پاکستانی کرکٹ ٹیم کے لیے آج کا دن بہت اہم ہے آج سے تین سال قبل 17 جولائی 2016 کو پاکستانی کرکٹ ٹیم نے کرکٹ کے گھر لارڈز میں انگلش شیروں کو 75 رنز سے شکست دی اور ٹیسٹ سیریز کے پہلے میچ میں کامیابی حاصل کی. اس کامیابی کا جشن پاکستانی پلئیرز نے نرالا انداز میں کیا. جیت کے بعد پاکستانی پلئیرز نے گراؤنڈ کے اندر پش اپس لگا کر کیا.
Category: کھیل
-
میری عامر خان سے کوئی لڑائی نہیں ہونے جارہی ،فلپانئی باکسر نے فائیٹ معاہدے کی تردید کردی
فلپائن :میری عامر خان سے کوئی لڑائی سعودی عرب میں نہیں ہو گی اور نہ ایسا کوئی معاہدہ ہوا ہے.فلپائنی باکسر مینی پاکیاؤ کی ٹیم نے پاکستانی نژاد برطانوی باکسر عامر خان کی جانب سے نومبر میں سعودی عرب میں مقابلے کے معاہدے کی تردید کر دی۔عامر خان نے برطانوی میڈیا کو بتایا تھا کہ مینی پاکیاؤ کے ساتھ مقابلے کا معاہدہ طے پا چکا ہے اور ان کی فائٹ 8 نومبر کو سعودی عرب کے دارالحکومت ریاض میں ہو گی۔
فلپائنی باکسر کے ترجمان فریڈ اسٹرن برگ نے کہا ہے کہ مینی پاکیاؤ کا عامر خان کے ساتھ فائٹ کا کوئی معاہدہ نہیں ہوا۔انہوں نے مزید کہا کہ جہاں تک مجھے علم ہے تو عامر خان کے ساتھ مقابلے کے معاملے پر کوئی بات بھی نہیں ہوئی۔خیال رہے کہ عامر خان نے چند روز قبل جدہ میں آسٹریلوی باکسر بلی ڈب کو چوتھے راؤنڈ میں ہی ناک آؤٹ کر کے 70 لاکھ پاؤنڈ کی انعامی رقم جیتی تھی۔
-
قومی کرکٹ ٹیم کے چیف سلیکٹر انضمام الحق نے عہدے سے استعفی دے دیا
قومی کرکٹ ٹیم کے چیف سلیکٹر انضمام الحق نے عہدے سے استعفی دے دیا
باغی ٹی وی رپورٹ کے مطابق قومی کرکٹ ٹیم کے چیف سلیکٹر انضمام الحق نے اپنے عہدے سے استعفی دے دیا چیف سلیکٹر قومی کرکٹ ٹیم انضمام الحق نے پریس کانفرنس کرتے ہوئے کہ انہوں نے کہا کہ مجھے اب نئے لوگوں کو موقع دینا چاہیے اب وہ دستبردار ہو رہے ہیں.
انضمام احق نے کہا ہے کہ میں بطور چیف سلیکٹر بہتر وقت گزارا. نئے لوگوں کو نئے آئیڈیاز کے ساتھ اپنے نئے تجربات سے خدمت کرنی چاہیے.ہماری ٹیم ورلڈ کپ میں اچھا کھلی. لیکن قسمت نے ساتھ نہیں دیا اورہماری رن ریٹ اچھی نہ رہی.
نہوں نے کہا مشکل وکٹیں ہونے کے باوجود ٹیم نے اچھی پرفارمنس دی، شعیب ملک کو گزشتہ 3 سال کی اچھی پرفارمنس پر منتخب کیا گیا تھا، 3 سال سے نوجوان کھلاڑیوں کو ٹیم میں موقع دیا، امام الحق نے بہترین پرفارمنس دی، اس کی پرفارمنس دیکھیں ذاتیات پر مت جائیں، امام الحق کے معاملے پر لوگوں نے بہت باتیں کیں، آسٹریلیا کیخلاف آسان میچ ہار جانے پر افسوس ہے، کھلاڑیوں سمیت کوچنگ سٹاف نے 100 فیصد کارکردگی دکھانے کی کوشش کی۔انضمام الحق کا کہنا تھا گزشتہ 3 سال میں ہمارے بہترین اوپنرز میں سے فخر زمان ہیں، کپتان کسے ہونا چاہیے کسے نہیں یہ میرا نہیں بورڈ کا کام ہے اس میں نہیں بولنا چاہتا، ٹیم میں موجود کھلاڑیوں کی اوسط عمر 23 سال ہے جو 10 سال تک ملک کی خدمت کرسکتے ہیں۔
یاد رہے انضمام الحق کو اپریل 2016 میں چیف سلیکٹر کے عہدے پر تعینات کیا گیا تھا۔ اسی سال اگست میں انضمام الحق کی منتخب کردہ قومی کرکٹ ٹیم آئی سی سی ٹیسٹ رینکنگ میں پہلی پوزیشن پر آئی تھی۔ اس کیساتھ ساتھ آئی سی سی چیمپئنز ٹرافی 2017 کی فاتح ٹیم کا انتخاب بھی انضمام الحق نے کیا تھا۔ قومی ٹی ٹونٹی ٹیم نومبر 2017 میں آئی سی سی رینکنگ میں پہلی پوزیشن پر آئی جبکہ انضمام الحق کی منتخب کردہ قومی کرکٹ ٹیم جنوری 2018 سے ٹی ٹونٹی رینکنگ میں پہلی پوزیشن پر برا جمان ہے۔
بطور چیف سلیکٹر انضمام الحق کی آخری اسائنمنٹ آئی سی سی کرکٹ ورلڈکپ 2019 کیلئے قومی کرکٹ ٹیم کا انتخاب کرنا تھا۔ قومی کرکٹ ٹیم ورلڈکپ 2019 میں نیٹ رن ریٹ کی بنیاد پر سیمی فائنل میں جگہ نہیں بنا سکی تھی۔ یہاں یہ بات قابل ذکر ہے کہ جب قومی ٹیم نے ورلڈکپ 2019 میں اپنے سفر کا آغاز کیا تو وہ ورلڈ رینکنگ میں ساتویں نمبر پر تھی۔ سرفراز احمد کی قیادت میں قومی کرکٹ ٹیم ایونٹ میں پانچ میچوں میں فتح، تین میں شکست اور ایک میچ ڈرا کرنے کے باعث 11 پوائنٹس حاصل کرنے کے باوجود نیٹ رن ریٹ کی بنیاد پر ایونٹ کے سیمی فائنل کیلئے کوالیفائی کرنے میں ناکام رہی تھی۔
-
ورلڈ کپ 2019 میںکیا کھویا کیا پایا ،آئندہ کونسی کرکٹ کا دور ہے ؟ آئی سی سی چیف ایگزیکٹیو نے دبئی میںاجلاس طلب کرلیا
دبئی: .پرائیویٹ ٹی ٹوئنٹی لیگ کےلیے این اوسی ،انٹرنیشنل کرکٹ اورٹی ٹوئنٹی لیگ اور گلے ورلڈ کپ کے لیے کیا لائحہ عمل اپنانا ہوگا اس سلسلے میں آئی سی سی چیف نے آج دوبئی میںاہم فیصلے کرنے کے لیے کرکٹ ٹیموں کے نمائندوں کو آج دوبئی طلب کر لیا ہے. اس سلسلے میں کانفرنس شروع ہوگئی ہے۔ پرائیویٹ ٹی ٹوئنٹی لیگ کےلیے این اوسی اورانٹرنیشنل کرکٹ اورٹی ٹوئنٹی لیگ میں توازن پربھی بحث ہوگی۔
ذرائع کے مطابق اس اجلاس میں حکومتی مداخلت کے بعد زمبابوے کرکٹ کی اسکروٹنی کی جائے گی۔آئی سی سی آئین کے مطابق تمام ممبرممالک کی باڈیز خودمختارہوتی ہیں جن کے امور میں حکومتی مداخلت قابل قبول نہیں لیکن زمبابوے گورنمنٹ نے زمبابوے کرکٹ کومعطل کردیا۔زمبابوے پرپابندی لگائے جانے کاامکان ہے۔جسے ختم کرانے کے لیے آئی سی سی کی جانب سے مطالبات پیش کیے جائیں گے۔جس میں پاکستان کی نمائندگی ایم ڈی وسیم خان کررہے ہیں۔
کرکٹ ذرائع کے مطابق اس کانفرنس میںورکنگ گروپ میں ڈومیسٹک ٹی ٹوئنٹی لیگ کی بڑھتی ہوئی تعداد اورانٹرنیشنل کرکٹ کے ساتھ اس کاتوازن برقرار رکھنے پر مختلف تجاویزپرغورجاری ہے۔جن پلیئرز کااپنے بورڈ سے معاہدہ نہیں ہے ان کےمتعلقہ بورڈ سے این اوسی کے طریقہ کار پربھی بات چیت ہوگی۔ جس کی بھارت کی جانب سے مخالفت کاامکان ہے۔
-
ورلڈ کپ میں ناقص کارکردگی، پی سی بی کا اجلاس طلب،ہو گی مستقبل کی منصوبہ بندی
کرکٹ ورلڈ کپ میں پاکستان کی کرکٹ ٹیم کی ناقص کارکردگی پر پاکستان کرکٹ کے مستقبل کی منصوبہ بندی تیار کر لی گئی
پاکستان کرکٹ ٹیم مینجمنٹ میں بڑی تبدیلیاں متوقع
باغی ٹی وی کی رپورٹ کے مطابق کرکٹ ورلڈ کپ میں شکست کے بعد پاکستان کرکٹ ٹیم کے کوچ مکی آرتھر 27 جولائی کو پاکستان پہنچیں گے وہ پاکستان کرکٹ بورڈ کے حکام کو ٹیم کی ناقص کارکردگی کے بارے میں آگاہ کریں گے، مکی آ رتھر کرکٹ کمیٹی کو اپنے مستقبل کی پلاننگ کے حوالے سے بریفنگ بھی دیں گے ۔
پاکستان کرکٹ بورڈ کی کرکٹ کمیٹی کا اجلاس 27 جولائی سے شروع ہو گا جو 29 جولائی تک جاری رہے گا.کرکٹ کمیٹی کے رکن وسیم اکرم سکائپ پر اجلاس میں شرکت کریں گے ۔ کرکٹ کمیٹی کے رکن مصباح الحق کی دستیابی کے بعد اجلاس کی حتمی تاریخ کا اعلان کیا جائے گا ۔
کرکٹ کمیٹی مستقبل کی حکمت عملی کے حوالے سے اپنی تجاویز چئیرمین پی سی بی کو بھجوائے گی ۔کرکٹ کمیٹی اجلاس کے بعد بورڈ کی طرف سے نئے کوچنگ سٹاف کی تعیناتی کے لئے اشتہار دیا جائے گا .
واضح رہے کہ پاکستان کرکٹ ٹیم ورلڈ کپ میں پانچ میچ جیتی تھی ،پاکستان کی ٹیم سیمی فائنل تک بھی نہیں پہنچ سکی تھی، پاکستان کی ٹیم نے تین میچ ہارے تھے جبکہ ایک بارش کی زد ہو گیا تھا.
-
پاکستان میں بین الاقوامی کرکٹ کی واپسی،پی سی بی نے کوششیں تیز کردیں
لاہور:پاکستان میں بین الاقوامی کرکٹ کی واپسی کے لیے پاکستان کرکٹ بورڈنے کوششیں شروع کردیں ہیں،اس سلسلے میں پی سی بی نے سری لنکن بورڈ کو اپنا سکیورٹی وفد پاکستان بھجوانے کی دعوت دے دی۔
پاکستان کرکٹ بورڈ ذرائع کے مطابق پاکستان اور سری لنکا کے درمیان ستمبر اکتوبر میں دو ٹیسٹ میچز کی سیریز شیڈول ہے، سری لنکن بورڈ ایک ٹیسٹ میچ پاکستان میں کھیلنے پر تیار ہے تاہم پی سی بی سیریز کے دونوں ٹیسٹ میچ پاکستان میں کرانے کا خواہش مند ہے۔ ذرائع کے مطابق پاکستان کرکٹ بورڈ سری لنکن ٹیم کے ساتھ ٹیسٹ پاکستان میں کھیلنے کا خواہش مند ہے۔
دوسری طرف پاکستان کرکٹ بورڈ کا کہنا ہے کہ اب ملک میں سکیورٹی کی صورت حال یکسر مختلف ہے لہذا سری لنکن بورڈ اپنا سکیورٹی وفد پاکستان بھیج کر صورت حال کا جائزہ لے سکتا ہے۔یا درہےکہ اگر پاکستان اور سری لنکا کے درمیان ستمبر میں شیڈول ٹیسٹ سیریز کا ایک میچ لاہور میں کھیلا گیا تو پاکستان میں ٹیسٹ کرکٹ کی 10 سال بعد واپسی ہوگی۔
-
استعفیٰ یا انکشافات،چیف سلیکٹر انضمام الحق کل پریس کانفرنس میں اعلان کریں گے
لاہور:پاکستانی کرکٹ ٹیم کی خراب کارکردگی کی وجہ سے کھلاڑیوں کے ساتھ ساتھ کوچ اور سلیکٹرز پر تنقید نے کرکٹ میں نئی تبدیلیوں کی طرف اشارہ کردیا ہے. اس سلسلے میں کل چیف سلیکٹر انضمام الحق ایک اہم پریس کانفرنس کرنے جارہے ہیں .اس میں کیا اعلان کریں گےوقت ہی بتائے گا.
ذرائع کے مطابق ورلڈکپ کرکٹ ٹورنامنٹ میں پاکستانی ٹیم کے ساتھ سلیکشن معاملات پر شریک رہنے اور پھر نجی دورے پر چیریٹی کیلئے فنڈز جمع کرنے والے چیف سلیکٹر انضمام الحق لاہور پہنچ گئے ہیں۔
پی سی بی نے اعلان کیا ہے کہ بدھ کو دوپہر ڈھائی بجے انضمام الحق لاہور میں پریس کانفرنس کریں گے، اگر وہ خود استعفی دیتے ہیں تو ورلڈ کپ کے بعد وہ پاکستانی ٹیم انتظامیہ میں عہدہ چھوڑنے والے پہلے اہم اور طاقتور شخص ہوں گے۔
یاد رہے کہ ورلڈکپ کے ساتھ ہی قومی سلیکشن کمیٹی کے عہدے کی معیاد ختم ہوگئی ہے جبکہ پی سی بی نئی سلیکشن کمیٹی کیلئے نئے لوگوں کا تقرر کرنا چاہتا ہے۔طلعت علی، گرانٹ فلاور، اظہر محمود اور انضمام الحق کو فارغ کیے جانے کا امکان ہے.
اس کے علاوہ 29 جولائی کو پی سی بی کرکٹ کمیٹی کے اجلاس سے قبل انضمام الحق اپنی پریس کانفرنس میں شکست کے اسباب پر بات کریں گے اور اپنے مستقبل کے بارے میں اعلان کریں گے۔
-
بھارت :ورلڈکپ میں ناکامی، کوہلی کی کپتانی دیگر کھلاڑیوں کے کیئریر کو خطرہ
نئی دہلی:ورلڈ کپ کے سیمی فائنل میں شکست نے کئی بھارتی کھلاڑیوں کو شکست خوردہ کردیا اوردوسری طرف بھارتی کرکٹ بورڈ بھی غم میں ڈوبا ہوا ہے .اس ناکامی پر پردہ ڈالنے کے لیے ورلڈکپ میں ناکامی پربھارتی کرکٹ بورڈ نے پورے کوچنگ اسٹاف کوفارغ کرنے کا فیصلہ کرلیا، نئے کوچز کی تلاش کیلئے اشتہاربھی دے دیا گیا، ایک روزہ کرکٹ میں ویرات کوہلی کی جگہ روہت شرما کو کپتانی دینے پربھی غورجاری ہے۔
بھارتی میڈیا کا کہنا ہے کہ بورڈ مستقبل میں بہتر نتائج کیلئے ویرات کوہلی کو ٹیسٹ اورٹی ٹوئنٹی کی کپتانی تک محدود رکھنا چاہتے ہیں تاکہ ان پربوجھ کوکم کیا جاسکے۔یہ بھی معلوم ہوا ہے کہ کوہلی کے علاوہ اور بھی بہت سے کھلاڑیوں کے کیئریر کو خطرہ ہے.
-
ورلڈ کپ جیتنے پر بین اسٹوکس کو انگلینڈ کا اعلیٰ ترین اعزاز ‘نائٹ ہُڈ’ دیا جائے گا
لندن :برطانوی کرکٹ ٹیم کے کپتان کو ورلڈ کپ جیتنے پر برطانیہ کا اعلیٰ ترین ایوارڈ دینے کا اعلان ،تفصیلات کے مطابق ورلڈ چیمپیئن بنوانے میں اہم کردار اد کرنے والے آل راؤنڈر بین اسٹوکس کو انگلینڈ کے اعلیٰ ترین اعزاز ترین اعزازات میں سے ‘نائٹ ہڈ’ سے نوازا جائے گا۔
ورلڈ کپ کے فائنل میچ میںلارڈز کے تاریخی میدان پر کھیلے گئے ورلڈ کپ فائنل میں بین اسٹوکس کی چار وکٹیں جلد گرنے کے بعد ناقابل شکست 84رنز کی اننگز کھیلنے کے ساتھ ساتھ جوز بٹلر کے ہمراہ اہم شراکت قائم کی جس کی بدولت انگلینڈ کی ٹیم کی میچ میں واپسی ہوئی۔
یاد رہے کہ انگلینڈ اور نیوزی لینڈ کے درمیان یہ فائنل میچ ٹائی ہوا اور پھر سپر اوور میں بھی میچ ٹائی ہونے پر انگلینڈ کو میچ میں زیادہ باؤنڈریز مارنے کی بنیاد پر ورلڈ چیمپیئن قرار دیا گیا۔بین اسٹوکس کو ان کی شاندار کارکردگی پر میچ کا بہترین کھلاڑی قرار دیا گیا اور اب انہیں انگلینڈ کے اہم ترین اعزازات میں سے ایک ‘نائٹ ہڈ’ سے نوازا جائے گا۔
برطانوی وزیر اعظم تھریسامے کی جگہ انگلینڈ کے نئے وزیر اعظم بننے کی ریس میں شامل جانسن اور ہنٹ دونوں سے جب پوچھا گیا کہ کیا اسٹوکس کو ‘نائٹ ہُڈ’ دیا جائے گا تو انہوں نے اس کی تصدیق کی۔
یاد رہے کہ یہ اعزاز کسی بھی فرد کو اس کی برطانیہ کے لیے شاندار خدمات پر بادشاہ یا ملکہ برطانیہ کی طرف سے دیا جاتا ہے اور جس شخص کو یہ اعزاز دیا جاتا ہے وہ اپنے نام کے ساتھ ‘سر’ لگا سکتا ہے۔
بین اسٹوکس وصول کرنے والے انگلینڈ کے 12ویں اور مجموعی طور پر 23ویں کرکٹر ہوں گے۔اس سے قبل سابق عظیم انگلش اوپننگ بلے باز ایلسٹر کُک وہ آخری کھلاڑی تھے جنہیں یہ اعزاز دیا گیا تھا۔
-
باغی پول میں بھی اکثریت نے انگلینڈ کو فاتح قرار دیا
باغی پول کے اندر اپنی رائے پیش کرنے والوں کی اکثریت نے انگلینڈ کو فاتح قرار دیا تھا.
باغی ٹی وی رپورٹ کے مطابق باغی پول کی اکژیت نے اپنی رائے میں انگلینڈ کو فاتح قرار دیا تھا .تقریبا53 فیصد نے انگلینڈ کی فاتح قرار دیا تھا جبکہ 43 فیصد نے نیوزی لینڈ کو فاتح قرار دیا.
واضح رہے کہ اس دفعہ کا ورلڈ کپ فائنل میچ انتہائی سنسنی خیز ہوا تھا جس میں آخر کار انگلینڈ ٹائٹل جیت کر چیمپئن بن گیا اور کرکٹ کی تاریخ میں پہلی دفعہ اس نے یہ اعزاز حاصل کیا ہے