Category: کھیل

کولمبو :بھارت کو پاکستان کے ہاتھوں ایک اور شکست، پاکستان روایتی حریف بھارت کو شکست دیکر ویسٹ ایشیا بیس بال کپ 2019 کے فائنل میں پہنچ گیا۔

کولمبو میں کھیلے جانے والے ویسٹ ایشیا بیس بال کپ 2019 میں پاکستان کی فتوحات کا سلسلہ جاری ہے۔ قومی ٹیم نے پہلے سیمی فائنل میں بھارت کو 11 اسکور سے دھول چٹائی۔

کولمبو سے ذرائع کے مطابق پاکستان بیس بال ٹیم نے پہلے کھیلتے ہوئے 13 رنز بنائے۔ جواب میں بھارتی ٹیم صرف 2 رنر ہی بنا سکی ۔دوسرے سیمی فائنل میں دفاعی چیمپئن سری لنکا کا مقابلہ ایران سے ہو گا۔

لاہور:کرکٹ کے بعد پاکستان کے قومی کھیل ہاکی میں بڑے پیمانے پر تبدیلیاں ، سابق کپتان منظور جونیئر کو قومی ہاکی ٹیم کا چیف سلیکٹر بنانے کافیصلہ کیاگیا ہے اور اس حوالےسے باقاعدہ اعلان جلد متوقع ہے۔پاکستان ہاکی میں‌تبدیلیوں کے حوالے سے کئی روز سے بحث جاری تھی .

پاکستان ہاکی ٹیم مینجمنٹ ذرائع کے مطابق پاکستان ہاکی فیڈریشن حکام نے اولمپک کوالیفائنگ راونڈ کو سامنے رکھتے ہوئے ازسرنوسلیکشن کمیٹی اور ٹیم انتظامیہ کی تقرریوں پر اتفاق کیا ہے، جس کے پہلے مرحلے میں سلیکشن کمیٹی ارکان کو فائنل کیا جائے گا اور اس کی سربراہی 1982 لاس اینجلس اولمپکس کے گولڈ میڈلسٹ منظور جونیئر کو سونپی جارہی ہے۔ وسیم فیروز، خالد حمید اور ذیشان اشرف کو سلیکشن کے معاملات میں شامل کیے جانے کا امکان ہے۔

نئی سلیکشن کمیٹی اگلے ہفتے کراچی میں شیڈول نیشنل ہاکی چیمپئن شپ کے میچوں میں کھلاڑیوں کی کارکردگی کا جائزہ لے گی، ان کے ذمے ستمبر اکتوبر میں شیڈول اولمپکس کوالیفائنگ راونڈ کے لیے ٹیم کی تشکیل ہوگی۔یاد رہے کہ دنیائے ہاکی پر حکومت کرنے والا پاکستان آج اپنے قومی کھیل میں‌بہت پیچھے ہے اور کافی عرصے سے کوئی اہم ٹائٹل جیتنے میں‌ناکا رہاہے.

لاہور:پاکستان کرکٹ ٹیم کے 5 کھلاڑیوں کو این او سی جاری ،تفصیلات کے مطابق قومی ٹیم کے 5 کھلاڑیوں کو گلوبل ٹی ٹوئنٹی کینیڈا ٹورنامنٹ کے لیے این او سی جاری کردیے گئے ہیں۔ ان کرکٹرز میں شعیب ملک، محمد حفیظ، وہاب ریاض، شاداب خان، اورعمر اکمل شامل ہیں۔ اوپنر فخر زمان نے بھی این اوسی کے لیے درخواست دی تھی تاہم ان کا کیس بعد میں دیکھاجائے گا۔

پاکستان کرکٹ ٹیم ذرائع کے مطابق ٹی ٹوئنٹی فارمیٹ کی یہ لیگ 25 جولائی سے انٹاریو میں کھیلی جارہی ہے جس کا فائنل 11 اگست کو شیڈول ہے، اس لیگ میں سابق کپتان شاہد آفریدی بھی شرکت کررہے ہیں جن کو پی سی بی کی جانب سے این اوسی کی ضرورت نہیں۔

پی سی بی ذرائع کے مطابق دوسری لیگز میں قومی کرکٹرز شریک ہوسکیں گے یا نہیں، اس کا فیصلہ بھی بعد میں کیاجائے گا، فی الحال کینیڈا لیگ کے لیے جن کھلاڑیوں نے معاہدے کیے ہیں ان کو کھیلنے کی باقاعدہ اجازت دے دی گئی ہے۔

نئی دہلی:بھارتی سپر سٹار کرکٹرمہندر سنگھ دھونی سے متعلق بہت سی قیاس آرائیاں ہونے لگیں.کوئی ریٹائرمنٹ کا دعویٰ‌کررہا ہے تو کوئی دھونی کے دورہ ویسٹ انڈیز پر تبصرہ کرتے ہوئے کہ رہا ہےکہ دھونی شاید اب انٹر نیشنل کرکٹ سے راہیں جدا کرلیں.

بہر کیف فی الحال دھونی کی طرف سے ابھی تک کوئی واضع لائحہ عمل سامنے نہیں‌آیا .صرف یہ معلوم ہوسکا ہے کہ دھونی نے ویسٹ انڈیز جانے سے معذرت کرلی ہےِ دوسری طرف ویسٹ انڈیز کے دورے کے لئے ہندوستانی ٹیم کا اعلان جمعہ کو کیا جائے گا، جس میں زیادہ تر نوجوان کھلاڑیوں کو موقع دیا جائے گا۔پہلے اس طرح کی بحث تھی کہ دھونی 15 رکنی ٹیم کا حصہ ہو سکتے ہیں، لیکن اب دھونی نے ویسٹ انڈیز کے دورے کے لئے خود کو الگ کرلیا ہے،

دھونی کے حوالے سے بعض ذرائع دعویٰ کررہے ہیں کہ وہ ویسٹ انڈیز کے دورے پر نہیں جائیں گے۔ یہ بھی واضح ہو گیا ہے کہ دھونی اب ہندوستان یا بیرون ملک میں کہیں بھی ٹیم کے ساتھ اولین ترجیح کے ساتھ وکٹ کیپر کے طور پر دورہ نہیں کریں گے۔اب سے رشبھ پنت ٹیم کے پہلے وکٹ کیپر ہوں گے

لندن: جنہیں محبت ہو وطن سے تو پھر وہ صدمات کو اپنے اوپر مسلط نہیں‌ہونے دیتے ایسی ہی مثال بن کر رہ گئے ہیں‌ انگلش ٹیم کے فاسٹ باؤلر جوفرا آرچرجس نے بھائی کا قتل ہونے کے باوجود ہمت نہ ہاری اور اپنی ٹیم کو عالمی کپ کا چیمپئن بنا ڈالا۔ میڈیا رپورٹ کے مطابق جس روز انگلینڈ نے ورلڈکپ 2019 میں اپنا پہلا میچ کھیلا اُسی روز آرچر کے بھائی بلیک مین کو گھر کے باہر نامعلوم افراد گولی مار کرچلے گئے تھے۔

برطانوی میڈیا کے مطابق 24 سالہ ایشنٹیو بلیک مین کو بارباڈوس میں گھر کے باہر قتل کیا گیا البتہ اہل خانہ نے آرچر کو بھائی کے قتل کی اطلاع میچ کے بعد دی تاکہ اُن کی میچ میں کارکردگی متاثر نہ ہو۔آرچر بھائی کے قتل کی خبر سننے کے بعد صدمے میں چلے گئے تھے البتہ اُن کے والد فرینک نے حوصلہ دیا اور کہا کہ یہ موقع انہیں زندگی میں دوبارہ میسر نہیں ہوگا لہذا اپنے دکھ اور کرب کی حالت سے باہر نکل کر ایونٹ پر دھیان دیں۔

میڈیا سے گفتگو کرتے ہوئے اس نے بتایا کہ ’’ایشنٹیو اور آرچر ہم عمر تھے اور دونوں ایک دوسرے کے اچھے دوست بھی تھے، جوفرا کو جب اس واقعے کی اطلاع ملی تو وہ ٹوٹ گیا تھا البتہ ٹیم مینیجمنٹ اورساتھی کھلاڑیوں نے اُس کی ہمت بڑھائی‘‘۔

یاد رہے کہ 14 جولائی کو لندن کے تاریخی گراؤنڈ لارڈز میں انگلینڈ اور نیوزی لینڈ کے درمیان فائنل کھیلا گیا، سنسنی خیز میچ میں سپر اوور ہوا جس میں اسکور برابر ہوا البتہ آئی سی سی قانون کے تحت زیادہ باؤنڈریز لگانے پر انگلینڈ کو فاتح قرار دیا گیا۔

Co