Category: کھیل

بھارت کی تنگ سوچ کھیل کے میدانوں میں بھی کم نہ ہوسکی

باغی ٹی وی :بھارت کی ہندوتو سوچ کھیل میں بھی نہ جاسکی.، بھارتی کرکٹ بورڈ نے پاکستان میں رواں سال ہونے والے ایشیا کپ میں شرکت سے صاف لفظوں میں انکار کردیا ہے۔

اس بات کا تذکرہ بھارتی اخبار ’ٹائمز آف انڈیا‘ نے بھارت کے ایشیا کپ کے لیے پاکستان نہ آنے کی خبر دی تھی۔پاکستان کو رواں سال ستمبر میں ایشیا کپ ٹی ٹوئنٹی ٹورنامنٹ کی میزبانی کرنا ہے جو کہ اکتوبر میں آسٹریلیا میں ہونے والے ورلڈکپ کی تیاریوں کے حوالے سے انتہائی اہمیت کا حامل ہے۔

بی سی سی آئی عہدیدار کا کہنا ہے کہ پاکستان کی میزبانی اور اس کے حقوق پر کوئی اعتراض نہیں، لیکن ایونٹ کا انعقاد کسی نیوٹرل وینیو پر ہونا چاہیے۔انہوں نے کہا کہ ہماری ٹیم پاکستان جا نہیں سکتی تاہم اے سی سی اے بھارت کے بغیر پاکستان میں ایشیا کپ کرانے کا فیصلہ کرتی ہے تو یہ الگ بات ہوگی۔

ان کا کہنا تھا کہ اگر بلو شرٹس نے شرکت کی تو ایونٹ کسی نیوٹرل وینیو پر ہی ہوگا، یہ آپشن پہلے بھی استعمال کیا جاچکا۔بی سی سی آئی عہدیدار کا کہنا تھا کہ ایشیا کپ 2018 میں بھارت نے اپنے میزبانی حقوق برقرار رکھے لیکن مقابلوں کا انعقاد یو اے ای میں کیا، اس میں پاکستان ٹیم نے بھی شرکت کی، اب بھی ایسا کیا جاسکتا ہے۔

پی ایس ایل کا گانا ریلیز کر دیا گیا ، ٹویٹر پر صارفین نے ناپسندیدگی کا اظہار کردیا

باغی ٹی وی :پی ایس ایل کا گانا ریلیز کردیا گیا ، یہ گانا ٹویٹر پر ٹاپ ٹرینڈ بھی بنا ہوا ہے ، شائقین کو یہ گانا زیادہ پسند نہیں آیا جس وجہ سے اس پر کھل کر تنقید کی جارہی ہے .گانے سسنے کے بعد جو پہلا تاثر ملتا ہے وہ کچھ اس طرح ہے کہ گانا گانے والے زور زور سے چلا رہے ہیں. گانے میں کوئی ترنم ، سوز اور میلوڈی نہیں ہے اور نہ ہی اس کے اشعار میں جان ہے . یہی وجہ صارفین نے اپنے اپنے کمنٹس میں اس گانے پر تنقید کی ہے . آیے دیکھتے ہیں کہ صارفین اس بارے کیا سوچتے ہیں.
پی ایس ایل فائیو کا ترانہ معروف راک گلوکار علی عظمت، فوک گلوکار عارف لوہار، پاپ سنگر ہارون اور عاصم اظہر نے گایا ہے۔ جس کے ہدایت کار معروف موسیقار ذوالفقار جبار خان اور کمال خان ہیں۔
ترانے کی ویڈیو میں قومی کرکٹ اسٹارز بابراعظم، حسن علی، رومان رئیس، سرفراز احمد، شان مسعود اور شاہین شاہ آفریدی جلوہ گرہیں۔ ترانے میں تمام صوبوں کی ثقافت اور کرکٹ جنون کی عکاسی کی گئی ہے۔

واضح رہے کہ گزشتہ سال پی ایس ایل کا آفیشل ترانہ گلوکار و اداکار فواد خان نے گایا تھا جس کے بول تھے ’’یہ کھیل دیوانوں کا‘‘ جسے بہت پسند کیا گیا تھا۔
آیے دیکھتے ہیں کہ صارفین اس بارے کیا سوچتے ہیں.
فضل مینگل لکھتےہیں کہ ، شاید یہ پی ایس ایل کی تاریخ کا برا ترین گانا ہے
https://twitter.com/FazalMengal17/status/1222214892759015426?s=20
ریحان نےطنزا لکھا کہ ایسا کر کے کتنا کما لیتے ہو .اور ساتھ تصویر شیئر کی .

For lyrics #TayyarHain #PSL2020 pic.twitter.com/wamyMPIEnJ

— Rehan imhra® (@rehanimhra) January 28, 2020

باسط صدیقی نے لکھا کہ یہ سننے کے بعد میرے یہ ری ایکشن ہیں

My Reaction After Listening PSL5 Song 😬 #TayyarHain #PSL2020 pic.twitter.com/BGX5v2kNub

— Basit Siddiqui (@Basit7893) January 28, 2020

شیخ شاہ زہب نے کمنٹ کرتےہوئے کہا کہ پی ایس ایل کا سونگ سننے کے بعد فینز کا یہ حال ہے نیچے رونے والے شخص کی تصویر لگا دی .

PSL fans after listening New Anthem #TayyarHain 😥 pic.twitter.com/8u47B6oh1M

— Sheikh M. Shahzaib ✪ (@ShahZaibTweets) January 28, 2020

محسن وحید نے لکھا کہ اس گانے کو سننے کے بعد قے آرہی ہے .

What a Shitttttt? Vomit aa rahi Song k bad. Bring back @AliZafarsays#TayyarHain #PSL2020

— Mohsin Wahid (@IamMohsinwahid) January 28, 2020

#PSLV
#PSL2020

ایم سی سی کے خلاف پاکستان شاہینز کی قیادت کون کرے گا؟ اعلان ہو گیا
باغی ٹی وی کی رپورٹ کے مطابق اے سی سی ایمرجنگ ٹیمز ایشیا کپ 2019 کی فاتح ٹیم کے کپتان سعود شکیل کو پاکستان شاہینز کا کپتان مقرر کردیا گیا ہے۔ 24 سالہ سعود شکیل مارلی بون کرکٹ کلب کے خلاف 50 اوورز پر مشتمل میچ میں پاکستان شاہینز کی قیادت کریں گے۔ ایم سی سی کی ٹیم 13 سے 19 فروری تک لاہور کا دورہ کرے گی تاہم دورے کے دوران شیڈول میچوں کی حتمی تاریخوں کا اعلان بعد میں کیا جائے گا۔

اے سی سی ایمرجنگ ٹیمز ایشیا کپ 2019 کے فائنل میں بنگلہ دیش کو 77 رنز سے شکست دینے والی قومی ایمرجنگ ٹیم کے اسکواڈ میں شامل11 کھلاڑیوں کو پاکستان شاہینز میں برقرار رکھا گیا ہے۔ایونٹ کا فائنل نومبر 2019 میں ڈھاکہ میں کھیلا گیا تھا۔ سعود شکیل کے علاوہ اسکواڈ میں شامل عاکف جاوید، حیدر علی، حسن محسن، عمران رفیق، محمد محسن، عمیر بن یوسف، روحیل نذیر، سیف بدر، ثمین گل اور عمر خان کو ایم سی سی کے خلاف اسکواڈ میں برقرار رکھا گیا ہے۔

ڈومیسٹک کرکٹ میں شاندار کارکردگی کا مظاہرہ کرنے والے ذیشان ملک کو ایم سی سی کے خلاف اعلان کردہ 12 رکنی اسکواڈ میں شامل کیا گیا ہے۔قائداعظم ٹرافی فرسٹ الیون ٹورنامنٹ میں 23سالہ ذیشان ملک نے 52 کی اوسط سے 780 رنز بنائے تھے۔

بنگلہ دیش کے خلاف ٹی ٹونٹی سیریز میں قومی سینئر اسکواڈ میں جگہ بنانے والےعماد بٹ، خوشدل شاہ اور محمد حسنین کو پاکستان شاہینز میں شامل نہیں کیا گیا۔ تینوں کھلاڑیوں کو اعلیٰ سطحی کرکٹ میں ترقی پانے کے باعث ایم سی سی کے خلاف اسکواڈ میں شامل نہیں کیا گیا۔

قومی ایمرجنگ ٹیم میں شامل اسپنر محمد اسد کو پاکستان شاہینز کا حصہ نہیں بنایا گیا۔

کوآرڈینٹر برائے سلیکشن کمیٹی ندیم خان کاکہنا ہےکہ پی سی بی نے ڈھاکہ میں شاندار کارکردگی کا مظاہرہ کرنے والے کھلاڑیوں کو اسکواڈ میں برقرار رکھنے کا فیصلہ کیا ہے۔انہوں نے کہا کہ اسکواڈ میں صرف ایک تبدیلی کی گئی ہے ، ڈومیسٹک کرکٹ میں عمدہ کارکردگی کا مظاہرہ کرنے والے ذیشان ملک کوایم سی سی کے خلاف اسکواڈ میں شامل کیا گیا ہے۔

چیف ایگزیکٹو پی سی بی وسیم خان نے کہاکہ ایم سی سی کرکٹ ٹیم کا 48 سال بعد پاکستان کا دورہ کرنا ایک خوش آئند عمل ہے۔انہوں نے کہا کہ مارلی بون کرکٹ کلب کے صدر اور نامور کرکٹر کمار سنگا کارا کا خود ٹیم کی قیادت کرنا اس دورے کی اہمیت کو اجاگر کرتا ہے۔

چیف ایگزیکٹو پی سی بی کا کہنا ہےکہ ایم سی سی کرکٹ ٹیم کا دورہ پاکستان، پی سی بی کی ملک میں بین الاقوامی کرکٹ کی سرگرمیوں کو برقرار رکھنے کی کاوش ہے۔انہوں نے کہا کہ حال ہی میں سری لنکا کرکٹ ٹیم کا پاکستان میں مکمل سیریز کھیلنا، ٹی ٹونٹی سیریز کھیل کر وطن واپس لوٹنے والی بنگلہ دیش کرکٹ ٹیم کی ٹیسٹ اور ایک روزہ میچ کے لیے پاکستان آمدپر رضامندی ظاہر کرنااور انٹرنیشنل کرکٹ کونسل سمیت کرکٹ آسٹریلیا، انگلینڈ اینڈ ویلز کرکٹ بورڈ اورکرکٹ آئرلینڈ کے اعلیٰ حکام کی پاکستان آمد، پاکستان کرکٹ بورڈ کی کوششوں کا منہ بولتا ثبوت ہے۔

پاکستان شاہینز:

سعودشکیل ،کپتان(سندھ)، عاکف جاوید (بلوچستان)، حیدر علی (ناردرن)، حسن محسن (سندھ)، عمران رفیق (سدرن پنجاب)، محمد محسن (خیبرپختونخوا)، عمیر بن یوسف (سندھ)، روحیل نذیر ،وکٹ کیپر(ناردرن)،سیف بدر (سدرن پنجاب)، ثمین گل (خیبرپختونخوا)، عمر خان (خیبرپختونخوا) اور ذیشان ملک (ناردرن)۔

اس موقع پر ناردرن کے ہیڈ کوچ محمد وسیم نے بھی ایم سی سی کے خلاف ٹی ٹونٹی میچ کے لیے 12 رکنی اسکواڈ کا اعلان کردیا ہے۔

ٹیم کی قیادت روحیل نذیر کریں گےجبکہ علی عمران، حیدر علی اور زید عالم کو اسکواڈ میں برقرار رکھاگیا ہے۔ چاروں کھلاڑی قومی ٹی ٹونٹی کپ میں ناردرن کے 15 رکنی اسکواڈ کا حصہ تھے۔ ایونٹ کے فائنل میں ناردرن نے بلوچستان کو 52 رنز سے شکست دی تھی۔

پی سی بی کی جانب سے منتخب کردہ اسکواڈز کے علاوہ ایم سی سی کرکٹ ٹیم لاہور قلندرز اور ملتان سلطانز کے خلاف 2ٹی ٹونٹی میچز بھی کھیلے گی۔ دونوں میچز ایچ بی ایل پی ایس ایل کے آغاز سے قبل لاہور قلندرز اور ملتان سلطانز کے لیے وارم اپ میچز کی حیثیت رکھتے ہیں۔ ایچ بی ایل پی ایس ایل میں شریک دیگر چاروں ٹیمیں اس دوران کراچی میں ایک دوسرے کےخلاف وارم اپ میچز کھیلنے میں مصروف ہوں گی۔

ناردرن:

روحیل نذیر، کپتان (وکٹ کیپر)،فیضان ریاض (نائب کپتان)، علی عمران، حیدر علی، مبشر خان (ناردرن انڈر19)، موسیٰ خان، نعمان علی، سرمد بھٹی، شہزاد اعظم، شیراز خان (ناردرن انڈر19)، زید عالم اور ذیشان ملک۔

لاہور: پیر کے روزپاکستان کرکٹ بورڈکی جانب سے فاسٹ باؤلر عمر گل کے اعزاز میں تقریب کا اہتمام کیا گیا۔ اس موقع پر چیئرمین پی سی بی احسان مانی نے فاسٹ باؤلرعمر گل کی خدمات کا اعتراف کرتے ہوئے انہیں اعزازی شیلڈ سے نوازا۔ تقریب کا اہتمام پاکستان اور بنگلہ دیش کے درمیان سیریز کے تیسرے اور آخری ٹی ٹونٹی میچ والے دن کیا گیا۔

عمر گل نےانگلینڈ میں کھیلے گئے آئی سی سی ٹی ٹونٹی ورلڈکپ 2009 میں نیوزی لینڈ کے خلاف 3 اوورز میں6 رنز کے عوض 5 کھلاڑیوں کو پویلین کی راہ دکھائی تھی جو کہ اس وقت ایک عالمی ریکارڈ تھا۔ عمر گل نے ایونٹ میں سب سے زیادہ 13 وکٹیں حاصل کی تھیں۔ میگا ایونٹ کے فائنل میں پاکستان نے سری لنکا کو 8وکٹوں سے شکست دی تھی۔

عمر گل کا یہ ورلڈریکارڈ اگست 2011 میں سری لنکا کے اجنتھا مینڈس نےاس وقت توڑا جب انہوں نے آسٹریلیا کے خلاف پالی کیلے میں 16 رنز کے عوض 6 وکٹیں حاصل کی تھیں۔ ٹی ٹونٹی کرکٹ میں فی الحال بہترین باؤلنگ کا ریکارڈ بھارت کے دیپک چہار کے پاس ہے۔انہوں نے بنگلہ دیش کے خلاف نومبر 2019 میں 7رنز دے کر 6 وکٹیں حاصل کررکھی ہیں۔

فاسٹ باؤلر عمر گل نے 2013 میں ایک بار پھر ٹی ٹونٹی کرکٹ کے ایک میچ میں 5 وکٹیں حاصل کی تھیں۔ انہوں نے سنچورین میں جنوبی افریقہ کے خلاف 6رنز کے عوض 5 کھلاڑیوں کو پویلین کی راہ دکھائی تھی۔

عمر گل:

عمر گل نے کہا کہ انہوں نے اپنے ٹی ٹونٹی انٹرنیشنل کرکٹ کیرئیر میں پاکستان کے لیے زیادہ سے زیادہ کامیابیاں سمیٹنے کی کوشش کی۔ انہوں نے کہا کہ انہیں پاکستان کی نمائندگی کرنے پر فخر ہیں۔

عمر گل نے کہا کہ وہ پاکستان کرکٹ بورڈ کے معترف ہیں جنہوں نےان کی خدمات کے اعتراف میں انہیں اعزاز سے نوازا ہے۔ فاسٹ باؤلر نے کہاکہ پاکستان کرکٹ بورڈ میں تبدیلی واضح ہے، یہاں ملک کی خدمت کرنے والے کرکٹرز کو نوازا جانا خوش آئندہ ہے۔ انہوں نے کہا کہ ان اقدامات سے نہ صرف کھلاڑیوں کی حوصلہ افزائی ہوتی ہے بلکہ نوجوانوں میں ملک کی خدمت کرنے کا جذبہ بڑھتا ہے۔

یاد رہےکہ اس سے پہلے پی سی بی اس سری لنکا کے خلاف راولپنڈی ٹیسٹ میں جاوید میانداداور کراچی ٹیسٹ میں سلیم یوسف اور راشد خان کو اعزاز سے نواز چکا ہے۔

لاہور:پاکستان میں کھیلوں کی بہارآ گئی ، کس کھیل کی میزبانی کرنے جارہا ہے پاکستان ، اہم خبرنے دل خوش کردیئے ،اطلاعات کے مطابق پاکستان میں کھیلوں کی بہار آگی ہے اورتازہ ترین اطلاعات کےمطابق پاکستان میں بنگلہ دیش کے بعد پی ایس ایل فائیو اور کبڈی ورلڈ کے بعد ایشن رگبی کی میزبانی بھی پاکستان کو مل گی

باغی ٹی وی کےمطابق اب ایشین رگبی یونین نے پاکستان رگبی یونین کو ایشیا رگبی مینز15 چیمپئن شپ 2020 ڈویژن ٹو کی میزبانی سونپ دی ہے ، یہ بھی معلوم ہوا ہےکہ یہ چیمپئن شپ فروری میں لاہور میں ہوگی، اطلاعات کےمطابق رگبی میچ 26 سے 29 فروری  تک لاہور میں کھیلے جائیں گے،صدر پاکستان رگبی یونین عارف سعید نے کہا ہےکہ ایشیا رگبی ایک بڑے ایونٹ کی میزبانی کرنا عزاز کی بات ہے،

باغی ٹی وی کےمطابق ایشیاء رگبی چیمپئن شپ میں چین، تھائی لینڈ، چائنز تائی پے اور پاکستان کی ٹیمیں شامل ہیں۔ ٹورنامنٹ کے شیڈول کے مطابق ٹیمیں 24 فروری کو لاہور پہنچیں گی۔ پہلا میچ 26 فروری کو تھائی لینڈ اور چین کے درمیان ہوگادوسرا میچ بھی 26 فروری کو پاکستان اور چائنیز تائی پے کے درمیان ہوگا

باغی ٹی وی کے مطابق 29 فروری کو پہلا میچ جیتنے والی ٹیموں کے درمیان جبکہ دوسرا میچ ہارنے والی ٹیموں کے درمیان ہوگا۔ ایونٹ جیتنے والی ٹیم ڈویژن ون میں کوالیفائی کرجائے گی۔ٹیم کیمپ ہر جمعہ، ہفتہ اور اتوار کو لاہور میں جبکہ 7، 8 ا ور نو فروری کو اسلام آباد  میں ہوگا۔

تیسرا ٹی 20 میچ، بارش جیت گئی، پاکستان کی کونسی پوزیشن؟
باغی ٹی وی کی رپورٹ کے مطابق بارش کے باعث پاک بنگلہ دیش ٹی 20سیریز کا تیسرا میچ منسوخ کر دیا گیا،پاکستان نے 2صفر سے سیریز اپنے نام کر لی،پاکستان کی ٹی 20میں نمبر ون پوزیشن برقرار ہے،

قذافی سٹیڈیم لاہور میں شیڈول تیسرے میچ کا ٹاس ڈیڑھ بجے اور میچ 2 بجے شروع ہونا تھا تاہم بارش کے باعث ٹاس بھی تاخیر کا شکار رہا اور پھر 4 بج کر 31 منٹ کو کٹ آف ٹائم قرار دیا گیا کہ اگر بارش رک گئی تو میچ ہو گا وگرنہ منسوخ قرار دیا جائے گا تاہم اب میچ کی منسوخی کا اعلان کر دیا گیا.

ٹی 20سیریز، پاکستان نے بنگلہ دیش سے دوسرا میچ بھی جیت لیا

ٹی 20 کپتان بابر اعظم بنگلہ دیش کے ساتھ سیریز میں وائٹ واش کے لیے پرامید

تیسرا میچ دیکھنے کے لئے بارش کے باوجود شائقین کی بڑی تعداد قذافی سٹیڈیم پہنچ چکی تھی. اس موقع پر سیکورٹی کے سخت انتظامات کئے گئے تھے،

میچ منسوخ ہونے پر پی سی بی نے اعلان کیا ہے کہ شائقین کو ٹکٹوں کے پیسے واپس کئے جائیں گے

بارش نے تیسرے ٹی 20 میچ کو تاخیر کا شکار کر دیا

باغی ٹی وی : لاہور آج پھر ٹی 20 معرکے کا میدان بنے گا، میچ کا ٹاس ڈیڑھ بجے ہونا تھا جو بارش کے سبب تاخیر کا شکار ہو گیا، بنگال ٹائیگرز کو آج کم بیک کا چیلنج درپیش ہے تو پاکستان کو نمبر ون کا، دونوں ٹیمیں آج بھرپور تیاری سے میدان میں‌ اتریں گی۔

قذافی اسٹیڈیم میں آج پھر چوکوں چھکوں کی برسات، تیسرے ٹی 20 میں پاکستان اور بنگلا دیش کی ٹیمیں ٹکرائیں گی، پاکستان ٹی ٹونٹی ریکنگ میں پہلی پوزیشن پر ہے جسے برقرار رکھنے کیلئے واحد آپشن کلین سویپ ہے۔ دوسری جانب بنگلا دیش 9ویں پوزیشن پر ہے، اگر بنگال ٹائیگرز آج کا میچ جیت جاتے ہیں تو پاکستان سے پہلی پوزیشن چھن جائے گی اور آسٹریلیا پہلی پوزیشن حاصل کر لے گا۔

دونوں ٹیموں کے درمیان اب تک 12 ٹی20 میچز کھیلے گئے ہیں۔ گرین شرٹس نے دس میچوں میں کامیابی حاصل کی جب کہ بنگلہ دیش کو صرف دو میچوں میں فتح نصیب ہوئی۔

ٹی 20 سیریز، میچ سے قبل بارش کی اننگز جاری

باغی ٹی وی کی رپورٹ کے مطابق پاکستان اور بنگلہ دیش کے مابین ٹی 20 سیریز کا تیسرا میچ آج لاہور میں ہونا ہے، تا ہم لاہور کا موسم خراب ہو چکا ہے، بارش کی وجہ سے ابھی تک کچھ نہیں کہا جا سکتا کہ میچ ہو پائے گا یا نہیں،قذافی اسٹیڈیم لاہورمیں پچ پر کور دے دیئے گئے

لاہور کے کچھ علاقوں میں بوندا باندی ہوئی ہے، جس کے بعد میچ کے ہونے یا نہ ہونے بارے ابھی تک کچھ نہیں کہا جا سکتا، موسم بہتر ہوا تو میچ ہو گا، پاکستان یہ سیریز جیت چکا ہے، سیریز کے دونوں میچ پاکستان نے جیتے ہیں، پاکستان کو سیریز میں پہلے ہی مہمان ٹیم پر 0-2 کی فیصلہ کن برتری حاصل ہے،پاکستان اوربنگلہ دیش کی ٹیمیں قذافی سٹیڈیم میں پہنچ چکی ہیں ،پاک بنگلہ دیش تیسرے ٹی 20 میچ کیلئے ٹاس ڈیڑھ بجے ہوگا۔

میچ شروع ہونے سے قبل ہی لاہور میں بونداباندی شروع ہو گئی،کیوریٹرز اورگراﺅنڈسٹاف نے پچ کو ڈھانپ دیا،بارش کے باعث پاک بنگلہ دیش تیسرا ٹی 20میچ متاثر ہونے کاخدشہ ہے،نشترسپورٹس کمپلیکس میں شائقین کرکٹ کی آمدکاسلسلہ بھی جاری ہے.

میچ پاکستان کے مقامی وقت کے مطابق 2 بجے شروع ہو گا،پاکستان کیلئے ٹی ٹونٹی رینکنگ میں پہلی پوزیشن برقرار رکھنے کیلئے میچ جیتنا ضروری ہے شکست کی صورت میں پاکستان پہلی پوزیشن سے محروم ہو جائے گا۔

ٹی 20سیریز، پاکستان نے بنگلہ دیش سے دوسرا میچ بھی جیت لیا

ٹی 20 کپتان بابر اعظم بنگلہ دیش کے ساتھ سیریز میں وائٹ واش کے لیے پرامید

قذافی اسٹیڈیم لاہورکے اندر اور باہر تمام تیاریاں مکمل کر لی گئیں،رینجرز اور ایلیٹ کے دستوں کی قذافی اسٹیڈیم لاہورکے اطراف گشت جاری ہے، سیکورٹی کے انتہائی سخت انتظامات کئے گئے ہیں،قذافی اسٹیڈیم کےچاروں اطراف علاقوں کی چیکنگ بھی کی جا رہی ہے.

شائقین کو شٹل بس سروس کے ذریعے اسٹیڈیم تک پہنچایا جائے گا،گاڑیوں کےلیے9 پارکنگ اسٹینڈز مختص کئے جائیں گے،ٹیم کی نقل و حرکت کے دوران شاہراہیں کچھ دیر بند کی جائیں گی،ٹیموں کی نقل وحرکت کے بعد تمام راستے کھول دیئے جائیں گے