Category: کھیل

کم ہدف دینے کے بعد کیا حکمت عملی ہوگی اظہر علی نے بتایا

باغی ٹی وی : اظہر علی نے دوسرے ٹیسٹ کی پہلی اننگز کے بعد ٹاس ہارنے کے باوجود ہم نے بہتر بیٹنگ کی، اسکور بورڈ پر رنز لگے ہوئے ہیں، ہمارے پاس اس ٹیسٹ میچ میں اچھا موقع ہے، یہاں ‏کنڈیشنز باؤلرز کے لیے سازگار ہیں، آج سارا دن گیند سیم کرتا رہا ہے،ہم کل صبح ‏اچھی باؤلنگ کر کے میزبان ٹیم کے لیے مشکلات پیدا کرنے کی کوشش کریں گے،

‏ نیوزی لینڈ کو پہلی اننگز میں جلد از جلد آؤٹ کرنے کی کوشش کریں گے، وکٹیں گرنے کے باوجود رنز بنانا ہمارے لیے مفید رہا، اظہر علی
‏محمد رضوان کے ساتھ جو پارٹنر شپ لگی اس سے ٹیم کو استحکام ملا،‏ایسی پچ پر رنز بھی بنتے ہیں اور وکٹ بھی ملتی ہے، اظہر علی
گزشتہ میچ میں پچ تھوڑی سلو تھی، ابھی تک ‏نیوزی لینڈ میں سنچری نہیں بنا سکا،

پہلی اننگ کے بود اظہر علی گفتگو #PAKvNZ #AzharAli @TheRealPCB pic.twitter.com/9Ox4I73x4s

— Baaghi TV باغی ٹی وی (@BaaghiTV) January 3, 2021

خواہش تھی کہ سنچری بناسکتا مگر ابھی ایک اننگز باقی ہے، ‏آج میرے پاس سنچری بنانے کا ایک اچھا موقع تھا، اظہر علی
‏ مشکل کنڈیشنز میں رنز بنانے سے اعتماد بڑھا ہے، یہاں ‏کنڈیشنز بیٹنگ کے لیے آسان نہیں، ڈیبیو کا بھی پریشر ہوتا ہے لیکن ظفر گوہر آج بہت عمدہ کھیلے، ‏ظفر گوہر نے ثابت کیا ہے کہ وہ باصلاحیت اور پراعتماد کرکٹر ہیں،

لیگ اسپنر یاسر شاہ کی جگہ لینے والے ظفر گوہر کا ٹیسٹ ڈیبیو

باغی ٹی وی :پاکستان نے نیوزی لینڈ کے خلاف دوسرے اور آخری ٹیسٹ میں لیگ اسپنر یاسر شاہ کی جگہ ظفر گوہر کو شامل کیا ہے ٹیسٹ ڈیبیو کر رہے ہیں۔

کرائسٹ چرچ ٹیسٹ میں پاکستان کی جانب سے لیفٹ آرم اسپنر ظفر گوہر کو ٹیسٹ کیپ دی گئی ہے، وہ اپنے کیریئر کا پہلا ٹیسٹ کھیل رہے۔ ظفر گوہر کو ٹیسٹ کیپ قومی ٹیم کے تجربہ کار لیگ اسپنر یاسر شاہ نے پہنائی۔

پچیس سالہ ظفر گوہر نے 2014 کے انڈر 19 کرکٹ ورلڈکپ میں پاکستان کی نمائندگی کی تھی، اُس سے قبل وہ ڈومیسٹک کرکٹ میں ڈیبیو کر چکے تھے۔

ظفر گوہر پاکستان کی جانب سے ایک ون ڈے انٹرنیشنل میچ بھی کھیل چکے ہیں، اُنہوں نے یہ میچ 17 نومبر 2015 کو شارجہ میں انگلینڈ کے خلاف کھیلا تھا۔2019 کے ڈومیسٹک کرکٹ کے سیزن میں ظفر گوہر نے شاندار کھیل کا مظاہرہ کیا تھا جس کا صلہ اُنہیں پلیئر آف دی ٹورنامنٹ کی صورت میں ملا تھا، اب ظفر گوہر اپنی منزل پانے میں کامیاب ہوئے ہیں جب اُنہیں کرائسٹ چرچ ٹیسٹ میں ٹیسٹ کیپ دی گئی۔

اس موقع پر ظفر گوہر کا کہنا تھا کہ ٹیسٹ کرکٹر بننا اُن کا بچپن کا خواب تھا
ان کا کہنا تھا کہ بہت پرجوش ہوں، تین سال سے فرسٹ کلاس کرکٹ سے بہت کچھ سیکھا ہے، بیٹنگ، بولنگ اور فیلڈنگ میں بہترین کارکردگی کا مظاہرہ کرنے کا عزم ہے۔

Zafar Gohar is making his Test debut today!#NZvPAK #HarHaalMainCricket #BackTheBoysInGreen pic.twitter.com/vAGhLkUMEK

— Pakistan Cricket (@TheRealPCB) January 2, 2021

دوسرا ٹیسٹ ، قومی شاہینوں کی پویلین واپس جانے میں‌ بے تابی، بڑا سکور کرنے میں‌ ناکام

باغی ٹی وی رپورٹ :پاک نیوزی لینڈ دوسرے ٹیسٹ میں کیویز نے ٹاس جیت کر پاکستان کو پہلے بیٹنگ کی دعوت دی، قومی شاہینوں نے ناقص کارکردگی کا مظاہرہ کرتے ہوئے 297 رنز بنائے۔ اظہر علی 93 سکور کے ساتھ نمایاں‌ رہے۔

کرائسٹ چرچ ٹیسٹ میں ٹاپ آرڈر پھر ناکام، شان مسعود صفر ،حارث سہیل ایک رن پر پویلین واپس ہو گئے۔ میچ شروع ہوا تو اوپنرز شان مسعود اور عابد علی میدان میں اترے، کیویز باولرز کے سامنے شان صرف 8 ویں بال پر ہی ہمت ہار بیٹھے اور ساوتھی کی بال پر ایل بی ڈبلیو ہو گئے۔ ان کا ساتھ دینے والے عابد علی نے تھوڑی ہمت کی اور 3 چوکوں کی مدد سے 25 رنز بنائے مگر جیمیسن کی بال پر ساوتھی کو کیچ دے بیٹھے اور پویلین لوٹ گئے۔ اظہر علی نے کریز پر آ کر میچ سنبھالا اور 12 چوکوں کی مدد سے 90 رنز دیئے تاہم وہ نروس نائنٹی کا شکار ہو کر 93 رنز پر آوٹ ہو گئے۔ حارث سہل ایک مرتبہ پھر کیویز باولرز کے پریشر میں آ گئے، انہوں نے صرف ایک رن بنایا اور کیچ آوٹ ہو گئے، ان کے بعد آنے والے فواد عالم نے بھی حارث کی پیروی کی اور 2 رنز بنا کر واپسی کا راستہ ناپا۔ آل راؤنڈر فہیم اشرف ٹیسٹ کیرئر کی تیسری ففٹی مکمل کرتے کرتے رہ گئے اور 48 رنز پر آوٹ ہوئے۔

نیوزی لینڈ کے کائل جیمیسن نے 5 جبکہ ٹم ساؤتھی اورٹرینٹ بولٹ نے 2،2 وکٹیں حاصل کیں، پاکستانی ٹیم کے آؤٹ ہونے پر پہلےدن کا کھیل بھی ختم کر دیا گیا۔

میچ سے قبل ٹاس نیوزی لینڈ نے جیتا تو کیوی کپتان ولیمسن نے پہلے باولنگ کا فیصلہ کیا۔ قومی کپتان محمد رضوان کا کہنا تھا کہ "اگر پاکستان ٹاس جیتتا تو پہلے باولنگ کا ہی فیصلہ کرتے لیکن ٹاس ہارنے کے سبب فیصلہ ہمارے ہاتھ میں نہیں البتہ میچ میں پوری جان لڑا دیں گے”۔ واضح رہےکہ ہیگلے اوول نیوزی لینڈ کی تیز ترین وکٹ مانی جاتی ہے

دوسرا ٹیسٹ میچ کل،سیریزابھی ہمارے ہاتھ سے نہیں نکلی،محمد رضوان پر امید

باغی ٹی وی کی رپورٹ کے مطابق پاکستان اورنیوزی لینڈ کےدرمیان دوسرا ٹیسٹ میچ کل سے شروع ہورہا ہے

دوسرے ٹیسٹ میچ میں بھی محمدرضوان قومی ٹیم کی قیادت کریں گے،دوٹیسٹ میچوں کی سیریزمیں نیوزی لینڈ کوایک صفرکی برتری حاصل ہے

پی سی بی کے مطابق کرائسٹ چرچ پہنچنےپربابراعظم نےگزشتہ روزمکمل نیٹ سیشن کیا،نیٹ کےدوران بابراعظم نےانگوٹھےمیں ہلکا درد محسوس کیا،ٹیم مینجمنٹ نے کوئی بھی خطرہ مول نہ لینے کا فیصلہ کیا ہے،پرامیدہیں بابراعظم جنوبی افریقہ کےخلاف ہوم سیریز کیلئے دستیاب ہوں گے.

محمد رضوان کا کہنا ہے کہ ابتدائی دونوں ٹی ٹوینٹی میچزہارنے کے بعد ہم نےآخری میچ میں کامیابی حاصل کی،آخری ٹی ٹوینٹی میچ جیتنے سے جومومنٹم پکڑا اس کاٹیسٹ میچ میں فائدہ ہوا،سیریزابھی ہمارے ہاتھ سے نہیں نکلی،تمام کھلاڑی پراعتماد ہیں،ہمارے پاس ٹیسٹ میچ جیت کرسیریزبرابرکرنے کاموقع ہے،بابراعظم کاماننا ہےکہ ابھی انہیں مکمل فٹنس کیلئے وقت درکارہے،بابراعظم جیسے کھلاڑی کے ٹیم میں نہ ہونے سے فرق پڑتاہے،

محمد رضوان کا مزید کہنا تھا کہ بابراعظم جنوبی افریقہ کےخلاف ہوم سیریزمیں واپس آئیں گےتواچھا کمبی نیشن بنےگا،ٹیم میں تبدیلیوں کا سوچا ہوا ہے،ابھی مل بیٹھ کر فیصلہ کریں گے،

باغی ٹی وی کی رپورٹ کے مطابق بابر اعظم انگھوٹھے کی انجری کی وجہ سے نیوزی لینڈ کے خلاف دوسرے ٹیسٹ میچ سے باہر ہو گئے۔

بابر اعظم نیوزی لینڈ کیخلاف دوسرا ٹیسٹ میچ نہیں کھیلیں گے، وکٹ کیپر بیٹسمین محمد رضوان میچ میں پاکستان کی قیادت کریں گے،بابر اعظم انگوٹھے پر گیند لگنے سے انجری کا شکار ہوگئے تھے، انجری کے باعث بابر اعظم ٹی 20 سیریز بھی نہیں کھیل سکے تھے

بابر اعظم کرائسٹ چرچ میں بارش کے باعث بیٹنگ پریکٹس نہ کر سکے،بیٹنگ پریکٹس کے دوران بابر اعظم کی فٹنس کا جائزہ لیا جانا تھا ۔

قبل ازیں پاکستان کرکٹ ٹیم کا ہیگلے اوول میں ٹریننگ سیشن بارش کے باعث متاثر ہوا، بلے بازوں نےصرف آدھا گھنٹہ ہی نیٹ سیشن میں حصہ لیا جبکہ فاسٹ باؤلرز نے نیٹ سیشن میں حصہ نہیں لیا۔قومی کھلاڑیوں نے گراؤنڈ میں وارم اپ سیشن کے علاوہ فیلڈنگ پریکٹس کی۔

تجربہ کار بیٹسمین محمد حفیظ کے متعلق ‌ سکائی سپورٹس نے بڑی پیش گوئی کر دی

باغی ٹی وی رپور ٹ کے مطابق پاکستان کرکٹ ٹیم کے تجربہ کار بیٹسمین محمد حفیظ کا 2020کی 20 کرکٹ میں چرچا رہا،غلبہ رہا،40 سالہ بیٹسمین نے 152کے اسٹرائیک ریٹ سے بیٹنگ کرکے اچھوں اچھوں کو پیچھے چھوڑ دیا جبکہ نامی گرامی بائولرز کی نیندیں اڑادیں،انہوں نےپاور فل ہٹنگ سے ثابت کیا ہے کہ پرفارمنس اور فارم کا عمر کے ساتھ کوئی تعلق نہیں ہے۔یہی وجہ ہے کہ وہ 2020 کی ٹی 20 کرکٹ کے بادشاہ رہے ،انہوں نے دنیائے کرکٹ کی تمام ٹیموں کے من جملہ بیٹسمینوں پر اپنی باشاہت ثابت کی اور 415 رنز بناکر کلینڈر 2020کے ٹی 20 کلینڈر ایئر کے ٹاپ بیٹسمین رہے۔انہوں نے 3 ہاف سنچریز بنائیں اور یہ بڑی ٹیموں کے خلاف تھیں،2 انگلینڈ میں اسکور کیں اور ایک نیوزی لینڈ میں 99کی اننگ کے ساتھ اپنے کیریئر کا حصہ بنائی۔
کمال بات یہ ہے کہ ان کا اسٹرائیک ریٹ آج کی دنیا کے ینگ پلیئرز جونی بیئرسٹو اور جوس بٹلر کے ساتھ ملتا ہے،سال بھر کی تمام ٹی 20 کرکٹ میں انہوں نے 1000رنزبھی مکمل کئے ، کرک سین کے مطابق پاکستان سپر لیگ میں بنائے گئے312 رنز بھی ان کی فارم اور فٹنس کا ثبوت تھے۔
40 سالہ جارح مزاج بیٹسمین کی عمر کو لے کر تنقید کی جاتی ہے کہ انہیں اب مستقبل بلکہ ورلڈ ٹی 20 پلان کا حصہ نہ بنایا جائے لیکن حقیقت یہ ہے کہ ہر گزرتے دن کے ساتھ ان کی پرفارمنس میں نکھار آرہا ہے۔
معروف نشریاتی ادارے سکائی سپورٹس نے محمد حفیظ کی سال 2020کی پرفارمنس کا بطور خاص تذکرہ کیا ہے اور ساتھ ہی ایک خوبصورت تبصرہ کیا ہے کہ اس سال جب بھارت میں ورلڈ ٹی 20 کھیلا جارہا ہوگا تو حفیظ 41 سال کے ہوجائیں گے ،انہوں نے اپنی یہ فارم بحال رکھی تو وہ پاکستان کے لئے اتنی پاور فل اور مدد گار ہوگی کہ ان کا ملک 12 سال بعد تاریخ میں دوسری بار ٹی 20 ورلڈ چیمپئن بن جائے گا۔پاکستان نے اکلوتا ٹائٹل 12 برس قبل انگلینڈ میں جیتا تھا۔2009کے ایونٹ میں اس نے یونس خان کی قیادت میں ٹرافی اٹھائی تھی۔
محمد حفیظ کی ٹی 20 انٹر نیشنل کرکٹ پرفارمنس کو ہر سطح پر سراہا گیا ہے،وہ یقینی طور پر ورلڈ ٹی 20 پلان کا حصہ ہیں،انہیں میگا ایونٹ سے قبل اہم سیریز اور بھر پور پریکٹس مل جائے گی لیکن اہم بات اور بھی ہے جس کی جانب کرک سین توجہ مبذول کروانا چاہتا ہے۔محمد حفیظ ایک بہترین اسپنر بھی ہیں اور ماضی میں اپنی بائولنگ سےبھی ٹیم کو سپورٹ کرتے رہے ہیں،انہوں نے گزشتہ دنوں کہا تھا کہ وہ اس کےلئے بھی دستیاب ہیں لیکن یہ کپتان اور ٹیم پلان پر منحصر ہے کہ وہ انہیں بائولنگ دیں یا نہ دیں۔
ماضی میں متعدد بار غیر قانونی بائولنگ ایکشن کا شکار ہونے والے حفیظ نے آخری بار آئی سی سی سےاس کی کلیئرنس لے لی تھی،اس لئے وہ واقعی دستیاب ہیں۔ورلڈ ٹی 20 بھارت میں کھیلا جارہا ہے،پاکستان کرکٹ ٹیم منیجمنٹ کو ابھی سے حفیظ کی بائولنگ کے حوالہ سے پلان طے کرلینا چاہئے کیونکہ بھارت کی وکٹیں اسپنرز کے لئے مدد گار ہوتی ہیں،حفیظ ریگولر نہ سہی مگر پارٹ ٹائم بائولر کے طور پر پاکستان کرکٹکے لئے مدد گار ثابت ہوسکتے ہیں۔
پاکستان کرکٹ بورڈ نے حفیظ کو سنٹرل کنٹریکٹ لسٹ میں بھی نہیں ڈالا تھا،اس میں شمولیت ایک اعزاز کی بات ہوتی ہے،اس سے کرکٹرز میں اعتمادبڑھتا ہے۔پاکستان کرکٹ بورڈ ورلڈ ٹی 20 کے پیش نظر اس معاملہ کو ہنگامی کیس کے طور پر دیکھے،اس سےحفیظ کے اعتماد میں لامحالہ اضافہ ہوگا

پاکستان شاہینز نے کینٹربری کو دھول چٹا دی

باغی ٹی وی رپورٹ پاکستان شاہینز نے لنکن، کرائسٹ چرچ میں کھیلے گئے تیسرے ٹی ٹوئنٹی میچ میں کینٹربری کو7 وکٹوں سے شکست دیدی۔

کرائسٹ چرچ میں کھیلے گئے تیسرے ٹی ٹوئنٹی میچ میں کینٹربری کی ٹیم نے مقررہ20 اوورز میں 5 وکٹوں کےنقصان پر 169 رنز بنائے، جواب میں پاکستان شاہینز نے ہدف 18 ویں اوور میں 3 وکٹ کے نقصان پر حاصل کرلیا۔

پاکستان شاہینز کی جانب سے روحیل نذیر 69 اور حسین طلعت 53 رنز بنا کر ناٹ آؤٹ رہے ، کینٹربری کے شین ڈیوی نے 1 وکٹ حاصل کی

کینٹربری کی اننگ میں ٹائلر لورٹن 51 رنز بنا کر آؤٹ ہوئے، چیمبرلین 66 رنز بناکر ناٹ آؤٹ رہے، پاکستان کی جانب سے حارث رؤف نے 2 وکٹیں حاصل کیں ۔

پاکستان شاہینز ٹیم اپنا چوتھا ٹی ٹوئنٹی میچ 3جنوری کونیوزی لینڈالیون کے خلاف کھیلے گی۔

پاکستان شاہینز کو ٹی ٹوئنٹی میچ بری ہزیمت کا سامنا

بابر اعظم نے پی سی بی ایوارڈز 2020ءکا میلہ لوٹ لیا

پاکستان کرکٹ بورڈ (پی سی بی) نے سال 2020ء کیلئے 12 ایوارڈز کا اعلان کر دیا، بابر اعظم دو ایوارڈ لے اڑے، محمد رضوان سال کے بہترین ٹیسٹ کھلاڑی قرار پائے تو فواد عالم کی اننگز کو سال کی بہترین اننگز قرار دیا گیا۔

پی سی بی کی جانب سے ایوارڈز کے اعلان میں قومی کرکٹ ٹیم کے کپتان بابر اعظم نے سال 2020ء کے دو ایوارڈ اپنے نام کیے، انہیں پہلا ایوارڈ ’موسٹ ویلیو ایبل پلئیر‘ اور دوسرا ایوارڈ ’وائٹ بال کرکٹر آف دی ایئر ‘ دیا گیا۔

ٹیسٹ کرکٹر آف دی ایئر کا قرعہ وکٹ کیپر بیٹسمین محمد رضوان کے نام رہا، جبکہ 10 سال بعد ٹیم میں جگہ بنانے والے فواد عالم نے شاندار اننگز کھیل کر انفرادی کارکردگی کے ایوارڈ کے حقدار بنے۔

فاسٹ بولر نسیم شاہ کوبیسٹ ایمرجنگ انٹرنیشنل کرکٹرکا ایوارڈ دیا گیا ، ایمرجنگ ڈومیسٹک کرکٹر کا ایوارڈ وکٹ کیپر روحیل نذیر کے نام رہا جبکہ کامران غلام کو ڈومیسٹک کے بہترین کرکٹر کا ایوارڈ مل گیا۔ایمرجنگ ڈومیسٹک بہترین خاتون کرکٹر فاطمہ ثناء کو قراردیا گیا جبکہ عالیہ ریاض بیسٹ ویمن کرکٹر آف دی ایئر قرار پائیں۔

آصف یعقوب سال ٹوئنٹی ٹوئنٹی کے بہترین امپائر قرار دیے گئے، سوپر لیگ فائیو کے تمام میچز پاکستان میں ہوئے اس لئے ایونٹ کو کارپوریٹ اچیومنٹ آف دی ائیر کا ایوارڈ دیا گیا ۔

اس کے علاوہ بنگلادیش کرکٹ ٹیم کے دورۂ پاکستان پر قومی کھلاڑیوں نے بنگلادیش کے ڈریسنگ روم میں جاکر ان کا شکریہ ادا کیا اس اقدام پر اس ٹیم کو اسپٹ آف دی ائیر قرار دیا گیا

امپائر علیم ڈار نے نئے سال کے لیے کیا پیغام دیا

باغی ٹی وی :آئی سی سی ایلیٹ امپائر علیم ڈار نے کہا ہے کہ وہ دعاگو ہیں کہ آنے والے سال میں سب کو خوشیاں ملیں۔

انہوں نے کہا کہ 2020 پوری دنیا کے لیے بڑا مشکل رہا ہے، دعاگو ہوں آنےوالے سال میں سب کوخوشیاں ملیں۔علیم ڈار کا کہنا ہے کہ پوری دنیا کے لوگوں کے لیے میری طرف سے نیک خواہشات ہیں۔

واضح رہےکہ سال کے اختتام پر ہر میدان کے لوگ اور سیلیبرٹی اپنا اپنا پیغام دے رہے ہیں‌. کرکٹ پاکستان کے لیے کیسا گزرا اس حوالے سے انٹر نیشنل کرکٹ کا سال 2020تمام ہوا،سال کی آخری کرکٹ سر گرمی پاکستان اور نیوزی لینڈ کے نیپیئر ٹیسٹ کے آخری روز کی جاندارجادوگری تھی،کھیل کے 2 سیشن 4گھنٹوں میں فواد عالم اور محمد رضوان نہ صرف چھائے رہے بلکہ پاکستا نی کیمپ و عوام کو مطمئن کرتے دکھائی دیئے ،یہ ایسی جادو گری تھی کہ کیویز سحر کا شکار ہوگئے لیکن چائے کا وقفہ جیسے ہی تمام ہوا،پاکستان کے تمام باقی ماندہ 6بیٹسمینوں کو سانپ سونگھ گیا اور اننگ 27 بالزقبل تمام ہوگئی،اس میچ کے ساتھ ہی پاکستان سمیت تمام ٹیسٹ ممالک کے اس سال کے طویل فارمیٹ کے میچز تمام ہوگئے۔

پاکستانی میڈیا اور انٹر نیشنل میڈیا میں فواد کی سنچری اور کپتان رضوان کی مزاحمتی اننگ کی جھلکیاں ہیں،کافی تعریفیں ہیں اورتعریف بنتی بھی ہے لیکن پاکستان میچ ہارا ہے،اگر بات اتنی بھی ہوتی تو کہہ سکتے تھے کہ ایسی کنڈیشن میں کوئی بھی ہار سکتا ہے لیکن اگر سال بھر کی کارکردگی کا پوسٹ مارٹم کیا جائے تو نہایت مایوسی،پریشانی ہے،اس سے بھی بڑی پریشانی یہ ہے کہ بھاری بھرکم کوچنگ اسٹاف رکھنے کے باوجود پاکستان کی کارکردگی سال 2019 کی پرفارمنس سے بہتر نہیں ہوئی بلکہ اس جیسی بری ثابت ہوئی یا اس سے بھی تباہ کن رہی۔پاکستان نے رواں سال 5 ٹیسٹ میچز کھیلے۔2 میچز ہارے ،2 میچز ڈرا کھیلے جبکہ ایک ہی فتح نصیب ہوئی

پاکستان اور نیوزی لینڈ کے درمیان دوسرا ٹاکرا کب ہو گا. شاہین نئی حکمت عملی سے میدان میں‌اتریں گے

پاکستان اور نیوزی لینڈ کے درمیان دوسرا اور آخری ٹیسٹ اتوار سے کرائسٹ چرچ میں شروع ہوگا ، قومی ٹیم کل سے ٹریننگ کاآغاز کرےگی ۔

ماونٹ منگنوئی میں کھیلے جانے والے پہلے کرکٹ ٹیسٹ میں پاکستان کو نیوزی لینڈ نے 101 رنز سے شکست دی تھی ،دوسرے اور آخری ٹیسٹ کےلئے پاکستان کرکٹ ٹیم کا اسکواڈ ترنگا سے کرائسٹ چرچ پہنچ چکا ہے۔قومی ٹیم آج آرام کرے گی جبکہ ٹریننگ کا آغاز کل سے ہوگا ۔

کپتان بابر اعظم کی ٹیسٹ میں شمولیت ان کی فٹنس سے مشروط ہے وہ ابھی تک مکمل فٹ نہیں ہوسکے ہیں اور مینجمنٹ انہیں جلدبازی میں کھلا کر خطرہ مول لینا نہیں چاہتی ۔

پاکستان اور نیوزی لینڈ کے مابین دوسرا ٹیسٹ میچ 3 جنوری سے کھیلا جائے گا۔