باغی ٹی وی کی رپورٹ کے مطابق کورونا وبا کے باعث قومی پرو ہاکی لیگ ایک سال کیلئے ملتوی کر دی گئی
پاکستان پرو ہاکی لیگ آئندہ سال نومبر میں کرانے کا فیصلہ کیا گیا ہے،پی ایچ ایف نے رواں سال لیگ کے انعقاد کا اعلان کیا تھا
سیکرٹری پی ایچ ایف آصف باجوہ کا کہنا ہے کہ کورونا کے باعث ہاکی بری طرح متاثر ہوئی ہیں، انٹرنیشنل کلینڈر میں 2021 کے ابتدا میں خالی ونڈو موجود نہیں، بڑے ٹورنامنٹ کی تیاری کے لیے وقت درکار ہوتا ہے،کورونا وبا نہ ہوتی تو ہم ہاکی لیگ کا ایک سیزن کراچکے ہوتے،
پاکستان شاہینز کو ٹی ٹوئنٹی میچ بری ہزیمت کا سامنا
باغی ٹی وی رپورٹ کے مطابق ٹی ٹوئنٹی میچ میں ویلنگٹن فائربرڈز نے پاکستان شاہینز کو ٹی ٹوئنٹی میچ میں 9 وکٹ سے شکست دے دی۔
ویلنگٹن فائربرڈز نے پاکستان شاہینز کا دیا گیا 92 رنز کا ہدف 9.5 اوورز میں ایک وکٹ پر حاصل کرلیا۔پاکستان شاہینز کی جانب سے واحد وکٹ محمد حسنین نے حاصل کی.ٹی ٹوئنٹی میچ میں ویلنگٹن فائربرڈز کے کپتان مائیکل بریسویل نے ٹاس جیت کر پہلے فیلڈنگ کا فیصلہ کیا، وکٹ کیپر بیٹسمین روحیل نذیر نے پاکستان شاہینز کی قیادت کی۔
پاکستان شاہینزمیں ایک تبدیلی کی گئی، موسیٰ خان کی جگہ دانش عزیز کو فائنل الیون میں شامل کیا گیا۔پاکستان شاہینزکی فائنل الیون میں ذیشان ملک، حیدرعلی ، خوشدل شاہ، عماد بٹ اور عثمان قادر سمیت افتخاراحمد ، دانش عزیز ، حارث رؤف ،محمد حسنین اورحسین طلعت شامل تھے۔
ویلنگٹن فائربرڈز کے خلاف ٹی ٹوئنٹی میچ کھیلتے ہوئے پاکستان شاہینز کی ٹیم 91 رنز بنا کر آؤٹ ہوئی، پاکستان شاہینز 17.4 اوورز میں 91 رنز بنا کر آؤٹ ہوئے۔
ویلنگٹن فائربرڈزکے جیمی گبسن نے تین وکٹیں حاصل کیں۔
باغی ٹی وی کی رپورٹ کے مطابق سابق کپتان سلیم ملک کو بیرون ملک سے کوچنگ کی آفر ہوئی ہے ۔
باخبر ذرائع کے مطابق سلیم ملک کو تین ایسوسی ایٹ ممالک سے کوچنگ کی پیش کش ہوئی ہے۔ سلیم ملک کوچنگ کے حوالے سے آئندہ چند روز میں حتمی فیصلہ کریں گے ۔
سابق کپتان آئندہ ہفتے پی سی بی سے این او سی کے لیے رابطہ کریں گے۔ خود مختار ایڈجیوڈی کیٹر رویہ بہتر بنانے پر این او سی جاری کرنے فیصلہ دے چکے ہیں
واضح رہے کہ ورلڈ کپ 1999کے بعد جسٹس قیوم انکوائری رپورٹ میں سلیم ملک پر تاحیات پابندی عائد کی گئی تھی تاہم 2008میں لاہور ہائی کورٹ نے سلیم ملک کلئیر کردیا تھا۔
کس کس نے کھیلا جوا اورکس نے کی میچ فکسنگ،سلیم ملک ،عامرسہیل نے کئے اہم انکشاف
نیوزی لینڈ نے پہلے ٹیسٹ میچ میں پاکستان کو جیت کیلئے کتنے رنز کا دیا ہدف؟
باغی ٹی وی کی رپورٹ کے مطابق نیوزی لینڈ نے پہلے ٹیسٹ میچ میں پاکستان کو جیت کیلئے 373 رنز کا ہدف دے دیا ہے ۔
میچ کے چوتھے روز نیوزی لینڈ نے اپنی دوسری اننگ کا آغاز کیا اور اوپنرز کے درمیان 111 رنز کی شراکت قائم ہوئی تا ہم اس کے بعد وکٹیں گرنے کا سلسلہ شروع ہو اور نیوزی لینڈ نے 5 وکٹوں کے نقصان پر 180 رنز بنا کر اننگ ڈکلیئر کر دی ۔
میزبان ٹیم کی جانب سے سب سے زیادہ 64 سکور ٹام بلینڈل نے بنائے جبکہ ٹام لتھام 53 ، کین ولیمسن 21 ، ہنری نکولس 11 اور واٹلنگ 5 سکوربنانے میں کامیاب ہوئے ۔ ان کے علاوہ راس ٹیلر 12 اور مچل سینٹنر 6 رنز بنانے میں کامیاب ہوئے ۔پاکستان کی جانب سے نسیم شاہ نے تین اور محمد عباس نے ایک وکٹ حاصل کی ۔
اس سے قبل پاکستان نے ٹاس جیت کر فیلڈنگ کا فیصلہ کیا اور نیوزی لینڈ کو بیٹنگ کی دعوت دی جس پر نیوزی لینڈ نے 431 رنز بنائے اور آوٹ ہو گئی ۔ پاکستان کی پوری ٹیم 239 رنز ہی بنا سکی اور 192 رنز کاخسارے کا سامنا کرنا پڑا ۔نیوزی لینڈ نے دوسری اننگ کا آغازکیا اور مزید 180 رنز بنا کر اننگ ڈکلیئر کر تے ہوئے پاکستان کو جیت کیلئے 373 رنز کاہدف دے دیا۔
بیٹنگ کوچ یونس خان نے کس پاکستانی کھلاڑی کے متعلق با صلاحیت آل راؤنڈر بننے کی پیش گوئی کردی
باغی ٹی وی رپورٹ کے مطابق پاکستان کرکٹ ٹیم کے بیٹنگ کوچ یونس خان نے کہا ہے کہ فہیم اشرف ایک آل راؤنڈر کا کردار ادا کر رہے ہیں، وہ مستقبل میں اچھے کھلاڑی بننے کی صلاحیت رکھتے ہیں۔
اپنے ایک بیان میں یونس خان نے کہا کہ امید ہے فہیم اشرف عمدہ کارکردگی کا سلسلہ جاری رکھیں گے۔ فہیم اشرف کے کھیل میں بہتری آ رہی ہے اور وہ اچھے باؤلنگ آل راؤنڈر بننے کی صلاحیت رکھتے ہیں۔
یونس خان نے کہا کہ ٹاپ آرڈر سے رنز نہیں ہوئے لیکن انہوں نے کریز پر وقت ضرور گزارا ہے۔ فہیم اشرف کے لیے سٹیج تیار تھا، جب وہ کریز پر پہنچے تو پچاس اوورز ہو چکے تھے۔ ٹاپ آرڈر میں ایک اچھی پارٹنرشپ ہو جاتی تو صورتحال مختلف ہوتی۔
انہوں نے محمد رضوان کے حوالے سے کہا کہ ان کی جتنی تعریف کی جائے کم ہے۔ محمد رضوان انگلینڈ میں بھی اچھا کھیلے، ان کی کیوی ٹیم کے خلاف میچ کے تیسرے روز کی اننگز بالکل مختلف تھی۔
ان کا کہنا تھا کہ محمد رضوان ایک میچور اور سینئر پلیئر کے روپ میں نظر آ رہے ہیں۔ محمد رضوان اسی طرح کھیلتے رہے تو پاکستان کو بہت فائدہ ہوگا۔ انہوں نے کہا کہ کپتان کی اپنی کارکردگی بہت اہمیت رکھتی ہے۔ پرفارمنس اچھی ہو تو فیلڈ میں فیصلے بھی اچھے ہوتے ہیں۔
آئی سی سی کے دہائی کے پلیئرز میں بابر اعظم کی عدم شممولیت پر سابق آسٹریلوی باؤلر نے ایسا کیاکہا
باغی ٹی وی رپورٹ : سابق آسٹریلوی فاسٹ باؤلر جیسن گلسپی نے کہا ہے کہ پاکستانی ٹیم کے کپتان بابر اعظم اور انگلینڈ کے وکٹ کیپر بلے باز جوز بٹلر کو آئی سی سی کی دہائی کی ٹی ٹونٹی ٹیم کا حصہ ہونا چاہیے تھا۔
خیال رہے کہ آئی سی سی کی دہائی کی ٹی ٹونٹی ٹیم میں بھارت کے چار کھلاڑیوں، آسٹریلیا کے دو، ویسٹ انڈیز کے دو اور جنوبی افریقہ، افغانستان اور سری لنکا کے ایک ایک کھلاڑی کو شامل کیا گیا ہے۔
پاکستان، انگلینڈ اور نیوزی لینڈ کے کسی کھلاڑی کو ٹیم میں جگہ نہیں دی گئی۔ پیر کو سماجی رابطے کی ویب سائٹ پر اپنے ٹویٹ میں آسٹریلوی کرکٹر جیسن گلسپی نے کہا کہ مجھے بابر اعظم اور جوز بٹلر کو آئی سی سی کی دہائی کی ٹی ٹونٹی ٹیم میں شامل نہ کرنے کی کوئی وجہ نظر نہیں آتی۔انہوں نے کہا کہ مجھے حیرت ہوئی کہ صرف تین فرنٹ لائن باولرز کو ٹیم میں شامل کیا گیا ہے، میں تین باؤلروں کی سلیکشن سے متفق نہیں ہوں.
واضح رہے کہ آئی سی سی نے مین اور ویمن ٹیم آف دی ڈیکیڈ کی فہرست جاری کردی، چاروں سکواڈ میں پاکستان سے کوئی کھلاڑی موجود نہیں ہے
کرکٹ کی عالمی تنظیم آئی سی سی کی جانب سے دہائی کی مین اور ویمن ٹیموں کی فہرست جاری کردی گئی۔ ٹی ٹونٹی فارمیٹ میں کئی عرصہ تک نمبر ون پوزیشن پر رہنے والی پاکستانی ٹیم کا کوئی کھلاڑی بھی جگہ نہ بنا سکا، بابر اعظم کو آئی سی سی کی نمبر ون ریکنگ پر رہنے کے باوجود ٹیم میں جگہ نہ مل سکی۔
باغی ٹی وی کی رپورٹ کے مطابق پی سی بی نے رواں سال 11 مختلف کٹیگریز میں ایوارڈ دینے کا فیصلہ کیا ہے
پی سی بی کے مطابق 11میں سے 8 ایوارڈز کھلاڑیوں کو دیئے جائیں گے، ایوارڈز میں ایمرجنگ مینز اور ویمنز کرکٹر آف دی ایئر شامل ہیں،ویمنز کرکٹر آف دی ایئر، ڈومیسٹک مینز کرکٹر آف دی ایئر کا ایوارڈ دیا جائیگا
انفرادی کارکردگی آف دی ایئر، وائیٹ بال کرکٹر آف دی ایئر کا ایوارڈ نوازا جائیگا،ٹیسٹ کرکٹر آف دی ائیر، قیمتی کرکٹر آف دی ائیر کا ایوارڈ بھی فہرست میں شامل ہے،اسپرٹ آف دی کرکٹ، امپائر آف دی ائیر اور بہترین کارپوریٹ اچیوومنٹ ایوارڈز شامل ہے،
پی سی بی کے مطابق جیوری ورچوئل میٹنگ کے ذریعے ایوارڈ ز کے لیے ناموں کو حتمی شکل دے گی،امپائر آف دی ائیر کا ایوارڈفرسٹ الیون ٹیموں کے ہیڈ کوچز اور کپتانوں کی جانب سے دیا جائے گا،ایوارڈز جیتنے والوں کے نام کا اعلان یکم جنوری کو پی سی بی کے ڈیجٹل پلیٹ فارمز پر کیا جائے گا
چیئرمین پی سی بی کا کہنا ہے کہ کھلاڑی ہمارے سب سے بڑے اسٹیک ہولڈرز ہیں،
ٹیسٹ میچ، پاکستانی ٹیم نیوزی لینڈ کیخلاف 239 رنز بنا کر آؤٹ
باغی ٹی وی کی رپورٹ کے مطابق پاکستانی ٹیم نیوزی لینڈ کیخلاف پہلے ٹیسٹ میچ میں239 رنز بنا کر آؤٹ ہوئی اور فالو آن سے بچ گئی ہے۔
بالرز کے بعد قومی بلے بازوں نے بھی دھوکا دیا اور نصف ٹیم ڈبل فگرز میں بھی داخل نہ ہوئی۔ اظہر علی اور محمد عباس نے پانچ، پانچ رنز بنائے۔ فواد عالم نو اور حارث سہیل تین رنز پر ہمت ہار گئے۔ یاسرشاہ بھی چار رنز بنا کر کلین بولڈ ہو گئے۔ عابد علی نے25 اور شان مسعود نے دس رنز بنائے۔
قومی ٹیم نے آج تیسرے روز کے کھیل کا آغاز 30 رنز 1 کھلاڑی آؤٹ سے کیا تو پاکستان کا ٹاپ آرڈر بری طرح ناکام رہا ،صرف 80 کے مجموعی اسکور پر پاکستان کے 6 کھلاڑی آؤٹ ہو گئے، شان مسعود10، عابد علی25، محمد عباس اور اظہر علی5،5حارث سہیل3 جبکہ فواد عالم نے 9 رنز بنائے۔
فہیم اشرف اور محمد رضوان نے ذمہ دارانہ اننگز کھیلی اور دونوں کی شراکت داری میں ایک سو سات رنز بنے۔فہیم اشرف کی اننگز نے اطمینان سے کیویز بالر کو پریشانی میں ڈالے رکھا۔ آل راونڈر نے اکانوے رنز بنائے۔ کپتان محمد رضوان نے بھی مشکل وقت میں ٹیم کو سہارا دیا۔ انہوں نے 71 رنز کی شاندار اننگز کھیلی۔
نیوزی لینڈ نے پہلی اننگز میں چار سو اکتیس رنز بنائے تھے اور اب کیویز کو192 رنز کی برتری حاصل ہے۔ تیسرے روز کھیل کے آغاز پر پاکستان نے ایک وکٹ پر30 رنز سے اننگز آگے بڑھائی۔ عابد علی 39 کے مجموعی اسکور پر جیمی سن کی گیند پر بولڈ ہو گئے۔
نائٹ واچ مین محمد عباس بھی زیادہ مزاحمت نہ کر سکے اور43 کے مجموعی اسکور پر پویلین لوٹ گئے۔ سینئر بیٹسمین اظہر علی51 کے مجموعی اسکور پر وکٹ گنوا بیٹھے۔
ایک رن کے اضافے سے حارث سہیل بھی آؤٹ ہو گئے۔ 80 کے اسکور پر چھٹی وکٹ گر گئی جب فواد عالم وکٹوں کے پیچھے کیچ آؤٹ ہو گئے۔ پاکستان کی طرف سے کوئی بھی بیٹسمین جم کر نہ کھیل سکا۔ اوپنر شان مسعود10 اور عابد علی 25 رنز بنا سکے۔ محمد عباس اور اظہر علی نے پانچ پانچ رنز بنائے۔ حارث سہیل تین اور فواد عالم نو رنز بنا کر پویلین لوٹے۔
پاکستانی بالر شاہین شاہ آفریدی نے 4 اور یاسر شاہ نے 3 وکٹیں حاصل کیں جبکہ محمد عباس، نسیم شاہ اور فہیم اشرف نے ایک ایک وکٹ حاصل کی۔ نیوزی لینڈ کے کھلاڑی کین ولیمسن 129 رنز اور بے جے واٹلنگ 73 رنز بنا کر نمایاں رہے،
کپتان محمد رضوان اور فہیم اشرف نے کوئی ٹیم کو سنبھالا اوردونوں نے 107 رنز کی شاندار شراکت داری قائم کی اور کپتان محمد رضوان 71 رنز بنا کر رن آؤٹ ہوئے۔ تاہم فہیم اشرف ڈٹے رہے اور انہوں نے شاندار کھیل پیش کیا جس کی بدولت پاکستان فالو آن سے بچ گیا، انہوں نے 15 چوکوں اور 1 چھکے کی مدد سے 91 رنز بنائے، جبکہ یاسر 4 اور شاہین آفریدی 6 رنز بنا سکے۔اس طرح پوری قومی ٹیم 239 رنز پر آؤٹ ہو گئی،نیوزی لینڈ کو 192 رنز کی برتری حاصل ہے۔
کیویز کی جانب سے جیمیسن نے 3 کھلاڑی کو پویلین کی راہ دکھائی،ٹم ساؤتھی، بولٹ اور ویگنرنے 2،2 کھلاڑیوں کو آؤٹ کیا۔
نیوزی لینڈ نے پہلی اننگز میں 431 رنز اسکور کیے تھے جس کی جواب میں پاکستانی ٹیم نے 239 رنز بنائے۔پاکستانی کی اوپننگ بیٹنگ لائن بری طرح ناکام رہی تاہم مڈل آرڈر نے مجموعی اسکور کو بہتر کیا اور پاکستان کا نیوزی لینڈ کے خلاف فالو آن بچالیا لیکن اب بھی نیوزی لینڈ کو پاکستان پر 192 رنز کی برتری حاصل ہے۔
دوسری جانب ماہرین کا کہنا ہے کہ اگلی اننگز میں پاکستانی فیلڈرز کو بہترین کارکردگی کا مظاہرہ کرتے ہوئے کیویز کھلاڑیوں کو رنز اسکور کرنے سے روکنا ہوگا ورنہ نیوزی لینڈ کو 192 رنز کی برتری پہلے ہی حاصل ہے اگر نیوزی لینڈ نے 200 سے زیادہ رنز بنالیے تو قومی ٹیم کیلئے مشکلات پیدا ہوجائیں گی
آئی سی سی نے مین اور ویمن ٹیم آف دی ڈیکیڈ کی فہرست جاری کردی، کتنے پاکستانی کھلاڑی موجود ؟
باغی ٹی وی رپورٹ : آئی سی سی نے مین اور ویمن ٹیم آف دی ڈیکیڈ کی فہرست جاری کردی، چاروں سکواڈ میں پاکستان سے کوئی کھلاڑی موجود نہیں۔
کرکٹ کی عالمی تنظیم آئی سی سی کی جانب سے دہائی کی مین اور ویمن ٹیموں کی فہرست جاری کردی گئی۔ ٹی ٹونٹی فارمیٹ میں کئی عرصہ تک نمبر ون پوزیشن پر رہنے والی پاکستانی ٹیم کا کوئی کھلاڑی بھی جگہ نہ بنا سکا، بابر اعظم کو آئی سی سی کی نمبر ون ریکنگ پر رہنے کے باوجود ٹیم میں جگہ نہ مل سکی۔
مین ون ڈے اور ٹیسٹ سکواڈ میں بھی قومی ٹیم سے کسی کھلاڑی کو شامل نہیں کیا گیا جبکہ ویمن کی ون ڈے ٹیم میں بھی قومی ٹیم کی کوئی کھلاڑی موجود نہیں۔
آسٹریلیا، انگلینڈ، نیوزی لینڈ، سری لنکا، جنوبی افریقہ، بھارت، بنگلہ دیش اور افغانستان کے مرد و خواتین کھلاڑی آئی سی سی کی جاری کردہ فہرستوں میں شامل ہیں، حیران کن طور پر دہائی کی بہترین ٹی ٹونٹی ٹیم پاکستان کا کوئی بھی کھلاڑی آئی سی سی ٹیم میں شامل نہ کیا جاسکا
احمد فرازصاحب کی روح یقیناً آج تکلیف محسوس کرتی ہوگی، مریم اورنگ زیب شبلی فراز پر برس پڑیں
باغی ٹی وی رپورٹ کے مطابق : ترجمان مسلم لیگ ن مریم اورنگزیب کا شبلی فراز کے بیان پر ردعمل دیتےہوئے کہا ہےکہ نوازشریف کا نام ملک کی ترقی، دفاع اور سلامتی کی بنیادوں میں شامل ہے.دل پر ہاتھ رکھ کر بتائیں کہ عمران خان کانام آئے گا تو کیا یاد آئے گا.احمد فرازصاحب کی روح یقیناً آج تکلیف محسوس کرتی ہوگی،
ان کے فلسفے اور نظریات کے بدترین مخالف کا ترجمان خود ان کا بیٹا ہے،ان کے پاس عوام کو بے روزگاری، مہنگائی اور اندھیرے دینے کے سوا کچھ نہیں .ملک میں جب بھی ووٹ چوری کا نام آئے گا تو عمران خان کا نام آئے گا،عمران صاحب تابعدار اور تھانیدار ذہنیت کے مالک ہیں،
آج شبلی فراز نے مان لیا ،عوام کی تابعداری ان کی معیشت اور روزگار تباہ کرنے سے نہیں ہوتی ،عوام کے حقوق،ان کی روٹی روزگار ،آزادی اظہار واپس لے کر رہیں گے،
واضح رہےکہ اس قبل آج لاڑکانہ جلسے پر تنقید کرتے ہوئے شبلی فراز نے کہا ہے کہ دونوں ایک دوسرے سٹرکوںپر گھسیٹنے والے آج گلے مل رہے ہیں. مریم نواز کا لاڑکانہ جانا "اوپر سے لڑائی اندر سے بہن بھائی” کی تاریخی حقیقت کا منہ بولتا ثبوت ہے۔ ایک دوسرے کو سڑکوں پر گھسیٹنے کے اعلان کرنے والے ایک دوسرے کے مہمان بن گئے۔
سینیٹر شبلی فراز نے اپنے ٹویٹ میں کہا ہے کہ آج ذوالفقار علی بھٹو اور بی بی شہید کی روح کو تکلیف پہنچ رہی ہوگی کہ ان کے فلسفے اور نظریات کے بد ترین مخالف آج ان کے گھر براجمان ہیں۔ انہوں نے کہا کہ ان کا ایجنڈا اپنی ذات سے شروع ہو کر اپنی ذات پر ختم ہو جاتا ہے، ان کے پاس عوام کے لیے کچھ نہیں۔