours Programme 🏏

More details: https://t.co/bDfJty5AcR pic.twitter.com/GjxPeFfVX2

— Pakistan Cricket (@TheRealPCB) August 17, 2022

اے سی سی 50 اوور کے ایشیا کپ اور آئی سی سی چیمپئنز ٹرافی کے میچز شامل ہیں، جو پاکستان بالترتیب 2023 اور 2025 میں کھیلے گا۔ 2023 اور 2027 کے درمیان آئی سی سی اور اے سی سی ایونٹس کے ساتھ ساتھ 2025 اور 2026 کی تین ملکی ون ڈے سیریز بھی کھیلے گا پی سی بی کے مطابق میچز کی تعداد بڑھ بھی سکتی ہے-

اس دوران انگلینڈ، نیوزی لینڈ، جنوبی افریقا، سری لنکا، بنگلا دیش اور ویسٹ انڈیز کی ٹیمیں ٹیسٹ سیریز کھیلنے پاکستان آئیں گی جب کہ افغانستان، آسٹریلیا، آئرلینڈ اور زمبابوے کی ٹیمیں محدود طرز کی کرکٹ کھیلنے کےلیےپاکستان کا دورہ کریں گی جب کہ اس دوران پاکستان دو سہ ملکی کرکٹ سیریز بھی کھیلے گا۔

پی سی بی نے آئی سی سی کے عالمی ایونٹس پر ایک نظر کے ساتھ وائٹ بال میچز شیڈول کیے ہیں۔

جبکہ پاکستان بالترتیب ICC مینز کرکٹ ورلڈ کپ 2023 اور ICC چیمپئنز ٹرافی 2025 سے قبل ایشیا کپ 2023 اور فروری 2025 میں سہ رخی سیریز کی میزبانی کرے گا، وہ تعمیر میں ہالینڈ، آئرلینڈ اور انگلینڈ کے خلاف 11 T20I کھیلے گا۔ ICC مردوں کے T20 ورلڈ کپ 2024 تک، جس کی مشترکہ میزبانی امریکہ اور ویسٹ انڈیز کریں گے۔

اسی طرح، آئی سی سی مینز ٹی 20 ورلڈ کپ 2026 سے پہلے، جس کی میزبانی بھارت اور سری لنکا کریں گے، پاکستان آسٹریلیا سے تین ہوم گراؤنڈ ٹی ٹوئنٹی میچ کھیلے گا۔

آسٹریلیا کے علاوہ تین دیگر ٹیمیں افغانستان، آئرلینڈ اور زمبابوے بھی 2023 سے 2027 کے درمیان پاکستان میں وائٹ بال کے میچ کھیلیں گی۔

پاکستان کا FTP 2023-2027 اس بات کی عکاسی کرتا ہے کہ وہ دو دہائیوں سے زائد عرصے میں پہلی بار آئی سی سی کے 12 میں سے 10 مکمل رکن ممالک کی میزبانی کرے گا۔

پاکستان مینز فیوچر ٹورز پروگرام 2023-2027 (تمام ٹیسٹ میچز کا شمار آئی سی سی ورلڈ ٹیسٹ چیمپئن شپ 2023-2025 اور 2025-2027 میں ہوتا ہے)-

سال 2023-24

جولائی میں پاکستان اور سری لنکا کے درمیان (دو ٹیسٹ)، اگست میں پاکستان اور افغانستان (تین ون ڈے) کھیلیں گے ستمبر میں پاکستان اے سی سی 50 اوور کا ایشیا کپ کھیلے گا اکتوبر/نومبر 2023 میں آئی سی سی مینز کرکٹ ورلڈ کپ انڈیا کھیلے گا

دسمبر/جنوری میں پاکستان اور آسٹریلیا (تین ٹیسٹ). فروری/مارچ میں پاکستان اور ویسٹ انڈیز (دو ٹیسٹ، تین ٹی ٹوئنٹی) جبکہ مئی میں پاکستان سے نیدرلینڈز (تین T20I)، آئرلینڈ (تین T20I) اور انگلینڈ (پانچ T20I) کھیلے گا جون 2024 میں آئی سی سی مینز کا T20 ورلڈ کپ USA/ویسٹ انڈیز کے ساتھ کھیلے گا-

گولڈ میڈلسٹ محمد نوح دستگیر بٹ وطن واپس پہنچ گئے

سال 2024-25

اگست میں پاکستان میں بنگلہ دیش (دو ٹیسٹ)، اکتوبر میں پاکستان میں انگلینڈ (تین ٹیسٹ) نومبر میں پاکستان سے آسٹریلیا (تین ون ڈے اور تین ٹی ٹوئنٹی) نومبر/دسمبرمیں زمبابوے کے ساتھ (تین ون ڈے اور تین ٹی ٹوئنٹی) میچز کھیلے گا-

دسمبر/جنوری میں پاکستان جنوبی افریقہ کے ساتھ (دو ٹیسٹ، تین ون ڈے، تین ٹی ٹوئنٹی) جنوری میں نیوزی لینڈ کے ساتھ (تین ون ڈے اور تین ٹی ٹوئنٹی) فروری میں نیوزی لینڈ اور جنوبی افریقہ، پاکستان میں (ون ڈے سہ فریقی سیریز) میچز کھیلے گا-

فروری/مارچ میں آئی سی سی چیمپئنز ٹرافی پاکستان 2025 کھیلی جائے گی مئی میں پاکستان میں بنگلہ دیش (تین ون ڈے اور تین ٹی ٹوئنٹی) میچز کھیلے جائیں گے-

سال 2025-26

جولائی/اگست – پاکستان سے ویسٹ انڈیز (تین ون ڈے، تین ٹی ٹوئنٹی)، اگست – پاکستان میں افغانستان (تین ٹی ٹوئنٹی)، اگست/ستمبر – ACC T20 ایشیا کپ (میزبان/مقام TBC)، ستمبر/اکتوبر – پاکستان میں آئرلینڈ (تین ون ڈے، تین ٹی ٹوئنٹی)، اکتوبر/نومبر – پاکستان میں جنوبی افریقہ (دو ٹیسٹ، تین ون ڈے، تین ٹی ٹوئنٹی) میچز کھیلے جائیں گے-

پہلا ون ڈے میچ، پاکستان نے نیدرلینڈز کو 16 رنز سے ہرا دیا:

نومبر – سری لنکا پاکستان میں (تین ون ڈے، تین ٹی ٹوئنٹی)، فروری – پاکستان میں آسٹریلیا (تین T20)، فروری/مارچ – ICC مردوں کا T20 ورلڈ کپ بھارت/سری لنکا 2026 اور مارچ – پاکستان میں آسٹریلیا (تین ون ڈے)، مارچ/اپریل – پاکستان سے بنگلہ دیش (دو ٹیسٹ، تین ون ڈے اور تین ٹی ٹوئنٹی)، اپریل/مئی – پاکستان میں زمبابوے (تین ون ڈے اور تین ٹی ٹوئنٹی) میچز کھیلے جائیں گے-

سال 2026-27

جولائی/اگست – پاکستان سے ویسٹ انڈیز (دو ٹیسٹ)، اگست/ستمبر – پاکستان سے انگلینڈ (تین ٹیسٹ)، اکتوبر – سری لنکا پاکستان میں (تین ٹی ٹوئنٹی)، اکتوبر/نومبر – پاکستان میں انگلینڈ اور سری لنکا (ون ڈے سہ رخی سیریز)، نومبر – سری لنکا پاکستان میں (دو ٹیسٹ)، مارچ – پاکستان میں نیوزی لینڈ (دو ٹیسٹ) میچز کھیلے گا-

ایچ بی ایل پاکستان سپر لیگ (یہ 2023-2027 سائیکل کے دوران عارضی ونڈوز ہیں):

جنوری/فروری 2024 – HBL پاکستان سپر لیگ 2024 سیریز کھیلی جائے گی، مارچ-مئی 2025 – HBL پاکستان سپر لیگ 2025 سیریز کھیلی جائے گی-

دسمبر 2025/جنوری 2026 – HBL پاکستان سپر لیگ 2026 سیریز کھیلی جائے گی اور جنوری/فروری 2027 – HBL پاکستان سپر لیگ 2027 سیریز کھیلی جائے گی-

چیف ایگزیکٹو پی سی بی فیصل حسنین کا کہنا ہے کہ پی سی بی نے سال 2023 سے 2027 تک کے لیے فیوچر ٹور پروگرام کو ترتیب دیتے ہوئے معیاری، مسابقتی کرکٹ اور ورک لوڈ مینجمنٹ کو ترجیح دی ہے، کوشش کی گئی ہے کہ تینوں طرز کی کرکٹ کو برابر مواقع دیے جائیں گے۔

انہوں نے کہا کہ انہیں امید ہے کہ اس عرصے کے دوران پاکستان کرکٹ کے مداحوں کو سنسنی خیز کرکٹ دیکھنے کو ملے گی پی سی بی سہ ملکی کرکٹ سیریز کو پذیرائی دینا چاہتا ہے اور اس ضمن میں آئندہ ایف ٹی پی میں 2 ٹرائی نیشن سیریز رکھی گئی ہیں۔

گولڈ میڈلسٹ ارشد ندیم وطن واپس پہنچ گئے

قومی کرکٹ ٹیم کے کپتان بابراعظم نے ایک اورعالمی اعزاز اپنے نام کرلیا ہے۔

باغی ٹی وی : میڈیا رپورٹ کے مطابق قومی کرکٹ ٹیم کے کپتان نے جنوبی افریقہ کے سابق کرکٹر ہاشم آملہ کا ریکارڈ توڑ کر یہ اعزاز اپنے نام کیا-

🌟 Skipper Babar Azam has transcended the veteran @amlahash's aggregate of most runs after 88 ODI innings 👏

👉 No other batter in the history of ODI cricket now has scored as many runs as him in the first 88 ODI innings 🔥#CricketTwitter #PAKvsNED #BabarAzam𓃵 pic.twitter.com/wjAniVwVWr

— Cricwick (@Cricwick) August 16, 2022

گولڈ میڈلسٹ محمد نوح دستگیر بٹ وطن واپس پہنچ گئے

ہاشم آملہ کو 88 ون ڈے اننگز کھیل کر سب سے زیادہ 4473 رنز بنانے کا اعزاز حاصل تھا جبکہ بابراعظم نے 88 ون ڈے اننگز کھیل کر 4516 رنز بنائے اس طرح جنوبی افریقی کھلاڑی کا عالمی ریکارڈ ٹوٹ گیا ہاشم آملہ نے 88 اننگز میں 55.22 کے اوسط سے رنز بنائے جبکہ بابراعظم کے رنز بنانے کا اوسط 59.42 رہا۔

پاکستان ٹیم کے کپتان کو یہ اعزاز نیدرلینڈز کے خلاف ون ڈے میچ کے دوران حاصل ہوا۔

واضح رہے کہ گزشتہ روز پاکستان نے تین ایک روزہ میچوں کی سیریز کے پہلے میچ میں نیدرلینڈ کو 16 رنز سے شکست دی تھی میچ میں میزبان ٹیم پاکستان کی جانب سے جیت کے لیے دیا گیا 315 رنز کا ہدف حاصل کرنے میں ناکام رہی اور مقررہ اوورز میں 8 وکٹوں کے نقصان پر 298 رنز بنا سکی۔

نیدر لینڈز کی جانب سے کپتان ایڈورڈز نے 70 جب کہ ٹام کوپر نے 65 رنز بنائے، پاکستان کی جانب سے ڈیبیو کرنے والے نسیم شاہ اور حارث روف نے تین تین کھلاڑیوں کو آؤٹ کیا۔

اس سے پہلے پاکستان نے نیدر لینڈز کے خلاف ٹاس جیت کر بیٹنگ کا فیصلہ کیاقومی ٹیم کی جانب سے فخر زمان نے شاندار سنچری اسکور کی، انہوں نے 109 گیندوں پر 109 رنز کی اننگز کھیلی جس میں 12 چوکے اور ایک چھکا شامل ہے –

ان کے علاوہ کپتان بابراعظم نے 74 اور شاداب خان 48 رنز بنا کر نمایاں رہے، نیدرلینڈ کے بولر وین بیک اور لیڈ نے بالترتیب دو دو وکٹیں حاصل کیں قومی ٹیم نے مقررہ 50 اوورز میں چھ وکٹوں کے نقصان پر 314 رنز بنائے۔

پہلا ون ڈے میچ، پاکستان نے نیدرلینڈز کو 16 رنز سے ہرا دیا:

پاکستان کے بیٹر فخر زمان نے نیدر لینڈ کے خلاف پہلے میچ اور وکٹ کی کنڈیشن کے حوالے سے کہا کہ ٹاس سے پہلے ہی ہمیں پتہ تھا کہ وکٹ مشکل ہے اور اس پر نمی بھی ہے-

باغی ٹی وی: پاکستان کرکٹ بورڈ ( پی سی بی) کے ٹوئٹر پر شئیر کی گئی ایک ویڈیو میں فخر زمان کا کہنا ہے ٹاس سے پہلے ہی ہمیں پتہ تھا کہ وکٹ مشکل ہے اور اس پر نمی بھی ہے لیکن یہی پلان ہوا اور بابر اعظم نے بھی یہی بات کی اگر اس کنڈیشن میں بھی ہم چانس نہیں لیں گے اور کنڈیشن کے خلاف نہیں کھیلیں گے تو پھر کہاں کھیلیں گے۔

پہلا ون ڈے میچ، پاکستان نے نیدرلینڈز کو 16 رنز سے ہرا دیا:

فخر زمان نے کہا کہ ہمیں پتہ بھی تھا کہ بہت زیادہ مشکل وکٹ ہے لیکن بابر نے کہا کہ ٹاس جیت کر پہلے بیٹنگ اس لیے کریں گے کہ ہمیں ٹف صورتحال ملے کیونکہ ہمیں مستقبل میں کہیں پر بھی مشکل وکٹ اور اس قسم کی کنڈیشن مل سکتی ہے، ورنہ میرے خیال میں کوئی بھی ٹیم اس طرح کی وکٹ پر ٹاس جیت کر بیٹنگ نہیں کرے گی۔

🗣️ Fakhar Zaman shares how he and Babar Azam planned for their superb 168-run partnership as he reviews the first ODI against the Netherlands 🏏#NEDvPAK | #BackTheBoysInGreen pic.twitter.com/3L4eptqgQw

— Pakistan Cricket (@TheRealPCB) August 17, 2022

قومی کرکٹر نے کہا کہ آہستہ اس لیے کھیلے کیونکہ وکٹ پر نمی بہت زیادہ تھی اور کنڈیشن ایسی تھی کہ پورا دن وکٹ پر سورج لگا ہی نہیں تھا، شروع میں جب وکٹ پر گئے اور وکٹ کو دیکھا تو اسی وقت اندازہ ہو گیا تھا کہ اس وکٹ پر رن نہیں بنیں گے، میری اور بابر کی یہی بات ہوئی کہ اگر 25 اوور تک وکٹ نہ گری تو ہم 300 تک جا سکتے ہیں اور ہمارا یہی پلان کام کر گیا۔

فخر زمان نے کہا کہ ایسی مشکل صورتحال میں بہت کم بیٹنگ کی ہے لیکن میں خوش قسمت بھی تھا کہ میرا کیچ بھی چھوٹا، سب سے زیادہ خوشی اس بات کی ہے کہ میرے 100 کی وجہ سے ٹیم میچ جیت گئی لیکن نیدرلینڈ کے بولرز نے اپنی کنڈیشن کو بہت اچھا استعمال کیا اور میرے خیال میں اس میچ کا سب سے زیادہ کریڈٹ انہیں ہی جاتا ہے۔

گولڈ میڈلسٹ محمد نوح دستگیر بٹ وطن واپس پہنچ گئے

فخر زمان نے کہا کہ ابھی ہمیں کنڈیشن کا اندازہ بھی ہو گیا ہے اور ہالینڈ کی جس طرح کی ٹیم ہے انہیں ہمیں بڑے مارجن سے ہرانا چاہیے، اگلے دو میچز میں ہم مخالف ٹیم کو بڑے مارجن سے ہرانے کی پوری کوشش کریں گے۔

فخر زمان نے کہا کہ اس میچ میں ہمارے لیے بہت سی اچھی چیزیں بھی سامنے آئیں، دو کھلاڑیوں نے ون ڈے ڈیبیو کیا سلمان علی آغا تجربہ کار کھلاڑی ہے اس نے بہت اچھا پرفارم کیا جس سے ہمیں اپنی اسٹرینتھ کا بھی پتا چلا، جبکہ نسیم شاہ سپر ٹیلنٹڈ لڑکا ہے، یقین ہے کہ وہ مستقبل میں پاکستان کا سپر اسٹار بنے گا۔

واضح رہے کہ گزشتہ روز پاکستان نے تین ایک روزہ میچوں کی سیریز کے پہلے میچ میں نیدرلینڈ کو 16 رنز سے شکست دی تھی میچ میں میزبان ٹیم پاکستان کی جانب سے جیت کے لیے دیا گیا 315 رنز کا ہدف حاصل کرنے میں ناکام رہی اور مقررہ اوورز میں 8 وکٹوں کے نقصان پر 298 رنز بنا سکی۔

انگلینڈکی ٹیم کےدورہ پاکستان سےملک کا نام روشن ہوگا:وسیم خان

نیدر لینڈز کی جانب سے کپتان ایڈورڈز نے 70 جب کہ ٹام کوپر نے 65 رنز بنائے، پاکستان کی جانب سے ڈیبیو کرنے والے نسیم شاہ اور حارث روف نے تین تین کھلاڑیوں کو آؤٹ کیا۔

اس سے پہلے پاکستان نے نیدر لینڈز کے خلاف ٹاس جیت کر بیٹنگ کا فیصلہ کیاقومی ٹیم کی جانب سے فخر زمان نے شاندار سنچری اسکور کی، انہوں نے 109 گیندوں پر 109 رنز کی اننگز کھیلی جس میں 12 چوکے اور ایک چھکا شامل ہے –

ان کے علاوہ کپتان بابراعظم نے 74 اور شاداب خان 48 رنز بنا کر نمایاں رہے، نیدرلینڈ کے بولر وین بیک اور لیڈ نے بالترتیب دو دو وکٹیں حاصل کیں قومی ٹیم نے مقررہ 50 اوورز میں چھ وکٹوں کے نقصان پر 314 رنز بنائے۔

گولڈ میڈلسٹ ارشد ندیم وطن واپس پہنچ گئے

کامن ویلتھ گیمز 2022ء کے گولڈ میڈلسٹ، ویٹ لفٹرز محمد نوح دستگیر بٹ وطن واپس پہنچ گئے ہیں۔

باغی ٹی وی : ویٹ لفٹرز محمد نوح دستگیر بٹ اور دیگر قومی ایتھلیٹس کا اسلام آباد ایئرپورٹ پر شاندار استقبال ہوا اور اِن پر پھولوں کی پتیاں نچھاور کی گئیں ایئرپورٹ پر ڈی جی اسپورٹس بورڈ آصف زمان نے ایتھلیٹس کا استقبال کیا نوح بٹ کےعلاوہ ویٹ لفٹر حنظلہ دستگیر، حیدر علی، والی بال ٹیم اور ان کے غیر ملکی کوچ بھی وطن پہنچے۔

کامن ویلتھ گیمز میں پاکستان نے پہلا گولڈ میڈل جیت لیا

میڈیا سے گفتگو کے دوران محمد نوح دستگیر بٹ کا کہنا تھا کہ کرکٹ ٹیم کی طرح ہمارا استقبال ہوا، پی ایس بی کے ڈی جی نے تمام قومی ایتھلیٹس کا استقبال کرکے اچھی روایت قائم کی ہے۔

دوسری جانب آصف زمان ڈی جی پی ایس بی کا کہنا تھا کہ قومی ایتھلیٹس کو انعامات کے ساتھ مزید اچھی تیاریوں کے موقع فراہم کریں گے جس ایتھلیٹ کو بیرون ملک ٹریننگ کے لیے بھیجنا ہوگا انہیں پورے مواقع فراہم کیے جائیں گے۔

واضح رہے کہ نوح دستگیر بٹ نے برطانیہ میں جاری کامن ویلتھ گیمز میں 109 ویٹ کیٹگری میں مجموعی طور پر 405 کلوگرام وزن اٹھایا۔ اسنیچ میں 173جبکہ کلین اینڈ جرک میں 232کلوگرام وزن اٹھایا جو 109 ویٹ کیٹگری میں کامن ویلتھ گیمز کا نیا ریکارڈ ہے۔

نوح دستگیر بٹ نے 2022 کے کامن ویلتھ گیمز میں گولڈ میڈل جیتنے سے قبل 2018 کے کامن ویلتھ گیمز میں کانسی کا تمغہ جیتا تھا۔2017 اور 2021 میں منعقدہ کامن ویلتھ ویٹ لفٹنگ چیمپئن شپ میں چاندی کے تمغے جیتے۔ وہ دو مرتبہ کامن ویلتھ جونیئر ویٹ لفٹنگ چیمپئن شپ میں بھی کانسی کے تمغے جیت چکے ہیں۔

کامن ویلتھ گیمز:7 سال سے اس گیم کو جیتنے کی کوشش کررہا تھا ،نوح دستگیر

نوح دستگیر بٹ کا تعلق ویٹ لفٹنگ کی مشہور فیملی سے ہے ان کے کیریئر پر ان کے والد کا گہرا اثر رہا ہے، نوح کے والد غلام دستگیر بٹ ساؤتھ ایشین گیمز میں چار مرتبہ گولڈمیڈل جیت چکے ہیں، نوح بٹ اپنے والد کی نگرانی ہی میں ٹریننگ کرتے ہیں-

نجی چینل کو انٹرویو دیتے ہوئے نوح دستگیر نے کہا تھا کہ 7 سال سے اس گیم کو جیتنے کی کوشش کررہا تھا اتنا وزن اٹھانا آسان نہیں ہوتا، 12 سے 13 سال کی محنت کے بعد یہ کر پایا۔

ان کا کہنا تھاکہ گھر میں ہی والد صاحب ٹریننگ کراتے ہیں،میرے والد بھی انٹرنیشنل ویٹ لفٹر تھےجبکہ بھائی بھی اس کھیل میں ہے۔ پچھلی بار برانز میڈل لیا تھا مگر اس بار پاکستان کا نام روشن کیاحکومت سے کہنے کی ضرورت نہیں،میں نے اپنا کام کردیا،اب وہ کر کے دکھائیں۔

گولڈ میڈلسٹ ارشد ندیم وطن واپس پہنچ گئے

لاہور: پاکستان نے نیدرلینڈز کو پہلے ون ڈے میچ میں جیت کے لئے 315 رنز کا ہدف دےتھا جو نیدر لینڈ کی ٹیم پورا نہ کرسکی اور پچاس اوور کے اختتام پر8کھلاڑیوں کے آوٹ ہونے پرصرف 298 رنز بناسکی

میزبان ٹیم کی جانب سے وکرم جیت سنگھ اور ٹام کوپر 65 ،65 رنز بناکر نمایاں رہے، کپتان اسکاٹ ایڈورڈز نے 71 رنز کی ناقابل شکست اننگز کھیلی۔پاکستان کی جانب سے حارث رؤف اور نسیم شاہ نے 3 ،3 کھلاڑیوں کو پویلین روانہ کیا جب کہ محمد وسیم اور محمد نواز نے ایک ایک وکٹ حاصل کی۔

واضح رہے کہ دونوں ٹیموں کے درمیان 3 ایک روزہ میچز کھیلے جائیں گے، دوسرا میچ 18 اگست اور تیسرا 21 اگست کو کھیلا جائے گا۔

اس سے پہلے روٹر ڈیم میں کھیلے جارہے ون ڈے میچ میں پاکستان نے نیدر لینڈز کے خلاف مقررہ 50 اوورز میں 314 رنز بنائے۔

پاکستان کی بیٹنگ
پاکستان نے ٹاس جیت کر پہلے بیٹنگ کا فیصلہ کیا تو اوپننگ کے لیے فخر زمان کے ساتھ امام الحق میدان میں اترے۔10 رنز کے مجموعی اسکور پر امام الحق کی صورت میں پاکستان کا پہلا نقصان اٹھانا پڑا۔ انہوں نے صرف 2 رنز بنائے۔

فخر زمان اور ون ڈاؤن پوزیشن پر آنے والے بابر اعظم نے 168 رنز کی شراکت قائم کی۔ 74 رنز بنانے کے بعد بابر اعظم آؤٹ ہوئے تو محمد رضوان میدان میں اترے۔196 رنز پر فخر زمان بھی پویلین لوٹ گئے وہ اپنی 7ویں سنچری اسکور کرنے کے بعد 109 رنز بناکر آؤٹ ہوئے۔پاکستان کئ چوتھی وکٹ 212رنز پر گری ، محمد رضوان 14 رنز بناسکے، 243 رنز پر خوشدل شاہ بھی اپنی وکٹ گنوا بیٹھے،انہوں نے 21 رنز بنائے۔

پاکستان کی چھٹی وکٹ 266 رنز پر گری، محمد نواز صرف 4 رنز ہی بناسکے۔ جس کے بعد شاداب خان اور آغا سلمان نے تیز رتفتاری سے اننگز کو آگے بڑھایا اور مقررہ 50 اوورز میں 314 رنز بنائے۔شاداب خان 28 گیندوں پر 48 جب کہ سلمان آغا نے 16 گیندوں پر 27 رنز کی دھواں دھار اننگز کھیلی اور آؤٹ نہیں ہوئے۔

۔روٹرڈیم میں پاکستان کی قیادت بابراعظم کررہے ہیں۔ نائب کپتان شاداب خان،امام الحق، فخرزمان، محمد رضوان اور سلمان علی آغا پلیئنگ الیون میں شامل ہیں۔

خوشدل شاہ، محمد نواز، محمد وسیم، حارث رؤف اور نسیم شاہ بھی پلیئنگ الیون کا حصہ ہیں۔پاکستان ٹیم انتظامیہ نے آل راؤنڈر سلمان علی آغا اور فاسٹ بالر نسیم شاہ کو ون ڈے کیپ دینے کا فیصلہ کیا ہے۔

دونوں کھلاڑی آج میزبان ٹیم کے خلاف اپنا ڈیبیو کررہے ہیں۔ دونوں کھلاڑی پاکستان کی جانب سے ون ڈے انٹرنیشنل کا ڈیبیوکرنے پر پُرجوش ہیں۔یہ ون ڈے سيريز آئی سی سی مينزکرکٹ ورلڈ کپ سپر ليگ کا حصہ ہے۔پاکستان کرکٹ ٹیم کے اوپنرامام الحق نے سماء سے بات کرتےہوئے بتایا کہ روٹر ڈیم کی کنڈيشنز پاکستان کے ليے نئی ہيں مگر ٹيم کی تيارياں اچھی ہيں۔

آئی سی سی ورلڈ ٹیم رینکنگ میں چوتھے نمبر پر موجود پاکستان کی ٹیم آئی سی سی مینز ورلڈکپ سپر لیگ میں 90 پوائنٹس کے ساتھ پوائنٹس ٹیبل پر پانچویں پوزیشن پر موجود ہے۔

بابراعظم کی زیرقیادت قومی کرکٹ ٹیم اگراس سیریزمیں شامل تینوں میچز جیت جاتی ہے تووہ ورلڈ سپر لیگ کے پوائنٹس ٹیبل پر 120 پوائنٹس کے ساتھ دوسری پوزیشن پر پہنچ جائے گی۔