Category: کھیل

قومی سہ فریقی ٹی ٹونٹی خواتین چیمپئن شپ کا شیڈول جاری

نیشنل ویمنز ٹرائنگولر ٹی ٹونٹی کرکٹ چیمپئ شپ 22 نومبر سے پنڈی کرکٹ اسٹیڈیم راولپنڈی میں شروع ہوگی۔ ایونٹ کا فائنل یکم دسمبر کو کھیلا جائے گا۔ٹورنامنٹ میں کُل 42 خواتین کرکٹرز شرکت کریں گی۔ ایونٹ میں تقریباََ سترہ لاکھ روپے کے انعامات تقسیم کیے جائیں گے۔

دس روزہ ٹورنامنٹ میں پی سی بی بلاسٹرز،پی سی بی چیلنجرز اور پی سی بی ڈائنا مائٹس کی ٹیمیں شرکت کریں گی، ڈبل لیگ کی بنیاد پر کھیلے جانے والے ایونٹ میں 2 ٹاپ ٹیمیں یکم دسمبر کو پوائنٹس کی بنیاد پر فائنل میں مدمقابل آئیں گی۔

یہ چمپئین شپ قومی خواتین کرکٹ کے معیار میں مزید بہتری لانے کے لئے معاون ثابت ہو گی۔پاکستان کرکٹ بورڈ نے سات میچز پر مشتمل اس ٹورنامنٹ کو لائیواسٹریم کرنے کا فیصلہ کیا ہے۔ ایونٹ کے تمام میچزپی سی بی کے آفیشل یو ٹیوب چینل پر براہ راست نشر کیے جائیں گے، جہاں 9 کیمروں سے کوریج کی جائے گی۔

خواتین کھلاڑیوں کی حوصلہ افزائی اور بہترین کارکردگی کی ترغیب کے لیے گزشتہ سال کی نسبت ایونٹ کی انعامی رقم میں دوگنا ہ اضافہ کردیا گیا ہے۔

پی سی بی چیلنجرز کی ٹیم ایونٹ میں ٹائٹل کا دفاع کرے گی۔ گزشتہ ایڈیشن میں 292 رنز بناکر پلیئر آف دی ٹورنامنٹ کا اعزاز حاصل کرنے والی منیبہ علی اس ایونٹ میں دفاعی چیمپئن کی قیادت کریں گی۔

ایونٹ کی فاتح ٹیم کودس لاکھ اور رنرزاپ کو پانچ لاکھ روپے کی انعامی رقم دی جائے گئی۔اس دوران ہر میچ کی بہترین کھلاڑیوں کو 20 ہزار روپے جبکہ پلیئر آف دی چیمپئن شپ کو 50 ہزار روپے کیش بطور انعام دیا جائے گا۔

پی سی بی بلاسٹر کی قیادت عالیہ ریاض اور پی سی بی ڈائنمائٹس کی قیادت رامین شمیم کریں گی۔

پی سی بی چیلنجرز اور پی سی بی ڈائنامائٹس کی کپتانی بالترتیب عالیہ ریاض اور رامین شمیم کریں گی۔ تمام ٹیموں کے اسکواڈ میں ایک ایک انڈر 19 ویمن کرکٹرکو شامل کیا گیاہے۔

اس سے قبل پی سی بی کوویڈ 19 کی وباء کے باوجود کراچی میں نیشنل ہائی پرفارمنس کیمپ کا انعقاد کرچکا ہے۔بائیو سیکیور ماحول میں منعقدہ اس کیمپ میں خواتین کرکٹ ٹیم کی مستقل جاری اس دوڑ میں نمایاں 27 خواتین کرکٹرز نے شرکت کی۔

شیڈول:

بائیس نومبر: پی سی بی بلاسٹرز بمقابلہ پی سی بی ڈائنامائٹس بمقام پنڈی کرکٹ اسٹیڈیم راولپنڈی
تئیس نومبر پی سی بی بلاسٹرز بمقابلہ پی سی بی چیلنجرز بمقام پنڈی کرکٹ اسٹیڈیم راولپنڈی
پچیس نومبر: پی سی بی ڈائنامائٹس بمقابلہ پی سی بی چیلنجرز بمقام پنڈی کرکٹ اسٹیڈیم راولپنڈی
چھبیس نومبر: پی سی بی ڈائنامائٹس بمقابلہ پی سی بی بلاسٹرزبمقام پنڈی کرکٹ اسٹیڈیم راولپنڈی
اٹھائیس نومبر: پی سی بی چیلنجرز بمقابلہ پی سی بی بلاسٹرز بمقام پنڈی کرکٹ اسٹیڈیم راولپنڈی
انتیس نومبر: پی سی بی چیلنجرز بمقابلہ پی سی بی ڈائنامائٹس بمقام پنڈی کرکٹ اسٹیڈیم راولپنڈی
یکم دسمبر: فائنل بمقام پنڈی کرکٹ اسٹیڈیم راولپنڈی

اسکواڈز:
پی سی بی بلاسٹرز:
منیبہ علی (کپتان)،عائشہ نسیم،بسمہ معروف، کائنات حفیظ، ندا ڈار، فاطمہ ثناء، سیدہ عروب شاہ، سعدیہ اقبال، صبا ء نذیر،ایمن انور، وحیدہ اختر، صدف شمس، صائمہ ملک ، عاصمہ امین (وکٹ کیپر)۔
پی سی بی بلاسٹرز:
عالیہ ریاض (کپتان)، جویریہ خان، سدرہ امین، جویریہ ودود، حرینہ سجاد، نتالیہ پرویز،طوبہٰ حسن، انعم امین، سدرہ نواز (وکٹ کیپر)، حفصہ امجد، ماہم طارق، نورین یعقوب، خدیجہ چشتی اور انوشہ ناصر۔
پی سی بی ڈائنامائٹس:
رامین شمیم (کپتان)، ناہیدہ خان، عائشہ ظفر، عمیمہ سہیل، حفصہ خالد، ارم جاوید، کائنات امتیاز، سبحانہ طارق، نجیہ علوی ( وکٹ کیپر)، نشرا سندھو،امِ ہانی، سیدہ زہرہ فاطمہ، اآئمہ سلیم۔

میڈیا کے لیے گائیڈ لائنز:

• پی سی بی میڈیا کے معز ز نمائندگان کے لیے چائے،کافی اور پانی کا بندوبست کرے گا۔ علاوہ ازیں، معززمیڈیا نمائندگان کو اپنا کھانا اپنے ہمراہ لانے کی اجازت ہو گی۔
• اگر آپ میں کویڈ 19 کی علامات پائی جائیں تو براہ کرام میچ میں آنے سے گریز کریں۔
• اسٹیڈیم آمد پر تھرمل گن سے آپ کا بخارچیک کیا جائے گا۔
• براہ کرام سماجی فاصلے کو یقینی بناتے ہوئے چہرے پر ماسک کا استعمال لازم کریں۔
• میڈیا نمائید گان وینیو پر ایک جگہ اکھٹے ہونے سے مکمل پرہیز کریں۔
• میڈیا کے لیے مخصوص جگہوں پر ہینڈ سنٹائزر دستیاب ہونگے،علاوہ ازیں میڈیا نمائیدگان اپنے لیے ذاتی ہینڈ سنٹائزر لا سکتے۔
• میچ کے دنوں میں آفیشلز کی جانب سے مختلف اوقات میں بخار چیک کرسکتا ہے۔
• میڈیانمائندگان کو ہوٹل،ٹریننگ اور میچ وینیوز پر کھلاڑیوں کےون آن ون انٹرویوز کی اجازت نہیں ہوگی۔

ٹینس سٹار عالمی نمبر دو رافیل نڈال نے ایک اور معرکہ سر کر لیا

باغی ٹی وی : سپین کے بین الاقوامی شہرہ آفاق ٹینس سٹار اور عالمی نمبر دو رافیل نڈال اے ٹی پی فائنلز کے سیمی فائنل میں پہنچ گئے ہیں۔

ہسپانوی ٹینس سٹار نے 2019ء کے یونانی چیمپئن سٹیفانوس کو شکست دے کر ایونٹ کے ٹاپ فور مرحلے کے لئے کوالیفائی کیا۔ انگلینڈ میں جاری ایونٹ میں کھیلے گئے گروپ سٹیج میچ میں سپین کے رافیل نڈال اور یونان کے ٹینس سٹار سٹیفانوس کے درمیان زبردست مقابلہ دیکھنے میں آیا۔

رافیل نڈال نے سٹیفانوس کو پہلے سیٹ میں 4-6 سے شکست دی تاہم سٹیفانوس نے دوسرے سیٹ میں کم بیک کرتے ہوئے رافیل نڈال کو 4-6 سے شکست دی۔رافیل نڈال نے تیسرے سیٹ میں قدرے بہتر کھیل پیش کرتے ہوئے حریف یونانی کھلاڑی کو 2-6سے شکست دیکر ایونٹ کا سیمی فائنل مرحلہ کھیلنے کا اعزاز حاصل کرلیا۔ 20 گرینڈ سلام چیمپئن رافیل نڈال کا سیمی فائنل میں مقابلہ ہفتہ کو روسی ٹینس سٹار ڈینیئل مدویدوف سے ہوگا

بیس بال گراؤنڈ کرکٹ اسٹیڈیم میں تبدیل، ویسٹ انڈیز اور نیوزی لینڈ اے ٹیموں کے مابین اہم ٹاکرا

باغی ٹی وی : ویسٹ انڈیز اور نیوزی لینڈ اے ٹیموں کے مابین 3روزہ پریکٹس میچ آج 20 نومبر سے کوئنز ٹائون میں شروع ہورہا ہے،دورہ نیوزی لینڈ میں مہمان ٹیم کی یہ پہلی باقاعدہ سرگرمی ہے۔ٹیسٹ ٹیم 3دسمبر سے شروع ہونے والی سیریز سے قبل ایک اور پریکٹس میچ بھی کھیلے گی لیکن دونوں ممالک کے مابین ٹی 20 سیریز کاآغاز 27نومبر سےہوگا۔

لنکا پریمیئر لیگ سے ویسٹ انڈیز کے مایہ ناز کھلاڑی کر گیل باہر ہوگئے ہیں،انہوں نے اپنی ٹیم کینڈی کا آگاہ کردیا ہے،دوسری جانب میزبان ملک کے مشہور کھلاڑی اور ٹی 20 میں زیادہ وکٹ لینے والے لاستھ ملنگا نے بھی اپنا نام واپس لے لیا ہے،پاکستان سے ایک اسکواڈ کولمبو پہنچ چکا ہے۔

امریکامیں بیس بال کا گرائونڈ امریکی کرکٹ کاہوم ٹائون بننے جارہا ہے۔امریکی کرکٹ حکام نے اعلان کیا ہے کہ اس کی ٹی 20 فرنچائز لیگ کے پارٹنر امریکن کرکٹ انٹرپرائزز نے ایئر ہگس اسٹیڈیم کے لئے 15 سالہ لیز معاہدےپر دستخط کردیئے ہیں ، ڈیلاس میں واقع اسٹیڈیم میں 6ہزار تماشائیوں کی گنجائش موجود ہے۔

امریکی کرکٹ حکام مستقبل قریب میں آئی سی سی میں مستقل ممبر شپ کے حصول کے لئےکوشاں ہیں اور 2030تک دنیائے کرکٹ کا سپرپاور بننا چاہتے ہیں.کرک سین کےمطابق آسٹریلیا اور بھارت کے درمیان سیریز میں چار ٹیسٹ، تین ون ڈے اور تین ٹی 20 میچز کھیلے جائیں گے۔شیڈول کے مطابق سیریز کے پہلے دو ون ڈے میچز 27 اور 29 نومبر کو سڈنی میں ہوں گے جبکہ تیسرا ون ڈے 2 دسمبر کو کینبرا میں کھیلا جائے گا۔

اعلان کردہ شیڈول کے مطابق ٹی 20 میچز 4, 6 اور 8 دسمبر کو کھیلے جائیں گے۔

کامران اکمل کے فٹنس مسائل ، اہم ایونٹ سے محرومی کا باعث بن گئے

باغی ٹی وی : وکٹ کیپر کامران اکمل کے فٹنس مسائل تاحال جاری ہیں‌. کامران اکمل مکمل فٹ نہ ہوسکے . قائد اعظم ٹرافی کے چوتھے مرحلے کے میچ میں حصہ نہیں لیں گے

کامران اکمل پی ایس ایل کے میچ سے قبل ان فٹ ہوئے تھے .کامران اکمل کی جگہ وکٹ کیپر علی شان کو چوتھے مرحلے کا میچ کھلایا جائے گا.کامران اکمل کا سری لنکن لیگ سے بھی معاہدہ ہے

آئندہ ہفتے کامران اکمل کی سری لنکا روانگی متوقع ہے .سری لنکا جانے کی صورت میں کامران اکمل قائد اعظم ٹرافی کے بقیہ میچز میں حصہ نہیں لے سکیں گے.قائد اعظم ٹرافی کے چوتھے راونڈ میں کامران اکمل کی جگہ علی شان سینٹرل پنجاب کی نمائندگی کریں گے۔ چوتھے راؤنڈ میں بلوچستان اور نادرن کی ٹیمیں مدمقابل ہوں گی، سادرن پنجاب کا سامنا سندھ جبکہ سینٹرل پنجاب اور کے پی کے مدمقابل ہوں گی۔

واضح رہے کہ کامران اکمل پی ایس ایل میچز میں بھی پشاور زلمی کی نمائندگی نہیں کرسکے تھے